ដោយ សច្ចៈ
ភ្នំពេញៈ លោក Charles Xue មហាសេដ្ឋីអចលនទ្រព្យរបស់ចិន ដែលជាអ្នកមានលុយច្រើនបំផុតរបស់ប្រទេសចិន គ្រោងសាងសង់ទីក្រុងព្រះសីហនុថ្មី នៅតំបន់ឧទ្យានជាតិរាម ដែលស្ថិតនៅក្បែរព្រលានយន្តហោះអន្តរជាតិខេត្តព្រះសីហនុ។
លោក Charles Xue ជាមហាសេដ្ឋីរូបនេះបាន ឆ្លើយតបទៅនឹងសំនួររបស់កាសែតខ្មែរថមន៍កាលពីពេលថ្មីៗនេះបានឱ្យដឹងថា យើងនឹងចាប់ផ្តើមវិនិយោគជាមួយវិស័យដីធ្លី និងអលនទ្រព្យនៅកម្ពុជា។លោកបន្តថា លោកបានទិញដីទំហំ១ពាន់ហិកតានៅរាម ក្បែរព្រលានយន្តហោះខេត្តព្រះសីហនុ។ លោកបន្តថា លោកក៏បានជួលដីទំហំ៤ ពាន់ហិតាក្នុងរយៈពេល១០០ឆ្នាំនៅឯកន្លែងមួយ ដែលជាតំបន់អភិរក្សព្រៃឈើជាតិ ស្ថិតក្បែរព្រលានយន្តហោះផងដែរ។
លោកបន្តថា “ទីតាំងនេះមានក្រឡាផ្ទៃទំហំ៨គីឡូម៉ែត្រការ៉េ ដែលមានទំហំធំជាងក្រុងម៉ាកាវដល់ទៅ១៥ដង ។ យើងនឹងសាងសង់ក្រុព្រះសីហនុថ្មី”។ លោកបន្តថា “ខ្ញុំមកទីនេះកាលពីឆ្នាំមុន ដើម្បីចូលរួមសន្និសីទស្តីពីប្រព័ន្ធ blockchain ហើយខ្ញុំក៏បានស្រឡាញ់ប្រទេកសម្ពុជាជាចាប់ពីពេលនោះ” ។
លោក Chiles Xue បានបន្តថា “ខ្ញុំបានត្រឡប់មកកាន់ទីនេះ១១ដង ហើយខ្ញុំស្នាក់នៅទីនេះអស់រយៈពេលបួនខែមកហើយដែរ។ ខ្ញុំបានជ្រើសរើសខេត្តព្រះសីហនុជាកន្លែងចាប់ផ្តើមដំបូងរបស់ខ្ញុំ”។
ទាក់់ទងនឹងគំរោងវិនិយោគទីក្រុងថ្មីនេះ លោក Chiles Xue បានមានប្រសាសន៍ឲ្យដឹងថា យើងមានគម្រោងសាងសង់កាស៊ីណូ មជ្ឈមណ្ឌលកំសាន្ត និងមជ្ឈមណ្ឌលតាំងបង្ហាញទំនិញ។ យើងនឹងសាងសង់ផ្ទះវីឡា ទីលានវាយកូនហ្គោល សួនសត្វ ផ្ទះលម្ហែកាយសម្រាប់ប្រជាជនក្នុងតំបន់ និងផ្ទះសម្រាប់ជនជាតិចិនចូលនីវត្តន៍ ក្នុងតម្លៃសមរម្យ។ ក៏នឹងមានការសាងសង់តំបន់ឧស្សាហកម្មមួយ សម្រាប់ជនជាតិចិនអាចបង្កើតរោងចក្រពួកគេបានផងដែរ៕
