ដោយៈវឌ្ឈនៈ

ភ្នំពេញៈ គម្រោងពង្រីកទីក្រុងភ្នំពេញ ត្រូវបានរាជរដ្ឋាភិបាលចេញប្រកាសរួចរាល់ហើយថា នឹងពង្រីកឱ្យដល់១០០គីឡូម៉ែត្រកាំរង្វង់ ដែលវិធីសាស្ត្រតែមួយគឺការកាត់យកដីរដ្ឋបាលខេត្តជាប់ភ្នំពេញ ស្ថិតនៅក្រោមការគ្រប់គ្រងរបស់រដ្ឋបាលរាជធានីភ្នំពេញ។

ការពង្រីកផ្ទៃដីរាជធានីភ្នំពេញ នឹងធ្វើឱ្យដីដែលនឹងកាត់ចូលរាជធានី ហក់ឡើងថ្លៃមួយកម្រិតទៀត ។

ប្រជាពលរដ្ឋរស់នៅជុំវិញរាជធានីជាពិសេស នៅក្នុងទឹកដីនៃខេត្តកណ្ដាលហាក់រំពឹងថា នៅពេលរាជរដ្ឋាភិបាលកាត់ដីរបស់ពួកគេ ចូលក្នុងរាជធានីភ្នំពេញនឹងធ្វើឱ្យតម្លៃដីមានប្រែប្រួល ហើយពួកគេនឹងទទួលបានផលពីការឡើងតម្លៃដីធ្លីនេះដែរ។

លោកជា កុយប្រជាពលរដ្ឋរស់នៅស្រុកអង្គស្នួល នៃខេត្តកណ្ដាលបានឱ្យដឹងថា នៅពេលដែលទីតាំងដែលលោករស់នៅ ត្រូវបានកាត់ចូលក្នុងទឹកដីរាជធានីភ្នំពេញ លោករំពឹងថា អាជ្ញាធរនឹងសាងសង់ហេដ្ឋារចនាសម្ព័ន្ធបន្ថែម ហើយពេលនោះ នឹងធ្វើឱ្យតម្លៃដីធ្លីនៅតំបន់លោករស់នៅ នឹងមានការឡើងថ្លៃ ហើយពលរដ្ឋក៏នឹងទទួលបានអត្ថប្រយោជន៍ពីការកើនឡើងនៃតម្លៃដីធ្លីនេះដែរ។

លោកបន្តថា “តាមពិតទៅដីធ្លីនៅតំបន់ដែលយើងរស់នៅ បានឡើងថ្លៃរួចទៅហើយ តាំងពីមានសកម្មភាពពុះដីធ្លីកក្រើកម្ល៉េះ ប៉ុន្តែបើសិនជាទីតាំងយើងរស់នៅត្រូវបានកាត់ចូលក្នុងក្រុងភ្នំពេញទៀត វារឹតតែធ្វើឱ្យគេចាប់អារម្មណ៍ច្រើន ព្រោះមានឈ្មោះជាអ្នកភ្នំពេញ ដីភ្នំពេញ”។

បើតាមអ្នកជំនាញនៃវិស័យអចលនទ្រព្យជាច្រើន ក៏បានបង្ហាញពីសុទិដ្ឋនិយមខ្ពស់ ចំពោះវិស័យអចលនទ្រព្យនៅជុំវិញរាជធានីភ្នំពេញផងដែរ ដោយរំពឹងថាវិស័យដីធ្លីនៅជុំវិញរាជធានី នឹងកាន់តែមានសក្ដានុពលខ្ពស់នៅពេលឆាប់ៗខាងមុខនេះ ។

លោកសន សៀប ស្ថាបនិក និងជានាយកក្រុមហ៊ុនអចលនទ្រព្យឃីរៀលអ៊ីស្ទេតបានលើកឡើងថា វិនិយោគិនដីធ្លីដែលចង់វិនិយោគ ទទួលបានប្រាក់ចំណេញខ្ពស់ គួរតែងាកទៅរកតំបន់ជាយក្រុងឆ្ងាយពីក្រុង ព្រោះតែតម្លៃដីធ្លីនៅតំបន់ទាំងនោះ នៅមានកម្រិតទាបនៅឡើយ តែបើសិនជាពួកគេវិនិយោគនៅកណ្ដាលក្រុង នឹងមិនងាយទទួលបានផលចំណេញនោះឡើយ ដោយសារតែដីនៅកណ្ដាលក្រុង ឬនៅជិតក្រុងវាបានឡើងថ្លៃខ្ពស់រួចទៅហើយ ដូច្នេះវាមិនងាយនឹងឡើងបន្តទៀតទេ គឺទិញដីកណ្ដាលក្រុងដើម្បីអភិវឌ្ឍន៍តែម្ដង ។

លោកបន្តថា តំបន់ជាយក្រុងដែលលោកមើលឃើញថា មានសក្ដានុពលក្នុងការអភិវឌ្ឍ និងទទួលបានផលចំណេញខ្ពស់ គឺតំបន់ប៉ែកខាងលិចរាជធានីភ្នំពេញ ដូចជាតំបន់បណ្ដោយផ្លូវ៥១ នៃខេត្តកំពង់ស្ពឺ ផ្លូវ៤១ ជាដើម ហើយវិស័យដែលមានសក្ដានុពលខ្ពស់គឺឧស្សាហកម្ម ពីព្រោះវាជាតំបន់ងាយស្រួល ក្នុងការផ្សាភ្ជាប់ទៅនឹងកំពង់ផែទឹកជ្រៅ ងាយស្រួលក្នុងការដឹកជញ្ជូនទំនិញចេញចូល៕

ដោយៈមុនី

ភ្នំពេញៈ អ្នកគ្រប់គ្នាប្រាកដជាគិតអំពីការវិនិយោគលើភាគហ៊ុន មូលនិធិសាជីវកម្ម ឬក៏គណនីសន្សំ ដែលទទួលបានការប្រាក់ខ្ពស់ សុទ្ធតែផ្ដល់ប្រាក់ចំណូលប្រកបដោយ ស្ថេរភាព និងមានហានិភ័យទាប ចាត់ទុកថាជាការវិនិយោគដ៏វៃឆ្លាត។

សម្រាប់មនុស្សមួយចំនួន ដែលមានថវិកាបម្រុងទុកច្រើន តែងតែស្វែងរកការវិនិយោគរយៈពេលវែងដូចជានៅលើដីធ្លី គេហដ្ឋាន និងអចលនទ្រព្យពាណិជ្ជកម្ម។ ប្រភេ​ទនៃការិនិយោគទាំងនេះ ផ្ដល់ជូនទាំងចំណូលពីការជួលផង និងផលចំណេញពីការឡើងតម្លៃផង សម្រាប់អ្នកវិនិយោគទាំងអស់។”
ទីក្រុងភ្នំពេញ មានការកើនឡើងនូវតម្លៃដីធ្លីជាង500% ឬស្មើនឹង 5 ដងក្នុងរយៈ

ពេល10 ឆ្នាំចាប់តាំង ពីឆ្នាំ2010 រហូតដល់ 2019។ ខណ្ឌដែលដីធ្លី មានតម្លៃថ្លៃជាងគេបំផុតមានដូចជាខណ្ឌដូនពេញ ខណ្ឌចំការមន និងខណ្ឌបឹងកេងកង ដីធ្លីមានតម្លៃប្រហែ​លជាUSD 8,500 ក្នុងមួយម៉ែត្រការ៉េ។ ដូច្នេះហើយ ការវិនិយោគលើដីធ្លីនៅក្នុងតំបន់ពា​ណិ​ជ្ជកម្ម មានតម្លៃខ្ពស់ខ្លាំងខណៈដែលអត្រាចំណេញពី ការឡើងថ្លៃមានការកើនឡើងតិចតួចបំផុតនាពេលបច្ចុប្បន្ននេះ។ បើដូច្នេះតើអ្នកគួរតែវិនិយោគនៅក្នុង ទីផ្សារអចលនទ្រព្យកន្លែងណាខ្លះ?

ឧទាហរណ៍ថា បើអ្នកធ្វើការវិនិយោគទៅលើផ្ទះអាជីវកម្ម នៅក្នុងខណ្ឌសែនសុខ

ដែលមានតម្លៃជាមធ្យម USD 200,000 ដែលអាចជួលបានក្នុងតម្លៃ USD 1,000 ក្នុងមួយខែ។ ក្នុងការគណនានេះមានន័យថា អ្នកអាចទទួលបាន USD 12,000 ពីការជួលជារៀងរាល់ឆ្នាំដែលស្មើរនឹង ចំណូល 6% ជារៀងរាល់ឆ្នាំ ពីការវិនិយោគ។ ប្រសិនបើអ្នកចង់ទិញការិយាល័យទំហំ40 ម៉ែត្រការ៉េ មានតម្លៃប្រហែល USD 240,000 ហើយអ្នកវិនិយោគអាចដាក់ជួលបាន USD 1,400 ក្នុងមួយខែដែលស្មើរនឹង USD 16,800 ក្នុងមួយឆ្នាំ ឬស្មើរនឹងចំណូលត្រឡប់មកវិញប្រហែល 7% ក្នុងមួយឆ្នាំ។

អចលនទ្រព្យដែលមានភាពល្បីល្បាញ សម្រាប់ការវិនិយោគនឹងធានានូវប្រាក់ចំណូលខ្ពស់មួយទៀតគឺ ការវិនិយោគទៅលើខុនដូ។ ជាទូទៅខុនដូ 1 បន្ទប់គេងនៅក្នុងតំបន់សក្ដានុពលដូចជាបឹងកេងកង លក់នៅក្នុងតម្លៃប្រហែលUSD 80,000 ក្នុងមួយយូនីត និងប្រាក់ចំណូលពីការជួលប្រចាំខែប្រហែលUSD 500 ។ ដូច្នេះចំណូលប្រចាំឆ្នាំត្រឡប់មកវិញ សម្រាប់ការវិនិយោគប្រភេទនេះ មានប្រហែលជា 7.5%។ អ្នកគិតថា មានការវិនិយោគប្រភេទណា ដែលអាចផ្ដល់នូវប្រាក់ចំណូលខ្ពស់ជាងនេះដែរឬទេ?។

តើអ្នកធ្លាប់បានលឺពីការវិនិយោគ ទៅលើតូបផ្សារក្នុងស្រុកដែរឬទេ? តើអ្នកដឹងទេថា ចំណូលប្រចាំឆ្នាំសរុប សម្រាប់ការវិនិយោគលើតូបផ្សារក្នុងស្រុក ជាមធ្យម លើសពី10% ក្នុងមួយឆ្នាំ? នេះគឺជាការពិត ដែលការវិនិយោគដែលល្អបំផុត គឺជាការវិនិយោគលើអចលនទ្រព្យដូចជាតូបផ្សារលក់ អាហារស្រស់ ក៏ប៉ុន្តែមិនទាន់មានអ្នកអភិវឌ្ឍណាបានបង្កើតនូវអចលនទ្រព្យប្រភេទនេះ ដូចជាGCCគ្រុបនៅឡើយទេ ដែលបានប្រកា​សអំពីគម្រោងផ្សារយើងដោយជីស៊ី អូរឫស្សីដែលជាប្រភេទផ្សារលក់អាហារ ស្រស់ក្នុងស្រុកថ្មីមួយ ដែលមានទីតាំងស្ថិតនៅជាន់ផ្ទាល់ ដីនៃគម្រោងផ្សារជីស៊ី អូរឫស្សី។

តម្លៃតូបផ្សារលក់ អាហារស្រស់ជាមធ្យមចាប់ផ្ដើមពី USD2x,000 ក្នុងមួយយូនីត។ តាមរយៈការស្រាវជ្រាវបានបញ្ជាក់ថា តម្លៃជួលទាបបំផុតនៃតូបលក់អាហារស្រស់ចាប់ផ្ដើមពី USD 100 ក្នុងមួយម៉ែត្រការ៉េ។ តូបនៅក្នុងផ្សារយើងដោយជីស៊ី អូរឫស្សី មានទំហំជាមធ្យម3ម៉ែត្រការ៉េ ដែលអាចឲ្យអ្នកទិញតូបរកកម្រៃពី ការជួល USD 300 ក្នុងមួយខែ ដែលស្មើរនឹងUSD 3,600 ក្នុងមួយឆ្នាំ។

ប្រសិនបើតូបមានតម្លៃប្រហែល USD 24,000 នោះអ្នកវិនិយោគអាចទទួលបានប្រាក់ចំណេញ 15% ក្នុងមួយឆ្នាំលើការវិនិយោគ ខណៈដែលក្នុងរយៈពេល3ឆ្នាំអាចទទួលបានផលចំណេញ ពីការឡើងថ្លៃបន្ថែមរហូតដល់ទៅ300%។ នេះគឺជាការសម្រេចចិត្តវិនិយោគ ដ៏មានផលចំណេញបំផុតសម្រាប់វិនិយោគគិនទាំងអស់។

ផ្សារយើង ដោយជីស៊ី អូរឫស្សីក៏មានការផ្ដល់ជូនពិសេសសម្រាប់អ្នកកក់មុនពេលបើកសម្ពោធជាផ្លូវការ ដោយការចំណេញនូវទឹកប្រាក់ត្រឡប់មកវិញរហូតដល់ USD 9,000 ជាមួយនឹងការបង់ប្រចាំខែតិចបំផុត ត្រឹមតែ USD 3XX ក្នុងមួយខែ។
សូមទស្សនាវីដេអូ https://youtu.be/Wmw72c-o8jo ។

សម្រាប់ព័ត៌មានបន្ថែមអំពីផ្សារយើង សូមចូលទៅកាន់គេហទំព័រហ្វេសប៊ុក របស់យើង៖

• GC Orussey Market – ផ្សារជីស៊ីអូរឫស្សី:

https://www.facebook.com/gc.orusseymarket

• ឆានែលតេឡេក្រាម – https://t.me/GCOrusseyMarket
• លេខទូរស័ព្ទ និងតេឡេក្រាម: 099 331015, 098 331015

ក្រុមហ៊ុន GCC គឺជាក្រុមហ៊ុនវិនិយោគ ដែលមានទីស្នាក់ការកណ្ដាលនៅទីក្រុងហុងកុង ដែលមានជំនាញលើ វិស័យអភិវឌ្ឍអចលនទ្រព្យ  វិនិយោគដីធ្លី និងសេវាកម្មហិរញ្ញវត្ថុ (trust and fund management)។ ចក្ខុវិស័យដ៏ធំបំផុតនៃ GCC គឺក្លាយជាអ្នកអភិវឌ្ឍអចលនទ្រព្យ ផ្តល់ជូនសេវាកម្មពេញលេញ  360० នៅក្នុងប្រទេសកម្ពុជា។ បច្ចុប្បន្ននេះ GCC មានក្រុមហ៊ុនបុត្រសម្ព័ន្ធចំនួន 7 ទៀត រួមមាន GC City GC Land GC Empire GC Realty GC Design GC Management និង GC Credit ។

គម្រោងបច្ចុប្បន្នរបស់ GCC រួមមាន៖ បុរី ណាឌី ដោយជីស៊ី ស៊ីធី CEO Wyndham Residence ផ្សារជីស៊ី អូរឫស្សី GC Residence ជ្រោយចង្វារ  និង Lixin Century Innovation Park។

រៀបរៀងដោយការិយាល័យទីផ្សារ GCC  សម្រាប់ព័ត៌មានបន្ថែម សូមទំនាក់ទំនង

អ្នកនាង Leong Ka Yen

ប្រធានផ្នែកទីផ្សារ លេខទំនាក់ទំនង: +855 96 820 6822  Email: [email protected]។ លោកង៉ែត ឧត្តមមុន្នី ប្រធានត្រួតពិនិត្យទីផ្សារ

លេខទំនាក់ទំនង: +855 98 831 868 Email: [email protected]៕

ដោយៈសុខុម

បាងកក: យោងតាមកាសែត Bangkok Post ចុះផ្សាយកាលពីពេលថ្មីៗនេះឱ្យដឹងថា ហាងឆេងដីធ្លីនៅក្រុងបាងកក ប្រទេសថៃ បានហក់ឡើងយ៉ាងឆាប់រហ័ស នៅក្នុងត្រីមាសទី២ ឆ្នាំ២០២១ ដោយសារការងើបឡើងនៃសេដ្ឋកិច្ច។

លោក Vichai Viratkapan អគ្គនាយកស្តីទីនៃមជ្ឈមណ្ឌលព័ត៌មានអចលនទ្រព្យ (REIC) នៃប្រទេសនេះបានលើកឡើងថា តម្លៃដីធ្លីនៅក្រុងបាងកក បានហក់ឡើងជាបន្តបន្ទាប់ក្នុងឆ្នាំ២០២០ រហូតដល់ទៅ១៧,១% នៅក្នុងសន្ទស្សន៍តម្លៃដីទំនេរក្នុងត្រីមាសទី៤។

លោកថ្លែងថា សន្ទស្សន៍តម្លៃដីធ្លីបានហក់ឡើងខ្លាំង ចាប់តាំងពីឆ្នាំ២០១៩ ប៉ុន្តែបានបង្អង់ល្បឿននៅក្នុងត្រីមាសទី៣ ឆ្នាំ២០២០ មកនៅត្រឹមកំណើន០,៧%។ ទោះជាយ៉ាងណា នៅត្រីមាសទី៤ តម្លៃដីបានហក់ឡើងរហូតដល់៧,៣%។

លោកបានគូសបញ្ជាក់ថា ការប្រែប្រួលតម្លៃដីធ្លីនៅទីក្រុងបាងកក គឺដោយសារដីដែលមានទីតាំង ស្ថិតនៅជិតបណ្តាញផ្លូវដែកដឹកជញ្ជូនសាធារណៈ បានហក់ឡើងថ្លៃខ្ពស់ជាងតម្លៃដីជាមធ្យមដល់ទៅ២ទៅ៤ដង។

តម្លៃដីធ្លីនៅជិតបណ្តាញផ្លូវដែក ដឹកជញ្ជូនសាធារណៈ Blue Line ពីសង្កាត់ Bang Khae ឆ្ពោះទៅផ្លូវ Phutthamonthon Sai 4 បានហក់ឡើងខ្ពស់បំផុត នៅក្នុងត្រីមាសទី៤ ឆ្នាំ២០២០ ដល់ទៅ៦៧.៦%។

ចំណែកដីនៅជិតបណ្តាផ្លូវដែកដឹកជញ្ជូនសាធារណៈ Green Line ពីស្ថានីយ Ku Kot ឆ្ពោះទៅកាន់សង្កាត់ Lam Luk Ka បានហក់ឡើងថ្លៃខ្ពស់បំផុត នៅចន្លោះត្រីមាសទី៤ ឆ្នាំ២០១៩ ដល់ត្រីមាសទី២ ឆ្នាំ២០២០ មុនពេលធ្លាក់ចុះមកនៅក្រោមកម្រិតតម្លៃ។

ដីដែលហក់ឡើងថ្លៃខ្ពស់បំផុតទី២ នៅត្រីមាសទី៤ ឆ្នាំ២០២០ គឺដីនៅជិតបណ្តាញផ្លូវដែកដឹកជញ្ជូនសាធារណៈ Light Red Line ពីសង្កាត់ Taling Chan ឆ្ពោះទៅសង្កាត់ Sala Ya ដោយហក់ឡើងរហូតដល់ទៅ៤៣,៤%។

មានបណ្ដាញផ្លូវដែកដឹកជញ្ជូនសាធារណៈថ្មីៗចំនួន៣ ស្ថិតក្នុងចំណោមតំបន់ហាងឆេងដីហក់ឡើងខ្ពស់បំផុតទាំង៥ នៅក្នុងសន្ទស្សន៍តម្លៃដី ដោយក្នុងនោះរួមមានទាំងបណ្ដាញផ្លូវដែកដឹកជញ្ជូនសាធារណៈ Gold Line នៅសង្កាត់ Thon Buri បណ្ដាញផ្លូវដែកដឹកជញ្ជូនសាធារណៈ Orange Line ពីសង្កាត់ Taling Chan ឆ្ពោះទៅមជ្ឈ​មណ្ឌលវប្បធម៌ (Cultural Centre) និងបណ្ដាញផ្លូវដែកដឹកជញ្ជូនសាធារណៈ Blue Line ពីស្ថានីយ Hua Lamphong ឆ្ពោះទៅសង្កាត់ Bang Khae ផងដែរ៕

ដោយៈស៊ីវ ម៉េង

ភ្នំពេញៈ អាគារកប់ពពកលំដាប់ពិភពលោក បាននិងកំពុងសាងសង់ និងត្រៀមសាងសង់នាពេលខាងមុខ ដែលវត្តមានអាគារមានកំពស់ជាង២០០ម៉ែត្រ ដល់៥៦៨ម៉ែត្រ នឹងផ្លាស់ប្តូរមុខមាត់រាជធានីភ្នំពេញទៅកាន់កម្រិតថ្មីមួយទៀត។

បច្ចុប្បន្នក្នុងចំណោមអាគារខ្ពស់ៗទាំង៤ មានអាគារបីកំពុងចាប់ផ្តើមដំណើរការបុកគ្រឹះសាងសង់បណ្តើរៗហើយ។

គំរោងMesong Tower

វិនិយោគដោយក្រុមហ៊ុន មានមូលដ្ឋាននៅទីក្រុងហុងកុង អាគារកំពស់៧១ជាន់នេះ ស្មើនឹងកំពស់២៧២ម៉ែត្រនេះ កំពុងធ្វើការបុកគ្រឹះសាងសង់ហើយ ដែលមានទីតាំងនៅជិតស្ពាននាគភ្លោះលើទីក្រុងកោះពេជ្រ។

អាគារដែលមានខុនដូ អាផាតម៉ិន ការិយាល័យ និងសេវាកម្មកំសាន្តេះជាច្រើននេះ កំពុងតែដំណើរការសាងសង់ ដោយឆ្ពោះទៅមុខយឺតៗ ដោយសារវិបត្តិសេដ្ឋកិច្ចសកល ដែលបណ្តាលមកពីជំងឺកូវីដ១៩។

មជ្ឈមណ្ឌលកំសាន្តលំដាប់ពិភពលោកNaga3

មជ្ឈមណ្ឌលកំសាន្ត និងពាណិជ្ជកម្មលំដាប់ពិភពលោកNaga3 ដែលបោះទុនវិនិយោគ៣៥០០លានដុល្លារអាមេរិក កំពុងខួងគ្រឹះយ៉ាងសកម្ម ដែលគំរោងនេះនឹងជាផ្នែកមួយនៃLand Markនៃទីក្រុងភ្នំពេញ។

ក្រៅពីកាស៊ីណូ សណ្ឋាគារ អាផាតម៉ិន ខុនដូ មជ្ឈមណ្ឌលកំសាន្ត កាស៊ីណូ មជ្ឈមណ្ឌលកំសាន្តNaga3 បាននិងកំពុងវិនិយោគលើគំរោងជាច្រើនទៀត នៅក្នុងមជ្ឈ​មណ្ឌលនេះ។

ក្រុមហ៊ុនNaga Cord ដែលកំពុងវិនិយោគអភិវឌ្ឍគម្រោងនេះបានឲ្យដឹងថា “គម្រោងនេះ នឹងក្លាយជាអាគារខ្ពស់ជាងគេ នៅកម្ពុជា នៅពេលបញ្ចប់ការសាងសង់”។

នៅក្នុងបរិវេណនោះ នឹងមានប្លុកវេទិកាពហុមុខងារចំនួន១៧ជាន់ (ផលិតផលរចនាបថជីវិត សួនឧទ្យានបច្ចេកវិទ្យាខ្ពស់ ការកម្សាន្ត បន្ទប់ប្រជុំ ការលើកទឹកចិត្ត មជ្ឈ​មណ្ឌលសន្និសីទ និងកន្លែងតាំងពិព័រណ៍នានា (MICE) ជាដើម)។ ជាមួយគ្នានេះដែរ ក៏មានជាន់ក្រោមដីចំនួន៤ជាន់សម្រាប់ចំណតរថយន្ត និងសេវាគាំទ្រផ្សេងៗទៀតផងដែរ​។

Naga3 នឹងបន្ថែមបន្ទប់សណ្ឋាគារ និងបន្ទប់ប្រណីតជិត៣.០០០ ទៅលើមជ្ឈម ណ្ឌលណាហ្គាវើលដ៍ ដែលមានស្រាប់ផងដែរ។ ផ្ទៃដីសរុប សម្រាប់គម្រោងមានចំនួន៥០០ ០០០ម៉ែត្រការ៉េ។ អ្នកអភិវឌ្ឍន៍ អ្នកម៉ៅការ និងអ្នករចនា សម្រាប់គម្រោងនេះ នឹងសាងសង់ ស្របតាមស្តង់ដារអន្តរជាតិ៕

មជ្ឈមណ្ឌលពាណិជ្ជកម្មកំពស់៤០០ម៉ែត្រ

ក្រុមហ៊ុនចិនដ៏ធំមួយ កំពុងវិនិយោគលើផ្ទៃដីប្រមាណ៥ហិកតា នៅទីតាំងអតីតៈតំបន់ក្មេងលេងនាពេលរាត្រី ដើម្បីសាងសង់មជ្ឈមណ្ឌលពាណិជ្ជកម្មកំពស់៤០០ម៉ែត្រនៅតំបន់នេះផងដែរ។ នេះបើតាមលោកទូច សំណាងអគ្គនាយករងក្រុមហ៊ុនOCIC។

បច្ចុប្បន្នក្រុមហ៊ុនដែលមកពីប្រទេសចិននេះ បាននិងកំពុងចាប់ផ្តើមដំណើរការការដ្ឋានសាងសង់បណ្តើរៗផងដែរ ប៉ុន្តែដំណើរការសាងសង់ហាក់យឺតយ៉ាវបន្តិច ប្រហែ​លមកពីវិបត្តិសេដ្ឋកិច្ចសកល បណ្តាលមកពីជំងឺកូវីដ១៩។

គំរោងនេះដ៏ធំនេះ គ្រោងវិនិយោគទឹកប្រាក់ជាង១៣០០លានដុល្លារអាមេរិក និងទទួលបានការអនុម័តយល់ព្រម ពីក្រុមប្រឹក្សាអភិវឌ្ឍន៍កម្ពុជារួចហើយ។

មជ្ឈមណ្ឌលពាណិជ្ជកម្មThai Boon Rongកំពស់៥៦៨ម៉ែត្រ

បន្ទាប់ពីប្រកាសតាំងពី៤ឆ្នាំមុន ហើយនៅតែមិនទាន់បានសាងសង់ បានធ្វើឲ្យសាធារណៈជនហាក់អស់សង្ឃឹម ប៉ុន្តែកាលពីសប្តាហ៍កន្លងមក លោកសាស្រ្តាចារ្យទួស សាភឿនប្រធានក្រមវិស្វករនៃគម្រោងលំដាប់យក្ស ដែលគ្រោងបោះទុនវិនិយោគ៣០០០លានដុល្លារនេះបានឲ្យដឹងថា គំរោងនេះនឹងសាងសង់នាពេលខាងមុខ ដោយមិនមានការបញ្ឈប់នោះទេ។

លោកសាស្រ្តាចារ្យបានបន្តថា “ក្រុមហ៊ុនបានបញ្ចប់ការងារបច្ចេកទេស លើប្លង់អាគារ ការធ្វើតេស្តដី ការសង់ជញ្ជាំងទប់ដីរួចហើយ ដោយរង់ចាំតែពេលវេលាចាប់ផ្តើម​សាងសង់ប៉ុណ្ណោះ”។លោកបន្តថា “ក្រុមហ៊ុនមិនមានវិបត្តិហិរញ្ញវត្ថុណាមួយនោះទេ គឺលុយមាននៅក្នុងដៃរួចហើយ”។

មជ្ឈមណ្ឌលពាណិជ្ជកម្មលំដាប់ពិភពលោកនេះ រួមបញ្ចូលនូវផ្សារទំនើបលំដាប់អន្តរជាតិ ខុនដូ អាផាតម៉ិនកំរិតផ្កាយ៥ សណ្ឋាគារកម្រិតផ្កាយ៦ ការិយាល័យ មជ្ឈមណ្ឌ​លកំសាន្ត និងសេវាកម្មជាច្រើនទៀត ពិសេសអាគារនេះនឹងមានកន្លែងសំរាប់ទស្សនាទេសភាពរាជធានីភ្នំពេញផងដែរ។

លោកសាស្រ្តាចារ្យទួស សាភឿនបានថ្លែងថា “នៅពេលសាងសង់ចប់ មជ្ឈមណ្ឌ​លពាណិជ្ជកម្មនេះ នឹងទាក់ទាញក្រុមហ៊ុនអន្តរជាតិធំៗលំដាប់ពិភពលោក មកដាក់ការិយាល័យកណ្តាលនៅកម្ពុជា ដោយសារបច្ចុប្បន្នរាជធានីភ្នំពេញ មិនទាន់មានការិយាល័យលំដាប់ពិភពលោកនៅឡើយទេ”។ លោកបន្តថា “វានឹងជាមុខមាត់ និងជាមោទនភាពរបស់កម្ពុជានាពេលអនាគត”៕