រដ្ឋាភិបាលដាក់ចេញចំណាត់ថ្នាក់អ្នកជាប់ពន្ធដើម្បីជំរុញការប្រមូលចំណូលពន្ធគ្រប់ប្រភេទឱ្យមានប្រសិទ្ធភាព

ដោយៈ ម៉ាណេត

ភ្នំពេញៈ ក្រសួងសេដ្ឋកិច្ច និងហិរញ្ញវត្ថុប្រកាសស្ដីពីការកំណត់ចំណាត់ថ្នាក់អ្នកជាប់ពន្ធតាមរបបស្វ័យប្រកាស។ នេះបើតាមប្រកាសរបស់ក្រសួងសេដ្ឋកិច្ច និងហិរញ្ញវត្ថុនៅថ្ងៃទី១៥ ខែមករា ឆ្នាំ២០២១នេះ។

ក្រសួងសេដ្ឋកិច្ចបានបញ្ជាក់ថា ប្រកាសនេះមានគោលបំណងកំណត់ចំណាត់ថ្នាក់អ្នកជាប់ពន្ធតាមរបបស្វ័យប្រកាសដើម្បីឲ្យមានសង្គតិភាពក្នុងការគ្រប់គ្រង ប្រមូលចំណូលពន្ធគ្រប់ប្រភេទឲ្យមានប្រសិទ្ធភាព តម្លាភាព និងសមធ៌ម ស្របតាមការរីកចម្រើននៃសេដ្ឋកិច្ចរបស់កម្ពុជា។

ប្រកាសនេះមានវិសាលភាពអនុវត្តន៍ចំពោះអ្នកជាប់ពន្ធតាមរបបស្វ័យប្រកាស ដែលប្រកបអាជីវកម្មនៅក្នុងព្រះរាជាណាចក្រកម្ពុជា និងបានចុះបញ្ជីពន្ធដារចាប់ពីឆ្នាំ២០២១តទៅ។

ការកំណត់ចំណាត់ថ្នាក់អ្នកជាប់ពន្ធតាមរបបស្វ័យប្រកាស

ការកំណត់ចំណាត់ថ្នាក់អ្នកជាប់ពន្ធតាមរបបស្វ័យប្រកាសត្រូវផ្អែកលើកម្រិតផលរបរប្រចាំឆ្នាំទៅតាមវិស័យចម្បងរួមមាន វិស័យកសិកម្ម វិស័យឧស្សាហកម្ម និងវិស័យសេវាកម្មនិងពាណិជ្ជកម្ម។ អ្នកជាប់ពន្ធតាមរបបស្វ័យប្រកាសត្រូវបានចាត់ថ្នាក់ជាបីប្រភេទដូចខាងក្រោម៖

១ អ្នកជាប់ពន្ធតូច គឺជាសហគ្រាសឯកបុគ្គល ឬសហគ្រាសសហកម្មសិទ្ធិ ដែល៖

ក- មានផលរបរប្រចាំឆ្នាំចាប់ពី២៥០លានរៀលដល់១០០០លានរៀល សម្រាប់វិស័យកសិកម្ម សេវាកម្ម និងពាណិជ្ជកម្ម។ ខ- មានផលរបរប្រចាំឆ្នាំចាប់ពី២៥០លានរៀល ដល់១ ៦០០លានរៀលសម្រាប់វិស័យឧស្សាហកម្ម។ គ- មានផលរបរក្នុងរយៈពេលបីខែជាប់គ្នាណាមួយ ដែលបញ្ចប់ក្នុងឆ្នាំប្រតិទិនចរន្តចាប់ពី៦០លានរៀលឡើងទៅ។ ឃ- រំពឹងថាមានផលរបរក្នុងរយៈពេលបីខែជាប់គ្នាខាងមុខចាប់ពី៦០លានរៀលឡើងទៅ។ ង- ចូលរួមដេញថ្លៃពិគ្រោះថ្លៃ ឬស្ទង់ថ្លៃ ក្នុងការផ្គត់ផ្គង់ទំនិញ ឬសេវា រួមទាំងភាស៊ី។

២- អ្នកជាប់ពន្ធមធ្យមគឺជាបុគ្គល ដែលស្ថិតក្នុងលក្ខខណ្ឌណាមួយក្នុងចំណោមលក្ខខណ្ឌខាងក្រោម៖ ក- មានផលរបរប្រចាំឆ្នាំលើសពី១០០០លានរៀល ដល់៤០០០លានរៀល សម្រាប់វិស័យកសិកម្ម។ ខ- មានផលរបរប្រចាំឆ្នាំលើសពី១០០០លានរៀល ដល់៦០០០លានរៀល សម្រាប់វិស័យ សេវាកម្ម និងពាណិជ្ជកម្ម។ គ- មានផលរបរប្រចាំឆ្នាំលើសពី១៦០០លានរៀល ដល់៨០០០លានរៀល សម្រាប់វិស័យឧស្សាហកម្ម ។ ឃ- ជាសហគ្រាសដែលបានចុះបញ្ជីជានីតិបុគ្គល ការិយាល័យតំណាង។ ង- ជាស្ថាប័នរដ្ឋថ្នាក់ជាតិ និងថ្នាក់ក្រោមជាតិ សមាគម ឬអង្គការមិនមែនរដ្ឋាភិបាលនានា ឬគម្រោងដែលស្ថិតក្រោមស្ថាប័នទាំងនេះ។ ច- ជាបេសកកម្មទូត និងកុងស៊ុលបរទេស អង្គការអន្តរជាតិ និងទីភ្នាក់ងារសហប្រតិបត្តិការ បច្ចេកទេសរបស់រដ្ឋាភិបាលនានា ឬតម្រោងដែលស្ថិតក្រោមស្ថាប័នទាំងនេះ។

៣- អ្នកជាប់ពន្ធធំ គឺជាបុគ្គលដែលស្ថិតក្នុងលក្ខខណ្ឌណាមួយក្នុងចំណោមលក្ខខណ្ឌខាងក្រោម៖ ក- មានផលរបរប្រចាំឆ្នាំលើសពី៤០០០លានរៀល សម្រាប់វិស័យកសិកម្ម ឬមានផលរបរប្រចាំឆ្នាំលើសពី ៦ ០០០ លានរៀល សម្រាប់វិស័យសេវាកម្មនិងពាណិជ្ជកម្ម។ ខ- មានផលរបរប្រចាំឆ្នាំលើសពី៨០០០លានរៀល សម្រាប់វិស័យឧស្សាហកម្ម ។ គ- ជាបុត្រសម្ព័ន្ធរបស់ក្រុមហ៊ុនពហុជាតិ សាខាក្រុមហ៊ុនបរទេស។ ង- ជាសហគ្រាសដែលបាន ចុះបញ្ជីជាគម្រោងវិនិយោគមានលក្ខណសម្បត្តិគ្រប់គ្រាន់៕

លោកឧកញ៉ាបណ្ឌិត អុឹង ឃាង ប្រកាសផ្តល់រថយន្ត ROLLS ROYCE ១គ្រឿងដល់អតិជនដែលទិញផ្ទះលោកឧកញ៉ានៅសៀមរាប

ដោយ ៖ រ៉ាណេត
សៀមរាប ៖ អាចនិយាយបានថាក្នុងប្រវត្តិសាស្ត្រទីផ្សារអចលនទ្រព្យនៅប្រទេសកម្ពុជាមិនធ្លាប់មានឡើយដែល ម្ចាស់បុរីហ៊ានផ្ដល់រង្វាន់រថយន្តទំនើប ROLLS ROYCE PHANTOM ដល់អតិថិជននោះ ទើបតែឃើញលោកឧកញ៉ាបណ្ឌិត អ៊ឹង ឃាង ម្ចាស់”បុរី ឃាង កលិកា” ហ៊ានប្រកាសផ្ដល់រង្វាន់រថយន្តទំនើបនេះដល់អតិជនដែល ទិញផ្ទះលោកឧកញ៉ា។

លក្ខខណ្ឌដែលអតិថិជនអាចមានឱកាសឈ្នះរង្វាន់រថយន្តទំនើប ROLLS ROYCE PHANTOM ឆ្នាំ២០១៥មួយគ្រឿងដែលមានតម្លៃស្មើនឹង ៤៥ ០០០០ដុល្លារ លោកអ្នកគ្រាន់តែធ្វើការទិញដី ឫផ្ទះណាមួយពី “បុរី ឃាង កលិកា” ដែលមានទឹកប្រាក់ចាប់ពី ១៥០០០ដុល្លារឡើងទៅ នោះលោកអ្នកនឹងទទួលបានឆ្នោតមួយសន្លឹងភ្លាមៗ។

ទីតាំង”បុរី ឃាង កលិកា” ស្ថិតនៅទល់មុខច្រកចូលអាកាសយានដ្ឋានអន្តរជាតិសៀមរាប-អង្គរថ្មី និងនៅក្បែរគម្រោងអភិវឌ្ឍន៍ទីក្រុងចិនដែលទំហំ ១០០០ហិកតា ដោយគម្រោងរបស់លោកឧកញ៉ាជាប្រភេទបុរីផ្ទះអាជីវកម្មដែលមានទំហំធំនៅលើដី ៣៤ ហិកតា ដែលសាងសង់ជាផ្ទះល្វែង និងសំណង់ខុនដូទំនើប។

ដើម្បីជាទំនុកចិត្តលើអតិថិជន “បុរី ឃាង កលិកា” បានជួយសម្រួលនូវលក្ខខណ្ឌងាយៗដល់អតិថជនដូចជា ៖
១ ការបង់រំលោះគ្មានប្រាក់កក់ និងគញមានការប្រាក់ ០%
២ មានការធានាទិញត្រឡប់វិញដោយចំណេញ ៥០%នៃតម្លៃដើម។
៣ រស់នៅបែបស៊ីវិល័យ និងសម្បូរបែបដូចជា ផ្សារទំនើប កន្លែងកម្សាន្តស្អាតៗ និងទេសភាពថ្ងៃលិចដ៏រ៉ូមែនទិច។

វិនិយោគជាមួយបុរី ឃាង កលិកា នឹងមានឱកាសចំណេញទ្វេដងក្នុងពេលដ៏ខ្លីខាងមុខ ព្រមទាំងមានការធានាទិញត្រឡប់វិញផងដែរ។

ព័ត៌មានបន្ថែមសូមទាក់ទង់មកកាន់លេខខាងក្រោម ៖
092 765 555 ( Cellcard )
099 765 555 ( Cellcard )
077 235 555 ( Cellcard )
069 235 555 ( Smart )
097 318 1111 ( Metfone )

បញ្ជាក់ ៖ ទីតាំងស្ថិតនៅទល់មុខអាកាសយានដ្ឋានអន្តរជាតិថ្មីខេត្តសៀមរាប នៅក្បែរគម្រោងអភិវឌ្ឍន៍ទីក្រុងចិន។ ការចាប់រង្វាន់ធំនឹងប្រព្រឹត្តទៅនៅថ្ងៃទី២៥ ខែធ្នូ ឆ្នាំ២០២១ នៅបុរី ឃាង កលិកា (ខេត្តសៀមរាប)៕

ក្រុមហ៊ុនយក្ស Grab ប្រមូលដើមទុន ៣០០លានដុល្លារសម្រាប់ពង្រីកអាជីវកម្ម

ដោយៈសុខុម

ភ្នំពេញ: ក្រុមហ៊ុនហៅតាក់ស៊ីជិះតាម App ទូរស័ព្ទ និងផ្ដល់សេវាដឹកជញ្ជូនអាហារដ៏ល្បីល្បាញ ដែលយើងស្គាល់ថា Grab ប្រមូលដើមទុនបានរហូតដល់ទៅ ៣០០ លានដុល្លារពីក្រុមវិនិយោគិន ដើម្បីពង្រីកសេវាកម្មរបស់ខ្លួន។

ការប្រមូលទុននេះ ដឹកនាំដោយក្រុមហ៊ុនកូរ៉េខាងត្បូង Hanwha Asset Management Co Ltd សម្រាប់ពង្រីកសេវាកម្មហិរញ្ញវត្ថុ ដែលរីកចម្រើនយ៉ាងឆាប់រហ័សរបស់ខ្លួន។ នេះបើយោងតាមសារព័ត៌មាន CNA ចុះផ្សាយកាលពីថ្ងៃទី១៤ មករា។

ក្រុមហ៊ុនពហុជាតិសាសន៍របស់សិង្ហបុរីមួយនេះ ដែលបច្ចុប្បន្នកំពុងធ្វើប្រតិបត្តិការនៅប្រទេសជាច្រើន ក្នុងតំបន់អាស៊ីអាគ្នេយ៍ រួមមានម៉ាឡេស៊ី ឥណ្ឌូនេស៊ី មីយ៉ាន់ម៉ា ហ្វីលីពីន ថៃ វៀតណាម ជប៉ុន និងកម្ពុជាផងបាននិយាយថា នេះជាការផ្ដល់ដើមទុនពីខាងក្រៅជាលើកដំបូង សម្រាប់អាជីវកម្មបច្ចេកវិទ្យាហិរញ្ញវត្ថុមួយនេះ ដែលបានបញ្ចេញផែនការពង្រីកអាជីវកម្មផ្នែកធានារ៉ាប់រង ផ្នែកផ្ដល់ប្រាក់កម្ចី ផ្នែកគ្រប់គ្រងទ្រព្យសម្បត្តិ និងផ្នែកទូទាត់ការចំណាយ។

ក្រុមហ៊ុន Grab ប្រកួតប្រជែងជាមួយក្រុមហ៊ុនឥណ្ឌូនេស៊ី Gojek និងក្រុមហ៊ុនបង្កើតថ្មីក្នុងស្រុកជាច្រើនទៀត ដែលកំពុងទាក់ទាញបានអតិថិជនរាប់លាននាក់ នៅក្នុងទីផ្សារអាស៊ីអាគ្នេយ៍ ដែលមានប្រជាជនរហូតដល់ទៅប្រមាណ៦៥០លាននាក់។

លោក Reuben Lai នាយកគ្រប់គ្រងជាន់ខ្ពស់នៅអង្គភាព Grab Financial Group ដែលជាផ្នែកមួយរបស់ក្រុមហ៊ុន Grab បានចេញសេចក្ដីថ្លែងការណ៍ថា “យើងកំពុងស្ថិតនៅលើចំណុចរបត់មួយនៅអាស៊ីអាគ្នេយ៍ ខណៈការឆ្លងរាតត្បាតវីរុសកូវីដ-១៩ បានជួយជំរុញតម្រូវការសេវាកម្មហិរញ្ញវត្ថុឌីជីថល ដែលជួយឱ្យយើងរីកចម្រើន និងការពារប្រាក់ចំណូលរបស់យើង” ។

ក្រុមហ៊ុនអាមេរិក GGV Capital និងក្រុមហ៊ុនសិង្ហបុរី K3 Ventures ដែលធ្លាប់ជួយជ្រោមជ្រែងក្រុមហ៊ុន Grab ក៏បានចូលរួមនៅក្នុងការផ្ដល់ដើមទុន សម្រាប់ការពង្រីកអាជីវកម្មនេះដែរ។ វិនិយោគិនថ្មីៗក៏បានរាប់បញ្ចូលក្រុមហ៊ុន Flourish Ventures ដែលគាំទ្រដោយលោក Pierre Omidyar ដែលជាស្ថាបនិករបស់ EBay ផងដែរ។

លោក Tilman Ehrbeck នាយកគ្រប់គ្រងក្រុមហ៊ុន Flourish Ventures បានប្រាប់ទីភ្នាក់ងារព័ត៌មាន Reutersថា “ដោយសារការងារ និងសកម្មភាពនានាក្នុងជីវិតរបស់យើង បានងាកទៅប្រើប្រព័ន្ធអនឡាញកាន់តែច្រើនឡើងៗ ថ្នាលបច្ចេកវិទ្យា (tech platform) បានដើរតួនាទីយ៉ាងសំខាន់នៅក្នុងការកែប្រែមុខមាត់សេដ្ឋកិច្ច” ។

លោកបានលើកឡើងបន្ថែមទៀតថា “ពួកគេពិតជាមានឱកាស នាំយកសេវាកម្មហិរញ្ញវត្ថុ សម្រាប់បម្រើដល់អ្នកប្រើប្រាស់ ដែលជាញឹកញាប់ប្រព័ន្ធធនាគារ បែបប្រពៃណីចូលទៅមិនដល់ នៅអាស៊ីអាគ្នេយ៍ ដែលមានចំនួនអ្នកប្រើប្រាស់អ៊ីនធឺណិតច្រើន” ។

ទីភ្នាក់ងារព័ត៌មាន Reuters បានចុះផ្សាយកាលពីខែកញ្ញាថា ក្រុមហ៊ុន Grab កំពុងចរចាជាមួយក្រុមហ៊ុនធានារ៉ាប់រង Prudential PLC ក្រុមហ៊ុនធានារ៉ាប់រង AIA Group Ltd និងក្រុមហ៊ុនផ្សេងៗទៀត ដើម្បីប្រមូលដើមទុនឱ្យបានចន្លោះពី ៣០០លានដុល្លារ ទៅ ៥០០លានដុល្លារ សម្រាប់ការពង្រីកអាជីវកម្មរបស់ Grab Financial Group៕

ឆ្នាំ២០២១ គួរវិនិយោគដីនៅខេត្តណាខ្លះ និងហេតុអ្វី?

ដោយគង់ សូរិយា

ភ្នំពេញៈ នៅឆ្នាំ២០២១នេះ ឥទ្ឋិពលនៃវិបត្តិសេដ្ឋកិច្ចបណ្តាលមកពីជំងឺកូវីដ១៩ មកទាន់បញ្ចប់ទេ ប៉ុន្តែក្តីសង្ឃឹមបានកើតមានហើយ ខណៈចរន្តទិញលក់ដីធ្លី បានចាប់ផ្តើមសកម្មភាពបណ្តើរ។

តើអ្នកវិនិយោគគួរវិនិយោគលើដីធ្លីនៅខេត្តណាខ្លះ ក្រៅពីរាជធានីភ្នំពេញ លោកយិន លាងគង់ ទីប្រឹក្សាសមាគមអចលនទ្រព្យសកល និងជាស្ថាបនិកនៃគេហទំព័រ Propertyarea.asia ដែលបានតាមដានការវិវត្តវិស័យសេដ្ឋកិច្ច និងអចលនទ្រព្យបានលើកឡើងថា តម្លៃដីធ្លី នៅតាមបណ្តាខេត្តមួយចំនួន មានឳកាសកើនតម្លៃច្រើន ដោយសារហេតុផល និងកត្តាអំណោយផលជាច្រើន។

បណ្តាខេត្តទាំងនោះមានននៅតំបន់ឆ្នេរ និងតំបន់ទំនាបកណ្តាលប្រទេស ដូចជា៖

កំពត

ដោយសារហេដ្ឋារនចនាសម្ព័ន្ឋ ពិសេសផ្លូវជាតិលេខ៣ នឹងបញ្ចប់ការស្ថាបនានៅឆ្នាំនេះ ជាមួយនឹងកត្តាភូមិសាស្ត្រអំណោយផល បូករួមជាមួយហេដ្ឋារនចនាសម្ព័ន្ឋនៅមូលដ្ឋានដូចជា កំពង់ផែទេសចរណ៍ កំពង់ផែកំពតថ្មីសម្រាប់លើកដាក់ទំនិញ គំរោងអភិវឌ្ឈន៍ទីក្រុងឆ្លាតវៃនៅជើងភ្នំបូកគោ និងគំរោងវិនិយោគលំនៅដ្ឋានលំហែរកាយជាច្រើនទៀតដូចជា កំពតឋានសួគ៌ គំរោងនៅតាមមាត់ព្រែកកំពតជាដើម នឹងជំរុញការវិនិយោគពីអ្នកវិនិយោគក្នុងស្រុក ដែលធ្វើឲ្យចរន្តដីធ្លីកើនឡើងជាស្វ័យប្រវត្តិ។

លោកយិន លាងគង់់ បន្តថា រយៈពេលប៉ុន្មានឆ្នាំខាងមុខ ខេត្តកំពតនឹងមានមជ្ឈមណ្ឌលពាណិជ្ជកម្មភ្លោះ កំពស់៤៥ជាន់នឹងលេចរូបរាងឡើង ដែលនឹងផ្លាស់ប្តូរខេត្តនេះទៅកាន់កម្រិតថ្មីមួយ ក្នុងវិស័យពាណិជ្ជកម្មនិងជំនួញ។

កោះកុង

ត្បិតជាខេត្តនៅឆ្ងាយបន្តិច ប៉ុន្តែនាពេលខាងមុខ ចម្ងាយផ្លូវនឹងត្រូវបំព្រួញ ដោយសារព្រលានយន្តហោះអន្តរជាតិតារាសាគរ នឹងបញ្ចប់ការសាងសង់ ព្រមទាំងដាក់ឲ្យដំណើរការចុងឆ្នាំនេះ។

ជាមួយគ្នានេះ គម្រោងកំពង់ផែទឹកជ្រៅលើកដំបូងក្នុងខេត្តកោះកុង ការពង្រីកផ្លូវជាតិលេខ៤៨ និងការសាងសង់ផ្លូវជាតិលេខ១០ តភ្ជាប់ពីស្រុកសំឡូតខេត្តបាត់ដំបង ទៅកាន់ខេត្តពោធិសាត់ មុនតភ្ជាប់ជាមួយខេត្តកោះកុង នឹងលើកកំពស់ការវិនិយោគក្នុងខេត្តនេះ ដែលនឹងធ្វើឲ្យតម្លៃដី និងការដោះដូរដីធ្លីកើនឡើង ពិសេសនៅតំបន់ត្រពាំាំងរូង នឹងមានការរីកចម្រើនដូចតំបន់ជីផាត តាតៃជាដើម។

ការរីកចម្រើនតំបន់ត្រពាំងរូង ដោយសារតំបន់នេះ ពោរពេញដោយសម្បត្តិធម្មជាតិ ដែលមានភាពស្រស់បំព្រង និងជាតំបន់ទាក់ទាញទេសចរណ៍៍បែបផ្សងព្រេង ពិសេសតំបន់នេះមានទឹកប្រៃ៦ខែ និងទឹកសាប៦ខែក្នុងវដ្តនៃឆ្នាំននិមួយ។

មណ្ឌលគិរី

ផែនការអភិវឌ្ឍន៍របស់រដ្ឋាភិបាល ពិសេសអន្តរក្រសួង ក្រោមការដឹកនាំរបស់ក្រសួងទេសចរណ៍ នឹងប្រែក្លាយជាខេត្តមណ្ឌលគិរី ជាតំបន់ទេសចរណ៍លំហែរកាយកម្រិតខ្ពស់ និងជាតំបន់សេដ្ឋកិច្ចពហុបំណង ពិសេសការសាងសង់ព្រលានយន្តហោះកម្រិតតំបន់ឬកម្រិតអន្តរជាតិ នឹងអាចចាប់ផ្តើមនៅចុងឆ្នាំនេះ បន្ទាប់ពីរដ្ឋាភិបាលបានអនុញ្ញាត្តឲ្យក្រុមហ៊ុន Powerchina Group បានសិក្សា និងវិនិយោគបែប BOT។

រដ្ឋាភិបាលគ្រោងប្រែក្លាយខេត្តនេះ ជាតំបន់ដាំផ្កា និងបន្លែសម្រាប់ផ្គត់ផ្គង់ភ្ញៀវទេសចរណ៍នៅទូទាំងប្រទេសផងដែរ ដោយសារគុណភាពដី ខ្យល់ និងលក្ខខ័ណ្ឌអាកាសធាតុអំណោយផល។

កណ្តាល

ដោយសារជាខេត្តមួយមានភូមិសាស្ត្រ ព័ទ្ឋជុំវវិញរាជធានីភ្នំពេញ កណ្តាលនៅតែជាខេត្តមានសក្តានុពល ព្រោះជាតំបន់ដែលងាយទទួលឥទ្ឋិពល ពីការអភិវឌ្ឍនៃរាជធានីភ្នំពេញ។

ខេត្តកណ្តាល ទោះបីជាកម្ពុជាក៏ដូចជា ពិភពលោករងវិបត្តិសេដ្ឋកិច្ចសាកលក្តី ប៉ុន្តែខេត្តនេះនៅតែមានភាពររីកចម្រើន និងមានសកម្មភាពដោះដូរដីធ្លី និងតម្លៃដីធ្លីបន្តកើនឡើង ដោយសារហេដ្ឋារចនាសម្ព័ន្ឋជាច្រើន បានភ្ជាប់ជាមួយខេត្តនេះ ដូចជាគំរោងផ្លូវក្រវ៉ាត់ក្រុងទី៣ ផ្លូវក្រវ៉ាត់ក្រុងទី៤ ព្រលានយន្តហោះអន្តរជាតិភ្នំពេញថ្មីជាដើម។

កំពង់ស្ពឺ

កំពង់ស្ពឺ ជាខេត្តមានភាពលេចធ្លោផងដែរ ក្នុងប៉ុន្មានឆ្នាំចុងក្រោយនេះ ដោយសារគោលនយោបាយរបស់រដ្ឋាភិបាល ពិសេសការផ្លាស់ប្តូររោងចក្រ សហគ្រាសចេញពីរាជធានីភ្នំពេញ ឆ្ពោះទៅកាន់ខេត្តមួយនេះ ពិសេសតំបន់ផ្លូវជាតិលេខ៤១ ផ្លូវជាតិលេខ ៥១ជាដើម។

កំពង់ស្ពឺក៏មានគំរោងអភិវឌ្ឍរោងចក្រ សហគ្រាសថ្មីៗជាច្រើន ពិសេសជាខេត្តដែលមានផ្លូវជាតិសំខាន់ៗឆ្លងកាត់ផងដែរ៕

ខណ្ឌច្បារអំពៅបន្តទាក់ទាញការវិនិយោគលើមជ្ឈមណ្ឌលពាណិជ្ជកម្ម និងលំនៅដ្ឋាន

ដោយៈ ស៊ីវ ម៉េង

ភ្នំពេញៈ ខណ្ឌច្បារអំពៅ ដែលបានបំបែកចេញពីខ័ណ្ឌមានជ័យ រាជធានីភ្នំពេញ បាននិងកំពុងទាក់ទាញគំរោងវិនិយោគជាច្រើន លើវិស័យលំនៅដ្ឋាន រួមមានបុរី សំណង់លំនៅដ្ឋាន និងមជ្ឈមណ្ឌលពាណិជ្ជកម្មនានា។

អគ្គនាយកក្រុមហ៊ុនភ្នាក់អចលនទ្រព្យ EASY Property Investment លោក ម៉ម សិរីបញ្ញា បានមានប្រសាសន៍ឲ្យដឹងកាលពីពេលថ្មីៗនេះថា ខណ្ឌច្បារអំពៅមានលក្ខណៈពិសេសជាច្រើន ដែលជួយជម្រុញឱ្យមានសន្ទុះនៃការអភិវឌ្ឍន៍យ៉ាងឆាប់រហ័ស បើ ធៀបទៅនឹងបណ្តាខណ្ឌមួយចំនួនទៀត ដែលស្ថិតនៅជុំវិញរាជធានីភ្នំពេញ។

លោកបានបន្តថា “នៅត្រឹមរយៈពេលខ្លីចុងក្រោយនេះ យើងឃើញមានគម្រោងជាច្រើនបានបង្ហាញវត្តមានជាចបន្តបន្ទាប់ ដែលក្នុងនោះមានគម្រោងខុនដូ គម្រោងអាគារមជ្ឈមណ្ឌលពាណិជ្ជកម្មបែបទំនើប ដែលបណ្តាក់ទុនវិនិយោគរាប់រយលានដុល្លារ គម្រោងផ្សារទំនើប ជាពិសេសគម្រោងអភិវឌ្ឍន៍ ក្នុងវិស័យលំនៅដ្ឋានកម្រិតមធ្យម និងកម្រិតខ្ពស់” ។

បច្ចុប្បន្នគំរោងផ្សារបែបសហគមន៍មួយចំនួន បានរីករាយភាយទៅកាន់តំបន់នេះ ដូចជាផ្សារសហគមន៍ The Park, ផ្សារសហគមន៍បឹងស្នោ (ទល់មុខបុរីប៉េង ហួត) ផ្សារទំនើប Peng Hourt Ecomall និងគំរោងជាច្រើនទៀត ដែលនឹងលេចរូបរាងនាពេលខាងមុខ។

លោកបញ្ញាបានបញ្ជាក់ថា សម្រាប់តែតំបន់បឹងស្នោ គម្រោងអភិវឌ្ឍន៍អាគារខ្ពស់ៗមានមិនក្រោម ១០គម្រោងនោះទេ ដែលមិនទាន់រាប់បញ្ចូលពីគម្រោងបង្កើតក្រុងថ្មី របស់ក្រុមហ៊ុន OCIC នៅឡើយនោះទេ។ គ្រប់គម្រោងទាំងអស់នេះហើយ ដែលជម្រុញ ឱ្យតម្លៃដីនៅក្នុងខណ្ឌច្បារអំពៅ មានការកើនឡើងយ៉ាងឆាប់រហ័ស ជាពិសេសតំបន់ដែលស្ថិតនៅតាមបណ្តោយផ្លូវជាតិលេខ១ រហូតនៅទីតាំងខ្លះត្រូវបានម្ចាស់ដី ដាក់លក់នៅលើទីផ្សារក្នុងតម្លៃចាប់ពី២០០០- ២៥០០ដុល្លារក្នុងមួយម៉ែត្រការ៉េ។

ចំណែកនាយិកាប្រចាំប្រទេសក្រុមហ៊ុនភ្នាក់ងារអចលនទ្រព្យ CBRE Cambodia លោកស្រី អាន សុធីតា បានមានប្រសាសន៍ថា “ភូមិសាស្ត្ររបស់ខណ្ឌច្បារអំពៅ មានភាពល្អប្រសើ រជាងខណ្ឌមួយចំនួនទៀតដែលនៅជុំវិញក្រុង ដោយសារតែវាស្ថិតនៅជិតក្រុងជាងគេ។

លោកស្រីបានបញ្ជាក់ថា “វត្តមាននៃសំណង់អាគារ និងគម្រោងអភិវឌ្ឍន៍ក្នុងវិស័យសំណង់ដែលកំពុងមានពេលនេះ បានបង្ហាញពីសក្ដានុពលរួចទៅហើយ ប៉ុន្តែទាំងអស់នេះនៅមិនទាន់ដល់កម្រិតនៅឡើយនោះទេ ប៉ុន្តែអ្វីដែលជាឧបសគ្គក្នុងការអភិវឌ្ឍន៍នៅក្នុងខណ្ឌនេះ គឺហេដ្ឋារចនាសម្ព័ន្ធរួមមានផ្លូវថ្នល់ ស្ពាន សម្រាប់ចរាចរណ៍” ។

លោកស្រីបន្តថា “បច្ចុប្បន្ននេះយើងឃើញមានតែស្ពានចំនួន២ សម្រាប់តភ្ជាប់ខណ្ឌច្បារអំពៅ និងរាជធានីភ្នំពេញ ហើយស្ពានមួយខ្សែទៀតតភ្ជាប់ជាមួយក្រុងតាខ្មៅ។ លោកស្រីបន្តថា “ប្រសិនបើមានហេដ្ឋារចនាសម្ព័ន្ធច្រើនជាងនេះ ឬមានស្ពានថ្មី ដូចជាស្ថិតនៅក្នុងគម្រោងអភិវឌ្ឍន៍របស់ក្រុងនរាហ៍ របស់ក្រុមហ៊ុន OCIC ខ្ញុំជឿថា ល្បឿននៃការអភិវឌ្ឍន៍នឹងលឿនជាងពេលនេះ ជាពិសេសវត្តមាននៃគម្រោងអគារធំៗ និងខ្ពស់ៗដែលបម្រើដល់វិស័យពាណិជ្ជកម្មនឹងកើតមានច្រើនជាក់ជាមិនខាន” ៕

អ្នកអភិវឌ្ឍន៍បង្ហាញពីសុទិដ្ឋិនិយមចំពោះវិស័យខុនដូក្នុងឆ្នាំ២០២១

ដោយៈ លក្ខិណា

ភ្នំពេញៈ ដើមឆ្នាំ២០២១នេះ អ្នកអភិវឌ្ឍន៍ក្នុង និងក្រៅស្រុកហាក់មានគំនិតសុទិដ្ឋិនិយមច្រើន លើការអភិវឌ្ឍអចលនទ្រព្យ នៅក្នុងប្រទេសកម្ពុជា ជាក់ស្ដែងទាំងអ្នកជំនាញ និងអ្នកអភិវឌ្ឍន៍ខុនដូ មួយចំនួនបានបង្ហាញពីគំនិតសុទិដ្ឋិនិយមខ្ពស់ ចំពោះការងើបឡើងវិញនៃវិស័យនៅឆ្នាំ ២០២១ ។

លោក Ding Yongjun អគ្គនាយកក្រុមហ៊ុន Morgan Group បានឱ្យដឹងថា ក្នុងឆ្នាំ២០២១ វិស័យខុនដូក៏ដូចជាវិស័យជាច្រើនទៀត នៅក្នុងប្រទេសកម្ពុជាបានជួបទុក្ខធ្ងន់ព្រោះតែវិបត្តិនៃជំងឺកូវីដ១៩ ។ នៅក្នុងវិបត្តិនោះដែរ សម្រាប់អ្នកអភិវឌ្ឍន៍មួយចំនួន នៅតែបន្តសកម្មភាពគម្រោងរបស់ខ្លួន ហើយអ្នកអភិវឌ្ឍន៍មួយចំនួនទៀត បានផ្អាកសកម្មភាព តែសម្រាប់រូបលោកផ្ទាល់ គឺនៅតែបន្តគម្រោងដោយក្ដីសង្ឃឹមនៅពេលអនាគត។

លោកបន្តថា “យើងជឿជាក់លើរដ្ឋាភិបាល ក្នុងការទប់ស្កាត់ការរីករាលដាលនៃជំងឺកូវីដ១៩ ហើយជាក់ស្ដែងរដ្ឋាភិបាលពិតជាធ្វើបានមែន ជាមួយការគ្រប់គ្រងស្ថានភាពបានល្អ” ។

លោកបន្តថា សម្រាប់ឆ្នាំ២០២១នេះ បើទោះបីជាកូវីដ១៩ចប់ ឬមិនទាន់ចប់ សម្រាប់គម្រោងអភិវឌ្ឍន៍ខុនដូរបស់លោក នឹងនៅតែបន្តអភិវឌ្ឍន៍ដដែល ដើម្បីឱ្យបញ្ចប់តាមការគ្រោងទុក និងបន្តការអភិវឌ្ឍគម្រោងបន្តបន្ទាប់ទៀត។

ចំណែកលោកគួន យី នាយកប្រតិបត្តិក្រុមហ៊ុន International Property Investor Network បានឱ្យដឹងថា នៅក្នុងឆ្នាំ ២០២០កន្លងទៅនេះ អ្នកទិញខុនដូ តាមរយៈក្រុមហ៊ុនរបស់លោក ភាគច្រើនគឺជាជនជាតិខ្មែរ ហើយបើតាមតួលេខបានបង្ហាញថា ក្នុងមួយឆ្នាំ២០២០កន្លងទៅ គឺមានជនជាតិបរទេសតែម្នាក់គត់ បានទិញខុនដូ តាមរយៈក្រុមហ៊ុនរបស់លោក ដូច្នេះវាបានបង្ហាញ នៅឆ្នាំ២០២០ការលក់ខុនដូ នៅកម្ពុជាគឺមាននិន្នាការទៅរកអ្នកក្នុងស្រុកវិញ។

លោកបន្តថា “ឆ្នាំ២០២១នេះលោក រំពឹងថាជនបរទេសនឹងត្រលប់មកកម្ពុជាវិញ ហើយចរន្តនៃការទិញលក់ខុនដូ ក្នុងប្រទេសកម្ពុជាក៏មានសន្ទុះងើបឡើងវិញ ជាក់ជាមិនខាន ជាមួយសញ្ញានៃការបញ្ចប់កូវីដ១៩កាន់តែជិតមកដល់” ៕

ការសិក្សាថ្មី: ការធ្វើចំណាកស្រុករបស់ប្រជាជនហុងកុងទៅអង់គ្លេសនឹងអាចឱ្យទីក្រុងនេះខាតបង់ប្រាក់៣៦ពាន់លានដុល្លារ

ដោយ៖ ប៊ី

ភ្នំពេញ៖ ការសិក្សាថ្មីមួយ ដែលចេញផ្សាយដោយធនាគារអាមេរិក (BofA) បានអះអាងថា ប្រជាជនហុងកុងដែលចាកចេញពីទីក្រុង ដើម្បីផ្លាស់ទៅប្រទេសអង់គ្លេសអាចធ្វើឱ្យមានរំហូរមូលធន ឬសាច់ប្រាក់ចេញពីមជ្ឈមណ្ឌលហិរញ្ញវត្ថុអាស៊ីនេះ ប្រមាណ២៨០ពាន់លានដុល្លារហុងកុង (៣៦ពាន់លានដុល្លារអាមេរិក)។

យោងតាមការចេញផ្សាយរបស់សារព័ត៌មាន CNA នៅថ្ងៃទី១៤ ខែមករា ឆ្នាំ២០២១ បានឱ្យដឹងថា វិធានការរបស់ទីក្រុងប៉េកាំងក្នុងការដាក់ឲ្យអនុវត្តច្បាប់សន្តិសុខជាតិកាលពីខែមិថុនា ឆ្នាំមុន បានជំរុញឲ្យចក្រភពអង់គ្លេសផ្តល់សិទ្ធិជ្រកកោន ដល់ប្រជាជនហុងកុងជិត៣លាននាក់ ដែលមានសិទ្ធិទទួលបានលិខិតឆ្លងដែនជាតិក្រៅប្រទេសរបស់អង់គ្លេសចាប់ពីថ្ងៃទី៣១ ខែមករា ឆ្នាំ២០២១។

អ្នករស់នៅទាំងនេះ នឹងមានសិទ្ធិស្នាក់នៅក្នុងប្រទេសអង់គ្លេសរយៈពេលប្រាំឆ្នាំ បន្ទាប់មកពួកគេអាចដាក់ពាក្យសុំរស់នៅទីនោះបានតែម្តង ប្រសិនបើពួកគេបានបំពេញតាមតម្រូវការរបស់អង់គ្លេស ដើម្បីក្លាយជាពលរដ្ឋពេញសិទ្ធិ។

ការសិក្សារបស់ការិយាល័យលំនៅដ្ឋានអង់គ្លេស ដែលបានចេញផ្សាយកាលពីឆ្នាំមុន បានប៉ាន់ស្មានថា ប្រជាជនហុងកុង១៥៣.៣០០នាក់ អាចនឹងទៅសុំសិទ្ធិជ្រកើននៅអង់គ្លេសពីនៅឆ្នាំ២០២១ ខណៈការផ្លាស់ប្តូរច្បាប់អន្តោប្រវេសន៍ចូលជាធរមាន។

ធនាគារ BofA បានប៉ាន់ប្រមាណថា ប្រសិនបើប្រជាជនចាកចេញពីហុងកុង លក់អាផាតមិនរបស់ពួកគេក្នុងតម្លៃ៧,៥៣លានដុល្លារហុងកុង (៩៧១,២២៤ ដុល្លារអាមេរិក) ដែលជាតម្លៃមធ្យមនៅក្នុងតំបន់ Kowloon និងដកប្រាក់សោធននិវត្តន៍របស់ពួកគេ បន្ទាប់មករំហូរមូលធននៅឆ្នាំ២០២១ អាចឡើងដល់២៨០,២ពាន់លានដុល្លារហុងកុង ចេញពីទីក្រុងមួយនេះ។

យោងតាមការសិក្សាការិយាល័យលំនៅដ្ឋានអង់គ្លេស បានប៉ាន់ស្មានថា ការធ្វើចំណាកស្រុកពីហុងកុងអាចមានចំនួនខ្ពស់ដល់ប្រជាជន៣២១.៦០០នាក់ ក្នុងរយៈពេល៥ឆ្នាំខាងមុខ ដោយចាប់ផ្តើមពីខែមករា ឆ្នាំមុន។

ការសិក្សាបានឱ្យដឹងទៀតថាចំនួន ជនចំណាកស្រុកត្រូវបានរំពឹងថានឹងធ្លាក់ចុះ ក្នុងរយៈពេល៤ឆ្នាំខាងមុខ។ ជាលទ្ធផល ធនាគារ BofA ព្យាករថា ផលប៉ះពាល់លើប្រាក់ដុល្លារហុងកុងពីចំនួនប្រជាជនចំណាកស្រុក នឹងត្រូវកាត់បន្ថយ។

ធនាគារ BofA បានឱ្យដឹងថា រំហូរមូលធនពីហុងកុងអាចឈានដល់៥៨៨ពាន់លានដុល្លារហុងកុង (៧៥,៨ ពាន់លានដុល្លារ) សរុបក្នុងរយៈពេល៥ឆ្នាំ៕

ក្រុមហ៊ុន OCIC គ្រោងនឹងបង្ហាញគម្រោងដ៏អស្ចារ្យមួយនៅទីក្រុងកោះនរានាអំឡុងខែមិថុនាខាងមុខនេះ

ដោយ ៖ គង់ ម៉ាលីន

ភ្នំពេញ ៖ តាមការបង្ហើបពីសំណាក់ថ្នាក់ដឹកនាំជាន់ខ្ពស់របស់ក្រុមហ៊ុន OCIC បានបញ្ជាក់នៅត្រឹមពាក់កណ្តាលឆ្នាំ២០២១ខាងមុខនេះ ក្រុមហ៊ុននឹងបង្ហាញពីគម្រោងអភិវឌ្ឍន៍ដ៏ធំ និងអស្ចារ្យប្រចាំប្រទេសកម្ពុជាស្ថិតនៅទីក្រុងកោះនរាជាមួយនឹងស្ថាបត្យកម្មយ៉ាងល្អឯក។

អគ្គនាយករងក្រុមហ៊ុន OCIC លោកទូច សំណាង បានមានប្រសាសន៍ប្រាប់គេហទំព័រ Propertyarea.asia កាលពីថ្ងៃទី១៣ ខែមករា ឆ្នាំ២០២១ម្សិលមិញនេះថា ក្រុមហ៊ុននឹងប្រកាសពីគម្រោងដ៏ធំមួយនៅក្នុងអំឡុងខែមិថុនាខាងមុខនេះ។
លោកបានបញ្ជាក់ថា វាជាគម្រោងដ៏អស្ចារ្យមួយដែលនឹងមានភាពលេចធ្លោប្រចាំនៅកម្ពុជាលើកដំបូង។ ទោះជាយ៉ាងណាក៏ដោយ លោកទូច សំណាង មិនបានបញ្ជាក់ប្រាប់ថា ជាគម្រោងអ្វីឱ្យពិតប្រាកដនៅឡើយនោះទេ ដោយលោកបានលើកឡើងថាក្រោយការរង់ចាំរហូតដល់ឆមាសទី២នៃឆ្នាំ២០២១នឹងបានដឹងទាំងអស់ជាក់ជាមុនខាន។

គម្រោងអភិវឌ្ឍទីក្រុងកោះនរាមានទំហំប្រមាណ១២៥ហិកតា ដែលកំពុងតែរៀបចំហេដ្ឋារចនាសម្ព័ន្ធ ហើយរហូតមកដល់ពេលនេះសម្រេចបានប្រមាណ២៥ភាគរយនៃគម្រោងទាំងមូល ដោយការរៀបចំបណ្តាញហេដ្ឋារចនាសម្ព័ន្ធនេះក្រុមហ៊ុនចំណាយទុនប្រមាណ២០០០លានដុល្លារសហរដ្ឋអាមេរិក។

គួរបញ្ជាក់ផងដែរថា គម្រោងអភិវឌ្ឍសំណង់អាគារពាណិជ្ជកម្រិតអន្តរជាតិដ៏ខ្ពស់ដែលមានកម្ពស់ជាង៥៥៥ម៉ែត្រ Diamond Tower ដែលគ្រោងនឹងសាងសង់នៅលើទីក្រុមរណបកោះពេជ្រត្រូវបានលុបចោលទៅវិញ។ តើគម្រោងសាងសង់អាគារមួយនេះអាចនឹងប្ដូរទីតាំងទៅកាន់ទីក្រុងកោះនរា ឬយ៉ាងណា?

ចង់ដឹងទេថា តើគម្រោងដ៏ធំអស្ចារ្យដែលបានបង្ហើបដោយថ្នាក់ដឹកនាំជាន់ខ្ពស់របស់ក្រុមហ៊ុន OCIC ខាងលើនេះជាគម្រោងអ្វីឱ្យពិតប្រាកដ សូមរង់ចាំតាមដានជាមួយគេហទំព័រ propertyarea.asia ដែលនឹងបន្តយកមកផ្សាយជូននាពេលខាងមុខនេះ។

គម្រោងអភិវឌ្ឍន៍ក្រុងតាខ្មៅលើកដំបូងនៅតំបន់ឆ្នេរទន្លេអាចនឹងលេចជារូបរាងក្នុងពេលខាងមុខនេះ

ដោយ ៖ រ៉ាណេត

តាខ្មៅ ៖ ស្របទៅនឹងគម្រោងនៃការអភិវឌ្ឍ បង្កើនសោភ័ណភាពក្រុងតាខ្មៅ ខេត្តកណ្តាល បច្ចុប្បន្នរដ្ឋបាលខេត្ត បាន និងកំពុងសហការសិក្សាទៅលើគម្រោងអភិវឌ្ឍន៍បង្កើតតំបន់កម្សាន្តសាធារណៈដ៏ធំ និងលើកដំបូងដែលមានទីតាំងនៅតាមបណ្តោយឆ្នេរទន្លេក្នុងក្រុងតាខ្មៅ។

អភិបាលខេត្តកណ្តាល លោកគង់ សោភ័ណ្ឌ បានមានប្រសាសន៍ប្រាប់គេហទំព័រ Propertyarea.asia នៅរសៀលថ្ងៃទី១៤ ខែមករា ឆ្នាំ២០២១នេះថា នៅក្នុងគម្រោងផែនការមេរបស់រដ្ឋបាលតាខ្មៅ ខេត្តកណ្តាល នឹងធ្វើការអភិវឌ្ឍន៍នៅទូទាំងក្រុងទាំងផ្នែកហេដ្ឋារចនាសម្ព័ន្ធសម្រាប់បម្រើដល់ការធ្វើដំណើរ ដឹកជញ្ជូនប្រកបដោយសុវត្ថិភាព រួមជាមួយនឹងការបង្កើតជាតំបន់កម្សាន្តលំហែរជាសាធារណៈ។

លោកបានបញ្ជាក់ថា “បច្ចុប្បន្ននេះ រដ្ឋបាលខេត្តបានខិតខំធ្វើការកែលម្អ និងស្ថាបនាហេដ្ឋារចនាសម្ព័ន្ធនានាជាច្រើនដែលស្របទៅតាមប្លង់គោលរបស់ខេត្ត ដែលក្នុងនោះរួមមានការវិនិយោគដោយផ្ទាល់ពីខេត្ត និងកិច្ចសហការជាមួយវិស័យឯកជន”។

លោកបានបញ្ជាក់ទៀតថា “ពាក់ព័ន្ធទៅនឹងគម្រោងនៃការសាងសង់តំបន់កម្សាន្តសាធារណៈប្រចាំក្រុងតាខ្មៅ ពេលនេះយើងកំពុងតែសិក្សានៅឡើយ ដោយឱ្យវិស័យឯកជនធ្វើសេចក្ដីព្រាងបឋមដែលមានប្លង់ គម្រោង និងរូបភាពនៃគម្រោងផងដែរ។ គម្រោង និងការរចនាប្លង់នេះត្រូវបានសិក្សាដោយក្រុមហ៊ុនភូមិផ្កាត្រកួនដែលមានជំនាញក្នុងការអភិវឌ្ឍតំបន់កម្សាន្ត”។

តាមការបង្ហើបប្រាប់ឱ្យពីសំណាក់លោកគង់ សោភ័ណ អភិបាលខេត្តកណ្តាលបានបញ្ជាក់ថា គម្រោងនៃការអភិវឌ្ឍន៍ដ៏ធំមួយនេះនឹងត្រូវធ្វើឡើងនៅលើទីតាំងចាស់នាតំបន់មាត់ទន្លេចាប់ពីចំណុចព្រះវិហារចិនកែងផ្លូវរហូតដល់ចំណុចព្រែកដំបង ដោយសុំកិច្ចសហការជាមួយប្រជាពលរដ្ឋនៅក្នុងមូលដ្ឋានដែល់ស្ថិតនៅក្នុងទីតាំងគម្រោងអភិវឌ្ឍន៍ដើម្បីឱ្យមានប្រសិទ្ធភាពក្នុងការអនុវត្ត។

លោកអភិបាលបានលើកឡើងថា “ពេលនេះគឺស្ថិតក្នុងដំណាក់កាលសិក្សានៅឡើយ ហើយប្រសិនបើអាចដំណើរការបានតាមរយៈគម្រោងនេះវានឹងជួយធ្វើឱ្យមានភាពប្រសើរឡើងយ៉ាងច្រើន ក្រៅពីអាចបង្កើនសោភ័ណភាពក្រុង មានសណ្ដាប់ធ្នាប់ មានសុវត្ថិភាព ដោយប្រជាជនអាចមានទីលានហាត់ប្រាណ មានកន្លែងទទួលទានអាហារប្រកបដោយអនាម័យត្រឹមត្រូវ មានសួនកុមារ ហើយសម្រាប់បងប្អូនប្រជាជនដែលស្ថិតនៅក្នុងតំបន់នៃគម្រោងអភិវឌ្ឍន៍ក៏អាចបង្កើតជាមុខរបរបន្ថែមបានតាមរយៈលក់ចំណីអាហារ ឬសម្ភារៈផ្សេងៗផងដែរ”។

ទោះជាយ៉ាងណាក៏ដោយ លោកមិនបានបញ្ជាក់ពីខ្ទង់ចំណាយទៅលើផែនការនៃការអភិវឌ្ឍន៍គម្រោងនៅឡើយនោះទេ ហើយរដ្ឋបាលខេត្តកំពុងតែបន្តការសិក្សា និងស្វែងរកដៃគូសហការពីសំណាក់វិស័យឯកជន៕

ក្រុមហ៊ុន SUNDOOR កាន់តែទទួលបានទំនុកចិត្តខ្ពស់ និងរួមចំណែកលើកកម្ពស់វិស័យសំណង់នៅកម្ពុជា

ដោយ ៖ រ៉ាណេត

ភ្នំពេញ ៖ ទោះជាស្ថិតនៅក្នុងស្ថានភាពបែបណាក្ដីតម្រូវការទីផ្សាររបស់ក្រុមហ៊ុន SUN DOOR ឯកទេសខ្ពស់ក្នុងការផលិត និងផ្គត់ផ្គង់ប្រភេទទ្វារ PVC និងពិដានបែបទាន់សម័យនៅតែបន្តមាន ហើយកាន់តែទទួលបាននូវទំនុកចិត្តខ្ពស់ពីអតិថិជនដែលជាម្ចាស់គម្រោង និងមានប្រជាប្រិយភាពនៅក្នុងវិស័យសំណង់កម្ពុជា។

SUNDOOR ត្រូវបានគេស្គាល់ថាជាក្រុមហ៊ុនមានជំនាញខ្ពស់ក្នុងការផលិតពិដាន និងទ្វារប្រភេទ PVCសម្រាប់ដាក់បន្ទប់គេង ខុនដូ មន្ទីរពេទ្យ សាលារៀន វីឡា ផ្ទះល្វែង ដែលមានគុណភាពល្អ មិនរីករួម ស្រក អាចកម្មង់ទំហំទៅតាមតម្រូវការ ប្រកបដោយគុណភាព សោភ័ណភាព ដែលកំពុងមានប្រជាប្រិយភាពនៅក្នុងវិស័យសំណង់កម្ពុជានាពេលបច្ចុប្បន្ន។

ក្រុមហ៊ុនផលិត និងផ្គត់ផ្គង់ទ្វារ ពិដាន SUNDOOR មានក្រុមអ្នកជំនាញដែលពោរពេញទៅដោយសមត្ថភាព និងភាពម៉ឺងម៉ាត់ ដោយមានការត្រៀមខ្លួនរួចជាស្រេចក្នុងការចូលប្រឡូក ប្រកួតប្រជែងនៅក្នុងទីផ្សារកម្ពុជា ដែលជាស្ថាប័នធំៗមានស្រាប់។ ក្រុមហ៊ុនមានក្ដីរំពឹង និងជឿជាក់យ៉ាងច្បាស់ក្នុងកិច្ចដំណើរការរបស់ខ្លួន ដែលនឹងឈានទៅរកភាពជោគជ័យក្នុងពេលដ៏ខ្លីខាងមុខនេះ។

ជាបទពិសោធន៍របស់ក្រុមហ៊ុននៅក្នុងរយៈពេលដ៏ខ្លីនៃកិច្ចដំណើរការផ្គត់ផ្គង់ផលិតផលក្នុងវិស័យសំណង់នៅកម្ពុជាកន្លងទៅនេះ ខ្សែសង្វាក់ផលិតកម្មរបស់ក្រុមហ៊ុនបានប្រព្រឹត្តទៅយ៉ាងរលូន ខណៈដែលក្រុមហ៊ុនមានការតាំងចិត្តខ្ពស់ជាមួយនឹងការខិតខំប្រឹងប្រែងក្នុងការជំនះនូវរាល់ឧបសគ្គដែលប្រឈម ហើយធ្វើការដោះស្រាយដោយសន្ដិវិធី ដើម្បីឈានទៅដល់ការគោលដៅនៃភាពជោគជ័យយ៉ាងត្រចះត្រចង់។ គោលបំណងចម្បងរបស់ក្រុមហ៊ុនក្នុងរយៈពេលនេះ គឺចាំបាច់បំផុត ធ្វើគ្រប់មធ្យោបាយ ដើម្បីបំពេញនូវតម្រូវការរបស់អតិថិជន ធ្វើយ៉ាងណាពង្រីកវិសាលភាព និងចែកចាយនៅលើទីផ្សារគ្រប់បណ្តាខេត្តក្រុងនានានៅទូទាំងប្រទេសកម្ពុជា។

ក្រុមហ៊ុន SUNDOOR មានគោលដៅយ៉ាងមុតមាំដើម្បីក្លាយខ្លួនទៅជាក្រុមហ៊ុនឈានមុខគេមួយក្នុងការផ្គត់ផ្គង់ទ្វារ និងពិដាន ដែលមានលក្ខណៈទំនើប ទាន់សម័យ ប្រកបដោយគុណភាព ដែលជាតម្រូវការចាំបាច់សម្រាប់វិស័យសំណង់នៅកម្ពុជា។ ជាមួយគ្នានេះ ក្រុមហ៊ុនក៏មានបេសកកម្មពិសេស ដើម្បីធ្វើការផ្តល់ជូននូវសេវាកម្ម រួមជាមួយនឹងផលិតផលមានគុណភាព ប្រកបដោយក្រមសីលធម៌របស់បុគ្គលិកជំនាញ មានសមត្ថភាព និងចំណេះដឹងយ៉ាងពិតប្រាកដ ដើម្បីបំពេញសេចក្ដីត្រូវការរបស់អតិថិជនគោលដៅរបស់ខ្លួន ដែលក្នុងនោះរួមមានជាអាទិ៍ ៖ អតិថិជនដែលជាអ្នកប្រើប្រាស់ផ្ទាល់ អ្នកចែកចាយបន្ត ក៏ដូចជាចែកចាយទៅតាមបណ្តាទីផ្សារនៅទូទាំងប្រទេសទៅតាមតម្រូវការ។

សម្រាប់ព័ត៌មានលម្អិតសូមទាក់ទងតាមរយៈទូរស័ព្ទលេខ ៖ 077 555 554 / 077 783 168 / 087 783 168

1...2,0972,0982,099...3,260 Page 2,098 of 3,260