ដោយ ប៊ី
ភ្នំពេញៈ ធនាគារពិភពលោកបានឱ្យដឹងនៅក្នុងចក្ខុវិស័យទីផ្សារទំនិញ (October Commodity Markets Outlook) ខែតុលារបស់ខ្លួនថា តម្លៃថាមពល និងលោហៈត្រូវបានរំពឹងថា នឹងបន្តធ្លាក់ចុះក្នុងឆ្នាំ២០២០ បន្ទាប់ពីមានការធ្លាក់ចុះយ៉ាងខ្លាំងនៅឆ្នាំ ២០១៩ ដោយសារទស្សនវិស័យ និងមានភាពកម្សោយនៃកំណើនសេដ្ឋកិច្ចសកល និងផលវិបាកនៃតម្រូវការទន់ខ្សោយ។
លោក Ceyla Pazarbasioglu អនុប្រធានធនាគារពិភពលោក ផ្នែកកំណើនប្រកបដោយសមធម៌ ហិរញ្ញវត្ថុនិងវិទ្យាស្ថានបានមានប្រសាសន៍ថា “ការធ្លាក់ចុះតម្រូវការទំនិញបង្ហាញនូវបញ្ហាប្រឈម សម្រាប់អ្នកនាំចេញ និងជាឱកាសសម្រាប់អ្នកនាំចូល”។
លោកបានបន្តថា “នៅពេលពួកគេទាំងពីរផ្លាស់ប្តូរ ពីការប្រើប្រាស់ទំនិញមួយទៅទំនិញមួយទៀត ដោយសារការប្រែប្រួលតម្លៃ និងការឈានទៅមុខនៃបច្ចេកវិទ្យា”។លោកបន្ថែមថា “វាសំខាន់ណាស់ដែលធនធានទាំងនេះ ត្រូវបានផលិត និងប្រើប្រាស់តាមរបៀបប្រកបដោយនិរន្តរភាពបរិស្ថាន”។
តម្លៃប្រេងឆៅត្រូវបានព្យាករថា នឹងមានតម្លៃជាមធ្យម៦០ដុល្លារក្នុងមួយបារ៉ែលនៅឆ្នាំ២០១៩ និងធ្លាក់ចុះដល់៥៨ដុល្លារ ក្នុងមួយបារ៉ែលនៅឆ្នាំ២០២០ ជាតម្លៃទាបជាងការរំពឹងទុក។ ស្របនឹងការធ្លាក់ចុះនៃកំណើនសេដ្ឋកិច្ចពិភពលោក បច្ចុប្បន្នការប្រើប្រាស់ប្រេង ត្រូវបានរំពឹងថានឹងកើនឡើងក្នុងល្បឿនយឺត ជាងការព្យាករណ៍មុនៗ និងកើនឡើងតិចតួចនៅឆ្នាំក្រោយ។
ការធ្លាក់ចុះនៃសេដ្ឋកិច្ចទាបជាងការរំពឹងទុក បានបង្កហានិភ័យធំបំផុតចំពោះការព្យាករណ៍តម្លៃប្រេង។ ជាទូទៅ តម្លៃថាមពលដែលរួមបញ្ចូលទាំងឧស្ម័នធម្មជាតិ និងធ្យូងថ្ម ត្រូវបានរំពឹងថា នឹងធ្លាក់ចុះជាមធ្យមស្ទើរតែ១៥ភាគរយ ក្នុងឆ្នាំ២០១៩ ហើយនឹងបន្តធ្លាក់ចុះទៀតនៅឆ្នាំ២០២០។
តម្លៃលោហៈក៏ត្រូវបានព្យាករថានឹងធ្លាក់ចុះ៥ភាគរយ នៅឆ្នាំ ២០១៩ និងបន្តធ្លាក់ចុះនៅឆ្នាំក្រោយ ដោយសារតម្រូវការពិភពលោក ធ្លាក់ចុះយ៉ាងខ្លាំងនៅលើទីផ្សារ។ លោហៈដ៏មានតម្លៃ ដែលបានកើនឡើងយ៉ាងខ្លាំងនៅឆ្នាំនេះត្រូវបានរំពឹងថា នឹងកើនឡើងបន្ថែមទៀតនៅឆ្នាំ២០២០ ដើម្បីឆ្លើយតបទៅនឹងភាពមិនប្រាកដប្រជា របស់ពិភពលោក និងគោលនយោបាយរូបិយវត្ថុ។
តម្លៃកសិកម្មត្រូវបានរំពឹងថា នឹងធ្លាក់ចុះនៅឆ្នាំនេះ ប៉ុន្តែមានស្ថេរភាពនៅឆ្នាំ ២០២០។
ដំណោះស្រាយនៃភាពតានតឹងពាណិជ្ជកម្ម អាចជំរុញឱ្យតម្លៃទំនិញកសិកម្មមួយចំនួន ដូចជា សណ្តែកសៀង និងពោត ខណៈតម្លៃថាមពលទាបអាចធ្វើឱ្យថ្លៃដើមប្រេងឥន្ធនៈ និងថ្លៃជី ធ្លាក់ចុះតម្លៃដំណាំដែលពឹងផ្អែកលើថាមពល ដូចជាប្រភេទគ្រប់ធុញ្ញជាតិសម្រាប់ទាញយកប្រេង។
ផ្នែកពិសេសមួយនៅក្នុងរបាយការណ៍ពិនិត្យមើលអ្វី ដែលជំរុញអ្នកប្រើប្រាស់ឱ្យជំនួសទំនិញមួយសម្រាប់ទំនិញមួយផ្សេងទៀត ដូចជា ឧស្ម័នធម្មជាតិជំនួសធ្យូង ថ្ម ឬ ក្រដាសជំនួសប្លាស្ទិច។ ការជំនួសទាំងនេះ ត្រូវបានជំរុញដោយការច្នៃប្រឌិតបច្ចេកវិទ្យា និងការផ្លាស់ប្តូរក្នុងតម្លៃទំនិញ។
បាតុភូតនេះបង្ហាញពីហានិភ័យ ចំពោះចក្ខុវិស័យកំណើនរយៈពេលវែង របស់ប ណ្តាប្រទេស ដែលពឹងផ្អែកយ៉ាងខ្លាំងទៅលើក្រុមតូចមួយនៃការនាំចេញទំនិញ។
នាយកធនាគារពិភពលោកផ្នែកក្រុមអ្នកវិភាគ លោក Ayhan Kose បានមានប្រសាសន៍ថា “ផ្អែកលើចំណូលពីការនាំចេញទំនិញតូចមួយ ធ្វើឱ្យសេដ្ឋកិច្ចកំពុងអភិវឌ្ឍន៍ការនាំចេញទំនិញងាយរងគ្រោះ ព្រោះតម្រូវការកើនឡើង និងថ្លៃដើមខ្ពស់អាចជម្រុញការច្នៃប្រឌិត និងសម្រួលការជំនួសក្នុងចំណោមទំនិញ”។
ផ្នែកពិសេសមួយទៀត ពិនិត្យមើលផលប៉ះពាល់ នៃការវាយប្រហារថ្ងៃទី១៤ ខែកញ្ញា លើរោងចក្រផលិតប្រេងនៅអារ៉ាប់ប៊ីសាអូឌីត។ ការឆ្លើយតបទីផ្សារមានរយៈពេលខ្លីដោយស្តង់ដារប្រវត្តិសាស្រ្ត ដោយសារតែការស្ដារឡើងវិញយ៉ាងឆាប់រហ័ស នៃផលិតកម្មប្រភពចំរុះកាន់តែច្រើនឡើងៗនៃការផ្គត់ផ្គង់ប្រេង រួមទាំងប្រេងថ្មសែល និងតម្រូវការចុះខ្សោយ។
ទោះយ៉ាងណាវាជាការរំលឹកថា ទីផ្សារប្រេងពិភពលោក នៅតែពឹងផ្អែកលើហេដ្ឋារចនាសម្ព័ន្ធសំខាន់ៗ និងការរាំងស្ទះដល់ការដឹកជញ្ជូន ដែលអាចងាយរងការរំខាន៕ (ប្រភព ធនាគារពិភពលោក)៕
បណ្តាក្រុមប្រឹក្សាពិគ្រោះយោបល់អាស៊ានទាំងអស់ ជួបប្រជុំគ្នាដើម្បីពិគ្រោះយោបល់បង្ហាញពីការវិវត្តថ្មីៗអំពីសេដ្ឋកិច្ចពាណិជ្ជកម្ម និងលើកយកបញ្ហាប្រឈមនានានៅតាមបណ្តាប្រទេសអាស៊ានទាំងអស់ ទាក់ទងនឹងការធ្វើពាណិជ្ជកម្ម និងសេដ្ឋកិច្ចក្នុងការរៀបចំជារបាយការណ៍ដឹកជូន ប្រមុរដ្ឋប្រមុខរដ្ឋាភិបាលអាស៊ានដោះស្រាយ៕
