[:km]ការធ្វើធុរកិច្ចតាមប្រព័ន្ធ E-Commerce នៅកម្ពុជាចាប់ផ្ដើមមានការរីកចម្រើនខ្លាំង[:]

January 25, 2019

[:km]ដោយ៖ រ៉ាវី

ភ្នំពេញ៖ ក្នុងប៉ុន្មានឆ្នាំចុងក្រោយនេះ ប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក ( E-Commerce ) ដូចជាការទិញ-លក់ទំនិញ និងសេវាកម្ម នៅក្នុងប្រទេសកម្ពុជា កំពុងមានសន្ទុះកើនឡើងខ្លាំង គួរឱ្យកត់សម្គាល់ នេះបើតាមការលើកឡើងរបស់ លោក សុខ សុភ័ក្ត្រ រដ្ឋលេខាធិការក្រសួងពាណិជ្ជកម្ម។

ថ្លែងនៅក្នុងសិក្ខាសាលាស្តីពី «ការធ្វើពាណិជ្ជកម្មតាមប្រព័ន្ធអេឡិចត្រូនិក» ដែលរៀបចំឡើងនៅទីស្តីការក្រសួងពាណិជ្ជកម្ម លោក សុខ សុភ័ក្ដ្រ បានលើកឡើងពីសារសំខាន់នៃប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក E-Commerce សម្រាប់ការចរចាពាណិជ្ជកម្មអន្តរជាតិ ដូចជាកិច្ចព្រមព្រៀងពាណិជ្ជកម្មសេរី ការកំណត់ពន្ធគយ ការជំរុញសេរីភាវូបនីយកម្មផ្នែកសេវា ការគ្រប់គ្រងលំហូទិន្នន័យឆ្លងដែន ការផ្ទេរបច្ចេកវិទ្យា និងបញ្ហាមួយចំនួនទៀត។

លោកបានបញ្ជាក់យ៉ាងដូច្នេះថា ៖ «នាពេលបច្ចុប្បន្ន បណ្តាប្រទេសនានាលើសកលលោក បានកំពុងយកចិត្តទុកដាក់ខ្លាំងអំពីបញ្ហានេះ ក្នុងនោះរួមមានព្រះរាជាណាចក្រកម្ពុជាយើងផងដែរ ដែលតែងចូលរួមយ៉ាងសកម្មនៅក្នុងកិច្ចចរចារពាណិជ្ជកម្ម ទាំងកម្រិតតំបន់ និងអន្តរជាតិ» ។

លោកក៏បានសំណូមពរសិក្ខាកាមទាំងអស់ ខិតខំត្រងត្រាប់ការពន្យល់របស់វាគ្មិនកិត្តិយស ដើម្បីធ្វើឱ្យសិក្ខាសាលាដ៏មានសារៈសំខាន់នេះ ក្លាយទៅជាវេទិកាចែករំលែកចំណេះដឹង និងបទពិសោធន៍ល្អៗ សម្រាប់ធ្វើជាធាតុចូលក្នុងការអភិវឌ្ឍវិស័យ E-Commerce នៅកម្ពុជា នាពេលអនាគត ជាពិសេសបន្ទាប់ពីច្បាប់ស្តីពី E-Commerce ត្រូវបានអនុម័ត និងដាក់ឱ្យប្រើប្រាស់ជាផ្លូវការនាពេលខាងមុខ។

សូមជម្រាបថា ដើម្បីផ្តល់ទំនុកចិត្តដល់សាធារណជន ក្នុងការធ្វើប្រតិបត្តិការធុរកិច្ចតាមប្រព័ន្ធអេឡិចត្រូនិក និងលុបបំបាត់ឧបសគ្គរាំងស្ទះទាំងឡាយ ក្រសួងពាណិជ្ជកម្ម បានសហការជាមួយក្រសួង-ស្ថាប័នពាក់ព័ន្ធ រៀបចំរួចរាល់នូវសេចក្តីព្រាងច្បាប់ស្តីពី E-Commerce ស្របតាមបទដ្ឋានអន្តរជាតិ ដោយផ្អែកលើទិដ្ឋភាពច្បាប់របស់អង្គការសហប្រជាជាតិ និងច្បាប់របស់បណ្តាប្រទេសជឿនលឿនក្នុងតំបន់ និងពិភពលោក។

សេចក្តីព្រាងច្បាប់នេះ មានចំនួន ១១ជំពូក និងចែកចេញជា ៥៩មាត្រា ហើយបច្ចុប្បន្ន កំពុងត្រូវបានលើកយកមកពិភាក្សា នៅក្នុងកម្រិតបច្ចេកទេស ជាមួយក្រុមប្រឹក្សាអ្នកច្បាប់ និងក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ នៅទីស្តីការគណៈរដ្ឋមន្ត្រី ៕[:]

សម្តេចតេជោប្រកាសលប់អង្គភាព “កាំសាប” កុំឲ្យស្មុគស្មាញក្នុងការធ្វើធុរកិច្ច

January 25, 2019

0

ដោយ វុត្ថា

ភ្នំពេញ៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជាបានសម្រេចរំលាយ ចោលអង្គភាព “កាំសាប” ដែលជាអង្គភាពត្រួតពិនិត្យទំនិញដឹកជញ្ជូនតាមផ្លូវទឹក ដើម្បីកាត់បន្ថយភាពសាំញ៉ាំ និងកុំឲ្យមានភាពស្មុគស្មាញក្នុងការធ្វើធុរកិច្ចរបស់ធុរកិច្ចជន។

មានប្រសាសន៍ក្នុងពិធីចុះជួបសំណេះសំណាលជាមួយកម្មករ កម្មការិនីប្រមាណ ១១,៧៣៨នាក់ មកពីរោងចក្រ សហគ្រាសចំនួន១២ ក្នុងខេត្តកំពតនៅថ្ងៃទី ២៥ ខែមករា ឆ្នាំ ២០១៩ នេះ សម្តេចសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជាបាន្យដឹងថា ការលុបបំបាត់អង្គភាពកាំសាបនេះ គឺដើម្បីសម្រួលពាណិជ្ជកម្ម និងអ្នកវិនិយោគដែលមករស៊ីនៅក្នុងប្រទេស ព្រោះអង្គភាពកាំសាបនេះ ត្រូវបានគេលប់ចោលអស់ហើយ នៅតាមបណ្តាលប្រទេសជាច្រើននៅក្នុងតំបន់ និងនៅលើពិភពលោក នៅមានតិចតួបំផុត។

សម្តេចបន្តថា “ជម្រើសនៃអង្គប្រជុំដែលដឹកនាំ ដោយឧបនាយករដ្ឋមន្ត្រី អូន ព័ន្ធមុនីរ័ត្ន មានជម្រើស៣ឲ្យខ្ញុំជ្រើសរើស។ ជម្រើសទី១ ទុកកាំសាបឲ្យនៅដដែលប៉ុន្តែទំលាក់ថ្លៃមួយចំនួន និងសេវាមួយចំនួនដែលមិនចាំបាច់។ ជម្រើសទី២ ដាក់ឲ្យមានការប្រកួតប្រជែងជាមួយភ្នាក់ងារឯកជន តែនៅពេលដាក់ប្រកួតប្រជែងមិនឈ្មះស្ថាប័នឯកជន វានឹងក្ស័យធន ។ ឯកទីជម្រើសទី ៣ លប់ចោលស្ថាប័នកាំសាបហ្នឹងតែម្តង។ ចឹង ខ្ញុំក៏សម្រេចជម្រើសទី ៣ ដោយលប់ចោលតែម្តងកុំឪ្យវាសុំាញុំា និងជួយសម្រួលការរកស៊ី និងការចំណាយរបស់ធុរកិច្ចជនដែលកំពុងរកស៊ីនៅក្នុងប្រទេសកម្ពុជា។

សម្តេចបន្តថា “សូមផ្តាំផ្ញើរទៅថ្នាក់ដឹកនាំកាំសាប ដែលនាំនាវាចូលកំពង់ផែរយៈពេល៤០ឆ្នាំមកនេះ មិនបាច់ធ្វើចឹងទៀតទេ យើងមានបច្ចេកវិទ្យាសម្រាប់ប្រើប្រាស់ ដោយខាងនាវា និងកំផែអាចធ្វើទំនាក់ទំនងជាមួយគ្នាបាន។

សម្តចតេជោហ៊ុន សែនបានបញ្ជាក់ថា ពេលនេះកម្ពុជាបានចាប់ផ្តើមការធ្វើកំណែទម្រង់ស៊ីជម្រៅផ្ទៃក្នុងរបស់ប្រទេសកម្ពុជា ដើម្បីរួមចំណែកអភិវឌ្ឍន៍ប្រទេសជាតិ ដូចជាការបញ្ចុះតំលៃអគ្គិសនី ការបញ្ចប់វត្តមានផ្នែកកាំកុងត្រូល និងផ្នែកផ្សេងៗទៀតនៅតាមច្រកព្រំដែន ដោយទុកតែនគបាលអន្តោប្រវេស និងគយតែប៉ុណ្ណោះ ដើម្បីកាត់បន្ថយភាពស្មុគស្មាញ និងការចំណាយក្រៅផ្លូវការផ្សេងៗ ដែលនេះជាការអនុវត្តជាបណ្តើរៗទៅតាមអភិក្រម៥យ៉ាងគឺ ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់៕

ដំណឹងល្អ! គ្រឿងចក្រតម្លៃ ១០០លានដុល្លារសម្រាប់សាងសងផ្លូវល្បឿនលឿនភ្នំពេញ-ព្រះសីហនុបានមកដល់កម្ពុជា

January 25, 2019

0

ដោយវុត្ថា
ភ្នំពេញ៖ ឧបករណ៍គ្រឿងចក្រសុទ្ធតែថ្មីៗ មានទាំងរថយន្តជាច្រើនគ្រឿងដែលមានតម្លៃ ១០០លានដុល្លារសម្រាប់សាងសងផ្លូវហៃវ៉េភ្នំពេញ-ព្រះសីហនុ ត្រូវបានគេដឹកមកដល់កម្ពុជាសម្រាប់បើកការដ្ឋានសាងសង់នាពេលខាងមុខនេះ។

លោកឧកញ៉ាម៉ុង ឬទ្ធី អគ្គនាយកក្រុមហ៊ុនម៉ុងឬទ្ទីគ្រប់បានសរសេរនៅក្នុងហ្វេសបុកផ្លូវការរបស់ខ្លួននៅថ្ងៃទី២៥ ខែមករាឆ្នាំ ២០១៩នេះ “វេលាម៉ោង៨ព្រឹកថ្ងៃសុក្រទី២៥ខែមករាឆ្នាំ២០១៩ ចុះទៅពិនិត្យនិងជម្រុញការងារស្ថាបនាផ្លូវហ៊ុន សែនកែវផុសដោយចាក់ក្រាលកៅស៊ូ DBST កំពង់តែដើរមើលផ្លូវងាកមើលទៅខាងឆ្វេងដៃភ្ញាក់ព្រើត ដោយសារតែឃើញគ្រឿនងចក្រឧបករណ៍រថយន្តសុទ្ធតែថ្មីៗជាច្រើនគ្រឿង សម្រាប់យកមកបំរើអោយការងារសាងសង់ផ្លូវហៃវ៉េល្បឿនលឿន ភ្នំពេញខេត្តព្រះសីហនុហើយ។

លោកបន្តថា “តាមមើលទៅ មិនយូទេយើងទាំងអស់គ្នានិងបានធ្វើដំណើរ ប្រកបដោយសុវត្ថិភាពរយៈពេល៩០នាទីភ្នំពេញខេត្តព្រះសីហនុហើយ សូមចូលរួមអបអរសាទរសមត្ថផលដ៏ថ្មីស្រឡាងនេះ ដែលកើតចេញមកពីការដឹកនាំដ៏ឈ្លាសវៃ របស់សម្តេចតេជោហ៊ុនសែនដែលជាប្រមុខដឹកនាំដ៏ឆ្នើមរបស់យើងទាំងអស់គ្នា។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន បានឪ្យដឹងកាលពីពេលថ្មីៗនេះថា ការសាងសង់ផ្លុវល្បឿនលឿនភ្នំពេញ-ព្រសីហនុនឹងចាប់ផ្តើមបើករដ្ឋានសាសង់នៅក្នុងខែកុម្ភៈ ឬដើមខែមីនា ឆ្នាំ ២០១៩ ខាងមុខ ក្រោយចុះកិច្ចព្រមព្រៀងសម្បទានផ្លូវ ពីភ្នំពេញទៅខេត្តព្រះសីហនុ នៅខែមការា ឆ្នាំ ២០១៨ កន្លងមនេះ។

លោករដ្ឋមន្ត្រីបន្តថា គ្រឿងចក្រតម្លៃប្រហែល ១០០ លានដុល្លារអាមេរិក នឹងមកដល់ខែមករា ជាមួយនឹងអ្នកបច្ចេកទេសជនជាតិចិនចំនួន ២០០ នាក់។

សម្តេចតេជោហ៊ុន សែន នាយករដ្ឋមន្ត្រីនៃប្រទេសកម្ពុជា នៅក្នុងបំពេញទស្សកិច្ចផ្លូវរដ្ឋទៅកាន់ប្រទេសចិនកាលពីពេលថ្មីនេះ បានណែនាំឲ្យក្រុមហ៊ុនវិនិយោគសាជីវកម្មស្ពាន និងថ្នល់ចិន (China Road and Bridge Comrporation CRBC) ដែលទទួលបន្ទុកផ្លូវល្បឿនលឿន ពន្លឿនការបើកការដ្ឋានសាងសង់ឲ្យបានឆាប់ នូវគម្រោងផ្លូវល្បឿនលឿនភ្នំពេញ ខេត្តព្រះសីហនុ នេះ ខណៈរដ្ឋាភិបាលបានធ្វើការដោះស្រាយផលប៉ះពាល់រួចរាល់មកហើយនោះ៕

ឧកញ៉ាលី ហួរ៖ ទីផ្សារលំនៅដ្ឋាននៅឆ្នាំនេះនៅតែមានភាពល្អប្រសើរ

January 25, 2019

0

ដោយ គង់ សូរិយា

ភ្នំពេញ៖ ប្រធានសមាគមអ្នកអភិវឌ្ឍន៍លំនៅដ្ឋានកម្ពុជាលោកឧកញ៉ាលី ហួរបានអះអាងថា ទីផ្សារលំនៅដ្ឋាននៅកម្ពុជានៅឆ្នាំ២០១៩នេះ នៅតែមានភាពល្អប្រសើរ ដោយសារកំនើនសេដ្ឋកិច្ច ដែលធ្វើឲ្យប្រាក់ចំណូលរបស់ប្រជាពលរដ្ឋកើនឡើង។

លោកឧកញ៉ាបានមានប្រសាសន៍ឲ្យដឹងតាមទូរស័ព្ទកាលពីពេលថ្មីៗនេះថា ទីផ្សារលំនៅដ្ឋាននៅតែមានភាពល្អប្រសើរ ដោយសារគំរោងនានាដែលបានសាងសង់ ពិសេសគំរោងលំនៅដ្ឋានដែលជាសមាជិកសមាគមចំនួន៥០ក្រុមហ៊ុននៅតែលក់ដាច់ និងមានតម្រូវការខ្ពស់។លោកបន្តថា កត្តាសន្តិភាព ស្ថេរភាពនយោបាយ និងកំនើនសេដ្ឋកិច្ចដែលកម្ពុជាសម្រេចបាន បាននិងកំពុងជំរុញវិស័យនេះឲ្យមានការរីកចម្រើន។

លោកបន្តថា “ក្នុងរយៈពេលខ្លីខាងមុខ ខ្ញុំគិតថាទីផ្សារលំនៅដ្ឋាននៅតែមានសញ្ញាវិជ្ជមាន ព្រោះប្រជាជនវ័យក្មេងនៅកម្ពុជាមានចំនួនច្រើន ដែលពួកគេត្រូវការលំនៅដ្ឋាន និងជំរុញឲ្យតម្រូវការកើនឡើង។

យោងតាមការសិក្សារបស់ក្រសួងរៀបចំដែនដី នគរូបនីយកម្មនិងសំណង់បានឲ្យដឹងថា កម្ពុជាត្រូវការលំនៅដ្ឋានប្រមាណ១លានខ្នងបន្ថែមទៀត នៅចន្លោះឆ្នាំ២០១៥ ២០៣០ខាងមុខ។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាលោក ច្រឹក សុខនីម បានមានប្រសាសន៍ថា នៅពេលនិយាយពីវិស័យសំណង់ និងអចលនទ្រព្យថាតើវាមានភាពរីកចម្រើនឬអត់សម្រាប់រយៈពេលមធ្យម និងវែងចំពោះមុខ គឺកម្ពុជានៅតែមានការរីកចម្រើនក្នុងវិស័យនេះ។

លោកបន្តថា “ការរីកចម្រើនក្នុងវិស័យនេះ អាស្រ័យកត្តាសំខាន់ៗចំនួន៣ គឺសន្តិភាព កំនើនសេដ្ឋកិច្ច និងការគាំទ្រពីប្រព័ន្ឋធនាគារនៅកម្ពុជា។លោកបន្តថា “នៅពេលនិយាយពីបញ្ហា យើងត្រូវមើលរវាងតម្រូវការ និងការផ្គត់ផ្គង់ ហើយយើងឃើញថា តម្រូវការនៅតែមាន ការផ្គត់ផ្គង់នៅតែឆ្លើយតប ហេតុនេះទីផ្សារនេះមិនប្រឈមនឹងវិបត្តិណាមួយក្នុងរយៈពេលខ្លីនោះទេ”៕

ទ្រព្យសកម្មក្នុងវិស័យធនាគារកើនឡើង ៤០ពាន់លានដុល្លារអាមេរិក

January 25, 2019

0

ដោយ ដារ៉ា
ភ្នំពេញ៖ មន្ត្រីជាន់ខ្ពស់នៃធនាគារជាតិនៃកម្ពុជាបានឱ្យដឹងថា ទ្រព្យសកម្មក្នុងវិស័យធនាគារ និងហិរញ្ញវត្ថុបានកើនឡើងដល់ ទំហំ ៤០ពាន់លានដុល្លារសហអាមេរិក គិតត្រឹមដំណាច់ឆ្នាំ ២០១៨ ពោលសម្រេចបានជាង ១៩ភាគរយ បើធៀបទៅនឹងឆ្នាំ ២០១៧ កន្លងមកនេះ។

មានប្រសាសន៍នៅក្នុងសន្និបាតបូកសរុបលទ្ធផលការងារ ប្រចាំឆ្នាំ២០១៨ និងលើកទិសដៅការងារឆ្នាំ២០១៩ របស់ធនាគារជាតិនៃកម្ពុជានៅថ្ងៃទី២៥ ខែមករា ឆ្នាំ២០១៩ នេះ លោក ជា ចាន់តូ ទេសាភិបាលធនាគាជាតិនៃកម្ពុជាឪ្យដឹងការកើនឡើងនេះ ដោយសារកត្តាកំណើនមូលនិធិកម្ចីដើមទុនរបស់គ្រឹះស្ថាន និងប្រាក់បញ្ញើរអតិថិជន។

លោកបន្តថា “ស្ថានភាពម៉ាក្រូសេដ្ឋកិច្ចកម្ពុជា មានភាពអំណោយ ពីកំណើនសេដ្ឋកិច្ចពិភពលោក និងស្របពេលដែលជំនឿទុកចិត្ត និងទស្សនវិស័យអ្នកវិនិយោគិនមកលើកម្ពុជាមានភាពរឹងមាំ និងវិជ្ជមាន ក្នុងនោះស្ថានភាពប្រព័ន្ធធនាគារនៅកម្ពុជា គឺជាកំលាំងចលករយ៉ាងសំខាន់ ជាក់ស្តែងទ្រព្យសកម្មរបស់ធនាគារ និងហិរញ្ញវត្ថុបានលើកឡើង ១៩,៤% ត្រូវប្រមាណ ១៦៣,១ទ្រីលានរៀល ស្មើប្រមាណ ៤០ពាន់លានដុល្លាអាមេរិក” ។

លោកបន្ថែមថា ចំណែកពាក់ព័ន្ធមូលនិធិកម្ចីវិញ បានកើនឡើង ២៣% ត្រូវប្រមាណ ១៦,៨ ទ្រីលានរៀល ស្មើប្រមាណ ៤,១ប៊ីលានដុល្លារអាមេរិក ដោយមានដើមទុនកំណើនជាង២៣% ត្រូវប្រមាណជាង ១៩ទ្រីលានរៀល ស្មើប្រមាណជិត ៥ប៊ីលានដុល្លា ក្នុងនោះប្រាក់បញ្ញើរអតិថិជន បានកើនឡើងជាង ១៥% ត្រូវប្រមាណជិត ៩០ទ្រីលានរៀល ស្មើប្រមាណជាង ២២ប៊ីលាន ដុល្លារ ។ ចំណែកឥណទានបានកើនឡើងជិត ១៩% ត្រូវប្រមាណជិត ១០០ទ្រីលានរៀល ស្មើជាង ២៤ប៊ីលានដុល្លារ ក្នុងនោះចំនួនអ្នកបញ្ញើរបានកើនឡើងដល់ ៦,២លានគណនី រួមជាមួយអ្នកខ្ចីប្រាក់បានកើនឡើង ២,៦លានគណនីផងដែរ ។

លោកបញ្ជាក់ទៀតថា ស្របតាមការរីកចម្រើននៃបច្ចេកវិទ្យាហិរញ្ញវត្ថុ គ្រឹះស្ថានធនាគារភាគច្រើនបានកំពុងអភិវឌ្ឍន៍សេវាឌីជីថល ក្នុងនោះសេវានេះនឹងផ្តល់ផាពងាយស្រួលដល់អតិថិជន ក្នុងការប្រើប្រាស់សេវាធនាគារ តាមរយៈប្រព័ន្ធអ៉ិនធ័រណែត និងទូរស័ព្ទជាដើម ដោយបានរួមចំណែកក្នុងការជម្រុញបរិយាប័ន្នហិរញ្ញវត្ថុនៅកម្ពុជា។ បច្ចុប្បន្នគ្រឹះស្ថានធនាគារបន្តការអភិវឌ្ឍន៍ និងពង្រីកបណ្តាញសាខា ធ្វើពិពិធកម្មផលិតកម្ម និងសេវាហិរញ្ញវត្ថុ ដើម្បីឆ្លើយតបនឹងកំណើននៃតម្រូវការរបស់អតិថិជន និងបន្តលើកកម្ពស់ប្រសិទ្ធភាព និងគុណភាពនៃប្រតិបត្តិការ ការពង្រឹងភាពរឹងមាំនៃដើមទុន និងអភិបាលកិច្ចល្អ រួមជាមួយការធ្វើបច្ចុប្បន្នកម្មប្រព័ន្ធព័ត៌មានវិទ្យា និងការកសាងធនធានមនុស្សជាដើម។

លោកឆារស៍ វ៉ាន់ ប្រធានស្តីទីសមាគមធនាគារកម្ពុជា បានឪ្យដឹងដែរថា សុខភាពក្នុងវិស័យធនាគារមានសុខភាពល្អ ទោះមានកំណើននៃគ្រឹះស្ថានធនគារក៏ដោយ ដែលធ្វើមានការប្រកួតប្រជែងកើនឡើងក្នុងវិស័យនេះ តែស្ថិតនៅក្នុងការប្រកួតប្រជែងប្រកបដោយក្រមសីលធម៌។ លោកបន្តថា វិស័យធនាគារដើរតួទីយ៉ាងសំខាន់ណាស់ក្នុងការជម្រុញកំណើនសេដ្ឋជាតិ ដើម្បីធ្វើឪ្យមានចង្វាក់ផលិតកម្ម និងតម្រូវការហិរញ្ញវត្ថុ ព្រោះធនាគារជាអ្នកផ្តល់ហិរញ្ញវត្ថុក្នុងគាំទ្រដល់ចង្វាក់ផលិតកម្មទាំងនោះ៕

The Royal government to spend over $100 million lowers the electricity price

January 25, 2019

0

By Vutha

PHNOM PENH, The Royal Government has released more than $ 100 million budget in aiding the energy sector and implementing the 2019 housing electricity-cost reduction for low-income and middle-income family.

By the government plan 2019-2020, over the 2.5 million homes which are 96 per cents of the total electricity consumer, 2.6 million homes will receive a lower tariff, said the Minister of the ministry of mines and energy Mr. Suy Sem.

He stated that the electricity consumed in January 2019 will be applying the new tariff plan with their newest bill late in January.

Minister Mr. Suy Sem has explained that the electricity cost is higher than the set price base on the rural business principle, but the government under the Rural Electrification Fund. (REF) of the Electricité Du Cambodge(EDC) has reduced the fees. REF has subsidized and paid a partial fee intend to help the low-income family.

By the planning, in 2019 tariff will be only 380 riel/kw (480 riel/kw in 2018) between 1 to 10 kWh per month consume, in 2019 & 2020 tariff will be 480 riel/kw (610 riel/kw in 2018) between 11 to 50 kWh per month and 610 riel/kw in 2019 &2020 (770 riel/kw in 2018) between 51 to 200 kWh per month.

Since 2015 the royal government has successful implemented its plan to cut the electricity tariff. Areas with the third supplier who buy electricity from the national network have been also gradually decreasing their tariff. It is now becoming so strongly support from low-income people across the country.

សម្តេចតេជោ៖ ខេត្តកំពតនឹងមានសក្តានុពលសេដ្ឋកិច្ចខ្លាំងនាពេលអនាគត

January 25, 2019

0

ដោយវុត្ថា
ភ្នំពេញ៖ សម្តេចតេជោហ៊ុន សែន នាយករដ្ឋមន្ត្រីនៃប្រទេសកម្ពុជាបានឱ្យដឹងថា ខេត្តកំពត អនាគតដ៏ខ្លីខាងមុខនេះនឹងក្លាយទៅជាខេត្តដែលមានសក្តានុពលសេដ្ឋកិច្ចខ្លាំង នឹងអាចទាក់ទាញអ្នកវិនិយោគបរទេសបន្ថែមទៀត ស្របពេលដែលពេលនេះ រាជរដ្ឋាភិបាលបានននឹងកំពុងមានការពង្រីកផ្លូវជាតិលេខ៣ ការមានកំពង់ផែទឹកជ្រៅ និងហេដ្ឋារចនាសម្ព័ន្ធរូបវន្តសំខាន់ៗជាច្រើនទៀត។

សម្តេចតេជោនៅក្នុងពិធីចុះជួបសំណេះសំណាលជាមួយបងប្អូនកម្មករ កម្មការិនីប្រមាណ ១១,៧៣៨នាក់ មកពីរោងចក្រ សហគ្រាសចំនួន១២ ក្នុងខេត្តកំពត នៅថ្ងៃទី ២៥ ខែមករាឆ្នាំ ២០១៩នេះថ្លែងថា “ ដូចដែលយើងឃើញស្រាប់ហើយផ្លូវជាតិលេខ ៣ ពីង្រីកជាពីរគន្លង ពោល គឺពីរ ទៅ ពីរមក ឃើញថា ពង្រីកធំជាងមុន ហើយនឹងបន្តពង្រីកមកដល់ខេត្តកំពត និងបន្តទៅពង្រីកទៅខេត្តព្រះសីហនុបន្តទៀត ។ អនាគតនៃខេត្តកំពតនឹងមកំពង់ផែទឹកជ្រៅ ដើម្បីបង្កភាពងាយស្រួលនៅក្នុងផលិតកម្មជាច្រើន បើនិយាយពីផ្នែកដឹកជញ្ជូន ខេត្តកំពតមានផ្លូវគោក ផ្លូវទឹក និងផ្លូវដែកផងដែរ។

សម្តេចបន្តថា កម្ពុជាអាចរីកចម្រើនបានដោយមិនត្រូវពឹងផ្អែកតែលើវិស័យតែមួយមុខនោះទេ គឺត្រូវពឹងផ្អែកលើវិស័យជាច្រើនដូចជា វិស័យឧស្សាហកម្ម កសិកម្ម កសិឧស្សាហកម្ម សេវាកម្ម ទេសចរណ៍ សំណង់ជាដើម ដើម្បីឈានទៅសម្រេចជាប្រទេសដែលមានប្រាក់ចំណូលមធ្យមកំរិតខ្ពស់ក្នុងឆ្នាំ២០៣០ និងជាប្រទេសដែលមានប្រាក់ចំណូលខ្ពស់ក្នុងឆ្នាំ២០៥០ ។

សម្តេចតេជោនាយករដ្ឋមន្ត្រីក៏បានមានប្រសាសន៍បន្ថែមថា ពេលនេះកម្ពុជាបានចាប់ផ្តើមការធ្វើកំណែទម្រង់ស៊ីជម្រៅផ្ទៃក្នុងរបស់ប្រទេសកម្ពុជា ដើម្បីរួមចំណែកអភិវឌ្ឍប្រទេសជាតិ ដូចជាការបញ្ចុះតំលៃអគ្គិសនី ការបញ្ចប់វត្តមានផ្នែកកាំកុងត្រូល និងផ្នែកផ្សេងៗទៀតនៅតាមច្រកព្រំដែន ដោយទុកតែនគបាលអន្តោប្រវេស និងគយតែប៉ុណ្ណោះ ដើម្បីកាត់បន្ថយភាពស្មុគស្មាញ និងការចំណាយក្រៅផ្លូវការផ្សេងៗ ដែលនេះជាការអនុវត្តជាបណ្តើរៗទៅតាមអភិក្រម៥យ៉ាងគឺ ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់៕

What are the economic potentials to grow Sihanouk Ville?

January 25, 2019

0

By Kong Soriya

PHNOM PENH, Sihanouk Ville is becoming a second most popular city after Phnom Penh, but what is the attracting in such a rapidly investing?

Mr. Yun Min, governor of Sihanouk Ville said early this week there are 4 large special economic zones which is operating daily with a total of 160 factories and 1037 handcrafts and that offers the job to 68,354 people.

Sihanouk Ville welcome tourist with 10 to 15 per cent increasing every year in average. Chinese tourist arrival number is 202,947 which is 68.79 percent. Chinese investment ranks in first and mostly invests in commercial, construction and tourism industry.

Sihanouk Ville has also another big potential in infrastructure, the only one deep-water port in Cambodia, an expressway connecting to Phnom Penh is opening the construction soon, high-speed rail project will be built and there will be an international airport in the city.

Mr. Yun Min said currently Kang Keng international airport is playing an important role to send domestic and international passenger to visit and invest in Sihanouk Ville. The airport operates with 11 airlines; domestic flight is 83 per week and 61 per week for the international flight. There is also a direct flight from 16 cities & province in China.

Kang Keng international airport soon to start its size expanding, target to land a plane with a capacity of 400 passengers which is equivalent to Phnom Penh airport today. After the construction the airport is about the same size as the Siem Reap international airport.

Cambodia’s Prime Minister Samdech Techo Hun Sen recently announced the airport expansion to reach up to 3 to 5 million passengers a year in the future.

“We will work closely with the government to expand the airport, because we are a government partners and what the government ask us to we will do,” said Pichr Sopontara, head of aviation expansion at Cambodian Airports (SCA). He adds that Sihanoukville Airports will welcome about 600,000 passengers by 2018 and will be able to reach up to about 1 million people in 2019.

ដំណឹងល្អ! រាជរដ្ឋាភិបាលបញ្ចេញទឹកប្រាក់ជាង ១០០លានដុល្លារសម្រាប់បញ្ចុះថ្លៃអគ្គិសនីជូនប្រជាពលរដ្ឋ

January 25, 2019

0

ដោយវុត្ថា
ភ្នំពេញ៖ រាជរដ្ឋាភិបាលបានបញ្ចេញមូលនិធិឧបត្ថម្ភធនដល់វិស័យអគ្គិសនីជាង ១០០លានដុល្លារក្នុងឆ្នាំ២០១៩នេះ ដើម្បីអនុវត្តផែនការអនុគ្រោះថ្លៃអគ្គិសនីសម្រាប់ជួយដល់លំនៅដ្ឋានប្រជាពលរដ្ឋដែលមានចំណូលទាប និងមធ្យម។

លោកស៊ុយ សែន រដ្ឋមន្ត្រីក្រសួងរ៉ែ និងថាមពលបានបានឱ្យដឹងកាលពីពេលថ្មីៗនេះថា អ្នកប្រើប្រាស់អគ្គិសនីជាង ២លាន៥សែនគ្រួសារ ស្មើនឹងជាង ៩៦ភាគរយ នៃអ្នកប្រើប្រាស់អគ្គិសនីសរុបនៅទូទាំងប្រទាំងប្រទេសជាង ២លាន៦សែនគ្រួសារ គឺទទួលបានការកាត់បន្ថយថ្លៃអគ្គិសនីតាមផែនការរបស់រាជរដ្ឋាភិបាល ចាប់ពីឆ្នាំ២០១៩ ដល់ឆ្នាំ២០២០។

លោកបន្តថា ផែនការបន្ថយថ្លៃថ្មីនេះចាប់ផ្តើមអនុវត្តចំពោះបរិមាណអគ្គិសនីដែលប្រើចាប់ពីថ្ងៃទី១ ខែមករា ឆ្នាំ២០១៩ ត្រូវគ្នាជាមួយវិក្ក័យបត្រអគ្គិសនីដែលចេញចាប់ពីចុងខែមករានេះតទៅ។

លោករដ្ឋមន្ត្រីពន្យល់ថា តាមពិតថ្លៃអគ្គិសនីពិតតាមគោលការណ៍អាជីវកម្មនៅតាមជនបទនានាគឺខ្ពស់ជាងអត្រាថ្លៃដែលបានកំណត់ ប៉ុន្តែរាជរដ្ឋាភិបាលអាចអនុវត្តបន្ថយថ្លៃនេះបាន គឺដោយសារមូលនិធិអគ្គិសនីភាវូបនីយកម្មជនបទរបស់អគ្គិសនីកម្ពុជា បានឧបត្ថម្ភធនជួយបង់ថ្លៃមួយផ្នែកជំនួសអោយទៅអ្នកលក់ ដើម្បីជួយដោះស្រាយទុក្ខលំបាករបស់ក្រុម គ្រួសារមានកម្រិតជីវភាពទាប។

ទីភ្នាក់ងារព័ត៌មានជាតិ AKP បានចុះផ្សាយថា នៅក្នុងឆ្នាំ២០១៩នេះ តម្លៃអគ្គិសនីត្រូវបានបញ្ចុះពី ៤៨០រៀលនៅឆ្នាំ ២០១៨ មកនៅត្រឹម ៣៨ រៀលឆ្នាំ២០១៩ សម្រាប់លំនៅដ្ឋានដែលប្រើប្រាស់អគ្គិសនីចាប់ពី ១ដល់១០ គីឡូវ៉ាត់ម៉ោងក្នុង ១ ខែ និងការប្រើប្រាស់ចាប់ពី១១ដល់៥០ គីឡូវ៉ាត់ម៉ោងក្នុង ១ ខែ នឹងត្រូវចុះពី ៦១០ រៀលនៅឆ្នាំ ២០១៨ ទៅ ៤៨០ រៀលនៅឆ្នាំ ២០១៩ និងឆ្នាំ២០២០ នឹងលំនៅដ្ឋានដែលប្រើចាប់ពី ៥១ដល់២០០ គីឡូវ៉ាត់ម៉ោងក្នុង ១ ខែតម្លៃអគ្គិសនីនឹងត្រូវចុះពី ៧៧០ រៀលនៅឆ្នាំ២០១៨ ទៅ ៦១០ រៀលនៅឆ្នាំ២០១៩ និងឆ្នាំ២០២។

រាជរដ្ឋាភិបាលបានអនុវត្តផែនការកាត់បន្ថយថ្លៃអគ្គិសនីនេះចាប់ពីឆ្នាំ២០១៥មក ហើយរហូតមកដល់ពេលនេះសម្រេចបានជោគជ័យគួរជាទីមោទនៈ ក្នុងថ្លៃលក់អគ្គិសនីនៅតាមតំបន់ផ្គត់ផ្គង់នានាដែលយកប្រភពអគ្គិសនីពីបណ្តាញជាតិ ត្រូវបានថយចុះជាបន្តបន្ទាប់ ទទួលបានការគាំទ្រជាខ្លាំងពីប្រជាពលរដ្ឋក្រីក្រ៕

តើគម្រោងដីពុះឡូតិ៍លក់ត្រូវចុះបញ្ជីឬទេ?

January 25, 2019

0

ដោយវុត្ថា
ភ្នំពេញ៖ គម្រោងពុះដីឡូដិ៍លក់នៅក្នុងប្រទេសកម្ពុជានាពេលបច្ចុប្បន្ននេះ បាននិងកំពុងពុះគញ្ជ្រោលស្ទើរតែគ្រប់ទីកន្លែង ដែលបណ្តារឱ្យមានចម្ងល់ដល់ប្រជាពលរដ្ឋថា ការពុះដីឡូដិ៍លក់នេះ ត្រូវចុះបញ្ជី ឬបង់ពន្ធដែរទេ?

សូមអានរឿងពូក្រឹម និងធីតាពិភាក្សាគ្នាជុំវិញគម្រោងពុះដីឡូដិ៍លក់នេះដូចខាងក្រោម៖
ពូក្រឹមកំពុងជូតតុក្នុងហាងបាយរបស់គាត់បណ្តើរ រអ៊ូ ង៉ូវៗ បណ្តើរ ធីតាចូលមករួចសួរថា ពូកំពុងរអ៊ូរឿងអីនឹង?
ពូក្រឹម៖ ក្មួយធីតាទេ! ពូភ្ញាក់ព្រើតតែម្តង ! ពូគ្មានរអ៊ូរឿងអីទេ។
ធីតា៖ កុំខ្លាចអីពូខ្ញុំលឺពូនិយាយពីពន្ធដារ តែខ្ញុំស្តាប់បានតែពន្ធដារ។ ពូមានរឿងអី?
ពូក្រឹម៖ គ្មានអីធំដុំទេក្មួយ។ គ្រាន់តែពូមានអារម្មណ៍ថាមិនសប្បាយចិត្តសោះ។
ធីតា៖ មិនសប្បាចិត្តរឿងអ្វីពូ? ប្រាប់ខ្ញុំមកក្រែងខ្ញុំអាចជួយបានខ្លះ។
ពូក្រឹម៖ ពូចាប់ផ្តើមរកស៊ី តាំងពីឆ្នាំ១៩៩៩ មកម្លេះ តែពុំឃើញមានប្រាក់កាសសល់ច្រើនសោះក្មួយ។ តែពូបានចុះបញ្ជីពន្ធដារតាំងពីឆ្នាំ នោះមកពេលនោះមានមន្ត្រីពន្ធដារស្រុកមកយកពន្ធជារៀងរាល់ខែមិនដែលខានមួយខែណាទេ ប្រាក់ពន្ធនៅពេលនោះ តែ ៥០០០៛ ទេ រហូតដល់បច្ចុប្បន្នពូត្រូវទៅបង់ប្រាក់ពន្ធដោយខ្លួនឯងនៅសាខាពន្ធដារ ចំនួនពី ៧០០០០០៛ ទៅ ៨០០០០០៛ ក្នុងមួយខែ ដោយសារពូលក់បានចំណូល ពី ៧៨០ ០០០៛ ទៅ ៨០០ ០០០៛ ក្នុងមួយថ្ងៃ។
ធីតា៖ ចុះពូមិនសប្បាយចិត្តរឿងអ្វី?
ពូក្រឹម៖ ពូមិនសប្បាចិត្តត្រង់អ្នករកស៊ីបានចំណេញលុយរាប់សែនដុល្លារមិនដែលបង់ប្រាក់ពន្ធមួយកាកមួយសេនសោះ។
ធីតា៖ រកស៊ីអីទៅពូ?
ពូក្រឹម៖ គម្រោងពុះដីឡូតិ៍លក់នោះអី ចំណេញកប់ៗតែម្តង។ កូនមីងព្រឹម អាសាមានវាទិញដី១ហិចតាតែ ១០ ០០០ ដូល្លារ តែអីឡូវដីត្រូវប៉ាន់ វាពុះឡូតិ៍លក់ ចំណេញរាប់សែនដុល្លារ។ ពូឆ្ងល់ថាហេតុអ្វី វាអត់បង់ពន្ធដូចពូ? បើគណនាទៅវាត្រូវបង់ពន្ធច្រើនណាស់។ រដ្ឋបាត់បង់ប្រាក់ពន្ធច្រើនណាស់ក្មួយ។
ធីតា៖ រឿងហ្នឹងទេពូ?
ពូក្រឹម៖ ត្រូវហើយក្មួយ។ ចុះគម្រោងដីឡូតិ៍ត្រូវចុះបញ្ជីទេក្មួយ?
ធីតា៖ បើយោងច្បាប់ស្តីពីសារពើពន្ធ មាត្រា ១០១ គម្រោងនោះត្រូវចុះបញ្ជីហើយពូ ។
ពូក្រឹម៖ គម្រោងដីឡូតិ៍រីកដូចផ្សិត បើពន្ធដារគ្រប់គ្រងបានចំណូលជាតិគឺកប់ៗតែម្តង ។
ធីតា៖ រឿងនេះមិនមែនជាការងាយស្រួលនោះទេពូ ទាល់តែអាជ្ញាធរដែនដី មានចៅសង្កាត់ មន្ត្រីនគរបាលរដ្ឋបាល អភិបាលក្រុងស្រុក មន្ទីរសូរិយោដី និងសាខាពន្ធដារសហការគ្នាបានល្អ។ មានតែរដ្ឋាភិបាលទេទើបអាចជួយរឿងនេះបាន មន្ត្រីណាមិនសហការគឺដកចោលទៅ។
ពូក្រឹម៖ អើក្មួយ វាមិនយុត្តិធម៌ចំពោះពូពេកហើយខំបង់ពន្ធរាប់ឆ្នាំ ហើយលទ្ធផលគឺមិនសប្បាយចិត្តចឹង។
ធីតា៖ ពូគួរតែសប្បាយចិត្តទៅវិញទេពូ ព្រោះលុយដែលពូបានបង់រាប់ឆ្នាំបានរួមចំណែកកសាងជាតិច្រើនណាស់ មានហេដ្ឋារចនាសម្ព័ន្ធ ស្ពានថ្នល់ ប្រឡាយទឹក ប្រាក់បៀវត្សមន្ត្រីរាជការ គឺចូលរួមក្នុងកំណើនសេដ្ឋកិច្ច និងស្ថេរភាពនយោបាយ ទើបបងប្អូនមានឱ្យកាសពុះដីឡូតិ៍លក់យ៉ាងនេះ។ បើគ្មានប្រាក់ពន្ធសំរាប់ចំណាយគឺ គ្មានកំណើនសេដ្ឋកិច្ច គ្មានស្ថេរភាព ហើយក៏គ្មានអ្នកពុះដីឡូតិ៍លក់ដែរ។ ហេតុនេះពូគួតែសប្បាយចិត្តព្រោះភាពមានបានរបស់ពួកគេក៏ជាចំណែករបស់ពូដែលលះបង់ដែរ។
ពូក្រឹម៖ ពូដូចមានអារម្មណ៍សប្បាយចិត្តវិញហើយ អរគុណក្មួយ។

តើអ្នកយល់ស្រប់តាមគំនិតធីតាទេ ថាគំរោងដីឡូតិ៍ត្រូវតែចុះបញ្ជីពន្ធដារ និងចូលរួមបង់ពន្ធ?
ក. មិនយល់ស្របទេ
ខ.យល់ស្របតាម
គ. មានគំនិតផ្សេង