ប្រធានមន្ទីរពិសោធន៍វីរុសក្រុងវូហាន ច្រានចោលរបាយការណ៍របស់កាសែតអាមេរិកចោទថាបុគ្គលិកមន្ទីរពិសោធន៍ធ្លាក់ខ្លួនឈឺដោយសារកូវីដ-១៩

ដោយៈសុខុម

ប្រទេសចិនៈ លោកYuan Zhiming ប្រធានមន្ទីរពិសោធន៍សុវត្ថិភាពជីវសាស្ត្រជាតិក្រុងវូហាន (Wuhan National Biosafety Laboratory) នៃវិទ្យាស្ថានស្រាវជ្រាវអំពីវីរុសក្រុងវូហាន (Wuhan Institute of Virology) បានច្រានចោលរបាយការណ៍ស៊ើបការណ៍សម្ងាត់របស់សហរដ្ឋអាមេរិក ដែលអះអាងដោយគ្មានមូលដ្ឋានថា បុគ្គលិកនៅវិទ្យាស្ថាននេះ ធ្លាក់ខ្លួនមានជំងឺដោយសារវីរុសកូវីដ-១៩។

ប្រធានវិទ្យាស្ថានរូបនេះ បានប្រាប់កាសែតចិន Global Times នៅថ្ងៃច័ន្ទ ទី២៤ ឧសភា នេះថា ការចុះផ្សាយរបស់កាសែតអាមេរិក The Wall Street Journal ដែលលើកឡើងថា អ្នកស្រាវជ្រាវ៣នាក់មកពីមន្ទីរពិសោធន៍ខាងលើ បានធ្លាក់ខ្លួនមានជំងឺពាក់ព័ន្ធនឹងកូវីដ-១៩ កាលពីខែវិច្ឆិកា ឆ្នាំ២០១៩ គឺគ្មានមូលដ្ឋានឡើយ។
លោកYuan Zhiming និយាយថា “ខ្ញុំបានអានព័ត៌មាននោះហើយ ហើយវាជាព័ត៌មានភូកកុហកទាំងស្រុង” នៅពេលកាសែតGlobal Times សាកសួរនៅព្រឹកថ្ងៃច័ន្ទ នេះអំពីការចុះផ្សាយរបស់កាសែត The Wall Street Journal ដែលបានចុះផ្សាយកាលពីថ្ងៃអាទិត្យ ចុងសប្ដាហ៍មុនដោយដាក់ចំណងជើងថា “Intelligence on Sick Staff at Wuhan Lab Fuels Debate on COVID-19 Origin” (ព័ត៌មានស៊ើបការណ៍សម្ងាត់អំពីបុគ្គលិកធ្លាក់ខ្លួន មានជំងឺក្នុងពេលពិភាក្សា នៅមន្ទីរពិសោធន៍ក្រុងវូហាន អំពីប្រភពដើមនៃវីរុសកូវីដ-១៩)។

របាយការណ៍នេះលើកឡើងថា អ្នកស្រាវជ្រាវប៉ុន្មាននាក់នៅមន្ទីរពិសោធន៍នោះបានធ្លាក់ខ្លួន មានជំងឺនៅរដូវស្លឹកឈើជ្រុះឆ្នាំ២០១៩ ដោយមានអាការៈរោគសញ្ញាដូចទាំងកូវីដ-១៩ និងគ្រុនផ្ដាសាយធម្មតា។

អ្នកស្រាវជ្រាវជនជាតិចិនរូបនេះបានប្រាប់កាសែត Global Times ទៀតថា “ការអះអាងទាំងនោះ គ្មានមូលដ្ឋានទាល់តែសោះ។ មន្ទីរពិសោធន៍មិនបានដឹងអំពីស្ថានភាពនេះទេ [អ្នកស្រាវជ្រាវធ្លាក់ខ្លួនមានជំងឺ នៅរដូវស្លឹកឈើជ្រុះឆ្នាំ២០១៩] ហើយខ្ញុំក៏មិនទាំងដឹងថាព័ត៌មានបែបនេះចេញពីទីណានោះដែរ”។

កាសែត The Wall Street Journal បានចុះផ្សាយដំណឹងនេះមួយថ្ងៃ មុនសន្និបាតពិភពលោកស្ដីពីសុខាភិបាល (World Health Assembly) ដែលគេរំពឹងថានឹងពិភាក្សាអំពីដំណាក់កាលបន្ទាប់ នៃការស្រាវជ្រាវរកប្រភពដើមនៃវីរុសកូវីដ-១៩។

ក្រុមអ្នកនយោបាយ និងប្រព័ន្ធផ្សព្វផ្សាយរបស់សហរដ្ឋអាមេរិក បាននិងកំពុងព្យាយាមស្វែងរកប្រភពដើម នៃវីរុសកូវីដ-១៩ ជាថ្មីម្ដងទៀត ទោះបីជាអ្នកវិទ្យាសាស្ត្រមកពីក្រុមសិក្សាស្រាវជ្រាវរួមគ្នាមួយ ដែលមានសមាសភាពមកពីអង្គការសុខភាពពិភពលោក និងប្រទេសចិន បានឈានដល់ការសន្និដ្ឋានរួចហើយ នៅក្នុងរបាយការណ៍ពេញលេញមួយ ក្រោយពីចុះទៅសិក្សាផ្ទាល់នៅក្រុងវូហានក្ដី៕

BKK AVENUE ទីតាំងពាណិជ្ជកម្មសម្រាប់លក់ដំបូងគេនៅបឹងកេងកង១ ដោយ Le Condé BKK1

Le Condé BKK1 មានមោទនភាពក្នុងការណែនាំគម្រោងថ្មីគឺ BKK AVENUE ដែលជាគម្រោងមានសក្តានុពលក្នុងការបន្ថែមរសជីវិតជាមួយនឹងបទពិសោធន៍នៃការរស់នៅដែលមិនធ្លាប់មានពីមុនមក។ វាគឺជាទីតាំងពាណិជ្ជកម្មសម្រាប់លក់ដំបូងគេក្នុងតំបន់បឹងកេងកង ក្នុងគម្រោងខុនដូ ដែលស្ថិតនៅក្នុងទីតាំងសំខាន់នៃរាជធានីភ្នំពេញ។

ថ្ងៃបើកសម្ពោធន៍ជាផ្លូវការនៃ BKK AVENUE នឹងធ្វើឡើងនៅថ្ងៃទី២៩ ខែឧសភា ឆ្នាំ២០២១នេះ ចាប់ពីម៉ោង២រសៀល នៅការិយាល័យលក់ Le Condé BKK1។

មានទីតាំងស្ថិតនៅតំបន់ប្រជុំជនចម្រុះ Le Condé BKK1 បង្កើត BKK AVENUE ឡើង ក្នុងគោលបំណងដើម្បីអោយក្លាយទៅជាគម្រោងពាណិជ្ជកម្មដ៏អស្ចារ្យមួយនៅតំបន់កណ្តាលនៃសង្កាត់បឹងកេងកង១ សម្រាប់ការធ្វើពាណិជ្ជកម្ម មានដូចជាហាងម្ហូបអាហារ និងភេសជ្ជៈ ហាងទំនើប ផលិតផលប្រើប្រាស់ប្រចាំថ្ងៃ និងម៉ាកល្បីៗជាច្រើនទៀត។

ជាទូទៅ តំបន់បឹងកេងកង១ ត្រូវគេស្គាល់ថាជាតំបន់ដែលមានសក្តានុពលខ្ពស់បំផុតក្នុងទីក្រុងភ្នំពេញ ដោយក្នុងនោះពោពេញចម្រុះទៅដោយ អង្គការអន្តរជាតិ អគារពាណិជ្ជកម្មធំៗ ស្ថាប័នរដ្ឋ ក្រសួង ស្ថានទូត និងសាលារៀនកម្រិតអន្តរជាតិជាច្រើន។ លើសពីនេះទៀត បឹងកេងកង១ គឺជាប្រភពនៃម៉ាកល្បីៗកម្រិតពិភពលោក ហាងទំនើបៗ ភោជនីយដ្ឋាន ហាងម្ហូបអាហារ និងភេសជ្ជៈលំដាប់អន្តរជាតិ ធនាគារ និងកន្លែងល្បីៗជាច្រើន។

ស្ថិតនៅជាន់ផ្ទាល់ដីនៃអគារខុនដូទំនើបមួយ BKK AVENUE មានត្រឹមតែ ១៦ទីតាំងប៉ុណ្នោះ ដែលក្នុងនោះមានទំហំចាប់ពី ៥១ ទៅ ១០០ ម៉ែត្រការ៉េ និងកម្ពស់ដល់ទៅ ៥ម៉ែត្រ យ៉ាងធំទូលាយ ដែលរឹតតែផ្តល់ភាពងាយស្រួលក្នុងការរចនា និងពង្រីកទីតាំងរបស់អ្នកឲ្យកាន់តែធំទូលាយជាងមុន។

គម្រោង BKK AVENUE ត្រូវបានរចនាឡើងជាមួយយុទ្ធសាស្ត្រសម្រាប់កម្រិតហាងលំដាប់ខ្ពស់ដែលផ្តល់បរិយាកាសពិសេសសម្រាប់បទពិសោធន៍នៃការដើរទិញទំនិញបែបកម្សាន្តសម្រាប់ប្រជាជនទូទៅ និងជាពិសេសសម្រាប់អ្នកស្នាក់នៅក្នុងគម្រោង Le Condé BKK1។ ដូចគ្នានេះដែរ គម្រោងនេះផ្តល់ភាពងាយស្រួល បត់បែនក្នុងការបូកបញ្ចូលទំហំបន្ថែមទៅតាមការចង់បាន ដែលផ្តល់លក្ខណៈពិសេសបន្ថែមទៀតក្នុងការរចនាទីតាំងរបស់អ្នក។

តាមការប៉ាន់ស្មាន ប្រហែលជាង៣ពាន់អ្នកដែលជាអ្នកស្នាក់នៅគម្រោង Le Condé BKK1 នៅជាន់ខាងលើនៃ BKK AVENUE ពួកគេនឹងដើរកាត់មុខហាងរបស់អ្នករៀងរាល់ថ្ងៃ នេះហើយជាគុណតម្លៃមានស្រាប់របស់គម្រោងយើង បន្ថែមទៅលើការរកស៊ីរបស់អ្នក។
ក្នុងនោះយើងមិនសូវមានបញ្ហាច្រើនលើប្រភពនៃអតិថិជនចូលមកហាងរបស់យើង តែនៅគម្រោងនេះ មានអតិថិជនច្រើនស្រាប់ដែលមានសក្តានុភាពខ្ពស់ ដែលមាននិន្នាការខ្ពស់ក្នុងការទិញផលិតផលនានាជាប្រចាំ។

ចាប់ពីឥឡូវនេះតទៅ គម្រោងយើងបើកឲ្យអតិថិជនធ្វើការកក់ទុកជាមុន មុនថ្ងៃសម្ពោធន៍មកដល់ ដោយក្នុងនោះមានតែ ១៦ទីតាំងប៉ុណ្នោះសម្រាប់លក់។ ហេតុដូចនេះ ប្រញាប់ឡើង និងធ្វើការកក់ទុកជាមុន រហូតមកដល់ពេលនេះមានមនុស្សជាច្រើនបានកក់ទីតាំងមួយចំនួនធំរួចរាល់ហើយ។

ការសាងសង់ផ្លូវរបស់ថៃភ្ជាប់ជាមួយព្រំដែនស្ទឹងបត់កម្ពុជាសម្រេចបាន៧០ភាគរយ

ដោយៈគង់ សូរិយា

ភ្នំពេញៈ ការសាងសង់ផ្លូវរបស់ប្រទេសថៃភ្ជាប់ជាមួយច្រកព្រំដែនស្ទឹងបត់កម្ពុជា សម្រេចបាន៧០ភាគរយហើយ ខណៈកម្ពុជាកំពុងពន្លឿនគំរោងនេះផងដែរ។

យោងតាមការចុះផ្សាយរបស់កាសែត Bangkok Post បានឱ្យដឹងថា ផ្លូវនេះមាន ៤ គន្លង តភ្ជាប់ពីព្រំដែនបានណងអៀនក្នុងខេត្តស្រះកែវរបស់ថៃ មកព្រំដែនស្ទឹងបត់ក្នុងខេត្តបន្ទាយមានជ័យរបស់កម្ពុជា។

ផ្លូវនេះនឹងចំណាយទុន៦៣,៧១ លានដុល្លារមានប្រវែង២៥គីឡូម៉ែត្រ ដែលនឹងជួយសម្រួលដល់ការដឹកជញ្ជូន និងទេសចរណ៍ដល់ភាគីទាំង ២។ ការស្ថាបនាផ្លូវនេះ គ្រោងនឹងបញ្ចប់នៅខែកុម្ភៈឆ្នាំក្រោយ។


”
អ្នកនាំពាក្យក្រសួងសាធារណៈការ និងដឹកជញ្ជូនលោក វ៉ា ស៊ឹមសុរិយា អ្នកនាំពាក្យក្រសួងសាធារណការ និងដឹកជញ្ជូនបានឱ្យដឹងថា សព្វថ្ងៃកម្ពុជាបាននិងកំពុងដំណើរការសាងសង់ផ្លូវ និងហេដ្ឋារចនាសម្ព័ន្ធនៅច្រកព្រំដែនស្ទឹងបត់យ៉ាងមមាញឹក។

លោកបានឱ្យដឹងថា “យើងកំពុងតែឌីហ្សាញប្លង់ប៉ុស្តិ៍ ត្រួតពិនិត្យទំនិញបណ្តោះអាសន្នរបស់យើង និងហេដ្ឋារចនាសម្ព័ន្ធផ្សេងទៀតកំពុងសាងសង់”។

លោកបន្តថា “យើងឃើញថា ច្រកព្រំដែនប៉ោយប៉ែតមានការកកស្ទះ រថយន្តដឹកទំនិញយ៉ាងខ្លាំង ដូច្នេះទាមទារឱ្យមានហេដ្ឋារចនាសម្ព័ន្ធថ្មី សមរម្យសម្រាប់ត្រួតពិនិត្យទំនិញ និងអ្នកដំណើរចេញចូលប្រទេសទាំង២”។

ជាមួយគ្នានេះ រដ្ឋមន្ត្រីក្រសួងសាធារណការ និងដឹកជញ្ជូន លោក ស៊ុន ចាន់ថុល ការសាងសង់គម្រោងនេះ ត្រូវបានចំណាយថវិកាចំនួន២៦,៨៥ លានដុល្លារ ដែលជាគម្រោងឥណទាន ទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ច ប្រទេសជិតខាង (NEDA)។

មជ្ឈមណ្ឌលប្រឹក្សាធុរកិច្ចកម្ពុជា (CBC) ត្រូវបង្កើតឡើងលើកដំបូងកាលពីថ្ងៃទី ២០ ខែឧសភា ឆ្នាំ ២០២១ នៅទីក្រុងបាងកក ប្រទេសថៃ ដើម្បីបម្រើជាមជ្ឈមណ្ឌលច្រកចេញចូលតែមួយសម្រាប់ការផ្លាស់ប្តូរពាណិជ្ជកម្ម វិនិយោគ វប្បធម៌ និងទេសចរណ៍រវាងកម្ពុជា និងថៃ៕

ការស្ថាបនាផ្លូវថ្មីមួយខ្សែនៅខេត្តកោះកុងសម្រេចបាន៧០ភាគរយនិងគ្រោងនឹងបញ្ចប់នៅខែមិថុនាខាងមុខនេះ

ដោយៈ ប៊ី
ភ្នំពេញៈ ការស្ថាបនាផ្លូវថ្មីមួយខ្សែ ដែលដាក់ឈ្មោះថា “ផ្លូវលំជនបទភ្ជាប់និស្ស័យសម័យកូវីដ មរតកតេជោ ហ៊ុន សែន” ស្ថិតក្នុងខេត្តកោះកុង សម្រេចបាន៧០ភាគរយហើយ ដើម្បីសម្រួលដល់ការធ្វើដំណើរ ការដឹកជញ្ជូន ក៏ដូចជាទេសចរណ៍របស់ប្រជាពលរដ្ឋ ខណៈគម្រោងផ្លូវនេះនឹងបញ្ចប់ការសាងសង់នៅក្នុងខែមិថុនា ឆ្នាំ២០២១ខាងមុខឆាប់ៗនេះ។

អគ្គមេបញ្ជាការរងកងវិស្វកម្មតេជោ ហ៊ុន សែន សៀមរាប លោកវង្ស សំអាត បានថ្លែងប្រាប់ទូរទស្សន៍ជាតិនៅថ្ងៃទី២៤ ខែឧសភា ឆ្នាំ២០២១នេះថា “ផ្លូវលំជនបទភ្ជាប់និស្ស័យសម័យកូវីដ មរតកតេជោ ហ៊ុន សែន” ដែលជាអំណោយដ៏ថៃ្លថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជូនប្រជាពលរដ្ឋខេត្តកោះកុង ដែលតភ្ជាប់ស្រុកមណ្ឌលសីម៉ាទៅកាន់ស្រុកគិរីសាគរ និងក្រុងខេមរភូមិន្ទ ដោយលាតសន្ធឹងតាមបណ្តោយឆ្នេរសមុទ្រ ដែលមានឆ្នេរខ្សាច់សស្អាត ទឹកថ្លាឈ្វេង ព័ទ្ធទៅដោយភ្នំ មានព្រៃឈើខៀវ ស្រងាត់ មកដល់ពេលនេះសម្រេចការសាងសង់បានជាង៧០ភាគរយហើយ។

លោកបានបន្តថា គម្រោងផ្លូវលំជនបទនេះ រត់តាមឆ្នេរ សមុទ្រនៃខេត្តកោះកុងដែលមានទទឹង៩ ម៉ែត្រ និងបណ្ដោយជាង៣៨ គីឡូម៉ែត្រ និងសាងសង់ស្ពានឆ្លងកាត់ដៃសមុទ្រចំនួន៥ ដែលមានប្រវែងជាង៤ គីឡូម៉ែត្រ។

លោកបានបន្តថា ការស្ថាបនាផ្លូវលំនេះឡើងមិនត្រឹមតែតភ្ជាប់រវាង ប្រជាជននិងប្រជាជននោះទេ តែគឺជាការតភ្ជាប់ តំបន់ទីប្រជុំជនទៅកាន់តំបន់ដាច់ស្រយាលមួយ ដែលមិនសូវមានប្រជាជនទៅដល់។

លោកបានថ្លែងថា “ផ្លូវថ្មីនេះ គឺយើងចាប់ចេញពីចំណុចPK0នោះ នៅវត្តតាចាត ចាប់ផ្តើមពីហ្នឹងមករហូតឆ្លងកាត់ស្រុកទាំងអស់៣។ អ៊ីចឹងនៅពេលដែលផ្លូវនេះកើត ប្រជាជនខ្មែរទូទាំងប្រទេស អាចមកមើល មកកម្សាន្ត ជាកន្លែងទេសចរណ៍ថ្មីមួយទៀត ដែលសម្តេចតេជោមាន ចក្ខុវិស័យច្បាស់លាស់អភិវឌ្ឍន៍ មិនមែនតែនៅក្នុងទីក្រុងនោះទេ ដោយយើងនឹកស្មានមិនដល់នោះទេ ហើយគ្មាននរណាម្នាក់នឹកឃើញថាមានផ្លូវនោះទេ តែពេលដែលយើងមកដល់ទើបដឹងថា ផ្លូវធំអស្ចារ្យ”។

លោកបានបន្ថែមទៀតថា ការស្ថាបនាផ្លូវនេះ គឺដើម្បីលើកកម្ពស់ជីវភាពរស់នៅរបស់ប្រជាជន តាមរយៈការកសាងផ្លូវជាតិ ផ្លូវខេត្ត និងផ្លូវជនបទ នៅពេលដែលមានផ្លូវ លំហូរសេដ្ឋកិច្ច និង ការវិនិយោគ និងចូលទៅដល់ភូមិ ឃុំ ប្រជាជន ផ្ទះប្រជាជន ធ្វើឲ្យប្រជាជនអាចទទួលបានផលប្រយោជន៍ ប្រកបដោយសមធម៌ពីការកសាងផ្លូវនេះ។ ជាពិសេសផ្លូវមួយ ខ្សែនេះគឺបានសាងសង់ឡើងប្របតាមឆ្នេរសមុទ្ររបស់ខេត្តកោះកុង ដែលសម្បូរទៅដោយឆ្នេរខ្សាច់ពណ៌ស សម្រស់ព្រៃឈើ ព្រៃកោងកាង ប្រភពជីវៈចម្រុះ ដែលជាឋានសួគ៌សម្រាប់អ្នកទេសចរ។

កាលពីថ្ងៃទី២២ ខែកុម្ភៈ ឆ្នាំ២០២១កន្លងទៅ សម្តេចតេជោនាយករដ្ឋមន្រ្តី បានបញ្ជាឲ្យកងវិស្វកម្មតេជោ ហ៊ុន សែន សៀមរាប ទទួលសាងសង់ផ្លូវលំថ្មីមួយខែ្សនេះ ស្ថិតក្នុងភូមិសាស្ត្រភូមិទួលតាចាប ឃុំទួលគគីរ ស្រុកមណ្ឌលសីមា ឆ្លងកាត់ព្រៃភ្នំ ដងអូរ ដៃសមុទ្រ ឆ្ពោះទៅកាន់ស្រុកគិរីសាគរ និងក្រុងខេមរភូមិនរបស់ខេត្តកោះកុង។ គម្រោងផ្លូវនេះ នឹងស្ថាបនារួចរាល់នៅក្នុងខែមិថុនា ឆ្នាំ២០២១ ខាងមុខឆាប់ៗនេះ៕

សកម្មភាពពុះដីចំការលក់កំពុងមានការគាំទ្រពីសំណាក់ពលរដ្ឋ

ដោយៈលក្ខិណា

ភ្នំពេញៈ
កាលពីមុនទីផ្សារដីឡូត៏ដែលមានទំហំ៥ម៉ែត្រ និងគុណ២០ម៉ែត្រ មានសន្ទុះនៃការគាំទ្រខ្លាំងពីសំណាក់ពលរដ្ឋ ជាពិសេសអ្នកមានចំណូលទាប និងមធ្យមដោយធ្វើការទិញបង់រំលស់ជាប្រចាំខែទៅម្ចាស់គម្រោង តែពេលនេះអភិវឌ្ឍន៍ដីធ្លីបានទិញចំការដំណាំនានា ដើម្បីពុះជាឡូត៏ៗលក់ទៅពលរដ្ឋ សម្រាប់ទិញទុកសង់ផ្ទះលំហែនៅពេលអនាគតវិញ។

គម្រោងពុះដីចំការដំណាំជាឡូត៍ លក់ជូនអតិថិជនលំហែចុងសប្ដាហ៍ ឬថ្ងៃឈប់សម្រាកបាន និងកំពុងពេញនិយមនិងមានការគាំទ្រ ពីសំណាក់អតិថិជនជាច្រើនជាពិសេសអតិថិជន ដែលមានបំណងទិញដើម្បីសង់ផ្ទះលំហែចុងប្ដាហ៍។

ភ្នាក់ងារលក់អចលនទ្រព្យមួយរូប ដែលលក់គម្រោងដីឡូត៏លំហែនៅខេត្តកំពង់ស្ពឺបាននិយាយថា បច្ចុប្បន្ននេះ គម្រោងដីឡូត៏លំហែដែលក្រុមហ៊ុនរបស់ខ្លួន បានអភិវឌ្ឍន៍កំពុងមានការគាំទ្រពីសំណាក់អតិថិជនជាច្រើន ក្នុងនោះភាគច្រើនជាអតិថិជនមកពីរាជធានីភ្នំពេញ ហើយអ្នកខ្លះបានប្រកាសប្រាប់បងប្អូនសាច់ញាតិ ឬមិត្តភក្ដិតៗគ្នាមកទិញសម្រាប់ទុកលំហែកាយនៅចុងសប្ដាហ៍ឬ ក៏ថ្ងៃឈប់សម្រាក។

កញ្ញាសុភាព បុគ្គលិកនៃក្រុមហ៊ុនអភិវឌ្ឍន៍ដីឡូត៍ លំហែកាយមួយកន្លែងក្នុងខេត្តកំពង់ស្ពឺក៏បាននិយាយផងដែរថា ទោះស្ថិតនៅក្នុងដំណាក់កាលនៃ វិបត្តិកូវីដ១៩ក្ដី ក៏គម្រោងដីឡូត៏លំហែរ នៅទទួលបានការគាំទ្រនិងទិញច្រើនពីអតិថិជន ជាក់ស្ដែងក្នុងគម្រោង៣៥ហិចតា និងមានជាង៤០០ឡូត៍ ត្រូវបានលក់ជិតអស់ក្នុងរយៈពេលតែជាងពីរខែប៉ុណ្ណោះ ហើយអតិថិជនខ្លះទៀត ក៏កំពុងរង់ចាំទិញគម្រោងអភិវឌ្ឍន៍ក្រោយៗទៀតផងដែរ។

កញ្ញាបន្តថា “ដីដែលយកមកអភិវឌ្ឍន៍នៅពេលនេះ គឺជាប្រភេទដីចំការដែលមានដំណាំស្រាប់ដូចជាខ្នុរ ស្វាយដូងនិងដំណាំជាច្រើនទៀត ដូច្នេះអតិថិជនគាត់ចង់បានដំណាំស្រាប់ ដូច្នេះហើយទើបគាត់ពេញចិត្តនឹងគម្រោងអភិវឌ្ឍន៍បែបនេះ”។

អ្នកខ្លះទិញហើយក៏សង់ជាផ្ទះលំហែ ខ្លះទៀតក៏ដាំដំណាំបន្ថែម និងសង់ផ្ទះលំហែនៅពេលក្រោយ។ អ្វីដែលធ្វើឱ្យពួកគាត់គាំទ្រនូវ គម្រោងដីឡូត៏លំហែ គឺស្ថិតនៅក្នុងតំបន់ដែលមានសក្ដានុពលក្នុងខេត្តកំពង់ស្ពឺ ហើយខេត្តនេះ ក៏កំពុងតែល្បីរឿងបញ្ឈប់ការផ្សាយពាណិជ្ជកម្មគ្រឿងស្រវឹងតាមប៉ាណូធំៗទូទាំងខេត្ត ដែលកំពុងមានការគាំទ្រខ្លាំង ។

លោកសន សៀបស្ថាបនិកននិងនាយកក្រុមហ៊ុនអចលនទ្រព្យ ឃី រៀលអ៊ីស្ទេតក៏បានឱ្យដឹងផងដែរថា កំពង់ស្ពឺគជាតំបន់ ដ៏ទាក់ទាញមួយនៅពេលបច្ចុប្បន្ន ហើយវានឹងក្លាយជាតំបន់ឧស្សាហកម្ម និងទាក់ទាញការវិនិយោគពីក្នុង និងក្រៅប្រទេសនៅពេលឆាប់ៗនេះ ដោយសារតែសក្ដានុពល នៃការអភិវឌ្ឍហេដ្ឋារចនាសម្ព័ន្ធថ្មីៗ បន្ថែមជាច្រើនទៀតរបស់រដ្ឋាភិបាល៕

អ្នកឧកញ៉ាឡេង ណាវ៉ាត្រាប្រកាសវិនិយោគគម្រោងធំមួយលើផ្ទៃដី៥០០ហិកតា នៅខេត្តបាត់ដំបង

ដោយៈគង់ សូរិយា

 ភ្នំពេញៈ អ្នកឧកញ៉ាឡេង ណាវ៉ាត្រាបានប្រកាសគំរោងអភិវឌ្ឍន៍ធំមួយ ដែលមានវិសាលភាពលើផ្ទៃដី៥០០ហិកតា នៅខេត្តបាត់ដំបង ភូមិភាគពាយ័ព្យប្រទេស ខណៈរដ្ឋាភិបាល កំពុងរៀបចំស្តារព្រលានយន្តហោះរបស់ខេត្តឡើងវិញ។

អ្នកឧកញ៉ាបានសរសររលើបណ្តាញទំនាក់ទំនងសង្គម កាលពីចុងសប្តាហ៍មុនថា គម្រោងអភិវឌ្ឈន៍ជាង500ហិចតាខេត្តបាត់ដំបង ជាតំបន់ទេចរណ៍សិប្បនិមិត្ត ដែលរួមមានគំរោងជាច្រើនដូចជា 1.កោះចាក់សោរបេះដូង 2.ស្ទឹងសាងស្នេហ៍ 3.រម្មណីយដ្ឋានវាលស្រែធម្មជាតិ 4. រីសត សណ្ឋាគារលើកោះជាលក្ខណៈឯកជន 5. ផែទឹកទេសចរណ៍ ប្រមូលផ្ដុំអ្នកលេងមូតូទឹក  6.កន្លែងក្មេងលេង  7.តារាងបាល់ទាត់ 8.កន្លែងប្រគំតន្រ្តី

9.បុរី វីឡាលំហែរមាត់ស្ទឹង និងគំរោងអភិវឌ្ឈន៍ប្រមូលផ្ដុំកន្លែងទេសចរណ៍ជាច្រើនទៀត។
បច្ចុប្បន្នគំរោងនេះ បានចាប់ផ្តើមដំណើរការបណ្តើរហើយ តាមរយៈរូបថតលើផេករបស់អ្នកឧកញ៉ា គឺមានសកម្មភាពចាក់ដី និងគ្រឿងចក្រជាច្រើន។

ភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង ចុះតាមផ្លូវវត្តវាលទ្រា ចំងាយប្រហែ៧គីឡូម៉ែត្រពីទីរួមខេត្ត។

លោកឡែមឌឿន ដាឡឹម ប្រធានក្រុមហ៊ុនអចលនទ្រព្យAtsolutionsបានមានប្រ​សា​សន៍ឲ្យដឹងតាមទូរស័ព្ទនាព្រឹកថ្ងៃទី២៤ ឧសភានេះថា គំរោងអភិវឌ្ឍន៍របស់អ្នកឧក​ញ៉ាឡេង ណាវ៉ាត្រាជាការលើកស្ទួយវិស័យអចលនទ្រព្យ នៅក្នុងខេត្តបាត់ដំបងកាន់តែរីកចម្រើនថែមទៀត ខណៈសក្តានុពលវិស័យនេះនៅក្នុងខេត្តមិនមានការស្រកស្រុតនោះទេ បើទោះបីជាមានវិបត្តិកូវីដ១៩។

លោកបន្តថា “តាមខ្ញុំដឹងគំរោងរបស់អ្នកឧកញ៉ា ស្ថិតនៅក្នុងស្រុកថ្មគោល ដែលមានចម្ងាយប្រមាណ៧គីឡូម៉ែត្រពីក្រុងបាត់ដំបង និងស្ថិតនៅជាប់ផ្លូវហាយវេរបស់ខេត្ត”។លោកបន្តថា “គំរោងនេះនឹងលើកស្ទួយមុខមាត់របស់ខេត្ត និងធ្វើឲ្យខេត្តនេះកាន់តែមានភាពទាក់ទាញការអភិវឌ្ឍកាន់តែច្រើន ពិសេសនឹងជួយទាក់ទាញភ្ញៀវទេសចរណ៍ផងដែរ”។

អភិបាលខេត្តបាត់ដំបង លោកងួន រតនៈបានមានប្រសាសន៍ឲ្យដឹងតាមទូរស័ព្ទផងដែរថា លោកបានដឹងព៌តមាននេះ ប៉ុន្តែរហូតមកទល់ពេលនេះ គំរោងនេះមិនទាន់បានដាក់សំណើរមកកាន់ខេត្តនៅឡើយទេ ប៉ុន្តែក្នុងនាមអាជ្ញាធរខេត្តលោកសូមស្វាគមន៍ឲ្យតែមានគំរោងអភិវឌ្ឍន៍ចូលមក។

លោកបន្តថា “គំរោងនេះ នឹងជួយលើកមុខមាត់របស់ខេត្ត បើគាត់ធ្វើពិតប្រាកដ

ហើយបើគាត់អភិវឌ្ឍន៍ ដោយមានលំនៅដ្ឋានតម្លៃសមរម្យ សម្រាប់អ្នកមានចំណូលមធ្យម វាជាការល្អណាស់សម្រាប់ប្រជាពលរ

ក្រុមហ៊ុនបដិសណ្ឋារកិច្ចអន្តរជាតិធំមួយនឹងបើកដំណើរសណ្ឋាគាររបស់ខ្លួន នៅកម្ពុជានៅដើមឆ្នាំក្រោយ

ដោយៈ ម៉ាណេត
ភ្នំពេញៈ ក្រុមហ៊ុនOakwood ដែលជាក្រុមហ៊ុនបដិសណ្ឋារកិច្ចធំមួយ នៅលើពិភពលោកបានប្រកាសថា ខ្លួននឹងពន្យាពេលបើកដំណើរការសណ្ឋាគាររបស់ខ្លួន នៅខែមករា ឆ្នាំក្រោយដោយសារជំងឺកូវីដ១៩។ នេះបើយោងតាមការចេញផ្សាយរបស់កាសែតបាងកកប៉ុស្តិ៍ នៅថ្ងៃទី២៤ ខែមេសា ឆ្នាំ២០២១។

លោកស្រី Lina Abdullah ប្រធានគ្រប់គ្រងទូទៅប្រចាំតំបន់នៅប្រទេសកម្ពុជា មីយ៉ាន់ម៉ា និងថៃ នៃក្រុមហ៊ុន Oakwood បាននិយាយថា នាពេលនេះ អាជីវកម្មស្នូលរបស់យើង ផ្តោតលើភ្ញៀវស្នាក់នៅរយៈពេលយូរ ហើយនេះបានជួយយើងឱ្យរួចផុតពីវិបត្តិជំងឺរាតត្បាត ហើយជាមួយគ្នានេះដែរ ក្រុមហ៊ុននឹងពន្យាពេលបើកដំណើរការសណ្ឋាគារមួយនៅភ្នំពេញទៅដើមឆ្នាំក្រោយ។

លោកស្រីបានថ្លែងថា “ក្រុមហ៊ុនក៏គ្រោងនឹងបើកសណ្ឋាគារមួយ នៅទីក្រុងភ្នំពេ​ញប្រទេសកម្ពុជាផងដែរ ប៉ុន្តែបានពន្យារពេលកាលបរិច្ឆេទ បើកដំណើរការរហូតដល់ខែមករា ឆ្នាំក្រោយ ដោយសារតែរលកឆ្លងថ្មីនៃជំងឺកូវីដ”។

ទាក់ទងនឹងការបើកដំណើរការសណ្ឋាគារ នៅទីក្រុងភ្នំពេញ ក្រុមហ៊ុនធ្លាប់បានប្រកាសថា គ្រោងនឹងបើកដំណើរការសណ្ឋាគាររបស់ខ្លួន នៅក្នុងត្រីមាសទី២ ឆ្នាំ២០២១។

ជាមួយគ្នានេះដែរ សណ្ឋាគារ Oakwood Premier Phnom Penh នឹងមានការរួមបញ្ចូលសិល្បៈបុរាណ និងវប្បធម៌ខ្មែរ ជាមួយនឹងភាពឆើតឆាយនាពេលបច្ចុប្បន្ន ដែលផ្តល់នូវការស្នាក់បន្ទប់សណ្ឋាគារ និងអាផាតមិនចំនួន២០៧យូនីត៕

ក្រុមហ៊ុន Aeon Mall ពន្យារ​ពេល​គម្រោង​ផ្សារ​ទំនើប​របស់​ខ្លួន​នៅ​ប្រទេស​មីយ៉ាន់ម៉ា ​ប៉ុន្តែ​ពន្លឿន​នៅ​កម្ពុជា​

ដោយ សុខុម

ហ្សាការតា: ក្រុមហ៊ុនអភិវឌ្ឍន៍ផ្សារទំនើប Aeon Mall ដែលស្ថិតក្រោមក្រុមហ៊ុនផ្សារទំនើបដ៏ធំ Aeon របស់ប្រទេសជប៉ុន បានពន្យារពេលគម្រោងសាងសង់ផ្សារទំនើបមួយរបស់ខ្លួននៅក្នុងទីក្រុងយ៉ង់ហ្គូន ប្រទេសមីយ៉ាន់ម៉ា ក្រោយរដ្ឋប្រហារដោយយោធា។ នេះបើយោងតាមសារព័ត៌មាន The Jakarta Post ចុះផ្សាយកាលពីសប្ដាហ៍កន្លងទៅ។

ក្រុមហ៊ុនអភិវឌ្ឍន៍ផ្សារទំនើបនេះគ្រោងចាប់ផ្ដើមការសាងសង់នៅរដូវក្ដៅនេះ ប៉ុន្តែស្ថានភាពមិនប្រាកដប្រជាបានធ្វើឱ្យប៉ះពាល់ដល់គម្រោងនេះក្រោយរដ្ឋប្រហារដោយយោធាកាលពីខែកុម្ភៈ នៅក្នុងប្រទេសជាសមាជិកអាស៊ាន មួយនេះ។

ក្រុមហ៊ុន Aeon Mall បានបង្កើតការវិនិយោគរួមគ្នាជាមួយក្រុមហ៊ុនក្នុងស្រុកមួយដើម្បីបើកផ្សារទំនើបមួយនៅក្នុងប្រទេសមីយ៉ាន់ម៉ា ក្នុងឆ្នាំ២០២៣។

ប្រភពដែលស្និទ្ធនឹងគម្រោងអភិវឌ្ឍន៍នេះបានបង្ហើបឱ្យដឹងថា ក្រុមហ៊ុនជប៉ុន មួយនេះមិនគិតចង់ដកខ្លួនចេញពីគម្រោងនេះឡើយ ប៉ុន្តែនឹងធ្វើការកែសម្រួលខ្លះលើផែនការរបស់ខ្លួនដើម្បីសម្របទៅនឹងទិន្នាការរបស់អ្នកប្រើប្រាស់ និងស្ថានភាពសេដ្ឋកិច្ចនៅក្នុងប្រទេសនេះ។

រដ្ឋាភិបាលមីយ៉ាន់ម៉ា បានអនុម័តគម្រោងពាក់ព័ន្ធមួយដែលមានទំហំវិនិយោគ១៨០លានដុល្លារកាលពីឆ្នាំមុន៕

IMF ស្នើទឹកប្រាក់៥០ពាន់លានដុល្លារ ដើម្បីទិញវ៉ាក់សាំងជួយដល់ប្រទេសក្រីក្រ

ដោយៈ សុខុម

វ៉ាស៊ីនតោន: កាលពីថ្ងៃសុក្រសប្ដាហ៍មុន មូលនិធិរូបិយអន្តរជាតិ (IMF) បានស្នើផែនការ ដែលមានទំហំទឹកប្រាក់៥០ពាន់លានដុល្លារ ដើម្បីរួមចំណែកបញ្ចប់វិបត្តិឆ្លងរាតត្បាតវីរុសកូវីដ-១៩។ នេះបើយោងតាមសារព័ត៌មាន The Korea Times ចុះផ្សាយកាលពីថ្ងៃអាទិត្យ ទី២៣ ឧសភា។

ផែនការនេះ មានបំណងបង្កើនការចាក់វ៉ាក់សាំងទូទាំងពិភពលោក ខណៈបណ្ដាក្រុមហ៊ុនផលិតវ៉ាក់សាំង បានសន្យាផ្គត់ផ្គង់វ៉ាក់សាំងរាប់ពាន់លានដូស ទៅដល់បណ្ដាប្រទេសក្រីក្រត្រឹមដំណាច់ឆ្នាំ២០២២។

ការសន្យានេះ ធ្វើឡើងនៅពេលដែលប្រទេសអេស្ប៉ាញ ប្រកាសថា ខ្លួននឹងបើកព្រំដែន របស់ខ្លួនស្វាគមន៍អ្នកដំណើរ ដែលបានចាក់វ៉ាក់សាំងទាំងអស់នៅខែក្រោយ ដោយផ្តល់ក្តីសង្ឃឹមថា រដូវកាលទេសចរណ៍នៅអឺរ៉ុប នឹងស្ទុះងើបឡើងវិញ បន្ទាប់ពីរងផលប៉ះពាល់ធ្ងន់ធ្ងរកាលពីឆ្នាំមុន។

ប៉ុន្តែនៅទ្វីបអាមេរិកឡាទីន វីរុសកូវីដ-១៩ បានបន្តបង្កផលប៉ះពាល់ធ្ងន់ធ្ងរ នៅពេលចំនួនអ្នកស្លាប់សរុប ដោយសារវីរុសកូវីដ-១៩ នៅក្នុងទ្វីបនេះបានកើនឡើងដល់១លាននាក់។

ចំណែកអង្គការសុខភាពពិភពលោក (WHO) និយាយថា ចំនួនអ្នកស្លាប់ពិតប្រា​កដ ដោយសារការឆ្លងរាតត្បាតវីរុសដ៏កាចសាហាវនេះ អាចមានចំនួនខ្ពស់ជាងស្ថិតិផ្លូរការពី២ទៅ៣ដង។

នៅរដ្ឋធានីវ៉ាស៊ីនតោន មូលនិធិរូបិយវត្ថុអន្តរជាតិ (IMF) បានស្នើផែនការសង្គ្រោះមួយ ដែលមានទំហំទឹកប្រាក់៥០ពាន់លានដុល្លារ ជាមួយគោលបំណងចាក់វ៉ាក់សាំងឱ្យបានយ៉ាងតិច៦០% នៃចំនួនប្រជាជនសរុបទូទាំងពិភពលោកនៅត្រឹមឆ្នាំ២០២២។

ទំហំទឹកប្រាក់នេះគឺតិចតួចណាស់ បើធៀបទៅនឹងកញ្ចក់ថវិកាច្រើនសន្ធឹកសន្ធាប់ដែលដាក់ចេញដោយបណ្ដាប្រទេសអ្នកមាន ដោយក្នុងនោះរួមមានទាំងកញ្ចប់ថវិកាស្ដារសេដ្ឋកិច្ច១,៩ទ្រីលានដុល្លាររបស់សហរដ្ឋអាមេរិកផងដែរ។

នៅទីក្រុងរ៉ូម កិច្ចប្រជុំកំពូលសុខាភិបាលពិភពលោក (Global Health Summit) ដែលជាផ្នែកមួយ នៃកិច្ចពិភាក្សារបស់ក្រុមប្រទេស G20 ក្រុមហ៊ុនផលិតវ៉ាក់សាំងកូវីដ-១៩ ឈានមុខគេដូចជាក្រុមហ៊ុន Pfizer ក្រុមហ៊ុន Moderna និងក្រុមហ៊ុន Johnson Johnson បានសន្យាផ្គត់ផ្គង់វ៉ាក់សាំងកូវីដ-១៩ចំនួន៣,៥ពាន់លានដូស ដោយបញ្ចុះតម្លៃពិសេស ដល់បណ្ដាប្រទេសមានប្រាក់ចំណូលមធ្យម និងប្រទេសមានប្រាក់ចំណូលទាបនៅឆ្នាំនេះ និងឆ្នាំក្រោយ។

សហភាពអឺរ៉ុប បានសន្យាផ្ដល់វ៉ាក់សាំងចំនួន១០០លានដូស និងវិនិយោគលើរោងចក្រផលិតវ៉ាក់សាំងនៅអាហ្វ្រិក ដើម្បីកាត់បន្ថយការពឹងផ្អែកលើវ៉ាក់សាំងនាំចូល។ ប្រទេសអាល្លឺម៉ង់ បានសន្យាបរិច្ចាគវ៉ាក់សាំងចំនួន​៣០​លានដូស ដល់បណ្ដាប្រទេសក្រីក្រនៅឆ្នាំនេះ៕

អ្នកជំនាញៈ ការផ្ដល់ព័ត៌មានតាមអនឡាញជាមធ្យោបាយដ៏សំខាន់ក្នុងការទាក់ទាញអ្នកទិញលក់អចលនទ្រព្យ

ដោយៈ ម៉ាណេត

ភ្នំពេញៈ អ្នកជំនាញលើកឡើងថា ការផ្ដល់ព័ត៌មាន តាមអនឡាញបានក្លាយជាម ធ្យោបាយដ៏សំខាន់ក្នុងការទាក់ទាញ និងរក្សាចំណាប់អារម្មណ៍របស់អ្នកទិញ អំឡុងពេលវិបត្តិកូវីដ១៩។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាលោកច្រឹក សុខនីមបានថ្លែងប្រាប់កាលពីថ្មីៗនេះថា ជាទូទៅ អ្នកស្វះស្វែងរកអចលនទ្រព្យ អាចទទួលបានគ្រប់ព័ត៌មានដែលពួកគេត្រូវការ នៅលើ Internet ហើយលោកគិតថា ពួកគេនឹងចូលមកស្វែងយល់ម្ដងទៀត អំពីទីផ្សារអចលនទ្រព្យ ក្រោយពេលវិបត្តិកូវីដ១៩​បានធូរស្រាល។

លោកបានបន្តថា “ចង់ឬមិនចង់ របៀបនៃការធ្វើជំនួញ ក្នុងទីផ្សារអចលនទ្រព្យ គឺជាការសម្លឹងទុកមុននូវអចលនទ្រព្យដែលសមគួរ ខណៈការផ្ដល់ព័ត៌មានតាមអនឡាញ ជាមធ្យោបាយដ៏សំខាន់ក្នុងការទាក់ទាញ និងរក្សាចំណាប់អារម្មណ៍របស់អ្នកទិញ អំឡុងវិបត្តិកូវីដ១៩”។

លោកក៏បានលើកឡើងថា ស្ថានការណ៍បច្ចុប្បន្នជារួម ស្ថិតនៅឆ្ងាយពីវិបត្តិខ្លាំងណាស់។ ទីផ្សារអចលនទ្រព្យនៅតែខ្លាំង ដោយសារនៅតែមានចំណាប់អារម្មណ៍ពីអ្នកចង់ទិញ។ វាគ្រាន់តែជាបញ្ហាថា តើអ្នកដែលចង់ទិញអាចមកមើលអចលនទ្រព្យ ដោយផ្ទាល់បានដែរឬទេ ដូច្នេះអ្នកទិញ អាចធ្វើការសម្រេចចិត្តត្រឹមត្រូវសម្រាប់ពួកគេ។

ផ្ទុយមកវិញលោកឃើញថា ស្ថានការណ៍នាពេលបច្ចុប្បន្ន វាជាឱកាសសម្រាប់ ភ្នាក់ងារអចលនទ្រព្យ ក្នុងការរៀនជំនាញថ្មីៗ ខណៈពេលដែលពួកគេត្រូវនៅផ្ទះ។

លោកសុខនីមបានថ្លែងថា “មានធនធានអនឡាញជាច្រើន ដែលបង្រៀនពីជំនា​ញចរចារ លក់ និងធ្វើទីផ្សារ។ ការរៀនមុខវិជ្ជាអនឡាញមួយ ទាក់ទងនឹងជំនាញចរចារ និងគ្រប់គ្រងផងដែរ”។

លោកបន្តថា “នេះគឺជាឱកាសល្អ សម្រាប់ភ្នាក់ងារអចលនទ្រព្យ ក្នុងការពង្រីក និងពង្រឹងជំនាញរបស់ពួកគេ ដូច្នេះពួកគេនឹងមានគុណតម្លៃកាន់តែច្រើន សម្រាប់ផ្ដល់ជូនអតិថិជន នៅពេលដែលស្ថានភាពទីផ្សារ ត្រលប់មករកប្រក្រតីភាពឡើងវិញ”៕