តម្លៃជួលអាផាតមុិននៅទីក្រុងធំៗក្នុងប្រទេសជប៉ុនហក់ឡើងដល់ជាង៣០ភាគរយនៃប្រាក់ចំណូលគ្រួសារ

0

ដោយ: គង់ លាងហួរ
អន្តរជាតិ: តម្លៃជួលអាផាតមុិនកំពុងកើនឡើងនៅក្នុងទីក្រុងធំៗរបស់ប្រទេសជប៉ុន ដូចជាទីក្រុងតូក្យូ និងទីក្រុងអូសាកា ខណៈគ្រួសារជាច្រើនសម្រុកទៅកាន់តំបន់កណ្តាលទីក្រុង ដែលធ្វើ​ឱ្យ​ពួកគេ​ពិបាក​សន្សំ​ប្រាក់ទិញផ្ទះ​នា​ពេល​អនាគត។

ជាមធ្យម ប្រជាជននៅប្រទេសជប៉ុនចំណាយប្រាក់ចន្លោះពី១៨ភាគរយទៅ៣៤ភាគរយនៃទំហំប្រាក់ចំណូលសរុប បន្ទាប់ពីបានបង់ពន្ធរួច (Disposable income) របស់ពួកគេលើការជួលអាផាតមុិន។

ដោយឡែក ប្រជាជនរស់នៅចំកណ្តាលទីក្រុងតូក្យូចំណាយប្រាក់យ៉ាងតិច៣៤ភាគរយនៃទំហំប្រាក់ចំណូលសរុប បន្ទាប់ពីបានបង់ពន្ធរួច របស់ពួកគេលើការជួលអាផាតមុិន។នេះបើយោងតាមការចុះផ្សាយដោយកាសែត Nikkei Asia។

ទោះ​បី​ជា​ប្រាក់​ឈ្នួល​បានកើនឡើងយ៉ាងណាក្តី ក៏​ប៉ុន្តែតម្លៃ​ជួល​អាផាតមុិនបានកើនឡើង​លឿនជាងប្រាក់ឈ្នួល។ ជាពិសេស ការជួលអាផាតមុិនបែបគ្រួសារនៅសង្កាត់ទាំង២៣ ក្នុងទីក្រុងតូក្យូបានកើនឡើសលើស២១០.០០០យ៉េនក្នុងមួយខែ ឬស្មើនឹងចំនួន៣៤ភាគរយនៃប្រាក់ចំណូល។

អ្នកជំនាញមួយរូបបានលើកឡើងថា ជាទូទៅ តម្លៃជួលអាផាតមុិនមិនគួរមានទំហំទឹកប្រាក់លើសពី២៥ភាគរយទៅ៣០ភាគរយនៃប្រាក់ចំណូលក្នុងគ្រួសារនោះទេ។ ប្រសិនបើលើសពីនេះ នោះស្ថានភាពហិរញ្ញវត្ថុគ្រួសារនឹងមិនមានស្ថិរភាពទេ។

ហេតុផលមួយ ដែលនាំឱ្យតម្លៃជួលអាផាតមុិនកើនឡើង បណ្តាលមកពី គូស្វាមីភរិយា ដែលធ្វើការដើម្បីរកប្រាក់ចំណូលទាំង២នាក់ បានសម្រេចជ្រើសរើសការជួលជំនួសឱ្យការទិញផ្ទះនៅតំបន់កណ្តាលទីក្រុងធំៗ៕ប្រភព: Nikkei Asia៕

ទស្សនវិស័យសម្រាប់កម្ពុជាឆ្នាំ2026នឹងមានសភាពដូចម្តេច លើលំហូរទុនវិនិយោគ?

0

ដោយៈ ចំណាន

    ភ្នំពេញៈ តើមានមូលដ្ឋានសំខាន់អ្វីដែលទំនងជានឹងបន្ត? ខណៈពេលដែលទិន្នន័យផ្លូវការឆ្នាំ2026 មិនទាន់មាននៅឡើយសម្រាប់សេដ្ឋកិច្ចកម្ពុជា។

ប៉ុន្តែប្រសិនជាយើងក្រឡេកមើល លើសូចនាករជាច្រើនបង្ហាញថា សន្ទុះនៃការវិនិយោគនឹងនៅតែមាន។

ការសិក្សាបានបង្ហាញថា កត្តាជំរុញកំណើនប្រកបដោយនិរន្តរភាព៖ ក្របខ័ណ្ឌច្បាប់អំណោយផល ការព្យាករណ៍កំណើនសេដ្ឋកិច្ច ការអភិវឌ្ឍន៍ហេដ្ឋារចនាសម្ព័ន្ធ និងនិន្នាការនគរូបនីយកម្មត្រូវបានគេរំពឹងថានឹងរក្សាការអំពាវនាវ។

លើសពីនេះ ការធ្វើពិពិធកម្មវិនិយោគិន និន្នាការនៃវិនិយោគិនលោកខាងលិច និងអឺរ៉ុប ដែលផ្លាស់ប្តូរទីតាំងដើមទុនមកកម្ពុជាកំពុងកើនឡើង។ ពួកគេត្រូវបានទាក់ទាញ ដោយគោលនយោបាយស្ថិរភាពរបស់កម្ពុជា ភាពបត់បែននៃកម្មសិទ្ធិអចលនទ្រព្យ និងទិន្នផលជួលខ្ពស់។

ជាមួយគ្នានេះ ការផ្លាស់ប្តូរពីការត្រួតត្រារបស់ចិនបានបង្ហាញថា ទោះបីជាប្រទេសចិន ធ្លាប់ជាអ្នកវិនិយោគកំពូល ក្នុងប្រវត្តិសាស្ត្រក៏ដោយ ក៏ឥទ្ធិពលរបស់វាកំពុងប្រឈមមុខ នឹងការប្រកួតប្រជែងកាន់តែខ្លាំងឡើងពីអ្នកលេងលោកខាងលិច ជប៉ុន និងក្នុងតំបន់៕

 

ក្រសួងពាណិជ្ជកម្មពិភាក្សាពីគំរោងបង្កើតសហព័ន្ឋស្វាយចន្ទីកម្ពុជា

0

ដោយៈ ម៉ាណា

    ភ្នំពេញៈ មន្រ្តីជាន់ខ្ពស់ក្រសួងពាណិជ្ជកម្ម និងផ្នែកឯកជនបានបើកកិច្ចប្រជុំពិភាក្សា លើការបង្កើតសហព័ន្ឋស្វាយចន្ទីកម្ពុជា ដើម្បីសម្របសម្រួល និងជម្រុញការនាំចេញ។

កិច្ចប្រជុំនេះ ដឹកនាំដោយលោកវ៉ា រុតសានរដ្ឋលេខាធិការក្រសួង ក្រសួងពាណិជ្ជកម្ម និងជាប្រធានគណៈកម្មការចំពោះកិច្ច ដើម្បីសិក្សា និងរៀបចំបង្កើតសហព័ន្ធស្វាយកម្ពុជា និងមន្រ្តីពាក់ព័ន្ឋ។

កិច្ចប្រជុំនេះក៏មានការចូលរួមពីថ្នាក់ដឹកនាំ និងមន្រ្តីជំនាញរបស់ក្រសួងពាណិជ្ជកម្ម លោកប្រធាន និងមន្រ្តីជំនាញមន្ទីរពាណិជ្ជកម្មខេត្តបាត់ដំបង បន្ទាយមានជ័យ ប៉ៃលិន និងខេត្តឧត្តរមានជ័យ តំណាងមន្ទីរពាក់ព័ន្ធចំណុះរដ្ឋបាលខេត្តបាត់ដំបង តំណាងអង្គការ/គម្រោងដៃគូ និងតួអង្គខ្សែច្រវាក់តម្លៃស្វាយ មកពីខេត្តបាត់ដំបង ប៉ៃលិន បន្ទាយមានជ័យ និងខេត្តឧត្តរមានជ័យ។

សិក្ខាសាលានេះ រៀបចំឡើងក្នុងគោលបំណង ដើម្បីបង្ហាញអំពីលក្ខណៈសម្បត្តិរបស់សហព័ន្ធ និងបង្ហាញអំពីវឌ្ឍនភាពនៃដំណើរការក្នុងការបង្កើតសហព័ន្ធស្វាយកម្ពុជា ព្រមទាំងកៀរគរតួអង្គខ្សែច្រវាក់តម្លៃស្វាយ ចូលរួមក្នុងការបង្កើតសហព័ន្ធស្វាយកម្ពុជា រួមទាំងពិភាក្សា និងប្រមូលធាតុចូល លើសេចក្តីព្រាងលក្ខន្តិកៈ របស់សហព័ន្ធស្វាយកម្ពុជា ពីអ្នកចូលរួមក្នុងសិក្ខាសាលាផងដែរ៕

ក្រុមហ៊ុនយក្ស Blackstone ប្រកាសទិញអគារការិយាល័យស្ថិតនៅចំកណ្តាលទីក្រុងប៉ារីសក្នុងតម្លៃ៨១៩លានដុល្លារ

0

ដោយ: គង់ លាងហួរ
អន្តរជាតិ: ក្រុមហ៊ុនយក្ស Blackstone បានទិញអគារការិយាល័យដ៏សំខាន់មួយស្ថិតនៅចំកណ្តាលរដ្ឋធានីប៉ារីសនៃប្រទេសបារាំងក្នុងតម្លៃចំនួន៧០០លានអឺរ៉ូ (ប្រមាណ៨១៩លានដុល្លារ) ដោយបង្ហាញពីចំណាប់អារម្មណ៍ជាថ្មីរបស់ក្រុមអ្នកវិនិយោគចំពោះទីផ្សារអចលនទ្រព្យរបស់ប្រទេសនេះ។

អគារនោះមានឈ្មោះថា “Centre d’Affaires”និងមានអាយុកាលជាង១០០ឆ្នាំ ស្ថិតក្នុងសង្កាត់ Trocadero។ ក្រុមហ៊ុន Union Investments របស់ប្រទេសអាល្លឺម៉ង់បានលក់អគារនេះទៅឱ្យក្រុមហ៊ុន Blackstone ក្រោយពីបានទិញក្នុងតម្លៃ២៨៤លានអឺរ៉ូក្នុងឆ្នាំ២០០៣។

ទីភ្នាក់ងារសារព័ត៌មាន Reuters បានរាយការណ៍ថា ក្រុមហ៊ុនលំដាប់យក្ស Blackstone បានចូលរួមការដេញថ្លៃដើម្បីទិញអគារនេះ ដោយប្រកួតប្រជែងជាមួយអ្នកដេញថ្លៃជាច្រើន ហើយក្នុងនោះ រួមមានក្រុមហ៊ុនអចលនទ្រព្យអាមេរិក Hines ផងដែរ។

ទីផ្សារការិយាល័យសកលបានដាំក្បាលចុះ បន្ទាប់ពីជំងឺរាតត្បាតកូវីដ-១៩ បានផ្លាស់ប្តូរទម្លាប់នៃការបំពេញការងារ។ជាមួយគ្នានេះ ការលក់អគារការិយាល័យធំៗនៅតែបន្តធ្លាក់ចុះ ខណៈពេលក្រុមអ្នកវិនិយោគកំពុងរង់ចាំសញ្ញាច្បាស់លាស់ពីការស្ទុះងើបឡើងវិញ។

លោក James Seppala ប្រធានផ្នែកទីផ្សារអចលនទ្រព្យអឺរ៉ុបរបស់ក្រុមហ៊ុន Blackstone បានអះអាងថា “ការទិញយកអគារនេះសរបញ្ជាក់ពីទំនុកចិត្តរបស់យើងចំពោះទីផ្សារការិយាល័យនៅក្នុងតំបន់អឺរ៉ុប។ យើងជឿជាក់ថា ការជ្រើសរើសទិញអគារស្ថិតនៅចំទីតាំងអំណោយផល នឹងបន្តផ្តល់នូវឱកាសវិនិយោគគួរឱ្យទាក់ទាញ”។

ដោយមានទីតាំងស្ថិតនៅចំកណ្តាលទីក្រុងប៉ារីស អគារ“Centre d’Affaires” មានទំហំ៤១.០០០ម៉ែត្រការ៉េ ដោយរួមមានការិយាល័យ អាផាតមុិនប្រណីតចំនួន៥៧យូនីត ហាងលក់អាហារ និងហាងកាហ្វេផងដែរ៕ប្រភព: Reuters៕

អត្រាផលចំណេញពីការជួលអាផាតមុិននៅទីក្រុងហាណូយធ្លាក់ចុះដល់កម្រិតទាបជាងបណ្តាទីក្រុងអាសុីផ្សេងទៀត

0

ដោយ: គង់ លាងហួរ
អន្តរជាតិ: យោងតាមកាសែត Vnexpress បានរាយការណ៍ថា អត្រាផលចំណេញពីការជួលអាផាតមុិនជាមធ្យម(Rental Yield) នៅទីក្រុងហាណូយនៃប្រទេសវៀតណាមស្ថិតក្នុងរង្វង់ប្រហែល៣,៤ភាគរយនាពេលបច្ចុប្បន្ន។

តួលេខនេះមានកម្រិតទាបជាងអត្រាការប្រាក់លើការដាក់ប្រាក់បញ្ញើនៅធនាគារ និងទាបជាងផលចំណេញពីការជួលអាផាតមុិនក្នុងទីក្រុងរបស់បណ្តាប្រទេសអាស៊ីផ្សេងទៀត។

យោងតាមក្រុមហ៊ុនប្រឹក្សាយោបល់អចលនទ្រព្យ CBRE បានឱ្យដឹងថា អត្រាផលចំណេញពីការជួលអាផាតមុិនជាមធ្យមនៅទីក្រុងហាណូយកាលពីឆ្នាំ២០២៣ ស្ថិតក្នុងរង្វង់៥,១ភាគរយ។ នេះមានន័យថា ផលចំណេញបានថយចុះ។

ក្រុមហ៊ុម CBRE បានគូសបញ្ជាក់ថា បច្ចុប្បន្ន អត្រាផលចំណេញពីការជួលអាផាតមុិនជាមធ្យមនៅទីក្រុងគូឡាឡាំពួររបស់ប្រទេសម៉ាឡេសុីស្ថិតក្នុងរង្វង់៥,១ភាគរយ ខណៈអត្រាផលចំណេញពីការជួលអាផាតមុិនជាមធ្យមនៅទីក្រុងសេអ៊ូលរបស់កូរ៉េខាងត្បូងស្ថិតក្នុងរង្វង់៤,៣ភាគរយ។

នៅទីក្រុងហាណូយ តម្លៃអាផាតមុិនជាមធ្យមមានទំហំទឹកប្រាក់ចំនួន៧០លានដុង (ប្រមាណ២៦៤៨,២៥ដុល្លារអាមេរិក) ក្នុងមួយម៉ែត្រការ៉េ បន្ទាប់ពីបានហក់ឡើងចន្លោះពី៣០ភាគរយទៅ៤០ភាគរយជារៀងរាល់ឆ្នាំ ខណៈតម្លៃជួលបានកើនឡើងត្រឹមតែ៨ភាគរយទៅ១០ភាគរយប៉ុណ្ណោះក្នុងមួយឆ្នាំ។

លោក Vo Huynh Tan Kiet ប្រធានផ្នែកទីផ្សារលំនៅដ្ឋាននៅក្រុមហ៊ុន CBRE Vietnam បានលើកឡើងថា ប្រាក់ចំណូលពីការជួលមិនមែនជាអាទិភាពចម្បងសម្រាប់អ្នកទិញអាផាតមិននោះទេ ហើយពួកគេផ្តោតលើការហក់ឡើងថ្លៃនៃតម្លៃអាផាតមុិន៕ប្រភព: Vnexpress ៕

ការជួលការិយាល័យកម្រិត A នៅចំកណ្តាលរដ្ឋធានីហ្សាការតារបស់ឥណ្ឌូនេសុីនឹងបន្តបង្ហាញសញ្ញាវិជ្ជមានរហូតដល់ចុងឆ្នាំនេះ

0

ដោយ: គង់ លាងហួរ
អន្តរជាតិ: ក្រុមហ៊ុនប្រឹក្សាអចលនទ្រព្យ JLL បានព្យាករណ៍ថា នៅចុងឆ្នាំ២០២៥ អត្រាការិយាល័យទំនេរកម្រិត A នៅតំបន់ពាណិជ្ជកម្មកណ្តាល (CBD) ក្នុងរដ្ឋធានីហ្សាការតារបស់ប្រទេសឥណ្ឌូនេសុី អាចនឹងធ្លាក់ចុះបន្តិចមកនៅត្រឹម៣៤ភាគរយ។

ជាមួយគ្នានេះ បណ្តាក្រុមហ៊ុនជាច្រើននឹងអនុវត្តន៍យុទ្ធសាស្រ្តពង្រឹងប្រសិទ្ធភាពលើការចំណាយរបស់ខ្លួន ដោយសម្រេចងាកទៅរកអគារការិយាល័យប្រកបដោយគុណភាព និងមានគ្រឿងបរិក្ខារល្អប្រសើរ។

ភាពប្រសើរឡើងសន្សឹមៗនៃតម្រូវការ និងការរំពឹងទុកចំពោះអវត្តមាននៃការបញ្ចប់ការសាងសង់អគារការិយាល័យថ្មី នឹងធ្វើឱ្យអត្រាការិយាល័យទំនេរនៅក្នុងតំបន់ពាណិជ្ជកម្មកណ្តាលរបស់រដ្ឋធានីហ្សាការតាធ្លាក់ចុះ។

កាលពីត្រីមាសទី២ ទីផ្សារការិយាល័យកម្រិត A បានរក្សានិន្នាការវិជ្ជមានរបស់ខ្លួន ដោយមានតម្រូវការជួលប្រមាណ១៤.៦០០ម៉ែត្រការ៉េ។ក្នុងចំណោមនោះ បណ្តាក្រុមហ៊ុនបច្ចេកវិទ្យានានាបានជួលការិយាល័យសរុបទំហំ៥.០០០ម៉ែត្រការ៉េ។

បណ្តាក្រុមហ៊ុនក្នុងវិស័យបច្ចេកវិទ្យាបានគ្របដណ្តប់នូវចំណែកធំបំផុតនៃតម្រូវការការិយាល័យតាមពីក្រោយដោយបណ្តាក្រុមហ៊ុនរុករករ៉ែ និងបណ្តាក្រុមហ៊ុនហិរញ្ញវត្ថុ។ គេពុំបានសង្កេតឃើញមានការបញ្ចប់ការសាងសង់អគារការិយាល័យថ្មីកាលពីត្រីមាសទី២នោះទេ៕ប្រភព: Real Estate Asia៕

ផ្លូវជាតិឆ្លងកាត់រាជធានី ខេត្តចំនួន៦មានប្រវែងជាង៤០០គីឡូម៉ែត្រជិតបញ្ចប់ការស្ថាបនានិងលើកកំពស់

0

ដោយៈ គង់ សូរិយា

    ភ្នំពេញៈ វាជាផ្លូវជាតិមានប្រវែងវែងជាងគេនៅកម្ពុជា ដែលមានបណ្តោយជាង៤០០គីឡូម៉ែត្រ និងអូសបន្លាយលើរាជធានី ខេត្តចំនួន៦ ដែលបាននិងកំពុងស្ថាបនា និងស្តារក្រោមហិរញ្ញប្បទានរបស់រដ្ឋាភិបាលជប៉ុន។

ផ្លូវជាតិលេខ៥នេះ ឆ្លងកាត់រាជធានីភ្នំពេញ ខេត្តកណ្តាល កំពង់ឆ្នាំង ពោធិសាត់ បាត់ដំបង និងខេត្តបន្ទាយមានជ័យ ដែលជាផ្លូវហាយវេអាស៊ាន តភ្ជាប់រាជធានីភ្នំពេញ ទៅកាន់ទីក្រុងបាងកក និងតភ្ជាប់ជាមួយផ្លូវជាតិលេខ១ ទៅកាន់ទីក្រុងហូជីម៉ិញប្រទេសវៀតណាម។

ក្រសួងសាធារណៈការ និងដឹកជញ្ជូនបានបញ្ជាក់ថា ផ្លូវជាតិលេខ៥ ផ្តល់អត្ថប្រយោជន៍យ៉ាងធំធេង ក្នុងការបង្កើនការនាំចេញ-នាំចូល និងបម្រើវិស័យសេដ្ឋកិច្ចកម្ពុជា ពិសេសអាចកាត់បន្ថយគ្រោះថ្នាក់ និងការកកស្ទះចរាចរណ៍បានយ៉ាងច្រើន។

លើសពីនេះទៅទៀត ផ្លូវនេះក៏បានជួយសម្រួល និងធ្វើឱ្យជីវភាពប្រជាពលរដ្ឋកាន់តែល្អប្រសើរ តាមរយៈកំណើននៃការអភិវឌ្ឍ វិនិយោគ និងទេសចរណ៍។

ក្រសួងបន្តថា ផ្លូវជាតិលេខ៥ គឺជាផ្នែកមួយនៃផ្លូវអាស៊ានហាយវ៉េលេខ១ (AH1) ដែលតភ្ជាប់គ្នារវាងរាជធានីភ្នំពេញ ទីក្រុងបាងកក និងទីក្រុងហូជីមិញ និងជាខ្សែផ្លូវស្ថិតក្នុងរបៀងសេដ្ឋកិច្ចដ៏មានសក្តានុពល។ ផ្លូវជាតិនេះមានប្រវែងសរុប៤០៧,៤៥ គីឡូម៉ែត្រ ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ៕

គម្រោងអគារកប់ពពកចំនួន៣ នឹងដណ្តើមតំណែងជាអគារខ្ពស់ជាងគេបំផុតនៅលើពិភពលោក

0

ដោយ: គង់ លាងហួរ
អន្តរជាតិ: ប្រទេសអារ៉ាប៊ីសាអូឌីត និងប្រទេសអេមីរ៉ាត់អារ៉ាប់រួម(UAE)កំពុងព្យាយាមបំបែកកំណត់ត្រាស្ថាបត្យកម្មរបស់ពិភពលោក ដោយបានផ្តួចផ្តើមគម្រោងសាងសង់អគារខ្ពស់កប់ពពកចំនួន៣ ដែលនឹងវ៉ាដាច់អគារខ្ពស់ជាងគេលើពិភពលោកនាពេលបច្ចុប្បន្ន“Burj Khalifa”។

ទី១: គម្រោងអគារ Rise Tower កំពស់២.០០០ម៉ែត្រ

គម្រោងនេះត្រូវបានដាក់បង្ហាញកាលពីឆ្នាំ២០២៣ ក្នុងនាមជាផ្នែកមួយនៃគម្រោងផែនការមេ“North Pole”ដែលមានទីតាំងនៅជិតអាកាសយានដ្ឋានអន្តរជាតិ King Khalid។ អគារ Rise Tower នឹងក្លាយជាអច្ឆរិយៈវិស្វកម្ម ដែលមានកំពស់២គីឡូម៉ែត្រស្ថិតក្នុងរាជធានី Riyadh។

គម្រោងអគារ Rise Tower សរបង្ហាញឱ្យឃើញពីមហិច្ឆតារបស់អារ៉ាប៊ីសាអូឌីតក្នុងការបង្កើត“ទីក្រុងនៃអនាគត” និងក្លាយជាមជ្ឈមណ្ឌលពាណិជ្ជកម្មដ៏សំខាន់មួយ។ គម្រោងនេះត្រូវបានគាំទ្រដោយមូលនិធិវិនិយោគសាធារណៈ (PIF) និងមានការចូលរួមដេញថ្លៃជាលក្ខណៈអន្តរជាតិពីបណ្តាក្រុមហ៊ុនម៉ៅការឈានមុខគេ។

កាសែត Middle East Business Intelligence (MEED) បានរាយការណ៍ថា គម្រោងអគារកំពស់២គីឡូម៉ែត្រនេះត្រូវបានគេប៉ាន់ប្រមាណថា នឹងចំណាយទុនវិនិយោគប្រហែល៥ពាន់លានដុល្លារអាមេរិក។យ៉ាងណាមិញ គិតមកទល់ពេលនេះ គម្រោងអគារ Rise Tower មិនទាន់ចាប់ផ្តើមការសាងសង់នៅឡើយទេ។

ទី២: គម្រោងអគារ Jeddah Tower

អគារ Jeddah Tower ឬអគារ Kingdom Tower កំពុងត្រូវបានសាងសង់នៅទីក្រុង Jeddah នៃប្រទេសអារ៉ាប៊ីសាអូឌីត ដែលនឹងក្លាយជាអគារខ្ពស់ជាងគេនៅលើពិភពលោក ដោយមានកំពស់ជាង១គីឡូម៉ែត្រ។

បន្ទាប់ពីពន្យារពេលចាប់តាំងពីឆ្នាំ២០១៨ ដោយសារបញ្ហាហិរញ្ញវត្ថុ និងភស្តុភារ ការសាងសង់បានបន្តដំណើរការឡើងវិញនៅខែមករា ឆ្នាំ២០២៥។ គិតត្រឹមពាក់កណ្តាលឆ្នាំ២០២៥ ការសាងសង់អគារនេះបានឈានឡើងដល់ជាន់ទី៧០ ដោយគ្រោងបញ្ចប់រួចរាល់នៅឆ្នាំ២០២៨។

ទី៣: គម្រោងអគារ Burj Azizi នៅទីក្រុងឌូបៃ

គម្រោងអគារ Burj Azizi នឹងក្លាយជាអគារខ្ពស់ជាងគេបំផុតមួយនៅលើពិភពលោក ដែលមានកំពស់ជិត១គីឡូម៉ែត្រ។ អគារនេះនឹងរួមមានលំនៅដ្ឋានប្រណីត និងសណ្ឋាគារលំដាប់ផ្កាយ៧(Seven-star) ព្រមទាំងមានក្លឹបរាត្រី។

អគារនេះមានទីតាំងស្ថិតនៅលើផ្លូវ Sheikh Zayed និងមានកំពស់១៣១ជាន់។ ការសាងសង់អគារ Burj Azizi បានចាប់ផ្តើមនៅឆ្នាំ២០២៣ ដោយរំពឹងថា នឹងបញ្ចប់រួចរាល់នៅចន្លោះឆ្នាំ២០២៧ និងឆ្នាំ២០២៨៕ប្រភព: Gulf News៕

តម្លៃហាងឆេងមាសបានងើបឡើងថ្លៃនៅថ្ងៃសុក្រនេះ ខណៈទីផ្សារបង្កើនការព្យាករណ៍ឱកាសក្នុងការបញ្ចុះអត្រាការប្រាក់របស់ធនាគារ Fed

0

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនាព្រឹកថ្ងៃសុក្រនេះ ខណៈប្រាក់ដុល្លារបានធ្លាក់ថ្លៃចុះ បន្ទាប់ពីទីផ្សារបានបង្កើនការព្យាករណ៍ឱកាសក្នុងការបញ្ចុះអត្រាការប្រាក់របស់ធនាគារកណ្តាលអាមេរិក(Fed) ដល់ក្នុងរង្វង់ជាង៩៩ភាគរយ។

តួយ៉ាង តម្លៃមាស Spot Gold បានងើបឡើង០,០៤ភាគរយដល់៣៥៤៦,៨២ដុល្លារក្នុងមួយអោន បន្ទាប់ពីបានបិទការជួញដូរត្រឹមទំហំទឹកប្រាក់ប្រមាណ៣៥៤៥,៣៣ដុល្លារក្នុងមួយអោនកាលពីថ្ងៃព្រហស្បតិ៍ម្សិលមិញ។

ជាមួយគ្នានេះ តម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,១៣ភាគរយមកនៅត្រឹម៣៦១១,៥ដុល្លារក្នុងមួយអោនគិតត្រឹមម៉ោង៩:៣២នាទីព្រឹកដូចគ្នា។

យោងតាមគេហទំព័រ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៩៩,៣ភាគរយ ដែលធនាគារកណ្តាលអាមេរិក (Fed) នឹងកាត់បន្ថយអត្រាការប្រាក់ចំនួន០,២៥ភាគរយក្នុងកិច្ចប្រជុំគោលនយោបាយនៅថ្ងៃទី១៧ ខែកញ្ញា។

ចំណែក សន្ទស្សន៍ប្រាក់ដុល្លារ ដែលវាស់វែងប្រាក់ដុល្លារអាមេរិកធៀបនឹងរូបិយបណ្ណសំខាន់ៗចំនួន៦ ដូចជាប្រាក់យ៉េន និងប្រាក់អឺរ៉ូ បានធ្លាក់ថ្លៃចុះដល់៩៨,១១ពិន្ទុនៅព្រឹកថ្ងៃសុក្រនេះ ក្រោយពេលបានបិទការជួញដូរត្រឹម៩៨,៣៤ពិន្ទុកាលពីថ្ងៃព្រហស្បតិ៍ម្សិលមិញ៕

តើជនជាតិណាខ្លះទិញ និងជួលខុនដូនៅកម្ពុជាច្រើនជាងគេនិងចំណាត់ថ្នាក់បន្តបន្ទាប់?

0

ដោយៈ ស៊ីវ ម៉េង

    ភ្នំពេញៈ ការលើកទឹកចិត្តពីរដ្ឋាភិបាល បានផ្តល់កម្មសិទ្ធិបរទេស 100% នៅក្នុងខុនដូ និងការិយាល័យ និងការលើកទឹកចិត្តផ្នែកពន្ធដ៏ទាក់ទាញបានធ្វើឲ្យជនបរទេសនៅតែសម្លឹងមើលកម្ពុជា ជាគោលដៅសម្រាប់ការវិនិយោគ។

តម្លៃទីផ្សារទាប និងផលចំណេញពីការជួលមានចន្លោះពី៥ ទៅ១០ភាគរយ និងសិទ្ធិកាន់កាប់ដោយអំណោយផល ធ្វើឱ្យទីផ្សារខុនដូទាក់ទាញជាពិសេស សម្រាប់ជនបរទេសនៅកម្ពុជា។

យោងតាម ​​Standard Chartered និង InvestAsian ប្រទេសកម្ពុជាជាប់ចំណាត់ថ្នាក់ខ្ពស់ សម្រាប់ការវិនិយោគដោយធុរកិច្ចអាមេរិក អឺរ៉ុប និងអាស៊ានក្នុងឆ្នាំ 2025។

យោងតាមរបាយការណ៍ទីផ្សារខុនដូឆ្នាំ2025 អ្នកទិញបរទេសមានចំនួនប្រហែល81.8% នៃការទិញខុនដូ។ ជនជាតិឈានមុខគេរួមមាន សហរដ្ឋអាមេរិក (10.3%) សិង្ហបុរី (7.0%) ចក្រភពអង់គ្លេស និងចិន (6.7% នីមួយៗ) រុស្ស៊ី (6.2%) អាល្លឺម៉ង់ (5.3%) បារាំង (4.4%) អូស្ត្រាលី (4.4%) ជប៉ុន (3.8%) កូរ៉េ (2.1%)។

អ្នកជួលបានស្ថិតនៅគំរូលេខរៀងស្រដៀងគ្នា ដោយជនជាតិអាមេរិក (10.6%) ចិន (9.8%) បារាំង (9.0%) ជប៉ុន (8.3%) និងអាហ្វ្រិកខាងត្បូង (6.8%) នាំមុខគេ។

ខណៈពេលដែលអ្នកវិនិយោគចិន នៅតែគ្របដណ្តប់នៅដើមឆ្នាំ 2025 ដែលរួមចំណែកជិត80% នៃការវិនិយោគបរទេសលើអចល​នទ្រព្យ វាមានការកើនឡើងគួរឱ្យកត់សម្គាល់ នៅក្នុងអ្នកទិញពីសហរដ្ឋអាមេរិក ចក្រភពអង់គ្លេស ជប៉ុន អូស្ត្រាលី អ៊ីតាលី និងហុងកុង៕

1...222324...3,128Page 23 of 3,128

- Advertisement -
© រក្សាសិទ្ធិគ្រប់យ៉ាងដោយ PROPERTY AREA ASIA | Host by KH71