កម្ពុជា-វៀតណាម កំពុងធ្វើពិពិធកម្មលើវិស័យដឹកជញ្ជូនតាមព្រំដែនរួមគ្នា

ដោយ ៖ វុត្ថា

ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងសាធារណៈការ និងដឹកជញ្ជូន បាន និងកំពុងធ្វើពិពិធកម្មលើវិស័យដឹកជញ្ជូននៅតាមព្រំដែនកម្ពុជា-វៀតណាម ជាពិសេសផ្លូវគោក ដើម្បីធ្វើយ៉ាងណាបង្កភាពងាយស្រួល និងជួយជំរុញកំណើនពាណិជ្ជកម្មទ្វេភាគីរវាងប្រទេសទាំង២ឱ្យកាន់តែប្រសើរ។

លោកទេសរដ្ឋមន្ត្រី ស៊ុន ចាន់ថុល ក្នុងនាមជាសហប្រធានជាមួយភាគីវៀតណាម នៅថ្ងៃទី២៥ ខែវិច្ឆិកា ឆ្នាំ២០២០ នៅទីស្ដីការក្រសួងសាធារណការ និងដឹកជញ្ជូន បានដឹកនាំកិច្ចប្រជុំទ្វេភាគីស្ដីពីការធ្វើឱ្យប្រសើរឡើងនូវការដឹកជញ្ជូនឆ្លងកាត់ព្រំដែនរវាងកម្ពុជា និងវៀតណាម តាមរយៈប្រព័ន្ធវីដេអូពីចម្ងាយ។

លោកទេសរដ្ឋមន្ត្រីបានលើកឡើងពីកិច្ចពិភាក្សាលើបញ្ហាប្រឈម រួមជាមួយនឹងដំណោះស្រាយទាក់ទងនឹងការកកស្ទះចរាចរណ៍នៅច្រកទ្វារព្រំដែនសំដៅឱ្យធ្វើពាណិជ្ជកម្មឆ្លងកាត់ព្រំដែនរវាងប្រទេសទាំងពីរកាន់តែមានភាពប្រសើរឡើង និងទំហំពាណិជ្ជកម្មកាន់តែកើនឡើង។

លោកទេសរដ្ឋមន្ត្រីបានបញ្ជាក់ថា “កម្ពុជាបាន និងកំពុងសាងសង់ ពង្រីក និងធ្វើទំនើបកម្មហេដ្ឋារចនាសម្ព័ន្ធដឹកជញ្ជូនជាប្រព័ន្ធទាំងផ្លូវគោក ផ្លូវទឹក និងកំពង់ផែ ដើម្បីតភ្ជាប់ប៉ូលពាណិជ្ជកម្មសំខាន់ៗរបស់ព្រះរាជាណាចក្រកម្ពុជាទៅកាន់ច្រកទ្វារព្រំដែន តួយ៉ាងដូចជា ៖ ផ្លូវជាតិលេខ១ ផ្លូវល្បឿនលឿនភ្នំពេញ-ព្រះសីហនុ ផ្លូវជាតិលេខ៣៣ ផ្លូវក្នុងក្រុងព្រះសីហនុ និងផ្លូវក្នុងក្រុងសៀមរាបជាដើម ដើម្បីធានាខ្សែសង្វាក់ដឹកជញ្ជូនឱ្យកាន់តែមានប្រសិទ្ធភាព”។

ក្នុងន័យនេះ ភាគីកម្ពុជាបានស្នើទាក់ទងនឹងគម្រោងតភ្ជាប់ផ្លូវដែកពីភ្នំពេញទៅក្រុងហូជីមិញ ដោយភាគីវៀតណាមបានឆ្លើយតបថា ខ្លួនបាន និងកំពុងសិក្សាគម្រោងនេះយ៉ាងយកចិត្តទុកដាក់បំផុត និងខិតខំប្រឹងប្រែងពន្លឿនគម្រោងនេះឱ្យបានឆាប់ចេញជារូបរាឡើងនាពេលអនាគតដ៏ខ្លីខាងមុខ។ ការធ្វើឱ្យប្រសើរឡើងនូវហេដ្ឋារចនសម្ព័ន្ធដឹកជញ្ជូន និងច្រកទ្វារព្រំដែន មិនត្រឹមតែបម្រើឱ្យពាណិជ្ជកម្មរវាងប្រទេសទាំងពីរប៉ុណ្ណោះទេ ប៉ុន្តែថែមទាំងបម្រើឱ្យការធ្វើពាណិជ្ជកម្មដល់កម្ពុជា វៀតណាម និងថៃ ក៏ដូចជាអាស៊ានទាំងមូលផងដែរ។

 

ជាដោះស្រាយបញ្ហាកកស្ទះចរាចរណ៍ច្រកទ្វារព្រំដែនបាវិត-ម៉ុកបៃ ភាគីទាំងពីរបានឯកភាពគ្នាបង្កើតក្រុមការងារចំពោះកិច្ច និងអនុក្រុមការងារចំពោះកិច្ចទៅតាមវិស័យ ទាំងការដឹកជញ្ជូនផ្លូវគោក ផ្លូវទឹក ផ្លូវដែក ជាដើម ដើម្បីសហការដោះស្រាយបញ្ហាឱ្យបានទាន់ពេលវេលា និងមានប្រសិទ្ធភាពខ្ពស់បំផុត ដោយក្រុមការងារចំពោះកិច្ចរបស់ប្រទេសទាំងពីរត្រូវជួបប្រជុំពិភាក្សាជាទៀងទាត់ និងធ្វើរបាយការណ៍ប្រចាំខែជូននាយករដ្ឋមន្ត្រីរបស់ខ្លួនរៀងៗខ្លួនផងដែរ។

ជាមួយគ្នានោះផងដែរ ខាងភាគីវៀតណាមក៏បានបង្ហាញពីគម្រោងអភិវឌ្ឍហេដ្ឋារចនាសម្ព័ន្ធដឹកជញ្ជូនរបស់ខ្លួនផងដែរ ដោយហេតុថា ទំហំពាណិជ្ជកម្មរវាងប្រទេសទាំងពីរកាន់តែមានសន្ទុះកើនឡើងពីមួយឆ្នាំទៅមួយឆ្នាំ៕

ប្រធាន CVEA ៖ ភ្នាក់ងារ​លក់​អចលនវត្ថុ​ត្រូវមាន​ភាពស្មោះត្រង់​ដើម្បី​ផ្តល់ទំនុកចិត្ត​ដល់​អតិថិជន

ដោយ ​វុត្ថា

ភ្នំពេញៈ ដើម្បី​ឲ្យ​ទទួលបាន​ទំនុកចិត្ត និង​ទទួលបាន​ផលចំណេញ​ខ្ពស់​ដល់​អតិថិជន ភ្នាក់ងារ​អចលនទ្រព្យ ឬ​ក្រុមហ៊ុន​ផ្តល់​សេវា​អចលនទ្រព្យ ត្រូវ​ផ្តល់​សេវាកម្មផ្សេងៗ លើសពី​ការរំពឹងទុក​ទៅកាន់​អតិថិជន​របស់ខ្លួន តាមរយៈ​ផ្តល់​ប្រឹក្សា​យោបល់ និង​មាន​ភាពស្មោះត្រង់​បំផុត និង​ភាព​រុះ​រាយ​រាក់ទាក់។

ប្រធាន​សមាគម​ភ្នាក់ងារ និង​វាយតម្លៃ​អចលវត្ថុ​កម្ពុជា​លោក​ច្រឹ​ក សុខ​នី​ម​បាន​ប្រាប់​គេហទំព័រ Properyarea.asia កាលពី​រសៀល​ថ្ងៃទី២៥ វិច្ឆិកា​កន្លងមក​ថា ភ្នាក់ងារ​អចលនទ្រព្យ ឬ​ក្រុមហ៊ុន​ផ្តល់​សេវា​អចលនទ្រព្យ គឺ​ត្រូវ​ផ្តល់​សេវា​ជា​កញ្ចប់​មាន​ទាំង​រត់​ឯកសារ លិខិត​កក់​ប្រាក់ កិច្ចសន្យា​ទិញ-លក់ និង​មាន​ទាំង​ប្រថាប់ត្រា​ពី​សំណាក់​មេធាវី ដើម្បី​ឲ្យ​អតិថិជន​មាន​ភាពកក់ក្តៅ និង​ការទិញ​លក់​របស់​ពួកគេ​មាន​សុវត្ថិភាព និង​មាន​ភាពងាយស្រួល។

លោក​បន្តថា “បើ​អតិថិជន​បាន​ទិញ​ចលនទ្រព្យ តាមរយៈ​ភ្នាក់ងារ​របស់​យើង យើង​ត្រូវធ្វើ​ឱ្យមាន​ភាព​ចំណេ ញ​លើ​ការទិញ​អចលនទ្រព្យ​នោះ តាមរយៈ​របស់​ល្អ និង​មានតម្លៃ​ក្រោម​ទីផ្សារ ហើយ​ថ្ងៃក្រោយ​គាត់​នឹង​ណែនាំ​អ្នកផ្សេង ឲ្យ​មករក​សេវាកម្ម​របស់​យើង” ។

លោក​បន្តថា “នៅពេល​អ​ថិ​ជន​ណែនាំ​បន្ត​គា្ន នោះ​មានន័យថា គេ​មាន​ជំនឿ​របស់​យើង និង​ទទួលបាន​ផល​ច្រើន តែបើ​អតិថិជន​ដែល​មិនដែល​ប្រើ​សេវាកម្ម​របស់​យើង ប្រក​ដ​ណាស់​គេ មិនសូវ​ទុកចិត្ត​ខ្លាំង​នោះទេ” ។

លោក​បានផ្តល់​យោបល់​ប​ន្ថែ​ម​ទៀតថា ក្នុងនាម​ជា​អ្នកផ្តល់​សេវាកម្ម​លើ​វិស័យ​អចលនទ្រព្យ យើង​ត្រូវមាន​ចំណេះដឹង​ឲ្យ​បាន​ជ្រៅជ្រះ តាមរយៈ​បង្កើន​ចំណេះដឹង​ជាប្រចាំ កា​អនុវត្ត​ផ្ទាល់ និង​ដឹង​ពី​តម្លៃ​ទីផ្សារ​នៅក្នុង​តំបន់​ដែល​ខ្លួន​កាន់។ ហើយ​ចំណេះដឹង​ទាំងអស់នេះ នឹងធ្វើ​ឲ្យ​អតិថិជន​មាន​ទំនុកចិត្ត និង​ជឿជាក់​លើ​យើង។

លោក​ច្រឹ​ក សុខ​នី​ម បាន​បន្តថា “បើ​យើង​មានចំណេះដឹង​ទាប​ជាង​ពួកគាត់ នៅពេលដែល​យើង​និយាយ​ទៅ គាត់​នឹងមិន​ទុកចិត្ត​យើង​នោះទេ និង​ជាពិសេស​យើង​ត្រូវ​ស្គាល់​អ​ថិ​ជន​ជា​គោលដៅ​របស់ខ្លួន អោយបាន​ច្បាស់លាស់” ។ លោក​បន្ថែមថា “យើង​ធ្វើការ​ជាមួយ​អ្នក និង​អ្នក​ផ្ទាល់។ បើ​មិន​ស្គាល់​អតិថិជន​របស់ខ្លួន​ច្បាស់​ទេ យើង​នឹង​បរាជ័យ​តាមរយៈ​ការធ្វើ​កិច្ច​ការមិន​ច្បាស់លាស់” ។

បើតាម លោក ច្រឹ​ក សុខ​នី​ម ភ្នាក់ងារ​ផ្តល់​សេវា​អ​ចនទ្រ​ព្យ​ទាំង​ចុះបញ្ជី និង​មិន​ចុះបញ្ជី​មាន​ប្រមាណ​ក្រោម៣ម៉ឺន​នាក់ នៅ​ទាំង​ទូទាំងប្រទេស ដែល​កំពុង​ប្រតិបត្តិការ ខណៈដែល​កម្ពុជា​នៅ​ខ្វះខាត​អ្នកជំនាញ​លើ​វិស័យ​ជាច្រើន ស្របពេល​ដែល​ដែល​កំពុង​បោះ​ជំ​ហ៊ាន​ទៅមុខ៕

អភិបាលខេត្ត​ព្រះសីហនុ​ព្រមាន​អ្នក​ដែល​បំពាន​សាងសង់​សំណង់​នៅ​ផ្លូវ​លេខ២០០ត្រូវ​រុះរើ​ជាបន្ទាន់

ដោយៈ រ៉ា​ណេ​ត

ព្រះសីហនុៈ អភិបាលខេត្ត​ព្រះសីហនុ លោក​គួច ចំរើន​បាន​ព្រមាន និង​ជំរុញ​ឱ្យ​ប្រជាពលរដ្ឋ​ដែល​បាន​សាងសង់​សំណង់ និង​កំពុង​រស់នៅ ក៏ដូចជា ប្រកប​អាជីវកម្ម​ដែល​បំពាន​នៅលើ​ផ្លូវ​លេខ២០០ ដែល​ស្ថិតនៅក្នុង​គម្រោង​ពង្រីក និង​កែលម្អ​សោភ័ណភាព​ទុកជា​ផលប្រយោជន៍​រួម នៅក្នុង​ក្រុងព្រះសីហនុ​ទាំងមូល​ត្រូវ​រុះ​រើចេញ​ជាបន្ទាន់។

កិច្ចប្រជុំ​ដោះស្រាយ​រៀបចំ​ផ្លូវ​លេខ២០០ ស្ថិត​ក្នុងភូមិ៤ សង្កាត់​លេខ៤ ក្រុងព្រះសីហនុ​កាលពី​រសៀល​ថ្ងៃទី២៥ វិច្ឆិកា​កន្លងមកនេះ លោក​អភិបាលខេត្ត​ដោយមាន​ការចូលរួម​ពី​លោក​អភិបាលរង​ខេត្ត លោកនាយក​រដ្ឋបាល​សាលាខេត្ត លោក​អភិបាលក្រុង​ព្រះសីហនុ ប្រធាន​មន្ទីរ​អង្គភាព និង​នាយក​ទីចាត់ការ​សាលាខេត្ត​ព្រះសីហនុ​ផងដែរ។

លោក​អភិបាល​បាន​មានប្រសាសន៍ថា តាម​របាយការណ៍​រប​ស់​អាជ្ញាធរ​ក្រុង គឺ​ប្រជាពលរដ្ឋ​ចំនួន១៥៣គ្រួសារ បាន​សាង​សង់ផ្ទះ​លើដី​ចំណីផ្លូវ​លេខ២០០ ដែលជា​ដី​សាធារណ:របស់​រដ្ឋ យក​ធ្វើជា​កម្មសិទ្ធិ និង​យកទៅ​ជួល​បន្ត​ឱ្យ​ត​តី​យ​ជន​ក្នុងនោះ​មាន​ជនបរទេស​ជាដើម ដោយ​បើក​អាជីវកម្មផ្សេងៗ ក្នុងនោះ​ឃើញ​អាជីវកម្ម​មួយចំនួន​មាន ដូចជា​កោស​ជប់ ម៉ាស្សា និង​ការលួចបើក​បម្រើ​សេវាក​ម្ម​ផ្លូវភេទ​ជាដើម ដែល​ទង្វើ​នេះ​វា​ផ្ទុយ​នឹង​ច្បាប់​របស់​រដ្ឋ និង​ប៉ះពាល់​ផលប្រយោជន៍​សាធារណ: និង​ការប្រើប្រាស់​របស់​ប្រជាពលរដ្ឋ។

យោងតាម​មាត្រា២៥៩ នៃ​ច្បាប់​ភូមិបាល ការប៉ះពាល់​កម្មសិទ្ធិ​នៃ​ទ្រព្យសម្បត្តិ​សាធារណៈ ត្រូវ​ផ្តន្ទា​ទោសពិន័យ​ជា​ប្រាក់​ពី៥.០០០.០០០រៀល(ប្រាំ​លាន) ដល់៥០លាន​ឬ/និង​ផ្ដន្ទាទោស​ដាក់ពន្ធនាគារ​ពី១(មួយ)ឆ្នាំ ដល់៥(ប្រាំ)ឆ្នាំ។

លោក​គួច ចំរើន បាន​បញ្ជាក់ថា​បន្ថែមថា ផ្លូវ​លេខ២០០នេះ ជា​ចំណុចកណ្តាល​របស់​ក្រុងព្រះសីហនុ ដែល​ចេញពី​រង្វង់​មូល​តោ​ពីរ មាន​ផ្លូវ៦ខ្សែ ហើយ​យើង​បានធ្វើការ​អភិវឌ្ឍ​បាន​ចំនួន៥ខ្សែ​ហើយ។ ចំពោះមុខ​រដ្ឋបាលខេត្ត​នឹង​ស្ថាបនា​ផ្លូវ២០០ ដោយ​ពង្រីក​ទៅតាម​ទំហំ​នៅក្នុង​ប្លង់​ជា​លក្ខណៈ​ប្រព័ន្ធ ដើម្បី​កែលម្អ​សោភ័ណភាព​ផ្លូវ​នេះ ដោយសារ​វា​ស្ថិតនៅ​ជាប់​នឹង​របង មន្ទីរពេទ្យបង្អែក​ក្រុងព្រះសីហនុ ដែល​អាច​សម្រួល​ដល់​ការធ្វើដំណើរ និង​ការដឹកជញ្ជូន​អ្នកជំងឺ​បាន​លឿន​ឆាប់រហ័ស ករណី​មានការ​សង្គ្រោះបន្ទាន់​ផងដែរ។

លោក​បន្តថា “ថ្មីៗនេះ​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា បាន​អនុញ្ញាតិ​ឱ្យ​សាងសង់​មន្ទីរពិសោធន៍​វិ​ជ្ជ​សាស្ត្រ នៅក្នុង​មន្ទីរពេទ្យបង្អែក​ក្រុងព្រះសីហនុ​នេះ ដើម្បី​ធ្វើការ​វិភាគ​រក​វីរុស​កូ​វីដ-១៩ ឬ​វិភាគ​ជំងឺឆ្លង​ផ្សេងទៀត ហើយ​អាច​គ្រោង​នឹង​បើក​ឱ្យ​ដំណើរការ​នៅ​ចុងឆ្នាំ២០២០ ឬ​ដើមឆ្នាំ២០២១ខាងមុខ” ។

លោក អ៊ី សុខ​ឡេង អភិបាលក្រុង​ព្រះសីហនុ​បានឱ្យដឹងថា ផ្លូវ​លេខ២០០ មាន​ទីតាំង​ស្ថិ​នៅ​ភូមិ៤ សង្កាត់​លេខ៤ ក្រុងព្រះសីហនុ ត្រូវបាន​ប្រជាពលរដ្ឋ​ធ្វើការ​សាង​សាង់​សំណង់​រំលោភ លើដី​ចំណីផ្លូវ​មាន​ចំនួន១២៨ខ្នង​ផ្ទះ ស្នើ​នឹង១៥៣គ្រួសារ  ក្នុងនោះ​ប្រជាពលរដ្ឋ​រស់នៅ​អចិន្ត្រៃយ៍ មាន​ចំនួន២៥គ្រួសារ ផ្ទះជួល៣៥គ្រួសារ ផ្ទះ​បិទទ្វារ​ចោល៥៩ខ្នង​ផ្ទះ ផ្ទះ​លក់​ឱ្យ​ជនបរទេស​ចំនួន៣ខ្នង ដី​ទំនេរ​ចំនួន២ឡូ​តិ៍ សំណង់​គ្រោង​ដែក២ និង​សំណង់​បេតុង២៕

កម្មវិធី​ពិសេស! ផ្ទះ​និង​ខុន​ដូ​ប​ញ្ជុះ​តម្លៃ​រហូតដល់៤០%ក្នុង​កម្មវិធី​នេះ!

ដោយៈ រ៉ា​ណេ​ត

ភ្នំពេញៈ នៅ​មិន​ដល់​ប៉ុន្មាន​ម៉ោង​ទៀត​ទេ ពិព័រណ៍​លក់​អចលនទ្រព្យ ដំណាច់ឆ្នាំ២០២០តាម​អន​ឡាញ នឹង​ចាប់ផ្ដើម​ដំណើរការ​ជា​ផ្លូវការ នៅលើ​គេហទំព័រ​របស់ yearendpropertysale.realestate.com.kh ។

ព្រឹ​ត្ត​ការណ៍​ពិព័រណ៍​តាម​អន​ឡាញ​នេះ នឹង​ត្រូវបាន​ប្រារព្ធ​ឡើង​ពី​ថ្ងៃទី២៧ ខែ​វិ​ច្ជិ​កា ឆ្នាំ២០២០ រហូតដល់​ថ្ងៃទី៣១ខែធ្នូ ឆ្នាំ២០២០ ។ ក្នុង​កម្មវិធី​នេះ មានការ​ចូលរួម​ពី​គម្រោង​អភិវឌ្ឍន៍ល្បីៗជាង២០គម្រោង ដែលមាន​ទីតាំង​នៅក្នុង​រាជធានី​ភ្នំពេញ ខេត្តសៀមរាប និង​ខេត្ត​ព្រះសីហនុ ជាមួយនឹង​ការបញ្ចុះ​តម្លៃ ដែល​មិន​ធ្លាប់មាន​រហូតដល់៤០%ឯណោះ។

ពិព័រណ៍​នេះ​ផងដែរ ក៏មាន​ការដាក់​តាំង​លក់​អចលនទ្រព្យ ជាច្រើន​ប្រភេទ​ទៀត រួមមាន​ដី និង​ផ្ទះ​ដែលមាន​តម្លៃ​ក្រោម​ទីផ្សារ​បច្ចុប្បន្ន។ លោកអ្នក​ក៏​អាចធ្វើ​ការប្រឹក្សា​យោបល់ ជាមួយ​អ្នកជំនាញ​អចលនទ្រព្យ របស់​កម្មវិធី​ចំពោះ​ចម្ងល់​អំពី​គម្រោង​ផ្ទាល់ ឬ​ការវិនិយោគផ្សេងៗ ដើម្បី​ទទួលបាន​ប្រាក់ចំនេញ​ខ្ពស់។ លោកអ្នក​អាច​ចូលរួម​មើល​ការដាក់​តាំង​គម្រោង​ទាំងនេះ​បាន ដោយ​ឥតគិតថ្លៃ ដោយ​គ្រាន់តែ​ធ្វើការ​ចុះឈ្មោះ​ពីថ្ងៃ​នេះ​តទៅ។ លោកអ្នក​អាច​មើល​តាម​ទូរស័ព្ទ ឬ​កុំព្យូទ័រ​នៅ​គេហដ្ឋាន​ផ្ទាល់​ដោយ​មិនចាំបាច់​ធ្វើដំណើរ​ទៅ​ក្រៅ។

នេះ​ជា​ឱកាសល្អ​បំផុត​សម្រាប់​អតិថិជន ដែល​កំពុង​ស្វែងរក​អចលនទ្រព្យ​ក្នុងតម្លៃ​ពិសេស ដើម្បី​ទិញ​ទុក​សម្រាប់​ចំនេញ​លើ​ការវិនិយោគ ឬ​រស់នៅ​ផ្ទាល់។ ដូចគ្នា​ផងដែរ ពិព័រណ៍​នេះ​មាន​ក្រុមហ៊ុនល្បីៗ ចូលរួម​ជាច្រើន​រួមមាន ដូចជា បុរី អា​រ៉ា​តា ហ្កា​ដិ​ន រ៉េ​ស៊ី​ឌិន​ស៏ គម្រោង​ខុន​ដូ Garden One គម្រោង​ខុន​ដូ The Hexa, គម្រោង​ខុន​ដូ City Gem, គម្រោង Won Majestic, គម្រោង Phnom Penh Galaxy Garden, ក្រុមហ៊ុន ខេ​អេ​ច លែ​ន គម្រោង​ខុន​ដូ ដឹ​លី​ដុន​ហាយ​ស៍ ខន​ដូ​មី​នៀម, បុរី​អាប់​ថោ​ន បុរី​ឡា​ផាម គម្រោង​លំនៅឋាន អា​រ៉ា​ខា​វ៉ា គម្រោង​ខុន​ដូ Rose Apple Square គម្រោង​ខុន​ដូ រ៉ូយ៉ាល់​ស្កា​យ​លែ​ន​គម្រោង​ខុន​ដូ Le Condé BKK1 គម្រោង​ខុន​ដូ Agile Sky Residence គម្រោង​ខុន​ដូ Vue Aston គម្រោង​ខុន​ដូ Ratana Plaza Top Apartment, គម្រោង​ខុន​ដូ ព្រី​នស៍ ហេ​ប​ភី​នេស ផ្លា​ហ្សា គម្រោង Dara Sakor គម្រោង Stardream Lake Tourism Town ។

តើ​កម្មវិធី​ដំណើរ​យ៉ាងដូចម្តេច?

១. ដំបូង​លោកអ្នក​តម្រូវ​ឲ្យ​ធ្វើការ​ចុះឈ្មោះ​ជាមុនសិន

២. នៅ​ថ្ងៃ​កម្មវិធី លោកអ្នក​អាច​ចូល​មើល​អចលនទ្រព្យ ដែលមាន​ដាក់​បង្ហាញ​នៅលើ​គេហទំព័រ​បាន​ដោយ​សេរី។

៣.ប្រសិនជា​លោកអ្នក​មាន​ចំណាប់អារម្មណ៍ ទៅលើ​អចលនទ្រព្យ​ណាមួយ​ហើយ លោកអ្នក​អាចធ្វើ​ការ​កក់​អចលនទ្រព្យ​នោះ ដោយ​គ្រាន់តែ​ចុច​លើ​បូ​តុង​កក់​ទុក ។

ចំពោះ​ប្រាក់​កក់​របស់​លោកអ្នក ប្រសិនបើ​លោកអ្នក​មិន​ពេញចិត្ត នឹង​អចលនទ្រព្យ​ដែល​ខ្លួន​បានក​ក់រួច លោកអ្នក​អាចធ្វើ​ការស្នើសុំ​ប្រាក់​កក់​ត្រលប់​វិញ នៅ​កំឡុងពេល១៤ថ្ងៃ បន្ទាប់ពី​ការ​កក់​រួច​បាន​យ៉ាង​ងាយស្រួល។

ចាំ​ដល់​ណា​ទៀត! នេះ​ជា​ឱកាស​ពិសេស​បំផុត ចំពោះ​លោកអ្នក​ដែល​កំពុង​ស្វែងរក​ទិញ​គេហដ្ឋាន​សម្រាប់​រស់នៅ ឬ​វិនិយោគ​គ្រប់​ប្រភេទ។

សម្រាប់​អតិថិជន​ដែល​ចង់​ធ្វើការ​ចុះឈ្មោះ​ចូលរួម​ពិព័រណ៍​អ​ច​នល​ទ្រព្យ​បំណាច់​ឆ្នា២០២០តាម​អន​ឡាញ លោកអ្នក​អាច​ធ្វើបាន​តាមរយៈ https://www.yearendpropertysale.realestate.com.kh/km ឬ​ទំនាក់ទំនង​មកកាន់​ក្រុមការងារ​របស់​យើងខ្ញុំ​តាម​ទូរស័ព្ទ​លេខ 092 92 1000 ។

Propertyarea ប្រកាស​ដេញថ្លៃ​សំរាប់​ក្រុមហ៊ុន​ដែលមាន​បំណង​ដាក់លក់អចលនទ្រព្យ​ក្នុង​គេហទំព័រ​នេះ

ដោយ​ស៊ីវ ម៉េង

ភ្នំពេញៈ គេហទំព័រ Propertyarea.asia និង Facebook Page Property Area Asia សូម​ប្រកាស​ដេញថ្លៃ​ដល់​ក្រុមហ៊ុន​អភិវឌ្ឍន៍ និង​ក្រុមហ៊ុន​ភ្នាក់ងារ​អចលនទ្រព្យ​ជាតិ និង​អន្តរជាតិ អាចដាក់​សេវាកម្ម អចលនទ្រព្យផ្សេងៗ (listing) ក្នុង​គេហទំព័រ​នេះ​បាន។

តម្លៃ​ប្រចាំខែ​មានតម្លៃ​ចាប់ពី១៥០០ដុល្លារ​ឡើងទៅ អាស្រ័យ​លើ​ការចចា​ជាក់ស្តែង ពិសេស​យើង​នឹង​ផ្តល់​កិច្ចសហការ​ជា​កញ្ចប់ ដោយ​ផ្តល់ជូន​នូវ​អត្ថបទ​ពាណិជ្ជកម្ម​តាម​ចំនួន​ច​ចារ​គ្នា ពិសេស​នឹងមាន​ការផ្តល់​ជូន​នូវ វីដេអូ​ព៌​ត​មាន​ជាប្រចាំ អាស្រ័យ​លើ​តម្លៃ​ជាក់ស្តែង។

គេហទំព័រ Propertyarea.asia និង Facebook Page មាន​ចំនួន​អ្នកអាន​គិត​ជា​មធ្យម​ចំនួន ១៥,០០០នាក់​ក្នុង​មួយថ្ងៃ និង​កើន​ឡើងដល់​ជាង ៨០,០០០នាក់ ក្នុងពេល​មាន​ព្រឹត្តិការណ៍​ជាតិ អន្តរជាតិធំ។

លោក លោកស្រី​មាន​ចំណាប់អារម្មណ៍ សូម​ទំនាក់ទំនង​លេខ​ទូរស័ព្ទ ០៧៨ ៩៥៩ ៥៦៧, ០៨៦ ៤៨ ៥៥ ៦៦ ៕

តំបន់​បឹង​តា​មោឃ​កំពុង​ក្លាយទៅជា​បណ្តុំ​អគា​រដ្ឋបាល​របស់​រាជ​រដ្ឋាភិបាល​ដែលតំបន់​ជុំវិញ​នឹង​រីកចម្រើន​លឿន

ដោយៈ​វុត្ថា

ភ្នំពេញៈ អគារ​រដ្ឋបាល​ជាច្រើន​បាន និង​កំពុង​សម្រុក​ទៅ​បោះទីតាំង នៅ​ម្តុំ​បឹង​តាម​មោឃ​នៃ​ខណ្ឌ​ឬ​ស្សិ​កែវ រាជធានី​ភ្នំពេញ ដែលជា​សញ្ញា​ល្អ​លើ​វិស័យ​អចលនទ្រព្យ និង​លំនៅឋាន​នៅ​តំបន់​នោះ។

អគ្គនាយក​ក្រុមហ៊ុន Century21 Advance លោក​ឡុង គឺ​ម​សួគ៌ បាន​ប្រាប់​គេហទំព័រ Propertyarea.asia កាលពីពេលថ្មីៗនេះ​ឱ្យដឹងថា បច្ចុប្បន្ននេះ​រដ្ឋាភិបាល​កំពុង​រៀបចំ​បែងចែក​តំបន់​អភិ​វ​ឌ្ឋ​ន៍ ខណៈដែល​តំបន់​បឹង​តា​មោគ រហូតដល់​សង្កាត់​ព្រែក​ព្នៅ នៃ​ខណ្ឌ​ឬ​ស្សី​នឹង​ក្លាយជា​តំបន់​អគា​រដ្ឋបាល​របស់​រាជ​រដ្ឋាភិបាល។

លោក​ថ្លែងបន្តថា រដ្ឋាភិបាល​កំពុងតែ​បែប​ចែក​តំបន់ នៃ​ទីក្រុង​ភ្នំពេញ​ឱ្យមាន​តំបន់​រោងចក្រ​សហគ្រាស តំបន់​ពាណិជ្ជកម្ម និង​តំបន់​អគារ​រដ្ឋបាល យើង​ឃើញថា​អគារ​រដ្ឋបាល​របស់​ស្ថាប​ន័​រដ្ឋធំៗជាច្រើន បាននិងកំពុង​បោះ​ទៅកាន់​ទីតាំង​តំបន់​បឹង​តា​មោឃ​ឬ​បឹង​កប់​ស្រូវ តែ​យ៉ាងណាក៏ដោយ​នេះ គឺជា​អ្វីដែល​យើង​មើលឃើញ​ប៉ុណ្ណោះ យ៉ាងណា​នោះ​អាស្រ័យ​លើ​រដ្ឋាភិបាល។

លោក​បញ្ជាក់ទៀតថា “រដ្ឋាភិបាល​មាន​ផែនការ​ពង្រីក​ក្រុង​ឱ្យ​កាន់តែ​ធំ ហើយ​តំបន់​នេះ នឹង​ក្លាយទៅជា​ទីក្រុង​ថ្មី​របស់​ទីក្រុង​ភ្នំពេញ ដែល​ពោ​ពេញ​ទៅដោយ​សក្តានុពល​ខ្ពស់ ខណៈ​ទីក្រុង​ភ្នំពេញ​បច្ចុប្បន្ននេះ នឹង​ក្លាយជា​ទីក្រុង​ចាស់​នាពេលខាងមុខ” ។

លោក​គីម​សួគ៌ បានបញ្ជាក់​ទៀតថា ជាមួយគ្នានេះ វិស័យ​អចលនទ្រព្យ​តំបន់​នេះ​ក៏​នឹងមាន​សក្តានុពល និង​មានតម្លៃ​កាន់តែ​ខ្ពស់​ថែមទៀត ឆ្លើយតប​ទៅនឹង​ការរីកចំរើន​នេះ។

លោកស្រី​តាំង ហួរ អគ្គនាយិកា​ក្រុមហ៊ុន Amatak Property Service បានឱ្យដឹង​ដែរ​ថា តំបន់​បឹង​តា​មោឃ និង​កប់​ស្រូវ​នាពេល​បច្ចុប្បន្ននេះ កំពុងមាន​ការអភិវឌ្ឍ​ន៍​យ៉ាងគំហុក ជាពិសេស​តំបន់​នេះ ក៏​នៅជាប់​នឹង​ផ្លូវជាតិ​លេខ ៥ និង​មាន​សក្តានុពល​ខ្ពស់​ផងដែរ។

លោកស្រី​បន្តថា “យើង​មើល​ឃើ​ង​ថា ក្រសួង ស្ថាប័នរដ្ឋ​ជាច្រើន​កំពុង​ទៅកាន់​ទីនោះ​បណ្តើរ មានដូចជា​ក្រសួង​ដែនដី ក្រសួង​សាធារណការ និង​ដឹកជញ្ជូន ក្រ​សួ​អភិវឌ្ឍន៍ជនបទ និង​ស្ថាន​ប័ន​រដ្ឋផ្សេងៗជាច្រើន” ។

ក្រុមការងារ​នៃ​គេហទំព័រ propertyarea.asia បាន​ទាក់ទង​ទៅ​លោក ម៉េ​ត មាស​ភក្តី អ្នកនាំពាក្យ​នៃ​រដ្ឋបាល​រាជធានី​ភ្នំពេញ តាម​បណ្តាញ​តេ​ឡេ​ក្រាម ដើម្បី​សុំ​ការបំភ្លឺ ប៉ុន្តែ​លោក​មិនបាន​ឆ្លើយ​នោះទេ បើ​ទោះ​បានឃើញ​ហើយក៏​ដោយ។

តែ​យ៉ាងណាក៏ដោយ តំបន់​ភាគ​ខាងជើង​នៃ​ទីក្រុង​ភ្នំពេញ ត្រូវបាន​អ្នក​អភិវឌ្ឍន៍ និង​អ្នកជំនាញ​បាន​ចាត់ទុកថា ជា​តំបន់​ដែលមាន​ការអភិវឌ្ឍន៍​មួយ របស់​រាជធានី​ភ្នំពេញ និង​ជា​តំបន់ ដែលមាន​សក្តានុពល​ខ្ពស់ ចំពោះ​ការវិនិយោគ​លើ​វិស័យ​អចលនទ្រព្យ​យ៉ាងខ្លាំង​ក្លា​ផងដែរ៕

ចិន​និង​ជប៉ុន​ប្រជែង​គ្នា​ក្លាយជា​ប្រទេស​មានអំណាច​លើ​បច្ចេកវិទ្យា​ផ្លូវដែកល្បឿន​លឿន

ដោយៈ ហ្សូ​លី

តូ​ក្យូៈ​ប្រទេស​ជប៉ុន​និង​ចិន​កំពុង​ប្រជែង​គ្នា ដើម្បី​សាងសង់​រថភ្លើង​ប្រភេទ​ថ្មី ដែល​លឿន​បំផុត ហើយ​ព្យាយាម​បង្ហាញ​ជំនាញ​របស់​ពួកគេ​លើ​បច្ចេកវិទ្យា ដែលមាន​សក្តានុពល​នាំចេញ។

ខ្សែ​រថភ្លើង​មាន​ចម្ងាយ​ខ្លី និង​ពិសោធន៍​សាកល្បង​បាន​ដំណើរការ​ហើយ ប៉ុន្តែ​ប្រទេស​សេដ្ឋកិច្ច​ធំ​បំផុត​ទាំងពីរ​របស់​អាស៊ី កំពុង​អភិវឌ្ឍ​ធ្វើ​អ្វី​ដែលជា​ការប្រកួតប្រជែង​សាងសង់​ខ្សែ​រថភ្លើង ចម្ងាយ​ឆ្ងាយ​ដំបូង​គេ​របស់​ពិភពលោក។

អ្នកជំនាញ​ផ្លូវដែក​និយាយថា ប្រសិនបើ​ជប៉ុន និង​ចិន​អាច​បង្ហាញ​គម្រោង​ផ្លូវ​ឆ្ងាយ​របស់​ពួកគេ ដោយ​ជោគជ័យ​តាម​កាលបរិច្ឆេទ​កំណត់។ វា​គួរតែ​ផ្តល់ឱ្យ​ពួកគេ​នូវ​ការគាំទ្រ​នៅពេល​ពួកគេ​សម្លឹងមើល​ការនាំចេញ​បច្ចេកវិទ្យា​ជំនាន់​ថ្មី។  ភាគហ៊ុន គឺជា​ចំណែក​មួយ​នៃ​ទីផ្សារ​ប៉ាន់ស្មាន​ដែលមាន​តម្លៃ​ជាង២ទ្រី​លាន​ដុល្លារ សម្រាប់​គម្រោង​ហេ​ដ្ឋា​រចនា​ស  ម្ព័​ន្ធ​ផ្លូវដែក។

អតីត​នាយករដ្ឋមន្ត្រី ស៊ីន​ហ្សូ អា​បេ បានកំណត់​គោលដៅ​នៃ​ការនាំចេញ​ហេដ្ឋារចនាសម្ព័ន្ធ​រួមទាំង​បច្ចេកវិទ្យា​ផ្លូវដែក​ល្បឿន​លឿន ដែលជា​ចំណុច​គន្លឹះ​នៃ​កំណើនសេដ្ឋកិច្ច។

ប៉ុន្តែ​ក្នុង​រយៈពេល​មួយ​ទសវត្សរ៍​កន្លងមកនេះ ដៃគូ​ប្រកួតប្រជែង​ចិន មាន​ឆន្ទៈ​ផ្គត់ផ្គង់​គ្រឿងបន្លាស់​និង​ដឹង​ពី​របៀប​ផលិត​មានតម្លៃ​ថោក​ជាង​មុន។

ក្នុង​ឆ្នាំ២០១៥ អ្នកផ្គត់ផ្គង់​ជប៉ុន​បាន​ចាញ់​ដៃគូ​ប្រកួតប្រជែង​ចិន ក្នុង​គោលបំណង​កសាង​ផ្លូវដែក​ល្បឿន​លឿន​ដំបូងបង្អស់​របស់​ឥណ្ឌូនេស៊ី ដែល​ត​ភ្ជាប់​ពី​រដ្ឋធានី​ហ្សា​កាតា​ទៅ​ខេត្ត Bandung នៅ​កោះ​ចា​វ៉ា​ខាងលិច។

នៅ​ទីបំផុត​ប្រទេស​ជប៉ុន ត្រូវបាន​គេ​ស្នើ​សុំឱ្យ​ចូលរួម​គម្រោង​នេះ​ឡើងវិញ បន្ទាប់ពី​វា​បានចាប់ផ្តើម​ប្រឈមមុខ​នឹង​ការពន្យារពេល៕ Japan Time៕

ចំណេះដឹង! តើ​អ្វី​ជា​និតិ​វិធី​នៃ​ការ​អនុវត្ដ​ការបង់ពន្ធ​លើ​អចលនទ្រព្យ?

ដោយ​វុត្ថា

ភ្នំពេញៈ ពន្ធ​លើ​អចលនទ្រព្យ tax on real property មាន​អានុភាព​ទាំង​ផ្នែក​សេដ្ឋកិច្ច និង​រដ្ឋបាល។ ពន្ធ​នេះ គឺជា​ប្រភព​ហិរញ្ញវត្ថុ​ដ៏​សំខាន់ របស់​រដ្ឋបាល​មូលដ្ឋាន និង​មាន​ឥទ្ធិពល​យ៉ាងខ្លាំង​ដល់​ការប្រើប្រាស់​ដីធ្លី។

ក. អ្នក​ជាប់ពន្ធ

អ្នក​ជាប់ពន្ធ Taxpayer គឺជា​រូបវន្ដបុគ្គល ឬ​នីតិបុគ្គល​ដែលជា​កម្មសិទ្ធិករ ឬ​អ្នកកាន់កាប់ ឬ​អ្នកទទួល​ប្រយោជន៍​ចុងក្រោយ លើ​អចលនទ្រព្យ​ទាំងមូល ឬ​ប្រភេទ​អ​ចនទ្រ​ព្យ​ណាមួយ ដូច​មានចែង​ក្នុង​កថាខណ្ឌ​ទី១ នៃ​ប្រការ៣ នៃ​ប្រកា​សលេខ ៤៩៣ សហវ.ប្រក ចុះ​ថ្ងៃទី១៩ ខែកក្កដា ឆ្នាំ២០១០ ស្ដីពី​ការប្រមូល​ពន្ធ​លើ​អចលនទ្រព្យ។

កម្មសិទ្ធិករ សំដៅ​ដល់​រូបវន្ដបុគ្គល ឬ​នីតិបុគ្គល ដែលមាន​ប័ណ្ណ​សម្គាល់​សិទ្ធិ​ឬ​ប័ណ្ណ​សម្គាល់​សិទ្ធិ​កាន់កាប់ អចលនវត្ថុ ឬ​វិញ្ញាបនបត្រ​សម្គាល់​ម្ចាស់​អចលនវត្ថុ ដែល​ចេញ​ដោយ​រដ្ឋបាល​សុរិយោដី។ ផ្ទុយទៅវិញ អ្នកកាន់កាប់ សំដៅ​ដល់ រូបវន្ដបុគ្គល ឬ​នីតិបុគ្គល ដែល​គ្មាន​ប័ណ្ណ​សម្គាល់​សិទ្ធិ ឬ​ប័ណ្ណ​សម្គាល់​សិទ្ធិ​កាន់កាប់​អចលនវត្ថុ ឬ​វិញ្ញាបនបត្រ​សម្គាល់​ម្ចាស់​អចលនវត្ថុ ដែល​ចេញ​ដោយ​រដ្ឋបាល​សុរិយោដី។

ដោយឡែក អ្នកទទួល​ប្រយោជន៍​ចុងក្រោយ សំដៅ​ដល់​រូបវន្ដបុគ្គល ឬ​នីតិបុគ្គល ដែល​ទទួល​នូវ​សិទ្ធិ​ប្រើប្រាស់ សិទ្ធិ​អាស្រ័យ​ផលសិទ្ធិ​ចាត់ចែង និង​សិទ្ធិ​អាស្រ័យ​នៅ​ចុងក្រោយ​លើ​អចលនទ្រព្យ។

ខ. កាតព្វកិច្ច​របស់​អ្នក​ជាប់ពន្ធ

ផ្អែក​តាម​ចំណុច២ នៃ​សេចក្ដីជូនដំណឹង​លេខ០០៦ ម្ចាស់​អចលនទ្រព្យ​ទាំងអស់ ទោះ​ត្រូវ​ជាប់​ឬ​មិនត្រូវ ជាប់ពន្ធ​លើ​អចលនទ្រព្យ​ក្ដី ត្រូវបំពេញ​ព័ត៌មាន​អចលនទ្រព្យ​របស់ខ្លួន ក្នុង​ទម្រង់​លិខិត​ព័ត៌មាន​អចលនទ្រព្យ (ឧបសម្ព័ន្ធ) ផ្ដល់ឱ្យ​ដោយ​សាលាសង្កាត់ ហើយ​ត្រូវ​ប្រគល់ឱ្យ​សាលាសង្កាត់​វិញ ក្នុង​រយៈពេល​យ៉ាងយូរ​រយៈពេល១០ថ្ងៃ នៃ​ថ្ងៃ​ធ្វើការ បន្ទាប់ពី​បានទទួល​ទម្រង់​លិខិត​ព័ត៌មាន​អចលនទ្រព្យ​នោះ។

អ្នក​ជាប់ពន្ធ taxpayer មាន​កាតព្វកិច្ច​ត្រូវ​ចុះបញ្ជី ដាក់​លិខិត​ប្រកាស (ឧបសម្ព័ន្ធ)និង​បង់ប្រាក់​ពន្ធ​ជូន រដ្ឋបាល​សារពើពន្ធ​ក្នុងភូមិ​សាស្ដ្រ ដែល​អចលនទ្រព្យ​នោះ​ស្ថិតនៅ។ ចំពោះ​អ្នក​ជាប់ពន្ធ​ដែលមាន​អចលនទ្រព្យ​ច្រើន ការចុះបញ្ជី ការដាក់​លិខិត​ប្រកាស និង​ការបង់ប្រាក់​ពន្ធ​លើ​អចលនទ្រព្យដាច់ដោយឡែកៗពីគ្នា​ដែរ៕

ទិន្នន័យចុងក្រោយ៖ កម្ពុជានាំចេញទំនិញមានទឹកប្រាក់សរុប ២២ពាន់លានដុល្លារ គិតត្រឹមខែវិច្ឆិកា ឆ្នាំនេះ

ដោយ ហ្សូលី

ភ្នំពេញ៖ កម្ពុជានាំចេញទំនិញទៅកាន់ទីផ្សារអន្តរជាតិមានទឹកប្រាក់សរុប ២២ពាន់លានដុល្លារ កើនឡើង ១៨ ភាគរយ គិតត្រឹមខែវិច្ឆិកា ឆ្នាំ ២០២០នេះ។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍ថា តួលេខចុងក្រោយនៃការនាំចេញ របស់កម្ពុជាបង្ហាញថា មានកំណើន ១៨ ភាគរយ បើទោះបីកម្ពុជាប្រឈមនឹងការរីករាលដាលជំងឺកូវីដ ១៩ ។
ថ្លែងនៅក្នុងពិធីជួបសំណេះសំណាលជាមួយក្រុមមេធាវីរាជរដ្ឋាភិបាល និងក្រុមមេធាវីស្ម័គ្រចិត្តសម្តេចតេជោ នៅថ្ងៃទី ២៥ វិច្ឆិកា ឆ្នាំ ២០២០។

សម្តេចបន្តថា ចំណូលថវិកាចរន្តឆ្នាំ ២០២០ មានប្រមាណ ៤៥០០ លានដុល្លារ។ ចំណូលចរន្តនេះបានមកពី ចំណូលពន្ធដារប្រមាណ ២៥០០ លានដុល្លារ និងចំណូលពន្ធគយប្រមាណ ២១០០ លានដុល្លារ។

សម្តេចតេជោ ហ៊ុន សែន មានប្រសាសន៍ថា ចំណូលចរន្តឆ្នាំ ២០២០ អាចទៅកៀក ៥០០០ លានដុល្លារ នៃ ចំណូលថវិកាចរន្ត ទោះបីចំណូលឆ្នាំនេះមិនគ្រប់តាមផែនការក៏ដោយ ដោយសារការរីករាលជំងឺកូវីដ១៩ ។ ទន្ទឹមនឹងនេះ សម្តេចតេជោលើកឡើងថា រាជរដ្ឋាភិបាលមានសល់សាច់ប្រាក់សន្សំជាង ៣០០០ លានដុល្លារ សម្រាប់ចំណាយចាំបាច់នានា។

ផ្អែកតាមរបាយការណ៍អគ្គនាយកដ្ឋានគោលនយោបាយនៃក្រសួងសេដ្ឋកិច្ច និងហិរញ្ញវត្ថុ បានបង្ហាញថា ទំនិញដែលមានកំណើនលើការនាំចេញខ្ពស់ជាងគេ រួមមានដូចជា អង្ករ កង់ គ្រឿងអគ្គិសនី និងផលិតផលកសិកម្មមួយចំនួនទៀត ជាពិសេស សណ្តែក គ្រាប់ស្វាយចន្ទី និងចេក ។ ចំណែកពាណិជ្ជកម្មនៃការនាំចូលវិញ បើគិតត្រឹមរយៈពេល ៨ ខែ ឆ្នាំ២០២០ ការនាំចូលមានទំហំទឹកប្រាក់សរុបជាង ១១ ម៉ឺនលានដុល្លារអាមេរិក ដោយបានធ្លាក់ចុះក្នុងអត្រាអវិជ្ជមានប្រមាណ ១១,១៦ភាគរយ៕

សភាពាណិជ្ជកម្មកម្ពុជាៈ SMEរួមចំណែកប្រមាណ៧០ភាគរយផ្តល់ការងារ ជូនប្រជាពលរដ្ឋកម្ពុជា

ដោយៈ រ៉ាណេត

ភ្នំពេញៈ សភាពាណិជ្ជកម្មកម្ពុជាបានធ្វើការអះអាងថា តាមរយៈសហគ្រាសធុនតូច និងមធ្យម ដែលកំពុងតែមានភាពផុយស្រួយ និងប្រឈមទៅនឹងផលប៉ះពាល់ពីវិបត្តិសេដ្ឋកិច្ចនៅពេល បានចូលរួមចំណែកយ៉ាងសំខាន់ ក្នុងការផ្តល់ការងារដល់ប្រជាពលរដ្ឋប្រមាណ៧០ភាគរយ ជាពិសេសប្រជាជនដែលងាយរងគ្រោះ។

លោកឧកញ៉ាងួន ម៉េងតិច អគ្គនាយកសភាពាណិជ្ជកម្មកម្ពុជា បានមានប្រសាសន៍នៅថ្ងៃទី២៥ ខែវិច្ឆិកា ឆ្នាំ២០២០នេះថា រហូតមកដល់ពេលនេះ ជំងឺ Covid-19 បានធ្វើ   ឱ្យសេដ្ឋកិច្ចនៅទូទាំងពិភពលោក ធ្លាក់ចុះយ៉ាងគំហុក ហើយសកម្មភាពធុរកិច្ច និងអាជីវកម្មជាច្រើនត្រូវបានបិទ និងកំពុងប្រឈមហានិភ័យជាបន្តទៀត។

នៅក្នុងនោះ សហគ្រាសធុនតូច និងមធ្យម គឺជាប្រភេទធុរកិច្ច ដែលទទួលរងផលប៉ះពាល់ខ្លាំងជាងគេ។

លោកឧកញ៉ាបានបន្តថា “ដើម្បីលើកស្ទួយសេដ្ឋកិច្ចជាតិ ក៏ដូចជាសេដ្ឋកិច្ចពិភពលោក ឱ្យត្រឡប់មកជាប្រក្រតីភាពតាមគន្លងថ្មីវិញ ចាំបាច់ត្រូវផ្ដល់ការគាំទ្រ និងការយកចិត្តដាក់ ជាពិសេសដល់សហគ្រាសធុនតូច និងមធ្យម”។លោកបន្តថា “សហគ្រាសធុនតូចនិងមធ្យម ជាកម្លាំងចលករដ៏សំខាន់ សម្រាប់ការអភិវឌ្ឍសេដ្ឋកិច្ច និងសង្គម។ សម្រា​ប់កម្ពុជា សហគ្រាស ធុនតូច និងមធ្យម បានចូលរួមចំណែកប្រមាណ ៧០% ក្នុងការផ្ដល់ការងារដល់ប្រជាជន”។

ជាមួយគ្នានេះ លោកឧកញ៉ា ងួន ម៉េងតិច បានជំរុញសហគ្រិនភាពទាំងអស់ត្រូវតែត្រៀមជាយុទ្ធសាស្ត្រ ក្នុងការពង្រឹងការប្រកួតប្រជែងរបស់ខ្លួន ក្រោយពីវិបត្តិជំងឺ Covid-19 ដោយផ្ដល់នូវគំនិតថ្មីៗ និងចំគោលដៅ ដោយផ្តោតលើប្រធានបទសំខាន់ៗ ដែលរួមមាន៖ ការគ្រប់គ្រងខ្សែសង្វាក់ផលិតកម្ម ការបង្កើនភាពប្រកួតប្រជែង ការលើកទឹកចិត្តផ្នែកគយ និងប្រព័ន្ធភស្តុភារកម្មជាដើម។  ក្នុងនោះ ក៏មានការចែករំលែកអំពីវិធីសាស្ត្រគណនា និងកំណត់មុខទំនិញ ដែលមានលទ្ធភាពប្រកួតប្រជែងខ្ពស់ ក្នុងទីផ្សារអន្តរជាតិ  រួមទាំងរបៀបប្រើប្រាស់គេហទំព័រTrademaps របស់មជ្ឈមណ្ឌលពាណិជ្ជកម្មអន្តរជាតិ៕