ដោយៈវឌ្ឍនៈ

ភ្នំពេញៈ ឃ្លាំងស្តុកអំបិលនិងស្រែមួយចំនួន ត្រូវបានម្ចាស់កំពុងបម្លែងធ្វើជារមណី​យដ្ឋានដូចជាហាងកាហ្វេ ភោជនីយដ្ឋាន ទាក់ទាញភ្ញៀវទេសចរវិញ ខណៈការផលិតអំបិលកំពុងជួបបញ្ហានឹងកង្វះ កំលាំងពលកម្ម ប៉ុន្តែសកម្មភាពនេះមិនទាន់គក្រឹកគ្រេងនៅឡើយ។

បុគ្គលិកនៃភោជជនីយដ្ឋាន និងហាងកាហ្វេនៅវាលស្រែអំបិលមួយឈ្មោះថា ផ្ទះអំបិល ក្នុងខេត្តកំពតបានឱ្យដឹងថា ចាប់តាំងពីម្ចាស់ស្រែអំបិល បានរៀបចំឃ្លាំងស្រែអំបិ​ល និងស្រែអំបិលមួយចំនួនទៅជាហាងកាហ្វេ និងភោជនីយដ្ឋានមកឃើញថា មានភ្ញៀវកាន់តែច្រើន បានមកទទួលទានអាហារ និងកាហ្វេក៏ដូចជាមើលទេសភាពស្រែអំបិល ហើយពីមួយថ្ងៃទៅមួយថ្ងៃ ភ្ញៀវមកកាន់ទីតាំងភោជនីយដ្ឋាននេះកាន់តែច្រើន ជាពិសេសនៅថ្ងៃចុងសប្ដាហ៍ និងថ្ងៃឈប់សម្រាក់ធំៗដូចជាថ្ងៃភ្ជុំបិណ្ឌនេះជាដើម។

បុគ្គលិករូបនេះបានឱ្យដឹងថា ចាប់តាំងពីថៅកែរបស់ខ្លួនបានកែប្រែដីស្រែនិងឃ្លាំងអំបិលមក ហើយមានភ្ញៀវមកកាន់តែច្រើន ធ្វើឱ្យម្ចាស់ដីស្រែមួយចំនួន ក៏បានចាប់ផ្ដើមធ្វើដូចនេះដែរ តែមិនទាន់មានលក្ខណៈធំទូលំទូលាយនៅឡើយ ពីព្រោះអាជីវកម្មបែបនេះនៅក្នុងស្រែអំបិល ទើបតែចាប់ផ្ដើមប៉ុណ្ណោះ។

លោកប៊ុន បារាំងសហប្រធានសហគមន៍ផលិតអំបិល ខេត្តកំពតបានឱ្យដឹងថា លោ​កមិនទាន់បានដឹងថា មានម្ចាស់ស្រែអំបិលបម្លែងស្រែ ទៅជាអាជីវកម្មផ្សេងនោះទេ ប៉ុន្តែបើទោះបីជាមានការបម្លែងពីស្រែអំបិល ឬពីឃ្លាំងអំបិលទៅជាភោជនីយដ្ឋានហាងកាហ្វេក៏មិនមានការប៉ះពាល់ ដល់ការផលិតអំបិលឬកង្វះអំបិលសម្រាប់បរិភោគដែរ ។

លោកបន្តថា “អ្នកផលិតអំបិលនៅតែបន្តផលិតដដែល ព្រោះវាជាមុខរបរយូរមកហើយ ជាក់ស្ដែងរូបលោកផ្ទាល់ បានធ្វើអាជីវកម្មនេះជាយូរមកហើយ ដូច្នេះលោកក៏នៅតែបន្តធ្វើអាជីវកម្មបន្តទៀត”។ លោកបន្តថា “អ្នកខ្លះថាដោយសារតែអត់មានកម្លាំងពលកម្មធ្វើឱ្យរូបគេត្រូវបោះបង់ចោលឬ កាត់បន្ថយការផលិត តែសម្រាប់រូបលោកវិញ មិនខ្វះកំលាំងពលកម្មនោះទេ”។

លោកសុខ គែន នាយកប្រតិបត្តិក្រុមហ៊ុនអចលនទ្រព្យ Kampot Street Real Estate ដីស្រែអំបិលជាប្រភេទដី ដែលមិនអាចកែប្រែពីស្រែអំបិលទៅលំនៅឋាន ប៉ុន្តែមួយរយៈចុងក្រោយនេះ លឺមានការមានកែប្រែច្បាប់ខ្លះៗ ដោយអនុញ្ញាតឱ្យកែប្រែត្រឹម២០ភាគរយប៉ុណ្ណោះ ដូច្នេះការប្រែដីស្រែអំបិលទៅជារមណីយដ្ឋាន មិនអាចបានច្រើននោះទេ ។

លោកបន្តថា “ដោយសារតែដីស្រែអំបិល មិនអាចកែប្រែបានដូច្នេះ ទើបធ្វើឱ្យតម្លៃដីស្រែអំបិលមិនអាចឡើងថ្លៃខ្ពស់បានទេ គឺមានការឡើងថ្លៃតិចតួចប៉ុណ្ណោះ”។លោកបន្តថា​ “ស្រែអំបិលជាអត្តសញ្ញាណមួយ សម្រាប់ខេត្តកំពត និងទាក់ទាញទេសចរជាតិនិងអន្តរជាតិ ដូច្នេះនៅពេលទេសចរមកលេងខេត្តកំពត ពួកគាត់ក៏បានទៅមើលស្រែអំបិលនិងការផលិតអំបិលរបស់កសិករក្នុងសហគមន៍”។

បើសិនជាមានការកែប្រែដីស្រែអំបិល ទៅអាជីវកម្មផ្សេងវាអាចនឹងធ្វើឱ្យបាត់បង់អត្តសញ្ញាណមួយរបស់ខេត្តកំពត ទោះបីជាមានផលវិជ្ជមានក៏ដោយ៕

ដោយៈសុខុម

ភ្នំពេញ: ហាង7-Eleven ដែលមានលក់ទំនិញមានគុណភាពជាង២.០០០មុខបានបើកសាខាដំបូងបង្អស់នៅកម្ពុជា ស្ថិតក្នុងខណ្ឌជ្រោយចង្វារ រាជធានីភ្នំពេញ កាលពីថ្ងៃទី៣០ សីហា ឆ្នាំ២០២១ ជាមួយនឹងផែនការពង្រីករហូត ដល់ទៅ១.០០០សាខានៅភ្នំពេញ។

អ្នកវិនិយោគលើហាង 7-Eleven បាននិងកំពុងចាប់ផ្ដើមគម្រោងថ្មីសន្លាងមួយទៀត ដើម្បីជួយគាំទ្រដល់អាជីវកម្មខ្នាតតូច និងមធ្យម (SMEs)។

យោងតាមកាសែត Bangkok Post ដែលចុះផ្សាយនៅថ្ងៃទី៤ តុលា នេះឱ្យដឹងថា នាយកដ្ឋានផ្សព្វផ្សាយឧស្សាហកម្ម (DIP) នៃក្រសួងឧស្សាហកម្មថៃ បានចាប់ផ្ដើមដំណើរការគម្រោងថ្មីមួយសន្លាង ដើម្បីជួយ SMEs ពង្រីកបណ្តាញលក់របស់ពួកគេតាមអនឡាញ និងនៅតាមម៉ាត ដោយស្នើសុំជំនួយពីក្រុមហ៊ុន CP All Plc ដែលជាក្រុមហ៊ុនប្រតិបត្តិករហាង 7-Eleven។

លោក Nattapol Rangsitpol ប្រធាននាយកដ្ឋាននេះបានថ្លែងថា អ្នកលក់រហូតដល់ទៅ១០០នាក់ ដែលរួមមាន SMEs និងអាជីវកម្មក្នុងសហគមន៍ នឹងត្រូវបានជ្រើសរើសឱ្យចូលរួមក្នុងគម្រោងនេះ ប្រសិនបើផលិតផលរបស់ពួកគេបំពេញ តាមលក្ខខណ្ឌកំណត់ដោយក្រុមហ៊ុន CP All។

លោកគូសបញ្ជាក់ថា “គម្រោងនេះនឹងជួយឱ្យ SMEs និងអាជីវកម្មក្នុងសហគមន៍រស់រានឆ្លងផុតពីផលប៉ះពាល់ ដែលបង្កឡើងដោយការរីករាលដាលវីរុសកូវីដ-១៩ និងជំរុញសេដ្ឋកិច្ចមូលដ្ឋាន”។

នាយកដ្ឋាននេះរំពឹងថា ការពង្រីកបណ្តាញលក់ នឹងផ្តល់ឱកាសឱ្យអ្នកលក់ចែកចាយផលិតផលរបស់ពួកគេ ទៅដល់អ្នកប្រើប្រាស់កាន់តែប្រសើរជាងមុន។

លោក Nattapol Rangsitpol បានលើកឡើងថា “ហាង 7-Eleven គឺជាហាងលក់ទំនិញបែបសម័យទំនើបដ៏ល្បីល្បាញ ដែលមានសាខារហូតដល់១០,០០០សាខានៅទូទាំងប្រទេសថៃ។ វាមិនត្រឹមតែជួយឱ្យសហគ្រិន អាចលក់ផលិតផលរបស់ពួកគេ នៅតាមហាងម៉ាតប៉ុណ្ណោះទេ ប៉ុន្តែថែមទាំងជួយឱ្យពួកគេមានឱកាស ពង្រីកអាជីវកម្មរបស់ពួកគេទៅកាន់បណ្តាញហាង 7-Eleven និងក្រុមហ៊ុន CP Allផងដែរ”។

លោកបញ្ជាក់ថា នាយកដ្ឋាន និងក្រុមហ៊ុនCP All កំពុងពិភាក្សាគ្នាអំពីកិច្ចសសហប្រតិបត្តិកា រក្នុងការផ្លាស់ប្តូរចំណេះ ​ជំនាញអាជីវកម្មទៅវិញទៅមក និងរួមគ្នារកវិធីអភិ​វ  ឌ្ឍ និងជំរុញឱ្យសហគ្រិនផ្លាស់ប្តូរឥរិយាបថ ឱ្យស្របទៅនឹងស្ថានភាពទីផ្សារជាក់ស្ដែង និងរបៀបរបបនៃការរស់នៅរបស់សាធារណជន។

លោកជឿជាក់ថា បណ្តាញលក់ទាំងអនឡាញ និងអូហ្វឡាញរបស់ហាង 7-Eleven នឹងជួយ SMEs និងអាជីវកម្មសហគមន៍រស់រានពីវិបត្តិនេះ៕ Bangkok Post៕

         ដោយៈវឌ្ឍនៈ

ភ្នំពេញៈ រដ្ឋាភិបាលកម្ពុជា តាមរយៈក្រុមប្រឹក្សាអភិវឌ្ឍន៍កម្ពុជា បានអនុម័តទុនវិនិយោគចំនួនជាង៦០លានដុល្លារអាមេរិក លើគំរោងវិនិយោគចំនួន១០នៅក្នុងខែកញ្ញាកន្លងមកនេះ។ នេះបើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាបូកសរុបដោយ Property Area ។

តាមរបាយការណ៍បានបង្ហាញថា ក្រុមហ៊ុនទាំង១០ដែលបានចេញវិញ្ញាបនបត្ររួមមាន ទី១. គម្រោងបង្កើតរោងចក្រកាត់ដេរសម្លៀកបំពាក់ របស់ក្រុមហ៊ុន FLOURISH GARMENT (CAMBODIA) CO., LTDមានទីតាំងវិនិយោគស្ថិតនៅភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល មានទុនវិនិយោគប្រមាណ៥លានដុល្លារអាមេរិក និងអាចបង្កើតការងារបានចំនួន ១.៤១៤កន្លែង។

ទី២ គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ២លានដុល្លារអាមេរិក និងអាចបង្កើតការងារបានចំនួន ២.៣០០កន្លែង។

ទី៣ គម្រោងបង្កើតរោងចក្រផលិតស្បែកជើង និងគ្រឿងបន្សំស្បែកជើង ដែលមានទីតាំងវិនិយោគស្ថិតនៅភូមិអណ្តូង ឃុំបែកចាន ស្រុកអង្គស្នួល ខេត្តកណ្តាល មានទុនវិនិយោគប្រមាណ ៣,២លានដុល្លារអាមេរិក និងអាចបង្កើតការងារបានចំនួន ៩៧៨កន្លែង។ ទី៤. គម្រោងបង្កើតរោងចក្រផលិតស្បែកជើង និងគ្រឿងបន្សំស្បែកជើង ដែលមានទីតាំងវិនិយោគស្ថិតនៅភូមិអង្គស្នួលទី២ ឃុំពើក ស្រុកអង្គស្នួល ខេត្តកណ្តាល មានទុនវិនិយោគប្រមាណ៣,៣លានដុល្លារអាមេរិក និងអាចបង្កើតការងារបានចំនួន ១.០២៨កន្លែង។​ ទី៥. គម្រោងបង្កើតរោងចក្រផលិតគ្រឿងសង្ហារឹម (ពីស្បែក និងឈើនាំចូល) របស់ ក្រុមហ៊ុន  KINWAY (CAMBODIA) INTELLIGENT HOME FURNISHING MANUFACTURER CO., LTD ដែលមានទីតាំងវិនិយោគស្ថិតនៅផ្លូវជាតិលេខ២ ភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ មានទុនវិនិយោគប្រមាណ ២,៨លានដុល្លារអាមេរិក និងអាចបង្កើតការងារបានចំនួន ២០៨កន្លែង។

ទី៦ គម្រោងបង្កើតរោងចក្រផលិតក្តាបន្ទះ ក្តាប៉ាកេ គ្រឿងសង្ហារឹម គ្រឿងបង្គុំគ្រឿងសង្ហារឹម សម្ភារៈតុបតែងពីបន្ទះឈើ និងដុំកម្ទេចឈើ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ មានទុនវិនិយោគប្រមាណ ២ លានដុល្លារអាមេរិក និងអាចបង្កើតការងារបានចំនួន ១៦៥កន្លែង ។ ទី៧. គម្រោងបង្កើតរោងចក្រផលិតទ្វា បង្អួច និង ផលិតផលធ្វើអំពីអាលុយមីញ៉ូម ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ មានទុនវិនិយោគប្រមាណ ៥,៥ លានដុល្លារអាមេរិក និងអាចបង្កើតការងារបានចំនួន ១២០កន្លែង។

ទី៨. គម្រោងបង្កើតរោងចក្រផលិតគ្រឿងសង្ហារឹម ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ខេមបូឌាន ចេជាង ហ្គ័រជី ខេត្តព្រះសីហនុ មានទុនវិនិយោគប្រមាណ ៧,៦ លានដុល្លារអាមេរិក និងអាចបង្កើតការងារបានចំនួន ៩០កន្លែង។ ទី៩. គម្រោងបង្កើតរោងចក្រផលិតកាបូបគ្រប់ប្រភេទរបស់ក្រុមហ៊ុន  XIN XINGLE LEATHER PRODUCTS CO., LTD មានទីតាំងវិនិយោគស្ថិតនៅភូមិភ្នំដី សង្កាត់ច្បារមន ក្រុងច្បារមន ខេត្តកំពង់ស្ពឺ មានទុនវិនិយោគប្រមាណ ៣,១លានដុល្លារអាមេរិក និងអាចបង្កើតការងារបានចំនួន ៦១៨កន្លែង។

ទី១០. គម្រោងបង្កើតរោងចក្រផលិត និងផ្គុំតម្លើងងបន្ទះសូឡា និងគ្រឿងបង្គុំ មានទីតាំងស្ថិតនៅក្នុងតំបន់សេដ្ឋកិច្ចពិសេស ភ្នំពេញ, រាជធានីភ្នំពេញ មានទុនវិនិយោគចំនួន ៣០លានដុល្លារអាមេរិក និងបង្កើតការងារបានចំនួនប្រមាណ ៥០០កន្លែង៕

         ដោយៈគង់ សូរិយា

         ភ្នំពេញៈ និយ័តករទូរគមនាគមន៍កម្ពុជា នៃក្រសួងប្រៃសណីយ៍ និងទូរគមនាគមន៍បានស្នើឱ្យម្ចាស់បុរីទាំងអស់ជួយរឹងបន្ដឹង និងឃ្លាំមើលលើរាល់ការស្នើសុំសាងសង់​បង្គោ​លអង់តែនទូរស័ព្ទ បណ្តាញខ្សែកាប្លិ៍អុបទិក និងហេដ្ឋារចនាសម្ព័ន្ធគមនាគមន៍នានាក្នុងបុរី ដើម្បីបង្កាគ្រោះថា្នក់ដល់អ្នកស្នាក់នៅ។

យោងតាមលិខិតលេខចុះថ្ងៃទី៣០ ខែកញ្ញា ការស្នើសុំនេះធ្វើឡើង ក្រោយមានការសង្កេតឃើញថា ពីការសាងសង់បង្គោលអង់តែនទូរស័ព្ទ និងបណ្តាញខ្សែកាប្លិ៍ អុបទិកដោយខុសច្បាប់ ដោយគ្មានលិខិតពីអនុញ្ញាតពីនិយ័តករ ទូរគមនាគមន៍កម្ពុជា ដែលកើតមានជាបន្តបន្ទាប់ក្នុងបុរីនានា។

តាមរយៈសមាគមអ្នកអភិវឌ្ឍលំនៅឋានកម្ពុជា និយ័តករទូរគមនាគមន៍កម្ពុជា បានស្នើឲ្យម្ចាស់បុរីទាំងអស់ត្រូវយកចិត្តទុកអនុវត្តន៍ នូវកិច្ចការមួយចំនួនដូចជា ទី១ ពិនិត្យឯកសារឱ្យបានច្បាស់លាស់ មុននឹងផ្តល់ការអនុញ្ញាតឱ្យប្រតិបត្តិករទូរគមនាគមន៍សាងសង់ហេដ្ឋារចនាសម្ព័ន្ធ ទូរគមនាគមន៍ក្នុងបរិវេណបុរីរបស់ខ្លួន ជាពិសេសគ្រឿងសម្ភារបរិក្ខារពង្រីកសេវា (Signal Boosters) និងទី២ ណែនាំដល់ប្រតិបត្តិករទូរគមនា​គមន៍ណា ដែលមិនទាន់មានលិខិតអនុញ្ញាតពីឱ្យមកដាក់ ពាក្យស្នើសុំពីនិយ័តករទូរគម​នាគមន៍កម្ពុជា។

គ្រឿងសម្ភារបរិក្ខារពង្រីកសេវា (Signal Boosters) អាចបង្កឲ្យមានការឆ្លងរំខានហ្វ្រេកង់ស៍វិទ្យុ បង្កគ្រោះថ្នាក់ និងហានិភ័យដល់អ្នកប្រើប្រាស់ ប្រសិនបើមិនមានការអនុញ្ញាត និងបញ្ជាក់ពីស្តង់ដារបច្ចេកទេសត្រឹមត្រូវពីអាជ្ញាធរមានសមត្ថកិច្ច៕

By Kong Sorya

The beautiful cable-stayed bridge connecting National Road 5 to Chroy Changvar Satellite City has reached 56 percent so far, while the construction process is very active.

Nisihara, OCIC’s project manager, said over the weekend that so far 56 percent of the bridge’s construction has been completed as a whole, while the construction of the foundation is 100 percent completed.

“Currently, some pillars are being installed from the pedestals and one bridge girder is being installed,” he said. “We might say we are following the plan, which is scheduled to be completed by mid-2023.”

Touch Samnang, Deputy General Director of OCIC, once said that this is a bridge that OCIC will have to use the land grant from the Phnom Penh Capital Administration for investment in the Chroy Changvar satellite city of the future. He said that the bridge is a cable-stayed bridge with a length of about 500 meters and plans to build a budget of about 30 million US dollars.

“This bridge will help enhance the image of Phnom Penh and alleviate traffic congestion on the Chroy Changvar bridge,” he said.

ដោយៈគង់ សូរិយា

ភ្នំពេញៈ គិតចាប់តាំងពីកម្ពុជាទទួលបានសុខសន្តិភាពពេញលេញ ប្រជាពលរដ្ឋខ្មែរ មិនទាន់ឃើញមានអភិបាលខេត្តណា អាចយកបជដូងប្រជាពលរដ្ឋបាន និងមានការអាលោះអាល័យបែបនេះនៅឡើយទេ។

ជាក់ស្តែង ប្រជាពលរដ្ឋខេត្តពោធិសាត់រាប់ពាន់នាក់ បានស្វះស្វែងជួបមុខ ដើម្បីជំរាបលាជាមួយនឹងទឹកមុខស្រងូតស្រងាត់ និងហូរទឹកភ្នែក ដោយសម្តែងការសោកស្តាយអភិបាលខេត្តរបស់ពួកគេ។

ប្រជាពលរដ្ឋខេត្តកំពត កន្លែងដែលលោកនឹងឡើង មកកាន់ដំណែងជាអភិបាលខេត្តថ្មី ត្រូវបានប្រជាពលរដ្ឋក្នុងខេត្តនេះស្វាគមន៍ ដោយបានសរសេរលើបណ្តាញ ទំនាក់ទំនងសង្គមរបស់ខ្លួនដោយបង្ហាញអារម្មណ៍រីករាយ។
លោកអ៊ិច ណែតដែលមានស្រុកកំណើតនៅខេត្តកំពត បច្ចុប្បន្នរស់នៅនិងធ្វើការនៅស្ថាប័នព៌តព៌តមានក្នុងស្រុកមួយ បានសរសេរលើបណ្តាញទំនាក់ទំនងសង្គមរបស់ខ្លូនកាលពីថ្ងៃទី៣០ កញ្ញាកន្លងមកថា អបអរសាទរអ្នកកំពតយើង​! អភិបាលខេត្ត​ពូកែដោះស្រាយ​បញ្ហា​ជំលោះ​ឬប៉ាវ ចិនខ្មែរ មកធ្វើជា​អភិបាលខេត្តកំពត​ហើយ លោកពូ​ម៉ៅ ធនិន អភិបាលខេត្តកំពត​ថ្មី។

លោកបានបន្តថា “អ្នកពោធិ៍សាត់អើយកុំអន់ចិត្តអី គាត់មកកំពតខេត្តខ្ញុំហើយ”។ លោកបានសរសេរបន្តថា “ប៉ាវចិនពោធិ៍សាត់ មកកំពតហើយ អ្នកណាពេញចិត្ត ពូប៉ាវចិនលើកដៃមួយ”។

ចំណែកលោកទៀន សារីមបានសរសេរលើបណ្តាញ ទំនាក់ទំនងសង្គមរបស់លោកថា ធ្វើល្អរាស្ត្រស្រលាញ់ សង្ឃឹមថា មន្ត្រីផ្សេងទៀតផ្តល់ភាពកក់ក្តៅ ជូនប្រជាជន ព្រោះមន្ត្រីជាក្តីសង្ឃឹមរបស់រាស្ត្រគ្រប់ៗគ្នា។

ជាមួយគ្នានេះ នៅលើគេហទំព័រ Propertyarea.asia ដែលបានចេញផ្សាយព៌តមានពីលោកត្រូវផ្លាស់ប្តូរមកកាន់ខេត្តកំពត កាលពីថ្ងៃទី៣០ កញ្ញាកន្លងមក មានប្រជាពលរដ្ឋជាច្រើនបានផ្តល់នូវរូបស្ទីក័ររូបបេះដូង និងសរសេរពាក្យពេជ្រអបអរសាទរ និងកោតសរសើរលោក។

អំឡុងកាន់ដំណែងជាអភិបាលខេត្ត ពោធិសាត់ រយៈពេលជាងបីឆ្នាំ លោកម៉ៅ ធនិនបានចូលរួមដោះស្រាយ បញ្ហារបស់ប្រជាពលរដ្ឋជារៀងរាល់ថ្ងៃ ហើយលោកទទួលបាន​ប្រជាប្រិយភាពយ៉ាងខ្លាំង លើបណ្តាញទំនាក់ទំនងសង្គម និងបណ្តាញសារព៌តមានអនឡាញនានា។

លោកធ្លាប់បានមានប្រសាសន៍ថា “ពេលខ្ញុំមកបំពេញការងារនៅខេត្តពោធិសាត់ ខ្ញុំបានដាក់ចិត្តធ្វើជាពលរដ្ឋម្នាក់របស់ខេត្តនេះ និងជាកូនរបស់ប្រជាពលរដ្ឋម្នាក់”។

ជាមួយគ្នានេះ លោកសំអាត ឆាយបានសរសេរលើគេហទំព័រ Propertyarea.asia ថា សង្ឃឹមអភិបាលដែលទទូលភារកិច្ចបន្តពីលោក នឹងដើរតាមគំរូរបស់លោក។

ជាមួយគ្នានេះ លោក Venly Love បានសរសេរលើគេហទំព័រ Properyarea.asia ផងដែរថា សូមលោកពូទៅបោសសំអាត ពួកមន្រ្តីខិលខូចនៅខេត្តកំពតឲ្យអស់ផង។

រីឯអ្នកខេត្តស្ទឹងត្រែងឯណោះវិញ ឈ្មោះ Khom Sovann បានសរសេរមកលើគេហទំព័រ Propertyarea.asia ថា ប្រជាពលរដ្ឋនៅខេត្តស្ទឹងត្រែងរង់ចាំលោក ហេតុអ្វីក៏គ្មានវាសនាអញ្ចឹង ណ?។

អ្នកស្រីឡេង ម៉ាលីន ប្រជាពលរដ្ឋរស់នៅភូមិអន្លង់មៀន ឃុំស្នាមព្រះ ស្រុកបាកាន ខេត្តពោធិសាត់ និងបច្ចុប្បន្នរស់នៅរាជធានីភ្នំពេញ បាននិយាយដោយអស់សង្ឃឹមថា ពីមុនមក ខេត្តពោធិសាត់បានផ្លាស់ប្តូរអភិបាលខេត្តជាច្រើន ប៉ុន្តែមិនដែលឃើញមានប្រជាពលរដ្ឋគោរពស្រលាញ់ ដួចលោកម៉ៅ ធនិននោះទេ លោកទទួលបានយកក្តីស្រលាញ់ពីប្រជាពលរដ្ឋដោយចិត្តស្មោះ។

អ្នកស្រីបន្តថា “កន្លងមកខ្ញុំលឺថាប្រជាពលរដ្ឋខេត្តពោធិសាត់ បានធ្វើលិខិតទៅសម្តេចតេជោ ដើម្បីឲ្យប្រមុខរាជរដ្ឋាភិបាល នៅបន្តកាន់ដំណែងក្នុងខេត្តនេះបន្តទៀត ប៉ុន្តែមិនដឹងយ៉ាងណាទេរហូតមកទល់ពេលនេះ”។

អ្នកស្រីឡេង ម៉ាលីនបានបន្តថា មុនពេលចាកចេញប៉ុន្មានខែ លោកអភិបាលខេត្តរូបនេះបានសន្យានឹងធ្វើផ្លូវកៅស៊ូ តភ្ជាប់បណ្តាញទឹកស្អាតចូលភូមិអន្លង់មៀន តែឥលូវគំរោងនេះមិនដឹងយ៉ាងម៉េចទេ ប៉ុន្តែអ្នកស្រិសង្ឃឹមអភិបាលខេត្តថ្មី លោកជាវ តាយនឹងជួយអភិវឌ្ឍន៍បន្តនៅភូមិអន្លង់មៀន និងភូមិដទៃទៀតផងដែរ៕