[:km]ក្រុមហ៊ុនជប៉ុន៣បាននិងកំពុងចូលរួមកសាងហេដ្ឋារចនាសម្ព័ន្ឋដើម្បីពន្លឿន កំនើនសេដ្ឋកិច្ចកម្ពុជា[:]

January 28, 2019

[:km]ដោយវុត្ថា
ភ្នំពេញ៖ ក្រុមហ៊ុនជប៉ុនចំនួន៣បាននិងកំពុងចូលរួមកសាងហេដ្ឋារចនាសម្ព័ន្ឋនៅកម្ពុជា ដើម្បីចូលរួមចំណែកជំរុញនិងបង្កើនល្បឿនកំណើនសេដ្ឋកិច្ចកម្ពុជាផងដែរ ពិសេសការពង្រីកផ្លូវជាតិលេខ៥។

ក្រុមហ៊ុនដែលទទួលបានសិទ្ធិម៉ៅការសាងសង់ គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ភាគកណ្តាលសរុបប្រវែង១៤៦.០៤ គ.មដោយចាប់ពីធ្លាម្អម-បាត់ដំបង មានប្រវែង១១០.៩០ គ.ម និងរួមបញ្ជូលផ្នែកចុងក្រោយសិរីសោភ័ណ-ប៉ោយប៉ែត មានប្រវែង ៣៥.១៤ គ.ម សម្រាប់កញ្ចប់ទី១ កញ្ចប់ទី២ និងកញ្ចប់ទី៣ រួមមាន៖១. ក្រុមហ៊ុន ILSUNG-CIENCO1 Joint Venture ២. ក្រុមហ៊ុន OBAYASHI Corporation ៣. និង ក្រុមហ៊ុន TEKKEN-IKEE Joint Venture។

សេចក្តីប្រកាសព៌តមានរបស់ក្រសួងសាធារណៈការ និងដឹកជញ្ជូនដែលគេហទំព័រ propertyarea.asia ទទួលបាននៅថ្ងៃទី ២៧ ខែមករា ឆ្នាំ ២០១៩កន្លងមកថា លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណការ និងដឹកជញ្ជូន នឹងអញ្ជើញជាអធិបតីភាព នៅក្នុងពិធីចុះហត្ថលេខាលើកិច្ចព្រមព្រៀងគម្រោង ដែលជាគម្រោងឥណទានសម្បទានពីរដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុនប្រចាំកម្ពុជា (JICA) ដើម្បីប្រគល់ជូនដល់ក្រុមហ៊ុនទាំង៣នៅថ្ងៃទី២៨ ខែមករា ឆ្នាំ២០១៩ នេះ។

លោកឈឹម ផល្លា ប្រធាននាយកដ្ឋានផ្លូវថ្នល់ នៃក្រសួងសាធារណៈការនិងដឹកជញ្ជូនបានឲ្យដឹងបានឲ្យដឹងកាលពីពេលថ្មីៗនេះថា មានក្រុមហ៊ុនទាំងក្នុងស្រុក និងក្រៅស្រុកជាច្រើន បានចូលរួមដាក់ដេញថ្លៃ ក្នុងការទទួលបានសិទ្ធិម៉ៅការសាងសង់គម្រោង តែភាគច្រើន ក្រុមហ៊ុនទាំងនោះមិនមានលក្ខន្ធគ្រប់គ្រាន់ ដែលខាងភាគីជប៉ុនតម្រូវឲ្យមាន។

លោកបន្តថា “គម្រោងធ្វើឲ្យប្រសើរឡើងវិញ នៅកំណាត់ផ្លូវជាតិលេខ៥នេះ ជាផ្លូវតភ្ជាប់ផ្លូវអាស៊ានហៃវ៉េ ឆ្លងកាត់ពីប្រទេសថៃឆ្ពោះទៅកាន់ផ្លូវជាតិលេខ១ទៅកាន់ ប្រទេសវៀតណាម”។

ឯកអគ្គរដ្ឋទូតជប៉ុនប្រចាំកម្ពុជាលោក Horinouchi Hidehisaបានមានប្រសាសន៍ឲ្យដឹងកាលពីពេលថ្មីៗនេះថា រដ្ឋាភិបាលជប៉ុន ជួសជុលកំណាត់ផ្លូវជាតិ ពីព្រែកក្តាមដល់ប៉ោយប៉ែតប្រវែង៣៦៨.៧គីឡូម៉ែត្រ និងសំណូមពរប្រជាពលរដ្ឋកម្ពុជា បង្កើតការយកចិត្តទុកដាក់ពេលធ្វើដំណើរលើផ្លូវជាតិលេខ៥នេះ។

លោកបន្តថា ការជួសជុលកំណាត់ផ្លូវជាតិលេខ៥ នឹងត្រូវបង្កើនពីស្ថានភាពបច្ចុ ប្បន្នដែលមានតែ២គន្លង ទៅជា៤គន្លង និងមានប្រវែងសរុប ៣៦៨,៧គីឡូម៉ែត្រ ចាប់ពីក្រុងប៉ោយប៉ែតមកដល់ព្រែកក្តាម។

លោកបន្តថា ការពង្រីកស្ថាបនាផ្លូវជាតិ៥នេះ ស្ថិតក្នុងគម្រោងកែលំអផ្លូវជាតិលេខ៥ (National Road No.5 Improvement Project) ដែលរដ្ឋាភិបាលជប៉ុនបានផ្តល់ជាកម្ចីមករដ្ឋាភិបាលកម្ពុជា សម្រាប់ជួសជុលកំណាត់ផ្លូវជាតិលេខ៥ តាមរយៈទីភ្នាក់ងារសហប្រតិបត្តិការអន្តរជាតិជប៉ុន ដែលហៅកាត់ថាJICA។ ការស្ថាបនាផ្លូវនេះនឹងបញ្ចប់នៅឆ្នាំ២០២២ ហើយកំណាត់ផ្លូវមួយចំនួននឹងត្រូវបិទហេតុនេះ៕[:]

[:km]លោកជា ចាន់តូលើកឡើងពីដំណើរវិវត្តន៍ផ្នែកបច្ចេកវិទ្យាគួរឲ្យចាប់អារម្មណ៍[:]

January 28, 2019

0

[:km]ដោយគង់ សូរិយា
ភ្នំពេញ៖ ទេសាភបាលធនាគារជាតិនៃកម្ពុជាបានថ្លែងថា បដិវត្តន៍ឧស្សាហកម្មទី៤ បាននិងកំពុងផ្លាស់ប្តូរដំណើរការនៃប្រព័ន្ធសេដ្ឋកិច្ចសង្គម និងនយោបាយ ដែលបច្ចេកវិទ្យាហិរញ្ញវត្ថុ ត្រូវបានចាត់ទុកថាជាផ្នែកមួយនៃបដិវត្តន៍ឧស្សាហកម្មទី៤។

លោកជា ចាន់តូ ទេសាភិបាលធនាគាជាតិនៃកម្ពុជា បានមានប្រសាសន៍ឲ្យដឹងកាលពីចុងសប្តាហ៍មុនថា បច្ចេកវិទ្យាហិរញ្ញវត្ថុមួយចំនួន បានកាត់បន្ថយកម្រៃសេវានិងហានិភ័យ ព្រមទាំងជំរុញបរិយាប័ន្នហិរញ្ញវត្ថុ ប៉ុន្តែបច្ចេកវិទ្យាហិរញ្ញវត្ថុមួយចំនួនទៀតដូចជា ទ្រព្យសកម្ម (Crypto) បានបង្កហានិភ័យដល់សេដ្ឋកិច្ច ដោយសារការប្រែប្រួលតម្លៃយ៉ាងឆាប់រហ័ស និងគ្មានការធានាលើការប្តូរជាសាច់ប្រាក់ ដោយស្ថាប័នណាមួយឡើយ។

លោកបន្តថា បច្ចេកវិទ្យាហិរញ្ញវត្ថុនៅកម្ពុជា បានរីកចម្រើនយ៉ាងឆាប់រហ័ស ប៉ុន្តែវាស្ថិតក្នុងដំណាក់កាលដំបូងនៅឡើយ ដោយសារភាគច្រើននៃបច្ចេកវិទ្យាហិរញ្ញវត្ថុកំពុងប្រើប្រាស់នៅក្នុងការទូទាត់ប៉ុណ្ណោះ។

ស្ថិតក្នុងស្ថានភាពនេះ លោកស្នើឱ្យនាយកដ្ឋានពាក់ព័ន្ធ ដូចជានាយកដ្ឋានប្រព័ន្ធទូទាត់ និងនាយកដ្ឋានព័ត៌មានវិទ្យា បន្តតាមដានការអភិវឌ្ឍបច្ចេកវិទ្យាហិរញ្ញវត្ថុនៅកម្ពុជាដោយប្រុងប្រយ័ត្ន និងស្វែងយល់ឱ្យបានច្បាស់ពីអត្ថប្រយោជន៍ និងហានិភ័យនៃផលិតផល Fintech ជាពិសេសពង្រឹងកិច្ចការពារសុវត្ថិភាព បច្ចេកវិទ្យា “Cyber Security”។

ទន្ទឹមនេះ ធនាគារជាតិនៃកម្ពុជា ត្រូវបន្តពង្រឹងបទប្បញ្ញត្តិគ្រប់គ្រងបច្ចេកវិទ្យាហិរញ្ញវត្ថុឱ្យសមស្រប ដោយថ្លឹងថ្លែងពីសក្តានុពលនិងហានិភ័យ មុននឹងសម្រេចអនុញ្ញាតដាក់ឱ្យដំណើរការក្នុងវិស័យធនាគារ៕[:]

កម្ពុជាមានបហិច្ឆិតាពង្រីកទីផ្សារក្រពើទៅកាន់ប្រទេសចិន

January 27, 2019

0

[:km]ដោយវុត្ថា

សៀមរាប៖ កម្ពុជាកំពុងមានមហិច្ឆិតាពង្រីកទីផ្សារក្រពើទៅកាន់ប្រទេសចិនបន្ថែមទៀត ស្របពេលដែលទីផ្សារមួយនេះ ទទួលបានការគាំទ្រពីប្រទេសវៀតណាម ថៃ និងប្រទេសមួយចំនួនទៀត។

លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅក្នុងការចុះពិនិត្យកសិដ្ឋានចិញ្ចឹមក្រពើរបស់លោក ខូយ ឈីន ដែលមានទីតាំងនៅភូមិបុស្សក្រឡាញ់ សង្កាត់ជ្រាវ ក្រុងសៀមរាប ខេត្តសៀមរាប កាលពីថ្ងៃទី ២៧ខែមករា ឆ្នាំ២០១៩ ម្សិលមិញនេះ បានណែនាំឲ្យកសិដ្ឋានសហការជាមួយរដ្ឋបាលជលផលដើម្បីអនុវត្តការងារបច្ចេកទេសបន្ថែម ច្បាប់ ការងារសាយតេស្ត និងទីផ្សារធ្វើយ៉ាងណាជំរុញទីផ្សារក្រពើកម្ពុជាដែលមានសក្តារនុពលខាងសេដ្ឋកិច្ចឱ្យបានទូលំទូលាយ ពិសេសទីផ្សារចិន។

លោកបន្តថា ម្យ៉ាងវិញទៀត គួរខិតខំប្រឹងប្រែងឱ្យអស់លទ្ធភាពទាំងការងារផលិតកម្ម និងកែច្នៃ ប្រសើរជាងនាំចេញកូន និងមេ-បាពូជ ដើម្បីបង្កើនតម្លៃបន្ថែម បង្កើតការងារជូនដល់ពលរដ្ឋនៅមូលដ្ឋាន ហើយគួរសិក្សាពីលទ្ធភាពចិញ្ចឹមបង្កងដើម្បីផ្គត់ផ្គង់ឱ្យទីផ្សារខេត្តសៀមរាប។

ទីផ្សារបច្ចុប្បន្នកូនក្រពើ ១ក្បាលថ្លៃ១៥-២០ដុល្លារ ចិញ្ចឹមបានអាយុ ៣ឆ្នាំតម្លៃ ៥-៦ដុល្លារ/kg ហើយជាបច្ចេកទេសក្រពើមានអាយុ ៣ឆ្នាំ ទើបស្បែករបស់វាមានគុណភាពល្អត្រូវតាមស្តង់ដារទីផ្សារនាំចេញ។

លោក ខូយ ឈីន ម្ចាស់កសិដ្ឋានចិញ្ចឹមក្រពើនៅខេត្តសៀបរាបបានឪ្យដឹងថា មកទល់បច្ចុប្បន្ន កសិដ្ឋានរបស់លោកបានដំណើរការមកជាង២០ឆ្នាំហើយ សព្វថ្ងៃកសិដ្ឋានមានមេ-បា ចំនួន១២០០ ក្បាល និងជំទង់ចំនួន ៣២០០ក្បាល ចិញ្ចឹមលើផ្ទៃដី ១៦០០០ម៉ែត្រការ៉េ ដោយបែងចែកជាអាងមេ-បា ពូជ កូន និងក្រពើជំទង់ ។

លោកបន្តបន្តថា ផ្សារកូនក្រពើគឺប្រទេសវៀតណាម និងថៃ ហើយបច្ចុប្បន្នកម្ពុជាបាននាំចេញកូនក្រពើប្រមាណ ៣២ម៉ឺនក្បាលក្នុង១ឆ្នាំ ដោយឡែកកសិដ្ឋាននេះអាចនាំចេញបាន ១-១,៥ ម៉ឺនក្បាល។ ជាមធ្យមក្នុង ១ឆ្នាំកសិដ្ឋានអាចរកបានចំណូលពី១៥-២០ ម៉ឺនដុល្លារ ៕[:]

[:km]មជ្ឈមណ្ឌលពាណិជ្ជកម្មតម្លៃ ២៤០លានដុល្លារ Gold Tower42 បានបញ្ចប់គ្រោងអគារ[:]

January 27, 2019

0

[:km]ដោយវុត្ថា

ភ្នំពេញ៖ មជ្ឈមណ្ឌលពាណិជ្ជកម្មតម្លៃ ២៤០លានដុល្លារ Gold Tower42 ដែលត្រូវបានសាងសង់ឡើងវិញក្រោយពីពន្យាពេលសាងសង់អស់រយៈពេលជាច្រើនឆ្នាំ បានសាងសង់បញ្ចប់គ្រោងអគារ និងបញ្ចប់ការសាងសង់នៅចុងឆ្នាំនេះ ហើយវាបាននិងកំពុងក្លាយជា Landmark មួយនៃក្រុងភ្នំពេញ។

ក្រុមហ៊ុន HTWM Construction Engineering (Cambodia) Co.,Ltd នឹងរៀងចំពិធីបញ្ចប់គ្រោងអគារនេះ (Gold Tower 42) នៅថ្ងៃ២៨ ខែមករា ស្អែកនេះ ដែលមានការចូលរួមថ្លែងសន្ទរកថា ពីមន្ត្រីជាន់ខ្ពស់រាជរដ្ឋាភិបាលផងដែរ។

មជ្ឈមណ្ឌលពាណិជ្ជកម្ម Gold Tower42 ជាមជ្ឈមណ្ឌលពាណិជ្ជកម្មចម្រុះដោយមានផ្សារទំនើប ការិយាល័យ ខុនដូ បន្ទីរពេទ្យ និសេវាកម្មចម្រុះជាច្រើនទៀត តែយ៉ាងណាក៏ដោយការប្រកាសលក់គំរោងនេះជាថ្មី មិនទាន់បានធ្វើនៅឡើយទេ ខណៈការស្ថាបនាបាននិងកំពុងញាប់ដៃញាប់ជើង ដើម្បីឲ្យអាគារនេះបញ្ចប់និងដាក់ឲ្យប្រើប្រាស់នៅចុងឆ្នាំ២០១៩នេះ។

នៅពេលបញ្ចប់ការសាងសង់ Gold Tower42 នឹងមានកំពស់រហូតដល់១៩២ម៉ែត្រ ហើយវានឹងក្លាយជាអាគារខ្ពស់ជាងគេទី១ នៅក្រុងភ្នំពេញនាឆ្នាំ២០១៩នេះ ខណៈអាគារខ្ពស់ផ្សេងទៀតមិនទាន់បានបញ្ចប់ការសាងសង់។
លោក Kim Tae Yeon ប្រធានក្រុមហ៊ុន YUNWOO ប្រចាំកម្ពុជាបានឲ្យដឹងកាលពីពេលប្រកាសចាប់ផ្តើមសាងសង់អាគារនេះ ជាថ្មីកាលពីចុងឆ្នាំមុនថា អាគារនេះបានចំណាយប្រាក់សាងសង់អស់ ១០០លានដុល្លារហើយ និងត្រូវចំណាយប្រាក់១៤០លានដុល្លារទៀត ដើម្បីបញ្ចប់គំរោងនេះនៅចុងឆ្នាំ២០១៩ខាងមុខ។ មជ្ឈមណ្ឌលពាណិជ្ជកម្មនេះរួមបញ្ចូលផ្សារទំនើប អាគារការិយាល័យ ខុនដូសរុបចំនួន ៣៩៩យូនីត។

ក្រុមហ៊ុន YUNWOOបានចុះកិច្ចព្រមព្រៀង ជាមួយក្រុមហ៊ុន Hongtao Decoration និងក្រុមហ៊ុនសាងសង់ឈ្មោះWaiman Construction& Engineering ដែលមានមូលដ្ឋាននៅប្រទេសចិន ដើម្បីសាងសង់បញ្ចប់អាគារនេះ។

អាគារ Gold Tower 42 បានផ្អាកការសាងសង់នៅឆ្នាំ២០១០ ខណៈដែលក្រុមហ៊ុនសាងសង់បានបញ្ចប់ត្រឹមជាន់ទី៣១ នៃអាគារកំពស់៤២ជាន់នេះ៕[:]

[:km]ទីក្រុងរណបថ្មី នាភាគខាងត្បូងរាជធានីភ្នំពេញ កំពុងតែបង្ហាញភាពលេចធ្លោរបស់ខ្លួន[:]

January 26, 2019

0

[:km]ក្នុងពេលបច្ចុប្បន្ននេះ ការអភិវឌ្ឍអចលនទ្រព្យ កំពុងកើនឡើងគួរអោយកត់សម្គាល់ ដើម្បីបំពេញតម្រូវការលំនៅដ្ឋានសម្រាប់ការរស់នៅរបស់ប្រជាជនក្នុងទីក្រុងភ្នំពេញ ។ ការអភិវឌ្ឍពង្រីកទីក្រុង ឥតឈប់ឈរនេះ មានការចូលរួមពីរាជរដ្ឋាភិបាល និងវិស័យឯកជន ផងដែរ។

តំបន់អភិវឌ្ឍជុំវិញរាជធានីភ្នំពេញ មានតែតំបន់ភាគខាងត្បូង ជាពិសេសតំបន់មហាវិថី សម្តេចតេជោ (៦០ ម៉ែត្រ)ប៉ុណ្ណោះ ដែលមានការអភិវឌ្ឍលឿនជាងគេ គួរអោយកត់សម្គាល់ ដោយសារតំបន់នេះ មាន ហេដ្ឋារចនាសម្ព័ន្ធផ្លូវថ្នល់ខ្វាត់ខ្វែង ដែលរៀបចំរួចជាស្រេច ងាយស្រួលក្នុងការធ្វើដំណើរ ជាពិសេសមានទីតាំងនៅជិតទីប្រជុំជនក្រុងបំផុត។

តំបន់ទីក្រុងរណប ផ្លូវ៦០ម៉ែត្រ បន្តការទាក់ទាញវិនិយោគិនធំៗជាច្រើន មកអភិវឌ្ឍក្នុងតំបន់នេះ មិនត្រឹមតែគម្រោងអភិវឌ្ឍលំនៅដ្ឋានប៉ុណ្ណោះទេ យើងសង្កេតឃើញថា សូម្បីតែសាលាអន្តរជាតិ ISPP និង ក្រុមហ៊ុនStar Auto Cambodia (Marcedes-Benz) ផ្សារទំនើប ភីអេច ដាយមិនផ្លេស ក៏បានឈានជើងចូលមកក្នុងតំបន់អភិវឌ្ឍដ៏មានប្រជាប្រិយភាពមួយនេះដែរ។ សូម្បីតែទីតាំងសាងសង់ព្រលានយន្តហោះថ្មីដែលមានលើផ្ទៃដីរហូតដល់ ២៦០០ហិចតា បោះទុនសាងសង់ជាង ១ពាន់លានដុល្លារ ត្រូវបានកំណត់នៅក្នុងទីតាំងភូមិសាស្ត្រល្អនេះ សម្រាប់ការធ្វើដំណើរដែលមិនឆ្ងាយប៉ុន្មានឡើយពីរាជធានីភ្នំពេញ និងមានដីដែលទូលាយច្រើន ដែលនេះគឺជាកត្តាធ្វើឲ្យដីនៅតំបន់នេះ ឡើងថ្លៃខ្លាំង។

គម្រោងថ្មីដឹស្តា ដាយមិន ២ របស់ បុរី ប៉េង ហួត ក៏បង្ហាញវត្តមានក្នុងតំបន់ទីក្រុងរណប ផ្លូវ៦០ម៉ែត្រ នេះដែរ ដែលគ្របដណ្តប់លើវិសាលភាពផ្ទៃដីដ៏ធំ និងជាគម្រោងមួយ មានលេចធ្លោជាងគេក្នុងតំបន់ រួមមានទាំងក្លឹបហាត់ប្រាណ អាងហែលទឹក ខុនដូ ផ្សារទំនើបភីអេច ដាយមិនផ្លេស សាលសនិ្នសីទសម្រាប់រៀបចំអាពាហ៍ពិពាហ៍ និង ប្រារព្ធពិធីផ្សេងៗ រួមទាំងអគារពាណិជ្ជកម្មផងដែរ។ សម្រាប់លំនៅដ្ឋាន ក្នុងគម្រោងនេះផ្ទាល់ មានដូចជា វីឡាឃីង អេ វីឡាឃ្វីន ម៉ូតថ្មី វីឡាព្រីន និងហ្សបហោស៍ ក្លាសស៊ិក។ លំនៅដ្ឋានទាំងនេះ ត្រូវបាន សាងសង់ឡើង ដោយយកចិត្តទុកពីវិស្វករជំនាញ ធ្វើអោយលំនៅដ្ឋានមានគុណភាពខ្ពស់ ភាពច្នៃប្រឌិត សោភ័ណភាព និងផាសុកភាព ក្នុងការរស់នៅ ដែលទទួលបានការកោតសរសើរមិនដាច់ពីមាត់ពីសំណាក់ អតិថិជន។

សូមបញ្ជាក់ផងដែរថា បុរី ប៉េង ហួត ជាក្រុមហ៊ុនអភិវឌ្ឍអចលនទ្រព្យឈានមុខគេមួយ ក្នុងប្រទេសកម្ពុជា ក្នុងនាមវិស័យឯកជន បានចូលរួមចំណែកយ៉ាងសកម្ម ដើម្បីធ្វើអោយសោភណ័ភាព ទីក្រុងភ្នំពេញ មានភាពស៊ីវិល័យនិងស្រស់បំព្រង តាមរយៈការអភិវឌ្ឍគម្រោងរបស់ខ្លួន ប្រមាណជាជិត៣០ គម្រោង នៅតាមតំបន់ដែលមានសក្តានុពល ស្ថិតក្នុងប្លង់មេ របស់រាជធានីភ្នំពេញ៕[:]

Housing market this year remains better: Oknha Ly Hour

January 26, 2019

0

By: Kong Soriya

PHNOM PENH: The economic growth and the people income increasing helps the housing market in Cambodia remaining in a better position, claimed the President of Housing Development Association of Cambodia (HDAC) Oknha Ly Hour.

On the phone recently, Oknha said that the housing market is still better because most of the housing projects of the HDAC’s 50 members are in high demanding. He also said the peace, political stability, and economic growth helping this sector grows.

He added “In the future, I think the housing market is still positive because the young generation in Cambodia are very large so the housing demanding is increasing”

The Ministry of Land Management, Urban Planning and Construction research found that Cambodia needs around 1 million homes by the end of 2030.

Mr. Chrek Soknim, President of Cambodia Valuer and Estate Agent Association (CVEA) believed that the construction and real estate sector are remaining growth in medium or long term.

He continued that three factors to push the sector growth are peace, economic growth and support from the banking system in Cambodia. The terms of issues we have to see in between demand and supply. If demand and supply still in progressing, means the market will not face any crisis in the short-term.

[:]

[:km]ឆ្លើយតបការដក EBA ក្រសួងកសិកម្មដាក់ចេញវិធានការ៤ ដើម្បីធុរកិច្ចស្រូវ អង្ករ[:]

January 26, 2019

0

[:km]ដោយ រ៉ាវី

ភ្នំពេញ៖ បន្ទាប់ពីសហគមនអឺរ៉ុប បានសម្រេចអនុវត្តវិធានការការពារទីផ្សារដោយផ្តើមយកពន្ធលើការនាំចេញអង្ករកម្ពុជា និងប្រទេសមីយ៉ាន់ម៉ា ដែលនាំទៅកាន់សហគមន៍អឺរ៉ុបសម្រាប់រយៈពេល៣ឆ្នាំ ចាប់ពីឆ្នាំ២០១៩-២០២១ ជាការពង្រឹងសមត្ថភាព និងលើកកម្ពស់ផ្នែកផលិតកម្ម និងធុរកិច្ចស្រូវអង្ករនៅកម្ពុជា ក្រសួងកសិកម្ម រុក្ខាប្រមាញ់ និងនេសាទ បានសម្រេចដាក់ចេញនូវវិធានការបន្ទាន់ចំនួន៤ចំណុច។

វិធានការណ៍សំខាន់ៗបួនចំណុចសំខាន់ៗរួមមាន ទី១ អង្គភាពជំនាញក្រោមឱវាទក្រសួង ត្រូវបន្តការស្រាវជ្រាវបញ្ចេញប្រភេទពូជស្រូវក្រអូបប្រណីត និងផលិតកម្មគ្រាប់ពូជស្រូវក្រអូបសុទ្ធ តាមរយៈការផលិតនៅថ្នាក់សហគមន៍ និងក្រុមកសិករផលិតគ្រាប់ពូជ ធ្វើយ៉ាងណាឱ្យមានគ្រាប់ពូជគ្រប់គ្រាន់ និងតម្លៃសមរម្យ ដើម្បីពង្រីកផលិតកម្មស្រូវក្រអូប។

ជាមួយគ្នានេះក្រសួងបានស្នើ ដល់វិស័យឯកជនចូលរួមដាក់ទុនវិនិយោគ ក្នុងការផលិតគ្រាប់ពូជស្រូវក្រអូប ដែលមានគុណភាពខ្ពស់ស្របតាមស្តង់ដារ និងតម្រូវការទីផ្សារ។

ទី២ ពាក់ព័ន្ធទៅនឹងការកាត់បន្ថយថ្លៃដើមផលិតកម្ម ត្រូវជម្រុញបន្ថែមឱ្យបានខ្លាំងក្លាបន្ថែមទៀត នូវវិធានការបច្ចេកទេសផលិតកម្ម ដែលទទួលបានទិន្នផលខ្ពស់ និងចំណាយតិច រួមជាមួយនឹងការអនុវត្តទំនើបភាវូបនីយកម្មកសិកម្ម។ ជាមួយគ្នានេះ ត្រូវបានពិនិត្យកាត់បន្ថយថ្លៃចំណាយលើការធ្វើធូបនកម្ម តាមរយៈការបង្កើនចំនួនក្រុមហ៊ុនដែលមានសមត្ថភាពចូលរួមធ្វើការនេះឱ្យបានច្រើន មានការប្រកួតប្រជែង និងយកកម្រៃសេវាទាបជាងមុន។

ក្នុងន័យនេះ អគ្គនាយកដ្ឋានកសិកម្មត្រូវពិនិត្យសិក្សាឱ្យបានហ្មត់ចត់ និងជំរុញការងារនេះឱ្យបានឆាប់។ ម្យ៉ាងវិញទៀត ដើម្បីសម្រួលដល់ការនាំចូលជីកសិកម្ម ថ្នាំកសិកម្មឱ្យបានលឿន និងមានប្រសិទ្ធភាពជាងមុន នាយកដ្ឋាននីតិកម្មកសិកម្ម ត្រូវសម្រួលបែបបទការនាំចូលជីកសិកម្ម ថ្នាំកសិកម្ម និងសម្ភារៈកសិកម្មដទៃទៀតឱ្យកាន់តែប្រសើរជាងមុន។

ជាមួយគ្នានេះ ត្រូវរៀបចំក្រុមការងារបច្ចេកទេសចម្រុះ ចុះពិនិត្យគុណភាពជីកសិកម្ម និងថ្នាំកសិកម្ម ដើម្បីធានាគុណភាពស្របតាមស្ដងដារកំណត់។

ទី៣ អ្នកប្រមូលទិញស្រូវ ត្រូវបន្តធ្វើការទំនាក់ទំនងជាមួយធនាគារអភិវឌ្ឍជនបទ ដើម្បីទទួលបានឥណទានប្រមូលទិញស្រូវពីកសិករ សហគមន៍កសិកម្ម និងមិនត្រូវយកហេតុផលនៃការដាក់វិធានការការពារទីផ្សាររបស់សហគមន៍អឺរ៉ុបមកទម្លាក់ថ្លៃទិញស្រូវពីកសិករឡើយ។ ក្រុមហ៊ុននាំចេញអង្ករ ត្រូវពិនិត្យ និងធានាគុណភាពអង្ករក្រអូបឱ្យបានសុទ្ធល្អ មិនត្រូវលាយបន្លំអង្ករប្រភេទផ្សេង ដែលនាំឱ្យអតិថិជនបាត់បង់ជំនឿលើគុណភាពអង្ករក្រអូបកម្ពុជា។

និងទី៤សហព័ន្ធស្រូវអង្ករកម្ពុជា គួរយកចិត្តទុកដាក់ជំរុញឱ្យសមាគមម៉ាស៊ីនកិនស្រូវ ខិតខំបង្កើនសមត្ថភាពកែច្នៃអង្ករឱ្យមានគុណភាពបន្ថែមទៀត សម្រាប់បម្រើឱ្យទីផ្សារអន្តរជាតិ ពិសេសទីផ្សារប្រទេសចិន ដែលមានរហូតដល់៤០ម៉ឺនតោននាពេលបច្ចុប្បន្ននេះ។

លើសពីនេះទៅទៀត សហព័ន្ធស្រូវអង្ករកម្ពុជា គួរពិគ្រោះយោបល់ជាមួយសមាជិករបស់ខ្លួន ដើម្បីពិនិត្យលើបញ្ហាប្រឈមពីផលប៉ះពាល់ នៃការដាក់វិធានការការពារទីផ្សារអង្កររបស់សហគមន៍អឺរ៉ុប រួចលើកសំណើ ឬសំណូមពរមកក្រុមការងារផ្នែកស្រូវអង្ករ នៃវេទិការាជរដ្ឋាភិបាល ផ្នែកឯកជនពិនិត្យ និងរកដំណោះស្រាយតាមការចាំបាច់។

ពាក់ព័ន្ធទៅនឹងការអនុវត្តវិធានការការពារទីផ្សារ ពីសហគមន៍អឺរ៉ុបនេះ មេដឹកនាំកំពូលរបស់សភាពាណិជ្ជកម្មកម្ពុជា គឺអ្នកឧកញ៉ា គិត ម៉េង មេដឹកនាំសភាពាណិជ្ជកម្មអឺរ៉ុបប្រចាំកម្ពុជា លោក Arnaud Darc ព្រមទាំងមេដឹកនាំវិស័យឯកជននានាសរុបចំនួន៤០អង្គភាព បានចុះហត្ថលេខាលើលិខិតដ៏សំខាន់មួយ ជាភាសាអង់គ្លេស ផ្ញើទៅកាន់ស្នងការពាណិជ្ជកម្មសហភាពអឺរ៉ុប ដើម្បីស្នើឱ្យគណៈកម្មការអឺរ៉ុប និងប្រទេសជាសមាជិកសហគមន៍អឺរ៉ុបទាំងអស់ បន្តគាំទ្រដល់ការអភិវឌ្ឍរបស់កម្ពុជា ចៀសវាងការដកប្រព័ន្ធអនុគ្រោះពន្ធអ្វីៗគ្រប់យ៉ាងលើកលែងតែអាវុធ ហៅកាត់ថា EBA (Everything But Arms) នាំឲ្យប៉ះពាល់ដល់ប្រយោជន៍ និងជីវភាពរបស់ប្រជាជនកម្ពុជា ៕[:]

PM: Kampot become a strong potential economy province soonest

January 26, 2019

0

[:km]By: Vutha

PHNOM PENH: Cambodia’s Prime Minister Samdech Akka Moha Sena Padei Techo Hun Sen claimed that future Kampot will grow strong economic potential and attract investors. In the meantime, the Royal Government is currently expanding the National Road No.3, planning a deep-water port and many other physical infrastructures.

Samdech Techo Hun Sen on 25th January spoke at a ceremony with 11738 workers from 12 factories in Kampot province that “As we have seen, four-lane expressway will be expanding for national road 3 and the connect to Kampot and continues to expand to Sihanoukville. Kampot’s deep-water ports will convenience a lot of production. Kampot’s transport sector with roads, waterways and railways”

Samdech Techo also said that Cambodia is not relying only on one sector but also agriculture, agro-industry, tourism, construction, etc., aim to reach a high average- income country by 2030 and a high-income country by 2050.

Samdech Techo added that Cambodia government have been working on deepen- reform to contribute to the country development such as electricity tariff cutting, ending the Camcontrol presence and others related at the border, with only the immigration and customs police, intending to less the complexity and informal spending. This is gradually progressing by five methods, looking at the mirror, bathing, scrubbing, treating and surgery.[:]

កម្សាន្តចុងសប្ដាហ៍៖ យល់ដឹងពីប្រវត្តិសាស្ត្រ ស្ថានីយបុរេប្រវត្តិសាស្ត្រល្អាងស្ពានខេត្តបាត់ដំបង

January 26, 2019

0

[:km]ដោយវុត្ថា

បាត់ដំបង៖ ស្ថានីយបុរេប្រវត្តិសាស្ត្រល្អាងស្ពា ជាឈ្មោះរូងភ្នំថ្មកំបោរមួយ ដែលមានទីតាំងស្ថិតនៅ ក្នុងភ្នំទាក់ទ្រាំង ភូមិគីឡូម៉ែត្រ៣៨ ឃុំត្រែង ស្រុករតនមណ្ឌល ខេត្តបាត់ដំបង មានចម្ងាយប្រមាណ៤០គីឡូម៉ែត្រពីទីរូមខេត្ត បាត់ដំបង តាមបណ្តោយផ្លូវលេខ៥៧ ឆ្ពោះទៅខេត្តប៉ៃលិន។

ស្ថានីយបុរេប្រវត្តិសាស្ត្រ ល្អាងស្ពាននេះ ត្រូវបានរកឃើញនិងត្រូវបានធ្វើកំណាយលើកដំបូង ដោយលោកស្រីសេស៊ី ម៉ូរ៉េ និង លោករ៉ូឡង់ ម៉ូរ៉េ នៅទសវត្សឆ្នាំ១៩៦។ បន្ទាប់មកការស្រាវជ្រាវបានអាក់ខានជាង៤០ឆ្នាំ។

លុះដល់ឆ្នាំ២០០៩ ទើបមានការស្រាវជ្រាវបន្ត ដែលធ្វើឡើងតាមរយៈកិច្ចសហប្រតិបត្តិការណ៍ រវាងក្រសួងវប្បធ៌ម និងវិចិត្រសិល្បៈ ជាមួយសារមន្ទីរជាតិប្រវត្តិសាស្ត្រធម្មជាតិនៃប្រទេសបារាំង ដែលមានលោក ហេង សុផាឌី និង លោក អ៊ូប៊ែរ ហ្វ័ររេទីយ៉េ ជាអ្នកដឹកនាំ។ ការធ្វើកំណាយជាហូរហែរកន្លងមក បានរកឃើញវត្ថុបុរាណជាច្រើនដូចជា៖ ឧបករណ៍ថ្មបំបែក, ថ្មរំលីង, ភាជន៍, គ្រឿងលម្អកាយ ( អង្កាំ និងកងដៃធ្វើពី ថ្ម និងបន្តោងខ្សែក ធ្វើពីចង្កូមសត្វ ) បំណែកឆ្អឹងសត្វ ព្រមទាំងផ្នូរសព។

លទ្ធផលវិភាគលើវត្ថុបានពីកំណាយ បង្ហាញថា ស្ថានីយល្អាងស្ពាន មានមនុស្សមកតាំងទី បីដំណាក់កាលផ្សេងគ្នា៖ សម័យថ្មបំបែកមានអាយុកាលប្រហែល៧១,០០០ ឆ្នាំ, វប្បធ៌មហាវប៊ីនញៀនមានអាយុចន្លោះពី១១០០០ ដល់៥០០០ឆ្នាំ និងចុងក្រោយ គឺសម័យថ្មរំលីង មានអាយុប្រហែល៣០០០ឆ្នាំ ដោយគេបានយកល្អាងស្ពាន ជាកន្លែងបញ្ចុះសព។កាលប្រវត្តិទទួលបាននាពេលនេះ គឺធ្វើឡើងតាមវិធីសាស្ត្របីផ្សេងៗគ្នា ដូចជា៖ (14C, OSL, U-Th) ទៅលើស្រទាប់ដីផ្សេងៗគ្នា ចាប់ពីផ្ទៃខាងលើ រហូតដល់ជម្រៅ៥ម៉ែត្រ។

រហូតមកទល់ពេលនេះ ល្អាងស្ពានជាស្ថានីយបុរេប្រវត្តិសាស្ត្រតែមួយគត់ នៅក្នុងប្រទេសកម្ពុជា ដែលប្រទះឃើញឧបករណ៍ថ្ម នៃវប្បធ៌មហាវប៊ីនញៀនច្រើនប្រភេទ ហើយស្ថិតក្នុងស្រទាប់ដីជាក់លាក់។ ផ្អែកលើកាលប្រវត្តិ បរិមាណ និងលក្ខណៈនៃឧបករណ៍ថ្មទាំងនោះ ជួយឲ្យយើងយល់បានកាន់តែប្រសើរ ពីបច្ចេកទេសនៃការផលិតឧបករណ៍ ថ្ម វប្បធម៏ បរិស្ថាន និងបរិបទទូទៅនៃវប្បធម៏ហាវប៊ីនញៀន ព្រមទាំងទំនាក់ទំនងជាមួយសង្គមអ្នកបរបាញ់ និងប្រមូលអនុផលព្រៃឈើដទៃទៀតនៅតំបន់អាស៊ីអាគ្នេយ៍ដីគោក៕

[:]

[:km]សម្តេចទៀ បាញ់៖ ការបើកផ្សារម៉ាក្រូនៅខេត្តសៀមរាបជាការបង្ហាញនូវកំណើន សេដ្ឋកិច្ច[:]

January 26, 2019

0

[:km]ដោយវុត្ថា

សៀមរាប៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិឪ្យដឹងនៅថ្ងៃទី២៥ ខែមករា ឆ្នាំ ២០១៩កន្លងមកថា ការវិនិយោគរបស់ក្រុមហ៊ុនសាងសង់ និងបើកដំណើរការផ្សារម៉ាក្រូនៅក្នុងខេត្តសៀមរាបនាពេលនេះ ជាការបង្ហាញឲ្យឃើញពីកំណើនសេដ្ឋកិច្ច និងភាពជឿជាក់លើសន្តិភាព ស្ថេរភាពនយោបាយ។

ផ្សារម៉ាក្រូទីតាំងទី២សាខាខេត្តសៀមរាប មានទីតាំងស្ថិតនៅភូមិគោកត្នោត ឃុំកណ្តែក ស្រុកប្រាសាទបាគង (ខាងកើតផ្សារស្វាយធំ)។

សម្តេចពិជ័យសេនាទៀ បាញ់បានបន្តថា ក្រោមការដឹកនាំរបស់រាជរដ្ឋាភិបាលកម្ពុជា ដែលមានសម្តេចតេជោជាប្រមុខដឹកនាំ។ ផ្សារម៉ាក្រូនឹងផ្តល់ឱកាសដល់ប្រជាកសិករ និងសហគ្រាសផលិតក្នុងការផ្គត់ផ្គង់ទំនិញ និងកសិផលមកដល់ផ្សារម៉ាក្រូ ព្រមទាំងបានផ្តល់នូវការងារដល់ប្រជាពលរដ្ឋប្រមាណ ២៤០នាក់ផងដែរ។

ផ្សារម៉ាក្រូ គឺជាផ្សារលក់បោះដុំទំនិញថៃដ៏ធំមួយនេះ ជាការបោះទុនវិនិយោគរួមគ្នារវាងក្រុមហ៊ុន អិល វ៉ាយ ភី គ្រុប (LYP Group) ដែលគ្រប់គ្រងដោយមហាសេដ្ឋីស្រុកខ្មែរ គឺអ្នកឧកញ៉ា លី យ៉ុងផាត់ ដែលកាន់កាប់ភាគហ៊ុនចំនួន ៣០ភាគរយ និងក្រុមហ៊ុន ស៊ី.ភី.គ្រុប ដែលគ្រប់គ្រងកាន់កាប់ដោយមហាសេដ្ឋីលេខ១ របស់ប្រទេសថៃ គឺលោក ថានីន ជារ៉ាវ៉ានុន (Dhanin Chearavanont) ដែលកាន់កាប់ភាគហ៊ុនចំនួន៧០ភាគរយ។

ផ្សារនេះស្តុកលក់ទំនិញបោះដុំរហូតដល់ជាង១ម៉ឺនមុខ ហើយផ្សារនេះត្រូវគេមើលឃើញថា នឹងដើរតួជាអ្នកផ្គត់ផ្គង់ផលិតផលម្ហូបអាហារដ៏ធំ និងសំខាន់ជាងគេមួយសម្រាប់វិស័យលក់រាយនៅកម្ពុជា៕

[:]