ដោយគង់ សូរិយា

        ភ្នំពេញៈ ក្រុមហ៊ុនBluebell Groupបានសម្រេចចិត្តឈានជើងចូលទីផ្សារកម្ពុជា ដោយគ្រប់គ្រងផ្សារទំនើបក្នុងគំរោងThe PeAk ជំនួសឲ្យក្រុមហ៊ុនCapital ដែលមាន​មូលដ្ឋាននៅប្រទេសសឹង្ងបុរី។

យោងតាមសេចក្តីប្រកាសព៌តមានរបស់ក្រុមហ៊ុនOxley Holding World Bridge Land International ដែលជាអ្នកអភិវឌ្ឍន៍គំរោងThe PeAkបានឲ្យដឹងកាលពីសប្តាហ៍៍មុនថា ក្រុមហ៊ុន Oxley Gem និងក្រុមហ៊ុន CapitaLand Retail បានព្រមព្រៀងបញ្ចប់ការសហការគ្នាពីអំឡុងថ្ងៃទី១០ ខែតុលា ២០២០ ហើយក៏បានចុះអនុស្សរណៈយោគយល់ថ្មីជាមួយក្រុមហ៊ុន Bluebell ដើម្បីគ្រប់គ្រងគម្រោងអភិវឌ្ឍន៍ផ្សារទំនើបThe Peak នេះ។

ក្រុមហ៊ុនសម្ព័ន្ធ Bluebell Group ត្រូវបានគេទទួលស្គាល់ថា ជាក្រុមហ៊ុនឈានមុខគេមួយ នៅក្នុងវិស័យអាជីវកម្មផ្សារទំនើប រយៈពេលជាង៦០ឆ្នាំមកហើយ។ តាមរយៈការដាក់ដំណើរការ នូវផលិតផលម៉ាកប្រណីតៗ ជាលក្ខណៈសកល១៥០ម៉ាក និងស្របតាមរបៀបរស់នៅបែបស៊ីវិល័យ នៅទូទាំងទ្វីបអាស៊ី ទាំងក្នុងវិស័យអាជីវកម្មផ្សារទំនើបក្នុងស្រុក និងវិស័យអាជីវកម្មផ្សារទំនើប ដែលបម្រើការដល់ការធ្វើដំណើរនានា និងលើគ្រប់ប្រភេទផលិតផលផងដែរ។

នាយកប្រតិបត្តិនៃក្រុមហ៊ុន Bluebell Group លោកAshley Micklewrightបានឱ្យដឹងថា បណ្ដូលអាជីវកម្មស្នូលរបស់ខ្លួន ក្នុងនាមជាអ្នកថែរក្សា និងប្រតិបត្តិ គឺស្ថិតនៅលើការយកចិត្តទុកដាក់ស្គាល់ពីពេលវេលា ទីកន្លែង វិធីសាស្ត្រ និងតម្រូវការរបស់អតិថិជន។

លោកបន្តថា រួមជាមួយការទាញចូលនូវបណ្ដាម៉ាក ផលិតផលចំបងៗជាលក្ខណៈសាកលចូលមកក្នុងទ្វីបអាស៊ី និងបទពិសោធន៍ក្នុងការគ្រប់គ្រងម៉ាកទាំងនេះ អស់រយៈពេលជាង៦ទសវត្សរ៍កន្លងទៅ លើផ្សារទំនើបចំនួន១០ ក្រុមហ៊ុនក៏មានមោទនភាពក្នុងការសហការជាមួយOxley-Woldbridge នៅកម្ពុជា ហើយរំពឹងយ៉ាងខ្លាំងដើម្បីផ្ដល់ជូននូវផ្សារទំនើបថ្មីមួយនេះនៅអាស៊ី៕

ដោយៈ រ៉ាណេត

ភ្នំពេញៈ អ្នកជំនាញបានគាំទ្រ និងជំរុញឱ្យមានការវិនិយោគ លើវិស័យអចលនទ្រព្យនៅតាមបណ្តោយផ្លូវក្រវ៉ាត់ក្រុងនានា ដើម្បីទទួលបានឱកាសចំណេញ ខណៈគម្រោ​ងរោងចក្រ សហគ្រាស បុរី បណ្តុំលំនៅឋានបែបលក្ខណៈបុរី បាន និងកំពុងបាញ់ឆ្ពោះទៅតាមក្រវ៉ាត់ក្រុង និងជាយក្រុងភ្នំពេញ។

អគ្គនាយិការក្រុមហ៊ុន AMATAK Property Service លោកស្រីតាំង ហួរ បានមានប្រសាសន៍នៅព្រឹកថ្ងៃទី៣០ ខែធ្នូ ឆ្នាំ២០២០នេះថា វិស័យអចលនទ្រព្យនៅតាមបណ្តោផ្លូវក្រវាត់ក្រុងនៅពេលនេះ បាននិងកំពុងមានភាពរីកចំរើន តែកន្លែងខ្លះមានការរីកចំរើនលឿន ដែលធ្វើឱ្យអ្នកវិនិយោគមានផលចំណេញច្រើន ។

លោកស្រីបន្តថា “នៅតាមបណ្តោយផ្លូវក្រវាត់ក្រុងក្នុងតំបន់ខ្លះ មានគម្រោងវិនិយោគច្រើន មានទាំងរោងចក្រ សហគ្រាស បណ្តុំលំនៅដ្ឋាន និងការអភិវឌ្ឍដីធ្លី  ដែលធ្វើឱ្យតម្លៃដីនៅក្នុងតំបន់នោះ កាន់តែមានភាពល្អប្រសើរ”។ លោកស្រីបន្តថា “ដូច្នេះបើចង់វិនិយោគលើវិស័យអចលនទ្រព្យ ឆាប់បានចំណេញខ្ពស់គួរវិនិយោគ នៅតាមបណ្តោយផ្លូវក្រវាត់ក្រុង ដែលនៅគៀកនឹងរាជធានីភ្នំពេញ ដូចជា ផ្លូវទំនប់កប់ស្រូវជាដើមដែលកំពុងមានសន្ទុះ និងភាពរីកចំរើនខ្លាំង”។

លោកស្រីបញ្ជាក់ថា បើទៅទិញដីទុកវិយោគនៅតាមតំបន់ឆ្ងាយៗ ឬតាមបណ្តាខេត្តផ្សេងៗអាចនឹងត្រូវប្រើពេលយូរ ហើយមិនប្រាកដថា ទទួលបានចំណេញខ្ពស់នោះទេ។

ជាមួយគ្នានេះ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីមបានឱ្យដឹងដែរថា បើនិយាយផ្លូវក្រវាត់ក្រុង គឺមានលក្ខណៈធំទូលាយណាស់ មានដូចជាផ្កូវក្រវ៉ាត់ក្រុងទី១ ទី២ ទី៣ និងទី៤ជាដើម តែសម្រាប់នៅតាមផ្លូវក្រវាត់ក្រុងខ្លះ មានការរីកចម្រើនខ្លាំងរួចហើយ ដោយសារមានគម្រោងវិនិយោគធំៗ ហើយនៅតំបន់ខ្លះទៀត បាននិងកំពុងមានសន្ទុះបណ្តើរៗ។

លោកបន្តថា “សម្រាប់ផ្លូវក្រវ៉ាត់ក្រុងចាប់ពីផ្លូវជាតិលេខ៤ ទៅកាន់ផ្លូវជាតិលេខ ៣ មិនទាន់ពុះកញ្ជ្រោលនោះទេ ព្រោះការអភិវឌ្ឍនៅមានកម្រិតនៅឡើយ តែនៅតាមផ្លូវក្រវ៉ាត់ចាប់ពីផ្លូវជាតិលេខ៦ គឺមានសន្ទុះរីកចំរើនខ្លាំង ព្រោះមានគម្រោងជាច្រើនបានរីកដុះដាលច្រើន”។ លោកបន្តថា “សម្រាប់អ្នកដែលមានដើមទុនអាចទិញដី សម្រាប់ធ្វើការវិនិយោគ ក្នុងម៉ែត្រការ៉េតម្លៃ២០០ ទៅ៣០០ដុល្លារ ឬច្រើនជាងនេះ គួរតែវិនិយោគនៅតាមជាយក្រុងដែលមានការអភិវឌ្ឍន៍”។

លោកបន្តថា បច្ចុប្បន្នមានគម្រោងលំនៅឋានជាច្រើន បាននិងកំពុងរីកចំរើននៅតាមបណ្តោយផ្លូវក្រវ៉ាត់ក្រុង ដែលមានទាំងបុរី និងសំណង់បែបលំនៅឋានបែបបុរី ព្រមទាំងការវិនិយោគលើវិស័យអចលនទ្រព្យ។ នេះជាសញ្ញាល្អ ជំរុញឱ្យប្រជាពលរដ្ឋទៅរស់នៅតំបន់ក្រវ៉ាត់ក្រុង និងធ្វើឱ្យមានភាពរីកចំរើនលើវិស័យអចលនទ្រព្យ៕

ដោយ ៖ រ៉ាណេត

ស្វាយរៀង ៖ បន្ទាប់ពីជួបភាពស្ងប់ស្ងាត់មួយរយៈដោយសារបញ្ហានៃវិបត្តិជំងឺជាសាកល ពេលនេះស្ថានភាពទីផ្សារអចលនទ្រព្យនៅក្នុងខេត្តស្វាយរៀងចាប់ផ្តើមមានសកម្មភាពឡើងវីញ ខណៈដែលទាំងគម្រោងសាងសង់បុរីលំនៅដ្ឋាន និងតម្លៃមានការកើនឡើង។

អគ្គនាយកក្រុមហ៊ុន R’ Investment Group លោកបណ្ឌិត តេង រិទ្ធី បានមានប្រសាសន៍នៅព្រឹកថ្ងៃទី៣០ ខែធ្នូ ឆ្នាំ២០២០នេះថា ស្ថានភាពនៃវិស័យអចលនទ្រព្យនៅក្នុងខេត្តស្វាយរៀង ជាពិសេសនៅតំបន់ប្រជុំជនចាប់ផ្តើមមានសកម្មភាពឡើងវិញហើយបន្ទាប់ពីជួបស្ងប់ស្ងាត់មួយរយៈដោយសារតែបញ្ហានៃជំងឺកូវីដកាលពីពេលកន្លងទៅ។

លោកបណ្ឌិតបន្តថា “បច្ចុប្បន្នយើងឃើញមានគម្រោងអភិវឌ្ឍជាច្រើនបានបង្ហាញរូបរាង និងសកម្មភាពសាងសង់ជាបណ្តើរៗឡើងវិញ។ ជាក់ស្ដែងដូចជានៅតំបន់ទន្លេវៃគោ គឺមានគម្រោងអភិវឌ្ឍន៍បុរីមួយចំនួនកំពុងធ្វើសកម្មភាពសាងសង់ ខណៈពេលដែលរដ្ឋបាលខេត្តក៏កំពុងជំរុញការស្ថាបនាសាងសង់ហេដ្ឋារចនាសម្ព័ន្ធនានាផងដែរ ដើម្បីលើកកម្ពស់សោភ័ណភាព និងបង្កើនភាពទាក់ទាញ”។

លោកបន្តថា “ជាធម្មតានៅពេលតំបន់មួយមានសកម្មភាពអភិវឌ្ឍន៍ ជាពិសេសផ្នែកលំនៅដ្ឋាន គឺបានជំរុញឱ្យតម្លៃអចនទ្រព្យ ជាពិសេសដីធ្លីមានការកើនឡើង ទាស់ត្រង់ថាឡើងតិច ឬច្រើនអាស្រ័យទៅតាមតំបន់នៃភូមិសាស្ត្រ ទីតាំង និងទំហំដីតែប៉ុណ្ណោះ។ តាមខ្ញុំដឹងតម្លៃដីនៅក្នុងតំបន់ទីប្រជុំជនគឺស្ថិតនៅក្នុងចន្លោះពី៣០០-៤០០ដុល្លារក្នុងមួយម៉ែត្រការ៉េ ដោយឡែកសម្រាប់ដីដែលស្ថិតនៅឆ្ងាយពីតំបន់ដែលមានគម្រោងអភិវឌ្ឍន៍ ឬចម្ងាយប្រមាណ៦-១០គីឡូម៉ែត្រពីទន្លេវៃគោ អាចស្ថិតនៅក្នុងតម្លៃជាង២០ដុល្លារ ឬទាបជាងនេះអាស្រ័យទៅលើស្ថានភាព និងទំហំដី”។

អភិបាលខេត្តស្វាយរៀង លោកម៉ែន វិបុល បានមានប្រសាសន៍ថាក្នុងនាមរដ្ឋបាលខេត្តសូមគាំទ្រ និងលើកទឹកចិត្តដល់វិស័យឯកជនទាំងអស់ក្នុងខេត្តស្វាយរៀងលើការវិនិយោគវិស័យអចលនទ្រព្យ ដ៏ដូចជាវិស័យដីធ្លីផងដែរ។
លោកបន្តថា “ស្របពេលដែលប្រទេសជាតិមានសុខសន្តិភាព និងការអភិវឌ្ឍ វាជាឱកាសមួយសម្រាប់អ្នកវិនិយោគទុនទាំងអស់មកបណ្តាក់ទុនរកស៊ីនៅខេត្តស្វាយរៀង ហើយខេត្តក៏មានទីតាំង និងដីអំណោយផលជាច្រើនសម្រាប់អ្នកវិនិយោគផងដែរ”។

លោកបន្តថា “តាមរយៈក្រសួងរៀបចំដែនដី និងក្រសួងសេដ្ឋកិច្ច និងហិរញ្ញវត្ថុ កំពុងសហការគ្នាក្នុងការរៀបចំគោលនយោបាយលើកទឹកចិត្តវិស័យឯកជន ដែលបានវិនិយោគលំនៅដ្ឋានដែលមានតំលៃទាប និងតំលៃមធ្យមទាំងនេះ ជាការគិតគូរដ៏ធំធេងចំពោះជីវភាពរស់នៅ របស់ពលរដ្ឋពីសំណាក់សម្តេចតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា។ ជាមួយគ្នានេះរាជរដ្ឋាភិបាលបានអនុញ្ញាតឲ្យបង្កើតតំបន់សេដ្ឋកិច្ចពិសេសជាបន្តបន្ទាប់ ជាហេតុធ្វើឲ្យសេដ្ឋកិច្ចក្នុងខេត្តស្វាយរៀងមួយនេះ មានការរីកចម្រើនយ៉ាងលឿន ដែលធ្វើឲ្យកំណើនប្រជាជនកើនឡើងយ៉ាងឆាប់រហ័ស ដែលមានទាំងចំណូលថ្មី និងការធ្វើចំណាកស្រុកមានអត្រាថយចុះគួរឲ្យកត់សម្គាល់”៕

ដោយៈ ប៊ី

ភ្នំពេញៈ ខណៈ​ការអភិវឌ្ឍ​ទីក្រុង​មាន​ល្បឿន​លឿន និង​គម្រោង​ហេដ្ឋារចនាសម្ព័ន្ធធំៗ បាន​លាតសន្ធឹង​នៅលើ​ផ្តេក​ទន្លេមេគង្គ​រាជធានី​ភ្នំពេញ បាន​ផ្លាស់ប្តូរ​រូបរាង​របស់ខ្លួន ដែល​ពោរពេញ​ទៅដោយ​តំបន់​ពាណិជ្ជ អាជីវកម្ម និង​ទេសចរណ៍​ប្រកបដោយ​សក្តានុពល។

របាយការណ៍​ក្រុមហ៊ុន C9 Hotelworks បានបង្ហាញ​ពី​កំណើន​ប្រកបដោយ​ចីរភាព​ផងដែរ ដោយសារតែ​ការមកដល់​របស់​អ្នកដំណើរ បានកត់សំគាល់​អត្រាកំណើន​សេដ្ឋកិច្ច​ពីរ​ខ្ទង់​ពី​ឆ្នាំ២០១២ ដល់​ឆ្នាំ២០១៨ ដោយ​អត្រាកំណើន​ប្រចាំឆ្នាំ CAGR (១៨ ភាគរយ)។

ច្បាស់​ណាស់ កត្តា​ជំរុញ​សំខាន់​នៃ​ការផ្លាស់ប្តូរ​សម្រាប់ “ទីក្រុង”គឺជា​ទីស្នាក់ការ​កណ្តាល​របស់​វិស័យ​ឯកជន និង​សាធារណៈ និង​ទីតាំង​យុទ្ធសាស្ត្រ​សម្រាប់​គម្រោង​គំនិត​ផ្តួ ច​ផ្តើម​ខ្សែក្រវ៉ាត់ និង​ផ្លូវ (BRI) ដ៏​មាន​មហិច្ឆតា​របស់​ចិន។ គម្រោង BRI ឥឡូវនេះ​លាតសន្ធឹង​ពាសពេញ​ប្រទេស​កម្ពុជា ហើយរ​ត់ទៅ​ខាងត្បូង​ឈូង​សមុទ្រ​ថៃ និង​ទៅដល់​សមុទ្រ​ចិន​ខាងត្បូង។

ការសិក្សា​នេះ​បាន​បង្ហាញថា អាស៊ី គឺជា​ប្រភព​ប្រភព​អ្នកទេសចរ​លេចធ្លោ ដែល​តំណាងឱ្យ​ចំណែក​ទីផ្សារ ៧៩ភាគរយ។ ការសិក្សា​នេះ​បាន​បន្ថែមថា ៦៦ភាគរយ នៃ​ចរាចរណ៍​ក្នុង​តំបន់​មកពី​ប្រទេស​ចិនដីគោក។

ប្រទេស​ចិន បាន​នាំមុខ​ទីផ្សារ​ប្រភព​ភូមិសាស្ត្រ​ខ្ពស់​ជាងគេ ដោយ​គ្របដណ្តប់​ចំនួន៥២ភាគរយ បន្ទាប់មក​គឺ​ប្រទេស​ម៉ាឡេស៊ី (៦ ភាគរយ) សហរដ្ឋអាមេរិក (៥ ភាគរយ) ជប៉ុន (៤ ភាគរយ) និង​ថៃ (៤ ភាគរយ) ។

ឆ្លុះបញ្ចាំង​ពី​វិធី​ដែល​អ្នកធ្វើដំណើរ​ទៅ​ក្រៅប្រទេស កំពុងធ្វើដំណើរ​ទៅក្នុង​វិស័យ​សេវាកម្ម​ស្នាក់នៅ​របាយការណ៍ C9 បាន​បង្ហាញថា មាន​សណ្ឋាគារ​ចំនួន ៣១៣ មាន​បន្ទប់​សរុប ១៩.៣៣៧ និង​ផ្ទះសំណាក់​ចំនួន ៥២៣ នៅក្នុង​រាជធានី​ភ្នំពេញ។

សញ្ញា​ច្បាស់​អំពី​ការរីកចម្រើន​យ៉ាង​ឆាប់រហ័ស ដែល​ជះឥទ្ធិពល​ដល់​វិស័យ​បដិសណ្ឋារកិច្ច​ត្រូវបាន​បង្ហាញថា បច្ចុប្បន្ន​មាន​សណ្ឋាគារ​ថ្មី​ចំនួន១៥ កំពុងដំណើរការ​ជាមួយ​បន្ទប់​ចំនួន ៧.៨៤៩ ខណៈ​គម្រោង ១៣ទៀត នឹង​ចូល​ទីផ្សារ​នាពេលខាងមុខ។

ចំពោះ​វិស័យ​សណ្ឋាគារ​នៅ​ទីក្រុង មាន​បញ្ហា​ប្រឈម​ជាច្រើន​ទៀត​ចំពោះ​កំណើន​សណ្ឋាគារ​ថ្មី និង​ធំ​ជាង​មុន។

លោក Bill Barnett នាយក​គ្រប់គ្រង​របស់​ក្រុមហ៊ុន C9 បាន​មានប្រសាសន៍ថា “២ ឆ្នាំ​ខាងមុខ​នឹងមាន​ការផ្លាស់ប្តូរ​ដ៏​ធំ​មួយ នៅក្នុង​ការផ្គត់ផ្គង់​ក​ន្លែ​ង​ស្នាក់នៅ ខណៈដែល​យីហោ​ថ្មី១០ ត្រូវបាន​គេ​ព្យាករណ៍​ថា​នឹង​ផ្គត់​ផ្គ ង់​នៅ​ចន្លោះ​ពេលនេះ​និង ២០២។ ផ្នែក​ផ្សេងទៀត​រួមមាន​ភ្ញៀវទេសចរ និង​វិស័យ​សាជីវកម្ម។

លោក​បាន​បន្តថា “ទីក្រុង​ភ្នំពេញ​ស្ថិតក្នុង​ទីតាំង​កណ្តាល នៃ​ច្រកចេញចូល​ពាណិជ្ជកម្ម​របស់​តំបន់​អាស៊ី ដូចនឹង​មណ្ឌល​ច្រកចេញចូល​នៅ​ទីក្រុង​ហ្សា​ការ​តា និង​រ៉ង់​ហ្គូ​ន” ៕