ដោយៈ រ៉ាណេត
ភ្នំពេញៈ ប្រមុខរាជរដ្ឋាភិបាល សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាឱ្យគណៈកម្មការប្រយុទ្ធប្រឆាំងជំងឺ Covid-19 ជាពិសេសក្រសួងសុខាភិបាល ធ្វើការពិភាក្សា និងពិចារណាទៅលើការដកចេញវិធានការណ៍ ដែលតម្រូវឱ្យជនបរទេសចូលមកប្រទេសកម្ពុជា តម្កល់ប្រាក់ធានារ៉ាប់រងសុខភាពចំនួន៥ម៉ឺនដុល្លារ ដើម្បីជៀសវាងមានភាពអវិជ្ជមានដល់សេដ្ឋកិច្ច។

តាមរយៈសារជាសម្លេងផ្ញើទៅកា ន់គណៈកម្មការប្រយុទ្ធប្រឆាំងជំងឺឆ្លង Covid-19 ដែលបានចែកចាយកាលពីល្ងាចថ្ងៃទី៨ ខែកក្កដា ឆ្នាំ២០២០ សម្ដេចតេជោបានបង្គាប់ឱ្យលោកឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដឹកនាំកិច្ចប្រជុំពិភាក្សាជាមួយមន្ត្រីពាក់ព័ន្ធ ជាពិសេសក្រសួងសុខាភិបាល លើការដកវិធានការតម្រូវឱ្យជនបរទេសមួយចំនួន ចូលមកកម្ពុជាតម្កល់ប្រាក់ធានារ៉ាប់រងសុខភាព ដែលមាន៣០០០ដុល្លារ និងចំនួន៥ម៉ឺនដុល្លារដើម្បីទប់ស្កាត់ការឆ្លង់ជំងឺ Covid-19 ។
សម្ដេចតេជោបានមានប្រសាសន៍ថា “ចំណុចនេះខ្ញុំគិតថា វានឹងមានហានិភ័យខ្ពស់សម្រាប់សេដ្ឋកិច្ចស្រុកយើងតែម្ដង បើយើងធ្វើចំពោះអ្នកវិនិយោគ និងអ្នកដែលធ្វើការនៅប្រទេសកម្ពុជា” ។ សម្តេចបន្តថា “ចឹងអ្នកវិនិយោគ គឺគេមិនអាចវិលត្រឡប់មកស្រុកយើង ហើយគេក៏មិនចាកចេញពីស្រុកយើង ឬក៏ចាកចេញគឺចាកចេញទៅតែម្ដង ហើយអ្នកជំនាញឯកទេសនានា ដែលគ្នាធ្វើការនៅនេះ (នៅកម្ពុជា) ហើយចេញទៅស្រុក នឹងចង់វិលត្រឡប់មកវិញក្នុងអំឡុងពេលកូវីដនេះ គឺមកមិនបានទេ ហើយថៅកែក៏ធានាមិនបានដែរបើទាំងអស់នោះ” ។
សម្ដេចបានបញ្ជាក់ថា “យើងមានកុងត្រាធ្វើការជាមួយពួកគេច្រើនណាស់ ដូចជា ជប៉ុនធ្វើផ្លូវ ចិនក៏ធ្វើផ្លូវ ធ្វើស្ពាន ពិតមែនតែយើងបានធ្វើបណ្តាញ ជាមួយភាគីចិនរួចហើយក៏ដោយ ក៏ប៉ុន្តែអនុវត្តវាមិនបានទេ ចឹងទេ ខ្ញុំចង់ឱ្យមានការដកចេញនូវការតម្រូវឱ្យតម្កល់ប្រាក់៥ម៉ឺនដុល្លារ និង៣ពាន់ដុល្លារនេះ ពីអ្នកដែលវិនិយោគនៅក្នុងស្រុកខ្មែរ និងអ្នកបច្ចេកទេស ក៏ដូចជាអ្នកដែលធ្វើការនៅក្នុងស្រុកខ្មែរ លើកឡែងតែពួកអ្នកណាផ្សេង គឺគិតដោយឡែកទៀ” ។ សម្តេចបន្តថា “រកវិធីបន្ធូរបន្ថយយ៉ាងម៉េច….បើមិនចឹង គឺយើងនៅតែ…យើងយកបានតែមួយទេ តែយើងបាត់បងទៅវិញធំជាមួយនឹងការងារ ដែលមាន ដោយសារតែយើងដាក់វិធានការវាតឹងពេក” ។
នៅក្នុងសារសម្លេងដែលមានរយៈពេល ៧នាទី និង៩វិនាទី សម្ដេចតេជោ បានបង្គាប់ឱ្យលោកឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និជាប្រធានគណកម្មការប្រយុទ្ធប្រឆាំងនឹងជំងឺ Covid-19 ដឹកនាំអង្គប្រជុំឱ្យបានស្រូត ទៅលើការដកចេញវិធានការណ៍ ចំពោះជនបរទេសដែលជាអ្នកវិនិយោគ អ្នកធ្វើការ និងអ្នកបច្ចេកទេសដូចដែលបានលើកឡើងខាងលើ ដើម្បីទទួលបានការបន្ធូរបន្ធយ និងអាចរក្សាបាននូវអ្នកវិនិយោគចាស់ ទាក់ទាញអ្នកវិនិយោគថ្មី ដែលមិនកើតជាឧបសគ្គពីវិធានការតម្រូវឱ្យតម្កល់ប្រាក់ធានានេះទេ។

ជាមួយគ្នានេះ សម្ដេចក៏បានបញ្ជាឱ្យមន្ត្រីជំនាញ និងក្រសួងពាក់ព័ន្ធ ពិចារណាទៅលើវិធានការសម្រាប់អនុវត្តន៍ បន្ទាប់ពីការដកចេញនូវការតម្រូវតម្កល់ប្រាក់ ដោយជំនួសមកនូវវិធីសាស្ត្រផ្សេងៗ ដែលទទួលខុសត្រូវលើការចំណាយចាំបាច់ផ្ទាល់ខ្លួន របស់ជនបរទេសក្នុងករណីមានជំងឺ និងការសម្រាកព្យាបាលនៅកម្ពុជា៕



លោកបានមានប្រសាសន៍ក្នុងវេទិកាសន្និសីទសារព៌តមានស្តីពី វិធានការណ៍របស់រដ្ឋាភិបាលឆ្លើយតបវិបត្តិCovid-19នាព្រឹកថ្ងៃទី៨ កក្កដានេះថា ថៅកែៗ និងវិនិយោគិនបច្ចុប្បន្ននេះ នៅមានកម្រិតទាបនៅឡើយ ហើយភាគច្រើនក៏ជាថៅកែបរទេស ។ បើសិនជាកម្ពុជា មានថៅកែក្នុងស្រុកថៅកែជនជាតិខ្មែរកាន់តែច្រើននោះ វានឹងល្អប្រសើរសម្រាប់សេដ្ឋកិច្ច ព្រោះថាថៅកែក្នុងស្រុក គាត់បានប្រាក់ចំណេញ ហើយនឹងបន្តវិនិយោគបន្ថែមទៀត។






ទេសាភិបាលធនាគារជាតិនៃកម្ពុជា លោកជា ចាន់តូ នៅក្នុងសន្និបាតបូកសរុបលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២០ នៅថ្ងៃទី៧ ខែកក្កដា ឆ្នាំ២០២០កន្លងមកថា បណ្តាញប្រតិបត្តិការ និងសេវាហិរញ្ញវត្ថុបានអភិវឌ្ឍ បានកើនចំនួនទីស្នាក់ការ និងសាខាគ្រឹះស្ថានធនាគារ និងហិរញ្ញវត្ថុនៅទូទាំងប្រទេសបានកើនដល់២.៤៦៥ ហើយម៉ាស៊ីនដក និងដាក់ប្រាក់ស្វ័យប្រវត្តិ (ATM) មានចំនួន៣,០៨១ គណនីប្រាក់បញ្ញើអតិថិជន កើនដល់៨.២លានគណនី និងគណនីឥណទានកើនដល់៣.២ លានគណនី។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន បានមានប្រសាសន៍នៅក្នុងកិច្ចប្រជុំបូកសរុបលទ្ធផលការងារសុវត្ថិភាពចរាចរណ៍ផ្លូវគោកប្រចាំឆមាសទី១ និងទិសដៅការងារឆមាសទី២ ឆ្នាំ២០២០ នៅទីស្ដីការក្រសួងមហាផ្ទៃ នាថ្ងៃទី៧ ខែកក្កដា ឆ្នាំ២០២០ថា ពេលក្រសួងសាធារណការបានសិក្សា និងពិភាក្សាជាមួយមន្ត្រីជំនាញ រួមជាមួយនឹងអភិបាលខេត្តតាកែវ និងអភិបាលខេត្តកំពង់ពាក់ព័ន្ធទៅនឹងគម្រោងសាងសង់ស្ពានអាកាសរួចរាល់។


