អត្រាគ្មានការងារធ្វើនៅអាមេរិកកើនឡើងខ្ពស់បំផុតមិនធ្លាប់មានក្នុងប្រវត្តិសាស្រ្ត

ដោយ ប៊ី

អន្តរជាតិ៖ សេដ្ឋកិច្ចសហរដ្ឋអាមេរិកបានបាត់បង់ការងារច្រើនជាងការបង្កើត ជាលើកដំបូង ក្នុងរយៈពេលមួយទសវត្សរ៍ចុងក្រោយនេះ។ នេះយោងតាមការចុះផ្សាយរបស់សារព័ត៌មាន CNN។
នៅក្នុងខែមីនា អាមេរិកបានបាត់បង់ការងារចំនួន ៧០១ ០០០ ការងារ។ នេះបើយោងតាមការិយាល័យស្ថិតិការងារ។

នេះជាលើកទីមួយហើយ ដែលសេដ្ឋកិច្ចបានបាត់បង់ការងារក្នុងរយៈពេលមួយខែ គិតចាប់តាំងពីខែកញ្ញាឆ្នាំ ២០១០ និងជាខែអាក្រក់បំផុតសម្រាប់វិស័យការងាររបស់អាមេរិកចាប់ តាំងពីសេដ្ឋកិច្ចធ្លាក់ចុះនៅក្នុងខែមីនាឆ្នាំ ២០០៩ ។

អត្រាគ្មានការងារធ្វើបានកើនឡើងដល់ ៤,៤ ភាគរយ ពីកម្រិតទាបជិត ៥០ ឆ្នាំគឺ ៣.៥ ភាគរយ។ វាជាអត្រាគ្មានការងារធ្វើខ្ពស់បំផុតចាប់តាំងពីខែសីហាឆ្នាំ ២០១៧ និងជាការផ្លាស់ប្តូរតែមួយខែដ៏ធំបំផុតនៃអត្រាគ្មានការងារធ្វើចាប់តាំងពីខែមករាឆ្នាំ ១៩៧៥។

ការធ្វើឱ្យអត្រាការងារភាគច្រើនបានកើតឡើងនៅភោជនីយដ្ឋាន និងបារ ដែលសេដ្ឋកិច្ចបាត់បង់ការងារ ៤១៧ ៤០០ ។ ហាងលក់រាយបានកាត់បន្ថយការងារចំនួន ៤៦ ២០០ នាក់ និងការងារថែទាំសុខភាពបានធ្លាក់ចុះ ៤៣ ០០០ ការងារ ខណៈដែលការពិនិត្យ ឲជាប្រចាំនៅពេទ្យធ្មេញ និងការិយាល័យគ្រូពេទ្យបានធ្លាក់ចុះ។

របាយការណ៍ខែមីនា បានបង្ហាញថា ការបញ្ឈប់ការងារភាគច្រើនគឺបណ្តោះអាសន្ន៖ ប្រជាជន ១,៨ លាននាក់គ្មានការងារធ្វើជាបណ្តោះអាសន្នកាលពីខែមុន កើនឡើងពី ១ លាននាក់ក្នុងខែកុម្ភៈ៕

សម្តេចតេជោជំរុញឱ្យរោងចក្រផលិតមីក្នុងស្រុកផលិតមីជូនរដ្ឋាភិបាលសម្រាប់ផ្គត់ផ្គង់ដល់ពលរដ្ឋដែលអត់ស្បៀងអាហារ

ដោយវុត្ថា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចាត់ចែងឱ្យរោងចក្រផលិតមីក្នុងប្រទេសដើម្បីផលិតមីជូនរាជរដ្ឋាភិបាលសម្រាប់ផ្គត់ផ្គង់ជូនបងប្អូនប្រជាពលរដ្ឋដែលអត់ស្បៀងអាហារ ខណៈពេលដែលមានជូបនូវវិបត្តិនូវការរាតត្បាតជាសកលនៃជំងឺCOVID 19 ។

សម្តេចតេជោ ហ៊ុន សែន បានសរសេរនៅក្នុងទំព័រសហ្វេសបុកកាលពីល្ងាចថ្ងៃទី ៥ខែមេសាឆ្នាំ ២០២០នេះថា ស្របជាមួយគ្នានេះដែរ រាជរដ្ឋាភិបាលក៏បានត្រៀមរៀបចំអោយរោងចក្រផលិតទឹកបរិសុទ្ធក្នុងប្រទេស ត្រៀមផលិតទឹកស្អាតដប ដើម្បីបម្រុងទុកសម្រាប់ជួយផ្គត់ផ្គង់ដោះស្រាយជូនប្រជាពលរដ្ឋ។

សម្តេចតេជោថ្លែង “ទោះបីយើងមិនទំនើបដូចប្រទេសគេ តែយើងមានវិធានការជាក់ស្តែងច្បាស់លាស់ក្នុងការចាត់ចែងដោះស្រាយបញ្ហា គឺយើងអាចស្រោចស្រង់ដោះស្រាយជូនប្រជាពលរដ្ឋយើងបាន មិនអោយធ្លាក់ទៅក្នុងការភ័យខ្លាចបាត់បង់អស់ក្តីសង្ឃឹមក្នុងជីវិតឡើយ”។

សម្តេចតេជោ ហ៊ុន សែន នាយករដ្ឋមន្រ្តីកម្ពុជា កាលពីកន្លងទៅថ្មីៗនេះ បានប្រកាសផ្អាកមិនអោយនាំអង្ករស និងស្រូវចេញទៅក្រៅប្រទេស ហើយអនុញ្ញាត្តអោយនាំចេញតែអង្ករក្រអូបតែប៉ុណ្ណោះ ព្រោះពេលនេះកម្ពុជាកំពុងប្រយុទ្ធប្រឆាំងនឹងជំងឺឆ្លងកូវីឌ-១៩។ ជាមួយគ្នានេះ សម្តេចតេជោបានចេញបញ្ជាអោយផ្អាកការនាំត្រីចេញពីប្រទេសថែមទៀត ។

ទន្ទឹមនឹងនេះ សម្តេចតេជោ ហ៊ុន សែន ក៏បានបញ្ជាអោយអាជ្ញាធរគ្រប់គ្រងនៅតាមទីផ្សារមិនអោយមានការតម្លើងថ្លៃត្រី និងហាមឃាត់មិនអោយនាំត្រីចេញទៅលក់នៅក្រៅប្រទេសឡើយនៅក្នុងស្ថានភាពដូចសព្វថ្ងៃនេះ ដើម្បីរក្សាទុកសម្រាប់ផ្គត់ផ្គង់តម្រូវការរបស់បងប្អូនប្រជាពលរដ្ឋក្នុងប្រទេស ៕

ដំណឹងល្អ! គម្រោងជួសជុលថែទាំផ្លូវថ្នល់ក្នុងខេត្តកែបសម្រេចជិតបាន១០០% ហើយ

ដោយវុត្ថា

ភ្នំពេញ៖ ក្រសួងសាធារណៈការ និងដឹកជញ្ជូនបានឱ្យដឹងថា រហូតមកដល់ពេលនេះគម្រោងជួសជុលថែទាំផ្លូវថ្នល់ក្នុងខេត្តកែបសម្រេចជិតបាន១០០% ហើយ ខណៈដែលមក្រុមមន្ត្រីជំនាញបាននឹងកំពុងជំរុញឱ្យហើយរួចរាល់នៅមុនចូលឆ្នាំខ្មែរឈានមកដល់នាពេលខាងមុខនេះ។

ក្រសួងសាធារណៈការ និងដឹកជញ្ជូន បានឱ្យដឹងនៅថ្ងៃទី ៦ ខែមេសាឆ្នាំ ២០២០ នេះ ឱ្យដឹងថា គម្រោងជួសជុលកំណាត់ផ្លូវជាតិលេខ៣៣ ដោយចាក់អ៊ុតបេតុងកៅស៊ូ(A/C) រៀបខឿនបេតុង ស្ថាបនាលូ និងគូសគំនូសចរាចណ៍ សម្រេចបាន ៩៥% ខណៈពេលដែលគម្រោងជួសជុលផ្លូវដោយចាក់ក្រាលបេតុងសរសៃដែក(RC)លើកំណាត់ផ្លូវខេត្តលេខ១៣៣២ (ស្រុកដំណាក់ចង្អើរ) សម្រេចបាន ៩៥% ដូចគ្នា។

លោក ជិន វុទ្ធី អនុប្រធានមន្ទីរសាធារណការ និងដឹកជញ្ជូនខេត្តកែបបានមានប្រសាសន៍ថានាអំឡុងពេលចុងក្រោយនេះ កម្លាំងនៃមន្ទីររបស់លោកបាន និងកំពុងមមាញឹកក្នុងការងារជួលជុល ថែទាំផ្លូវសំខាន់ៗ ជាច្រើនខ្សែនៅទូទាំងខេត្ត ដើម្បីសម្រួលដល់ការធ្វើដំណើររបស់ភ្ញៀវទេសចរណ៍។ លោកបន្តថា ជាធម្មតារាល់ចុងសប្តាហ៍ ឬថ្ងៃបុណ្យទានម្តងៗ ភ្ញៀវជាតិ និងអន្តរជាតិតែងមកកម្សាន្តនៅរមណីយដ្ឋាននានាក្នុងខេត្តកែបយ៉ាងច្រើនកុះករ។

លោកអនុប្រធានមន្ទីរបានបន្តថា ដើម្បីលម្អសោភ័ណភាពផ្លូវ ក៏ដូចជាសម្រួលដល់ការធ្វើដំណើររបស់ប្រជាពលរដ្ឋ និងភ្ញៀវទេសចរទូទៅក្នុងឱកាសបុណ្យចូលឆ្នាំថ្មីប្រពៃណីជាតិខាងមុខ មន្ទីរបានធ្វើការបែងចែកជាច្រើនក្រុមសម្រាប់កិច្ចការងារដ៏មមាញឹកនេះ។ កម្លាំងទាំងនោះ រួមមានក្រុមប៉ះអ៊ុតផ្លូវ ក្រុមរៀបចំសួនច្បារតាមបណ្តោយផ្លូវជាតិលេខ៣៣ តភ្ជាប់ជាមួយផ្លូវទៅខេត្តកំពតជាដើម។

លោក ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួងសាធារណៈការ និងដឹកជញ្ជូនធ្លាប់បានឱ្យដឹងថា ក្រសួងបានជួសជុលកំណាត់ផ្លូវជាតិលេខ៣៣ ក្នុងភូមិសាស្ត្រកែប ដោយសារផ្លូវនេះបានទទួលរងនូវផលប៉ះពាល់ដោយជំនន់ទឹក ភ្លៀងនាពេលកន្លងមក។ លោកបន្តថា រាជរដ្ឋាភិបាល មានគម្រោងលើកកម្ពស់គុណភាពផ្លូវខេត្ត ផ្លូវជាតិ ជាច្រើនទៀតទៅដល់គ្រប់ច្រកល្ហក ដើម្បីប្រជារាស្ត្រមានឱកាសរកចំណូលបន្ថែម ស្របតាមគោលនយោបាយកាត់បន្ថយភាពក្រីក្រ របស់រាជរដ្ឋាភិបាល។

បើតាម លោក ស៊ុន ចាន់ថុល រដ្ឋាភិបាលកម្ពុជា បានចំណាយថវិការប្រមាណជិត ៣០០ លានដុល្លារអាមេរិកក្នុងមួយឆ្នាំៗ សម្រាប់យកទៅជួសជុល និងថែមទាំហេដ្ឋារចនាសម្ព័ន្ធសំខាន់នានានៅទូទាំងប្រទេស ខណៈ ដែលពេលបច្ចុប្បន្ននេះ រដ្ឋាភិបាលតាមរយៈក្រសួងបាននឹងកំពុងលើកកម្ពស់គុណភាពផ្លូវឱ្យបានកាន់តែរឹងមាំ និងប្រើប្រាស់បានយូអង្វែង។

លោក វ៉ាស៊ីម សូរិយា អ្នកនាំពាក្យក្រសួងសាងធារណៈការ និងដឹកជញ្ជូន ធ្លាប់បានឱ្យដឹងកាលពីពេលថ្មីៗនេះ ថា គម្រោងស្ថាបនា និងជួសជុលហេដ្ឋារចនាសម្ព័ន្ធនានានៅទូទាំងប្រទេសមិនត្រូវបានផ្អាកសកម្មភាពនោះទេ បើទោះបីកម្ពុជាទទួលរងនូវផលប៉ះពាល់ដោយការរាតត្បាតជាសកល នៃជំងឺ COVID 19 យ៉ាងណាក្តី។

លោក បន្តថា “ក្រុមការងារនៅកន្លែងការរដ្ឋាននៅតែធ្វើជាធម្មតា ដោយមិនឈប់សកម្មភាពឡើយ បើទោះបីមន្ត្រីមួយចំនួននៅខាងក្រសួងបានធ្វើការតាមអនឡាញ ដើម្បីទប់ស្កាត់ការរីករាលដាលនៃជំងឺ COVID 19”។

សម្តេចតេជោ ហ៊ុន សែន នាយកដ្ឋមន្ត្រីនៃកម្ពុជាក៏ធ្លាប់បានមានប្រសាសន៍ប្រាប់លោកទេសរដ្ឋមន្ត្រី ស៊ុន រដ្ឋមន្ត្រីក្រសួងសាធារណៈការ និងដឹកជញ្ជូនឱ្យមានការផ្អាកគម្រោងបើកការដ្ឋាន និងសកម្មភាពសម្ពោធផ្លូវដាក់ឱ្យប្រើប្រាស់ផ្លូវដែលជាគម្រោងរបស់រដ្ឋាភិបាលមួយរយៈដើម្បីបង្ការ និងទប់ស្កាត់ការរីករាលដាលនៃជំងឺ COVID 19 ៕

ធនាគារជាតិនៃកាណាដាបោះទុនចំនួន ១២០ លានដុល្លារបន្ថែមទៀតដើម្បីពង្រីកប្រតិបត្តិការធនាគារ ABA នៅកម្ពុជា

ដោយ ប៊ី
ភ្នំពេញ៖ ធនាគារជាតិនៃកាណាដាបានបញ្ចូលការវិនិយោគដើមទុនចំនួន ១២០ លានដុល្លារបន្ថែមទៀត ដើម្បីគាំទ្រដល់ការរីកចម្រើនបន្ថែមទៀតរបស់ធនាគារ ABA ដែលមានមូលដ្ឋាននៅកម្ពុជា។
ធនាគារជាតិនៃកម្ពុជាបានបង្ហាញតួលេខនៃទុនវិនិយោគបន្ថែមខាងលើនេះ នៅក្នុងរបាយការណ៍ប្រចាំឆ្នាំរបស់ខ្លួន ដែលបានចែករំលែកជាមួយផ្សារមូលបត្រកម្ពុជា។

ការវិនិយោគនេះធ្វើឡើងបន្ទាប់ពីមានការស្នើសុំពីធនាគារ ABA ទៅធនាគារជាតិនៃកម្ពុជាកាលពីខែវិច្ឆិកាឆ្នាំមុន សម្រាប់ការបូកបញ្ចូលប្រាក់។ ដោយបានចុះហត្ថលេខានៅថ្ងៃទី ២ ខែមករាដើមទុនបានបង្កើនអនុបាតសធនភាពរបស់ធនាគារចំនួន ២១,១១ ភាគរយ។

ធនាគារបានពន្យល់នៅក្នុងរបាយការណ៍នេះថា “សមាមាត្រទាំងនេះមិនត្រូវបានធ្វើប្រចាំឆ្នាំទេ ហើយត្រូវបានគណនាដោយប្រើរយៈពេលបីខែនៃតួលេខប្រាក់ចំណេញ ឬការបាត់បង់ចាប់ពីថ្ងៃទី ១ ដល់ថ្ងៃទី ៣១ ខែធ្នូឆ្នាំ ២០១៩”។

លោក Yves Jacquot ប្រធានធនាគារ ABA បានមានប្រសាសន៍ថា ការធ្វើអាជីវកម្មនេះនឹងគាំទ្រដល់ការរីកចម្រើនបន្ថែមទៀតរបស់ធនាគារដោយរក្សាអនុលោមភាពឱ្យស្របនឹងតម្រូវការបទប្បញ្ញត្តិ។

លោកបាននិយាយនៅក្នុងរបាយការណ៍ថា “ធនាគារ ABA បានបង្ហាញពីការរីកចម្រើនយ៉ាងខ្លាំងនៅក្នុងគ្រប់កត្តាសំខាន់ៗរាប់បញ្ចូលទាំងទ្រព្យសកម្មប្រាក់បញ្ញើ និងប្រាក់កម្ចីក៏ដូចជាចំនួនអតិថិជន។ លោកបានបន្ថែមថា ទ្រព្យសកម្មសរុបរបស់ធនាគារបានកើនឡើងដល់ ៤,៣៩ ពាន់លានដុល្លារកាលពីឆ្នាំមុន កើនឡើង ៦០ ភាគរយបើធៀបនឹងឆ្នាំមុន ខណៈផលប័ត្របញ្ញើបានកើនឡើង ៥៥ ភាគរយដល់ ៣,៤០ ពាន់លានដុល្លារ និងផលប័ត្រ កើនដល់ ២,៧៦ ពាន់លានដុល្លារដែលតំណាងឱ្យកំណើន ៥០ ភាគរយ។ កាលពីខែតុលាកន្លងទៅធនាគារជាតិកាណាដា ដែលមានមូលដ្ឋាននៅម៉ុងត្រេអាល់បានទិញភាគហ៊ុនចុងក្រោយរបស់ខ្លួននៅក្នុងធនាគារ ABA ដោយទទួលបានភាគហ៊ុនសរុបចំនួន ៩៩,៩៩ ភាគរយ។

លោក Jacquot មានប្រសាសន៍ថា “តាមរយៈការទិញនេះ ធនាគារជាតិនៃកាណាដាបានបង្ហាញទំនុកចិត្តរបស់ខ្លួនជាថ្មីម្តងទៀតចំពោះធនាគារ ABA និងឧស្សាហកម្មធនាគារកម្ពុជាទាំងមូល”។
ធនាគារ ABA បន្តអនុវត្តយុទ្ធសាស្ត្រអាជីវកម្មរបស់ខ្លួនដោយជោគជ័យដោយផ្តោតលើផលិតផលហិរញ្ញវត្ថុឌីជីថល ក៏ដូចជាប្រាក់កម្ចីដែលមានផលិតភាពដល់អាជីវកម្មនៅក្នុងវិស័យជាក់ស្តែងនៃសេដ្ឋកិច្ច។ នាគារអនុវត្តវប្បធម៌គ្រប់គ្រងហានិភ័យខ្លាំងដែលត្រូវបានពង្រឹងដោយមុខងារសវនកម្មនិងការអនុវត្តតាមអាជីវកម្មរបស់ខ្លួន ។

ម៉ាស និងទឹកអាល់កុលចំនួន១លានត្រូវបានត្រៀមក្នុងការប្រយុទ្ធប្រឆាំងជំងឺ Covid-19 នៅកម្ពុជា

ដោយៈ រ៉ាណេត

ភ្នំពេញៈ សម្តេចតេជោហ៊ុន សែន នាយករដ្ឋមន្ត្រីកម្ពុជា បានសម្រេចដាក់ចេញផែនការថ្មីដោយបង្កើតស្តុករាជរដ្ឋាភិបាល ដោយតម្រូវឱ្យស្តុកនូវម៉ាសចំនួន១លានម៉ាសសម្លៀកបំពាក់គ្រូពេទ្យ ៥ពាន់កំប្លេ ម៉ាស N95 ៥ពាន់ម៉ាស និងទឹកអាល់កុលចំនួន១លានលីត្រទុកប្រើប្រាស់ ក្នុងករណីមានការវិវឌ្ឍន៍មិនល្អណាមួយ លើស្ថានភាពជំងឺ Covid-19 ។

តាមរយៈសារសំឡេងបទបញ្ជា ទៅកាន់គណៈកម្មការជាតិប្រយុទ្ធប្រឆាំងនឹងជំងឺ Covid-19 កាលពីថ្ងៃចុងសប្ដាហ៍កន្លងទៅនេះ សម្តេចតេជោ ហ៊ុន សែន បានគូសបញ្ជាក់ថា បើទោះបីថាស្ថានការវិវឌ្ឍន៍ នៃការរីករាលដាលជំងឺ Covid-19 នៅកម្ពុជានាពេលបច្ចុប្បន្ន មិនស្ថិតក្នុងស្ថានភាពអាក្រក់យ៉ាងណាក្តី តែដើម្បីប្រាកដថា កម្ពុជាមិនជួបបញ្ហាខ្វះម៉ាស សម្លៀកបំពាក់ និងទឹកអាល់កុលសម្រាប់ក្រុមគ្រូពេទ្យ ប្រើប្រាស់ត្រូវបង្កើតនូវស្តុកមួយសម្រាប់រាជរដ្ឋាភិបាល។

សម្តេចតេជោសង្កត់ធ្ងន់ថា “នេះជាការចាំបាច់ ព្រោះយើងមិនអាចឱ្យគ្រូពេទ្យណាម្នាក់ឆ្លងព្រោះតែខ្វះការទទួលខុសត្រូវរបស់យើងនោះទេ។ សម្តេចបន្តថា “ឥឡូវនេះខ្ញុំសូមចេញនូវបទបញ្ជាបន្ថែម គឺយើងត្រូវមានការស្តុកបម្រុង របស់រាជរដ្ឋាភិបាលមួយកម្រិតទៀត។ ទាំងម៉ាសសម្លៀកបំពាក់សម្រាប់គ្រូពេទ្យ និងទឹកអាល់កុលនៅពេលប្រើអស់ គឺត្រូវផលិតយកមកបំពេញបន្ថែមភ្លាម។

បច្ចុប្បន្ននេះកម្ពុជា មានរោងចក្រមួយដេរម៉ាស សម្រាប់តែប្រទេសកម្ពូជាតែម្ដងដែលមានទីតាំងស្ថិតនៅក្នុងខេត្តព្រះសីហនុ ដែលអាចមានសមត្ថិភាពផលិតបានក្នុងរង្វង់១,២លាន ហើយនឹងបង្កើនសមត្ថភាពផលិតឱ្យបានច្រើនជាងនេះ បន្ទាប់ពីយើងនាំចូលមកពីខាងក្រៅ។ ក្រៅពីរោងចក្រផលិតម៉ាស កម្ពុជាក៏មានរោងចក្រផលិតទឹកអាល់កុល (រោងចក្រ SKD) រួមជាមួយនឹងរោងចក្រផ្សេងមួយទៀត ដើម្បីផលិតបំពេញតាមតម្រូវការប្រើប្រាស់ចាំបាច់ របស់មន្ត្រីផ្នែកសុខាភិបាលក្នុងទំហំប្រមាណ៥០០០ លីត្រក្នុងមួយថ្ងៃ ខណៈដែលតម្រូវការជាក់ស្ដែង នៅទូទាំងប្រទេសមានចំនួនច្រើនជាងនេះ។

ពាក់ព័ន្ធទៅនឹងតម្រូវការផ្នែកសម្ភារៈ និងបរិក្ខាពេទ្យ កម្ពុជាមានរោងចក្រចំនួន២ដំណើរការផលិត ដោយរោងចក្រចំនួន១ស្ថិតនៅក្នុងខេត្តកំពង់ចាម និងមួយកន្លែងទៀត ស្ថិតនៅខេត្តស្វាយរៀង ប៉ុន្តែសម្រាប់សម្ភារៈផ្សេងទៀតដូចជារបាំងមុខ និងមួកមួយចំនួនចាំបាច់នាំចូលមកពីក្រៅស្រុក៕

ទិញដីឡូតិ៍បានរង្វាន់ម៉ូតូស៊េរីទំនើប ពីគម្រោងដីឡូតិ៍ Show Up Real Estate

ដោយ រ៉ាណេត

កំពង់ឆ្នាំង៖ កាន់តែអស្ចារ្យ និងរីករាយ ជាមួយកម្មវិធីពិសេស ដែលផ្តល់ជូនដោយគម្រោងដីឡូតិ៍ Show Up Reel Estate ដោយគ្រប់អិតិថិជនទាំងអស់ ដែលទិញដីឡូតិ៍នៅក្នុងគម្រោង នឹងទទួលបានកាដូពិសេសនូវម៉ូតូទំនើបស៊េរីថ្មី ឆ្នាំ២០២០ រួមជាមួយនឹងទូរស័ព្ទដៃ Smart Phone ចំនួនមួយគ្រឿងផងដែរ។

ជាការអបអរសាទរនៅក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរខាងមុខនេះ គម្រោងដីឡូតិ៍ Show Up Real Estate បានបង្កើតកម្មវិធីពិសេសមិនធ្លាប់មានពីមុនមក ដោយគ្រប់អតិថិជនទាំងអស់ ដែលទិញគម្រោងដីឡូតិ៍ពីក្រុមហ៊ុន នឹងមានឱកាសទទួលបានកាដូយ៉ាងអស្ចារ្យ។

អគ្គនាយកក្រុមហ៊ុន Show Up Real Estate លោក អ៊ិន ណាង បានមានប្រសាសន៍ឲ្យដឹងកាលពីសប្តាហ៍មុនថា គម្រោងដីឡូតិ៍ថ្មី ដែលស្ថិតនៅស្រុករលាប្អៀរ ខេត្តកំពង់ឆ្នាំង ដែលមានតម្លៃត្រឹមតែ២៥០០ដុល្លារ ឡើងទៅមួយនេះ គឺជាគំរោងដែលសមស្របទៅនឹងការសាងសង់លំនៅដ្ឋាន និងស្ថិតក្នុងតំបន់មានសក្ដានុពល ដែលផ្តល់ជូនដោយក្រុមហ៊ុនអចលនទ្រព្យ និងអភិវឌ្ឍន៍ SHOW UP REAL ESTATE Co,.Ltd ។

លោកបានបញ្ជាក់ថា“ជាការអបអរសាទរនៅក្នុងពិធីបុណ្យចូលឆ្នាំថ្មី ប្រពៃណីជាតិខ្មែរខាងមុខនេះ ក្រុមហ៊ុនបានផ្តល់ជូននូវកម្មពិសេស ដោយរាល់ការទិញដីឡូតិ៍ពីគម្រោងចំនួន៤ឡូតិ៍ (បង់ប្រាក់ផ្ដាច់) នឹងទទួលបានកាដូ ម៉ូតូស៊េរីទំនើប ម៉ាក wave ឆ្នាំ២០២០ ចំនួន១គ្រឿងភ្លាម។

ដោយឡែកសម្រាប់អតិថិជន ដែលទិញដីឡូតិ៍ពីគម្រោងចំនួន២ឡូតិ៍ នឹងទទួលបានកាដូទូរស័ព្ទដៃ Smart Phone ស៊េរីថ្មីចំនួនមួយគ្រឿងភ្លាមៗផងដែរ។

លោក អ៊ិន ណាង បានមានប្រសាសន៍បញ្ជាក់ទៀតថា “វាជាឱកាសដ៏ល្អ និងកម្រមានណាស់ សម្រាប់គម្រោងដីឡូតិ៍លំនៅដ្ឋាន ដែលមានតម្លៃទាបនៅពេលបច្ចុប្បន្ននេះ រួមជាមួយនឹងការផ្ដល់ ជូននូវជម្រើសកាន់តែងាយស្រួល ក្នុងការទិញដោយការបង់ផ្ដាច់ និងការរំលោះក្នុងរយៈពេលវែងផងដែរ។

សម្រាប់អតិថិជនដែលទិញដីឡូតិ៍ នៅក្នុងគម្រោងថ្មីមួយនេះ នឹងទទួលបានផលចំណេញយ៉ាងច្រើន ដែលក្រៅពីមានតម្លៃទាបមិនធ្លាប់មាន ថែមទាំងអាចអាស្រ័យផលពីការរស់នៅ ក្នុងតំបន់ខាងលើនេះ តាមរយៈការបើកអាជីវកម្ម លក្ខណៈគ្រួសារបានយ៉ាងប្រសើរថែមទាំងផង ជាពិសេសផ្តល់ឱកាសចំណេញ ក្នុងអត្រាខ្ពស់សម្រាប់អ្នកដែលទិញទុកលក់បន្ត។

ពាក់ព័ន្ធទៅនឹងការរៀបចំ និងអភិវឌ្ឍន៍នៅក្នុងគម្រោងដីឡូតិ៍ថ្មី របស់ក្រុមហ៊ុនអចលនទ្រព្យ Show Up Real Estate Co, Ltd ដែលស្ថិតនៅជាប់ផ្លូវរដ្ឋទំហំ៣០ម៉ែត្រ សុទ្ធតែត្រូវបានសិក្សាយ៉ាងលម្អិត រួមជាមួយការអនុវត្តទៅតាមដំណាក់កាល ដូចជាការរៀបចំហេដ្ឋារចនាសម្ព័ន្ធ នៅក្នុងគម្រោងរួមមានការកសាងផ្លូវថ្នល់ជាច្រើនខ្សែ ដែលមានទំហំ១០ម៉ែត្រ ងាយស្រួលក្នុងការធ្វើចរាចរណ៍ រួមជាមួយនឹងការបង្កើតតំបន់បៃតងអមនៅសងខាងផ្លូវ។ ក្រៅពីនេះនៅមានការបំពាក់អំពូលអគ្គិសនីសូឡា សម្រាប់បំភ្លឺតាមផ្លូវពេលយប់ មានបង្កប់បណ្តាញទឹកស្អាត មានប្រព័ន្ធបង្ហូរទឹកផងដែរ។

ក្នុងគម្រោងមួយនេះ ក្រុមហ៊ុននឹងធ្វើការអភិវឌ្ឍបន្ថែមជាច្រើនទៀត ដែលសុទ្ធតែផ្តល់នូវភាពល្អប្រសើរដល់សហគមន៍ និងផ្តល់ភាពងាយស្រួលដល់ការរស់នៅផងដែរ ដូចជា ការបង្កើតផ្សារសហគមន៍ តំបន់រមណីយដ្ឋាន ទីលានកីឡាបាល់ទាត់ សួនច្បារសាធារណៈ និងទីធ្លាសម្រាប់ហាត់ប្រាណ គម្រោងបង្កើតសាលារៀនឯកជនបន្ថែម លើគម្រោងអភិវឌ្ឍន៍ វិស័យឧស្សាហកម្មរបស់ឯកជនជាច្រើនគម្រោងទៀត។ រួសរាន់ឡើង អ្នកមកមុន មានឱកាសទទួលបានទីតាំងល្អមុនគេ។ សម្រាប់ព័ត៌មានលម្អិតអាចសាកសួរបន្ថែមបាន តាមរយៈទូរស័ព្ទលេខ ៖ ០១២ ៥៥៥ ២៦៥ / ០១០ ៧៨៤ ១៧៧ ៕

CPA Café នឹងបើកដំណើរការនៅថ្ងៃនេះហើយ ដោយផ្តោតរសជាតិកាហ្វេធម្មជាតិដ៏ឈ្ងុយឆ្ងាញ់

ដោយ គង់់ សូរិយា

ភ្នំពេញ៖ ផ្តោតលើគុណភាពកាហ្វេ និងសុខភាពអតិថិជនជាចម្បង CPA Cafe នឹងបើកដំណើរការនៅថ្ងៃនេះហើយ ជាមួយនឹងរសជាតិកាហ្វេធម្មជាតិ និងការផ្តល់សេវាកម្មរួសរាយរាក់ទាក់ ពិសេសហាងកាហ្វេនេះ នឹងមានសេវាកម្មប្រឹក្សាយោបល់ ទាក់ទងការចាប់ផ្តើមអាជីវកម្ម និងការវិនិយោគលើវិស័យអចលនទ្រព្យផងដែរ។

ហាងកាហ្វេនេះ បាននិងកំពុងរៀបចំយ៉ាងសកម្ម ដែលមានទីតាំងស្ថិតននៅតាមបណ្តោយផ្លូវលេខ២៧១ (ចំងាយប្រមាណ២០០ម៉ែត្រ ពីច្រកចូលក្លោងទ្វារចូលវត្តសន្សំកុសល)ស្ថិតក្នុងសង្កាត់បឹងទំពុនទី២ ខ័ណ្ឌមានជ័យ រាជធានីភ្នំពេញ។

ជាមួយនឹងការផ្តល់រសជាតិកាហ្វេជាប់ចិត្ត គ្មានជាតិគីមី និងបរិយាកាសដ៏មនោរម្យ CPA Cafe នឹងមានរៀបចំបន្ទប់ VIP សំរាប់អ្នកទទួលទានកាហ្វេ អាចជួបប្រជុំជាមួយអតិថិជន ឬកិច្ចប្រជុំពិភាក្សាការងារផ្សេងៗផងដែរ។ ជាមួយនឹងដំណើរការបើកលក់ជាលើកដំបូងនេះ CPA Cafe នឹងផ្តល់ការបញ្ចុះតម្លៃ២០ភាគរយផងដដែរ។

អ្វីកាន់តែពិសេស ហាងកាហ្វេនេះក៏មានអ្នកជំនាញអចលនទ្រព្យ និងម្ចាស់អាជីវកម្មលំដាប់ជាតិ អន្តរជាតិអាចផ្តល់សេវាកម្មប្រឹក្សា យោបល់ពីការចាប់ផ្តើមអាជីវកម្មពីការស្វែងរកសេវាប្រឹក្សាយោបល់ទាក់ទងអាជីវកម្ម ភាពជាភ្នាក់ងារអចលនទ្រព្យ ពិសេសការវិនិយោគលើវិស័យសំណង់ និងអចលនទ្រព្យដល់អតិថិជនផងដែរ។

ភ្លក់រសជាតិកាហ្វេឈ្ងុយឆ្ងាញ់ជាប់ចិត្ត ជាមួយសេវាកម្មដ៏ប្រសើរ លោក អ្នកក៏មានឳកាសចាប់ផ្តើមសិក្សារៀនសូត្រ ដើម្បីចាប់ផ្តើមអាជីពជាភ្នាក់ងារ ជាអ្មនកវិនិយោគអចលនទ្រព្យ និងអាជីវកម្មនានាផងដែរ។

CPA Cafe នឹងបើកដំណើរការចាប់់ពីម៉ោង៨ព្រឹក រហូតដល់៦ល្ងាច រៀងរាល់ម៉ោងធ្វើការ៕

សេដ្ឋកិច្ចសកលលោកនឹងឈានដល់ការខាតបង់រហូតដល់៤ទ្រីលានដុល្លារ ដោយសារ Covid-19

ដោយ ហ្សូលី

ភ្នំពេញ៖ កំណើនសេដ្ឋកិច្ចក្នុងតំបន់ ដែលកំពុងអភិវឌ្ឍនៅតំបន់អាស៊ី នឹងថយចុះខ្លាំងនៅឆ្នាំ២០២០ ដោយសារផលប៉ះពាល់ខ្លាំងនៃវីរុសឆ្លង Covid-19 ខណៈដែលសេដ្ឋកិច្ចអាចនឹងមានផលប៉ះពាល់ប្រមាណ៤លានលានដុល្លារ (៤,១ទ្រីលានដុល្លារ)។ នេះបើតាមរបាយការណ៍ព្យាករណ៍ថ្មី របស់ធនាគារអភិវឌ្ឍអាស៊ី ដែលបោះពុម្ពផ្សាយនៅឆ្នាំ ២០២០នេះ។

កំឡុងខែមុន ការព្យាករណ៍មានត្រឹមប្រមាណ២ទ្រីលានដុល្លារតែប៉ុណ្ណោះ ប៉ុន្តែពេលនេះវាបានហក់ឡើងដល់៤ទ្រីលានដុល្លារទៅហើយ។ ទិន្នផលសរុបសកលលោកបានធ្លាក់ចុះចន្លោះពី ២,៣ ភាគរយ ដល់ ៤,៨ ភាគរយ ហើយអាចនឹងស្តារត្រឡប់មកវិញនៅក្នុងឆ្នាំ២០២។ នេះបើតាមរបាយការណ៍ដដែលបានបញ្ជាក់។

ការប៉ាន់ស្មាននេះ បានធ្វើការវិវត្តព័ត៌មានបន្ថែមកាលពីថ្មីៗនេះ ឆ្លុះបញ្ចាំងពីរោគរាតត្បាត ចំណាត់ការនយោបាយមួយចំនួន និងការរឹតបន្តឹងការធ្វើដំណើរចេញចូលទូទាំងសកលលោក និងទិន្នន័យបង្ហាញពីការប៉ះពាល់សកម្មភាពសេដ្ឋកិច្ចប្រទេសចិន។

អ្វីដែលគួរកត់សម្គាល់មួយទៀតនោះ គឺការព្យាករណ៍នេះមិនរួមបញ្ចូលកត្តាដូចជាការរំខាននៃការផ្គង់ផ្គង់ ភាពរអាក់រអូលការចំណាយ ថ្លៃសេវាសុខភាពបន្ទាន់ និងការខ្វះខាតផ្នែកហិរញ្ញវត្ថុ ទៅលើវិស័យសេដ្ឋកិច្ចនិងអប់រំនោះទេ។ យ៉ាងណាមិញ នៅឆ្នាំ ២០២១ សេដ្ឋកិច្ចអាចនឹងហក់ឡើងដល់៦ភាគរយវិញ បើសិនជាមេរោគ Covid-19 បញ្ចប់នៅក្នុងឆ្នាំ២០២០ ។

ចំណែកឯសេដ្ឋកិច្ច នៅក្នុងប្រទេសឧស្សាហកម្មរបស់តំបន់អាស៊ី ដូចជា ប្រទេសចិន ក្រុងហុងកុង សាធារណរដ្ឋកូរ៉េខាងត្បូង សិង្ហបុរី និង តៃប៉ិ នឹងហក់ឡើងដល់ ៦.៧ភាគរយនៅឆ្នាំ២០២១ ។

ប្រធានសេដ្ឋវិទូនៃធនាគារអភិវឌ្ឍអាស៊ី ADB លោក Yasuyuki Sawada បានមានប្រសាសន៍ថា ទស្សនវិស័យនៃកំណើនសេដ្ឋកិច្ចពិភពលោក នឹងក្នុងតំបន់អាស៊ីមួយចំនួន គឺមិនមានស្ថានភាពប្រាកដប្រជានោះទេ ដោយសារការវិវឌ្ឍន៍នៃជំងឺរាតត្បាតពិភពលោក Covid-19 ។

លោកបន្តថា “កំណើនសេដ្ឋកិច្ចអាចថយចុះលឿន ហើយងើបឡើងវិញយឺតជាងអ្វីដែលបានព្យាករណ៍បច្ចុប្បន្ន។ លោកបន្ថែមថា “ប៉ុន្តែយ៉ាងណា ADB នឹងព្យាយាមសម្របសម្រួលចាំបាច់ ដើម្បីទប់ស្កាត់ផលប៉ះពាល់សេដ្ឋកិច្ចក្នុងរដូវនេះ ជាពិសេសសម្រាប់ប្រទេសដែលងាយរងគ្រោះបំផុត”៕

អភិបាលខេត្តកំពង់ស្ពឺថា ខេត្តទទួលបានគម្រោងវិនិយោគថ្មី១៩ និងមានទឹកប្រាក់សរុបជាង ១៦៦,៤លានដុល្លារ

ដោយ រ៉ាណេត

កំពង់ស្ពឺ៖ អភិបាលខេត្តកំពង់ស្ពឺ លោកវ៉ី សំណាងបានអះអាងថា គិតត្រឹមដំណាច់ត្រីមាសទីមួយនៃឆ្នាំ២០២០ គម្រោងវិនិយោគធំចំនួន១៩គម្រោង ជាមួយទំហំទុនសរុបជាង ១៦៦លានដុល្លារ។

គំរោងវិនិយោគនេះ ត្រូវបានស្នើសុំបើកដំណើរការដោយក្រុមហ៊ុនជាតិ និងអន្តរជាតិ និងត្រូវបានរដ្ឋាភិបាលសម្រេចអនុម័ត និងគាំទ្រយ៉ាងពេញទំហឹង ដើម្បីរួមចំណែកក្នុងការពង្រឹងនូវកំណើនសេដ្ឋកិច្ច ក្នុងស្ថានភាពគំរាមកំហែងពីវិបត្តិជំងឺឆ្លង Covid-19 ជាសាកលនៅពេលបច្ចុប្បន្ននេះ។

លោក វ៉ី សំណាង បានមានប្រសាសន៍ប្រាប់តាមទូរស័ព្ទកាលពីថ្ងៃទី៥ ខែមេសា ឆ្នាំ២០២០កន្លងមកថា ជាមួយនឹងចំនួននៃគម្រោងវិនិយោគថ្មីទាំង១៩ ដែលមានទំហំទឹកប្រាក់សរុបចំនួនជាង១៦៦លានដុល្លារខាងលើនេះ។ លោកបានសម្ដែងនូវភាពរីករាយស្វាគមន៍ និងព្យាយាមជួយសម្រួលដល់កិច្ច ដំណើរការនៃការវិនិយោគទាំងនេះ ដើម្បីអាចដំណើរការប្រកបដោយភាពរលូន។

លោកបន្តថា គិតត្រឹមចុងខែកុម្ភៈ ឆ្នាំ២០២០ កន្លងទៅនេះ នៅក្នុងខេត្តកំពង់ស្ពឺ មានរោងចក្រចំនួន២៧១ មានប្រតិបត្តិការ ប៉ុន្តែទើបតែនៅក្នុងស្ថានភាពនៃការប្រឈមទៅនឹងវិបត្តិជំងឺឆ្លង Covid-19 នៅក្នុងអំឡុងខែមីនា មានរោងចក្រចំនួន៣១ បានស្នើសុំធ្វើការព្យួរ ដែលក្នុងបណ្តាលមកពីការខ្វះខាតវត្ថុធាតុដើម ក្នុងការផលិត និងភាពប្រឈមបាត់បង់ការបញ្ជាទិញ។

លោកបានបញ្ជាក់ថា “វិបត្តិមួយនេះ វាបានកើតឡើងជាសាកល ដែលមិនមែនប៉ះពាល់ត្រឹមតែប្រទេសកម្ពុជា ឬត្រឹមតែនៅក្នុងខេត្តកំពង់ស្ពឺនោះទេ ប៉ុន្តែយើងរំពឹងថា “ភាពល្អប្រសើរ នឹងវិលត្រឡប់មករកសភាពដើមវិញក្នុងពេលដ៏ខ្លី បន្ទាប់ដំណោះស្រាយត្រូវបានធ្វើឡើង ប្រកបដោយភាពជោគជ័យក្នុងពេលឆាប់ៗខាងមុខនេះ។

គម្រោងវិនិយោគទាំង១៩ ដែលមានទំហំទឹកប្រាក់សរុបចំនួន១៦៦,៤លានដុល្លារ ដែលទើបតែទទួលបានការអនុញ្ញាត និងគាំទ្រឱ្យបើកដំណើរការពីសំណាក់រាជរដ្ឋាភិបាលកម្ពុជានៅត្រឹមត្រីមាសទី១ កន្លងទៅនេះបានជួយបង្កើតឱកាសការងារបន្ថែមជាង១២,៦០០នាក់ ។

ដោយឡែកសម្រាប់ទីតាំង នៃគម្រោងវិនិយោគទាំងអស់នេះ មាននៅតាមបណ្តាស្រុក/ក្រុង ផ្សេងៗគ្នាដូចជា ស្រុកគងពិសី ចំនួន៦គម្រោង ស្រុកសំរោងទងចំនួន៥គម្រោង ក្រុងច្បារមនចំនួន២គម្រោង តំបន់សេដ្ឋកិច្ចពិសេសអាល់ត្រាផៅវ័រ ថេកណឡជី ចំនួន២គម្រោង ស្រុកភ្នំស្រួចចំនួន១គម្រោង ស្រុកឧដុង្គចំនួន១គម្រោង និងងស្រុកបរសេដ្ឋចំនួន១គម្រោង៕

ធនាគារអភិវឌ្ឍន៍អាស៊ីជំរុញឱ្យកម្ពុជាបោះមូលបត្របំណុលដើម្បីលើកកម្ពស់ការប្រើប្រាស់ប្រាក់រៀល

ដោយ ប៊ី

ភ្នំពេញៈ ធនាគារអភិវឌ្ឍន៍អាស៊ី (ADB) បានជំរុញឱ្យប្រទេសកម្ពុជាអភិវឌ្ឍន៍ទីផ្សារក្នុងស្រុក សម្រាប់ការបោះលក់មូលបត្របំណុល (បណ្ណសាជីវកម្ម) និងមូលបត្របំណុលរបស់រដ្ឋាភិបាល ដើម្បីលើកកម្ពស់រូបិយប័ណ្ណក្នុងស្រុក។

នៅក្នុងទស្សនវិស័យអភិវឌ្ឍន៍អាស៊ីរយៈពេលពីរឆ្នាំរបស់ខ្លួន ធនាគារអភិវឌ្ឍន៍អាស៊ីបានទទួលស្គាល់ថា អាជ្ញាធរកម្ពុជាបានប្តេជ្ញាចិត្ត ក្នុងការអភិវឌ្ឍសេវាកម្មហិរញ្ញវត្ថុដើម្បីគាំទ្រដល់កំណើន និងធានាស្ថិរភាពម៉ាក្រូសេដ្ឋកិច្ច។

ធនាគារដែលមានមូលដ្ឋានឬការិយាល័យកណ្តាល នៅទីក្រុងម៉ានីលនេះបានឱ្យដឹងថា ការចេញបណ្ណបំណុល ឬសញ្ញាប័ណ្ណររបស់រដ្ឋាភិបាលក្នុងតំបន់ អាចជួយធ្វើពិពិធកម្មវិស័យហិរញ្ញវត្ថុ មិនមែនធនាគារ និងធ្វើឱ្យទីផ្សារមូលធនក្នុងស្រុកកាន់តែស៊ីជម្រៅ។

ទន្ទឹមនឹងនេះដែរ ការចេញសញ្ញាបណ្ណរបស់រដ្ឋាភិបាល នឹងជួយក្នុងការបង្កើតគោលស្តង់ដារ ដោយគ្មានហានិភ័យ សម្រាប់ការកំណត់តម្លៃមូលបត្រ ក្រុមហ៊ុនដែលបានចេញក្នុងស្រុក។

ពួកគេក៏នឹងទាក់ទាញវិនិយោគិនតាមស្ថាប័នផ្សេងៗ រយៈពេលវែងបន្ថែមពីលើធនាគារ ដូចជាក្រុមហ៊ុនធានារ៉ាប់រង និងមូលនិធិសោធនដើម្បីធ្វើឱ្យទីផ្សារកាន់តែស៊ីជ ម្រៅ។

ធនាគារអភិវឌ្ឍន៍អាស៊ីបានឱ្យដឹងថា ការអភិវឌ្ឍទីផ្សារសញ្ញាបណ្ណសាជីវកម្មនឹងជួយកាត់បន្ថយ ការពឹងផ្អែកលើឥណទានធនាគារ និងផ្តល់នូវបណ្តាញថ្មីសម្រាប់អន្តរការីហិរញ្ញវត្ថុរយៈពេលវែង។

ធនាគារនេះបានឱ្យដឹងទៀតថា “យន្តការនេះ នឹងគាំទ្រដល់ការអភិវឌ្ឍវិស័យឯកជន ធ្វើពិពិធកម្មវិស័យហិរញ្ញវត្ថុមិនមែនធនាគារ និងការសន្សំប្រាក់ក្នុងស្រុកដល់ការវិនិយោគ ដូច្នេះការកាត់បន្ថយការពឹងផ្អែកលើលំហូរមូលធនបរទេស។

កិច្ចខិតខំប្រឹងប្រែងដើម្បីអភិវឌ្ឍទីផ្សារសញ្ញាបណ្ណ ជាប្រាក់រៀលប្រឈមនឹងបញ្ហា “ដុល្លាររូបនីយកម្ម” នៅកម្ពុជា។ ទោះយ៉ាងណា មូលបត្របំណុលរូបិយប័ណ្ណក្នុងស្រុក នឹងស្របនឹងគោលដៅ ដ៏ទូលំទូលាយនៃការពង្រីកការប្រើប្រាស់ប្រាក់រៀល។

ធនាគារអភិវឌ្ឍន៍អាស៊ីបានកត់សម្គាល់ថា អាជ្ញាធរកំពុងធ្វើការលើការធ្វើវិសោធនកម្មច្បាប់ស្តីពីមូលប័ត្ររដ្ឋាភិបាល ដើម្បីផ្តល់នូវក្របខ័ណ្ឌច្បាប់ច្បាស់លាស់ និងត្រួសត្រាយផ្លូវសម្រាប់ការចេញមូលបត្របំណុលរបស់រដ្ឋាភិបាល។

ធនាគារបានឱ្យដឹងទៀតថា “ការអភិវឌ្ឍក្របខ័ណ្ឌច្បាប់ ដែលអាចគ្របដណ្តប់បាន អាចត្រូវបានបំពេញដោយការអភិវឌ្ឍផែនទីបង្ហាញផ្លូវ សម្រាប់ការអភិវឌ្ឍទីផ្សារមូលបត្របំណុលក្នុងរយៈពេលមធ្យម។

ផែនទីបង្ហាញផ្លូវបែបនេះ អាចត្រូវបានដឹកនាំដោយបទពិសោធន៍ របស់បណ្តាប្រទេសអាស៊ានផ្សេងទៀត។

ធនាគារបានបន្ថែមថា “ផ្អែកលើបទពិសោធទាំងនេះ ផែនទីបង្ហាញផ្លូវរួមមានជំហ៊ាន ដូចជាការបង្កើតស្ថាប័នសម្របសម្រួល និងប្រព័ន្ធពាណិជ្ជកម្ម និងការទូទាត់ដើម្បីសម្រួលដល់ការអភិវឌ្ឍទីផ្សារបឋម និងទីផ្សារបន្ទាប់”៕