រដ្ឋាភិបាលគ្រោងចំណាយជាង១០០លានដុល្លារអាមេរិកលើគម្រោងបែងចែកដីសម្បទានសង្គមកិច្ច

ភ្នំពេញ ៖ គម្រោង បែងចែកដីសម្បទានសង្គមកិច្ច និងការអភិវឌ្ឍសេដ្ឋកិច្ចដំណាក់កាលទី៣ នឹងត្រូវចំណាយថវិកាសរុប ១០៧លានដុល្លារ រយៈពេល៦ឆ្នាំ ក្រោមឥណទានពីធនាគារពិភពលោក និងថវិកាបដិភាគរបស់រាជរដ្ឋាភិបាលកម្ពុជា ។នេះបើយោមសេចក្ដីប្រកាសព័ត៌មាន នៅក្នុងសិក្ខាសាលាមួយដោយមានការចូលរួមពីលោកជា សុផារ៉ារដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ លោកវេងសាខុន រដ្ឋមន្ត្រីក្រសួងកសិកម្ម និងលោកស្រី Mariam J. Sherman នាយិកាធនាគារពិភពលោកប្រចាំកម្ពុជា ឡាន និងមីយ៉ាន់ម៉ា នៅថ្ងៃទី២៤ មិថុនា ២០២១នេះ។

បើតាមឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទឱ្យដឹងថា គម្រោងបែងចែកដីសម្បទានសង្គមកិច្ច និងការអភិវឌ្ឍសេដ្ឋកិច្ចដំណាក់កាលទី៣ (LASEDIII) គឺជាគម្រោង ដែលមានសកម្មភាព ដើម្បីគាំទ្រដល់ការអនុវត្តកម្មវិធីសម្បទានដីសង្គមកិច្ចរបស់រាជរដ្ឋាភិបាល ដើម្បីបែងចែកដីដល់អ្នកក្រីក្រគ្មានដី តាមរយៈសម្បទានដីសង្គមកិច្ចដើម្បីលើកកម្ពស់ជីវភាពរបស់គ្រួសារក្រីក្រ និងក្រុមងាយរងគ្រោះ ។ គម្រោងអនុវត្តការធ្វើសម្បទានដីសង្គមកិច្ចតាមមូលដ្ឋានឃុំ ដែលជាការផ្ទេរដីឯកជនរបស់រដ្ឋទៅដល់ជនក្រីក្រសម្រាប់គោលបំណងប្រើប្រាស់ជាលំនៅដ្ឋាន និងការធ្វើកសិកម្មតាមគ្រួសារ។ តាមគម្រោងក្រសួង នឹងចែកដីរបស់រដ្ឋដែលសមស្របសម្រាប់ផ្នែកកសិកម្ម រួមជាមួយនឹងសេវាកម្មគាំទ្រសមស្របទៅដល់គ្រួសារក្រីក្រគ្មានដីធ្លី និងមានដីធ្លីតិចតួចដែលមានលក្ខណៈសម្បត្តិគ្រប់គ្រាន់ និងណែនាំ និងអនុវត្តដំណើរការដោយតម្លាភាពនិងស្តង់ដារដើម្បីពង្រីកការអនុវត្តសម្បទានដីសង្គមកិច្ចដែលផ្តួចផ្តើម ឡើងនៅមូលដ្ឋាន។

បើតាមសេចក្តីប្រកាសព័ត៌មានរបស់ក្រសួងរៀបចំដែនដីនគរូបនីយកម្មនិងសំណង់ក៏បានឱ្យដឹងថាគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ជាគម្រោងរបស់រាជរដ្ឋាភិបាល ដែលមានថវិកាសរុប១០៧លានដុល្លារអាមេរិក ក្នុងនោះ ឥណទានធនាគារពិភពលោកចំនួន៩៣លានដុល្លារអាមេរិក និងបដិភាគរបស់រាជរដ្ឋាភិបាលកម្ពុជាចំនួន១៤លានដុល្លារអាមេរិក សហការអនុវត្តន៍ដោយក្រសួងរៀបចំដែនដីនគរូបនីយកម្មនិងសំណង់ និងក្រសួងកសិកម្មរុក្ខាប្រមាញ់និងនេសាទ សម្រាប់រយៈពេល៦ឆ្នាំ ដោយគ្រោងនឹងបញ្ចប់នៅដំណាច់ខែធ្នូ ២០២៦ ក្នុងភូមិសាស្ត្រខេត្តគោលដៅដែលមានដីសមស្រប និងនៅទីតាំងចំនួន៧១ក្នុងនោះ ២៦ទីតាំង សម្រាប់ការងារសម្បទានដីសង្គមកិច្ច និង៤៥ទីតាំង សម្រាប់សហគមន៍ជនជាតិដើមភាគតិច មានផ្ទៃដីសរុប៣ម៉ឺនហិចតា ។

លោកជា សុផារ៉ាឧបនាយករដ្ឋមន្ត្រីនិងជារដ្ឋមន្ត្រីក្រសួងរៀបចំដីនគរូបនីយកម្មនិងសំណង់បានឱ្យដឹថា គម្រោងនេះនឹងរួមចំណែកសាងសង់ហេដ្ឋារចនាសម្ព័ន្ធ រូបវ័ន្តជាមូលដ្ឋានបណ្ដុះបណ្ដាលលើការងារកសិកម្ម និងធ្វើការផ្សារភ្ជាប់ជាមួយទីផ្សារ ដើម្បីបង្កើនប្រាក់ចំណូលលើកកម្ពស់កម្រិតជីវភាពរស់នៅ កាត់បន្ថយចំណាកស្រុក និងកាត់បន្ថយភាពក្រីក្ររបស់ពលរដ្ឋ ៕

ធនាគារហត្ថាត្រៀមដំឡើងដំឡើងប្រព័ន្ធធនាគារស្នូលរបស់ខ្លួនដើម្បីធ្វើឱ្យសេវាហិរញ្ញវត្ថុកាន់ប្រសើរឡើងសម្រាប់អតិថិជន

អាគារការិល័យថ្មីដ៏ស្កឹមស្កៃរបស់ធនាគារហត្ថានឹងបញ្ចប់នៅត្រីមាសទី១ឆ្នាំ២០២៤

ដោយៈ ម៉ាណេត

ភ្នំពេញៈ ធនាគារ ហត្ថា ម.ក បានចេញសេចក្តីជូនដំណឹងមួយដោយបានឱ្យដឹងថាថា ចាប់ពីម៉ោង២រសៀល ថ្ងៃពុធ ទី៣០ ខែមិថុនា ដល់ថ្ងៃអាទិត្យ ទី៤ ខែកក្កដា ឆ្នាំ២០២១ ធនាគារ ហត្ថា ម.ក នឹងដំឡើងប្រព័ន្ធធនាគារស្នូលរបស់ខ្លួន ដើម្បីធានាឱ្យបាននូវភាពងាយស្រួល ក៏ដូចជាភាពរីកចម្រើនខ្ពស់ទៅកាន់អតិថិជនក្នុងការប្រើប្រាស់សេវាហិរញ្ញវត្ថុ។

សេចក្ដីជូនដំណឹងបានបន្ថែមទៀតថា គ្រប់សាខាទាំងអស់ របស់ធនាគារ ហត្ថា ម.ក នៅបើកដំណើរការជាធម្មតា ដោយផ្តល់សេវាកម្ម ត្រឹមតែការផ្តល់ព័ត៌មាន ផលិតផលនិងសេវាកម្ម ការស្នើសុំបើកគណនី និងការបង់សងប្រាក់កម្ចី។

សេវាកម្មតាមបណ្តាញ ឌីជីថល ដូចជា៖ ម៉ាស៊ីនអេធីអឹម កម្មវិធីធនាគារទូរស័ព្ទចល័តហត្ថា ប្រតិបត្តិការរវាងប្រព័ន្ធបាគង និងធនាគារ ហត្ថា និងការសងប្រាក់កម្ចីតាមរយៈ ភ្នាក់ងារវីង នឹងត្រូវផ្អាកជាបណ្តោះអាសន្ន ក្នុងអំឡុងពេលនេះ។ គ្រប់សេវាកម្មរបស់ធនាគារ ហត្ថា ម.ក ទាំងអស់ នឹងដំណើរការជាធម្មតាវិញ ចាប់ពីថ្ងៃចន្ទ ទី៥ ខែកក្កដា ឆ្នាំ២០២១តទៅ។

ជាមួយគ្នានេះដែរ យោងតាមផេកហ្វេសប៊ុកផ្លូវការរបសធនាគារ ហត្ថា ម.ក បានឱ្យដឹងថាស្របតាមយុគសម័យនៃបច្ចេកវិទ្យាឌីជីថលក្នុងសតវត្សទី២១នេះ បរិបថសង្គម និងការរស់នៅត្រូវបានផ្លាស់ប្តូរយ៉ាងច្រើន។

ក្នុងនាមជាធនាគារមួយក្នុងចំណោមធនាគារឈានមុខផ្សេងទៀតនៅកម្ពុជា ធនាគារ ហត្ថា បានយល់យ៉ាងច្បាស់ពីតម្រូវការ និងនិន្នាការទាំងនោះ ហើយជាការឆ្លើយតប ធនាគារ ហត្ថា នឹងធ្វើការដំឡើងនូវប្រព័ន្ធធនាគារស្នូលរបស់ខ្លួន ដើម្បីធានាឱ្យបាននូវភាពងាយស្រួល ក៏ដូចជាភាពរីកចម្រើនខ្ពស់ទៅកាន់អតិថិជនក្នុងការប្រើប្រាស់សេវាហិរញ្ញវត្ថុ។

ធនាគារបានឱ្យដឹងថា “យើងខ្ញុំសង្ឃឹមយ៉ាងមុតមាំថាតាមរយៈការដំឡើងនូវប្រព័ន្ធថ្មីនេះ នឹងធ្វើឱ្យអតិថិជនរបស់យើងកាន់តែរីករាយ និងទទួលបានអត្ថប្រយោជន៍កាន់តែច្រើនបន្ថែមទៀតពីការប្រើប្រាស់សេវាកម្មរបស់ ធនាគារ ហត្ថា”។

រាល់ចម្ងល់នានា សូមទាក់ទងមកដោយផ្ទាល់ មកការិយាល័យធនាគារ ហត្ថា ម.ក ដែលនៅជិតបំផុត ឬទំនាក់ទំនងមកភ្នាក់ងារសេវាកម្ម និងគាំទ្រអតិថិជនតាមរយៈ ទូរស័ព្ទលេខ: ០២៣ ៩៩៩ ២៦៦ ឬ ១៨០០ ២១២ ២២២ យើងខ្ញុំសូមអធ្យាស្រ័យ និងសុំការយោគយល់ ចំពោះការអាក់ខាននេះ៕

រដ្ឋភិបាលសិង្ហបុរីគ្រោងចំណាយទុន២,៨ពាន់លានដុល្លារដើម្បីបន្តជំរុញវិស័យឌីជីថល

ដោយៈ គៀតឈូ

សិង្ហបុរីៈ ទីភ្នាក់ងារបច្ចេកវិទ្យារដ្ឋាភិបាលសិង្ហបុរីបានឱ្យដឹងនៅថ្ងៃទី២៣ ខែមិថុនាមន្លងមកនេះថា សិង្ហបុរីនឹងចំណាយថវិកាប្រាក់ប្រមាណ៣,៨ពាន់លានដុល្លារសិង្ហបុរី (ប្រមាណ២,៨ពាន់លានដុល្លារ) ដើម្បីជំរុញវិស័យបច្ចេកវិទ្យាព័ត៌មាន និងសារគមនាគមន៍ (ICT) នៅឆ្នាំនេះ កើនឡើងជិត១០ភាគរយបើប្រៀបធៀបនឹងឆ្នាំមុន។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី២៤ ខែមិថុនា ឆ្នាំ២០២១។

ការចំណាយដែលបានត្រៀមគ្រោងទុកនេះ នឹងឆ្ពោះទៅរកការផ្លាស់ប្តូរសេវាកម្មឌីជីថល និងហេដ្ឋារចនាសម្ព័ន្ធឌីជីថលរបស់រដ្ឋាភិបាល។

ទីភ្នាក់ងារខាងលើបានឱ្យដឹងនៅក្នុងសេចក្តីប្រកាសព័ត៌មានថា វានឹងបង្កើនសន្ទុះបន្ថែម ដែលបានមកពីការវិនិយោគពីមុន និង“ការទទួលបានការរីកចម្រើននៃវិស័យឌីជីថល អំឡុងពេលវិបត្តិកូវីដ១៩”។

សហគ្រាសធុនតូច និងមធ្យមក៏នឹងទទួលបានឱកាសកាន់តែច្រើនដែរ។ ភ្នាក់ងារបានឱ្យដឹងថា សហគ្រាសធុនតូច និងមធ្យមអាចចូលរួមបានជិត៨៣ភាគរយក្នុងវិស័យឌីជីថលនេះ។

ថវិកាប្រមាណ៧០ភាគរយ ឬ២,៧ពាន់លានដុល្លារសិង្ហបុរីនឹងត្រូវចំណាយលើគម្រោងចំនួន២៥០ ដើម្បី“ ផ្លាស់ប្តូរ ធើ្វសមាហរណកម្ម និងពង្រីកសេវាកម្មឌីជីថល ”ដែលត្រូវបានប្រើប្រាស់ដោយទាំងប្រជាជន និងអាជីវកម្មនៅទូទាំងវិស័យផ្សេងៗគ្នា។

ជាមួយគ្នានេះដែរ វារួមបញ្ចូលនូវការចុះបញ្ជីអាជីវកម្មថ្នាក់ជាតិ និងប្រព័ន្ធបទបញ្ញត្តិ ក្រោមអាជ្ញាធរគណនេយ្យ និងសាជីវកម្ម ដែលនឹងប្រើទិន្នន័យ និងបច្ចេកវិទ្យាឌីជីថល ដើម្បីផ្តល់សេវាកម្មឥតខ្សែរ និងធ្វើឱ្យប្រសើរឡើងនូវការអនុវត្តបទប្បញ្ញត្តិ។

ក្នុងចំណោមទឹកប្រាក់២,៧ពាន់លានដុល្លារសិង្ហបុរី ជិតពាក់កណ្តាល(៤៤ភាគរយ) នឹងត្រូវអភិវឌ្ឍសេវាកម្មឌីជីថលជាមួយបច្ចេកវិទ្យាCloud៕

រដ្ឋភិបាលសិង្ហបុរីគ្រោងចំណាយទុន២,៨ពាន់លានដុល្លារដើម្បីបន្តជំរុញវិស័យឌីជីថល

ដោយៈ គៀតឈូ

សិង្ហបុរីៈ ទីភ្នាក់ងារបច្ចេកវិទ្យារដ្ឋាភិបាលសិង្ហបុរីបានឱ្យដឹងនៅថ្ងៃទី២៣ ខែមិថុនាមន្លងមកនេះថា សិង្ហបុរីនឹងចំណាយថវិកាប្រាក់ប្រមាណ៣,៨ពាន់លានដុល្លារសិង្ហបុរី (ប្រមាណ២,៨ពាន់លានដុល្លារ) ដើម្បីជំរុញវិស័យបច្ចេកវិទ្យាព័ត៌មាន និងសារគមនាគមន៍ (ICT) នៅឆ្នាំនេះ កើនឡើងជិត១០ភាគរយបើប្រៀបធៀបនឹងឆ្នាំមុន។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី២៤ ខែមិថុនា ឆ្នាំ២០២១។

ការចំណាយដែលបានត្រៀមគ្រោងទុកនេះ នឹងឆ្ពោះទៅរកការផ្លាស់ប្តូរសេវាកម្មឌីជីថល និងហេដ្ឋារចនាសម្ព័ន្ធឌីជីថលរបស់រដ្ឋាភិបាល។

ទីភ្នាក់ងារខាងលើបានឱ្យដឹងនៅក្នុងសេចក្តីប្រកាសព័ត៌មានថា វានឹងបង្កើនសន្ទុះបន្ថែម ដែលបានមកពីការវិនិយោគពីមុន និង“ការទទួលបានការរីកចម្រើននៃវិស័យឌីជីថល អំឡុងពេលវិបត្តិកូវីដ១៩”។

សហគ្រាសធុនតូច និងមធ្យមក៏នឹងទទួលបានឱកាសកាន់តែច្រើនដែរ។ ភ្នាក់ងារបានឱ្យដឹងថា សហគ្រាសធុនតូច និងមធ្យមអាចចូលរួមបានជិត៨៣ភាគរយក្នុងវិស័យឌីជីថលនេះ។

ថវិកាប្រមាណ៧០ភាគរយ ឬ២,៧ពាន់លានដុល្លារសិង្ហបុរីនឹងត្រូវចំណាយលើគម្រោងចំនួន២៥០ ដើម្បី“ ផ្លាស់ប្តូរ ធើ្វសមាហរណកម្ម និងពង្រីកសេវាកម្មឌីជីថល ”ដែលត្រូវបានប្រើប្រាស់ដោយទាំងប្រជាជន និងអាជីវកម្មនៅទូទាំងវិស័យផ្សេងៗគ្នា។

ជាមួយគ្នានេះដែរ វារួមបញ្ចូលនូវការចុះបញ្ជីអាជីវកម្មថ្នាក់ជាតិ និងប្រព័ន្ធបទបញ្ញត្តិ ក្រោមអាជ្ញាធរគណនេយ្យ និងសាជីវកម្ម ដែលនឹងប្រើទិន្នន័យ និងបច្ចេកវិទ្យាឌីជីថល ដើម្បីផ្តល់សេវាកម្មឥតខ្សែរ និងធ្វើឱ្យប្រសើរឡើងនូវការអនុវត្តបទប្បញ្ញត្តិ។

ក្នុងចំណោមទឹកប្រាក់២,៧ពាន់លានដុល្លារសិង្ហបុរី ជិតពាក់កណ្តាល(៤៤ភាគរយ) នឹងត្រូវអភិវឌ្ឍសេវាកម្មឌីជីថលជាមួយបច្ចេកវិទ្យាCloud៕

គម្រោងក្រុងរាមថ្មីតម្លៃ១៦ពាន់លានដុល្លារនៅតែបន្តសាងសង់ទោះស្ថិតក្នុងវិបត្តិជំងឺកូវីដ១៩ក្ដី

ដោយៈ វឌ្ឍនៈ

ភ្នំពេញៈ គម្រោងវិនិយោគអភិវឌ្ឍន៍ទីក្រុងថ្មីមួយនៅខេត្តព្រះសីហនុ “ទីក្រុងរាម” ក្រោមទុនវិនិយោគ១៦ពាន់លានដុល្លារ នៅតែបន្តអភិវឌ្ឍន៍ជាបន្តបន្ទាប់ ដោយមិនមានការផ្អាក ឬពន្យារពេលនោះឡើយ ទោះស្ថិតនៅក្នុងវិបត្តិនៃជំងឺរាតត្បាតសកលបែបនេះក្ដី។ នេះបើតាមលោកឃាង ភារម្យ អ្នកនាំពាក្យសាលាខេត្តព្រះសីហនុមានប្រសាសនតាមទូរសព្ទនៅព្រឹកថ្ងៃទី២៤ មិថុនា ២០២១នេះ ។

លោកឃាង ភារម្យបានមានប្រសាសន៍ថា “រហូតមកដល់ពេលនេះ យើងមើលឃើញថា ដំណើរការនៃការអភិវឌ្ឍន៍គម្រោងរបស់ក្រុមហ៊ុន ដែលអភិវឌ្ឍន៍លើទីក្រុងរាមនៅតែមានសកម្មភាព មិនមានការផ្អាក ឬបញ្ឈប់អ្វីឡើយ តែសម្រាប់បានប៉ុន្មានភាគរយនោះ ក្នុងនាមខេត្តក៏មិនដឹងច្បាស់ដែរ ព្រោះវាមិនមែនជាគម្រោងរបស់រដ្ឋឬរបស់ខេត្ត”។

លោកបានបន្តថា តាមរយៈការអភិវឌ្ឍគម្រោងរបស់ក្រុមហ៊ុនព្រីនស៍ទៅលទីក្រុងរាមនេះ វាជាមោទនភាពមួយសម្រាប់ខេត្តព្រះសីហនុ ដែលមានវិនិយោគិនតូចធំចូលបណ្ដាក់ទុនជាបន្តបន្ទាប់ ហើយគម្រោងនេះដែរ នឹងផ្ដល់អត្ថប្រយោជន៍ច្រើនជាងគុណវិបត្តិ ព្រោះពេលនេះបានផ្ដល់ការងារបណ្ដើរៗដល់ប្រជាពលរដ្ឋក្នុងខេត្តក៏ដូចជាពលរដ្ឋមកពីតំបន់ផ្សេងៗជាដើម។

លោកបានឱ្យដឹងទៀតថា នៅពេលគម្រោងនេះបានសាងសង់រួចរាល់បណ្ដើរៗ វាក៏នឹងទាក់ទាញដល់បណ្ដាវិនិយោគិនផ្សេងៗទៀតចូលមកក្នុងខេត្តព្រះសីហនុជាបន្តបន្ទាប់ផងដែរ។

លោក Khong Weng Fook នាយកគ្រប់គ្រងក្រុមហ៊ុន Canopy Sands Development បានឱ្យដឹងថា បច្ចុប្បន្នប្រទេសកម្ពុជាកំពុងទទួលរងនូវផលប៉ះពាល់ពីរលកមួយទៀតនៃការរីករាលដាលនៃជម្ងឺកូវីដ-១៩ ហើយសេដ្ឋកិច្ចកំពុងរងគ្រោះពីការបាត់បង់ចំណូលពីវិស័យទេសចរណ៍ស្របពេលមានការបិទខ្ទប់ដែលកំពុងបន្តអនុវត្តន៍នៅក្នុងប្រទេស រីឯគម្រោងនៅក្នុងក្រុងព្រះសីហនុដែលយើងកំពុងអភិវឌ្ឍន៍នឹងមានសារៈសំខាន់ក្នុងការជួយប្រទេសឱ្យមានជំហររឹងមាំឡើងវិញបន្ទាប់ពីបានឆ្លងកាត់ស្ថានភាពដ៏សែនលំបាកអស់រយៈពេល ១៨ ខែមកនេះ ។

លោកបន្តថា ពេលនេះជាពេលវេលាដ៏សែនលំបាក ព្រោះតែវិបត្តិនៃជំងឺកូវីដ១៩ ប៉ុន្តែអ្វីដែលយើងកំពុងធ្វើនៅថ្ងៃនេះ នឹងក្លាយជាចំណែកមួយក្នុងការជួយឱ្យងើបឡើងវិញនៃសេដ្ឋកិច្ចនៅពេលដែលជម្ងឺរាតត្បាតនេះត្រូវបានកម្ចាត់ ។

លោកបន្ថែមថា នៅឆ្នាំ២០២៥ យើងនឹងឃើញដំណាក់កាលទី១នៃទីក្រុងរាមបញ្ចប់រួចរាល់ដោយមានហេដ្ឋារចនាសម្ព័ន្ធនិងគ្រឿងបរិក្ខារជាច្រើនរួចជាស្រេច ដែលពិតជាគួរឱ្យរំភើបណាស់។
លោកបានថ្លែងបន្តថា យើងក៏នឹងឃើញប្រជាជនក្នុងស្រុកជាច្រើនឈានទៅរកការអភិវឌ្ឍនិងកម្រិតការងារមានការកើនឡើង ដែលជាកត្តាបន្ថែមដ៏ល្អមួយជម្រុញដល់សេដ្ឋកិច្ចក្នុងស្រុក ហើយក៏នឹងឃើញពីអត្ថប្រយោជន៍នៃអ្វីៗដែលកើតឡើងនៅពេលដែលក្រុមហ៊ុនអភិវឌ្ឍន៍ ដូចជាពួកយើងអាចធ្វើការយ៉ាងជិតស្និទ្ធជាមួយសហគមន៍មូលដ្ឋាន និងជាដៃគូសហការជាមួយរាជរដ្ឋាភិបាល។

បើតាមលោកសន សៀបនាយកប្រតិបត្តិក្រុមហ៊ុនឃី រៀលអ៊ីស្ទេតក៏បានឱ្យដឹងផងដែរថា ខេត្តព្រះសីហនុជាខេត្តមួយទាក់ទាញ ដល់ការវិនិយោគពីបរទេសជាពិសេសវិនិយោគិនជនជាតិចិន ហើយខេត្តនេះដែរ ក៏នឹងក្លាយជាបណ្ដុំសហគមន៍វិនិយោគិនជនជាតិចិនមួយនៅពេលអនាគតដ៏ខ្លីនេះដែរ៕

សហរដ្ឋអាមេរិក ចេញបម្រាមថ្មីមិនឱ្យនាំចូលវត្ថុធាតុដើមសម្រាប់ផលិតបន្ទះសូឡាពីក្រុមហ៊ុនចិន

ដោយៈ សុខុម

វ៉ាស៊ីនតោន: ប្រភពបានទម្លាយឱ្យដឹងថា រដ្ឋការរបស់លោក ចូ បៃឌិន កាលពីថ្ងៃពុធ ទី២៣ មិថុនា បានចេញបម្រាមមិនឱ្យសហរដ្ឋអាមេរិក នាំចូលវត្ថុធាតុដើមសំខាន់ៗសម្រាប់ផលិតបន្ទះសូឡាពីក្រុមហ៊ុនចិន Hoshine Silicon Industry ឡើយ ដោយសារការចោទប្រកាន់អំពីការចាប់បង្ខំមនុស្សឱ្យធ្វើការ។

យោងតាមសារព័ត៌មាន CNA ចុះផ្សាយនៅថ្ងៃទី២៤ ខែមិថុនានេះ ឱ្យដឹងថា ក្រសួងពាណិជ្ជកម្មអាមេរិក បានធ្វើការរឹតបន្តឹងដាច់ដោយឡែកលើការនាំចេញចំពោះក្រុមហ៊ុន Hoshine Silicon Industry និងក្រុមហ៊ុនចិនចំនួន៣ផ្សេងទៀត ព្រមទាំងក្រុមហ៊ុនគ្រប់គ្រងដោយរដ្ឋចិន Xinjiang Production and Construction Corps (XPCC) ផងដែរ ដោយអះអាងថា ក្រុមហ៊ុនទាំងនេះជាប់ពាក់ព័ន្ធនឹងការចាប់បង្ខំជនជាតិភាគតិចវីហ្គួរ និងជនជាតិភាគតិចកាន់សាសនាអ៊ីស្លាម ផ្សេងៗទៀតនៅតំបន់ស៊ីនជាំង (Xinjiang) ឱ្យធ្វើការជាទម្ងន់។

ក្រុមហ៊ុនចិន ចំនួន៣ផ្សេងទៀតដែលជាប់ក្នុងបញ្ជីខ្មៅរបស់សហរដ្ឋអាមេរិក រួមមានក្រុមហ៊ុន Xinjiang Daqo New Energy ដែលជាបុត្រសម្ព័ន្ធនៃក្រុមហ៊ុន Daqo New Energy Corp ក្រុមហ៊ុន Xinjiang East Hope Nonferrous Metals ដែលជាបុត្រសម្ព័ន្ធនៃក្រុមហ៊ុនយក្ស East Hope Group មានមូលដ្ឋាននៅក្រុងសៀងហៃ និងក្រុមហ៊ុន Xinjiang GCL New Energy Material ដែលជាបុត្រសម្ព័ន្ធនៃក្រុមហ៊ុន GCL New Energy Holdings។

ក្រសួងពាណិជ្ជកម្មអាមេរិក បាននិយាយថា ក្រុមហ៊ុនទាំងនេះ និងក្រុមហ៊ុន XPCC “បានជាប់ពាក់ព័ន្ធការរំលោភសិទ្ធិមនុស្ស និងការរំលោភបំពាននៅក្នុងការអនុវត្តយុទ្ធនាការបង្ក្រាបរបស់ប្រទេសចិន ការឃុំឃាំងមនុស្សតាមអំពើចិត្ត ការចាប់បង្ខំមនុស្សឱ្យធ្វើការជាទម្ងន់ ការឈ្លបយកការណ៍សម្ងាត់ដោយប្រើបច្ចេកវិទ្យាជាន់ខ្ពស់ប្រឆាំងជនជាតិភាគតិចវីហ្គួរ ជនជាតិភាគតិចកាហ្សាក់ស្ថាន និងជនជាតិភាគតិចកាន់សាសនាអ៊ីស្លាម ផ្សេងៗទៀតនៅតំបន់ស៊ីនជាំង”។

ក្រុមហ៊ុនធំៗមួយចំនួនដែលជាប់ក្នុងបញ្ជីខ្មៅរបស់ក្រសួងពាណិជ្ជកម្មអាមេរិក គឺជាក្រុមហ៊ុនផលិតស៊ីលីខូនម្យ៉ាងឱ្យឈ្មោះថា monocrystalline silicon និងប៉ូលីស៊ីលីខូន polysilicon ដែលជាវត្ថុធាតុដើមដ៏សំខាន់ប្រើប្រាស់នៅក្នុងការផលិតបន្ទះសូឡា។

ទោះជាយ៉ាងណា ភ្លាមៗក្រុមហ៊ុនទាំងនេះ ឬក្រុមហ៊ុនមេរបស់ពួកគេមិនបានធ្វើការឆ្លើយបំភ្លឺឡើយជុំវិញបញ្ហានេះ ចំណែកឯក្រុមហ៊ុន XPCC មិនអាចទាក់ទងបានតែម្ដង។

ដោយឡែក នៅពេលសុំការបំភ្លឺជុំវិញបញ្ហានេះ ស្ថានទូតចិន ប្រចាំនៅទីក្រុងវ៉ាស៊ីនតោន បានបន្ទរតាមការលើកឡើងរបស់លោក Zhao Lijian អ្នកនាំពាក្យក្រសួងការបរទេសចិន ដែលបានច្រានចោលការចោទប្រកាន់ជុំវិញអំពើប្រល័យពូជសាសន៍ និងការបង្ខំឱ្យមនុស្សធ្វើការជាទម្ងន់នៅតំបន់ស៊ីនជាំង ថា “គ្មានអ្វីក្រៅពីពាក្យចចាមអារ៉ាមដែលបង្កប់នូវហេតុផលលាក់កំបាំង និងការភូតកុហកយ៉ាងច្បាស់ក្រឡែត”៕

តម្លៃដីនៅតំបន់អារិយក្សត្របន្តកើនឡើងបន្ទាបពីការបង្ហើមពីគម្រោងសាងសង់ស្ពានឆ្លងកាត់ទន្លេមេគង្គ

ដោយៈ ម៉ាណេត

ភ្នំពេញៈ វិស័យអចលនទ្រព្យនៅនៅតំបន់អារិយក្សត្រនៅបន្តមានភាពរីកចម្រើនឥតឈប់ឈរ ពិសេសតម្លៃដីធ្លីនៅតំបន់នេះកើនឡើងជាបន្តបន្ទាប់ បន្ទាប់ពីមានផ្សព្វផ្សាយព័ត៌មានពីគម្រោងសាងសង់ស្ពានឆ្លងកាត់ទន្លេមេគង្គតភ្ជាប់ពីតំបន់ជ្រោយចង្វារ ទៅកាន់ស្វាយជ្រុំ។

លោកស៊ុន ចានថុល រដ្ឋមន្ត្រីក្រសួងសាធារណការ និងដឹកជញ្ជូនបានបង្ហើបឱ្យដឹងកាលពីថ្មីៗនេះថា គម្រោងសិក្សាលទ្ធភាពសាងសង់ស្ពាន ឆ្លងកាត់ទន្លេមេគង្គតភ្ជាប់ពីតំបន់ជ្រោយចង្វារ ទៅកាន់ស្វាយជ្រុំ ភាគីកូរ៉េកំពុងសិក្សានៅឡើយ។

លោកបានមានប្រសាសន៍ក្នុងពេលចុះពិនិត្យផ្លុវល្បឿនលឿនភ្នំពេញ ព្រះសីហនុកាលពូម្សិលម៉ិញនេះថា បច្ចុប្បន្នសាធារណរដ្ឋកូរ៉េខាងត្បូង បានឯកភាពសំណើកម្ពុជាហើយ តែស្ថិតក្នុងការសិក្សានៅឡើយទេ។ លោកបន្តថា “តបតាមសំណើររបស់សម្តេច តេជោ ហ៊ុន សែន ពេលនេះភាគីកូរ៉េបានយល់ព្រមឯកភាពជួយសង់ស្ពាននេះហើយ”។ លោកស៊ុន ចាន់ថុលបានបន្តថា ទោះជាយ៉ាងណាបច្ចុប្បន្ននេះ មិនទានមានផែនការអ្វីជាក់លាក់ទេ ព្រោះភាគីកូរ៉េកំពុងសិក្សានៅឡើយទេ។

ដោយមានទីតាំងនៅស្រុកខ្សាច់កណ្តាលខេត្តកណ្តាលស្វាយជ្រុំគឺជាភូមិមួយ ដែលស្ថិតនៅខាងជើងខាងជើងនៃឃុំអរិយក្សត្រ ស្រុកល្វាឯម។

លោកយិន លាងគង់ទីផ្សារប្រឹក្សាសមាគមអចលនទ្រព្យសកលបានថ្លែងប្រាប់ថា តំបន់នឹងកាន់តែមានសក្តានុពលនាពេលអនាគត ដោយរងចាំស្ពានសាងសង់រួចរាល់ ដែលនឹងធ្វើឱ្យតំបន់នេះមានសកម្មភាពអភិវឌ្ឍន៍កាន់តែខ្លាំង។

លោកបានថ្លែងបន្តថា បច្ចុប្បន្ន មានគម្រោងបុរីមួយចំនួនបានមកអភិវឌ្ឍន៍នៅតំបន់នេះ ដូចជាបុរីចត្តុមុខ បុរីទួលសង្កែ និងបុរីលំនៅដ្ឋានជាច្រើនទៀត កំពុងបង្ហាញជារូបរាងបណ្តើរៗ និងចាប់ផ្តើមសាងសង់ផង ដូច្នេះតំបន់នឹងក្លាយជាទីក្រុងថ្មីមួយនាពេលអនាគត។

លោកបានមានប្រសាសន៍ដូច្នេះថា “ក្នុងរយៈពេល៥ទៅ១០ឆ្នាំខាងមុខ តំបន់នេះនឹងក្លាយជាទីក្រុងមួយ នៅពេលដែលស្ពានសាងសង់រួចរាល់ ព្រោះអ្នកវិនិយោគធំៗ និងបុរីធំៗបានទិញដីនៅតំបន់ទុកសម្រាប់ការអភិវឌ្ឍនាពេលមុខ”។

លោកសុខ ឌឺនអ្នកគួកជេដីតំបន់អារិយក្សត្របានឱ្យដឹងដែរថា តម្លៃដីនៅតំបន់អារិយក្សត្រកើនឡើង៥ដងក្នុងរយៈពេល៥ឆ្នាំចុងក្រោយ ខណៈបច្ចុប្បន្ន ការទិញលក់នៅក្នុងតំបន់នេះនៅតែមានចរន្តកើនឡើង។

យោងតាមសុខ ឌឺនបានឱ្យង ក្នុងតំបន់នេះ តម្លៃដីនាពេលប្ចុច្បន្ននៅបណ្តោយផ្លូវ៦០ម៉ែត្រមានតម្លៃចន្លោះពី៧០ទៅដល់១៣០ដុល្លារក្នុងមួយម៉ែត្រការ៉េ ដែលកាលពី៥ឆ្នាំមុនជាង១០ដុល្លារមួយម៉ែត្រការ៉េ ហើយដីលើតាមបណ្តោយផ្លូវ7NG ភាគច្រើនជាផ្លូវធំៗ ដែលមានតម្លៃចន្លោះ៣៥ទៅ៤០ដុល្លារមួយម៉េត្រការ៉េ ហើយនៅដីតាមបណ្តោយមានទំហំចាប់ពី៣០ហិកតា ទៅ១០០ហិកតា។

លោកបានថ្លែងថា “តំបន់នេះកំពុងមានសក្តានុពលខ្លាំង ហើយនាពេលបច្ចុប្បន្ន ចរន្តនៃការទិញលក់នៅក្នុងតំបន់នេះមានច្រើន និងកើនឡើងពីមួយថ្ងៃទៅមួយថ្ងៃ”៕

អ្នកជំនាញៈ វិស័យអចលនទ្រព្យជាចន្ទល់សេដ្ឋកិច្ចមួយក្នុងការជំរុញសេដ្ឋកិច្ចកម្ពុជាឱ្យងើបឡើងជាបណ្តើរៗ

ដោយៈ ប៊ី

ភ្នំពេញៈ អ្នកជំនាញបានលើកឡើថា ការនាំចេញវិស័យកសិកម្ម អនុវិស័យកាត់ដេរ រួមជាមួយការអភិវឌ្ឍន៍ក្នុងវិស័យអចលនទ្រព្យ និងអនុវិស័យដឹកជញ្ជូន និងគមនាគមន៍ជាដើម គឺជាចន្ទល់សេដ្ឋកិច្ច ដែលបានកំពុងជំរុញសេដ្ឋកិច្ចកម្ពុជាំងើបឡើងវិញជាបណ្តើរៗ។

ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា លោកច្រឹក សុខនីមបានថ្លែងប្រាប់នៅថ្ងៃទី២៤ ខែមិថុនា ឆ្នាំ២០២១នេះថា បញ្ហាប្រឈមនៅក្នុងវិបត្តិកូវីដ១៩ គឺបានធ្វើឲ្យប៉ះពាល់ដល់សេដ្ឋកិច្ចជាតិយើង ក្នុងនោះចំពោះវិស័យអចលនទ្រព្យក៏ជាផ្នែកមួយក្នុងការប៉ះពាល់ដោយសារវិបត្តិជម្ងឺនេះផងដែរ ដែលជាការរាំងស្ទះដល់ការអភិវឌ្ឍន៍វិស័យនេះ និងការបាត់បង់អ្នកវិនិយោគទុន ជាពិសេសអ្នកវិនិយោគទុនបរទេសជាដើម។

លោកបានបន្តថា ស្ថិតនៅក្នុងដំណាក់កាលនេះការអភិវឌ្ឍន៍វិស័យអចលនទ្រព្យ បានកំពុងដំណើរជាធម្មតា ប៉ុន្តែស្ថិតនៅក្នុងល្បឿនយឺត តែទោះបីជាយ៉ាងចំពោះការអភិវឌ្ឍន៍វិស័យសំណង់រួមមាន៖ គម្រោងសាងសង់លំនៅឋាន កំពុងត្រូវបានលេចធ្លោ រួមជាមួយការអភិវឌ្ឍន៍ទីក្រុងថ្មីៗ និងផ្នែកគម្រោងខុនដូ ក៏ជាផ្នែកយ៉ាងសំខាន់នៃការអភិវឌ្ឍន៍ ដោយឡែកចំពោះវិស័យដីធ្លីក៏បន្តមានចរន្តជាហូរហែរផងដែរ។

ជាមួយគា្ននេះដែរទាក់ទងនឹងឧស្សាហកម្មកាត់ដេរវិញ លោកកាំង ម៉ូនីការអគ្គលេខាធិការរង សមាគមរោងចក្រកាត់ដេរនៅកម្ពុជា លើកឡើងថា ដោយសារការរីករាលដាលជម្ងឺកូវីដ-១៩ ជាពិសេសព្រឹត្តិការណ៍២០ កុម្ភៈ នៅតែបន្ត វិស័យកាត់ដេរបានជួបបញ្ហាខ្លះៗនៅក្នុងការប្រកួតប្រជែង តែទោះបីយ៉ាងណាយើងសង្កេតឃើញថា ការនាំចេញផលិតផលធ្វើដំណើរកំពុងមានការកើនឡើង ដោយកម្ពុជាទទួលបានការនាំចេញរួចពន្ធទៅកាន់សហរដ្ឋអាមេរិក ដោយយើងរំពឹងទុកថា នឹងបន្តមានកំណើនក្នុងពេលខាងមុខទៀត។

ជុំវិញការងើបឡើងវិញនៃសេដ្ឋកិច្ច ឯកឧត្តម មាស សុខសេនសាន្ត អ្នកនាំពាក្យនិងជាអនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ថ្លែងថា តាមការព្យាករណ៍របស់រាជរដ្ឋាភិបាល សេដ្ឋកិច្ចយើងនឹងងើបឡើងវិញក្នុងកំណើនរង្វង់ ៣,៥ ភាគរយ ទៅ ៤ ភាគរយ ដោយទ្រទ្រង់វិស័យ និងអនុវិស័យសំខាន់ៗមួយចំនួនដូចជា៖ វិស័យកសិកម្ម អនុវិស័យកម្មន្តសាល អនុវិស័យដឹកជញ្ជូន និងគមនាគមន៍ ដែលបានបង្ហាញនូវក្នុងអត្រាវិជ្ជមាន ក្នុងនោះយើងនៅមានវិស័យដែលជួយទ្រទ្រង់បន្ថែមមួយចំនួនទៀតដូចជា៖ វិស័យលក់ដុំលក់រាយ, អនុវិស័យអចលនទ្រព្យ និងអនុវិស័យកាត់ដេរ ដែលអាចមានកំណើនថមថយបន្តិច ខុសនឹងការរំពឹងទុក។

ដោយឡែកធនាគារពិភពលោកវិញ ព្យាករណ៍ថា សេដ្ឋកិច្ចកម្ពុជានឹងទទួលបានកំណើនជិត៤ភាគរយ ក្នុងឆ្នាំ ២០២១ ដោយសារការរំពឹងទុកនៃការងើបឡើងវិញបន្តិចម្តងៗនៃសេដ្ឋកិច្ច, ខណៈវិស័យមួយចំនួនមានការរីកចម្រើន ផ្នែកដទៃផ្សេងទៀតនៅគាំងទ្រឹង ដោយសារតែការរាតត្បាតនៃជំងឺ ក្នុងនោះវិស័យកសិកម្ម នៅរក្សាភាពធន់ ដោយសារមានតម្រូវការខ្លាំង ជាពិសេសកម្ពុជាបាននាំចេញក្រោមកិច្ចព្រមព្រៀងពាណិជ្ជកម្មសេរី រវាងកម្ពុជា-ចិន ។

ចំណែកផ្នែកឧស្សាហកម្មផលិតវិញ បានងើបឡើងវិញជាបណ្តើរៗផងដែរ ដោយត្រូវសម្របខ្លួនទៅតាមលក្ខខណ្ឌប្រែប្រួលនៅខាងក្រៅ។ ចំពោះអាជីវកម្មបោះដុំនិងលក់រាយ បានកំពុងប្រឹងងើបឡើងវិញក្នុងល្បឿនយឺត ខណៈសកម្មភាពសេដ្ឋកិច្ចក្នុងស្រុក ងើបឡើងវិញបន្តិចម្តងៗ៕

រដ្ឋាភិបាលចាប់ផ្តើមអនុវត្តតម្រោងបែងចែកដីដើម្បីសង្គមកិច្ចនិងការអភិវឌ្ឍសេដ្ឋកិច្ចដំណាក់កាលទី៣តម្លៃជាង១០០លានដុល្លារ

ដោយៈ ម៉ាណេត
ភ្នំពេញៈ រដ្ឋាភិបាលចាប់ផ្តើមអនុវត្តតម្រោងបែងចែកដីដើម្បីសង្គមកិច្ចនិងការអភិវឌ្ឍសេដ្ឋកិច្ចដំណាក់កាលទី៣ (LASED III) ខណៈអ្នកទទួលផលពីគម្រោង(LASED III) មានចំនួនសរុប៦៥០០គ្រួសារ។ នេះបើយោងតាមសេចក្តីប្រកាសព័ត៌មានក្រសួងរៀបចំដែនដី នគរូបនីយកម្ម និងសំណង់។

លោកឧបនាយករដ្ឋមន្ត្រីជា សុផារ៉ារដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់នៅថ្ងៃទី២៤ ខែមិថុនា ឆ្នាំ២០២១ បានអញ្ជើញជាអធិបតីដ៍ខ្ពង់ខ្ពស់នៅក្នុងពិធីបើកសិក្ខាសាលាផ្សព្វផ្សាយស្តីពីការចាប់ផ្តើមអនុវត្តតម្រោង LASED III តាមប្រព័ន្ធអនឡាញ ដោយមានការអញ្ជើញចូលរួមពីថ្នាក់ដឹកនាំ និងអ្នកពាក់ព័ន្ធជាច្រើនទៀត។

ក្រសួងរៀបចំដែនដី បានឱ្យដឹងថា គម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ ជាគម្រោងរបស់រាជរដ្ឋាភិបាលកម្ពុជា ដែលមានថវិកាសរុប១០៧លានដុល្លារអាមេរិក ក្នុងនោះឥណទានធនាគារពិភពលោកចំនួន៩៣លានដុល្លារ និងថវិកាបដិភាគរបស់រាជរដ្ឋាភិបាលកម្ពុជាចំនួន១៤លានដុល្លារ សហការអនុវត្តដោយក្រសួងរៀបចំដែនដី នគរូបនីយកម្ម និងសំណង់ និងក្រសួងកសិកម្ម រុក្ខាប្រមាញ់ និងនេសាទ សម្រាប់រយៈពេល ៦ឆ្នាំ ពីខែតុលា ឆ្នាំ២០២០ ដល់ខែធ្នូ ឆ្នាំ២០២៦។

គម្រោងនេះនឹងផ្តោតលើភូមិសាស្ត្រខេត្ត គោលដៅដែលមានដីសមស្រប និងនៅទីតាំងចំនួន៧១ ក្នុងនោះ២៦ទីតាំង សម្រាប់ការងារសម្បទានដី សង្គមកិច្ច និង៤៥ទីតាំង សម្រាប់សហគមន៍ជនជាតិដើមភាគតិច មានផ្ទៃដីសរុប៣០០០០ហិកតា ក្នុងនោះផ្ទៃដីសហគមន៍ជនជាតិដើមភាគតិច១០០០០ហិកតា និងមានអ្នកទទួលផលសរុប៦៥០០គ្រួសារ ក្នុងនោះសហគមន៍ជនជាតិដើមភាគតិច១៥០០គ្រួសារ។

សកម្មភាពរបស់គម្រោងផ្តោតលើការងារ សំខាន់ចំនួន៥ តីការងារសម្បទានដីសង្គមកិច្ច ការចុះបញ្ជីដីសហគមន៍ជនជាតិដើមភាគតិច ការធ្វើផែនការប្រើប្រាស់ដីនៅក្នុងឃុំ ការអភិវឌ្ឍប្រព័ន្ធហេដ្ឋារចនាសម្ព័ន្ធរូបវន្ត និងការគាំទ្រដល់ការអភិវឌ្ឍជីវភាពរស់នៅរបស់អ្នកទទួលផល។

តាមរយៈការអនុវត្តកម្មវិធីសម្បទានដីសង្គមកិច្ចប្រកបដោយតម្លាភាព និងអភិបាលកិច្ចល្អ គម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ដំណាក់កាលទី៣ នឹងផ្តល់ដីសម្រាប់លំនៅឋាន និងដីសម្រាប់កសិកម្មដល់ប្រជាជនក្រីក្រ សម្រាប់ជាទុនក្នុងការចាប់ផ្តើមកសាងជីវភាព រស់នៅ និងបង្កបង្កើនផល។

ជាមួយនេះ គម្រោងនឹងរួមចំណែកសាងសង់ហេដ្ឋារចនាសម្ព័ន្ធរូបវន្តជាមូលដ្ឋានបណ្តុះបណ្តាលលើការងារកសិកម្ម និងធ្វើការផ្សារភ្ជាប់ជាមួយទីផ្សារ ដើម្បីបង្កើនប្រាក់ចំណូល លើកកម្ពស់កម្រិតជីវភាពរស់នៅ កាត់បន្ថយចំណាកស្រុក និងកាត់បន្ថយភាពក្រីក្ររបស់ប្រជាពលរដ្ឋ ចូលរួមសម្រេចគោលបំណងនៃយុទ្ធសាស្ត្រចតុកោណ ដំណាក់កាលទី៤ដែលជារបៀបវារៈសង្គមសេដ្ឋកិច្ចរបស់រាជរដ្ឋាភិបាលនីតិកាលទី៦ នៃរដ្ឋសភា៕

តើសំណួរអ្វីខ្លះដែលអ្នកគួរជ្រើសរើសដើម្បីសួរនៅពេលអ្នកជ្រើសរើសភ្នាក់ងារអចលនទ្រព្យ

ដោយៈគង់ សូរិយា

ភ្នំពេញៈ ការជ្រើសរើសភ្នាក់ងារអចលនទ្រព្យបានល្អ ស្មើនឹងអ្នកជោគជ័យបានពាក់កណ្តាលរួចទៅហើយ ហេតុនេះធនធានមនុស្សមានសារៈសំខាន់ណាស់ សំរាប់ក្រុមហ៊ុនផ្តល់សេវាកម្មអចលនទ្រព្យមួយ។

តើគេអាចធ្វើការជ្រើសរើសដផយរបៀបណា? ដំណើរការសម្ភាសន៍ ត្រូវធ្វើឡើងដើម្បីស៊ើបអង្កេតមើលពីលទ្ធភាព និងភាពដែលអាចទុកចិត្តបាន ដើម្បីធានាថាភ្នាក់ងារនេះ គឺស័ក្តិសមសម្រាប់អ្នកឬទេ។

ខាងក្រោមនេះគឺជាបញ្ជីសំនួរ ដើម្បីសួរទៅភ្នាក់ងារ ក្នុងអំឡុងពេលជួបគ្នាលើកដំបូង /ការវាយតម្លៃអចលនទ្រព្យ
តើក្រុមហ៊ុនរបស់អ្នកប្រលូកនៅក្នុងវិស័យនេះមានរយៈពេលប៉ុ​ន្មានឆ្នាំ/ តើអ្នកបានចូលរួមក្នុងវិស័យអចលនទ្រព្យ?

តើភ្នាក់ងារអចលនទ្រព្យបានលក់ / ជួលចំនួនប៉ុន្មានកាលពីឆ្នាំកន្លងទៅ?
តើភ្នាក់ងារមានអចលនទ្រព្យចំនួនប៉ុន្មានដែលបានដាក់បញ្ជីលក់/ជួលជាមួយពួកគេ?
តើបច្ចុប្បន្នភ្នាក់ងារកំពុងទាក់ទងជាមួយមានអ្នកទិញ/អ្នកជួលប៉ុន្មាននាក់?
តើភ្នាក់ងារប៉ាន់ប្រមាណតម្លៃបឋមបែបណាសម្រាប់អចលនទ្រព្យរបស់អ្នកនៅក្នុងទីផ្សារបច្ចុប្បន្ន ហើយថាតើពួកគេប្រើរូបមន្តអ្វីក្នុងការវាយតម្លៃដើម្បីកំណត់បានដល់តួលេខនេះ?
តើអ្វីជាយុទ្ធសាស្រ្តទីផ្សាររបស់ភ្នាក់ងារអចលនទ្រព្យ (ឧទាហរណ៍តាមអនឡាញ កាសែត និងអ៊ីម៉ែល)?។

ចម្លើយដែលអ្នកទទួលបានពីសំណួរទាំងនេះ នឹងអនុញ្ញាតឱ្យអ្នកធ្វើការវិនិច្ឆ័យត្រឹមត្រូវ អំពីកម្រិតនៃបទពិសោធន៍របស់ភ្នាក់ងារជំនាញវិជ្ជាជីវៈ និងថាតើពួកគេអាចផ្តល់នូវសេវាកម្ម ដែលអ្នកត្រូវការបានត្រឹមក​ម្រិតណា?។

ទោះជាយ៉ាងណាសំណួរដ៏សំខាន់បំផុតមួយ គឺការសួរទៅលើតម្លៃលក់/ជួលនៃអចលនទ្រព្យរបស់ អ្នក។ អ្នកគួរតែស្រាវជ្រាវដោយផ្ទាល់ និងធ្វើការប៉ាន់ស្មានពីតម្លៃដែលអ្នកអាចទទួលបាន ដោយឈរលើមូលដ្ឋានអចលនទ្រព្យស្រដៀងគ្នា នៅក្នុងតំបន់របស់អ្នក។ ភ្នាក់ងារអចលនទ្រព្យ ដែលមានបទពិសោធនឹងផ្តល់ការវាយតម្លៃ នូវតម្លៃប្រហែលគ្នានឹងការសិក្សាស្រាវជ្រាវរបស់អ្នក។

លើសពីនេះទៀតភ្នាក់ងារអចលនទ្រព្យ ដែលមានជំនាញវិជ្ជាជីវៈខ្ពស់ជាទូទៅនឹងឆ្លើយតបតាមសំណើរបស់អ្នក និងផ្តល់នូវសំណើទីផ្សារមួយ ជាលាយលក្ខណ៍អក្សរ បន្ទាប់ពីការសម្ភាសន៍៕