តើកត្តាអ្វីខ្លះកំពុងជះឥទ្ធិពលដល់វិស័យអចលនទ្រព្យនៅក្នុងវិបត្តិកូវីដ១៩?

        ដោយៈវឌ្ឍនៈ

ភ្នំពេញៈ ស្ថានភាពកូវីដ១៩បានធ្វើឱ្យវិស័យជាច្រើន បានរងផលប៉ះពាល់ ហើយវិស័យខ្លះ អាចទប់ទល់បានខ្លះទៀត ក៏ពិបាកក្នុងទប់ទល់ដែលជំរុញឱ្យអាជីវកម្មមួយចំនួនត្រូវបិទទ្វារ ក្នុងនោះដែរវិស័យអចលនទ្រព្យ ក៏ជាវិស័យមួយដែលរងផលប៉ះពាល់ ពីវិបត្តិកូវីដ១៩នេះដែរ។

អ្នកជំនាញខាងអចលនទ្រព្យ និងហិរញ្ញវត្ថុបានមើលឃើញកត្តា៤ ដែលកំពុងជះឥទ្ធិពលដល់វិស័យអចលនទ្រព្យនៅក្នុងវិបត្តិកូវីដ១៩នេះ។

លោកង៉ែត ជូ ប្រធានក្រុមប្រឹក្សាភិបាល F.I Vision Capital Plc បានឱ្យដឹងថា មានកត្តា៤ដែលធ្វើឱ្យជះឥទ្ធិពល ដល់វិស័យអចលនទ្រព្យកម្ពុជា ក្នុងវិស័យកូវីដ១៩នេះ មានដូចជា

ទី១គឺកត្តាសេដ្ឋកិច្ច

កាលពីមុនកូវីដ១៩ សេដ្ឋកិច្ចកម្ពុជា កំពុងឡើងថ្លៃរហូតដល់៧ភាគ រយក្នុងមួយឆ្នាំ ដែលធ្វើឱ្យល្បឿននៃកំណើនសេដ្ឋកិច្ច បានរុញច្រើនវិស័យអចលនទ្រព្យ កាន់តែខ្លាំង និងធ្វើឱ្យមានការទិញលក់អចលនទ្រព្យ ពីសំណាក់ប្រជាពលរដ្ឋក៏កាន់តែខ្លាំងដែរ ជាពិសេសទៅលើលំនៅឋានតែម្ដង ។ នៅពេលមានតម្រូវការខ្ពស់បែបនេះ ធ្វើឱ្យអ្នកអភិវឌ្ឍន៍ក៏បានសម្រុកអភិវឌ្ឍន៍ ដើម្បីបំពេញតម្រូវការដូចគ្នាដែរ ។

ទី២ ពាក់ព័ន្ធនឹងស្ថានភាពធនាគារ

អត្រាការប្រាក់របស់ធនាគារផ្ដល់កម្ចីដល់អចលនទ្រព្យ ។ នៅពេលអត្រាការប្រាក់របស់ធនាគារថយចុះ វានឹងរក្សាបាននូវតម្លៃនៃអចលនទ្រព្យនោះ ឬអាចនឹងឡើងជាមុនទៅទៀត។ មួយវិញទៀត នៅពេលធនាគារដាក់កំហិត ទៅលើកម្ចីនៃវិស័យអចលនទ្រព្យឬមិនបន្តផ្ដល់កម្ចីដល់វិស័យនេះ វានឹងធ្វើឱ្យវិស័យអចលនទ្រព្យជាប់គាំងតែម្ដង។ ប៉ុន្តែបើក្រលេកមកកម្ពុជាវិញ ទោះបីជាមានបញ្ហាយ៉ាងនេះក្ដី ក៏ធនាគារនៅតែបន្តផ្ដល់កម្ចីដល់វិស័យនេះ ទើបធ្វើឱ្យអចលនទ្រព្យមិនសូវជារងផលប៉ះពាល់ធ្ងន់ធ្ងរ។

ទី៣ កត្តាប្រជាសាស្ត្រ

កត្តានេះក៏សំខាន់ផងដែរ សម្រាប់វិស័យអចលនទ្រព្យ ដោយគេសម្លឹងទៅលើប្រទេសនោះ មានប្រជាជនវ័យក្មេងប៉ុន្មាន មានកម្រិតចំណូលប៉ុន្មាន មានលទ្ធភាពប៉ុន្មាន មានតម្រូវការលំនៅឋានដែរទេ ។ មកមើលប្រទេសកម្ពុជាយើងវិញ ការរស់នៅបែបស៊ីវិល័យរបស់ប្រជាជនវ័យក្មេង ក៏កាន់តែមានទំនោរកើនឡើង ធ្វើឱ្យតម្រូវការនូវអចលនទ្រព្យដូចជាផ្ទះខុនដូក៏កើនឡើង។

ទី៤ គោលនយោបាយរបស់រដ្ឋាភិបាល

កត្តានេះ គឺមានពាក់ព័ន្ធនឹងវិស័យអចលនទ្រព្យជាសំខាន់ ជាឧទាហរណ៍ នៅឆ្នាំក្រោយនេះ រដ្ឋាភិបាលនឹងចាប់ផ្ដើមអនុវត្តន៍នូវពន្ធ លើចំណេញមូលធនហើយពន្ធនេះបានពន្យារពេលជាច្រើនលើកមកហើយ ។

លោកង៉ែត ជូបានឱ្យដឹងថា បើសិនជាពន្ធនេះចាប់ផ្ដើមនៅឆ្នាំក្រោយ ក៏វាមិនទាន់ជាល្អប៉ុន្មានដែរពីព្រោះកូវីដ១៩ នៅតែបន្តអូសបន្លាយ និងបន្តជះផលប៉ះពាល់ដល់វិស័យអចលនទ្រព្យ។

លោកបន្តថា “ខ្ញុំគិតថាពន្ធនេះ នឹងត្រូវពន្យារពេលទៅមុខ ឬយ៉ាងណា អាស្រ័យទៅលើគោលនយោបាយ របស់រដ្ឋាភិបាលហើយបើសិនជាពន្ធនោះ ចាប់ផ្ដើមវាជាបន្ទុកមួយទៅដល់អ្នកប្រើប្រាស់ចុងក្រោយ ពីព្រោះអ្នកលក់នឹងត្រូវដំឡើងតម្លៃបន្ថែម ដើម្បីបានចំណេញ”៕

ក្រសួងទេសចរណ៍អញ្ជើញក្រុមហ៊ុនឯកជនដេញថ្លៃអភិវឌ្ឍន៍រមណីយដ្ឋាន ទេ ទឹកពុះ ក្នុងស្រុកឱរ៉ាល់

        ដោយៈតារារះ

        ភ្នំពេញៈ ក្រសួងទេសចរណ៍ បានអញ្ជើញក្រុមហ៊ុនឯកជន ចូលរួមក្នុងសកម្មភាពដេញថ្លៃ ដើម្បីអភិវឌ្ឍន៍រមណីយដ្ឋានទេ ទឹកពុះ ស្ថិតក្នុងឃុំចំនួនពីរ នៃស្រុកឱរ៉ាល់ ខេត្តកំពង់ស្ពឺ។

យោងតាមព៌តមានដែលបានបង្ហោះ លើបណ្តាញទំនាក់ទំនងសង្គមរបស់ក្រសួងទេសចរណ៍នារសៀលថ្ងៃទី១៥ កញ្ញានេះបានឲ្យដឹងថា ក្រោមក្របខណ្ឌកម្មវិធីពង្រឹងសមត្ថភាពពាណិជ្ជកម្មក្នុងវិស័យទេសចរណ៍ (TCBP) ដែលទទួលបានជំនួយហិរញ្ញប្បទានពីទីភ្នាក់ងារបារាំងសម្រាប់ការអភិវឌ្ឍ (AFD) ក្រសួងទេសចរណ៍ សូមអញ្ជើញក្រុមហ៊ុនសេវាប្រឹក្សាយោបល់ ផ្តល់សេវាកម្មក្នុងការរៀបចំផែនការអភិវឌ្ឍន៍ ទេសចរណ៍ សម្រាប់រមណីយដ្ឋានទេទឹកពុះ ទំនប់ស្ទឹងតាសាល និងអន្លង់ភេតាពយ។

ការអភិវឌ្ឍន៍រមណីយដ្ឋាននេះ ដោយផ្តោតលើទេសចរណ៍ក្នុងស្រុក និងក្រៅស្រុក ក្នុងការធានាឲ្យបាននូវនិរន្តភាព នៃការអភិវឌ្ឍតាមសហគមន៍មូលដ្ឋាន ការគ្រប់គ្រងវិស័យទេសចរណ៍គ្រប់ជ្រុងជ្រោយ និងសមាហរណកម្មជាមួយផែនការអភិវឌ្ឍន៍នានា ចូលរួមរៀបចំដាក់សំណើដេញថ្លៃលើសកម្មភាព “រៀបចំផែនការអភិវឌ្ឍន៍ទេសចរណ៍ នៅក  ម្រិ​តមូលដ្ឋាន សម្រាប់តំបន់រមណីយដ្ឋានទេទឹកពុះ ទំនប់ស្ទឹងតាសាល និងអន្លង់ភេតាពយ ក្នុងស្រុកឱរ៉ាល់ ខេត្តកំពង់ស្ពឺ”៕

ក្រុមហ៊ុនអាមេរិកដ៏ល្បីល្បាញ Andersen Globalបានឈានជើងចូលទីផ្សារកម្ពុជា

ដោយៈសុខុម

ភ្នំពេញ: ក្រុមហ៊ុនប្រឹក្សាផ្នែកច្បាប់ និងពន្ធដារដ៏ល្បីល្បាញរបស់សហរដ្ឋអាមេរិក Andersen Global បានឈានជើងចូលទីផ្សារជាច្រើននៅអាស៊ី រួមមានកម្ពុជា ឥណ្ឌូនេស៊ី ឡាវ មីយ៉ាន់ម៉ា និងវៀតណាម តាមរយៈកិច្ចព្រមព្រៀងសហការ ជាមួយក្រុមហ៊ុនប្រឹក្សាផ្នែកច្បាប់ និងពន្ធដារ VDB Loi Limited។ នេះបើយោងតាមសារព័ត៌មាន Business Wire ចុះផ្សាយកាលពីថ្ងៃទី១៤ កញ្ញា។

ដោយមានក្រុមហ៊ុនជាដៃគូសហការចំនួន១០ និងអ្នកជំនាញជាង២០០នាក់ ក្រុមហ៊ុន VDB Loi Limited ផ្ដល់សេវាក្នុងវិស័យជាច្រើន រួមមាន ក្រុមហ៊ុនសាជីវកម្ម ហិរញ្ញវត្ថុ វិវាទ ថាមពល ហេដ្ឋារចនាសម្ព័ន្ធ អចលនទ្រព្យ ទូរគមនាគមន៍ ការវិនិយោគបរទេស និងពន្ធដារ។

ក្រុមហ៊ុនដែលផ្តល់សេវាកម្មជាកញ្ចប់ ដែលបង្កើតឡើងរួមគ្នាក្នុងឆ្នាំ២០១២ ដោយលោក Edwin Vanderbruggen និងលោក Jean Loi នេះមានការទទួលស្គាល់ពីស្ថាប័នអន្តរជាតិជាច្រើន រួមមាន ស្ថាប័ន Chambers and Partners ស្ថាប័ន The Legal 500 និងស្ថាប័ន IFLR 1000 ហើយបានឈ្នះពានរង្វាន់ ជាក្រុមហ៊ុនច្បាប់ឆ្នើមប្រចាំឆ្នាំ២០២០ Tax Firm of the Year in 2020 ពីស្ថាប័ន International Tax Review (ITR)។

លោក Jean Loi មានប្រសាសន៍ថា “យើងខិតខំធ្វើយ៉ាងណាឱ្យក្លាយជាអង្គភាពស្តង់ដារមួយ នៅក្នុងតំបន់ដែលកំណត់ស្តង់ដារគុណភាព ក្នុងឧស្សាហកម្មនានា។ ការសហការជាមួយ Andersen Global ផ្ដល់លទ្ធភាពឱ្យយើង អាចធ្វើការជាមួយក្រុមអ្នកជំនាញផ្នែកច្បាប់ និងពន្ធដារមកពីជុំវិញពិភពលោក និងពង្រីកសមត្ថភាពរបស់យើង ដើម្បីបម្រើអតិថិជនយ៉ាងរលូន នៅពេលពួកគេពង្រីកប្រតិបត្តិការរបស់ខ្លួននៅទូទាំងពិភពលោក”។

ជាមួយគ្នានេះ លោក Mark Vorsatz ដែលជាប្រធាន និងជានាយកប្រតិបត្តិក្រុមហ៊ុន Andersen Global បានបន្ថែមថា “តាមរយៈការធ្វើការជាមួយគ្នាលើកមុនៗ យើងបានឃើញការប្តេជ្ញាចិត្តរបស់ក្រុមហ៊ុន VDB Loi Limited ដើម្បផ្ដល់សេវាកម្មល្អដាច់គេ។ ក្រុមហ៊ុននេះបានបង្កើត Platform ដែលមានភាពប្រកួតប្រជែងមួយ នៅក្នុងទីផ្សាររបស់ខ្លួន ដែលផ្តល់ឱកាសឱ្យយើងទទួលបានកំណើនបន្ថែមទៀត ខណៈយើងមានបំណងឈរជើងឱ្យរឹងមាំនៅក្នុងតំពន់”។

Andersen Global គឺជាសមាគមអន្តរជាតិ នៃក្រុមហ៊ុនប្រឹក្សាផ្នែកច្បាប់ និងពន្ធដារដែលប្រមូលផ្ដុំ ទៅដោយក្រុមអ្នកជំនាញខាងច្បាប់ និងពន្ធដារមកពីជុំវិញពិភពលោក។ បង្កើតឡើងដោយក្រុមហ៊ុនអាមេរិក Andersen Tax LLC ក្នុងឆ្នាំ២០១៣ Andersen Global ពេលនេះមានអ្នកជំនាញជាង៨.០០០នាក់ មកពីជុំវិញពិភពលោក និងមានវត្តមាន២៩៨ទីតាំង តាមរយៈក្រុមហ៊ុនជាសមាជិក និងក្រុមហ៊ុនសហការរបស់ខ្លួន៕

ក្រុមហ៊ុនកូរ៉េLG និង Hyundai ចាប់ផ្តើមសាងសង់រោងចក្រផលិតអាគុយ EV តម្លៃរាប់ពាន់លានដុល្លារនៅឥណ្ឌូនេស៊ីហើយ

ដោយៈសុខុម

ហ្សាការតា: ក្រុមហ៊ុនកូរ៉េខាងត្បូង LG Energy Solution និង Hyundai Motor Group បានចាប់ផ្ដើមដំណើរការសាងសង់ រោងចក្រផលិតអាគុយរថយន្តអគ្គិសនី (EV) តម្លៃ១,១ពាន់លានដុល្លារអាមេរិក នៅប្រទេសឥណ្ឌូនេស៊ី ហើយ។ នេះបើយោងតាមសារព័ត៌មាន CNA ចុះផ្សាយនៅថ្ងៃពុធ ទី១៥ កញ្ញា នេះ។

ប្រធានាធិបតីឥណ្ឌូនេស៊ី លោក ចូកូ វីដូដូ បានថ្លែងតាមកញ្ចក់ទូរទស្សន៍នៅថ្ងៃពុធ នេះថា រោងចក្រនេះ ជារោងចក្រផលិតអាគុយរថយន្តអគ្គិសនី ដំបូងគេបង្អស់នៅអាស៊ីអាគ្នេយ៍ ហើយវាឆ្លុះបញ្ចាំងពីការប្តេជ្ញាចិត្ត របស់រដ្ឋាភិបាលឥណ្ឌូនេស៊ី ក្នុងការប្រើប្រាស់ធនធានរ៉ែនីកែល (Nickel) របស់ខ្លួនដើម្បីអភិវឌ្ឍឧស្សាហកម្មរ៉ែ។

លោក ចូកូ វីដូដូ បានថ្លែងក្នុងពិធីបញ្ចុះបឋមសិលាបើកការដ្ឋានសាងសង់រោងចក្រនេះថា “ឥណ្ឌូនេស៊ី មានរ៉ែនីកែល (Nickel) បម្រុងច្រើនបំផុតក្នុងពិភពលោក ហើយជាមួយនឹងសក្តានុពលនេះ ខ្ញុំជឿជាក់ថា ក្នុងរយៈពេលពី៣ទៅ៤ឆ្នាំខាងមុខ ឥណ្ឌូនេស៊ី នឹងក្លាយជាអ្នកផលិតដ៏ធំនូវផលិតផល ដែលផ្អែកលើរ៉ែនីកែលដូចជាអាគុយជាដើម ប្រ​សិនបើមានការគ្រប់គ្រងបានល្អ”។

យោងតាមរដ្ឋមន្ត្រីវិនិយោគឥណ្ឌូនេស៊ី លោក Bahlil Lahadalia ឱ្យដឹងថា រោងចក្រផលិតអាគុយនៅខេត្តជ្វាខាងលិច (West Java) នេះគឺជាផ្នែកមួយនៃផែនការវិនិយោគ ក្នុងទំហំទឹកប្រាក់៩,៨ពាន់លានដុល្លារអាមេរិក សម្រាប់ក្រុមហ៊ុន LG Energy Solution។

លោក Jong-hyun Kim អគ្គនាយកក្រុមហ៊ុន LG Energy Solution ដែលជាបុត្រសម្ព័ន្ធកាន់កាប់ទាំងស្រុងដោយក្រុមហ៊ុន LG Chem Ltd បានលើកឡើងថា អាគុយនឹងត្រូវផលិតដោយប្រើបច្ចេកវិទ្យាចុងក្រោយរបស់ក្រុមហ៊ុន ហើយអាគុយទាំងនោះនឹងត្រូវដំឡើងក្នុងរថយន្តអគ្គិសនីរបស់ក្រុមហ៊ុន Hyundai Motor និងក្រុមហ៊ុន Kia Motors Corp។

ក្រុមហ៊ុន Hyundai Motor Group និងក្រុមហ៊ុន LG Energy Solution បានចេញសេចក្តីថ្លែងការណ៍រួមថា ការសាងសង់រោងចក្រនេះ នឹងបញ្ចប់ជាស្ថាពរនៅឆមាសទី១ ដើមឆ្នាំ២០២៣ ហើយបានបញ្ជាក់ថា ការផលិតអាគុយទ្រង់ទ្រាយធំ នឹងចាប់ផ្ដើមនៅឆមាសទី១ ដើមឆ្នាំ២០២៤។

នៅពេលដំណើរការពេញលេញ តាមការរំពឹងទុករោងចក្រនេះ នឹងផលិតអាគុយបានកម្លាំង១០ជីហ្គាវ៉ាត់ម៉ោង (GWh) ដែលគ្រប់គ្រាន់សម្រាប់ការផ្គត់ផ្គង់រថយន្តអគ្គិសនីបានជាង១៥០.០០០គ្រឿង។

សេចក្តីថ្លែងការណ៍រួមដដែលបានបញ្ជាក់ថា រោងចក្រនេះនឹងត្រៀមខ្លួនបង្កើនសមត្ថភាពផលិតអាគុយ ឱ្យបានកម្លាំង៣០ជីហ្គាវ៉ាត់ម៉ោង (GWh) ដើម្បីឆ្លើយតបទៅនឹងកំណើនតម្រូវការនាពេលអនាគត។

ក្រុមហ៊ុន Hyundai Motor Group និងក្រុមហ៊ុន LG Energy Solution រំពឹងថានឹងអភិវឌ្ឍឧស្សាហកម្មផលិតអាគុយ នៅប្រទេសឥណ្ឌូនេស៊ី ឱ្យកាន់តែរីកចម្រើន ព្រមទាំងសាងសង់រោងចក្រដំឡើងរថយន្តអគ្គិសនី និងស្ថានីយសាកថាមពលអាគុយផងដែរ៕  Reuters៕

ខេត្តពោធិ៍សាត់នឹងទាក់ទាញការវិនិយោគឧស្សាហកម្មបន្ថែមទៀតនៅពេលឆាប់ៗនេះ

        ដោយៈវឌ្ឍនៈ

ភ្នំពេញៈ ខេត្តពោធិ៍សាត់នឹងក្លាយជាខេត្តទាក់ទាញ ដ៏មានសក្ដានុពលមួយសម្រាប់វិស័យឧស្សាហកម្ម និងអចលនទ្រព្យ បន្ទាប់ពីខេត្តនេះ ទទួលបានគម្រោងវិនិយោគធំមួយកាលពីពេលថ្មីៗនេះ គឺគម្រោងរោងចក្រដំឡើងរថយន្តហ្វត។

យោងតាមសេចក្ដីប្រកាសព័ត៌មាន របស់រដ្ឋបាលខេត្តពោធិ៍សាត់ កាលពីពេលថ្មីនេះបានឲ្យដឹងថា រោងចក្រដំឡើងរថយន្តហ្វត នឹងលេចរូបរាងនៅក្នុងទឹកដីនៃខេត្តពោធិ៍សាត់នៅពេលឆាប់ៗនេះ ជាមួយនឹងទុនវិនិយោគប្រមាណជាង២០លានដុល្លារ ។ វានឹងផ្ដល់ឱកាសការងារ ដល់ប្រជាពលរដ្ឋជាច្រើនផងដែរ ទាក់ទាញការវិនិយោគពីក្រុមហ៊ុននិងគម្រោងផ្សេងៗជាច្រើនទៀត។

លោកងន សាំង អគ្គនាយកក្រុមហ៊ុន RMA Cambodia បានឱ្យដឹងថា រោងចក្រផ្គុំនិងដំឡើងរថយន្តហ្វនៅកម្ពុជា ត្រូវសាងសង់លើផ្ទៃដីជាង៤ហិចតា ក្នុងស្រុកក្រគរ ចំងាយប្រមាណ២០គីឡូម៉ែត្រ ពីទីរួមខេត្តពោធិ៍សាត់ ។ គម្រោងនេះ នឹងលើកមុខមាត់ខេត្តពោធិ៍សាត់បន្ថែមទៀត តាមរយៈការទាក់ទាញឱ្យការវិនិយោគបន្ថែម នៅក្នុងតំបន់ឧស្សាហកម្ម ។

អ្នកជំនាញនៃវិស័យអចលនទ្រព្យជាច្រើន ក៏បានសម្លឹងមើលពីសក្ដានុពលនិងឱកាស ចំពោះការវិនិយោគនៅក្នុងខេត្តមួយនេះផងដែរ ដោយសារតែរដ្ឋាភិបាលបានសាងសង់ផ្លូវតភ្ជាប់ទៅកាន់ខេត្តផ្សេងៗ កាន់តែមានភាពងាយស្រួល ក្នុងការធ្វើដំណើររបស់ទេសចរ និងវិនិយោគិន ។ផ្លូវសំខាន់ៗ ដែលត្រូវបានមើលឃើញថាជំរុញសក្ដានុពលវិនិយោគខេត្តពោធិ៍សាត់ រួមមាន ផ្លូវជាតិលេខ៥៥ និងផ្លូវលេខ១០ ដូចជាផែនការបើកច្រកព្រំដែនកម្ពុជាថៃផងដែរ។

យោងតាមក្រុមហ៊ុនវាយតម្លៃអចលនទ្រព្យ Zillion Holding បានឱ្យដឹងផងដែរថា តម្លៃដីធ្លីនៅតាមបណ្ដោយផ្លូវលេខ១០ ហាក់មានកំណើនឡើង ក្នុងរយៈពេលប៉ុន្មានឆ្នាំចុងក្រោយ ខណៈផ្លូវមួយនេះតភ្ជាប់ខេត្តសំខាន់ៗចំនួន៣ រួមមានខេត្តបាត់ដំបង ពោធិ៍​សាត់ និងទៅកោះកុង ដែលវាបានក្លាយជាផ្លូវ ដែលមានចរាចរណ៍មមាញឹក ដឹកជញ្ជូនទំនិញឆ្លងកាត់កម្ពុជាថៃ និងសម្រាប់ទេសចរធ្វើដំណើរឆ្លងកាត់ផងដែរ។

លោកឧកញ៉ាភួ ពុយអគ្គនាយកក្រុមហ៊ុនបុរីភួ ពុយដែលបានវិនិយោគលើផ្ទៃដីជាច្រើនហិកតានៅសង្កាត់លលក “ស” ក្រុងពោធិសាត់បានមានប្រសាសន៍ថា ខេត្តពោធិសាត់មានសក្តានុពលខ្ពស់ ព្រោះប្រជាពលរដ្ឋរស់នៅក្នុងខេត្តនេះមានជីវភាពល្អប្រសើរ ហើយពីបណ្តាស្រុកមួយ ទៅមួយជីវភាពរបស់ប្រជាពលរដ្ឋមានប្រហាក់ប្រហែលគ្នា។

លោកបន្តថា “ខេត្តនេះនឹងមានភាពរីកចម្រើនបន្ថែមទៀត នាពេលអនាគត ដោយសា​រគោលនយោបាយរដ្ឋាភិបាល អាជ្ញាធរខេត្តបាននិងកំពុងធ្វើឲ្យខេត្តនេះ ទាក់ទាញគម្រោងវិនិយោគជាបន្តបន្ទាប់”៕

Balactan ផលិតផលទឹកដោះគោបានបន្ថែមសារធាតុDHAជួយដល់ខួរក្បាលរបស់ ទារក កុមារឲ្យលូតលាស់ល្អ

ដោយៈគង់ សូរិយា

ភ្នំពេញៈ ផលិតផលម្សៅទឹកដោះគោ Balactan បាននិងកំពុងផ្តល់ជម្រើសដ៏ប្រសើ​រ សំរាប់មាតា បិតាគ្រប់រូប ដើម្បីឲ្យខួរក្បាលទារក និងកុមារមានការលូតលាស់បានល្អ​ប្រសើរ។

លោកប៊ូ​ ខេមរិន្ទ្រ ប្រធានផ្នែកលក់ និងទីផ្សារក្រុមហ៊ុន MTSL Investment Co., Ltdបានមានប្រសាសន៍ឲ្យដឹងថា បច្ចុប្បន្នផលិតផលម្សៅទឹកដោះគោ Balactan បានបន្ថែមសារធាតុ DHA សម្រាប់ផលិតផលថ្មីរបស់យើង ដែលសារធាតុនេះជួយដល់ការអភិវឌ្ឍលូតលាស់ខួរក្បាលក្មេងឲ្យចងចាំបានល្អ រៀនសូត្រចាប់បានលឿន រហ័ស និងចងចាំបានយូរពិសេសពួកគាត់អាចប្រើប្រាស់ខួរក្បាលបានល្អ។

លោកបន្តថា “អ្វីកាន់តែពិសេសពេលកុមារទទួលបានសារធាតុDHA បានច្រើនរហូតដល់អាយុ៦ឆ្នាំ ធ្វើឲ្យពួកគាត់រៀនសូត្របានចេះចាំលឿន ពិសេសពេលពួកគាត់ចាស់ទៅក៏មិនមានភាពរង្វេងផងដែរ”។ លោកបន្តថា “នៅកម្ពុជាមានផលិតផលទឹកដោះគោ ដែលមានសារធាតុ DHA ផងដែរ ប៉ុន្តែគេលក់តម្លៃថ្លៃ តែសារធាតុ DHA នៅមានកម្រិត បើធៀបនឹងផលិតផលរបស់យើង”។

ផលិតផលទឹកដោះគោ Balactan បាននិងកំពុងចរាចរណ៍លើទីផ្សារយ៉ាងទូលំទូលាយនៅកម្ពុជា និងកំពុងទទួលបានការគាំទ្រច្រើនពីសំណាក់មាតា បិតា អាណាព្យា​បាលកុមារនៅទូទាំងប្រទេស។

អគ្គនាយិការងក្រុមហ៊ុន ​​​MTSL Investment Co., Ltd លោកជំទាវថេង  សុខលីបានមានប្រសាសន៍ថា ដោយសារមាននិស្ស័យស្រលាញ់កុមារ ទើបលោកជំទាវបានសម្រេចជ្រើសរើសផលិតផលម្សៅទឹកដោះគោ ប្រកបដោយភាពសំរិតសំរាំង យកមកចែកចាយនៅកម្ពុជា ព្រោះចង់ឃើញទារក និងកុមារនៅកម្ពុជាមានសុខភាពល្អ និងបញ្ញាឆ្លាតវៃ ដូចកុមារនៅតាមបណ្តាប្រទេសជឿនលឿនមួយចំនួន។

លោកជំទាវបានបន្តថា “ហេតុនេះមុនសម្រេចចិត្តជ្រើសរើសផលិតផលណាមួយ សំរាប់ទារក និងបុត្រធីតារបស់លោកអ្នក សូមពិចារណាទៅលើសារធាតុផ្សំ និងជាផលិតផលលំដាប់ ISO ដូចជា Balactan”។លោកជំទាវបន្តថា “ការសំរិតសំរាំងផលិតផលមានគុណភាព សុវត្ថិភាព ជាការជ្រើសរើសក្តីស្រលាញ់សំរាប់បុត្រ ធីតារបស់ខ្លួន ដែលនាងខ្ញុំផ្ទាល់ក៏បានជ្រើសរើសBalactan សំរាប់កូនរបស់ខ្ញុំផងដែរ”៕

អគ្គនាយកដ្ឋានពន្ឋដាប្រកាសពីការរឹតបន្តឹងលើការយកពន្ឋអចលនទ្រព្យ និងដីធ្លី មិនប្រើប្រាស់

        ដោយៈគង់ សូរិយា

        ភ្នំពេញៈ អគ្គនាយកដា្ឋនពន្ធដារ ដែលជាសេនាធិការរបស់រដ្ឋាភិបាលធ្វើការលើការប្រមូលចំណូលពន្ឋបានប្រកាសថា នឹងបន្តពង្រឹងការប្រមូលពន្ធលើអចលនទ្រព្យ ឬ ពន្ធលើដីធ្លីមិនបានប្រើប្រាស់ ឱ្យបានតឹងរឹងជាងមុន ពិសេសលើការងារប្រមូលពន្ធតាមប្រព័ន្ធអនឡាញ ទិសដៅដើម្បីប្រមូលឱ្យគ្រប់ផែនការសម្រាប់ឆ្នាំ២០២១នេះ។

យោងតាមសេចក្តីប្រកាសព័ត៌មានរបស់អគ្គនាយកដ្ឋានពន្ធដារបានឲ្យដឹងថា លទ្ធផលប្រមូលពន្ធសរុបជារួម ក្នុងរយៈពេល៨ខែ ដំបូង នៃឆ្នាំ២០២១ សម្រេចបានជាង១,៩០០លានដុល្លារ ឬស្មើនឹង៨៥,១២ភាគរយ នៃផែនការច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០២១។

អគ្គនាយកដ្ឋានពន្ធដារ ក៏បានសង្កត់ធ្ងន់ថា ដើម្បីទប់ស្កាត់ការរីករាលដាលនៃជំងឺកូវីដ១៩ និងបង្កភាពងាយដល់សាធារណៈជនទាំងអស់ ការប្រកាសនិងបង់ប្រាក់ពន្ធលើអចលនទ្រព្យ គឺអាចធ្វើបានតាមរយៈកម្មវិធីទូរស័ព្ទដៃ ដោយគ្រាន់តែស្កេនលើ QR Code តែប៉ុណ្ណោះ៕

 

ខេត្តបុរីរាំរបស់ប្រទេសថៃរំពឹងថាស្រូបទាញទេសចរណ៍ក្នុងស្រុកបន្ថែមទៀត តាមរយៈបទចម្រៀងដ៏ល្បីសម្តែងដោយតារាចម្រៀង K- POP

ដោយៈសុជាតា

ប្រទេសថៃៈ មន្រ្តីទេសចរណ៍នៅខេត្តបុរីរាំ របស់ប្រទេសថៃរំពឹងទុកថា នឹងទទួលបានទទួលទេសចរណ៍ ក្នុងស្រុកកើនឡើងនៅត្រីមាសទីបួន ឆ្នាំ២០២១ ដោយសារតែបង្ហាញវីដេអូសម្តែង ដ៏ទាក់ទាញរបស់តារាចម្រៀង K-POP របស់ប្រទេសថៃ ដែលមានឈ្មោះថា lisa ដែលជាសមាជិរបស់ក្រុម blackpink របស់កូរ៉េខាងត្បូង។

យោងតាមការចេញផ្សាយរបស់សាព័ត៌មាន Bangkok Post  បានលើកឡើងពីប្រសាសន៍របស់អ្នកនាង Ratpacha  Teerapattharakit ប្រធានសមាគមទេសចរណ៍ខេត្ត បុរីរាំដែលបាននិយាយថា វិស័យទេសចរណ៍នៅក្នុងខេត្តនេះរំពឹងទុកថា កើនឡើងដោយសារតែបង្ហាញពីសារៈប្រយោជន៍ ដោយផ្ទាល់ពីការផ្សាយវិដេអូតន្រ្តីទោល លើកដំបូងរបស់តារាចម្រៀងLisa ដែលបង្ហាញពីឧទ្យានប្រវត្តិសាស្រ្តភ្នំរូង នៅទីកន្លែងកំណើ​តរបស់ខ្លួន។

អ្នកនាង Ratpacha បានលើកឡើងពីកញ្ចប់ទេសចរណ៍ សម្រាប់មកទស្សនាខេត្តបុរីរាំ ដែលសមាគមមានផែនការណែនាំកម្មវិធី៣ថ្ងៃ និង២យប់ សម្រាប់ខែក្រោយទៅកាន់តំបន់ប្រវត្តិសាស្រ្តភ្នំរូង ដោយទស្សនាហាងនំជាច្រើន និងទីកន្លែងកំណើតនៅស្រុកសាថុកវិញ ដែលជាតំបន់ទេសចរណ៍សហគមន៍ សម្រាប់ការទាក់ទាញទេសចរណ៍។

អ្នកនាងបន្ថែមទៀតថា “យើងនឹងរំពឹងទុកថា ភ្នំរូង នឹងទាក់ទាញការស្លៀកពាក់ក្នុងស្រុក ដែលបានកើតឡើងពីបីឆ្នាំមុន ដូចគ្នានឹងរឿងល្ខោនថៃមួយទៀត ដែលបង្ហាញនៅទីក្រុងអាយុធ្យាផងដែរ”។

បន្ទាប់ពីឈប់សំរាក ដោយសារតែវិធានការកូវីត ១៩ កាលពីថ្ងៃទី១ ខែកញ្ញា កន្លងទៅនេះ អត្រាកក់បន្ទប់សណ្ឋាគារនៅចុងសប្តាហ៍ បានកើនឡើងក្នុងរង្វង់៦០ភាគរយក្នុងចំណោមបន្ទប់ សរុប៤០០០នៅខេត្តនេះ។

អ្នកនាងនិយាយថា ព្រឹត្តិការណ៍បាល់ទាត់ ដែលអនុញាតអោយទស្សនាចូលរួមកក់បន្ទប់សណ្ឋាគា រក្នុងអំឡុងពេលការងារដោយខេត្តនេះ ដូចជារៀបចំការប្រកួតការប្រ​ណាំង Moto GP ដែលជាព្រឹត្តិការណ៍ទាក់ទាញទេសចរណ៍ធំបំផុត នៅខែតុលាខាងមុខ។

បើយោងតាមរបាយការណ៍របស់ក្រសួងទេសចរណ៍ និងកីឡាថៃបានលើកឡើងថា ខេត្ត បុរីរាំបានទទួលអ្នកទស្សនាប្រមាណ២,៣លាននាក់នៅឆ្នាំ ២០១៩។ ដោយមានទេសចរណ៍ក្នុងស្រុកប្រមាណ ២,២លាននាក់ និងបរទេសប្រមាណ ៧,៧00នាក់។ បើប្រៀបធៀបនឹងឆ្នាំ ២០២០ កន្លងទៅនេះ ខេត្តនេះទទួលបានទេសចរណ៍សរុបប្រមាណ ៩,៦សែននាក់ប៉ុណ្ណោះ។

អ្នកនាងបញ្ជាក់បន្ថែមទៀតថា កម្មវិធីលើកកម្ពស់ទេសចរណ៍ធំៗពីរ រំពឹងទុកថានឹងចាប់ផ្តើមនៅខែតុលា ដោយមានអ្នកទេសចរណ៍ មានកក់ទុកសណ្ឋាគារប្រមាណ ៧០ ភាគរយនៅត្រីមាសទីបួនឆ្នាំ ២០២១នេះ៕

តើឯកសារផ្លូវច្បាប់សំខាន់ៗអ្វីខ្លះដែលអ្នកត្រូវស្វែងយល់បន្ថែមមុននឹងទិញផ្ទះក្នុងបុរី?

        ដោយៈសហការី

ភ្នំពេញៈ បុរីសំដៅលើការរស់នៅបែបសហគមន៍មួយ ​ដ៏មានប្រជាប្រិយភាពបំផុតសម្រាប់ប្រជាជនកម្ពុជា​ ដែលការរស់នៅនោះប្រមូលផ្ដុំ ទៅដោយលំនៅឋានផ្សេងៗគ្នា ដូចជាប្រភេទផ្ទះវីឡា ផ្ទះអាជីវកម្ម វីឡាកូនកាត់ និងផ្ទះល្វែង​ជាដើម។​

ទោះបីជាបច្ចុប្បន្នបុរីភាគច្រើន ត្រូវបានអភិវឌ្ឍឆ្ងាយពីកណ្តាលទីក្រុង​១០ទៅ-១៥ គីឡូម៉ែត្រយ៉ាងណាក្ដី ក៏ប្រជាជនខ្មែរភាគច្រើននៅតែចូលចិត្តរស់នៅក្នុងបុរី ដោយសារតែផ្ទះមានទំហំធំទូលាយនិងមានតម្លៃទាបបើប្រៀបធៀបទៅនឹងខុនដូ​។​

យ៉ាងណាមិញ ក្នុងនាមយើងជាអ្នកទិញ តើមានចំណុចសំខាន់អ្វីខ្លះ ដែលអ្នកត្រូវដឹងមុននឹងសម្រេចចិត្តទិញលំនៅឋានក្នុងបុរី? នៅពេលនិយាយអំពីការទិញលំនៅឋាននៅក្នុងបុរី មនុស្សភាគច្រើនផ្ដោតការយកចិត្តទុកដាក់លើទីតាំង តម្លៃ និងម៉ូតផ្ទះ​ ប៉ុន្តែពេលខ្លះពួកគេមិនបានស្វែងយល់ អំពីឯកសារច្បាប់សំខាន់ៗមួយចំនួន ពីសំណាក់អ្នកអភិវឌ្ឍន៍គម្រោងនោះទេ។

ដោយឡែក ក្រៅពីទីតាំង តម្លៃ និងម៉ូតគេហដ្ឋាន អ្នកគួរសួរនាំអ្នកអភិវឌ្ឍន៍បុរីរបស់អ្នក​អំពីឯកសារច្បាប់ទាំង៥ប្រភេទ ដើម្បីប្រាកដថា គម្រោងនេះ​អាចទុកចិត្តបាន​ ហើយអាចធានាបាននូវសុវត្ថិភាព១០០% បន្ទាប់ពីអ្នកវិនិយោគថវិការទាំងដុលទៅលើអចលនទ្រព្យមួយនោះ។ ខាងក្រោមនេះគឺជាឯកសារច្បាប់សំខាន់ៗ ៥ ប្រភេទ ដែលអ្នកត្រូវសួរអ្នកអភិវឌ្ឍន៍លំនៅឋាន មុនពេលអ្នកទិញអចលនទ្រព្យនៅក្នុងគម្រោងបុរី ជាពិសេសការអភិវឌ្ឍមុនគម្រោង។

ប័ណ្ណចុះបញ្ជីក្រុមហ៊ុន

មុនពេលចាប់ផ្តើមសាងសង់បុរី​ ក្រុមហ៊ុនអភិវឌ្ឍន៍មានកាតព្វកិច្ច ត្រូវតែចុះបញ្ជីឱ្យ​រួចរាល់​ ដើម្បីទទួលបានការយល់ព្រម ពីក្រសួងពាក់ព័ន្ធជាមុនសិន ទើបអាចទទួលបានសិទ្ធិសម្រាប់ការចាប់ផ្តើមសាងសង់គម្រោងរបស់ពួកគេ។ ការស្នើសុំពិនិត្យមើលប័ណ្ណចុះបញ្ជីក្រុមហ៊ុនស្របច្បាប់ គឺដើម្បីធានាបានថា​ គម្រោងនោះអាចដំណើរការដោយស្របច្បាប់។​

អាជ្ញាប័ណ្ណសាងសង់

មុននឹងផ្តល់អាជ្ញាប័ណ្ណសាងសង់ ដល់ក្រុមហ៊ុន​សំណង់​ ក្រសួងរៀបចំដែនដី នគរូបនីយកម្ម និងសំណង់ នឹងធ្វើការត្រួតពិនិត្យពីគម្រោង របស់ក្រុមហ៊ុនយ៉ាងហ្មត់ចត់​ ទាំងការរចនា និងគុណភាព រួមទាំងហេដ្ឋារចនាសម្ព័ន្ធផ្សេងៗទៀត ដូចជា ប្រព័ន្ធទឹក​ ​ភ្លើង​ និងលូជាដើម ដើម្បីគាំទ្រដល់គម្រោងអភិវឌ្ឍទាំងមូល។

 

អាជ្ញាប័ណ្ណបុរី

​​          ​ក្រោយពីក្រុមហ៊ុនអភិវឌ្ឍន៍បុរី បានបំពេញគ្រប់នូវតម្រូវការទាំងអស់ ទាក់ទងនឹងគុណភាពសំណង់ ការរចនាប្លង់ ផែនការលក់​ និងឯកសារចាំបាច់ផ្សេងៗ ក្រសួងសេដ្ឋកិច្ច និងហិរញ្ញវត្ថុ នឹងផ្តល់អាជ្ញាប័ណ្ណបុរីដល់ពួកគេ ។ ជាទូទៅអ្នកអភិវឌ្ឍន៍ដែលគួរឱ្យទុកចិត្តបំផុត គឺត្រូវមានអាជ្ញាប័ណ្ណបុរីត្រឹមត្រូវ ដើម្បីបង្ហាញទៅកាន់អតិថិជន គោលដៅរបស់ពួកគេ។

ប្លង់មេ

ប្លង់មេមានសារៈសំខាន់បំផុត ចំពោះគម្រោងបុរីនីមួយៗ ដូច្នេះអ្នកត្រូវសួរក្រុមហ៊ុនអភិវឌ្ឍន៍​ ដើម្បីបង្ហាញប្លង់មេរបស់គម្រោង​ ដែលត្រូវបានអនុម័តដោយក្រសួងរៀបចំដែនដី នគរូបនីយកម្ម និងសំណង់។​​ មុននឹងគម្រោងបុរីណាមួយអាចសាងសង់បាន​​ លុះត្រាណាគំរូប្លង់មេនៃគម្រោងមួយនោះ ត្រូវបានអនុម័តពីក្រសួងពាក់ព័ន្ធជាមុនសិន។​

ប្លង់រឹង​​

មុននឹងទិញលំនៅឋានក្នុងគម្រោងបុរីណាមួយ អ្នកគួរតែសួរអំពីប្លង់មេ​ និងប្លង់រឹងនីមួយៗ ពីអ្នកអភិវឌ្ឍន៍គម្រោងមួយនោះ។​ ប្លង់មេគ្របដណ្តប់លើដីទាំងអស់សម្រាប់ការអភិវឌ្ឍន៍បុរីទាំងមូល ខណៈដែលប្លង់កម្មសិទ្ធិនីមួយៗ ត្រូវបានបែងចែកជាយូនីតផ្សេងៗគ្នា។ ដូច្នេះ អ្នកត្រូវប្រាកដថាអ្នកអភិវឌ្ឍន៍គម្រោងនោះ មានឯកសារច្បាប់ផ្លូវការ ដើម្បីបញ្ជាក់ពីប្លង់រឹងទាំងពីរប្រភេទនេះ។

អំពីសេវាកម្ម ឬចម្ងល់ផ្សេងៗសូមទំនាក់ទំនងតាមរយៈ +855 967876902 (Telegram)/ +855 66886633 ប្រភព៖ Harbor Property ៕

 

 

តើប្រទេសមួយដែលធនាគារផ្តល់អត្រាការប្រាក់ទាប ជួយដល់សេដ្ឋកិច្ចប្រទេសនោះបែបណា?

ដោយៈសុខុម

អន្តរជាតិៈ ជាការពិតណាស់ អត្រាការប្រាក់ត្រូវបានក្រុមអ្នកវិភាគ និងអ្នកជំនាញសេដ្ឋកិច្ចឃ្លាំមើលយ៉ាងយកចិត្តទុកដាក់បំផុត ព្រោះវាមានឥទ្ធិពលយ៉ាងខ្លាំងមកលើសេដ្ឋកិច្ចក្នុងប្រទេសមួយ ក៏ដូចជាសេដ្ឋកិច្ចពិភពលោកផងដែរ ដោយសារវាប្រទាក់ក្រឡាគ្នា ចាក់ស្រេះដូចរចន្តឈាម។

សម្រាប់អ្នកជួញដូរភាគហ៊ុន ពិតជាសប្បាយចិត្តណាស់ ចំពោះការបញ្ចុះអត្រាការប្រាក់ ប៉ុន្តែតើការបញ្ចុះអត្រាការប្រាក់ ជាដំណឹងល្អសម្រាប់គ្រប់គ្នា ឬយ៉ាងណា? តាមពិតការបញ្ចុះអត្រាការប្រាក់ ពិតជាជួយសម្រាលបន្ទុកច្រើនសម្រាប់អ្នកខ្ចីប្រាក់ ជាពិសេ​សនៅក្នុងបរិបទវិបត្តិកូវីដ-១៩។

ប៉ុន្តែទន្ទឹមនេះ វាក៏ជះផលប៉ះពាល់ដល់គ្រឹះស្ថានហិរញ្ញវត្ថុ និងធនាគារដែលជាអ្នកផ្ដល់សេវាប្រាក់កម្ចី ព្រមទាំងអ្នកដាក់ប្រាក់សន្សំនៅធនាគារផងដែរ។

អត្រាការប្រាក់មានឥទ្ធិពលយ៉ាងខ្លាំង មកលើឥរិយាបទរបស់ប្រជាជន ក្នុងជីវភាពប្រចាំថ្ងៃរបស់ពួកគេ។ នៅពេលអត្រាការប្រាក់ចុះថោក អ្នកខ្ចីលុយត្រូវចំណាយលើអត្រាការប្រាក់តិចជាងមុន ដូចជា កម្ចីទិញផ្ទះ កម្ចីទិញរថយន្ត និងការចំណាយលើប័ណ្ណឥណទាន (Credit Card) ជាដើម ដែលជួយជំរុញឱ្យសកម្មភាពសេដ្ឋកិច្ចរស់រវើក។

ផ្ទុយមកវិញ ការដំឡើងអត្រាការប្រាក់ មានឥទ្ធិពលមកលើសេដ្ឋកិច្ច និងទីផ្សារហិរញ្ញវត្ថុអន្តរជាតិ ជាពិសេសប្រទេសកំពុងងើបឡើង ដែលមានបំណុលជារូបិយប័ណ្ណដុល្លារអាមេរិកច្រើនសន្ធឹកសន្ធាប់។

ផលប៉ះពាល់ដែលអាចកើតមានឡើងជាយថាហេតុ ដោយសារការដំឡើងរួមមានដូចជាការដំឡើងអត្រា​ការប្រាក់គោលរបស់ធនាគារកណ្ដាលអាមេរិក (Federal Reserve) អាចជះឥទ្ធិពលមកខ្សែកោងអត្រាការប្រាក់ (Yield Curve) នៅលើទីផ្សារហិរញ្ញវត្ថុអន្តរជាតិ ដែលធ្វើឱ្យអត្រាការប្រាក់ទីផ្សារកើនឡើង សម្រាប់កម្ចីទាំងឡាយ។ កំណើនអត្រាការប្រាក់នេះ នឹងធ្វើឱ្យវិនិយោគិនបង្វែរសាច់ប្រាក់ ពីខាងក្រៅចូលទៅសហរដ្ឋអាមេរិក ដើម្បីផលចំណេញខ្ពស់ជាងមុនជាមួយនឹងហានិភ័យទាប។

វិនិយោគិន នឹងលក់ប័ណ្ណបំណុលដែលខ្លួនបានវិនិយោគ រួចបង្វែរការវិនិយោគទៅសហរដ្ឋអាមេរិកវិញ (មូលធនហូរចេញ) បន្ទាប់ពីការដំឡើងការប្រាក់។ បញ្ហានេះនឹងធ្វើឱ្យរូបិប័ណ្ណក្នុងស្រុកធ្លាក់ថ្លៃ ដែលនឹងធ្វើឱ្យបំណុលក្នុងប្រទេសនោះ កើនឡើងដោយស្វ័យប្រវត្តិ និងបង្កើនហានិភ័យដែលនាំទៅរកភាពក្ស័យធន។

នៅពេលដែលការវិនិយោគ ហូរចេញដោយប្រញាប់ប្រញាល់ ថ្លៃទ្រព្យសកម្មនឹងធ្លាក់ចុះ ហើយក្រមហ៊ុនអាចប្រឈម នឹងការបាត់បង់សមត្ថភាពសងបំណុល ហើយទីបំផុតនឹងឈានដល់ការក្ស័យធន៕