ទីផ្សារលំនៅដ្ឋានថៃអាចនឹងធ្លាក់ចុះចន្លោះពី៥ភាគរយទៅ១០ភាគរយ នៅឆ្នាំ២០២៥នេះ

ដោយ: គង់ លាងហួរ
បាងកក: ក្រុមហ៊ុនស្រាវជ្រាវអចលនទ្រព្យ Terra Media and Consulting បានព្យាករណ៍ថា ទីផ្សារលំនៅដ្ឋានរបស់ប្រទេសថៃនឹងធ្លាក់ចុះចាប់ពី៥ភាគរយទៅ១០ភាគរយ នៅឆ្នាំ២០២៥នេះ ខណៈអតិថិជនវ័យក្មេងពន្យារពេលលើការទិញផ្ទះ ដោយសារការថយចុះនៃទំនុកចិត្តផ្នែកសេដ្ឋកិច្ច។

យោងតាមការស្ទង់មតិថ្មីៗនេះបានរកឃើញថា សន្ទស្សន៍ទំនុកចិត្តអ្នកប្រើប្រាស់នៅប្រទេសថៃបានបន្តធ្លាក់ចុះមកនៅត្រឹមចំនួន៧២ពិន្ទុក្នុងឆ្នាំ២០២៤ បើធៀបនឹងចំនួន៧៦ពិន្ទុ ក្នុងឆ្នាំ២០២៣ និងចំនួន៧៩ពិន្ទុ ក្នុងឆ្នាំ២០២២។

លោកស្រី Sumitra Wongpakdee នាយកគ្រប់គ្រងក្រុមហ៊ុន Terra Media and Consulting បានលើកឡើងថា ទោះបីជាមានការព្រួយបារម្ភអំពីសេដ្ឋកិច្ចយ៉ាងណាក្តី អ្នកប្រើប្រាស់យល់ថា ស្ថានភាពហិរញ្ញវត្ថុរបស់ពួកគេនឹងប្រសើរឡើងនៅឆ្នាំ២០២៥។

ប៉ុន្តែ ការសម្រេចចិត្ដទិញផ្ទះកំពុងត្រូវបានពន្យារពេល ដោយសារការខ្វះទំនុកចិត្ត ទោះបីជាប្រជាជនថៃបង្ហាញការចាប់អារម្មណ៍លើការទិញយ៉ាងណាក្តី។ ការណ៍នេះកំពុងរួមចំណែកដល់ការបង្កើតភាពមិនច្បាស់លាស់នៅក្នុងទីផ្សារ។

លោកស្រី Sumitra បញ្ជាក់ថា “ទីផ្សារលំនៅដ្ឋានក្នុងត្រីមាសទី១ ឆ្នាំ២០២៥ អាចនៅតែមានការធ្លាក់ចុះ ដោយសារមិនទាន់មានសញ្ញាវិជ្ជមាននៃសេដ្ឋកិច្ចច្បាស់លាស់នៅឡើយ”។

យោងតាមការស្ទង់មតិតាមអុីនធឺណេតរបស់ក្រុមហ៊ុន Terra បានបង្ហាញថា ក្នុងចំណោមអ្នកមានបំណងទិញផ្ទះចំនួន៣.៧០០នាក់ ក្នុងនោះមនុស្សចំនួន២.៥០០នាក់បានបង្ហាញការព្រួយបារម្ភខ្លាំងបំផុតចំពោះស្ថានភាពសេដ្ឋកិច្ចថៃក្នុងរយៈពេល១២ខែបន្ទាប់។

នៅពេលត្រូវបានសាកសួរអំពីការទិញផលិតផលដែលមានតម្លៃខ្ពស់ដូចជាអចលនទ្រព្យ និងរថយន្ត ក្រុមអ្នកចូលរួមក្នុងការស្ទង់មតិខាងលើបានផ្តល់ពិន្ទុលើទំនុកចិត្តចំនួន៦៤ពិន្ទុ ធ្លាក់ចុះ១ភាគរយ។

ផ្ទុយទៅវិញ ទំនុកចិត្តលើស្ថានភាពហិរញ្ញវត្ថុផ្ទាល់ខ្លួនរបស់ពួកគេក្នុងរយៈពេល១២ខែបន្ទាប់មានកម្រិតខ្ពស់បំផុតចំនួន៩៥ពិន្ទុធៀបនឹងពិន្ទុពេញចំនួន១០០ពិន្ទុ ៕ប្រភព: Bangkok post៕

តម្លៃហាងឆេងមាសបានងើបឡើងថ្លៃនៅថ្ងៃសុក្រនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនៅព្រឹកថ្ងៃសុក្រនេះ ខណៈក្រុមអ្នកវិនិយោគកំពុងរង់ចាំមើលរបាយការណ៍ទីផ្សារការងារដើម្បីស្វែងរកភាពច្បាស់លាស់លើគោលនយោបាយអត្រាការប្រាក់នៅឆ្នាំ២០២៥របស់ធនាគារកណ្តាលអាមេរិក។

តួយ៉ាង តម្លៃមាស Spot Gold បានងើបឡើង០,១៥ភាគរយដល់២៦៧៤,១៣ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,២៥ភាគរយដល់២៦៩៧,៥០ដុល្លារក្នុងមួយអោនគិតត្រឹមម៉ោង១០:៣៦នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួនជាង៩៣ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់របស់ខ្លួនឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី២៩ ខែមករានេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃដល់១០៩,២១ពិន្ទុនៅព្រឹកថ្ងៃសុក្រនេះ បន្ទាប់ពីបានបិទការជួញដូរត្រឹម១០៩,១៨ពិន្ទុកាលពីថ្ងៃព្រហស្បតិ៍ម្សិលមិញ។

ចំណែក តម្លៃលោហៈធាតុប្រាក់ Spot silver បានងើបឡើង០,៤៤ភាគរយដល់៣១,១៥ដុល្លារក្នុងមួយអោន ខណៈតម្លៃផ្លាទីនបានងើបឡើង០,៧២ភាគរយដល់៩៩១,៥ដុល្លារក្នុងមួយអោន ហើយតម្លៃ palladium បានងើបឡើង១,៧៥ភាគរយដល់៩៤៧ដុល្លារក្នុងមួយអោនគិតត្រឹមម៉ោង១០:៣៨នាទីព្រឹក៕

គំរោងផ្លូវក្រវ៉ាត់ក្រុងទី៣ ប៉ែកខាងកើតអាចមានក្តីសង្ឃឹមស្របពេលមន្រ្តីជាន់ខ្ពស់ជម្រុញពន្លឿនការសាងសង់

ដោយៈ និស្ស័យ

ភ្នំពេញៈ គំរោងផ្លូវក្រវ៉ាត់ក្រុងទី៣ ប៉ែកខាងកើតដែលប្រជាពលរដ្ឋទន្ទឹងជាយូរមកហើយ អាចលេចរូបរាងនៅពេលខាងមុខឆាប់ៗ។

គំរោងនេះ មានសារៈសំខាន់ណាស់ សម្រាប់ការអភិវឌ្ឍនៅច្រករបៀងជុំវិញរាជធានីភ្នំពេញ ដែលគំរោងនេះ នឹងមានការសាងសង់ស្ពានចំនួន២ ក្នុងខេត្តកណ្តាល គឺស្ពានឆ្លងកាត់ទន្លេរមេគង្គ ស្ថិតនៅក្នុងស្រុកកៀនស្វាយ និងស្ពានឆ្លងកាត់កោះដាច់ តភ្ជាប់មកកាន់មហា វិថីឈ្នះ ឈ្នះ។

លោកឧបនាយករដ្ឋមន្រ្តីស៊ុន ចាន់ថុល បានស្នើឲ្យរដ្ឋមន្រ្តីសាធារណៈការ និងដឹកជញ្ជូន លោកប៉េង ពោធ៍នា ជម្រុញពិនិត្យ និងកំណត់អាទិភាពឡើងវិញ ទៅតាមផែនការសកម្មភាពរបស់ផ្លូវក្រវ៉ាត់ក្រុង ទី៣ ប៉ែកខាងកើត (ដែលស្ថិតក្នុងគម្រោងអភិវឌ្ឍន៍ ផែនការ៥ឆ្នាំរំកិល ២០២៤-២០២៨)។

ការជម្រុញនេះធ្វើឡើង ក្នុងពេលលោកអញ្ជើញចូលរួមសន្និបាតការងាររបស់ក្រសួងសាធារណៈការ និងដឹកជញ្ជូនកាលពីពេលថ្មីៗនេះ។

គម្រោងខ្សែក្រវាត់ទី៣ ប៉ែកខាងកើត ត្រូវបានក្រុមហ៊ុនសំណង់សៀងហៃ លើកយកមកធ្វើបទបង្ហាញជូន អ្នកជំនាញបច្ចេកទេសក្រសួងដើម្បីពិនិត្យ និងផ្ដល់ធាតុចូលបន្ថែមកាលពីឆ្នាំមុន។

យោងតាមបទបង្ហាញរបស់ក្រុមហ៊ុនសំណង់សៀងហៃ គម្រោងខ្សែក្រវាត់ទី៣ ប៉ែកខាងកើតនេះ មានប្រវែងប្រមាណ៣៤,១៥គីឡូម៉ែត្រ សាងសង់ជាផ្លូវ៤គន្លង (ពីរគន្លងទៅ ពីរគន្លងមក) ចេញពីមហាវិថីឈ្នះឈ្នះ (ចំណុចប្រសព្វផ្លូវជាតិលេខ៦) រហូតដល់ចំណុចប្រសព្វផ្លូវលេខ៧០បេ ឆ្លងកាត់កោះចំនួន២ គឺកោះដាច់ និងកោះតាង ដោយត្រូវសាងសង់ ស្ពានឆ្លងទន្លេមេគង្គចំនួន៣ ក្នុងនោះស្ពានទី១ (ផ្លូវជាតិលេខ៦-កោះដាច់) មានប្រវែង១៣១១ម៉ែត្រ ស្ពានទី២ (កោះដាច់-កោះតាង) មានប្រវែង៥៧៩ម៉ែត្រ និងស្ពានទី៣ (កោះតាង-ផ្លូវ៧០បេ) មានប្រវែង១០៤៤ម៉ែត្រ គ្រោងចំណាយថវិកាប្រមាណ២៤០លានដុល្លារអាមេរិក។

បន្ទាប់ពីបានស្វែងយល់បទបង្ហាញរួចមក អ្នកជំនាញបច្ចេកទេសក្រសួងបានជជែកពិភាក្សា និងផ្ដល់យោបល់ជាធាតុចូលលើការងារបច្ចេកទេសសំខាន់ៗក្នុងការសាងសង់ រួមមាន ការរៀបចំជាចំណតយានយន្ត ព្រមទាំងការសិក្សាបន្ថែមលើភូមិសាស្ត្រតំបន់ ការសិក្សាលើលំហូរទឹក និងទំនប់ទឹក ជាធាតុចូល ដើម្បីធ្វើឱ្យគម្រោងនេះមានប្រសិទ្ធភាព និងនិរន្តរភាព៕

ប្រធានCVEAលើកឡើងពីអត្ថប្រយោជន៍នៃទិន្នន័យដែលក្រសួង រៀបចំដែនីសហការផ្តល់ជូន

ដោយៈ ស៊ីវ ម៉េង

ភ្នំពេញៈ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកសន សៀបបានលើកឡើងនូវអត្ថប្រយោជន៍ជាច្រើន ពីការផ្តល់ទិន្នន័យទាក់ទងនឹងការចេញប័ណ្ណដីធ្លី និន្នន័យនៃការទិញលក់ជាដើម។

លោកបានមានប្រសាសន៍ឲ្យដឹងកាលពីល្ងាចថ្ងៃទី៩ មករា ឆ្នាំ២០២៥ថា ក្នុងជំនួបជាមួយលោកឧបនាយករដ្ឋមន្រ្តីសាយ សំអាល់រដ្ឋមន្រ្តីក្រសួងរៀបចំដែនដី សមាគមបានស្នើសុំលើសំណើរចំនួន២ ទី១ ស្នើសុំទិន្នន័យរួមដែលក្រសួងបាន និងកំពុងរៀបចំទិន្នន័យនៃការចុះបញ្ជីរដីធ្លីក្បាលដី ដែលអាចប្រើប្រាស់បាន។ ទាក់ទងលេខក្បាលដី លេខឡូ ដែលយើងអាចយកមកប្រើប្រាស់ជាជំនួយ សម្រាប់សមាជិកសមាគម ដែលជាក្រុមហ៊ុនមានអាជ្ញាប័ណ្ណ និងជំនាញវិជ្ជាជីវៈខ្ពស់។

លោកបន្តថា លើសពីនេះ សមាគមក៏ស្នើសុំទិន្នន័យរួមនេះ ប្រើប្រាស់ទិន្ន័យទិញ លក់ជាក់លាក់ចេញពីក្រសួង និងអគ្គនាយកដ្ឋានពន្ឋដា ដើម្បីយើងអាចយកមកវិភាគ ក្នុងកិច្ចការងារវាយតម្លៃអចលនវត្ថុកាន់តែមានប្រសិទ្ឋភាព កាន់តែលឿន។ លោកបន្តថា នៅពេលយើងបានទិន្នន័យទាំងនោះ កិច្ចការផ្តល់សេវាកម្មដល់អតិថិជន មានប្រសិទ្ឋភាព ហើយលឿន ជាពិសេសល្បឿននេះជួយបានច្រើនណាស់ គឺជួយអតិថិជនចំណេញពេលវេលា និងប្រាក់កាសក្នុងការវិនិយោគផ្សេងៗក្នុងវិស័យនេះ។

លោកសន សៀបបានបញ្ជាក់ថា “ការវាយតម្លៃបានលឿននេះ ជួយដល់វិស័យហិរញ្ញវត្ថុទៀត ឧទាហរណ៍ ធនាគារត្រូវការបាយការណ៍ ដើម្បីផ្តល់កម្ចីគឺ ធនាគារនិងអតិថិជនអាចផ្តល់ និងទទួលកម្ចីបានលឿន”។ លោកបន្ថែមថា “ការខ្ចីបានលឿន គឺជួយដល់សកម្មភាពអាជីវកម្មរបស់ពួកគាត់បានប្រសើរ និងមានប្រសិទ្ឋភាពខ្ពស់”។

លោកបន្តទៀតថា ចំណុចទី២ គឺសមាគមស្នើសុំថា រាល់ការទិញ លក់ទាំងអស់ គឺត្រូវឆ្លងកាត់ក្រុមហ៊ុនផ្តល់សេវាកម្មអចលនទ្រព្យ ដែលមានអាជ្ញាប័ណ្ណ និងមានការទទួលស្គាល់ពីរដ្ឋាភិបាល ធ្វើជាសាក្សីលើការទិញ លក់។ ការធ្វើសាក្សីលើការទិញ លក់នេះ ដើម្បីយើងទទួលបានទិន្នន័យជាក់លាក់ ហើយជួយដល់រដ្ឋាភិបាល ក្នុងការផ្តល់ទិន្នន័យ សម្រាប់ជាផលប្រយោជន៍រួម។

លោកសន សៀបបានបន្តថា ចំណុចទី២នេះ លោកឧបនាយករដ្ឋមន្រ្តីបានស្នើឲ្យក្រុមការងារជំនាញសិក្សាលទ្ឋភាពថា ត្រូវធ្វើជាមួយគ្នាបានយ៉ាងដូចម្តេចផងដែរ៕

ស្ពានអាកាសសម្តេចធិបតីតភ្ជាប់ទៅកាន់ព្រលានយន្តហោះតេជោអន្តរជាតិបាននិងកំពុងសម្រេចវឌ្ឈនភាពប្រសើរ

ដោយៈ និស្ស័យ

ភ្នំពេញៈ ស្ពានអាកាសភ្លោះសម្តេចមហាបវរធិបតី គិតមកដល់ពេលនេះ ការដ្ឋានទាំងមូលសម្រេចបានប្រមាណ២៥%។ នេះបើតាមលោកកើត ឆែ អភិបាលរងរាជធានីភ្នំពេញ។

លោកកើត ឆែ អភិបាលរងរាជធានីភ្នំពេញបានបញ្ជាក់ថា ស្ពានទី១ (មហាវិថីសម្តេច ហ៊ុន សែនទៅព្រលានតេជោ) គ្រោងបញ្ចប់នៅមុនខែមេសា ឆ្នាំ២០២៥ ខណៈការដ្ឋានទាំងមូល គ្រោងបញ្ចប់ទាំងស្រុងនៅអំឡុងខែមិថុនាឆ្នាំ២០២៥។ គំរោងនេះប្រើប្រាស់ថវិកាចំនួន ១៦,២០០,៥០០ដុល្លារអាមេរិក សាងសង់ដោយក្រុមហ៊ុនវិនិយោគទុនអាណិកជនកម្ពុជា(OCIC) ដោយប្រើប្រាស់រយៈពេលសាងសង់ចំនួន១២ខែ។

ស្ពានអាកាសភ្លោះមហាបវរធិបតី មានបណ្ដោយស្ពានសរុប ៦២២ម៉ែត្រ បណ្ដោយតួស្ពាន៨១ម៉ែត្រ ផ្លូវតភ្ជាប់ក្បាលស្ពានទៅមកខាងមហាវិថីសម្តេចតេជោ ហ៊ុន សែនប្រវែង១៨០ម៉ែត្រ និងផ្លូវតភ្ជាប់ក្បាលស្ពាន ទៅមកខាងព្រលានយន្តហោះអន្តរជាតិ តេជោ១៦១ម៉ែត្រ៕

គំរោងសាងសង់ស្ពានឆ្លងទន្លេរសាបតភ្ជាប់ខេត្តកំពង់ឆ្នាំង ទៅកាន់ខេត្តកំពង់ធំស្ថិតក្នុងផែនការអាទិភាពរបស់រដ្ឋាភិបាល

ដោយៈ គង់ សូរិយា

ភ្នំពេញៈ គំរោងសាងសង់ហេដ្ឋារចនាសម្ព័ន្ឋធំៗ នៅតែជាអាទិភាពរបស់រដ្ឋាភិបាល ដោយច្បាប់ថវិកាជាតិឆ្នាំ២០២៥នេះ បានផ្តល់អាទិភាព ដល់គំរោងសាងសង់ស្ពានឆ្លងកាត់ទន្លេរសាប ពីខេត្តកំពង់ឆ្នាំង ទៅកាន់ខេត្តកំពង់ធំ។

យោងតាមច្បាប់ថវិកាជាតិឆ្នាំ២០២៥ ដែលរាជរដ្ឋាភិបាលកម្ពុជាទើបប្រកាសដាក់ឲ្យប្រើប្រាស់ បានលើកពីគម្រោងអភិវឌ្ឍន៍សាធារណៈសំខាន់ៗ ដូចជាផ្នែកអប់រំ សុខាភិបាល ធារាសាស្ត្រ វិស័យទឹកស្អាត អគ្គិសនី និងហេដ្ឋារចនាសម្ព័ន្ធផ្លូវស្ពានជាដើម ដែលត្រូវការកម្ចីថវិកាប្រមាណជាង ២ ពាន់លានដុល្លារពីដៃគូអភិវឌ្ឍន៍។

គម្រោងអភិវឌ្ឍន៍សំខាន់ៗនៅឆ្នាំ ២០២៥ របស់រដ្ឋាភិបាល ក៏បានលើកពីគម្រោងអាទិភាព លើការស្ថាបនាផ្លូវជាតិលេខ៥០C ពីខេត្តកំពង់ឆ្នាំងទៅខេត្តកំពង់ធំ រួមទាំងស្ពានឆ្លងទន្លេសាបផងដែរ។

នៅក្នុងពិធីបិទសន្និបាតបូកសរុបលទ្ធផលការងារឆ្នាំ ២០២៣ និងលើកទិសដៅឆ្នាំ២០២៤ របស់ក្រសួងសាធារណការ និងដឹកជញ្ជូន លោក ស៊ុន ចានថុល ឧបនាយករដ្ឋមន្រ្តី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក៏បានជំរុញឲ្យក្រសួងសាធារណការនិងដឹកជញ្ជូនដែលមានលោក ប៉េង ពោធិ៍នា ជារដ្ឋមន្រ្តីខិតខំពន្លឿននីតិវិធីក្នុងការអនុវត្ត គម្រោងអភិវឌ្ឍហេដ្ឋារចនាសម្ព័ន្ធផ្លូវ-ស្ពានសំខាន់ៗចំនួន១២គម្រោង ដែលជាឥណទានសម្បទាន និងហិរញ្ញប្បទានឥតសំណងពីបណ្តាប្រទេសជាមិត្ត និងដៃគូអភិវឌ្ឍន៍។

ក្នុងចំណោមនោះ គ៏មានគម្រោងសាងសង់ផ្លូវជាតិលេខ៥០ សេ និងស្ពានឆ្លងកាត់ទន្លេសាប ពីខេត្តកំពង់ឆ្នាំង ទៅខេត្តកំពង់ធំ។

លោកស៊ុន ចាន់ថុល ដែលជាអតីតរដ្ឋមន្រ្តីក្រសួងសាធារណការនិងដឹកជញ្ជូនបានគូសបញ្ជាក់ថា ក្នុងចំណោមគម្រោងសំខាន់ៗ អាទិភាពទី១ ដែលលោកផ្តល់អនុសាសន៍ ដល់ក្រសួងសាធារណការនិងដឹកជញ្ជូនខិតខំសម្រេចឲ្យបាន គឺគម្រោងសាងសង់ផ្លូវជាតិ៥០C ដែលប្រើប្រាស់ថវិកាពីរដ្ឋាភិបាលចិន ដែលតភ្ជាប់ពីខេត្តកំពង់ឆ្នាំងទៅខេត្តកំពង់ធំ ដោយត្រូវចរចាតម្លៃជាមួយមិត្តចិន ដើម្បីអាចឈានទៅបើកការដ្ឋានសាងសង់ឲ្យបានឆាប់បំផុត។

គម្រោងសាងសង់ផ្លូវជាតិលេខ៥០សេ និងស្ពានឆ្លងទន្លេតភ្ជាប់ពីកំពង់ឆ្នាំងទៅកំពង់ធំ ធ្លាប់ត្រូវបានប្រកាសដោយសម្តេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា ក្នុងពិធីបុណ្យទន្លេនៅខេត្តកំពង់ឆ្នាំង កាលពីឆ្នាំ២០១៩ ដើម្បីធ្វើការសិក្សាធ្វើយ៉ាងណាមិនត្រូវឱ្យមានផលប៉ះពាល់ដល់បរិស្ថាន។

ជាមួយគ្នានេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាក៏បានប្រកាសគម្រោងនេះ គឺជាគម្រោងអាទិភាពសម្រាប់ឆ្នាំ២០២៤ ខណៈដែលផ្លូវមួយខ្សែនេះ ជាផ្លូវប្រវត្តិសាស្ត្រមិនធ្លាប់មានឆ្លងកាត់កណ្តាលប្រទេសកម្ពុជា ដែលអាចបំព្រួញចម្ងាយធ្វើដំណើរពីជាង១០០គីឡូម៉ែត ឲ្យនៅសល់ត្រឹមតែ៥៨គីឡូម៉ែត គិតពីទីរួមខេត្តកំពង់ឆ្នាំង មកកាន់ផ្លូវជាតិលេខ៦ នៃក្រុងស្ទឹងសែនខេត្តកំពង់ធំ។

គម្រោងសាងសង់ផ្លូវ និងស្ពានតភ្ជាប់ពីខេត្តកំពង់ឆ្នាំង ទៅខេត្តកំពង់ធំ គ្រោងប្រើប្រាស់ឥណទានសម្បទាន ពីសាធារណរដ្ឋប្រជាមានិតចិន ដែលនឹងទទួលបន្ទុកស្ថាបនា ដោយក្រុមហ៊ុនសាជីវកម្មស្ពាន-ថ្នល់ចិន(CRBC) និងត្រួតពិនិត្យគម្រោង ដោយក្រុមហ៊ុនទីប្រឹក្សាបច្ចេកទេស ក្វាងចូវវ៉ានអាន។

គម្រោងផ្លូវ និងស្ពាននេះ មានសារៈសំខាន់ណាស់ ដើម្បីតភ្ជាប់ពីក្រុងកំពង់ឆ្នាំង ឆ្លងកាត់ស្រុកកំពង់លែង នៃខេត្តកំពង់ឆ្នាំង ឆ្ពោះទៅក្រុងស្ទឹងសែន នៃខេត្តកំពង់ធំ មានប្រវែង៥៨គីឡូម៉ែត្រ ដែលគ្រោងចំណាយថវិកាប្រមាណ១៥០លានដុល្លារអាមេរិក ព្រមជាមួយការសាងសង់ស្ពានប្រវែង៣.៣០០ម៉ែត្រមួយទៀត ដែលគ្រោងចំណាយថវិកាប្រមាណ១០០លានដុល្លារអាមេរិក៕

Cambodia competes with Thailand for top-end luxury tourists

Although Cambodia can be the cheapest of the tourist destinations in south east Asia, the authorities are heavily promoting bespoke packages for the truly wealthy. Chhay Sivlin, president of the main travel agents’ association, told the Khmer Times that the country isn’t just for backpackers and economy travellers.

The UK Times newspaper seems to agree, recently ranking Cambodia as 13th in its list of 23 best luxury destinations.
Several international companies, such as Jacada and Lux, have sprung up to cater for the new Cambodian market.

They are promoting private islands such as Song Saa, a 45-minutes speedboat ride from Sihanoukville port, where a sumptuous villa will cost almost US$2,000. Not for a week but for a single night. Other options include helicopter rides over Angkor Wat and inclusive tours of historical sites nationwide in an airconditioned luxury Mercedes.

As regards visas, Cambodia lacks the colorful array of choices offered in Thailand. However, annually renewable retirement visas are available from Phnom Penh immigration agents for as little as US$300.

Required documentation is scanty and trouble free without the need to prove bank balances or address bureaucracy. A 10-year golden family visa is available for those investing US$100,000 in Cambodian property. It is also possible to buy Cambodian nationality with an investment or donation of US$300,000.

Almost 7 million foreign visitors entered Cambodia in 2024 and the number is expected to rise substantially once the new hi-tech airport serving Phnom Penh, to be the ninth largest in the world, opens later this year.

Phnom Penh based travel agent Chea Kim told Pattaya Mail, “Cambodia is now in direct competition with Thailand for the international tourists who are interested in an ultimate luxury lifestyle.”

Source: Pattaya Mail

Hong Kong’s ambitious plan to build 3 artificial islands set for another delay

Hong Kong’s ambitious plan to build three artificial islands at a cost of HK$580 billion (US$74.6 billion) may be further delayed after the development minister refused to specify a start date for the reclamation work amid a snowballing deficit.

Just days after the finance chief warned of coming belt-tightening, Secretary for Development Bernadette Linn Hon-ho said on Tuesday that certain projects, such as the Northern Metropolis planned along the border, would have to be prioritised.

As recently as October, Linn said the government hoped to start reclaiming 1,000 hectares (2,470 acres) of land in waters off Kau Yi Chau in 2027, two years behind the schedule set by the administration when it took office in 2022. But on Tuesday she declined to set a start date.

“We do not need to determine the actual date for work commencement now,” she said as she met the press over quarterly land sales. “The most important thing is to prepare well.”

The government would continue preparation for the reclamation work, she stressed, noting the statutory process of submitting the environmental impact assessment report was under way.

“Once we prepare well, the government can take the lead and then consider the economic environment and financial situation at that time to decide when and how to implement the project,” she said.

Source: SCMP

ក្រុមហ៊ុនប្រឹក្សាអចលនទ្រព្យ CBRE Cambodia គ្រោងវិភាគស្ថានភាពទីផ្សារអចលនទ្រព្យនៅកម្ពុជាក្នុងព្រឹត្តិការណ៍ Fearless Forecast ប្រចាំឆ្នាំ២០២៥

ដោយ: គង់ លាងហួរ
ភ្នំពេញ: ក្រុមហ៊ុនផ្តល់សេវាប្រឹក្សាយោបល់អចលនទ្រព្យ CBRE Cambodia គ្រោងនឹងរៀបចំព្រឹត្តិការណ៍“Fearless Forecast”ប្រចាំឆ្នាំ២០២៥ ដែលនឹងប្រព្រឹត្តទៅនៅថ្ងៃអង្គារ ទី១៤ ខែមករា នៅសណ្ឋាគារ Novotel BKK1 ក្នុងរាជធានីភ្នំពេញ។

ព្រឹត្តិការណ៍ប្រចាំឆ្នាំនេះនឹងធ្វើការពិនិត្យមើលយ៉ាងស៊ីជម្រៅអំពីទីផ្សារអចលនទ្រព្យរបស់ប្រទេសកម្ពុជា ដោយគ្របដណ្តប់លើនិន្នាការ ឱកាស និងបញ្ហាប្រឈមសម្រាប់ឆ្នាំ២០២៥។

ព្រឹត្តិការណ៍“Fearless Forecast”រៀបចំឡើងក្នុងគោលបំណងដើម្បីបង្ហាញទស្សនវិស័យលើផ្នែកនីមួយៗនៃទីផ្សារអចលនទ្រព្យ រួមមានលំនៅដ្ឋាន ពាណិជ្ជកម្ម ការលក់រាយ និងអចលនទ្រព្យឧស្សាហកម្ម។

ជាមួយគ្នានេះ ក្រុមអ្នកជំនាញនៃក្រុមហ៊ុន CBRE Cambodia គ្រោងនឹងធ្វើការវិភាគទាំងឥទ្ធិពលនៅក្នុងស្រុក និងក្នុងតំបន់ ដែលត្រូវបានគេរំពឹងថា នឹងអាចជះឥទ្ធិពលមកលើទីផ្សារអចលនទ្រព្យកម្ពុជានៅឆ្នាំ២០២៥។

លោក Marc Townsend ប្រធានក្រុមហ៊ុន CBRE Cambodia នឹងថ្លែងសុន្ទរកថាបើកព្រឹត្តិការណ៍នេះ ខណៈលោកគ្រោងនឹងចែករំលែកការយល់ដឹងលើការព្យាករណ៍យ៉ាងច្បាស់លាស់ចំពោះនិន្នាការទីផ្សារអចលនទ្រព្យកម្ពុជាសម្រាប់ឆ្នាំ២០២៥នេះ។

ក្រុមអ្នកជំនាញរបស់ CBRE នឹងធ្វើការវិភាគស្ថានភាពបច្ចុប្បន្ននៃទីផ្សារអចលនទ្រព្យ ដោយផ្តល់នូវការព្យាករណ៍ និងការវិភាគយ៉ាងស៊ីជម្រៅលើផ្នែកនីមួយៗនៃទីផ្សារអចលនទ្រព្យ រួមមានផ្នែកលំនៅដ្ឋាន ការិយាល័យ ការលក់រាយ និងឧស្សាហកម្ម ព្រមទាំងកត្តា ដែលអាចជះឥទ្ធិពលលើការវិនិយោគ និងការអភិវឌ្ឍអចលនទ្រព្យនៅទូទាំងប្រទេសកម្ពុជា។

បន្ទាប់ពីព្រឹត្តិការណ៍សំខាន់នេះ ក្រុមហ៊ុន CBRE Cambodia នឹងរួមបញ្ចូលវគ្គសំណួរ-ចម្លើយ (Q&A) ចំនួន៣០នាទី ដែលអនុញ្ញាតឱ្យប្រព័ន្ធផ្សព្វផ្សាយនានាអាចសួរសំណួរទាក់ទងនឹងស្ថានភាពបច្ចុប្បន្ន និងអនាគតនៃទីផ្សារអចលនទ្រព្យកម្ពុជានៅឆ្នាំ២០២៥។

ព្រឹត្តិការណ៍នេះនឹងប្រមូលផ្តុំក្រុមអ្នកជំនាញអចលនទ្រព្យក្នុងស្រុក និងអន្តរជាតិប្រមាណ១២០រូប។ នេះជាឱកាសដ៏ល្អសម្រាប់ក្រុមអ្នកតំណាងប្រព័ន្ធផ្សព្វផ្សាយនានា ដើម្បីផ្សារភ្ជាប់ទំនាក់ទំនងជាមួយថ្នាក់ដឹកនាំឧស្សាហកម្ម អ្នកអភិវឌ្ឍន៍អចលនទ្រព្យ អ្នកវិនិយោគ និងក្រុមមន្ត្រីតំណាងរដ្ឋាភិបាល។

ក្រុមអ្នកសារព័ត៌មាន ដែលចូលរួមក្នុងព្រឹត្តិការណ៍នេះត្រូវបានលើកទឹកចិត្តឱ្យដាក់សំណួររបស់ពួកគេជាមុន ដើម្បីឱ្យពួកគេអាចទទួលបានចម្លើយច្រើនបំផុតពីវគ្គ Q&A ។ ក្រុមការងារនឹងផ្តល់អាទិភាពដល់សំណួរទាំងនេះ និងឆ្លើយតបក្នុងអំឡុងព្រឹត្តិការណ៍នេះ ដើម្បីជួយសម្រួលដល់ការពិភាក្សាឱ្យដំណើរការប្រកបដោយផ្លែផ្កា។

ព្រឹត្តិការណ៍នេះក៏នឹងមានការអញ្ជើញចូលរួមផងដែរពីបណ្តាតួអង្គសំខាន់ៗនៅក្នុងទីផ្សារអចលនទ្រព្យកម្ពុជា រួមមានអ្នកអភិវឌ្ឍន៍អចលនទ្រព្យ អ្នកវិនិយោគ ឈ្មួញកណ្តាល អ្នកជំនាញច្បាប់ និងមន្ត្រីរដ្ឋាភិបាល៕ប្រភព: CBRE៕

អភិបាលខេត្តកំពតបន្តផ្តោតលើការលើកកំពស់សោភ័ណភាពខេត្ត

ដោយៈ គង់ សូរិយា

កំពតៈ ជាមួយសមិទ្ឋផលដ៏ល្បីល្បាញ គឺនាឡិកាយក្ស និងសេះសមុទ្របាញ់ទឹក អភិបាលខេត្តកំពតលោកម៉ៅ ធនិន បាននិងកំពុងបន្តលើកកំពស់សោភ័ណភាពទីក្រុងកំពត ។

ជាក់ស្តែងលោកបានអញ្ជើញដឹកនាំកិច្ចប្រជុំ ស្តីពីបញ្ហារុះរើសំណង់និងបើកផ្លូវមាត់ព្រែក ចាប់ពីគល់ស្ពានចាស់ដល់ស្ពានថ្មីត្រើយខាងលិច និងចុះដល់ទីតាំងជាក់ស្ដែង ជាមួយប្រជាពលរដ្ឋចំនួន៣៥គ្រួសារ ដើម្បីកំណត់យកទំហំទីតាំងរុះរើ ដើម្បីរៀបចំសោភណភាពបន្ថែមទៀត ក្នុងភូមិទ្វីខាងជើង សង្កាត់អណ្តូងខ្មែរ ក្រុងកំពត ។

នៅក្នុងថ្ងៃដដែល លោកអភិបាលខេត្ត ក៏បានបន្តចុះដល់ទីតាំងដើម្បីរៀបចំផ្សារលក់គ្រឿងសមុទ្រ នៅលើស្ពានចាស់ក្បាលរមាសក្នុងស្រុកទឹកឈូ ខេត្តកំពត៕

1...451452453...3,378 Page 452 of 3,378