ដោយ ៖ រ៉ាណេត
ភ្នំពេញ ៖ ស្ថិតនៅក្នុងបរិបទដ៏ប្រសើរនៃកំណើនសេដ្ឋកិច្ច និងស្ថិរភាពនយោបាយ កម្ពុជា បាន និងកំពុងទាក់ទាញក្រុមហ៊ុន និងវិនិយោគិន ដែលជាអ្នកអភិវឌ្ឍអន្តរជាតិជាច្រើនមកពីប្រទេសផ្សេងៗគ្នា ក៏ដូចជាប្រទេសក្នុងតំបន់ក្នុងការចូលរួមជាមួយសេដ្ឋកិច្ចកម្ពុជា។
អ្វីដែលជាការគួរឱ្យកត់សម្គាល់ជាមួយនឹងសន្ទុះនៃការអភិវឌ្ឍនៅកម្ពុជា គឺវិស័យសំណង់ និងអចលនទ្រព្យ ជាពិសេសវិស័យខុនដូ ដែលកំពុងមានសក្តានុពលខ្ពស់។
យោងតាមធនាគារពិភពលោក សេដ្ឋកិច្ចកម្ពុជារក្សាបានកំណើនជាមធ្យម៧ភាគរយ ដែលក្លាយជាប្រទេសមានល្បឿនសេដ្ឋកិច្ចលឿនជាងគេមួយនៅលើពិភពលោក ខណៈដែលសេដ្ឋកិច្ចពិភពលោកមានកំណើនតិចតូច។
ស្របទៅនឹងភាពរីកចម្រើនទាំងនេះ វិស័យសំណង់ និងអគារខុនដូនានានៅទូទាំងរាជធានីភ្នំពេញ ក៏កំពុងតែបង្ហាញសកម្មភាពយ៉ាងសកម្មនៅលើទីផ្សាររួម ដែលកំពុងតែមានការប្រកួតប្រជែងយ៉ាងខ្លាំង ជាក់ស្ដែងដូចជានៅក្នុង សង្កាត់បឹងកេងកង ទន្លេបាសាក់ ជាតំបន់ស្នូលនៃចំនួនអាគារខុនដូរខ្ពស់ៗ ។
ជាមួយនឹងនិន្នាការនៃការអភិវឌ្ឍទីផ្សារខុនដូរនេះ អគ្គនាយកក្រុមហ៊ុនអចលនទ្រព្យ PAPA & MAMA REAL ESTATE CO., LTD លោក ថេង ចាន់ថន ដែលជាអ្នកជំនាញនៅក្នុងវិស័យនេះ បានចូលរួមចែករំលែកចំណេះដឹង រួមជាមួយនឹងការលើកយកចំណុចវិជ្ជមានជាច្រើនដែលទទួលបានក្រោយពីការវិនិយោគលើវិស័យខុនដូនៅក្នុងរាជធានីភ្នំពេញ ។
លោកបានបញ្ជាក់ថា អ្នកមានលទ្ធភាពគួរតែសម្រេចចិត្តក្នុងទិញ ឬវិនិយោគនៅក្នុងវិស័យខុន ដោយក្នុងនោះលោកបានលើកយកចំណុចល្អៗចំនួន៧មកបង្ហាញជូនដូចខាងក្រោមនេះ ៖
១- ការរស់នៅក្នុងខុនដូជួយសន្សំសំចៃពេលវេលារបស់អ្នក៖ ចរាចរណ៍នៅក្នុងរាជធានីភ្នំពេញកំពុងតែមានការកើនឡើងយ៉ាងឆាប់រហ័សដែលបណ្តាលឱ្យមានការកកស្ទះចរាចរណ៍ស្ទើរតែរាល់ថ្ងៃ ដូច្នេះប្រសិនបើអ្នករស់នៅក្រៅទីក្រុង ឬរស់នៅជាយក្រុង វាត្រូវការពេលយូរ ដើម្បីទៅបំពេញការងារឱ្យទាន់ពេលវេលា។
អ្នកប្រហែលជាមានភាពតានតឹងជាមួយនឹងការស្ទះចរាចរណ៍ខ្លាំង។ ដូច្នេះ ខុនដូត្រូវបានសាងសង់នៅចំកណ្តាលរាជធានី ដែលព័ទ្ធជុំវិញដោយមជ្ឈមណ្ឌលពាណិជ្ជកម្ម ធនាគារ ការិយាល័យ ហាងកាហ្វេ ហាងលក់ទំនិញជាដើម ដោយអ្នកអាចដើរទៅការិយាល័យរបស់អ្នក ឬចំណាយពេលតិចក្នុងការទៅកន្លែងធ្វើការរបស់អ្នក។
២ – មានសុខភាពល្អ និងបរិស្ថានស្រស់ថ្លា ៖ ស្រមៃថាអ្នករស់នៅជាន់ទី២៥ នៃអគារខ្ពស់ ! អ្នកអាចដកដង្ហើមខ្យល់បរិសុទ្ធ និងមើលឃើញទិដ្ឋភាពទីក្រុងទាំងមូល។ ខុនដូភាគច្រើនត្រូវបានបំពាក់ដោយឧបករណ៍ប្រើប្រាស់ក្នុងផ្ទះទំនើបដើម្បីធានាសុវត្ថិភាព និងអនាម័យសម្រាប់ការរស់នៅបែបទំនើប។
ខុនដូមានគ្រឿងបរិក្ខារជាច្រើន រួមជាមួយនឹងការរៀបចំជាកន្លែងហាត់ប្រាណ និងអាងហែលទឹក ដូច្នេះអ្នកអាចគ្រប់គ្រងការហាត់ប្រាណបានត្រឹមត្រូវស្របតាមក្បួន។
៣ – ប្រាក់ចំណូលដែលបានជួលខ្ពស់៖ ប្រសិនបើអ្នកជាម្ចាស់ខុនដូលំដាប់ខ្ពស់នៅឆ្នាំនេះ អ្នកអាចជួលបានចន្លោះពី ៧០០ ទៅ ២០០០ ដុល្លារក្នុងមួយខែ អាស្រ័យលើទំហំខុនដូរបស់អ្នក។ ឧទាហរណ៍ ខុនដូបន្ទប់គេង១បន្ទប់ នៅបឹងកេងកង១ អ្នកអាចដាក់ជួលបានចាប់ពី ៧០០ ទៅ ៩០០ ដុល្លារ។
សម្រាប់ខុនដូបន្ទប់គេង ២ អ្នកអាចដាក់ជួលបានចាប់ពី ១២០០ ទៅ ១៨០០ ដុល្លារក្នុងមួយខែ អាស្រ័យលើការតុបតែង និងគ្រឿងសង្ហារឹម ដែលអ្នកមានបំពាក់នៅក្នុងខុនដូរបស់អ្នក។ តម្លៃជួលអាចខ្ពស់ជាងនេះ អាស្រ័យលើទំហំខុនដូ ទីតាំង ការតុបតែងខាងក្នុង គ្រឿងសង្ហារឹម សម្ភារៈផ្ទះបាយ ដែលអ្នកបានរៀបចំនៅក្នុងខុនដូរបស់អ្នក។
៤ – ចេញរកប្រាក់ចំណេញ៖ សេដ្ឋកិច្ចកម្ពុជាកំពុងមានស្ថិរភាពក្នុងអត្រាកំណើនប្រចាំឆ្នាំជាមធ្យម ៧% ជារៀងរាល់ឆ្នាំ។ ជនបរទេសកាន់តែច្រើនឡើងៗ កំពុងមករកស៊ី និងធ្វើការនៅភ្នំពេញ។ តម្រូវការខុនដូកម្រិតខ្ពស់បានកើនឡើងយ៉ាងឆាប់រហ័ស។ ដូច្នេះបន្ទាប់ពីជួលខុនដូបានប៉ុន្មានឆ្នាំ អ្នកអាចលក់វាបន្ត ដើម្បីរកប្រាក់ចំណេញ ដែលវាមានសក្តានុពលក្នុងការទទួលបានចំណេញខ្ពស់។
៥ – ផ្ទះវិស្សមកាល ៖ ប្រសិនបើអ្នករស់នៅក្នុងផ្ទះវីឡា ឬផ្ទះល្វែង ប៉ុន្តែអ្នកចង់ស្នាក់នៅខុនដូខ្ពស់ខ្ពស់នៅចុងសប្តាហ៍ ដោយសារតែតម្រូវការកន្លែងហាត់ប្រាណ និងអាងហែលទឹក ដូច្នេះការដែលទិញខុនដូទុកក៏ជាជំរើសល្អដែរ។
៦ – ខុនដូជាការិយាល័យ ៖ ខុនដូក៏អាចប្រើធ្វើជាការិយាល័យផងដែរ ជាពិសេសនៅពេលដែលអ្នកចង់បានភាពស្ងប់ ស្ងាត់ខ្លះពីគ្រួសារ ហើយចង់ផ្តោតអារម្មណ៍លើការងារ។
៧ – សុវត្ថិភាពខ្ពស់ ៖ នៅពេលអគារខុនដូត្រូវបានបំពាក់ដោយកាំមេរ៉ាសុវត្តិភាព ប្រព័ន្ធត្រួតពិនិត្យជាមួយសន្តិសុខ ទ្រព្យសម្បត្តិរបស់លោកអ្នកនឹងត្រូវធានាបាននូវសុវត្ថិភាពខ្ពស់បំផុត នៅក្នុងនោះរាប់ទាំងរថយន្តរបស់អ្នកដែលចតនៅផ្នែកខាងក្រោមនៃអគារផងដែរ។
លោក ថេង ចាន់ថន បានមានប្រសាសន៍បញ្ជាក់ថា “ប្រសិនបើលោកអ្នកមានបំណងចង់ធ្វើជាម្ចាស់ខុនដូមួយនៅក្នុងរាជធានីភ្នំពេញ អ្នកគួរតែពិគ្រោះជាមួយភ្នាក់ងារអចលនៈទ្រព្យដែលមានជំនាញវិជ្ជាជីវៈ ដើម្បីប្រាកដថាអ្នកទទួលបានដំបូន្មានល្អបំផុតសម្រាប់ការសម្រេចចិត្តមុនពេលទិញខុនដូណាមួយ ពីព្រោះវាអាចមានហានិភ័យខ្លះក្នុងការលក់ចេញវិញ ដែលពាក់ព័ន្ធទៅនឹងបញ្ហាគុណភាពសំណង់ ទីតាំង និងច្បាប់សាងសង់”។
លោកថា “ជាបទពិសោធន៍ ខ្ញុំធ្លាប់បានជួយលក់គម្រោងសំណងអាគារធំៗជាច្រើនស្របទៅនឹងផែនការរបស់ម្ចាស់គម្រោង ហើយអ្វីដែលជាមោទនភាពនោះ គឺការណែនាំដល់អតិថិជនរបស់ខ្ញុំជាច្រើននាក់ទិញបានអចលនទ្រព្យល្អៗជាច្រើនទីតាំង ទាំងនៅក្នុងរាជធានីភ្នំពេញ ក៏ដូចជាតាមបណ្តាខេត្តមួយចំនួនទៀតផងដែរ”។
បច្ចុប្បន្ននេះ ក្រុមហ៊ុនភ្នាក់ងារអចលនទ្រព្យ PAPA & MAMA បានទទួលនូវទំនុកចិត្តយ៉ាងខ្ពស់ពីសំណាក់ក្រុមហ៊ុនវិនិយោគ និងអភិវឌ្ឍគម្រោងធំៗជាច្រើន ជាក់ស្តែងក្រុមហ៊ុនកំពុងតែទទួលបានសិទ្ធិក្នុងការលក់គម្រោងអគារខុនដូលំដាប់ផ្កាយ៥ Morgan EnMaison ដែលស្ថិតនៅតំបន់ជ្រោយចង្វារដ៏មានសក្ដានុពល ជាពិសេស រាល់អតិថិជនទាំងអស់ដែលទិញ Units នៃគម្រោងខុនដូ Morgan EnMaison តាមរយៈក្រុមហ៊ុន PAPA & MAMA នឹងទទួលបានកាដូ រួមជាមួយនឹងការបញ្ចុះតម្លៃយ៉ាងពិសេសភ្លាមៗតែម្ដង។ លោកអ្នកអាចទាក់ទងបានតាមរយៈទូរស័ព្ទលេខ៖ 017 481 677 Email: chanthorn@papamama.asia
