តើកត្តាអ្វីខ្លះផ្តល់ផលប្រយោជន៍ដល់វិស័យអចលនទ្រព្យក្នុងស្ថានភាពទីផ្សារមិនច្បាស់លាស់?

ដោយៈ គង់ សូរិយា

ភ្នំពេញៈ ទោះបីជាទីផ្សារអចលនទ្រព្យនៅកម្ពុជាមានភាពលំបាកក្នុងឆ្នាំ២០២៦ក៏ដោយ ក៏វានៅតែមានសក្តានុពល ទទួលបានផលប្រយោជន៍ពីកំណើនសេដ្ឋកិច្ច ការវិនិយោគលើហេដ្ឋារចនាសម្ព័ន្ធ វិស័យផលិតកម្ម និងការអភិវឌ្ឍទីក្រុងនាពេលអនាគត។

ទោះជាយ៉ាងណាក៏ដោយ កំណើនសេដ្ឋកិច្ចមិនមែនមានន័យថា តម្លៃអចលនទ្រព្យនឹងកើនឡើងដោយស្វ័យប្រវត្តិឡើយ។

សម្រាប់អ្នកដែលជាអ្នកជំនាញផ្នែកអចលនទ្រព្យ ចំណុចសំខាន់គឺត្រូវយល់ដឹងថា តើសកម្មភាពសេដ្ឋកិច្ចមួយណា ដែលបង្កើតតម្រូវការជាក់ស្តែងសម្រាប់អចលនទ្រព្យ។

១. ទស្សនវិស័យសេដ្ឋកិច្ចកម្ពុជាក្នុងឆ្នាំ ២០២៦

ស្ថាប័នវាយតម្លៃសេដ្ឋកិច្ចពិភពលោក បានព្យាករណ៍ថា សេដ្ឋកិច្ចកម្ពុជាឆ្នាំនេះ នឹងសម្រេចបានកំណើនប្រហែល៣,៩ភាគរយ និងកើនឡើងជាង៤ភាគរយក្នុងឆ្នាំ ២០២៧។ នេះបើតាមរបាយការណ៍ថ្មីៗរបស់ធនាគារពិភពលោក (World Bank) នៅខែមិថុនា ឆ្នាំ ២០២៦។

ធនាគារពិភពលោកបានបញ្ជាក់ថា ការនាំចេញផលិតផលពីវិស័យផលិតកម្ម និងការវិនិយោគផ្ទាល់ពីបរទេស (FDI) គឺជាប្រភពដ៏សំខាន់នៃសកម្មភាពសេដ្ឋកិច្ច។

ចំណែកការវាយតម្លៃរបស់មូលនិធិរូបិយវត្ថុអន្តរជាតិ (IMF) លើកម្ពុជាក្នុងខែកក្កដា ឆ្នាំ ២០២៦ មានភាពប្រុងប្រយ័ត្នជាង ដោយព្យាករណ៍កំណើន៣% ក្នុងឆ្នាំ ២០២៦។ ស្ថាប័ននេះក៏បានលើកឡើងផងដែរថា វិស័យសំណង់ តម្រូវការក្នុងស្រុក និងវិស័យអចលនទ្រព្យ នៅតែមានសភាពស្ងប់ស្ងាត់។

អត្ថន័យសម្រាប់វិស័យអចលនទ្រព្យ គឺសេដ្ឋកិច្ចអាចនឹងបន្តរីកចម្រើន ប៉ុន្តែការងើបឡើងវិញនៃវិស័យអចលនទ្រព្យ អាចនឹងមិនស្មើគ្នា និងមានល្បឿនយឺតជាងកំណើនGDP សរុប។

ផលប្រយោជន៍សេដ្ឋកិច្ចចំនួន៥ សម្រាប់វិស័យអចលនទ្រព្យនៅកម្ពុជារួមមាន ទី១. វិស័យផលិតកម្ម និងការបង្កើតការងារថ្មី រោងចក្រ និងការវិនិយោគថ្មីៗ អាចបង្កើតតម្រូវការសម្រាប់ ការអភិវឌ្ឍលំនៅឋានដែលមានតម្លៃសមរម្យ ផ្ទះសម្រាប់ជួល ហាងលក់ទំនិញ និងសេវាកម្មក្នុងស្រុក ឃ្លាំង និងអចលនទ្រព្យសម្រាប់វិស័យឧស្សាហកម្ម។

ធនាគារពិភពលោកបានរាយការណ៍ អំពីការវិនិយោគផ្ទាល់ពីបរទេស (FDI) ចំនួន៥,១ពាន់លានដុល្លារក្នុងឆ្នាំ ២០២៥ និងបានប៉ាន់ប្រមាណថា វាបានជួយគាំទ្រដល់ការងារ ក្នុងប្រព័ន្ធប្រហែល ៤០០.០០០កន្លែង។

ទី២.ការអភិវឌ្ឍហេដ្ឋារចនាសម្ព័ន្ធ

ផ្លូវថ្នល់ ស្ពាន អាកាសយានដ្ឋាន និងហេដ្ឋារចនាសម្ព័ន្ធដឹកជញ្ជូន អាចជួយសម្រួលដល់ការធ្វើដំណើរ និងកាត់បន្ថយពេលវេលាធ្វើដំណើរ។

ផលប្រយោជន៍ដែលអាចទទួលបាន រូមមាន ការតភ្ជាប់កាន់តែប្រសើរទៅកាន់តំបន់ដែលមានការងារធ្វើច្រើន។ ការអភិវឌ្ឍពាណិជ្ជកម្មនៅជិតបណ្តាញដឹកជញ្ជូន ឱកាសកាន់តែច្រើនសម្រាប់អាជីវកម្មដឹកជញ្ជូន និងសេវាកម្ម ហេដ្ឋារចនាសម្ព័ន្ធបង្កើតឱកាសសម្រាប់អចលនទ្រព្យបាន លុះត្រាតែមានការគាំទ្រពីតម្រ។

ទី៣. ការពង្រីកទីក្រុង កំណើនប្រជាជន និងការពង្រីកសកម្មភាពសេដ្ឋកិច្ចអាចគាំទ្រដល់តម្រូវការលំនៅដ្ឋាន និងអចលនទ្រព្យពាណិជ្ជកម្មក្នុងរយៈពេលវែង។

ការស្រាវជ្រាវអាចផ្តោតលើតំបន់ភ្នំពេញ និងតំបន់ជុំវិញ (Greater Phnom Penh) រួមទាំងការតភ្ជាប់បណ្តាញដឹកជញ្ជូន និងកំណើនការងារនៅជុំវិញខណ្ឌដែលកំពុងអភិវឌ្ឍ។

ទី៤. វិស័យដឹកជញ្ជូន (Logistics) និងអចលនទ្រព្យពាណិជ្ជកម្ម ធ្វើឲ្យមានកំណើនពាណិជ្ជកម្ម និងការផលិតអាចជំរុញតម្រូវការសម្រាប់ឃ្លាំងស្តុកទំនិញ អគារពាណិជ្ជកម្មខ្នាតតូច ដីសម្រាប់វិស័យឧស្សាហកម្ម សេវាកម្មពាក់ព័ន្ធនឹងការដឹកជញ្ជូន។

វិស័យទាំងនេះអាស្រ័យលើសកម្មភាពអាជីវកម្ម តម្រូវការរបស់អ្នកជួល និងហេដ្ឋារចនាសម្ព័ន្ធ មិនមែនគ្រាន់តែអាស្រ័យលើការរំពឹងទុកលើការឡើងថ្លៃដីធ្លី (speculation) នោះទេ៕

IMF រដ្ឋាភិបាលចំណាយទុនជាង៦៦ពាន់លានដុល្លារលើការអភិវឌ្ឍហេដ្ឋារចនាសម្ព័ន្ធក្នុងរយៈពេល៣០ឆ្នាំចុងក្រោយ

ដោយៈ ចំណាន

ភ្នំពេញៈ មូលនិធិរូបិយវត្ថុអន្តរជាតិ(IMF) បានព្យាករណ៍ថា រដ្ឋាភិបាលបានចំណាយទុនអស់ ប្រហែល៦៦ពាន់លានដុល្លារអាមេរិក សម្រាប់គម្រោងផែនការប៉ាន់ស្មាន ចាត់ចែងតាមផែនការថវិការ ចំណាយថវិការប្រចាំឆ្នាំ។

តើមានស្ពានចម្ងាយប៉ុន្មាន? នៅកម្ពុជា រដ្ឋាភិបាលបានសាងសង់ស្ពានអាកាសដែលបានបញ្ជាក់បានដូចជា ស្ពានគីហ្សូណា (ស្ពានគីហ្សូណា នៅខេត្តកំពង់ចាម។ សាងសង់ស្ពានអាកាសស្ពានអាកាសក្រោម-ព្រែកប្រា រាជធានីភ្នំពេញ។

ស្ពានអាកាសស្ពានអាកាសពីរ នៃជំនួយហិរញ្ញប្បទានពីរដ្ឋាភិបាល ដោយបានសាងសង់ស្ពានប្រមាះ១៦កន្លែងជាស្ពានវែងៗ និងស្ពានខ្នាតមធ្យម និងស្ពានខ្លីៗរាប់រយកន្លែងទៀត។

ឯកសារបាននបញ្ជាក់លើចំណុច ដូចជា សាងសង់ផ្លូវថ្នល់២.៣ពាន់គីឡូម៉ែត្រ។ ផ្លូវការជួសជុលកិច្ចសហប្រតិបត្តិការអភិវឌ្ឍន៍ធនធាន និងជំនួយក្នុងផ្នែកអភិវឌ្ឍន៍កម្ពុជា (CDC)។ ផ្លូវ និងផ្លូវដែលប្រើប្រាស់ថវិការរបស់រដ្ឋាភិបាលផ្ទាល់ (ដែលមានផ្នែក) ដូចក្នុងឯកសារCDC ជ្រើសរើស។

សេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ បានចេញសេចក្តីប្រកាសព័ត៌មានមួយថា ខ្លួនបានកំណត់គោលដៅរបស់ខ្លួននៅឆ្នាំនេះ លើការដោះស្រាយបញ្ហាផ្លូវលំ និងផែនការឆ្នាំ និងប្រភេទដែលមានតម្លៃស្មើរនឹងមូលបត្របំណុល។

កម្ពុជាមានទំនាក់ទំនងល្អជាមួយប្រទេសចិន ជប៉ុន ដៃគូរចិន ធនាគារADB និងធនាគារពិភពលោក និងហិរញ្ញប្បទានមួយចំនួនជាកម្ចីការប្រាក់ទាប និងជាជំនួយឥតសំណង៕

រដ្ឋមន្រ្តីៈ ការអភិវឌ្ឍមូលធនមនុស្សក្នុងវិស័យទេសចរណ៍ ជាការងារអាទិភាពដ៏សំខាន់

ភ្នំពេញៈ រដ្ឋមន្រ្តីក្រសួងទេសចរណ៍ លោកហួត ហាក់បានថ្លែងថា ការអភិវឌ្ឍមូលធនមនុស្សក្នុងវិស័យទេសចរណ៍ ជាការងារអាទិភាពដ៏សំខាន់ ដែលតម្រូវឱ្យក្រសួង ទេសចរណ៍ មានការគិតគូរខ្ពស់ទាំង គុណវុឌ្ឍិ សមត្ថភាព ជំនាញវិជ្ជាជីវៈ ក្រមសីលធម៌ និងផលិតភាព។

ការអភិវឌ្ឍន៍នេះ សំដៅធានាបាននូវការផ្តល់សេវាកម្មទេសចរណ៍ និងបដិសណ្ឋារកិច្ចប្រកបដោយគុណភាពខ្ពស់ ផ្តល់ភាពកក់ក្តៅ និងភាពទាក់ទាញដល់ភ្ញៀវទេសចរជាតិ-អន្តរជាតិ។

លោកហួត ហាក់ រដ្ឋមន្រ្តីក្រសួងទេសចរណ៍ និងជាប្រធានគណៈកម្មាធិការជាតិ អ្នកជំនាញទេសចរណ៍ បានអញ្ជើញជាអធិបតីក្នុងពិធីបិទ “កម្មវិធីហាត់ការវិជ្ជាជីវៈតាមមូលដ្ឋានអាជីវកម្ម សម្រាប់ ខេត្ត គោល ដៅ របស់ កម្ម វិធី អភិវឌ្ឍន៍ ជំនាញ”។

កម្មវិធីហាត់ការវិជ្ជាជីវៈតាមមូលដ្ឋានអាជីវកម្មនេះ មានគោលបំណងសំខាន់គឺ នាំគ្រូបង្គោល និងអ្នកបណ្តុះបណ្តាលតាមបណ្តាខេត្តគោលដៅគម្រោង ទៅទទួលបទពិសោធន៍ការងារជាក់ស្តែងនៅក្នុងសណ្ឋាគារ និងភោជនីយដ្ឋានស្តង់ដា ដើម្បីពង្រឹងជំនាញ និងធ្វើឱ្យការបណ្តុះបណ្តាលហូកា មានភាពជាក់ស្តែង និងស្របតាមតម្រូវការឧស្សាហកម្ម។

ក្នុងពិធីដ៏មានសារៈសំខាន់នេះ មានការអញ្ជើញចូលរួមពីលោក ង៉ូវ សេងកាក់ អភិបាលរងខេត្តសៀមរាប លោក François Schnoebelen នាយកសាលាសណ្ឋាគារ និងទេសចរណ៍ប៉ូលឌុយប្រ៊ូល ឯកឧត្តមរដ្ឋលេខាធិការប្រចាំការ និងមន្រ្តីពាក់ព័ន្ធ។

ថ្លែងក្នុងពិធីលោករដ្ឋមន្រ្តី បានសម្តែងនូវការកោតសរសើរ និងវាយតម្លៃខ្ពស់ ជូនចំពោះរដ្ឋបាលខេត្តសៀមរាប គណៈកម្មការគ្រប់គ្រងគម្រោងហូកា នៃក្រសួងទេសចរណ៍ អង្គការស្វីសខន់ថាក់ ព្រមទាំងភាគីពាក់ព័ន្ធ លោក François Schnoebelen នាយកសាលាសណ្ឋាគារ និងទេសចរណ៍ប៉ូលឌុយប្រ៊ូល និងសហការី, តំណាងក្លឹបទេសចរណ៍ខេត្តសៀមរាប ព្រមទាំងតំណាងម្ចាស់មូលដ្ឋានអាជីវកម្មទាំង១៨ទីតាំង ដែលបានសហការយ៉ាងល្អក្នុងការរៀបចំ និងបានបន្តជាដៃគូដ៏សំខាន់ របស់ក្រសួងទេសចរណ៍ ក្នុងការបណ្តុះបណ្តាល និងអភិវឌ្ឍធនធានមនុស្សស្របតាមស្តង់ដាអាស៊ាន។

ទន្ទឹមនេះ លោករដ្ឋមន្រ្តីបានគូសរំលេចថា បទពិសោធន៍ និងការចែករំលែករបស់លោក លោកស្រីវាគ្មិនទាំងអស់ ពិតជាបានបង្ហាញយ៉ាងច្បាស់ អំពីភាពចាំបាច់នៃការរៀនសូត្រ ដោយត្រូវផ្សារភ្ជាប់ជាមួយនឹងការអនុវត្តជាក់ស្តែងនៅហ្នឹងកន្លែង និងសារៈសំខាន់ នៃកិច្ចសហការរវាងស្ថាប័នបណ្តុះបណ្តាល និងវិស័យឯកជន ក្នុងការពង្រឹងសមត្ថភាពគ្រូបង្គោល និងអ្នកជំនាញទេសចរណ៍។

ក្នុងន័យនេះ តាមរយៈការហាត់ការផ្ទាល់នេះ សិក្ខាកាមបានទទួលការបង្ហាត់បង្ហាញ ការណែនាំ និងការតម្រង់ទិសពីអ្នកជំនាញក្នុងវិស័យទេសចរណ៍ និងបដិសណ្ឋារ កិច្ច ដើម្បីពង្រឹងសមត្ថភាពទាំងចំណេះដឹង ជំនាញបច្ចេកទេស និងឥរិយា បថ វិជ្ជាជីវៈស្របតាមស្តង់ដាឧស្សាហកម្មទេសចរណ៍។

ជាមួយគ្នានេះ លោកហួត ហាក់បានមានប្រសាសន៍បន្ថែមថា ក្រសួងទេសចរណ៍ កំពុងជំរុញការភ្ជាប់កម្មវិធីបណ្តុះបណ្តាល HoKa ទៅនឹងក្របខណ្ឌគុណវុឌ្ឍិជាតិកម្ពុជា (National Qualifications)ដើម្បីឱ្យជំនាញ និងបទពិសោធការងារ ទទួលបានការទទួលស្គាល់ជាផ្លូវការ និងបង្កើតគន្លងអាជីពកាន់តែច្បាស់លាស់។ ជាពិសេស ឯកឧត្តម ក៏បានលើកទឹកចិត្តឱ្យគ្រប់ភាគីពាក់ព័ន្ធ បន្តពង្រឹងកិច្ចសហការ ដើម្បីឱ្យការអភិវឌ្ឍជំនាញ ឆ្លើយតបនឹងតម្រូវការទីផ្សារការងារ ស្របតាមទស្សនទាន ពី “ជំនាញ ទៅសមត្ថភាព” ពី “សមត្ថភាព ទៅគុណវុឌ្ឍិ”និងពី “គុណវុឌ្ឍិ ទៅអាជីព”៕

ហេតុអ្វីទីផ្សារលំនៅឋានជាបញ្ហាដ៏រសើបបំផុតមួយនៅក្នុងប្រទេសកូរ៉េខាងត្បូង?

ដោយ: សហសេវិក
អន្តរជាតិ: នៅក្នុងប្រទេសកូរ៉េខាងត្បូង ទីផ្សារអចលនទ្រព្យគឺជាប្រភពចម្បងនៃទ្រព្យសម្បត្តិគ្រួសារ សុវត្ថិភាពសម្រាប់វ័យចូលនិវត្តន៍ និងការផ្លាស់ប្តូរស្ថានភាពសង្គម។

ការងារ និងឱកាសនានាត្រូវបានប្រមូលផ្តុំនៅក្នុងតំបន់ទីក្រុងសេអ៊ូល រដ្ឋធានីនៃប្រទេសមួយនេះ ខណៈដែលផ្ទៃដីមានកម្រិត បានធ្វើឱ្យតម្រូវការលំនៅឋាន និងតម្លៃលំនៅឋានហក់ឡើងខ្ពស់ខ្លាំង។

តម្លៃអាផាតមុិនជាមធ្យមនៅក្នុងទីក្រុងសេអ៊ូលមានទំហំទឹកប្រាក់ចំនួន ១,៥៨ ពាន់លានវ៉ុន (១,០៨ លានដុល្លារអាមេរិក) នៅខែមិថុនា ដែលខ្ពស់ជាងតម្លៃមធ្យមទូទាំងប្រទេសប្រហែល ២,៧ ដង។

ទ្រព្យសម្បត្តិរបស់គ្រួសារប្រជាជនកូរ៉េខាងត្បូងចំនួនជាង ៧០ភាគរយ ស្ថិតនៅក្នុងទម្រង់ជាអចលនទ្រព្យ ដែលធ្វើឱ្យផ្ទះក្លាយជាជម្រើសនៃការវិនិយោគរយៈពេលវែងដែលគេពេញនិយម។

យុវជននៅកូរ៉េខាងត្បូងចង់បានផ្ទះដែលមានតម្លៃសមរម្យ ខណៈដែលម្ចាស់ផ្ទះវ័យចំណាស់ច្រើនតែពឹងផ្អែកលើការកើនឡើងនៃតម្លៃអចលនទ្រព្យសម្រាប់ចិញ្ចឹមជីវិតរស់នៅពេលចូលនិវត្តន៍។

ការមានកម្មសិទ្ធិផ្ទះផ្ទាល់ខ្លួនត្រូវបានគេចាត់ទុកជាការរំពឹងទុករបស់សង្គម និងជានិមិត្តរូបនៃភាពជោគជ័យ ដូច្នេះហើយការកើនឡើងនៃតម្លៃផ្ទះបង្កឱ្យមានការមិនពេញចិត្តពីសាធារណជនខ្លាំងជាងការកើនឡើងនៃតម្លៃភាគហ៊ុន ឬរូបិយប័ណ្ណគ្រីបតូ (cryptocurrencies) ទៅទៀត។

ក្រោយសង្គ្រាមកូរ៉េ និងការរីកចម្រើនយ៉ាងឆាប់រហ័សនៃនគរូបនីយកម្ម ការមានផ្ទះផ្ទាល់ខ្លួនបានក្លាយជាសញ្ញាណដ៏សំខាន់បំផុតមួយដែលបង្ហាញពីការកើនឡើងនៃឋានៈរបស់មនុស្សក្នុងសង្គមនៅក្នុងសង្គមកូរ៉េខាងត្បូង៕

ទស្សនាអរិយធ៌មអង្គរ ក្រោមដំណក់ទឹកភ្លៀងរដូវវស្សា ជាបទពិសោធន៍ដ៏កម្ររបស់ទេសចរ

ដោយៈ ចំណាន

សៀមរាបៈ រដូវវស្សា តែងតែមានភ្លៀងធ្លាក់ជាញឹកញាប់ តែនេះមិនមែនជាឧបសគ្គ សម្រាប់ទេសចរមកទស្សនារមណីយដ្ឋានអង្គរឡើយ។

បើទោះបីជាមេឃកំពុងតែភ្លៀងរលឹមក្តី ក៏ទេសចរនៅតែចូលមកទស្សនាប្រាសាទ ដោយអ្នកខ្លះបាំងឆត្រ មួក ឬកន្សែង អ្នកខ្លះពាក់អាវភ្លៀង និងខ្លះទៀតដើរក្រោមដំណក់ភ្លៀងដោយផ្ទាល់ តាមដំណើរធម្មជាតិ ដែលហាក់កំពុងទទួលទឹកពិសិដ្ឋ ប្រោសព្រំពីអាទិទេពដូច្នោះដែរ។

ភ្ញៀវទេសចរទាំងនោះ ហាក់ទទួលបានអារម្មណ៍មួយប្លែកមើលទៅប្រាសាទមានទស្សនីយភាព មានសោភ័ណភាពស្រស់ស្អាតមួយបែបខុសពីផ្ទៃមេឃបើកថ្ងៃ ហើយទេសចរក៏មិនទុកពេលវេលានេះកន្លងទៅដោយអសារបង់ឡើយ។

ពួកគាត់មានទឹកមុខញញឹមញញែម មិននឿយណាយនឹងដើរក្រោមដំណក់ទឹកភ្លៀង ដោយពួកគេដើរទស្សនាឥតរុញរា និងថតផ្តិតរូបភាពទុកជាអនុស្សាវរីយ៍ផង។ ការមកទស្សនាប្រាសាទចំពេលវេលាមានភ្លៀងធ្លាក់ ក្រោមបរិយាកាសត្រជាក់ត្រជុំបែបនេះ ក៏ជាបទពិសោធន៍ដ៏កម្រក្នុងឆាកជីវិត ដែលមានពេលវេលាបានមកទស្សនារមណីយដ្ឋានអង្គរ នារដូវវស្សាផង៕

តើទីផ្សារការិយាល័យនៅប្រទេសសិង្ហបុរីនឹងប្រឈមស្ថានភាពបែបណា ស្របពេលបច្ចេកវិទ្យា AI រីកចម្រើនលឿន?

ដោយ: សហសេវិក
អន្តរជាតិ: វិស័យបញ្ញាសិប្បនិម្មិត (AI) ទំនងជាមិនកាត់បន្ថយតម្រូវការការិយាល័យដែលមានគុណភាពខ្ពស់ (កម្រិត A) នៅក្នុងប្រទេសសិង្ហបុរីក្នុងកម្រិតធំនោះទេ។

ក្រុមហ៊ុន Cushman & Wakefield បានសិក្សាអំពីសេណារីយ៉ូដែលអាចកើតមានចំនួន ៤ ពាក់ព័ន្ធនឹង AI រហូតដល់ឆ្នាំ ២០៣០ រាប់ចាប់ពីកំណើនសេដ្ឋកិច្ចដ៏ខ្លាំងក្លាដែលជំរុញដោយ AI រហូតដល់ការបាត់បង់ការងារក្នុងកម្រិតធំ។

នៅត្រឹមឆ្នាំ ២០៣០ អត្រាការិយាល័យទំនេរកម្រិត A នៅក្នុងតំបន់ពាណិជ្ជកម្មកណ្តាល (CBD) របស់សិង្ហបុរីអាចនឹងស្ថិតនៅក្នុងចន្លោះពី ១,៥% ទៅ ៤,៩% បើធៀបនឹង ៤,៤% នៅចុងឆ្នាំ ២០២៥។

តម្លៃជួលការិយាល័យកម្រិត A អាចនឹងកើនឡើង ៦,៥% ឬធ្លាក់ចុះ ២,៣% នៅត្រឹមឆ្នាំ ២០៣០ ដោយអាស្រ័យលើឥទ្ធិពលរបស់បច្ចេកវិទ្យា AI មកលើសេដ្ឋកិច្ច និងការងារ។ តម្លៃជួលបានកើនឡើង ២,២% នៅក្នុងឆ្នាំ ២០២៥។
បើទោះបីជាបច្ចេកវិទ្យា AI នឹងចូលមកជំនួសការងារដែលមានលក្ខណៈជាទម្លាប់មួយចំនួនយ៉ាងណាក្តី ក៏ការិយាល័យអាចនឹងកាន់តែមានសារៈសំខាន់សម្រាប់ការសហការដើម្បីបង្កើតគំនិតនវានុវត្តន៍ថ្មីៗ និងការជួបជាមួយអតិថិជន។

ចំណុចនេះអាចជំរុញនិន្នាការនៃការស្វែងរកការិយាល័យដែលមានគុណភាពខ្ពស់ (flight to quality) ដោយក្រុមហ៊ុននានានឹងផ្តល់អាទិភាពដល់ការិយាល័យដែលមានគុណភាពល្អជាង មានភាពទំនើប និងមានការតភ្ជាប់បានយ៉ាងល្អ។

ការិយាល័យកម្រិត A មានគុណសម្បត្តិដ៏សំខាន់មួយរួចជាស្រេច៖ តម្លៃជួលការិយាល័យកម្រិត A មានទំហំទឹកប្រាក់ខ្ពស់ជាងការិយាល័យកម្រិត B ចំនួន ៤៨% នៅឆ្នាំ ២០២៦ ដែលកើនឡើងពីកម្រិត ៣៤% ក្នុងឆ្នាំ ២០១៩។

ការផ្គត់ផ្គង់ថ្មីនៅមានកម្រិតក៏ជាកត្តាជួយគាំទ្រដល់ទីផ្សារការិយាល័យកម្រិត A ផងដែរ។ អត្រាការិយាល័យទំនេរកម្រិត A (មិនមានអ្នកជួល) ត្រូវបានរំពឹងថានឹងធ្លាក់ចុះមកនៅត្រឹម ៣,៧% នៅដំណាច់ឆ្នាំ ២០២៦ និងអាចធ្លាក់ចុះក្រោម ២% បន្ទាប់ពីឆ្នាំ ២០២៩។ តម្លៃជួលត្រូវបានព្យាករថានឹងកើនឡើង ៤,៨% នៅឆ្នាំ ២០២៦។

តួនាទីរបស់ប្រទេសសិង្ហបុរីក្នុងនាមជាមជ្ឈមណ្ឌលសម្រាប់បច្ចេកវិទ្យា សេវាកម្មវិជ្ជាជីវៈ និងឧស្សាហកម្មដែលផ្អែកលើចំណេះដឹង ត្រូវបានរំពឹងថានឹងជួយឱ្យទីផ្សារការិយាល័យរបស់ខ្លួនអាចសម្របខ្លួនទៅនឹងបច្ចេកវិទ្យាបញ្ញាសិប្បនិម្មិត (AI) បាន៕

Kampong Cham Province Accelerates the Development of Key Physical Infrastructure and Tourism

By MoT

Kampong Cham. Kampong Cham Province Accelerates the Development of Key Physical Infrastructure and Tourism Support Facilities, and Promotes the Creation of Attractive New Tourism Products in Line with the “Kampong Cham Tourism Development Plan 2026–2030” to Become the Most Suitable Weekend Getaway Destination for National and International Tourists to Enjoy New, Rich, and Unforgettable Experiences!

H.E. HUOT Hak, Minister of Tourism, together with H.E. UN Chanda, Governor of Kampong Cham Province, presided over the dissemination ceremony to launch the implementation of the “Kampong Cham Tourism Development Plan 2026–2030.” This plan is the result of joint efforts and demonstrates the province’s determination to transform its existing potential into high value-added tourism products and experiences.

This grand morning ceremony was attended by Excellencies and Lok Chumteavs who are leaders of the Ministry of Tourism; Excellencies, Lok Chumteavs, Ladies, and Gentlemen representing relevant units and departments around the province; local authorities at all levels; all types of armed forces; uncles, aunts, brothers, and sisters who are tourism operators; tourism communities; Union of Youth Federations of Cambodia (UYFC) youth; and content creators totaling approximately 300 participants at the Kampong Cham Provincial Hall.

Speaking on this occasion, H.E. the Minister expressed his congratulations and praise for the many proud achievements that Kampong Cham Province has accomplished under the leadership of the Governor and provincial leaders, as well as civil servants at all levels. These tangible (hard) and intangible (soft) achievements have not only improved livelihoods and facilitated travel for citizens, but have also strengthened and expanded connectivity to major tourism destinations and economic zones, creating a more favorable environment for business, investment, andsustainable tourism development.

Concurrently, H.E. the Minister added that the provincial administration and the people of Kampong Cham Province have been actively driving development across all sectors, especially tourism, by strengthening service quality, hospitality, sanitation, aesthetics, and tourism safety aimed at increasing attractiveness and offering warmth and confidence to national and international tourists. This rapid progress has contributed to making Kampong Cham not only an attractive tourism destination, but also a strategic gateway connecting Phnom Penh to the northeastern provinces.
At the same time, H.E. the Minister noted and praised key initiatives and development projects of Kampong Cham Province that will take shape in the near future, which will further attract more national and international tourists. These include: a floating steel tourism port, a tourism hospitality center, riverbank restoration and improvements, the arrangement of Techo Thipadei Park, as well as the preparation of a pedestrian street to boost night-time tourism activities. Indeed, the improvement of creative physical infrastructure and support facilities, along with projects to build statues representing the province’s identity, serve as attractive and high value-added products for the tourism sector.

ថ្នាក់ដឹកនាំក្រុមហ៊ុនធំមួយបង្ហាញសុទិដ្ឋិនិយមពីអនាគតកម្ពុជា ជាមួយច្បាប់វិនិយោគដ៏ល្អ

ដោយៈ ចំណាន

ភ្នំពេញៈ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា និងសហការី បានទទួលជួបពិភាក្សាការងារ ជាមួយគណៈប្រតិភូ JAPFA Group ដឹកនាំដោយលោក Mark Gerald Eman នាយកក្រុមហ៊ុន។

ក្រុមហ៊ុន JAPFA Group ជាក្រុមហ៊ុនកសិ-ចំណីអាហារ (agri-food) ឈានមុខមួយនៅអាស៊ី ដែលត្រូវបានបង្កើតឡើងនៅឆ្នាំ ១៩៧១ នៅប្រទេសឥណ្ឌូនេស៊ី ហើយមានបទពិសោធន៍ប្រមាណ ៥៥ឆ្នាំ ក្នុងការផលិត និងផ្គត់ផ្គង់ផលិតផលប្រូតេអ៊ីនសំខាន់ៗ និងអាហារវេចខ្ចប់។ បច្ចុប្បន្ន ក្រុមហ៊ុនមានប្រតិបត្តិការនៅប្រទេសឥណ្ឌូនេស៊ី វៀតណាម ឥណ្ឌា មីយ៉ាន់ម៉ា និងបង់ក្លាដែស។ ក្រុមហ៊ុន JAPFA Group អនុវត្តគំរូអាជីវកម្មរួមបញ្ចូលគ្នានូវខ្សែច្រវាក់តម្លៃទាំងមូល “Feed–Farm–Food” ចាប់ពីការផលិតចំណីសត្វ កសិដ្ឋានចិញ្ចឹមសត្វ ការកែច្នៃ រហូតដល់ការផលិត និងចែកចាយផលិតផលអាហារសម្រាប់អ្នកប្រើប្រាស់ និងវិស័យសេវាកម្មម្ហូបអាហារ។

ក្នុងជំនួបនេះ លោកជា វុទ្ធី បានសម្តែងនូវសេចក្តីសោមនស្សរីករាយក្រៃលែង ចំពោះគណៈប្រតិភូក្រុមហ៊ុន JAPFA Group ដែលបានអញ្ជើញមកកម្ពុជា ដើម្បីស្វែងយល់ពីបរិយាកាសវិនិយោគ និងស្វែងរកកាលានុវត្តភាពវិនិយោគ នៅក្នុងវិស័យកសិកម្ម និងកសិ ឧស្សាហកម្ម។

លោកអគ្គលេខាធិការបានជម្រាបជូនពីច្បាប់ស្តីពី វិនិយោគ ជាពិសេស របបលើកទឹកចិត្តដែលមានភាពទាក់ទាញ និងគោលនយោបាយគាំទ្រផ្សេងៗ ដែលរាជរដ្ឋាភិបាលបានបន្តដាក់ចេញ ដើម្បីលើកកម្ពស់សកម្មភាពធុរកិច្ចនិងវិនិយោគ។ ទន្ទឹមនេះលោកអគ្គលេខាធិការក៏បានលើកឡើងពីការដាក់ចេញនូវ “ក្របខណ្ឌអភិវឌ្ឍន៍សួនកសិ ឧស្សាហកម្មនៅកម្ពុជា” កាលពីថ្ងៃទី២៩ ខែឧសភា ឆ្នាំ២០២៦ កន្លងមក ដើម្បីទាក់ទាញវិនិយោគឯកជន ក្នុងគោលដៅជំរុញការកែច្នៃកសិផល និងបង្កើនតម្លៃបន្ថែមនៃវិស័យនេះក្នុងសេដ្ឋកិច្ចជាតិ។

លោក Mark Gerald Eman ប្រធានគណៈប្រតិភូបានកត់សម្គាល់ពីការរីកចម្រើន យ៉ាងឆាប់រហ័សរបស់កម្ពុជា និងបានទទួលស្គាល់ថា ច្បាប់ស្តីពីវិនិយោគរបស់កម្ពុជា ពិតជាមានភាពបើកចំហ មានតម្លាភាព ហើយរបបលើកទឹកចិត្តមានភាពប្រកួតប្រជែងខ្ពស់ ព្រមទាំងមានក្របខណ្ឌគោលនយោបាយដោយឡែក សម្រាប់គាំទ្រដល់វិស័យកសិ ឧស្សាហកម្ម។

ក្នុងន័យនេះ លោកបានសម្តែងនូវសុទិដ្ឋិនិយមខ្ពស់ថា កម្ពុជាគឺជាគោលដៅសម្រាប់ក្រុមហ៊ុនបណ្តាក់ទុនវិនិយោគ។

លោកអគ្គលេខាធិការបានសម្តែងនូវស្វាគមន៍យ៉ាងកក់ក្តៅ និងគាំទ្រចំពោះគោលបំណង បណ្តាក់ទុនវិនិយោគនៅកម្ពុជា ព្រោះវិស័យកសិកម្ម និងកសិ ឧស្សាហកម្មនៅកម្ពុជាមានសក្តានុពលធំធេង ដែលទាមទារឱ្យមានក្រុមហ៊ុនដែលជំនាញ និងបទពិសោធន៍ច្បាស់លាស់មកបណ្តាក់ទុនវិនិយោគ ដើម្បីទាញយកអត្ថប្រយោជន៍ជាអតិបរមាពីវិស័យនេះ។ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា ត្រៀមខ្លួនរួចរាល់ដើម្បីសម្របសម្រួល និងផ្តល់ការគាំទ្រដល់ក្រុមហ៊ុនមិនត្រឹមតែនៅដំណាក់កាល សម្រេចចិត្តវិនិយោគប៉ុណ្ណោះទេ ប៉ុន្តែពេញមួយវដ្តនៃការវិនិយោគនៅកម្ពុជា៕

មន្រ្តីជាន់ខ្ពស់ដឹកនាំកិច្ចប្រជុំពិភាក្សាស្តីពីស្ថានភាព នៃការដឹកជញ្ជូនឆ្លងកាត់ព្រំដែនរវាងកម្ពុជា-វៀតណាម

ដោយៈ ម៉ាណា

ភ្នំពេញៈ លោកប៉េង ពោធិ៍នា រដ្ឋមន្រ្តីក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សា ស្តីពីស្ថានភាព នៃការដឹកជញ្ជូនឆ្លងកាត់ព្រំដែនរវាងកម្ពុជា-វៀតណាម។

កិច្ចប្រជុំនេះ ដោយមានការចូលរួមពីថ្នាក់ដឹកនាំក្រសួង ក្រសួង-ស្ថាប័នពាក់ព័ន្ធ និងមន្រ្តីជំនាញជាច្រើនរូប។ កិច្ចប្រជុំនេះត្រូវបានរៀបចំឡើងដើម្បីពិភាក្សា និងពិគ្រោះយោបល់ ក្នុងក្របខណ្ឌអន្តរក្រសួង លើបញ្ហាប្រឈម និងផលប៉ះពាល់នានា នៃការដឹកជញ្ជូនឆ្លងកាត់ព្រំដែន៕

កម្ពុជាដាក់ដំណើរការមធ្យោបាយដឹកជញ្ជូនផ្លូវទឹកថ្មីសម្រាប់នាំចេញអង្ករដោយផ្ទាល់ទៅកាន់ទីផ្សារប្រទេសហ្វីលីពីន

ដោយៈ ម៉ាណា

ព្រះសីហនុៈ នៅកំពង់ផែស្វយ័តព្រះសីហនុ លោកឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីភាពក្នុងពិធីសម្ពោធដ៏សំខាន់នៃ “ការដឹកជញ្ជូនអង្ករ ១០ ០០០ តោន តាមផ្លូវទឹកដោយនាវាដឹកទំនិញរាយ” រវាងក្រុមហ៊ុន City Rice និង Dilai Trading ដើម្បីនាំចេញដោយផ្ទាល់ពីកម្ពុជាទៅកាន់សាធារណរដ្ឋហ្វីលីពីន។

ពិធីនេះគឺជាការចាប់ផ្តើមថ្មីមួយ សម្រាប់វិស័យអង្ករកម្ពុជា ដោយការដឹកជញ្ជូនតាមរយៈនាវាដឹកទំនិញរាយ នឹងបង្កើនសមត្ថភាពការនាំចេញអង្ករតាមផ្លូវទឹកបន្ថែមទៀត ពីលើការដឹកជញ្ជូនតាមនាវាកុងតឺន័រ។ មធ្យោបាយនេះជួយបង្កើនប្រសិទ្ធភាព បង្កើនភាពប្រកួតប្រជែងរបស់អង្ករកម្ពុជាលើទីផ្សារអន្តរជាតិ កាត់បន្ថយចំណាយនិងពេលវេលាដឹកជញ្ជូន និងធានានូវការផ្គត់ផ្គង់អង្ករ ដែលមានគុណភាពខ្ពស់ទៅទីផ្សារហ្វីលីពីនប្រកបដោយស្ថិរភាព។

ការដឹកជញ្ជូននាំចេញអង្ករកម្ពុជា តាមនាវាទំនិញរាយ គឺសម្រេចបាន តាមរយៈការផ្ដល់ការណែនាំដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា លើការប្រើប្រាស់កំពង់ផែស្វយ័តព្រះសីហនុ ហើយជោគជ័យនេះ គឺកើតចេញពីការសហការ និងសម្របសម្រួលយ៉ាងជិតស្និទ្ធ ពីកំពង់ផែស្វយ័តព្រះសីហនុ។

ក្នុងរយៈពេល៨ខែដំបូងនៃឆ្នាំ២០២៦ កម្ពុជាបាននាំចេញអង្ករទៅហ្វីលីពីន បានចំនួន១២២,១០២តោន ដែលស្មើនឹងជាង១៥,៤ភាគរយ នៃបរិមាណនាំចេញអង្ករសរុប ៧៩២ ២១២ តោន។ តាមការបញ្ជាក់របស់សហព័ន្ធអង្ករកម្ពុជា (CRF) អង្ករដែលមានកិច្ចសន្យាទិញរួចហើយសម្រាប់ខែកញ្ញា ដល់ខែធ្នូឆ្នាំនេះ ត្រូវបានគេរំពឹងថា នឹងមានបន្ថែមទៀត៨៧,៣៤៤ តោន ដែលនឹងធ្វើឱ្យបរិមាណនាំចេញសរុបទៅហ្វីលីពីនក្នុងឆ្នាំ២០២៦ ឈានដល់ប្រមាណ២០៩ ៤៤៦តោន។

នេះគឺជាការកើនឡើង ដ៏ធំបើប្រៀបធៀបនឹងឆ្នាំមុនៗ ហើយជាកត្តាដ៏ធំមួយ ដែលរួមចំណែកក្នុងការព្យាករណ៍ ឆ្ពោះទៅកាន់ការនាំចេញច្រើនជាង១លានតោន នៅឆ្នាំ ២០២៦ នេះដែលជាការបំបែកឯតទគ្គកម្មនាំចេញ៩៤០,៣២១ តោនកាលពីឆ្នាំ២០២៥ ។

សមិទ្ធផលនេះ គឺកើតចេញពីការខិតខំប្រឹងប្រែង រវាងរាជរដ្ឋាភិបាលកម្ពុជា និងរដ្ឋាភិបាលហ្វីលីពីន ព្រមទាំងវិស័យឯកជននៃប្រទេសទាំងពីរ ក្នុងការបើកទីផ្សារថ្មីនៅហ្វីលីពីន និងការតភ្ជាប់វិស័យឯកជន ដើម្បីផ្ដល់អត្ថប្រយោជន៍ទៅវិញ ទៅមកដោយកម្ពុជា ទទួលបានទីផ្សារថ្មី ហើយហ្វីលីពីនទទួលបានប្រភពអង្ករថ្មី ដើម្បីចូលរួមធានាសន្តិសុខស្បៀង។

ការសហការយ៉ាងជិតស្និទ្ធ រវាងរដ្ឋមន្ត្រីក្រសួងកសិកម្មកម្ពុជា និង រដ្ឋមន្ត្រីក្រសួងកសិកម្មហ្វីលីពីន Francisco P.Tiu Laurel Jr. រួមទាំងវិស័យឯកជន និងស្ថាប័នរដ្ឋាភិបាលពាក់ព័ន្ធផ្សេងទៀត ជាពិសេ សការសម្របសម្រួល ការរៀបចំវេទិកាទំនាក់ទំនងផ្គូរផ្គង វិស័យឯកជនB2B បានរួមចំណែកយ៉ាងសំខាន់ ក្នុងលទ្ធផលជាក់ស្តែងនេះ។

កិច្ចសហការរវាងរដ្ឋ និងរដ្ឋ រួមជាមួយវិស័យឯកជន គឺជាកម្លាំងចលករយ៉ាងសំខាន់ ក្នុងការសម្រេចបាននូវការ បើកទីផ្សារនាំចេញអង្ករដ៏ធំនេះ ហើយក៏រួមចំណែកយ៉ាងសំខាន់ ក្នុងដំណើរឆ្ពោះទៅរកការបំបែកឯតទគ្គកម្ម ការនាំចេញជាបន្តបន្ទាប់នៅពេលអនាគត៕

1...222324...3,371 Page 23 of 3,371