ដោយ គង់ សូរិយា

ភ្នំពេញ៖ ដំណឹងល្អៈសណ្ឋាគារ Rosewood កម្រិតផ្កាយប្រាំលំដាប់ពិភពលោក នឹងបើកដំណើរការនៅទីក្រុងភ្នំពេញ នាថ្ងៃទី២៨ កុម្ភៈខាងមុខនេះហើយ បន្ទាប់ពីការបណ្តុះបណ្តាលបុគ្គលិករបស់ខ្លូនបានដោយជោគជ័យ។

សណ្ឋាគារ Rosewood ដែលមានមូលដ្ឋាននៅសហរដ្ឋអាមេរិកនេះនឹងបើក​ដំណើរការនៅផ្នែកនៃជាន់ខាងលើអាគារ Vattanac Capital ដែលជាអាគារដ៏ទាក់ទាញ និងទទួលបានពានរង្វាន់ជាច្រើននៅទីក្រុងភ្នំពេញ។

អ្នកនាង Hanny Wahyuni Gunawan នាយកផ្នែកទំនាក់ទំនងនៃសណ្ឋាគារ Rosewood នៅកម្ពុជា បានថ្លែងឲ្យដឹងតាមអ៊ីម៉េលកាលពីពេលថ្មីៗនេះថា សណ្ឋា​គារនេះមានបន្ទប់ចំនួន១៧៥ ក្នុងនោះមានបន្ទប់បែបVIPចំនួ​ន៣៧បន្ទប់ ដែលរចនាដោយគោរពតាមបរិបទវប្បធ៌មកម្ពុជា ដែលបន្ទប់និមួយៗអាចគយ​គន់ទេ​ស​ភាពក្រុងភ្នំពេ​ញបាន។ អ្នកនាងបន្តថា កម្ពុជាជាទីតាំងដែលមានសក្តានុពល​សម្រាប់វិស័យទេសច​រណ៍ ដែលកំពុងមានការកើនឡើងនៅប្រទេសនេះ ហើយការ​មកដល់នូវសេវាកម្ម ដែលមានកេរ្ត៍ឈ្មោះល្បីៗពីបរទេសកាន់តែច្រើននឹងជួយលើកមុខមាត់ប្រទេ​សនេះ ស្របពេលហេដ្ឋារចនាសម្ព័ន្ឋ និងការតភ្ជាប់ផ្លូវអាកាសកាន់តែ​មានភាពប្រសើរឡើង។

សណ្ឋាគារនេះ ត្រូវបាននាំមកដោយអ្នកវិនិយោគអចលនទ្រព្យកម្ពុជា គឺក្រុមហ៊ុន Vattanac Properties និងគ្រប់គ្រងដោយ Rosewood ភ្នំពេញ។

អ្នកនាង Hanny Wahyuni Gunawan បានបន្តថា “ឧស្សាហកម្មសណ្ឋាគារ​ក្នុងប្រទេសកម្ពុជាកំពុងមានការរីកចំរើន ដែលធ្វើឲ្យអត្រាប្រើប្រាស់បន្ទប់នៅតែមាន​ការកើនឡើង”។អ្នកនាងបន្តថា “ការចូលមកដល់នូវអចលនទ្រព្យ ដែលមានភា​ពស៊ីវិល័យកំពុងត្រូវបានពង្រីក នៅតាមផ្នែកមួយចំនួននៅរាជធានីភ្នំពេញ និងខេត្តសៀមរាប ដែលនឹងរួមចំណែកធ្វើឲ្យប្រទេសនេះ លេចមុខលេចមាត់លើការធ្វើ​ដំនើរ និងស្តង់ដាបដិសណ្ឋារកិច្ចកាន់តែមានកម្រិតខ្ពស់”។

បន្ទប់សណ្ឋាគារ និងរមណីយដ្ឋាន Rosewood មានតំលៃចាប់ពី២៥០ដុល្លារឡើងទៅ ដោយមិនរួមបញ្ចូលនូវពន្ឋនៅឡើយទេ។

Rosewood មានទំនុកចិត្តចំពោះទីផ្សារនេះ ហើយក្រុមហ៊ុនអភិវឌ្ឍន៍អចល នទ្រព្យកម្ពុជា Vattanak Capital នឹងដំណើរការសណ្ឋាគារ Rosewood &Resorts នៅខេត្ត​សៀមរាបក្នុងឆ្នាំ២០១៩ខាងមុខនេះផងដែរ។

លោកហូ វណ្ឌីទីប្រឹក្សាសមាគមទីភ្នាក់ងារទេសចរណ៍កម្ពុជាបានថ្លែ​ងថា ការមកដល់នូវសណ្ឋាគារ Rosewood ជាការបង្ហាញនូវជំនឿទុកចិត្ត និង​ការសម្លឹ​ង​មើលឃើញសក្តានុពល និងការមានអតិថិជនក្នុងដៃស្រាប់របស់អ្នកវិនិយោគ ហើយការចូលមកវិនិយោគនៅកម្ពុជា ឆ្លុះបញ្ចាំងពីស្ថិរភាពនយោបាយ បរិ​យាកាសវិនិយោគនៅកម្ពុជាកាន់តែល្អប្រសើរ និងច្បាប់វិនិយោគនៅកម្ពុជាកាន់តែ​មានភាពទាក់ទាញ។

លោកបន្តថា “ការប្រកួតប្រជែងតែងតែមាន ប៉ុន្តែនៅរាជធានីភ្នំពេញម្ចាស់អចលនទ្រព្យនានា បានគោរពនូវក្រមសីលធ៌មវិជ្ជាជីវៈ ខុសពីក្រុងសៀមរាបដែលការប្រកួតប្រជែងធ្វើឡើងដោយមិនសូវមានសីលធ៌ម”។

លោកហូ វណ្ឌីបានបន្តថា “ការមកដល់របស់ Rosewood នឹងទាក់ទាញភ្ញៀវទេសចរណ៍បរទេសមកទស្សនាកម្ពុជាបន្ថែមទៀត”។លោកបន្តថា “យើង​គួរតែមានមោទនភាព និងរីករាយ ប៉ុន្តែអ្វីសំខាន់គឺយើងមិនត្រឹមតែឲ្យភ្ញៀវទេសចរណ៍ ត្រឹមតែមកឃើញកម្ពុជាទេ សំខាន់គឺត្រូវឲ្យគេស្គាល់ ដើម្បីពួកគេមកកម្ពុជាម្តង​ហើយម្តងទៀត”។

ប្រធានសមាគមទេសចរណ៍អាស៊ីប៉ាស៊ីហ្វិកលោកធួន ស៊ីណានបានថ្លែងស្រដៀងគ្នាថា ការមកដល់នៃសណ្ឋាគារនេះ វាមានសញ្ញាវិជ្ជមានជាច្រើនដែលធ្វើឲ្យមានទំនុកចិត្តថែមទៀត ដល់អ្នកទេសចរណ៍ និងអ្នកវិនិយោគអន្តរជាតិនានាមកលើប្រទេសកម្ពុជា ដែលបានសម្រេចនូវសន្តិភាព សុវត្ថិភាព ស្ថិរភាពនយោបាយនៅកម្ពុជា។ លោកបន្តថា មានប្រទេសមួយចំនួនបានផ្តល់ដី ដល់ក្រុមហ៊ុនអន្តរជាតិបែបនេះ ដើម្បីឲ្យពួកគេមកវិនិយោគនៅប្រទេសរបស់ពួកគេ ព្រោះវាផ្តល់ផលប្រយោជន៍ច្រើនដល់ប្រទេសរបស់ខ្លួន។

លោកបន្តថា “ការមកដល់នៃ Rosewood វាជាសក្ខីភាពនៃការរីកចម្រើននិងទំនុកចិត្តនៃទីផ្សារកម្ពុជា ដល់ភ្ញៀវទេសចរណ៍អន្តរជាតិ និងអ្នកវិនិយោគ”។លោក​បន្តថា “ការមកដល់របស់ Rosewood នឹងបង្កើនកំនើនភ្ញៀវទេសចរណ៍ និងអ្នក​វិនិយោគអន្តរជាតិមកទស្សនាកម្ពុជាកាន់តែច្រើនថែមទៀត”៕

ដោយ ដែន ចែងចាំង

ភ្នំពេញ បុរីប្រណីត និងប្រកបដោយគុណភាព The Mekong Royal បានផ្តល់រង្វាន់ចំនួន២០,០០០ដុល្លារ ដល់អតិថិជរបស់ខ្លួន ដែលបានកក់លំនៅដ្ឋានក្នុងគំរោងរបស់ខ្លួន ដែលមានទីតាំងស្ថិតនៅតំបន់អភិវឌ្ឈន៍យ៉ាងលឿន នៅតំបន់ជ្រោយចង្វារ ស្ថិតនៅតាមបណ្តោយផ្លូវលេខ៦អា។

យោងតាមសេចក្តីប្រកាសព៌តមានរបស់ក្រុមហ៊ុននេះ បានបញ្ជាក់ឲ្យដឹង​នាព្រឹកថ្ងៃទី២៩ មករានេះថា អតិថិជនដែលមានសំណាងចាប់បានរង្វាន់ដ៏អស្ចារ្យ ជាទឹកប្រាក់បញ្ចុះតម្លៃ 20,000ដុល្លា ស្រ៊ុន រដ្ឋសាឌី លេខទូរស័ព្ទ 017 67 25 47 ដែលបានមកកក់ផ្ទះនៅថ្ងែទី28 ខែមករា ឆ្នាំ 2018 ក្នុងឱកាសប្រូម៉ូសិនកាន់តែកក្រើក។ រង្វាន់រឹតតែអស្ចារ្យពីបុរី ឌឹមេគង្គរ៉ូយ៉ាល់ ផ្តល់ជូនអតិថិជននៅរង្វាន់ពិតៗជាមួយនឹងគុណភាពសំណង់ សោភ័ណភាព ការចនាដ៏ទាក់ទាញ ព្រមទាំងមានហេដ្ឋារចនាសម្ព័ន្ឋធំទូលាយ មានផាសុខភាព និងទីតាំងគំរោងស្ថិតនៅស្របមាត់ទន្លេសាប និងទន្លេមេគង្គ គំរោងលំនៅដ្ឋាននៃបុរី The Mekong Royal សមស្របនឹងលំនៅដ្ឋានសម្រាប់មនុស្សសម័យថ្មី បុរី The Mekong Royalបានទទួល ជោគជ័យយ៉ាងឆាប់រហ័ស។

អតិថិជនអាចមកទស្សនាផ្ទះគំរូដោយផ្ទាល់ និងសាកសួរព័ត៌មានបន្ថែម ដែលមានទីតាំង ស្ថិតនៅតាមបណ្តោយផ្លូវជាតិលេខ6A ដែលមានចម្ងាយពីស្ពានជ្រោយចង្វារចម្ងាយ6គីឡូម៉ែត្រ ស្ថិតខណ្ឌជ្រោយចង្វារ រាជធានីភ្នំពេញ។

សម្រាប់ព័ត៌មានលម្អិតសូមទំនាក់ទំនង 010 86 87 88, 078 86 87 88, 097 9868788៕

ដោយ វុត្ថា

ភ្នំពេញ៖ ក្រុមអ្នកជំនាញនិងអ្នកអភិវឌ្ឍអចនទ្រព្យលើកឡើងថា ក្រុងព្រះសីហនុ មានការរីកចម្រើនគ៏អោយកត់សម្គាល់ ទាំងវិស័យហេដ្ឋារចនាសម្ពន្ធ អគារខុនដូរ និងអគារខ្ពស់ថ្មីៗជាច្រើន ដែលបាននិងកំពុងសាសង់យ៉ាងសកម្មព្រោងព្រាតនៅតាមបណ្តោយឆ្នេរសមុទ្រដ៏ស្រស់ស្អាតមួយនេះ។

អ្នកនៅក្នុងឧស្សាហកម្មនេះបានលើកឡើងស្រដៀងគ្នាថា ក្រុងព្រះសីហនុនាពេលបច្ចុប្បន្នមានសក្កដានុពលផ្នែកសេដ្ឋកិច្ច និងការរីកម្រើនយ៉ាងខ្លាំងក្នុងចំណោមខេត្តមួយចំនួនក្នុងប្រទេសកម្ពុជា ។ ការការរីកចម្រើនយ៉ាងដូច្នេះ ដោយ​សារតែមានអ្នកការវិយោគបរទេសជាច្រើន បានចាប់អារម្មណ៍មកវិនិយោគក្នុងទីក្រុងនេះ ហើយជាពិសេសភ្ញៀវទេសចរណ៍បានកើនឡើងពីមួយឆ្នាំទៅមួយឆ្នាំ។

លោកឧកញ៉ាចេង ខេង ប្រធានក្រុមប្រឹក្សាភិបាលនៃក្រុមហ៊ុន Hutton CPL បានថ្លែងឲ្យដឹងក្នុងដំណើរទស្សនកិច្ចទៅកាន់ខេត្តព្រះសីហនុ កាលពីចុងសប្តាហ៍មុនបានថ្លែងថា ការរីកចម្រើនលឿនរបស់ក្រុងព្រះសីហនុនេះ ដោយសារតែមានក្រុមហ៊ុនវិនិយោគមកពីប្រទេសចិនជាច្រើន បានចាប់អារម្មណ៍វិនិយោគលើលវិស័យដីធ្លី សាងសង់ខុនដូរ ព្រមទាំងសំណង់អគារផ្សេងៗជាច្រើន។ លោកឧកញ៉ាបានបន្តថា ខេត្តមួយនេះបានជាប់ជាសមាជិកក្លឹបឆ្នេរស្អាតជាងគេងក្នុងពិភលោក ដូច្នេះហើយបានជាអ្នកវិយោគិនចាប់រម្មណ៍។

លោកបានបន្តថា “ក្នុងរយៈពេល៥ទៅ១០ទៀតតំបន់នេះ នឹងក្លាយទៅជាតំបន់រីកចម្រើនដូចប្រទេជិតខាង”។

កញ្ញា Jessica អ្នកអភិវឌ្ឍន៍គំរោងខុនដូប្រណីត Sea Gate Suite បានថ្លែងថា ការសម្រេចិត្តមក​សាងសង់​ខុនដូនៅតំបន់នេះ ដោយតែតំបន់នេះនៅជាប់ឆ្នេរដ៏ស្រស់ស្អាត និងអាហារសមុទ្រស្រស់ៗ ហើយជាខេត្តមានសក្កដានុពលសេដ្ឋកិច្ចរបស់កម្ពុជា។

លោកស្រី តាំង ហួរ អនុប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ដែលបានដឹកនាំសមាជិកខ្លួនប្រមាណជិត១០០នាក់ មកទស្សនកិច្ចសិក្សាគំរោងសាងសង់ខុនដូ Sea Gate Suite ដែលវិនិយោគតម្លៃ២០០លានដុល្លារអាមេរិកនោះបានថ្លែងឲ្យដឹងផងដែរថា ទីក្រុងព្រះសីហនុនាពេលបច្ចុប្បន្នមានការខុសប្លែកច្រើន ដោយសារមមានគម្រោងសាងសង់ខុនដូ និងការវិនិយោគលើវិស័យដីធ្លីជាច្រើន។ ការណ៍នេះបានធ្វើឲ្យខេត្តនេះ មានការរីកចម្រើនពីមួយថ្ងៃទៅមួយថ្ងៃ ស្ទើតើមិនមិនស្មានដល់។

ក្រុងព្រះសីហនុត្រូវបានរដ្ឋាភិបាលកម្ពុជា ដាក់ជាតំបន់ឧស្សាហកម្មនៅក្នុងគោលនយោបាយអភិវឌ្ឍន៍វិស័យឧស្សាហកម្មឆ្នាំ២០១៥ ២០២៥៕

ដោយ ដួង ចន្រ្ទា

ភ្នំពេញ៖ មានហេតុផលចំនួនបួន ស្ថិតនៅពីក្រោយការចាប់ផ្តើមសាងសង់អាគារកំពស់៤២ជាន់ Gold Tower42 ឡើងវិញ ជាអាគារដែលបានផ្អាកការសាងសង់អស់រយៈពេលជិត១០ឆ្នាំ។

ឥឡូវនេះ ក្រុមហ៊ុនវិនិយោគ YUNWOO Cambodia ​សហការជាមួយក្រុមហ៊ុន Hongtao Decoration Co.,Ltd និង H T W M Engineering Cambodia Co., Ltdកាលពី​ថ្ងៃ​ម្សិលម៉ិញ ប្រកា​សបើកឲ្យដំណើរការសាងសង់អគារ៤២ជាន់ឡើងវិញ ដែលបោះទុនវិនិយោគក្នុងរង្វង់ ទឹកប្រាក់​ប្រមា​ណ២៤០​លានដុល្លារសហរដ្ឋអាមេរិក ។

លោក Liu Nianxin អគ្គនាយក​ក្រុមហ៊ុន Hongtao Decoration Co., Ltd និង HTWM Engineering Cambodia Co,Ltd បានលើកឡើងក្នុងពិធីប្រកាសបើកការ​ដ្ឋានសាងសង់អាគារ Gold Tower42ឡើងវិញកាលពីថ្ងៃម្សិលម៉ិញនេះថា ការសម្រេចចិត្តដាក់ទុនវិនិយោគបន្ត លើគម្រោងអគារ៤២ជាន់ គឺមានចំនុចសំខាន់៤ ដូចជា ទី១ ក្រុមហ៊ុន Hongtao មានប​ទ​ពិសោធន៍ក្នុងរយៈពេលជាង៣០ឆ្នាំ ទៅលើគម្រោងសាងសង់អគារខ្ពស់ៗ ដែលល្បីៗបំផុតក្នុងប្រទេសចិន។ ទី២ គោលនយោបាយផ្លូវមួយ ខ្សែក្រវ៉ាត់មួយ ដែលជាគោលការណ៍របស់ប្រទេសចិន ដែលលោកជឿជាក់ថា គោលការណ៍ខាងលើនេះ នឹងធ្វើឲ្យអគារ​៤២ជាន់ស​ម្រេចបានជោគជ័យ។

ទី៣ទីតាំងអគារ៤២ជាន់នេះជាទីតាំងមានហាងឆេងល្អ ស្ថិតនៅចំកណ្តាលរាជធានីភ្នំ​ពេ​ញ និងស្ថិតនៅទីប្រជុំរវាងមហាវិថីធំៗចំនួនពីរ គឺមហាវិថីព្រះមុនីវង្ស និងមហាវិថីព្រះសីហនុ និងជាតំបន់ពាណិជ្ជកម្មកណ្តាលរាជធានីភ្នំពេញ។ និងទី៤.សំណង់អគារ៤២ជាន់នេះរឹងមាំ និងមានគុណភាពខ្ពស់ស្របតាម​ស្តង់ដាអន្តរជាតិ។

លោក Liu Nianxin បានបន្តថា “ខ្ញុំសោកស្តាយមែនទែន នៅពេលឃើញអគារមួយនេះត្រូវបានគេបោះបង់​ចោល ដូចនេះទើបក្រុ​មហ៊ុនរបស់លោកត្រឡប់មកសហការគ្នា ដើម្បីសាងសង់អគារនេះឡើងវិញ ជាពិសសរំពឹងខ្ពស់ថា ក្រុមហ៊ុនទាំងពីរនឹង​អាច​រក​បា្រក់កំរៃយ៉ាងច្រើនពីអគារមួយនេះ”។

លោក Kim Tae Yeon អគ្គនាយក​ក្រុមហ៊ុន YUNWOO CAMBODIA Co.,LTD បានថ្លែងឲ្យ​ដឹងថា ក្រុមហ៊ុន​បាន​បន្ថែម​ទុន១៤០​លាន​ដុល្លារ​លើ​គម្រោ​ងGolden Tower មួយ​នេះ បន្ទាប់ពីបាន​បោះទុន​ចំនួន​១០០​លាន​ដុល្លាររួចមកហើយ​។លោកបន្តថា បន្ទាប់ពីអគារ Gold Tower 42 នេះសម្រេចការសាងសង់ជាស្ថាពរ វានឹងក្លាយជា​សមិទ្ធ​ផល​អគារ​ពាណិជ្ជកម្មថ្មីមួយទៀត ស្ថិតនៅកណ្តាល រាជធានីភ្នំពេញ ដែលនេះជាការឆ្លុះបញ្ចាំងពីការអភិវឌ្ឍរីកចម្រើន ព្រមទាំង​បានរួម​ចំណែកក្នុងកំណើនសេដ្ឋកិច្ចកម្ពុជាតទៅអនាគត ។

លោកឧបនាយករដ្ឋមន្រី្ត យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្មកម្ពុជា ដែលអញ្ជើញជាអធិបតីក្នុងពិធីបានថ្លែងថា ក្នុងរាជរដ្ឋាភិបាលកម្ពុជា និងក្នុងនាមក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ សូមអបអរសាទរជាមួយ​ក្រុម​ហ៊ុន​ទាំងពីរ ដែលបានចាប់ដៃគ្នារវាងក្រុមហ៊ុនចិន និងកូរ៉េ ដើម្បីកសាងអគារ៤២ជាន់នេះឲ្យទទួលបានជោគជ័យ នេះជា​ចំនុចមួយដ៏ល្អប្រសើរ។

លោកបន្តថា “នេះជាឱកាសមួយដ៏ល្អ ​ដែលក្រុមហ៊ុនទាំងពីរបានសម្រេចចិត្តវិនិយោគ ហើយ​ពង្រីកការ​វិនិយោគ​ដ៏ធំមួយ ដើម្បីសាងសង់អគារ៤២ជាន់ នៅលើទឹកដីកម្ពុជា នាកណ្តាលរាជធានីភ្នំពេញ”។ លោកបន្តថា “នេះសបញ្ជា​ក់ឲ្យ​ឃើញថា ក្រុមហ៊ុនទាំងពីរមានជំនឿជឿជាក់យ៉ាងរឹងម៉ាំ មកលើរដ្ឋាភិបាលកម្ពុជា ក្នុងការដឹកនាំប្រទេសក៏ដូចជាក្នុងការ ការពារនូវសុខសន្តិភាព និងបរិស្ថានអំ​ណោ​យផលយ៉ាងសំបូរបែប”៕