មន្ត្រីអះអាងថាកម្ពុជាបញ្ឈប់ការសាងសង់ទំនប់វារីអគ្គិសនីថ្មីតាមដងទន្លេមេគង្គ

ដោយ៖ សុធារី

ភ្នំពេញ៖ កម្ពុជាបានសម្រេចបញ្ឈប់ការកសាងរោងចក្រអគ្គិសនីដុតធ្យូងថ្មថ្មី និងបញ្ឈប់ការសាងសង់ទំនប់វារីអគ្គិសនីថ្មីតាមដងទន្លេមេគង្គទៀតហើយ ដើម្បីចូលរួមចំណែកដល់ការដោះស្រាយការប្រែប្រួលអាកាសធាតុ។ នេះបើតាមការអះអាងរបស់លោក ខៀវ មុត អនុប្រធានគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត នៃព្រឹទ្ធសភា។

ការបញ្ជាក់ពីជំហររបស់កម្ពុជានេះ ធ្វើឡើងក្នុងឱកាសលោកចូលរួមកិច្ចប្រជុំស្តីពីការឆ្លើយតបទៅនឹងការប្រែប្រួលអាកាសធាតុសម្រាប់ការអភិវឌ្ឍប្រកបដោយចីរភាព ក្នុងក្របខ័ណ្ឌតំបន់អាស៊ី-ប៉ាស៊ីហ្វិក នៃវេទិកាសភាអាស៊ី-ប៉ាស៊ីហ្វិក លើកទី២៩ តាមប្រព័ន្ធនិម្មិត ដែលភ្ជាប់ពីវិមានរដ្ឋសភាកម្ពុជា ទៅកាន់រដ្ឋធានីសេអ៊ូលនៃសាធារណរដ្ឋកូរ៉េ នៅថ្ងៃទី១៥ ខែធ្នូនេះ។

លោកបានបន្តថា កម្ពុជាបានចូលរួមចំណែកដល់ការដោះស្រាយការប្រែប្រួលអាកាសធាតុ តាមរយៈបានបង្កើនថវិកាប្រយុទ្ធប្រឆាំងការប្រែប្រួលអាកាសធាតុបីដងច្រើនជាងមុន ក្នុងរយៈពេល៥ឆ្នាំចុងក្រោយនេះ ដែលបច្ចុប្បន្នស្មើនឹង២ភាគរយ នៃផលិតផលសរុបក្នុងស្រុក ហៅកាត់ ផ.ស.ស និងបានដាក់ដំណើរការការប្រើប្រាស់ថាមពលដោយពន្លឺព្រះអាទិត្យទំហំជាង៤០០មេហ្កាវ៉ាត់ ដែលស្មើនឹង១៥ភាគរយ នៃថាមពលសរុប។

លោកបញ្ជាក់ថា ត្រឹមឆ្នាំ២០៣០ កម្ពុជាប្តេជ្ញាកាត់បន្ថយឧស្ម័នផ្ទះកញ្ចក់ប្រមាណ៤២ភាគរយ ដូចដែលបានកំណត់នៅក្នុងរបាយការណ៍បច្ចុប្បន្នភាព នៃការចូលរួមចំណែករបស់កម្ពុជាដើម្បីអនុវត្ដអនុសញ្ញាក្របខ័ណ្ឌសហប្រជាជាតិស្ដីពីការប្រែប្រួអាកាសធាតុ។ លើសពីនេះ “យុទ្ធសាស្រ្តអភិវឌ្ឍន៍រយៈពេលវែងប្រកបដោយអព្យាក្រឹតកាបូន” ក៏កំពុងត្រូវបានកសាងឡើង ដើម្បីលើកកម្ពស់សកម្មភាពដែលអាចសម្រេចបានកាបូនទាប ធន់នឹងអាកាសធាតុ និងកំណើនប្រកបដោយបរិយាប័ន្ន។

រាជរដ្ឋាភិបាលកម្ពុជាបានប្តេជ្ញាចិត្ត ក្នុងការដោះស្រាយការប្រែប្រួលអាកាសធាតុតាមរយៈ ទី១. បានដាក់ឱ្យដំណើរការថាមពលពន្លឺព្រះអាទិត្យ ដែលមានទំហំជាង៤០០មេហ្កាវ៉ាត់ ដែលតំណាងឱ្យ១៥ភាគរយ នៃប្រភពថាមពលរបស់ប្រទេសកម្ពុជា ទី២. មិនបង្កើតរោងចក្រថាមពលធ្យូងថ្មថ្មី ទី៣. មិនសាងសង់ទំនប់វារីអគ្គិសនីនៅតាមដងទន្លេមេគង្គ និងទី៤. កាត់បន្ថយការបាត់បង់ព្រៃឈើត្រឹមពាក់កណ្តាលឆ្នាំ២០៣០ និងមិនមានការបញ្ចេញឧស្ម័នពីព្រៃឈើត្រឹមឆ្នាំ២០៤០៕

Cambodia’s Economy To Grow Around 3 Percent This Year

by: Sotheary

Phnom Penh: Samdech Techo Hun Sen, Prime Minister of the Kingdom of Cambodia, said optimistically that the national economic growth this year would be around 3 percent.

At the inauguration ceremony of Hyatt Regency Phnom Penh Hotel here this morning, Samdech Techo Hun Sen said the national income before the COVID-19 outbreak is about US$700 million per month, but the figure dropped to some US$400 million during the pandemic. However, after the resumption of social and economic activities, the state’s income seems to be on positive trend.

“I think our economic growth will be around 2.9 percent, 3 percent or more than 3 percent, I could say around 3 percent,” he said.

“In the state budget law, this year’s economic growth has been forecasted at 2.4 percent, but with the positive trend at the end of 2021, our economic growth would be around 3 percent,“ he underlined.

Samdech stated that this increase is due to the increase in domestic demand, resulting in an increase in imports, the customs revenue has increased.

Regarding the impact of Covid 19, Samdech said that the real impact is on tourism, while industry and agriculture are not affected. Currently, the factories are working hard all night to meet the demand for orders on time.

Samdech Techo Hun Sen encouraged all citizens and the private sector to work with the government to enhance our national economy, as tax and customs income started growing.

សម្តេចតេជោៈសណ្ឋាគារ HYATT REGENCY PHNOM PENHគឺជាសមិទ្ធផលសង្គមជាតិថ្មីមួយទៀត

ដោយៈសុផារី

ភ្នំពេញៈ សម្តេចតេជោ ហ៊ុន សែន បានថ្លែងថា ការសម្ពោធដាក់ឱ្យប្រើប្រាស់សណ្ឋាគារ ហាយ៉ាត់ រីជិនស៊ី ភ្នំពេញ “HYATT REGENCY PHNOM PENH” គឺជាសមិទ្ធផលសង្គមជាតិថ្មីមួយទៀត បើទោះបីជាវាជាកម្មសិទ្ធិរបស់វិស័យឯកជនក៏ដោយក្តី។

សម្តេចបានថ្លែងដូចនេះ នៅព្រឹកថ្ងៃទី១៥ ខែធ្នូ ឆ្នាំ២០២១ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការសណ្ឋាគារ ហាយ៉ាត់ រីជិនស៊ី ភ្នំពេញ  “HYATT REGENCY PHNOM PENH” ស្ថិតនៅសង្កាត់ជ័យជំនះ ខ័ណ្ឌដូនពេញ រាជធានីភ្នំពេញរបស់ក្រុមហ៊ុនជីប ម៉ុង ដែលបានទិញម៉ាកយីហោមកពីអាមេរិក។

សម្តេចតេជោ ហ៊ុន សែន បានគូសបញ្ជាក់ថា ការដែលសម្តេចថាជាសមិទ្ធផលសង្គមជាតិនោះ ក៏ដោយសារវិស័យឯកជនមួយនេះ បានចូលរួមជាច្រើនជាមួយរាជរដ្ឋាភិបាល ក្នុងការអភិវឌ្ឍប្រទេសជាតិ តាមរយៈការផ្តល់ការងារធ្វើដល់ប្រជាជន និងការចូលរួមផ្នែកពន្ធដារជាដើម។

សម្តេចតេជោ ហ៊ុន សែន ក៏បានគូសបញ្ជាក់ថា ការរីកចម្រើននៃវិស័យឯកជន ក៏ជាការរីកចម្រើនរបស់ប្រទេសជាតិយើងផងដែរ ដែលវិស័យឯក​ជនត្រូវបានចាត់ទុកថា ជារថភ្លើងនៃកំណើនសេដ្ឋកិច្ច ប្រទេសជាតិផងដែរ៕

ក្រុងព្រះសីហនុនឹងមានកំពង់ផែទូកអេកូទេសចរណ៍ធម្មជាតិថ្មីមួយ

ដោយ: ម៉ាលីស

ព្រះសីហនុ: លោកគួច ចំរើន អភិបាលនៃគណៈអភិបាលខេត្តព្រះសី​ហនុ បានដឹកនាំមន្ត្រីជំនាញចុះពិនិត្យ ទីតាំងស្នើសុំសាងសង់កំពង់ផែទូកអេកូទេសចរណ៍ធម្មជាតិ ស្ថិតនៅក្នុងភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ។

ការចុះពិនិត្យទីតាំងស្នើសុំ សាងសង់កំពង់ផែទូកអេកូទេសច​រណ៍ធម្មជាតិកាលពីថ្ងៃទី១៤ ធ្នូកន្លងមកនេះ ផ្នែកពាក់ព័ន្ឋបានបញ្ជាក់ថា ទីតាំងកំពង់ផែនេះ បានចុះបញ្ជីជាលក្ខណៈប្រព័ន្ធ ដោយបានកាត់ចំណីព្រែកប្រវែង៣០ម៉ែត្ររួចហើយ។ ចំណែកឯម្ចាស់សំណើបានអះអាងថា នឹងចូលរួមសហការជាមួយអាជ្ញាធរ មានសមត្ថកិច្ចក្នុងមូលដ្ឋាន ក្នុងការការពារ និងអភិរក្សតំបន់ព្រៃលិចទឹក នៅតាមព្រែកកំពង់ស្មាច់នេះផងដែរ ដើម្បីប្រ​យោជន៍ដល់វិស័យទេសចរណ៍ សម្រាប់អ្នកស្រុកព្រៃនប់។

បច្ចុប្បន្នទីតាំងនេះ មានព្រៃលិចទឹកជាច្រើនប្រភេទ មានព្រៃកោងកាងចម្រុះ ដូចជា កោងកាង ក្បាញ បើស ឈើជ័រ ។ល។ ស្ថិតនៅក្រៅដែនគម្របព្រៃឈើឆ្នាំ២០០២ ។

លោកគួច ចំរើន បានគាំទ្រគម្រោងសាងសង់កំពង់ផែទូកអេកូទេស​ចរណ៍ធម្មជាតិ ស្ថិតនៅភូមិត្រពាំងគា ឃុំជើងគោ ស្រុកព្រៃនប់ ព្រោះកំពង់ផែនេះ អាចនឹងផ្តល់អត្ថប្រយោជន៍ជាច្រើន បម្រើឱ្យវិស័យទេសចរណ៍ ជាពិសេ​សប្រជានេសាទ ក្នុងសហគមន៍នេសាទមូលដ្ឋាន ព្រមទាំងអាចរួមចំណែកក្នុងការការពារ និងអភិរក្សធនធានធម្មជាតិព្រៃលិចទឹក នៅក្នុងតំបន់​នេះឱ្យនៅគង់វង្ស។

ការបង្កើតកំពង់ផែទេសចរណ៍នេះ មានផលប្រយោជន៍ជាច្រើនចំពោះសេដ្ឋកិច្ច ក៏ដូចជាប្រជានេសាទក្នុងសហគមន៍មូលដ្ឋាន ពួកគាត់អាចយកផលនេសាទ ផលវារីវប្បកម្ម និងកសិផលផ្សេងៗមកលក់ជូនភ្ញៀវទេសចរ ។ ម្យ៉ាងទៀតបងប្អូន ប្រជានេសាទក្នុងសហគមន៍ ដែលមានទូកក៏អាចប្រើប្រាស់កំពង់ផែនេះ សម្រាប់ដឹកភ្ញៀវទេសចរទៅទស្សនកិច្ចតំបន់ព្រៃលិចទឹក នៅតាមដងព្រែកបានផងដែរ។

លោកអភិបាលខេត្ត ក៏បានផ្តល់អនុសាសន៍ ដល់លោកឧកញ៉ាជាម្ចាស់សំណើ ត្រូវធ្វើការសិក្សាពីបច្ចេកទេស និងផលប៉ះពាល់បរិស្ថាន នៃគម្រោងសាងសង់ផែទូកទេសចរណ៍នេះ ដោយធ្វើយ៉ាងណាកាត់បន្ថយផលប៉ះពាល់ធនធានធម្មជាតិ ឱ្យនៅកម្រិតទាបបំផុត។

ក្នុងឱកាសនោះ លោកអភិបាលខេត្ត និងក្រុមការងារជំនាញ ក៏បានអញ្ជើញចុះត្រួតពិនិត្យពីសក្តានុពល ធនធានធម្មជាតិដ៏សម្បូរបែប និងសម្រ​ស់ទាក់ទាញភ្ញៀវទេសចរ នៅតាមបណ្តោយដងព្រែកកំពង់ស្មាច់ ដែលជាតំនប់អូកូទេសចរណ៍ធម្មជាតិ សម្រាប់សហគមន៍ និងប្រជាពលរដ្ឋស្រុកព្រៃនប់ អាចបង្កើតមុខរបរជាច្រើនបន្ថែមទៀត ពីវិស័យទេសចរណ៍គ្មានផ្សែងនេះផងដែរ ។

ផ្អែកតាមរបាយការណ៍របស់ក្រុមការងារជំនាញបានឱ្យដឹងថា ការសា​ងសង់ផែទូកទេសចរណ៍ ជាលក្ខណៈផែទូកតូចៗ ពុំបង្កឱ្យស្ទះដល់រំហូរទឹកក្នុងព្រែកកំពង់ស្មាច់នោះទេ។ ដោយឡែកតំបន់នេះ រឹតតែធ្វើឱ្យមានភាពទាក់ទាញសម្រាប់ភ្ញៀវទេសចរជាតិ និងភ្ញៀវទេសចរបរទេស មកលេងកម្សាន្តនៅតំបន់នេះ កាន់តែច្រើននាពេលខាងមុខ៕

សម្តេចតេជោៈពីមុនកម្ពុជាមានអាគារខ្ពស់បំផុតត្រឹមតែ៧ជាន់បច្ចុប្បន្នខុសគ្នាដាច់ស្រឡះ

ដោយៈសុផារី

ភ្នំពេញៈ សម្តេចតេជោ ហ៊ុន  សែន បានសម្តែងការភ្ញាក់ផ្អើលទៅនិងការរីកចម្រើនរបស់កម្ពុជា ក្រោមការដឹកនាំផ្ទាល់របស់សម្តេច ដោយសម្តេចបានលើកឡើងថា ចាប់ផ្តើមពីទីក្រុងខ្មោច ដែលយើងសឹងមិនជឿថា យើងមានទីក្រុងគុជមួយដែលមានអាគារខ្ពស់ៗ បើប្រៀបធៀបទៅនិងការចាប់ផ្តើមពីឆ្នាំ១៩៧៩ ទីក្រុងភ្នំពេញបានរីកចម្រើនសម្បើម។

សម្តេចបានមានប្រសាសន៍ក្នុងពិធីបើកសម្ភោធដំណើរការសណ្ឋាគារលំដាប់អន្តរជាតិ នៅទីក្រុងភ្នំពេញនាព្រឹកថ្ងៃទី១៥ ធ្នូនេះថា ពីអតីតកាល អាគារដែលខ្ពស់ជាងគេរបស់យើង មានកម្ពស់ត្រឹមតែ៧ជាន់ប៉ុណ្ណោះ និងមានតែមួយអាគារទៅទៀត ប៉ុន្តែឥឡូវនេះយើងមានច្រើន នេះបង្ហាញពីការរីកលូតលាស់របស់កម្ពុជា។

សម្តេចបានបន្តថា “តើអ្វីជាកម្លាំងជម្រុញ ដែលនាំទៅដល់ភាពទាក់ទាញនូវការអនុគ្រោះ សម្រាប់ការវិនិយោគបែបនេះ? និងការរីកចម្រើនរបស់ប្រទេសជាតិ ក្នុងនោះកត្តាសន្តិភាពរកបានដោយការលំបាក និងមិនត្រូវបានមើលរំលង ហើយក៏មិនត្រូវបានប្រគល់ ឬផ្តល់អោយនរណា បំផ្លិចបំផ្លាញនោះទេ ទោះបីអ្នកណានិយាយអ្វីក៏និយាយទោចុះ”។ សម្តេចបានបន្តថា “មិត្តភក្តិបរទេសនៅទីនេះ ទោះបីជាយ៉ាងណាក៏ដោយ ខ្ញុំនិងមិនខ្លាចការនិយាយខុសនៅចំពោះមុខបរទេស បើគ្មានសន្តិភាពទេ សូមកុំសង្ឃឹមថា នឹងអាចអភិវឌ្ឍន៍បាន ប្រទេសរបស់ខ្ញុំគឺជាបទពិសោធន៍គ្រប់គ្រាន់ទៅហើយ អំពីការបាត់បង់សន្តិភាព”។សម្តេចបន្ថែមថា “សមិទ្ធិផលដែលដូនតាយើង បានបន្សល់ទុកអោយយើង  ជាពិសេសសមិទ្ធិផលព្រះបរមរតនកោដ្ឋ សម្តេចព្រះនរោត្តមសីហនុ ដែលព្រះអង្គបានខិតខំកសាង រាប់ទាំងសមិទ្ធិផល ដែលបារាំងបានកសាងក៏ត្រូវបានបំផ្លិចបំផ្លាញ ទីក្រុងភ្នំពេញ ក៏ដូចទីក្រុងទាំងមូល គ្មានមនុស្សរស់នៅ គឺស្មើនិងសូន្យ”។

សម្តេចតេជោបន្តថា “អ្នកខ្លះពេលខ្ញុំនិយាយពិសន្តិភាព ដោយមិនបាននិយាយពីលទ្ធិប្រជាធិបតេយ្យ និងសិទ្ធិមនុស្ស ពួកគេគិតតែពិនិយាយតិះតៀនខ្ញុំថា ខ្ញុំមិនអោយតម្លៃលើសិទ្ធិមនុស្ស និងលទ្ធិប្រជាធិបតេយ្យ ក៏ប៉ុន្តែអ្វិដែលខ្ញុំចង់និយាយ ខ្ញុំផ្តល់សារៈសំខាន់ធំធេង ទៅលើសិទ្ធិរស់រានមានជីវិត បើអ្នកឯងងប់ទៅហើយ អ្នកឯងមកសរសេរកាសែតធ្វើ”៕

គេហដ្ឋានម៉ូតថ្មី តម្លៃសមរម្យ និងស៊ីវិល័យជាងមុន ពី​បុរី ប៉េង ហួត មកដល់ក្នុងពេលឆាប់ៗនេះ ក្នុងកម្មវិធីបើកលក់ទីតាំងថ្មី “​Mera Secret Garden”

ដោយ សហការី

ភ្នំពេញ៖ គេហដ្ឋានម៉ូតថ្មី ដែលមានតម្លៃសមរម្យនិងស៊ីវិល័យជាមុន ហើយនៅលើទីតាំងដ៏មានសក្តានុពលទៀត តើលោកអ្នកចង់បាន​ ផ្ទះក្នុងក្តីស្រមៃហើយ ​ឬនៅ?

ដើម្បីអបអរសាទរឱកាសបើកលក់ដំណាក់កាលថ្មី “Mera Secret Garden” បុរី ប៉េង ហួត នឹងផ្តល់ជូនអតិថិជននូវ គេហដ្ឋានម៉ូដថ្មីជាមួយការបញ្ចុះតំលៃ យ៉ាងពិសេសដែលមិនធ្លាប់មាន។

គេហដ្ឋានម៉ូតថ្មីនេះ បុរី ប៉េង ហួត បានរចនាឡើងយ៉ាងពិសេស ជាមួយភាពច្នៃប្រឌិតខ្ពស់ និងទាន់សម័យ ក្នុងគម្រោងដឹស្ដា មេរាហ្កាដិន ដែលកំពុងតែទទួលបានការគាំទ្រពីអតិថិជន និងកំពុងមានការអភិវឌ្ឍចម្រុះឥតឈប់ឈរ ដែលជាគម្រោង មានសួនច្បារធំជាងគេអមដោយដើមឈើត្រឈឹងត្រឈៃ និងមានរុក្ខជាតិចម្រុះពណ៌ស្រស់បំព្រង ដែលធ្វើអោយការរស់នៅរបស់លោកអ្នកប្រកបដោយឧត្តមភាពបែបធម្មជាតិនិងសុភមង្គល ។

ជួបគ្នាឆាប់ៗនេះ ក្នុងកម្មវិធីបើកលក់ជាផ្លូវការ ដែលនឹងប្រព្រឹត្តឡើងនៅថ្ងៃទី18 និង 19 ខែធ្នូ ឆ្នាំ2021 ខាងមុខនេះ នាការិយាល័យលក់ដឹស្តា មេរាហ្កាដិន ដែលមានទីតាំងស្ថិតនៅតាមបណ្តោយក្រវ៉ាត់ក្រុងទី2 (50ម៉ែត្រ)។ លោកអ្នកនឹងទទួលបានកាដូជាទីគាប់ចិត្ត និងការបញ្ចុះតម្លៃយ៉ាងច្រើនសន្ធឹកសន្ធាប់ ពីកម្មវិធីថែមទៀតផង។

សម្រាប់ព័ត៌មានបន្ថែម​ទាក់​ទង​មក​ទូរសព្ទ​លេខ 098 / 016 / 017 596 789 ​សហការី​យើង​ខ្ញុំ​នឹងនៅ​ចំា​ទទួល​ស្វាគមន៍និង​ប្រឹក្សាយោបល់​ជូន​លោក​អ្នក​

ក្រៅ​ពី​នេះ​ អតិថិជន​អាច​តាម​ដាន​នៅ​លើ​ទំព័រ​ហ្វេសប៊ុក​ Borey Peng Huoth ឬ​ចូល​រួម​ក្នុង Telegram Channel: https://t.me/boreypenghuoth ដើម្បី​ទទួល​បាន​ព័ត៌មាន និង​ប្រូម៉ូសិន​ថ្មីៗ​បាន​មុន​គេ៕

លក្ខខណ្ឌផ្សេងៗត្រូវបានអនុវត្ត

 

សម្តេចតេជោ៖ សេដ្ឋកិច្ចកម្ពុជានឹង សម្រេច បាន កំណើន ក្នុងរង្វង់៣ភាគរយនៅ ក្នុងឆ្នាំនេះ

ដោយ៖ សុផារី

ភ្នំពេញ៖ បើតាមការថ្លែងរបស់សម្ដេចតេជោ ហ៊ុន សែន ប្រមុខ រដ្ឋាភិបាល កម្ពុជា បាន ព្យាករណ៍ថា កម្ពុជានឹងសម្រេច បាន នូវ កំណើន ក្នុងរង្វង់៣ភាគរយនៅក្នុងឆ្នាំ២០២១ ដែល ជា ភាព សុទិដ្ឋិនិយមថ្មី មួយ ។

សម្តេចបានថ្លែងក្នុងឱកាសអញ្ជើញជាអធិបតីភាពដ៏ខ្ពង់ខ្ពស់ ដាក់សម្ពោធដាក់ឱ្យប្រើប្រាស់ជាផ្លូវការសណ្ឋាគារ “ហៃយ៉ាត់ រីជិនស៊ី ភ្នំពេញ” តម្លៃ១៨០លានដុល្លារ ជាការវិនិយោគរបស់ក្រុមហ៊ុន ជីប ម៉ុងស្ថិតនៅក្នុងសង្កាត់ជ័យជម្នះ ខណ្ឌដូនពេញ រាជធានីភ្នំពេញ នៅព្រឹកថ្ងៃទី១៥ ខែធ្នូ ឆ្នាំ២០២១ នេះ។

សម្ដេចបានថ្លែងថា “ខ្ញុំគិតថា កំណើនសេដ្ឋកិច្ចរបស់យើងនឹងមាន អាចថា ២,៩ ភាគរយ ៣ភាគរយ ឬ៣អាចលើសពី ៣ភាគរយ ខ្ញុំប្រើថា ជំុវិញ៣ភាគរយ។”

សម្តេចតេជោបានមានប្រសាសន៍ថា នៅក្នុងច្បាប់ថវិកា សេដ្ឋកិច្ចកម្ពុជាស្ថិតនៅក្នុងកម្រិត ២,៤ភាគរយ អង្គការមួយបានវាយតម្លៃកាលពីខែតុលាថាកំណើនស្ថិតក្នុងរង្វង់ ២,៨ភាគរយ។ ចាប់តាំងពីប្រកាសបើកប្រទេស នាំឱ្យមានកំណើនប្រាក់ចំណូល ទោះបីជាមិនទាន់កើនឡើងដល់កម្រិតមុនពេលកូវីដក្តី នៅក្នុងមួយខែ កម្ពុជានៅតែអាចរកប្រាក់ចំណូលបានក្នុងរង្វង់ ៥០០លានទៅ៧០០លាន ក្នុងមួយខែ។ ក្នុងសម័យកូវីដ១៩ ប្រាក់ចំណូលរបស់កម្ពុជាបានធ្លាក់ចុះមកនៅកម្រិតលើ៤០០លានដុល្លារអាមេរិក ក្នុងមួយខែ ហើយធ្លាក់ចុះមកនៅក្រោយ៤០០លានក្នុងមួយខែ។ ប៉ុន្តែឥលូវនេះ បានកើនឡើងវិញហើយ។

សម្តេចបានបញ្ជាក់ថា កំណើននេះបណ្តាលមកពី តម្រូវការក្នុងស្រុកមានការកើនឡើង ធ្វើឱ្យមានកំណើនការនាំចូល នោះពន្ធគយរកចំណូលបានបន្ថែម។

ទាក់ទងនឹងផលប៉ះពាល់ពីកូវីដ១៩ សម្តេចបានមានប្រសាសន៍ថា ផលប៉ះពាល់ពិតប្រាកដ គឺនៅលើវិស័យទេសចរណ៍ ចំណែកវិស័យឧស្សាហកម្មនិងកសិកម្មមិនរងផលប៉ះពាល់។ បច្ចុប្បន្ននេះនៅតាមរោងចក្រនានាកំពុងតែធ្វើការយ៉ាងសស្រាក់សស្រាំ ទាំងយប់ដើម្បីបំពេញតម្រូវការនៃការបញ្ជាទិញឱ្យបានទាន់ពេលវេលា៕

អារ៉ាប៊ីសាអូឌីត គ្រោងបង្កើនទំហំវិនិយោគលើគម្រោងថាមពល និងថាមពលកកើតឡើងវិញឱ្យឈានដល់២៩៣ពាន់លានដុល្លារ

ដោយសុខុម

ក្រុងរីយ៉ាដ: ប្រទេសអារ៉ាប៊ីសាអូឌីត រំពឹងថា ទំហំទុនវិនិយោគក្នុងគម្រោងថាមពល និងថាមពលកកើតឡើងវិញនឹងឈានរហូតដល់២៩៣ពាន់លានដុល្លារអាមេរិក នៅត្រឹមឆ្នាំ២០៣០។ នេះបើយោងតាមសារព័ត៌មាន Arab News ចុះផ្សាយកាលពីថ្ងៃអង្គារ ទី១៤ ធ្នូ។

ផ្អែកតាមបទបង្ហាញដែលធ្វើឡើងដោយរដ្ឋមន្ត្រីក្រសួងថាមពលកាលពីថ្ងៃច័ន្ទ ទី១៣ ធ្នូ អំឡុងវេទិកាស្តីពីថវិការបស់អារ៉ាប៊ីសាអូឌីត នៅទីក្រុងរីយ៉ាដ បង្ហាញថា ការចំណាយភាគច្រើនរបស់ប្រទេសនេះគឺចំណាយទៅលើគម្រោងបញ្ជូនថាមពល។

រដ្ឋមន្ត្រីក្រសួងថាមពលគឺព្រះអង្គម្ចាស់ Abdulaziz បានមានបន្ទូលថា ប្រទេសអារ៉ាប៊ីសាអូឌីត គ្រោងចំណាយប្រមាណ៣៨ពាន់លានដុល្លារអាមេរិក លើការចែកចាយថាមពលនៅត្រឹមឆ្នាំ២០៣០។

ព្រះអង្គម្ចាស់មានបន្ទូលបន្ថែមទៀតថា ប្រទេសនេះគ្រោងបោះទុនវិនិយោគប្រមាណជាង១០១ពាន់លានដុល្លារអាមេរិក លើគម្រោងថាមពលកកើតឡើងវិញនៅត្រឹមឆ្នាំ២០៣០។

ទោះជាយ៉ាងណា ព្រះអង្គបានគូសបញ្ជាក់ថា ហេដ្ឋារចនាសម្ព័ន្ធឧស្ម័នធម្មជាតិរួមទាំងបំពង់បង្ហូរប្រេងផងនឹងត្រូវគ្រប់គ្រងដោយរដ្ឋ៕ Arab News៕

លោក Elon Musk លក់ភាគហ៊ុន Tesla តម្លៃ ៩០៦លានដុល្លារនិងប៉ះសម្តីគ្នាជាមួយសមាជិកព្រឹទ្ឋសភា

ដោយ: ស្រីលិះ

អន្តរជាតិ: នាយកប្រតិបត្តិក្រុមហ៊ុន SpaceX និង Tesla លោក Elon Musk បានលក់ភាគហ៊ុនចំនួន៩៣៤ ០៩១ របស់ក្រុមហ៊ុនរថយន្តអគ្គិសនីរបស់គាត់ ដែលមានតម្លៃប្រហែល៩០៦,៤៩លានដុល្លារ នេះបើយោងតាមឯកសារហិរញ្ញវត្ថុមួយ ជាមួយគណៈកម្មការមូលបត្រដែលបានចេញផ្សាយកាលពីល្ងាចថ្ងៃចន្ទ។

ជាមួយនឹងការលើកឡើងពីការតម្រូវឲ្យបង់ពន្ឋ លោក Elon Muskបានប៉ះសម្តីគ្នាជាមួយសមាជិកព្រឹទ្ឋសភាអាមេរិក លោក Ron Wyden, D-Ore នៅលើបណ្តាញទំនាក់ទំនងសង្គម Twitter។

របាយការណ៍បានបង្ហាញថា នៅក្នុងប្រតិបត្តិការចុងក្រោយបំផុតដែលធ្វើឡើង ដោយនាយកប្រតិបត្តិTesla និងមហាសេដ្ឋីរាប់សិបនាក់ទៀត គឺជាផ្នែកមួយនៃផែនការពាណិជ្ជកម្ម “ច្បាប់ 10b5-1” ចុះថ្ងៃទី១៤ ខែកញ្ញា។ ផែនការនេះ អនុញ្ញាតឱ្យអ្នកខាងក្នុងក្រុមហ៊ុន អាចជួញដូរនៅក្នុងភាគហ៊ុនរបស់ក្រុមហ៊ុនផ្ទាល់ សម្រាប់សំណុំមួយ កាលបរិច្ឆេទនាពេលអនាគត។

Musk ដែលជាអ្នកមានបំផុតក្នុងពិភពលោក ហើយដែលទើបតែជាប់ឈ្មោះជាបុគ្គលឆ្នើមប្រចាំឆ្នាំ២០២១ របស់ទស្សនាវដ្តី Time នៅតែមានជម្រើសភាគហ៊ុនរាប់លាន ដែលគាត់បានអនុវត្តន៍នៅខែសីហា ឆ្នាំ២០២២។
គាត់បាននិយាយនៅក្នុងសន្និសីទក្រមឆ្នាំ២០២១ នៅថ្ងៃទី២៨ ខែកញ្ញាថា គាត់ទំនងជានឹងលក់ភាគហ៊ុនដ៏ធំមួយនៅក្នុងត្រីមាសទី៤។

កាលពីថ្ងៃទី៦ ខែវិច្ឆិកា លោក Musk បានសួរក្រុមអ្នកតាមដាន Twitter របស់គាត់ឱ្យបោះឆ្នោតថា តើគាត់គួរលក់ភាគហ៊ុន១០% នៃការកាន់កាប់របស់គាត់ នៅក្នុងក្រមហ៊ុនផលិតរថយន្តអគ្គិសនី និងអាជីវកម្មថាមពលពន្លឺព្រះអាទិត្យឬអត់។

លោកបានបង្ហាញការស្ទង់មតិដ៏កម្រ និងមិនធ្លាប់មាននៅក្នុងបណ្តាញទំនាក់ទំនងសង្គម Twitter របស់គាត់ ដោយលោក Musk បានសរសេរថា “ភាគច្រើនត្រូវបានបង្កើតឡើងយឺតយ៉ាវ នៃប្រាក់ចំណេញ ដែលបានដឹងថាវាជាមធ្យោបាយ នៃការគេចវេសពីពន្ធ។ ដូច្នេះខ្ញុំស្នើឱ្យលក់១០% នៃភាគហ៊ុន Tesla របស់ខ្ញុំ។ តើអ្នកគាំទ្ររឿងនេះទេ?។

គាត់បានផ្តល់ឱ្យអ្នកតាមដានរាប់សិបលាននាក់ របស់គាត់នូវជម្រើសនៃការបោះឆ្នោត “បាទ” ឬ “ទេ” ហើយបាននិយាយថា គាត់នឹងគោរពតាមលទ្ធផល ទោះបីជាការស្ទង់មតិទៅតាមផ្លូវណាក៏ដោយ។ ការបង្ហាញលទ្ធផលនៃស្ទង់មតិលើ Twitter បានបង្ហាញថា អ្នកឆ្លើយប្រហែល៣,៥លាននាក់ ស្មើនឹង៥៧,៩% នៃចំំនួនអ្នកបោះឆ្នោតបានឆ្លើយ “បាទ” ។

បន្ទាប់ពីការស្ទង់មតិរបស់លោក Musk ប្រធានគណៈកម្មាធិការហិរញ្ញវត្ថុព្រឹទ្ធសភាលោក Ron Wyden, D-Ore បានសរសេរនៅក្នុង Twitter របស់គាត់ថា “បុរសដែលមានបំផុតលើពិភពលោក បង់ពន្ធអ្វីក៏ដោយ មិនគួរអាស្រ័យលើលទ្ធផលនៃការស្ទង់មតិ Twitter នោះទេ”។ “វាដល់ពេលហើយសម្រាប់ការយកពន្ធ លើប្រាក់ចំណូលរបស់មហាសេដ្ឋី”។

Musk ដែលប្រឆាំងនឹងពន្ធរបស់មហាសេដ្ឋី និងការចំណាយ Build Back Better របស់ប្រធានាធិបតី Joe Biden បានឆ្លើយតបទៅ Wyden ជាមួយនឹងការតបតយ៉ាងម៉ឺងម៉ាត់។

ថ្មីៗនេះ Musk បាននិយាយនៅឯកិច្ចប្រជុំក្រុមប្រឹក្សា CEO របស់ Wall Street Journal ថា “ប្រសិនបើអ្នកដកមហាសេដ្ឋីទាំងអស់នោះ អ្នកនៅតែមិនអាចដោះស្រាយឱនភាពបានទេ” នៅសហរដ្ឋអាមេរិក។

គាត់ក៏បានសម្តែងការខឹងសម្បារអំពីមនោសញ្ចេតនា “ប្រឆាំងមហាសេដ្ឋី” នៅសហរដ្ឋអាមេរិកផងដែរ។
Musk នៅតែត្រូវការលក់ភាគហ៊ុន Tesla ប្រហែល៥លានហ៊ុនទៀត ដើម្បីបំពេញតាមការសន្យា ដែលគាត់បានធ្វើនៅក្នុងការស្ទង់មតិ Twitter របស់គាត់។

កាលពីដើមខែនេះ នាយកប្រតិបត្តិក៏បានលក់ភាគហ៊ុន Tesla ជាបណ្តុំ ដែលមានតម្លៃប្រហែល៩៦៣,២លានដុល្លារ និងភាគហ៊ុនមានតម្លៃ១,០១ពាន់លានដុល្លារ ដែលនាំឱ្យការលក់សរុបរបស់គាត់ នៅក្នុងខែធ្នូកើនឡើងដល់ជាង២,៨៧ពាន់លានដុល្លារ រហូតមកដល់ពេលនេះ។ គាត់បានលក់ភាគហ៊ុន Tesla សរុបចំនួន៩,៨៥ពាន់លានដុល្លារក្នុងខែវិច្ឆិកា។

ក្រៅពី Musk នាយកប្រតិបត្តិTesla រួមទាំង CFO លោក Zachary Kirkhorn ប្រធានគណនេយ្យករ Taneja Vaibhav និងអនុប្រធានជាន់ខ្ពស់នៃ Powertrain និងវិស្វកម្មថាមពល Drew Baglino ក៏បានលក់ភាគហ៊ុន Tesla និងអនុវត្តជម្រើសក្នុងខែធ្នូផងដែរ៕

សមាគមក្រុមហ៊ុនអាកាសចរណ៍ថៃ ជំរុញឱ្យរដ្ឋាភិបាលលើកលែងទិដ្ឋាកាសម្រាប់អ្នកធ្វើដំណើរទូទាំងពិភពលោក

ដោយៈសុខុម

បាងកក: សមាគមក្រុមហ៊ុនអាកាសចរណ៍ថៃ (AAT) កំពុងជំរុញឱ្យរដ្ឋាភិបាលថៃ ពិចារណាផ្ដល់ការលើកលែងទិដ្ឋាកា សម្រាប់អ្នកធ្វើដំណើរអន្តរជាតិ ដើម្បីទាក់ទាញអ្នកធ្វើដំណើរ តាមផ្លូវអាកាសបន្ថែមទៀត ខណៈការប្រកួតប្រជែង ទូទាំងពិភពលោកកាន់តែខ្លាំងក្លា។ នេះបើយោងតាមកាសែត Bangkok Post ចុះផ្សាយនៅថ្ងៃអង្គារ ទី១៤ ធ្នូ នេះ។

លោក Puttipong Prasarttong-Osoth ប្រធានក្រុមហ៊ុនអាកាសចរណ៍ Bangkok Airways និងជាប្រធានAAT បានលើកឡើងថា ការបន្ធូរបន្ថយបន្ថែមទៀត នូវវិធានស្ដីពីការធ្វើដំណើរ និងថ្លៃចំណាយដូចជាថ្លៃទិដ្ឋាកា ឬការធ្វើតេស្តម៉ាស៊ីនធំ RT-PCR ដើម្បីរកវីរុសកូវីដ-១៩ ជាដើមនឹងជំរុញឱ្យកំណើនតម្រូវការ។

ការលើកលែងទិដ្ឋាកាគឺជាវិធានការមួយ ដែលនឹងជួយបង្កើនចំនួនភ្ញៀវទេសចរអន្តរជាតិនៅឆ្នាំ២០២២ ឱ្យឈានដល់ចំនួនគោលដៅ១០លាននាក់។

លោក Puttipong បានថ្លែងដូច្នេះថា “យើងកំពុងស្ថិតក្នុងដំណាក់កាលប្រកួតប្រជែងយ៉ាងខ្លាំងក្លា ដោយសារគ្រប់ប្រទេសទាំងអស់ សុទ្ធតែត្រូវការភ្ញៀវទេសចរ ដើម្បីទប់ទល់នឹងផលប៉ះពាល់សេដ្ឋកិច្ច”។ លោកបន្តថា “ការបន្ធូរបន្ថយបន្ថែមទៀត លើវិធានការរឹតបន្តឹងនានា នឹងជួយលើកកម្ពស់ការប្រកួតប្រជែងរបស់យើង”។

ក្នុង “សន្និសីទឧស្សាហកម្មអាកាសចរណ៍ថៃ ឆ្នាំ២០២១៖ ការហោះហើរ ឆ្ពោះទៅកាន់យុគសម័យថ្មី នៃអាកាសចរណ៍ថៃ” លោក Puttipong បានលើកឡើងថា ឧស្សាហកម្មអាកាសចរណ៍របស់ប្រទេសថៃ នឹងអាចស្ដា​រឡើងវិញបាន ត្រឹមចន្លោះពី២០%ទៅ៣០%នៃកម្រិតមុនពេលផ្ទុះវិបត្តិកូវីដ-១៩ ប៉ុណ្ណោះ ថ្វីបើថៃ បើកប្រទេសទទួលស្វាគមន៍ឡើងវិញ កាលពីថ្ងៃទី១ វិច្ឆិកា កន្លងទៅយ៉ាងណាក្ដី។

ប្រធានសមាគមក្រុមហ៊ុនអាកាសចរណ៍ថៃ (AAT) រូបនេះបានគូសបញ្ជាក់ថា វិធានការជួយគាំទ្រ បណ្ដាក្រុមហ៊ុនអាកាសចរណ៍ក្នុងស្រុក គួរតែបន្តរយៈពេល១ឆ្នាំទៅ២ឆ្នាំ៕ Bangkok Post៕