ដោយវុត្ថា
ភ្នំពេញៈ អ្នកជំនាផ្នែកអភិវឌ្ឍន៍ដីឡូតិ៍កម្ពុជាបានមើលឃើញថា ខេត្តក្រុងមួយចំនួនរបស់ប្រទេសកម្ពុជា បានថយចុះនៃកម្មភាពអភិវឌ្ឍដីឡូតិ៍ ដោយសារវិបត្តិសេដ្ឋកិច្ចសកលដែលបង្កឡើងដោយជំងឺកូវីដ១៩ ។
លោកម៉ន សុខា ប្រធានសមាគមអ្នកអភិវឌ្ឍន៍ដីឡូតិ៍កម្ពុជាបានឱ្យដឹងនៅក្នុងកិច្ចសម្ភាសជាមួយ គេហទំព័រ Propertyarea.asia កាលពីពេលថ្មីៗនេះឱ្យដឹងថា ចាប់តាំងពីមានការផ្ទុះឡើងនូវជំងឺកូវីដ ១៩ រហូតមកដល់បច្ចុប្បន្ននេះ ខេត្តមួយចំនួនមានការថយចចុះនៃអភិវឌ្ឍដីឡូតិ៍ និងការពុះដីឡូតិ៍លក់ជាបន្តបបន្ទាប់។
ប៉ុន្តែបើទោះបីជាមានការថយចុះនៅខេត្តមួយចំនួនមែន សម្រាប់ខេត្តកំពង់ស្ពឺនៅតែមាសកម្មភាពពុះដីឡូតិ៍ ឬមានការអភិវឌ្ឍន៍ឡូតិ៍យ៉ាងខ្លាំងក្លា មិនត្រឹមតែប៉ុណ្ណោះ គម្រោងអភិវឌ្ឍន៍ធំៗ និងសំណង់ជាច្រើន មានសកម្មភាពអភិវឌ្ឍន៍យ៉ាងផុលផុស ។
លោកបន្ថែមថា “ខេត្តកំពង់ស្ពឺ ជាខេត្តដែលមានសក្តានុពលខ្ពស់ លើវិស័យសេដ្ឋកិច្ច និងអចលនទ្រព្យអចលនទ្រព្យ ព្រោះថាខេត្តនេះត្រូវបានដាក់ចេញ ដោយរាជរដ្ឋាភិបាលក្នុងការអភិវឌ្ឍន៍ បន្ទាប់ពីរាជធានីភ្នំពេញ ខេត្តកំណ្តាល និងខេត្តបន្ទាប់គឺខេត្តកំពង់ស្ពឺ” ។
លោកបញ្ជាក់ទៀថា “បន្ថែមពីនេះខេត្តកំពង់ស្ពឺ គឺជាខេត្តបណ្តុំទៅដោយរោងចក្រ សហគ្រាសធំៗ និងអាជីវកម្មផ្សេងៗ ដែលបានផ្តាស់ប្តូរពីក្រុងភ្នំពេញ ទៅកាន់ខេត្តមួយនេះ ជាពិសេសនៅតាមបណ្តោយផ្លូវជាតិលេខ៥១ ផ្លូវជាតិលេខ៤១ និងផ្លូវជាតិលេខ៤ ដែលស្ថិតនៅក្នុងខេត្តកំពង់ស្ពឺ” ។
ចំណែកលោកសោម កែវម៉ាលីដា ដែលជាអ្នកជំនាញអចលនទ្រព្យអន្តរជាតិបានធ្លាប់បានឱ្យដឹងថា សក្តានុពលទិញលក់ដីឡូតិ៍ នៅតែមានជាពិសេសនៅតាមបណ្តាជាយក្រុង កំឡុងពេលមានបញ្ហាសេដ្ឋកិច្ចនេះ បើសិនជាអ្នកដែលមានធនធានច្រើន អាចទិញនៅពេលនេះ ដើម្បីទទួលបានផលនៅក្រោយចប់វិបត្តិ។
លោកបន្ថែមថា «អ្នកមានលុយ ឬអ្នកវិនិយោគ គួរតែចាប់ឱកាសក្នុងការទិញ ព្រោះ ពេលដែលសេដ្ឋកិច្ចងើបឡើងវិ ញបន្ទាប់ពីជំងឺបាត់បង់ឬគ្រប់គ្រងបាន នៅពេលដែលគាត់លក់វិញគឺអាចចំណេញបាន” ។ លោកបន្តថា “នៅឆ្នាំក្រោយនេះ ដីឡូត៍អាចនឹងមានសន្ទុះទិញលក់វិញហើយ ដោយកម្ពុជានឹងបើកទ្វារសេដ្ឋកិច្ច ទីផ្សារសេរីជាមួយខាងចិនជាដើម” ៕
យោងតាមចំណារដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ផ្ញើជូនសម្ដេចវិបុលសេនាភក្ដី សាយ ឈុំ ប្រមុខរដ្ឋស្ដីទីនៃព្រះរាជាណាចក្រកម្ពុជា កាលពីចុងសប្ដាហ៍កន្លងទៅនេះបានបញ្ជាក់ថា “ខ្ញុំសូមគោរពជម្រាបជូន សម្ដេចប្រមុខរដ្ឋស្ដីទី មេត្តាជ្រាបដ៏ខ្ពង់ខ្ពស់ថា រដ្ឋបាលរាជធានីភ្នំពេញ និងរដ្ឋបាលខេត្តកណ្តាល បានធ្វើលិខិតមកក្រសួងមហាផ្ទៃ ដើម្បីស្នើសុំកែសម្រួលព្រំប្រទល់រដ្ឋបាលរវាងរាជធានីភ្នំពេញ និងខេត្តកណ្តាល ដោយកាត់យកផ្ទៃដីទំហំ ៣៧៦ហិកតា ពីក្រុងតាខ្មៅ ខេត្តកណ្តាល ឱ្យមកស្ថិតក្រោមការគ្រប់គ្រងរបស់ខណ្ឌដង្កោ រាជធានីភ្នំពេញ”។
នៅក្នុងលិខិតដដែលបានបញ្ជាក់ទៀតថា ការស្នើសុំកែសម្រួលព្រំប្រទល់ខាងលើនេះ ដើម្បីដោះស្រាយ និងសម្រួលដល់ការអនុវត្តប្លង់មេសម្រា់អភិវឌ្ឍន៍ទីក្រុងរណបបឹងទំពុន និងបឹងជើងឯក ក៏ដូចជាសម្រួលដល់ការគ្រប់គ្រងរដ្ឋបាល កិច្ចការអភិវឌ្ឍន៍ ការរក្សាសន្ដិសុខសណ្តាប់ធ្នាប់ ការផ្តល់សេវាសាធារណៈ និងការងារសង្គមផ្សេងៗ។
តំបន់ដែលត្រូវកែសម្រួលព្រំប្រទល់រវាងខេត្តកណ្តាល និងរាជធានីភ្នំពេញ ត្រូវបានសម្រេចកាត់ភូមិចំនួន៥ ដែលធ្លាប់ស្ថិតនៅចំណុះរដ្ឋបាលខេត្តកណ្តាល មកជាចំណុះរបស់រដ្ឋបាលរាជធានីភ្នំពេញ ដែលស្ថិតនៅក្នុងខណ្ឌដង្កោរ។ សេចក្ដីលម្អិតនឹងមានបញ្ជាក់នៅក្នុងលិខិតផ្លូវការក្រោមចំណារដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដូចខាងក្រោម ៖
សម្តេចតេជោ ហ៊ុន សែន នៅក្នុងដំណើរចុះសួរសុខទុក្ខ និងចែកអំណោយជាស្បៀងអាហារ និងសម្ភារៈប្រើប្រាស់ជូនប្រជាពលរដ្ឋរងគ្រោះដោយជំនន់ទឹកភ្លៀងនៅក្នុងស្រុកអូរជ្រៅ ខេត្តបន្ទាយមានជ័យនាថ្ងៃទី២៤ ខែតុលា ឆ្នាំ២០២០នេះ បញ្ជាក់ថា ថវិកា១៦០លានដុល្លារនេះ នឹងជួយបង្កើនការងារជូនប្រជាពលរដ្ឋនូវទូទាំងប្រទេសបាន១លានកន្លែងនៅតាមជនបទ។
សម្តេចតេជោបន្តថា គម្រោងចំណាយរបស់រាជរដ្ឋាភិបាលនេះ ប្រជាពលរដ្ឋនៅតាមជនបទមិនត្រឹមតែទទួលបានប្រយោជន៍ពីគម្រោងអភិវឌ្ឍន៍នៅមូលដ្ឋានរបស់ខ្លួនសម្រាប់ប្រើប្រាស់នោះទេ ប៉ុន្តែពួកគាត់ក៏នឹងទទួលបានមកវិញនូវប្រាក់កម្រៃទៅតាមតម្លៃទីផ្សារផងដែរ ក្នុងពេលពួកគាត់ចូលរួមធ្វើការងារនៅក្នុងគម្រោងទាំងនោះ។
