ដោយ ម៉ៃ វីរៈ
កំពតៈ ទីតាំងនៃការសាងសង់ទីក្រុងថ្មីមួយនាជើងភ្នំបូកគោ ដែលមានចម្ងាយប្រមាណ៣០គីឡូម៉ែត្រពីកំពូលភ្នំ ត្រូវបានប្រជាជនមូលដ្ឋានបង្ហើបប្រាប់ពីទីតាំង ខណៈពួកគេបានស្វាគមន៍ចំពោះគម្រោងបង្កើតទីក្រុងថ្មីរបស់រដ្ឋាភិបាលនេះ។
កាលពីពេលថ្មីៗនេះ ក្រុមការងារអន្តរក្រសួងដឹកនាំដោយលោកឧបនាយករដ្ឋមន្រ្តីជា សុផារ៉ារដ្ឋមន្រ្តីក្រសួងរៀបចំដែនដី នគរូបននីយកម្ម និងសំណង់ រដ្ឋមន្រ្តីក្រសួងបរិស្ថានលោកសាយ សំអាល់ និងរដ្ឋមន្រ្តីក្រសួងទេសចរណ៍លោកថោង ខុន និងអភិបាលខេត្តកំពត និងព្រះសីហនុ បាពិភាក្សាពីគម្រោងបង្កើតទីក្រុងថ្មីនេះ។
ភ្នាក់ងាររបស់វេបសាយអចលណៈទ្រព្យ Property Area បានចុះទៅកាន់ទីតាំងផ្ទាល់ ដើម្បីសាកសួរប្រជាពលរដ្ឋដែលរស់ជុំវិញ ក្នុងតំបន់នេះអំពីតំលៃអចលណៈទ្រព្យ។
អ្នកស្រី ប៉ែន សុធារី អាយុ ៣៨ឆ្នាំ ជាម្ចាស់ហាងបាយមួយកន្លែង ដែលស្ថិតនៅជិតជើងភ្នំបូកគោបានប្រាប់ឲ្យដឹងកាលពីចុងសប្តាហ៍មុនថា អ្នកស្រីមិនទាន់ដឹងច្បាស់ដែរពីគំរោងនេះ តែបានមើលពត័មានថាគេនឹងរៀបចំធ្វើទីក្រុងថ្មីនៅជិតៗនេះ។ តែបើគេធ្វើមែនគឺល្អណាស់ ដោយសារនឹងមានមនុស្សមករស់កាន់តែច្រើន ហើយនឹងមានភាពអ៊ូអរជាងនេះ។
អ្នកស្រីបានបន្តថា “ដីនៅហ្នឹងវាថ្លៃស្រាប់ហើយ ដោយមួយម៉ែត្រការ៉េចាប់ពី១០ដុល្លាររហូតដល់ ៥០ដុល្លារ ឥលូវបើមានគំរោងគេធ្វើទីក្រុងមែន ដីវាកាន់តែថ្លៃទៀតហើយ ប្រហែលជាអាចគុណនិងពីររឺបីមិនដឹង”។
ចំណែកលោកចាន់ សីហា អាយុ ៤៨ឆ្នាំ ជាបុគ្គលិកក្រុមហ៊ុនឯកជននិងមានដីចំការមួយកន្លែងនៅជើងភ្នំបូកគោបានមានប្រសាស៍ថា “ខ្ញុំបានលឺគេនិយាយរឿងធ្វើទីក្រុងថ្មីហ្នឹងច្រើនដែរមួយរយៈនេះ បើនិយាយទៅសឹងតែគ្រប់ហាងកាហ្វេ នៅក្នុងខេត្តកំពត ហើយបើសិនជាពិតមែនវាល្អណាស់”។
លោកសីហាបានបន្តថា “ខ្ញុំមិនច្បាស់ដែរហ្នឹង ប្រហែលជាបីខែមុនមានគេតេមកសួរពូដែរ គេអោយមួយការ៉េ១០ដុល្លារ តែបើមានគេអភិវឌ្ឃទៅជាក្រុងនៅតំបន់ហ្នឹងមែន ប្រហែលជាបានថ្លៃជាហ្នឹងច្រើនមិនដឹង”។
ម្ចាស់បឹងកាឡូ ក្ដាសាណាកា នឹងជាអ្នកជំនួញអចលណៈទ្រព្យក្នុងខេត្តកំពតលោក អឿន រស់នៅអមរើន បាននិយាយឲ្យដឹងផងដែរថា វាជារឿងល្អសម្រាប់ប្រជាជនរស់នៅក្នុងតំបន់នេះ វាជួយកាត់បន្ថយការចំណាកស្រុក បង្កើតការទាក់ទាញអ្នកវិយោគមកវិនិយោគបន្ថែមទៀតក្នុងតំបន់នេះ។
ទាក់ទងតំលៃដីលោក រស់នៅអមរើនក៏បានអោយដឹងថា “តំលៃកាលពីមុននឹងអីឡូវខុសគ្នាឆ្ងាយខ្លាំងមែនទែន កាលខ្ញុំមកវិនិយោគធ្វើបឹងកាឡូនៅឆ្នាំ២០១៦ ដីនៅទីនេះ ១ម៉ែត្រការ៉េមិនដល់១ដុល្លារផងហ្នឹង ហើយអីឡូវគឺឡើងមួយគុណនឹងម្ភៃដងឯនោះ”៕
លោករដ្ឋមន្ត្រី ថោង ខុន ក្រៅពីគម្រោងអភិវឌ្ឍន៍ខេត្តកែប ទៅជាតំបន់ទេសចរណ៍សម្រាកលំហែកម្រិតខ្ពស់ រាជរដ្ឋាភិបាលក៏បានសម្រេចលើការសិក្សារៀបចំ «ខេត្តកំពតទៅជាតំបន់ទេសចរណ៍វប្បធម៌បេតិកភណ្ឌ និងកសិទេសចរណ៍» ក្នុងពេលដែលរាជរដ្ឋាភិបាលបាន និងកំពុងសាងសង់កំពង់ផែទេសចរណ៍អន្តរជាតិមួយ ក្នុងគម្រោងកិច្ចសហប្រតិបត្តិការមហាអនុតំបន់ទន្លេមេគង្គ ដែលអាចនឹងបញ្ចប់នៅដើមឆ្នាំ២០២០ ខាងមុខផងដែរ៕
សម្តេចក្រឡាហោម ស ខេង ថ្លែងនៅក្នុងពិធីប្រកាសផ្ទេរតំណែងអភិបាលខេត្តព្រះសីហនុ ពីលោកយន្ត មីនមកលោក គួច ចំរើន នៅថ្ងៃទី២៩ ខែមិថុនា ឆ្នាំ២០១៩នេះបានឱ្យដឹងថា កន្លងអាជ្ញាធរបានរកឃើញអគារសាងសង់រួចហើយ មិនមានប្រព័ន្ធសុវត្ថិភាព និងអគារដែលកំពុងសាងសង់ពុំមានច្បាប់ត្រឹមត្រូវ ពីក្រសួងរៀបចំដែនដី នគរូបនីយកម្មសំណង់ និងខុសបច្ចេកទេស។
សម្តេចក្រឡាហោមថា “រាល់សំណង់ទាំងអស់ត្រូវតែមានច្បាប់ ត្រូវតែមានគុណភាព និងសុវត្ថិភាព”៕
