ដោយស៊ីវ ម៉េង

        ភ្នំពេញៈ ជាមួយនឹងការសម្រួលលើបញ្ហាលំបាករបស់ប្រជាពលរដ្ឋ និងជំរុញឲ្យ​សកម្មភាពសេដ្ឋកិច្ចដំណើរការកាន់តែល្អប្រសើរ សម្តេចតេជោហ៊ុន សែននាយករដ្ឋមន្រ្តី​នៃកម្ពុជា ដាក់បទបញ្ជាឲ្យរដ្ឋមន្រ្តីក្រសួងពាក់ព័ន្ឋបួនរូប ចុះពិនិត្យនិងចាប់ផ្តើមស្តារឡើង​វិញនូវហេដ្ឋារចនាសម្ព័ន្ឋដែលរងការខូចខាតដោយសារទឹកជំនន់។

ក្នុងពិធីសម្ភោធបើកការដ្ឋានសាងសង់ស្ពានតភ្ចាប់រវាងទីក្រុងកោះពេជ្រ និងកោះ​នរា និងស្ពាតភ្ជាប់ផ្លូវជាតិលេខ១នាព្រឹកថ្ងៃទី២៦ តុលានេះសម្តេចតេជោ ហ៊ុន សែន បានថ្លែងថា ទឹកជំនន់បានធ្វើឱ្យខូចផ្លូវជាតិ ផ្លូវលំ និងទំនប់ផ្សេងៗបានរងការខូចខា។ សម្តេចតេជោ បានណែនាំរដ្ឋមន្ត្រី សាធារណការ និងដឹកជញ្ជូន, រដ្ឋមន្ត្រីធនធានទឹក និងឧតុនិយម, រដ្ឋមន្ត្រីអភិវឌ្ឍន៍ជនបទ និងរដ្ឋមន្ត្រីកសិកម្ម មិនត្រូវរង់ចាំការវាយតម្លៃពីតាមមន្ទីរនានាទេ ត្រូវចាត់មន្ត្រីរដ្ឋលេខាធិការចុះទៅវាយតម្លៃដោយផ្ទាល់។

សម្តេចតេជោបានថ្លែងថា “រដ្ឋមន្ត្រីទាំង៤ ត្រូវធ្វើសកម្មភាពភ្លាមៗ ដើម្បីជួសជុល និងតភ្ជាប់ផ្លូវ ស្ពាន ដែលខូចខាតជូនប្រជាពលរដ្ឋ”។ សម្តេចបន្តថា “ការដោះស្រាយរឿងទឹកជំនន់មិនមែនបញ្ចប់ត្រឹមការចែកជំនួយនោះទេ”។

សម្តេចតេជោ ហ៊ុន សែន បានថ្លែងថា អ្វីដែលជាការដោះស្រាយសំខាន់សម្រាប់ប្រជាពលរដ្ឋរងការជន់លិច គឺការបង្កឱកាសឱ្យពួកគាត់អាចដាំដុះឡើងវិញបាន។

សម្តេចតេជោ ហ៊ុន សែន បានដាក់បទបញ្ជាឱ្យចុះសិក្សាបន្ទាន់ ពីផលប៉ះពាល់របស់ប្រជាពលរដ្ឋ ហើយដាក់ចេញដំណោះស្រាយបន្ទាន់។ សម្តេចតេជោ បានសង្កត់ធ្ងន់ថា “ត្រូវការថវិកាប៉ុន្មាន ក៏ត្រូវតែទម្លាក់ទៅ ដើម្បីដោះស្រាយ”៕

ដោយៈ រ៉ា ណេត

ភ្នំពេញៈ តាមរយៈការចូលរួមពីសំណាក់វិស័យឯកជន នៃគម្រោងអភិវឌ្ឍក្រុងរណបកោះនរា ដែលទើបត្រូវបានសម្ពោធ និងប្រកាសបើកការដ្ឋានសាងសង់ជាផ្លូវការនៅព្រឹកថ្ងៃនេះ អាចនឹងចូលរួមចំណែកក្នុងបង្កើនថវិកាជាតិ ប្រមាណ២២៥លានដុល្លារក្នុងមួយឆ្នាំ។

អ្នកឧកញ៉ា ពុង ឃាវសែ បានប្រសាសន៍នៅព្រឹកថ្ងៃទី២៦ ខែតុលា ឆ្នាំ២០២០នេះថា គម្រោងសាងសង់ និងអភិវឌ្ឍទីក្រុងកោះនរា នៅលើទំហំផ្ទៃដី១០០ហិកតា ដែលមានទំហំទឹកប្រាក់វិនិយោគ២៥០០លានដុល្លារ នឹងចូលរួមបង្កើនចំណូលថវិកាជាតិប្រមាណ ២៥០លានដុល្លារក្នុងមួយឆ្នាំៗ។

អ្នកឧកញ៉ាបានបញ្ជាក់ថា “គម្រោងអភិវឌ្ឍន៍កោះនរានេះ នឹងផ្តល់អត្ថប្រយោជន៍ដល់សង្គមជាតិ និងសេដ្ឋកិច្ចកម្ពុជាយ៉ាងច្រើន ជាពិសេសនៅក្នុងកាលទេសដែលកំពុងជួបវិបត្តិនាពេលនេះ ដែលកម្ពុជាកំពុងត្រូវការគម្រោងវិនិយោគបន្ថែមទៀត ដើម្បីជួយទ្រទ្រង់សកម្មភាពសេដ្ឋកិច្ចជាតិឱ្យបានរឹងមាំ។

តាមរយៈគម្រោងមួយនេះ នឹងអនុគ្រោះដល់មនុស្សរស់នៅប្រមាណ៥ម៉ឺននាក់ ដែលនឹងគ្រោងចំណាយថវិកាសរុប ប្រមាណ២៥០០លានដុល្លារ ដោយឡែកសម្រាប់ចំណែកថវិកាចំនួន៥៥០លានដុល្លារ ដែលចំណាយសម្រាប់ការអភិវឌ្ឍន៍ និងកសាងហេដ្ឋារចនាសម្ព័ន្ធនានា ក្នុងរយៈពេល៣ឆ្នាំដំបូងត្រូវបានប៉ានប្រមាណថា អាចនឹងចូលរួមចំណែកដល់ផលិតផលក្នុងស្រុក (GDP) ប្រមាណ២២៥លានដុល្លារក្នុងមួយឆ្នាំៗ ស្មើនឹងប្រមាណ ០,៩ភាគរយនៃចំនួន GDPនាពេលបច្ចុប្បន្ននេះ”។

នៅក្នុងគម្រោងសាងសង់ទីក្រុងកោះនរា ក្នុងដំណាក់កាលនេះ នឹងត្រូវប្រើកម្លាំងពលកម្មប្រមាណ៧០០នាក់ ហើយនៅពេលសកម្មភាពអភិវឌ្ឍន៍ កើនឡើងពេញទំហឹង នោះកំណើននៃចំនួនពលកម្ម នឹងបន្តកើនឡើងរហូតប្រមាណ៧០០០នាក់។សំខាន់ជាងនេះទៅទៀត ក្រោយពេលបញ្ចប់គម្រោងសាងសង់ជាស្ថាពរ ទីក្រុងកោះនរា នឹងបង្កើតកន្លែងការងារប្រចាំថ្ងៃ ដល់ប្រជាពលរដ្ឋប្រមាណ១០០០០កន្លែងផងដែរ ដែលទាំងអស់នេះ សុទ្ធតែជាសកម្មភាព និងការរួមចំណែកក្នុងការជួយទ្រទ្រង់ កំណើនសេដ្ឋកិច្ចកម្ពុជា៕

ដោយ ៖ រ៉ាណេត

ភ្នំពេញ ៖ តាមរយៈការចូលរួមពីសំណាក់វិស័យឯកជននៃគម្រោងអភិវឌ្ឍក្រុងរណបកោះនរា ដែលទើបត្រូវបានសម្ពោធ និងប្រកាសបើកការដ្ឋានសាងសង់ជាផ្លូវការនៅព្រឹកថ្ងៃនេះ អាចនឹងចូលរួមចំណែកក្នុងបង្កើនថវិកាជាតិរហូតដល់ប្រមាណ ២២៥លានដុល្លារក្នុងមួយឆ្នាំ។

អ្នកឧកញ៉ា ពុង ឃាវសែ បានប្រសាសន៍នៅព្រឹកថ្ងៃទី២៦ ខែតុលា ឆ្នាំ២០២០នេះថា គម្រោងសាងសង់ និងអភិវឌ្ឍទីក្រុងកោះនរា នៅលើទំហំផ្ទៃដី ១០០ហិកតា ដែលមានទំហំទឹកប្រាក់វិនិយោគ២៥០០លានដុល្លារ នឹងចូលរួមបង្កើនចំណូលថវិកាជាតិប្រមាណ ២៥០លានដុល្លារក្នុងមួយឆ្នាំៗ។

អ្នកឧកញ៉ាបានបញ្ជាក់ថា “គម្រោងអភិវឌ្ឍន៍កោះនរានេះ នឹងផ្តល់អត្ថប្រយោជន៍ដល់សង្គមជាតិ និងសេដ្ឋកិច្ចកម្ពុជាយ៉ាងច្រើន ជាពិេសសនៅក្នុងកាលទេសដែលកំពុងជួបវិបត្តិនាពេលនេះ ដែលកម្ពុជាកំពុងត្រូវការគម្រោងវិនិយោគបន្ថែមទៀតដើម្បីជួយទ្រទ្រង់សកម្មភាពសេដ្ឋកិច្ចជាតិឱ្យបានរឹងមាំ។ តាមរយៈគម្រោងមួយនេះនឹងអនុគ្រោះដល់មនុស្សរស់នៅប្រមាណ៥ម៉ឺននាក់ ដែលនឹងគ្រោងចំណាយថវិកាសរុបប្រមាណ២៥០០លានដុល្លារ ដោយឡែកសម្រាប់ចំណែកថវិកាចំនួន៥៥០លានដុល្លារដែលចំណាយសម្រាប់ការអភិវឌ្ឍន៍ និងកសាងហេដ្ឋារចនាសម្ព័ន្ធនានាក្នុងរយៈពេល៣ឆ្នាំដំបូងត្រូវបានប៉ានប្រមាណថា អាចនឹងចូលរួមចំណែកដល់ផលិតផលក្នុងស្រុក GDP ប្រមាណ ២២៥លានដុល្លារក្នុងមួយឆ្នាំៗ ស្មើនឹងប្រមាណ ០,៩ភាគរយនៃចំនួន GDP នាពេលបច្ចុប្បន្ននេះ”។

នៅក្នុងគម្រោងសាងសង់ទីក្រុងកោះនរាក្នុងដំណាក់កាលនេះ នឹងត្រូវប្រើកម្លាំងពលកម្មប្រមាណ៧០០នាក់ ហើយនៅពេលសកម្មភាពអភិវឌ្ឍន៍កើនឡើងពេញទំហឹង នោះកំណើននៃចំនួនពលកម្មនឹងបន្តកើនឡើងរហូតប្រមាណ៧០០០នាក់។ សំខាន់ជាងនេះទៅទៀត ក្រោយពេលបញ្ចប់គម្រោងសាងសង់ជាស្ថាពរ ទីក្រុងកោះនរា នឹងបង្កើតកន្លែងការងារប្រចាំថ្ងៃដល់ប្រជាពលរដ្ឋប្រមាណ១០០០០កន្លែងផងដែរ ដែលទាំងអស់នេះ សុទ្ធតែជាសកម្មភាព និងការរួមចំណែកក្នុងការជួយទ្រទ្រង់កំណើនសេដ្ឋកិច្ចកម្ពុជា៕

ភ្នំពេញៈ សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃកម្ពុជាបានថ្លែងថា   សមិទ្ធផលស្ពានឆ្លងកាត់ទន្លេថ្មី ក្នុងរាជធានីភ្នំពេញនេះ នឹងរួមចំណែកយ៉ាងសំ​ខា​ន់ ក្នុងការកាត់បន្ថយការកកស្ទះចរាចរណ៍ លើកំណាត់ផ្លូវជាតិលេខ១ គល់ស្ពានព្រះមុនីវង្ស។

សម្តេចបានថ្លែងក្នុងពិធីបើកសម្ភោធការដ្ឋានសាងសង់ ស្ពានខាងលើនាព្រឹកថ្ងៃទី២៦ តុលានេះ ដោយសម្តេចបានសម្តែងក្តីរីករាយ ដែលបានអញ្ជើញមកបើកការដ្ឋានសាងសង់ស្ពានបេតុងភ្ជាប់ពីកោះពេជ្រ ទៅកោះនរា និងពីកោះនរា ទៅផ្លូវជាតិលេខ១។

សម្តេចតេជោបានថ្លែងថា “សមិទ្ធផលថ្មី លើដីសន្តិភាព” ចំពោះការចាប់ផ្តើមសាងសង់ស្ពានតភ្ជាប់កោះពេជ្រ ទៅកោះនរា និងពីកោះនរាទៅផ្លូវជាតិលេខ១។ សម្តេចតេជោ បានថ្លែងថា ផ្ទៃដីរាជធានីភ្នំពេញ បច្ចុប្បន្នបានកើនឡើងដល់ជិត ៧០០គីឡូម៉ែត្រក្រឡា ហើយផ្ទៃដីខេត្តកណ្តាលជាច្រើន ត្រូវបានកាត់ចូលរាជធានីភ្នំពេញជាបន្តបន្ទាប់។

សម្តេចតេជោហ៊ុន សែន បានថ្លែងថា ស្ពានតភ្ជាប់ពីកោះពេជ្រ មកកោះនរា និងពីកោះនរា ទៅផ្លូវជាតិលេខ១ គឺជាសមិទ្ធផលរបស់ជាតិ។

សម្តេចតេជោ ហ៊ុន សែនបានថ្លែងបន្តទៀតថា រាជធានីភ្នំពេញ ត្រូវតែបន្តអភិវឌ្ឍន៍តាមរូបមន្តយកស្លឹកត្នោត ខ្ចប់ស្កត្នោត។ សម្តេចតេជោ បានលើកឡើងថា ការអភិវឌ្ឍន៍កោះពេជ្រ កោះនរា បានយកផលចំណេញពីនេះទៅកសាងសំណង់ផ្សេងៗនៅភ្នំពេញ។

ទាក់ទងនឹងការសាងសង់អាគារខ្ពស់ៗនៅរាជធានីភ្នំពេញ សម្តេចតេជោ ហ៊ុន សែ​នបានថ្លែងថា សម្តេចធុញទ្រាន់ជាខ្លាំង ចំពោះការមិនចង់ឱ្យមានអគារខ្ពស់ជាងគណៈរដ្ឋមន្ត្រី ឬខ្ពស់ជាងសំណង់ប្រវត្តិសាស្ត្រផ្សេងៗ ដូចជាខ្ពស់ជាវត្តភ្នំ ខ្ពស់ជាងព្រះសក្យមុនីចេតិយជាដើម។

សម្តេចតេជោ ហ៊ុន សែន បានថ្លែងថា ព្រោះតែធុញទ្រាន់បែបនេះ កាលពីអំឡុងឆ្នាំ២០១៣ ទើបសម្តេចប្រកាសថា នរណាសាងសង់បានខ្ពស់ជាងគេ សម្តេចប្រគល់មេ​ដា​យឲ្យ”៕