តម្លៃហាងឆេងមាសបានធ្លាក់ថ្លៃចុះនៅថ្ងៃសុក្រនេះ

October 25, 2024

ដោយ: គង់ លាងហួរ
អន្តរជាតិ: តម្លៃហាងឆេងមាសបានធ្លាក់ថ្លៃចុះនៅព្រឹកថ្ងៃសុក្រនេះ ដោយសារភាពធន់នៃតម្លៃប្រាក់ដុល្លារ ខណៈទិន្នន័យសេដ្ឋកិច្ចដ៏រឹងមាំរបស់សហរដ្ឋអាមេរិកអាចជំរុញឱ្យធនាគារកណ្តាលអាមេរិកពិចារណាទម្លាក់អត្រាការប្រាក់ក្នុងទ្រង់ទ្រាយតូចចំនួន០,២៥ភាគរយនៅថ្ងៃទី៧ ខែវិច្ឆិកាខាងមុខ។

តួយ៉ាង តម្លៃមាស Spot Gold បានធ្លាក់ចុះ០,៣២ភាគរយដល់២៧២៦,៩៣ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,៣៧ភាគរយដល់២៧៣៨,៨០ដុល្លារក្នុងមួយអោន គិតត្រឹមម៉ោង១០:៣០នាទីព្រឹក។

គិតត្រឹមពេលបិទការជួញដូរកាលពីថ្ងៃព្រហស្បតិ៍ម្សិលមិញ តម្លៃមាស Spot Gold បានបិទនៅត្រឹម២៧៣៥,៧០ដុល្លារក្នុងមួយអោន ខណៈតម្លៃមាស U.S. gold futures បានបិទនៅត្រឹម២៧៤៨,៩០ដុល្លារក្នុងមួយអោន។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសជាង៩៥ភាគរយ ដែលធនាគារកណ្តាលអាមេរិក(Fed) អាចនឹងបញ្ចុះអត្រាការប្រាក់ចំនួន០,២៥ភាគរយបន្ថែមទៀតក្នុងកិច្ចប្រជុំកំណត់គោលនយោបាយនាខែវិច្ឆិកាខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិក ធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានស្ថិតក្នុងសភាពទ្រឹងនៅព្រឹកថ្ងៃសុក្រនេះ បន្ទាប់ពីបិទការជួញដូរត្រឹម១០៤,០៦ពិន្ទុកាលពីថ្ងៃព្រហស្បតិ៍ម្សិលមិញ។

តម្លៃលោហៈធាតុប្រាក់ Spot silver បានធ្លាក់ចុះ០,៤៦%ដល់៣៣,៦៤ដុល្លារ ក្នុងមួយអោន ខណៈតម្លៃផ្លាទីនបានធ្លាក់ចុះ០,៨៣%ដល់១.០២៥ដុល្លារក្នុងមួយអោន ហើយតម្លៃ palladium បានធ្លាក់ចុះ១,៨%ដល់១.១៤៣ដុល្លារក្នុងមួយអោន គិតត្រឹមម៉ោង១០:៣២នាទីព្រឹក៕

លោកឧកញ៉ាបណ្ឌិតគីម ហ៊ាងៈ ទីផ្សារដីធ្លីកម្ពុជានឹងងើបឡើងវិញឆាប់ៗ នៅពេលរាជរដ្ឋាភិបាលចិនទម្លាក់កញ្ចប់ទុនដ៏ធំជួយអ្នកអភិវឌ្ឍន៍

October 25, 2024

ដោយៈ គង់ សូរិយា

ភ្នំពេញៈ ស្របពេលរដ្ឋាភិបាលចិន គ្រោងទម្លាក់កញ្ចប់ទុនដ៏ធំ ដែលមានទំងំទឹកប្រាក់១១ទ្រីលានដុល្លារ លោកឧកញ៉ាបណ្ឌិតគីម ហ៊ាងបង្ហាញសុទិដ្ឋិនិយមថា ទីផ្សារដីធ្លីក្នុងស្រុកនឹងងើបឡើងវិញ។

លោកឧកញ៉ាបណ្ឌិត គីម ហ៊ាង ស្ថាបនិក និងជានាយកប្រតិបត្តិ បុរី វិមានសំណាង បានបង្ហាញជំនឿថា នាពេលឆាប់ៗខាងមុខនេះ សេដ្ឋកិច្ចវិស័យដីធ្លីនៅកម្ពុជា នឹងស្ទុះឡើងវិញ នៅពេលដែលរាជរដ្ឋាភិបាលចិន ទម្លាក់កញ្ចប់ទឹកប្រាក់ប្រមាណជាង ៨០ទ្រីលានយ៉ន់ (១១ទ្រីលានដុល្លារ) សម្រាប់ជួយដល់អ្នកវិនិយោគនៅប្រទេសចិន ដើម្បីជួយជំរុញសេដ្ឋកិច្ចចិន។

យោងតាមការចុះផ្សាយពីសារព័ត៌មាន Reuters កាលពីថ្ងៃទី២២ ខែតុលា ឆ្នាំ២០២៤ បានឱ្យដឹងថា លោកស៊ី ជីនពីង ប្រធានាធិបតីចិន គ្រោងដាក់ចេញវិធានការសង្គ្រោះដោយបញ្ចេញទឹកប្រាក់ប្រមាណ១១ទ្រីលានដុល្លារ ដល់អ្នកវិនិយោគិនក្នុងស្រុក ដើម្បីជំរុញផ្សារហ៊ុនចិនឡើងវិញ និងដើម្បីជំរុញសេដ្ឋកិច្ចប្រទេសចិន ឱ្យក្លាយជាប្រទេសសេដ្ឋកិច្ចរីកចម្រើនធំបំផុតលំដាប់ទី២ នៅលើពិភពលោក។

លោកឧកញ៉ាបណ្ឌិត គីម ហ៊ាង ដែលជាអ្នកវិនិយោគលើវិស័យអចលនទ្រព្យ ចាស់វស្សាមួយរូបនៅកម្ពុជា យល់ឃើញថា ទឹកលុយចិនជួយ១១ទ្រីលានដុល្លារ គឺជួយដល់អ្នកអភិវឌ្ឍន៍ក្នុងស្រុក មានន័យថា លោកជួយដល់ម្ចាស់គម្រោងធំៗក្នុងស្រុក។

លោកឧកញ៉ាបានបញ្ជាក់ថា “ការជួយនេះគឺចិនជួយខ្លួនឯង ប៉ុន្តែវានឹងជះឥទ្ធិពលល្អ ដល់វិស័យដីធ្លីនៅស្រុកខ្មែរ ព្រោះបើយើងនិយាយពីបំពង់ទុយោធំ ដែលបូមលុយធំចូលស្រុកខ្មែរពីបរទេស គឺប្រទេសចិនលេខ១”។ លោកបន្ថែមថា “ដូច្នេះនៅពេលណា ដែលលុយចិនចំនួន១១ទ្រីលានដុល្លារចុះមក នឹងជួយឱ្យដីធ្លី នៅស្រុកចិនដំណើរការល្អ ហើយកម្ពុជានឹងទទួលបានផលប្រយោលផងដែរ”។

លោកពន្យល់ថា ធម្មតាក្រុមហ៊ុនចិន ដែលមកវិនិយោគនៅកម្ពុជា គាត់ជាក្រុមហ៊ុនកូនរបស់ក្រុមហ៊ុន នៅប្រទេសចិន ដូច្នេះនៅពេលដែលក្រុមហ៊ុនធំនៅចិន ទទួលបានលុយពីរាជរដ្ឋាភិបាលចិន ធ្វើឱ្យគម្រោងដំណើរការល្អ មានផ្សារហ៊ុនគាត់ឡើង ចង់មិនចង់គាត់នឹងអាចចែករំលែក ផលចំណេញមកដល់ក្រុមហ៊ុនចិននៅស្រុកខ្មែរ នោះយើងនឹងរស់ទាំងអស់គ្នា។

លោកបញ្ជាក់ទៀតថា “ខ្ញុំមើលឃើញថាល្អ ឱ្យតែទីផ្សារដីធ្លីនៅប្រទេសចិនឡើង នោះវិស័យដីធ្លីនៅស្រុកខ្មែរនឹងឡើងដូចគ្នា ព្រោះធម្មតានៅពេលឪពុកម្តាយធូរធារ នោះកូនចៅក៏អាចរស់ស្រួល”។

ជាមួយគ្នានេះ ឧកញ៉ាបណ្ឌិត គីម ហ៊ាង មើលឃើញថា ចិននឹងមកស្រុកខ្មែរវិញច្រើន គ្រាន់តែថាពេលមកវិញលើកនេះនឹងអាចចម្រាញ់ មិនបើកចំហរដូចមុន។ ទាំងលក្ខណៈភូមិសាស្ត្រ សេដ្ឋកិច្ច នយោបាយ អ្នករកស៊ីចិនត្រូវតែមកខ្មែរវិញ ព្រោះពួកគេមានរឿងជាច្រើន ដែលត្រូវធ្វើនៅកម្ពុជា ពិសេសគឺសំណង់អគារជាប់គាំងទាំងនៅព្រះសីហនុ និងរាជធានីភ្នំពេញ ដើម្បីបញ្ចប់ការងារទាំងអស់នេះ។

លោកឧកញ៉ាបណ្ឌិត គីម ហ៊ាង បានបន្តថា “ជារួម ខ្ញុំរំពឹងថាឆាប់ៗនេះ នៅពេលកញ្ចប់ជាង១១ទ្រីលានដុល្លារ ធ្លាក់មកដល់ប្រទេសចិន ជួយដល់ម្ចាស់គម្រោងចិន ចំហាយមួយចំនួនត្រឹម០,១% មកដល់ស្រុកខ្មែរ ក៏សេដ្ឋកិច្ចវិស័យដីធ្លីនៅស្រុកខ្មែរ នឹងឡើងវិញដែរ”៕

លោក ដូណាល់ត្រាំ ជាប់ក្នុងបញ្ជីមហាសេដ្ឋីមានបំផុតទាំង៥០០រូបរបស់ពិភពលោកជាថ្មី

October 25, 2024

ដោយ: គង់ លាងហួរ

អន្តរជាតិ: លោកអតីតប្រធានាធិបតីអាមេរិក ដូណាល់ ត្រាំ (Donald Trump) បានជាប់ចំណាត់ថ្នាក់ នៅក្នុងបញ្ជីមហាសេដ្ឋីមានបំផុតទាំង៥០០រូប នៅលើពិភពលោកឡើងវិញ ខណៈភាគហ៊ុន នៃក្រុមហ៊ុនរបស់លោក បានហក់ឡើងថ្លៃពីរសប្តាហ៍ មុនការបោះឆ្នោត ប្រធានាធិបតីអាមេរិកចូលមកដល់។

ទ្រព្យសម្បត្តិសុទ្ធរបស់លោក Trump បានហក់ឡើង១១២ភាគរយ នៅឆ្នាំនេះដល់ទំហំទឹកប្រាក់៦,៥ពាន់លានដុល្លារ គិតត្រឹមថ្ងៃពុធ ទី២៣ ខែតុលា ដែលធ្វើឱ្យលោក Trump ក្លាយជាមហាសេដ្ឋីលំដាប់ទី៤៨១ នៅក្នុងសន្ទស្សន៍មហាសេដ្ឋីរបស់ទីភ្នាក់ងារសារពត៌មាន Bloomberg ។

លោក Trump បានរបូតឈ្មោះចេញ ពីបញ្ជីមហាសេដ្ឋីមានបំផុតទាំង៥០០រូប នៅលើពិភពលោកអស់រយៈពេល១១សប្តាហ៍មកហើយ។ ប៉ុន្តែទ្រព្យសម្បត្តិរបស់អតីតប្រធានាធិបតីអាមេរិករូបនេះ បានកើនឡើងវិញ បន្ទាប់ពីតម្លៃទីផ្សាររបស់ក្រុមហ៊ុន Trump Media & Technology Group បានហក់ឡើងថ្លៃជិត៣ដងចាប់តាំងពីចុងខែកញ្ញា។

ការហក់ឡើងនៃតម្លៃទីផ្សាររបស់ក្រុមហ៊ុន Trump Media នាពេលថ្មីៗនេះ បានកើតមានឡើង ខណៈវេទិកាភ្នាល់លទ្ធផលនៃការបោះឆ្នោតជាច្រើន តាមរយៈប្រព័ន្ធអនឡាញ បានចង្អុលឱកាសជ័យជម្នះខ្ពស់ ទៅកាន់លោក Trump បន្ទាប់ពីលោកត្រូវបាននាំមុខ ដោយលោកស្រីអនុប្រធានាធិបតី Kamala Harris អស់ជាច្រើនសប្តាហ៍កន្លងទៅ។

ទ្រព្យសម្បត្តិរបស់លោក Trump ក៏មានប្រភពដ៏ធំមកពីក្រុមហ៊ុន Trump Organization ដែលជាក្រុមហ៊ុនអចលនទ្រព្យខ្នាតអន្តរជាតិ។

ថ្មីៗនេះ ក្រុមហ៊ុន Trump Organization បានប្រកាសបោះទុនវិនិយោគចំនួន១,៥ពាន់លានដុល្លារ ដើម្បីសាងសង់សួនវាយកូនហ្គោល សណ្ឋាគារ និងលំនៅដ្ឋាននៅភាគខាងជើងនៃប្រទេសវៀតណាម តាមរយៈការសហការភាពជាដៃគូជាមួយក្រុមហ៊ុនក្នុងស្រុកមួយ៕ប្រភព: Vnexpress៕

វៀតណាមគ្រោងបោះទុនវិនិយោគជាង៣ពាន់លានដុល្លារ សាងសង់ផ្លូវល្បឿនលឿនថ្មី១តភ្ជាប់មកកាន់កម្ពុជា

October 25, 2024

ដោយ: គង់ លាងហួរ

អន្តរជាតិ: គម្រោងផ្លូវល្បឿនលឿនប្រវែងជាង១៧៥គីឡូម៉ែត្រ ត្រូវបានស្នើសាងសង់ឡើង ក្រោមទុនវិនិយោគចំនួន៨០,៨ទ្រីលានដុង (ប្រហែល៣,១៧ពាន់លានដុល្លារ) ដើម្បីតភ្ជាប់ខេត្តភាគនិរតី របស់ប្រទេសវៀតណាមជាមួយកម្ពុជា។

ក្រុមប្រឹក្សាគ្រប់គ្រងគម្រោង My Thuan ចំណុះក្រោមក្រសួងដឹកជញ្ជូនវៀតណាម បានប្រកាសកាលពីថ្ងៃពុធ ទី២៣ ខែតុលាថា ខ្លួនបានបញ្ចប់ការសិក្សាលើលទ្ធភាពបឋម ក្នុងការសាងសង់ផ្លូវល្បឿនលឿន Ha Tien-Rach Gia-Bac Lieu ហើយក្រុមប្រឹក្សាបានបញ្ជូនសំណើរនេះ ទៅកាន់ក្រសួងដើម្បីត្រួតពិនិត្យវាយតម្លៃ។

ផ្លូវល្បឿនលឿននេះ គ្រោងនឹងចាប់ផ្តើមលាតសន្ធឹងចេញពីច្រកទ្វារព្រំដែនអន្តរជាតិ Ha Tien ក្នុងទីក្រុង Ha Tien នៃខេត្ត Kien Giang និងបញ្ចប់នៅត្រឹមផ្លូវជាតិលេខ១ ក្នុងទីក្រុង Bac Lieu នៃខេត្ត Bac Lieu។

គម្រោងនេះ មានប្រវែងសរុបប្រហែល១៧៥,៥គីឡូម៉ែត្រ ដែលមានចំនួន៤គន្លង ផ្លូវសង្គ្រោះបន្ទាន់ចំនួន២គន្លង ដោយមានល្បឿន១០០គីឡូម៉ែត្រក្នុងមួយម៉ោង។ ផ្លូវល្បឿនលឿននេះ នឹងឆ្លងកាត់ខេត្តចំនួន៤ នៅតំបន់ដីសណ្ដទន្លេមេគង្គ រួមមាន ខេត្ត Kien Giang ខេត្ត Hau Giang ខេត្ត Soc Trang និងខេត្ត Bac Lieu។

ផ្លូវល្បឿនលឿននេះ មានគោលបំណងតភ្ជាប់ច្រកព្រំដែន Ha Tien ជាមួយផ្លូវល្បឿនលឿន Lo Te – Rach Soi ដែលមានស្រាប់ និងផ្លូវល្បឿនលឿន Can Tho-Ca Mau ដើម្បីជំរុញការអភិវឌ្ឍន៍សេដ្ឋកិច្ចសង្គមក្នុងតំបន់។

នៅក្នុងកិច្ចប្រជុំនាពេលថ្មីៗនេះ ជាមួយលោកនាយករដ្ឋមន្ត្រីវៀតណាម Pham Minh Chinh នៅទីក្រុង Can Tho ក្រសួងដឹកជញ្ជូនបានរាយការណ៍ អំពីគម្រោងផ្លូវល្បឿនលឿនចំនួន៦ខ្សែ ដែលគ្រោងសាងសង់ នៅតំបន់ភាគខាងលិច នៃប្រទេសវៀតណាម ក្នុងចម្ងាយសរុបជិត១.២០០គីឡូម៉ែត្រ។ ផ្លូវល្បឿនលឿនទាំងនេះ នឹងត្រូវបានពុះចែកចាប់ពី៤ ទៅ៦គន្លង។

គិតមកដល់ពេលនេះ ផ្លូវល្បឿនលឿនចម្ងាយជាង១២០គីឡូម៉ែត្រ ដែលតភ្ជាប់ពីទីក្រុងហូជីមិញ ទៅកាន់ទីក្រុង Can Tho ត្រូវបានបើកដាក់ឱ្យដំណើរការ ខណៈកំណាត់ផ្លូវចម្ងាយ៤២៨គីឡូម៉ែត្រទៀត កំពុងស្ថិតក្រោមការសាងសង់ ហើយរំពឹងថា នឹងបញ្ចប់រួចរាល់នៅឆ្នាំ២០២៥៕ប្រភព: Vnexpress៕

សម្តេចធិបតីៈក្រុមហ៊ុន សហគ្រាសធំៗចំនួន១៥០នឹងផ្តល់ការងារជាង៣ម៉ឺនកន្លែងដល់យុវជន

October 25, 2024

ដោយៈ គង់ ម៉ាលីនណា

ភ្នំពេញៈ ឱកាសការងារជាង៣ម៉ឺនកន្លែង ពីក្រុមហ៊ុន រោងចក្រ និងសហគ្រាសធំៗចំនួន១៥០ នឹងត្រូវផ្តល់ជូនយុវជន សិស្ស/និស្សិត អ្នកស្វែងរកការងារ និងសាធារណជននៅក្នុងពិព័រណ៍ការងារ និងផលិតភាពជាតិដ៏ធំជាងគេប្រចាំឆ្នាំ ដែលនឹងប្រព្រឹត្តទៅនាថ្ងៃទី២៦-២៧ ខែតុលា ឆ្នាំ២០២៤ ខាងមុខនេះ។នេះបើតាមការសរសេរ លើបណ្តាញទំនាក់ទំនងសង្គមរបស់សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា។

ពិព៌ណនេះ នឹងប្រារពធ្វើនៅអាគារពិព័រណ៍កោះពេជ្រ ចាប់ពីម៉ោង៨ព្រឹក ដល់៨យប់។

ពិព័រណ៍ការងារ និងផលិតភាពជាតិ ឆ្នាំ២០២៤ ត្រូវបានសហការរៀបចំ ដោយទីភ្នាក់ងារជាតិមុខរបរ និងការងារនៃក្រសួងការងារ និង បណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជា រាជធានីភ្នំពេញ សមាគមវាយនភណ្ឌ សម្លៀកបំពាក់ ស្បែកជើង និងផលិតផល ធ្វើដំណើរនៅកម្ពុជា និងមូលនិធិអភិវឌ្ឍន៍ជំនាញ និងទទួលបានការគាំទ្រដោយអង្គការអន្តរជាតិខាងការងារ និងដៃគូពាក់ព័ន្ធជាច្រើនទៀត។

សូម ក្មួយៗ និងប្អូនៗដែលជាយុវជន សិស្ស/និស្សិត អ្នកស្វែងរកការងារ និងសាធារណជនទូទៅ សូមទៅចូលរួមទស្សនាពិព័រណ៍ការងារដ៏ធំនេះ ឱ្យបានច្រើនកុះករ ដើម្បីស្វែងយល់ពីទីផ្សារការងាររបស់កម្ពុជា ដែលកំពុងមានតម្រូវការយ៉ាងច្រើនសម្បូរបែប និងកុំភ្លេចរៀបចំ ប្រវត្តិរូបសង្ខេប(CV) ឱ្យបានច្រើន ដើម្បីចូលរួមដាក់ពាក្យស្វែងរកការងារ ទៅតាមជំនាញរៀងៗខ្លួន។

ព័ត៌មានបន្ថែម សូមទាក់ទងមកលេខ 017 467 423 ឬ លេខ Call Center របស់ក្រសួងការងារ 1297 ឬ 1286៕

រដ្ឋមន្រ្តីទេសចរណ៍បានជម្រុញឲ្យខេត្តស្ទឹងត្រែងលើកផ្លាករមណីយដ្ឋានទេសចរណ៍ក្នុងមូលដ្ឋានរបស់ខ្លួន

October 25, 2024

ដោយៈ គង់ សូរិយា

ភ្នំពេញៈ រដ្ឋមន្រ្តីក្រសួងទេសចរណ៍លោកហួត ហាក់បានជម្រុញឲ្យអាជ្ញាធរពាក់ព័ន្ឋខេត្តស្ទឹងត្រែង លើកផ្លាកនៅតាមរមណីយដ្ឋានទេសចរណ៍របស់ខ្លូន។

លោកបានចាត់ទុកខេត្តស្ទឹងត្រែង ជាខេត្តអាទិភាពមូយក្នុងចំណោមខេត្តនៅភូមិភាគឦសាន ដែលត្រូវការអភិវឌ្ឈន៍វិស័យទេសចរណ៍។

ក្នុងពិធីសំណេះសំណាលជាមួយថ្នាក់ដឹកនាំ និងបុគ្គលិកមន្ទីរទេសចរណ៍ខេត្តស្ទឹងត្រែង កាលពីថ្ងៃទី២៣ តុលា លោករដ្ឋមន្ត្រីហួត ហាក់ បានលើកឡើងអំពីភាពចាំបាច់ សម្រាប់ក្រុមខេត្តតំបន់ឦសាន ដែលជាក្រុមខេត្តមួយ ក្នុងចំណោមក្រុមខេត្តអាទិភាពទាំង៣ ត្រូវសហការរៀបចំព្រឹត្តិការណ៍ទេសចរណ៍ប្តូរវេនគ្នា ឱ្យមានភាពប្រទាក់ក្រឡា រៀបចំកញ្ចប់ទស្សនកិច្ច និងជំរុញការផ្សព្វផ្សាយឱ្យបានទូលំទូលាយ ដើម្បីទាក់ទាញភ្ញៀវទេសចរ ដោយយោងតាមអនុសាសន៍ដឹកនាំដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

ជាមួយគ្នានេះ មន្ទីរទេសចរណ៍ខេត្តស្ទឹងត្រែង ត្រូវសហការ ជាមួយអាជ្ញាធរពាក់ព័ន្ធ ដើម្បីលើកផ្លាករមណីយដ្ឋានទេសចរណ៍នៅក្នុងខេត្តរបស់ខ្លួន៕

ការអភិវឌ្ឍន៍រដ្ឋធានីថ្មីរបស់ឥណ្ឌូនេស៊ីបានជំរុញឱ្យសេដ្ឋកិច្ចក្នុងខេត្ត East Kalimantan ហក់ឡើងខ្ពស់

October 24, 2024

ដោយ: គង់ លាងហួរ

អន្តរជាតិ: ការអភិវឌ្ឍន៍រដ្ឋធានីថ្មីរបស់ឥណ្ឌូនេស៊ី នៅក្នុងខេត្ត East Kalimantan ស្ថិតលើកោះBorneo ដែលផ្ដួចផ្ដើមឡើងដោយលោកអតីតប្រធានាធិបតី Joko Widodo ក្នុងឆ្នាំ២០២២ បានធ្វើឱ្យសេដ្ឋកិច្ចរបស់ខេត្តមួយនេះ កើនឡើងនៅឆ្នាំ២០២៣ លើសអត្រាកំណើនសេដ្ឋកិច្ចថ្នាក់ជាតិ។

យោងតាមទីភ្នាក់ងារសារពត៌មាន Jakarta Globe បានចុះផ្សាយថា សេដ្ឋកិច្ចរបស់ខេត្តEast Kalimantan បានកើនឡើង៦,២២ភាគរយ នៅឆ្នាំ២០២៣ កើនពីកម្រិត៤,៤៨ភាគរយ នៅឆ្នាំ២០២២ បើធៀបនឹងអត្រាកំណើនសេដ្ឋកិច្ច ថ្នាក់ជាតិប្រចាំឆ្នាំចំនួន៥,០៥ភាគរយ។

សេដ្ឋកិច្ចរបស់ខេត្តខាងលើ បានបន្តកើនឡើងនៅត្រីមាសទី១ ឆ្នាំ២០២៤ ក្នុងរង្វង់៧,២៦ភាគរយ ដែលជាកម្រិតខ្ពស់បំផុតគិតចាប់តាំងពីឆ្នាំ២០១៣។

លោក Budi Widihartanto តំណាងមកពីការិយាល័យនៃធនាគារកណ្ដាលឥណ្ឌូនេស៊ី ប្រចាំខេត្តEast Kalimantan បានអះអាងថា កំណើននេះត្រូវបានជំរុញ ដោយតម្រូវការខ្ពស់នៅក្នុងវិស័យនានា ដូចជា ការជីកយករ៉ែ និងវិស័យសំណង់ ដែលជំរុញបន្ថែមដោយសារការបន្តអភិវឌ្ឍន៍មូលធន។

លោក Budi ក៏បានលើកឡើងផងដែរថា សកម្មភាពសេដ្ឋកិច្ចរបស់សហគមន៍ក្នុងតំបន់ កំពុងទទួលបានអត្ថប្រយោជន៍ ជាពិសេស តាមរយៈការកើនឡើង នៃសហគ្រាសខ្នាតតូច និងមធ្យម (SMEs)។

កាលពីឆ្នាំ២០២៣ វិស័យពាណិជ្ជកម្មរបស់ខេត្តមួយនេះបានកើនឡើង៦,៨៥ភាគរយ។ តួលេខនេះជាកំណើនខ្ពស់បំផុតមិនធ្លាប់ជួបប្រទះ គិតចាប់តាំងពីផ្ទុះវិបត្តិជំងឺកូវីដ-១៩។

ជាមួយគ្នានេះ លោកស្រី Yusniar Juliana ប្រធានទីភ្នាក់ងារស្ថិតិជាតិឥណ្ឌូនេស៊ី (BPS) ប្រចាំខេត្ត East Kalimantan បានសង្កត់ធ្ងន់ថា បច្ចុប្បន្ននេះ ខេត្តEast Kalimantan បានចូលរួមចំណែកចំនួន៤៨,១២ភាគរយ ដល់កំណើនសេដ្ឋកិច្ចក្នុងតំបន់Kalimantan ទាំងមូល។

ការអភិវឌ្ឍន៍រដ្ឋធានី Nusantara ក៏បានជះឥទ្ធិពលជាវិជ្ជមាន ដល់វិស័យទេសចរណ៍ផងដែរ ដោយអត្រាគ្របដណ្តប់ការស្នាក់នៅសណ្ឋាគារក្នុងខេត្តនេះ បានកើនឡើងដល់៦៧ភាគរយ នៅខែសីហា ឆ្នាំ២០២៤ ដែលជាកម្រិតខ្ពស់បំផុតបន្ទាប់ពីទីក្រុងកោះបាលី៕ប្រភព: Jakarta Globe៕

Jokowi’s New Capital Project Drives East Kalimantan to Record Growth

October 24, 2024

Indonesia’s future capital, Nusantara, began development in East Kalimantan in 2022. A year later, the province’s economic growth surged to 6.22 percent from 4.48 percent in 2022, surpassing the national average of 5.05 percent. By the first quarter of 2024, it reached 7.26 percent, the highest level since 2013.

According to Budi Widihartanto, a representative from Bank Indonesia’s East Kalimantan office, this growth is fueled by strong demand in sectors like mining and construction, further boosted by ongoing capital development. He said that infrastructure projects, such as a new airport and economic hubs around Nusantara, are driving both central and local government spending.

Budi also pointed out that the community’s economic activities are benefiting, particularly through the rise of micro, small, and medium enterprises (MSMEs). In 2023, East Kalimantan’s trade sector grew by 6.85 percent, marking the highest growth since the COVID-19 pandemic.

Yusniar Juliana, head of the Central Statistics Agency (BPS) in East Kalimantan, emphasized that the region’s growth is propelled by government administration, defense, and social security sectors, which grew by 17.44 percent. East Kalimantan now contributes 48.12 percent to Kalimantan’s overall regional growth.

Nusantara’s development has also positively impacted tourism, with hotel occupancy rates in the province reaching 67 percent in August 2024, second only to Bali.

Source: Jakarta Globe

ប្រទេសថៃបញ្ចប់ការសាងសង់គម្រោងផ្លូវតាមបណ្តោយឆ្នេរសមុទ្រប្រវែង៩៥០គីឡូម៉ែត្រ

October 24, 2024

ដោយ: គង់ លាងហួរ

បាងកក: នាយកដ្ឋានផ្លូវជនបទ ចំណុះក្រោមក្រសួងដឹកជញ្ជូនថៃ បានបញ្ចប់ការសាងសង់ដំណាក់កាលទី១ ក្នុងចំណោមដំណាក់កាលចំនួន៤ នៃគម្រោងផ្លូវឆ្នេរសមុទ្រចម្ងាយ៩៥០គីឡូម៉ែត្រ (Riviera)។

ផ្លូវស្ថិតនៅតាមបណ្តោយឆ្នេរសមុទ្រនេះ នឹងលាតសន្ធឹងលើខេត្តសរុបចំនួន១២ ដោយចាប់ផ្តើមចេញពីខេត្ត Samut Prakan ដែលជាប់ព្រំដែនជាមួយរាជធានីបាងកក ទៅដល់ខេត្ត Narathiwat ដែលមានព្រំប្រទល់ជាប់នឹងរដ្ឋ Kelantan និងរដ្ឋ Perak របស់ម៉ាឡេស៊ី។

លោក Montri Dechasakulsom អគ្គនាយកនៃនាយកដ្ឋានផ្លូវជនបទថៃបានអះអាងថា គម្រោងដំណាក់កាលទី១ចម្ងាយ៥១៥គីឡូម៉ែត្រ ដែលរត់តាមបណ្តោយឆ្នេរសមុទ្រ ពីខេត្ត Samut Sakhon ទៅកាន់ខេត្តPhetchaburi និងចាប់ពីខេត្ត Prachuap Khiri Khan ទៅកាន់ខេត្ត Ranong និងខេត្ត Chumphon ត្រូវបានសម្រេចបើកឱ្យធ្វើចរាចរណ៍។

គម្រោងនេះ នឹងតភ្ជាប់ឆ្នេរឈូងសមុទ្រថៃ ពីភាគអាគ្នេយ៍នៃទីក្រុងបាងកកក្នុងខេត្តSamut Prakan ទៅកាន់ខេត្ត Narathiwat នៅភាគខាងត្បូងនៃប្រទេសថៃ។ គម្រោងនេះក៏នឹងរួមមាន ការសាងសង់ផ្លូវមួយខ្សែក្នុងខេត្ត Chumphon ដើម្បីតភ្ជាប់ឈូងសមុទ្រថៃ ជាមួយសមុទ្រ Andaman ក្នុងខេត្ត Ranong។

ដោយសារតែភាពស្មុគស្មាញ នៃកត្តាភូមិសាស្ត្រ និងបញ្ហាផ្សេងៗទៀត ទាក់ទងនឹងកម្មសិទ្ធិដីធ្លី ការសាងសង់ផ្លូវនៅតាមបណ្តោយឆ្នេរសមុទ្រ មិនអាចដំណើរការបានដោយរលូននោះទេ ដោយនឹងត្រូវបានបំបែក និងតភ្ជាប់ទៅកាន់ផ្លូវផ្សេងទៀត។

យោងតាមលោក Montri បានឱ្យដឹងថា នាយកដ្ឋានរបស់លោកកំពុងធ្វើការស្ទង់មតិ និងត្រៀមសាងសង់គម្រោង Riviera ក្នុងដំណាក់កាលទីពីរ ដែលនឹងគ្របដណ្តប់ចម្ងាយ១៥០គីឡូម៉ែត្រពីខេត្ត Chumphon ទៅកាន់ខេត្ត Surat Thani ខេត្ត Nakhon Si Thammarat និងខេត្ត Songkhla។

សម្រាប់ដំណាក់កាលទី៣ នាយកដ្ឋានផ្លូវជនបទគ្រោងនឹងសាងសង់ផ្លូវ នៅតាមបណ្តោយឆ្នេរសមុទ្រ ប្រវែង៨៥គីឡូម៉ែត្រ តភ្ជាប់ពីខេត្ត Samut Prakan ជាមួយខេត្ត Samut Sakhon និងខេត្ត Samut Songkhram ក្រោមទុនវិនិយោគប្រហែល៤ពាន់លានបាត (ប្រមាណ១២០លានដុល្លារអាមេរិក)។

ចំណែក ដំណាក់កាលទី៤ នាយកដ្ឋានគ្រោងនឹងសាងសង់ផ្លូវប្របមាត់សមុទ្រ ប្រវែង២០០គីឡូម៉ែត្រ ដែលរត់ពីខេត្ត Songkhla ទៅកាន់ខេត្ត Pattani និងខេត្ត Narathiwat ខណៈនាយកដ្ឋានផ្លូវជនបទថៃ បានប្តេជ្ញាសិក្សាដោយប្រុងប្រយ័ត្ននូវផលប៉ះពាល់របស់គម្រោងទៅលើបរិស្ថាន៕ប្រភព:VNA៕

Southeast Asia needs to boost investments five-fold by 2035 to meet climate goals, IEA says

October 24, 2024

Southeast Asia needs to increase clean energy investments to $190 billion, about five times the current level, by 2035 to achieve its climate goals, the International Energy Agency said on Tuesday.

Ramping up energy investments needs to be accompanied by strategies to reduce emissions from the region’s relatively young fleet of coal-fired plants, the IEA
said in a report.

It added that rapid economic expansions were expected to pose challenges for energy security and climate goals.

However, a push to close coal power plants in emerging markets, backed by rich Western nations, is facing delays after a July deadline passed without a deal on the early closure of an Indonesian pilot project.

Electricity demand in Southeast Asia is set to grow at an annual rate of 4% in the coming years, with clean energy sources such as wind and solar, alongside modern bioenergy and geothermal power, projected to meet more than a third of the growth in energy demand in the region by 2035, the IEA report says.

Still, it would not be enough to rein in the region’s energy-related carbon dioxide (CO2) emissions, which are set to increase by 35% between now and mid-century, it says.

“Clean energy technologies are not expanding quickly enough and the continued heavy reliance on fossil fuel imports is leaving countries highly exposed to future risks,” the IEA’s executive director Fatih Birol said.

The region as a whole attracts only 2% of global clean energy investment despite accounting for 6% of global GDP, 5% of global energy demand and being home to 9% of the world’s population, according to the report.

Source: Reuters

1...376377378...3,236 Page 377 of 3,236