ក្រសួងពាណិជ្ជកម្មគ្រោងរៀបចំពិព័រណ៍ផលិតផលខ្មែរ និងទំនិញនាំចេញ-នាំចូលកម្ពុជាលើកទី១៦ នៅពាក់កណ្តាលខែធ្នូខាងមុខ

ដោយ: គង់ លាងហួរ

ភ្នំពេញ: ក្រសួងពាណិជ្ជកម្ម នឹងបន្តរៀបចំពិព័រណ៍ផលិតផលខ្មែរ និងទំនិញនាំចេញ-នាំចូលកម្ពុជាលើកទី១៦ កម្រិតអន្តរជាតិ ដែលនឹងប្រព្រឹត្តទៅ ចាប់ពីថ្ងៃទី១៥ ដល់ថ្ងៃទី១៨ ខែធ្នូ ខាងមុខ នៅមជ្ឈមណ្ឌលតាំងពិព័រណ៍ និងសន្និបាតកោះពេជ្រ។ក្នុងឱកាសនៃការរៀបចំពិព័រណ៍ខាងលើនេះ ក្រសួងពាណិជ្ជកម្មក៏នឹងរៀបចំព្រឹត្តិការណ៍អមសំខាន់ៗមួយចំនួនផងដែរ ដូចជាកម្មវិធីសិក្ខាសាលាស្តីពី ការជំរុញសកម្មភាពពាណិជ្ជកម្ម វេទិកាធុរកិច្ច និងវិនិយោគ ជំនួបពាណិជ្ជកម្ម និងកម្មវិធី ចុះអនុស្សរណៈយោគយល់លើកិច្ចការពាណិជ្ជកម្ម ដែលត្រូវបានរៀបចំឡើងដើម្បីជួយគាំទ្រ និងអភិវឌ្ឍវិស័យឯកជន។ការរៀបចំព្រឹត្តិការណ៍ពិព័រណ៍នេះធ្វើឡើង ក្នុងគោលបំណងជំរុញសកម្មភាពពាណិជ្ជកម្ម និងវិនិយោគនៅកម្ពុជា ជាពិសេសជំរុញការនាំចេញផលិតផល និងសេវាឱ្យដល់គោលដៅទីផ្សារ ដែលជាផ្នែកមួយជួយជំរុញកំណើនសេដ្ឋកិច្ចជាតិ។ជាមួយគ្នានេះ ព្រឹត្តិការណ៍ពាណិជ្ជកម្មខាងលើ នឹងផ្ដល់នូវកាលានុវត្តភាពថ្មី ក្នុងការតភ្ជាប់ទំនាក់ទំនងពាណិជ្ជកម្ម ក្នុងស្រុករវាងរាជធានី-ខេត្តទូទាំងប្រទេស និងរវាងកម្ពុជា ជាមួយអន្តរជាតិ។

តាមរយៈនេះ ក្រសួងពាណិជ្ជកម្មសូមប្រកាសអញ្ជើញ អ្នកវិនិយោគ ក្រុមហ៊ុន សហគ្រាសកម្ពុជា ផលិតករ និងពាណិជ្ជករ អញ្ជើញចូលរួមទស្សនា និងចូលរួមក្នុងព្រឹត្តិការណ៍ពិព័រណ៍ផលិតផលខ្មែរ និងទំនិញនាំចេញ-នាំចូលកម្ពុជា លើកទី១៦ ឆ្នាំ២០២៣នាពេលខាងមុខនេះ ដើម្បីស្វែងរកឱកាសសហការ ក៏ដូចជាស្វែងរកដៃគូវិនិយោគរួមគ្នានាឱកាសនេះផងដែរ៕

US manufacturing mired in weakness, economy heading for slowdown

U.S. manufacturing remained subdued in November, with factory employment declining further as hiring slowed and layoffs increased, more evidence that the economy was losing momentum after robust growth last quarter.

The survey from the Institute for Supply Management (ISM) on Friday followed on the heels of data on Thursday showing moderate growth in consumer spending and subsiding inflation in October. Economic activity is cooling as higher interest rates crimp demand. Most economists, however, do not expect a recession next year and believe the Federal Reserve will be able to engineer the hoped-for “soft landing.”

Speaking during an event at Spelman College in Atlanta on Friday, Federal Reserve Chair Jerome Powell said “we are getting what we wanted to get” out of the economy.

The ISM said that its manufacturing PMI was unchanged at 46.7 last month. It was the 13th consecutive month that the PMI stayed below 50, which indicates contraction in manufacturing. That is the longest such stretch since the period from August 2000 to January 2002.

Some economists believed that the United Auto Workers strike, which ended in late October, continued to have an impact on the PMI. A rebound anytime soon is unlikely as manufacturers in the ISM survey mostly described inventories as bloated.

“This implies the goods sector overestimated demand and production could slow further in the next few months, though that too could reflect lingering strike effects if auto parts piled up when production was idled,” said Will Compernolle, macro strategist at FHN Financial in New York.

Economists polled by Reuters had forecast the index creeping up to 47.6. According to the ISM, a PMI reading below 48.7 over a period of time generally indicates a contraction of the overall economy.

The economy, however, continues to expand, growing at a 5.2% annualized rate in the third quarter. Source: reuters

ការស្ទង់មតិ: សេដ្ឋកិច្ចអាមេរិកកំពុងបាត់បង់សន្ទុះនៅត្រីមាសទី៤ ខណៈវិស័យផលិតកម្មបន្តធ្លាក់ចុះ

ដោយ: គង់ លាងហួរ
អន្តរជាតិ: ការស្ទង់មតិពីវិទ្យាស្ថានសម្រាប់ការគ្រប់គ្រងការផ្គត់ផ្គង់ (ISM) បង្ហាញថា ផលិតកម្មរបស់សហរដ្ឋអាមេរិកនៅតែបន្តធ្លាក់ចុះក្នុងខែវិច្ឆិកា ខណៈការជួលបុគ្គលិកថយចុះ និងការបញ្ឈប់ការងារបានកើនឡើង ដែលបង្ហាញថា សេដ្ឋកិច្ចអាមេរិកកំពុងបាត់បង់សន្ទុះ បន្ទាប់ពីសម្រេចបានកំណើនដ៏រឹងមាំកាលពីត្រីមាសទី៣។

ការស្ទង់មតិខាងលើបានធ្វើឡើង ខណៈទិន្នន័យ ដែលចេញផ្សាយកាលពីថ្ងៃព្រហស្បតិ៍ សប្តាហ៍មុន បានបង្ហាញថា ការចំណាយរបស់អ្នកប្រើប្រាស់នៅសហរដ្ឋអាមេរិកមានកំណើនមធ្យម និងអតិផរណាបានធ្លាក់ចុះក្នុងខែតុលា។សកម្មភាពសេដ្ឋកិច្ចអាមេរិកកំពុងធ្លាក់ចុះ ខណៈការដំឡើងអត្រាការប្រាក់នាពេលកន្លងមកកំពុងជះផលប៉ះ ពាល់ ដល់តម្រូវការ។ ទោះបីជាយ៉ាងនេះក្តី ក្រុមសេដ្ឋវិទូភាគច្រើនមិនរំពឹងថា នឹងអាចមានវិបត្តិសេដ្ឋកិច្ចនៅឆ្នាំក្រោយឡើយ។

តាមរយៈព្រឹត្តិការណ៍មួយនៅឯសាកលវិទ្យាល័យ Spelman College ក្នុងទីក្រុង Atlanta កាលពីថ្ងៃសុក្រ សប្តាហ៍មុន ប្រធានធនាគារកណ្តាលអាមេរិក លោក Jerome Powell បានថ្លែងថា“យើងកំពុងទទួលបានអ្វីដែលយើងចង់ទទួលបាន ចេញពីសេដ្ឋកិច្ច”។សន្ទស្សន៍អ្នកគ្រប់គ្រងការទិញ (PMI) នៃវិស័យផលិតកម្មបានស្ថិតនៅទ្រឹងត្រឹម៤៦,៧ពិន្ទុកាលពីខែវិច្ឆិកា ខណៈសន្ទស្សន៍នេះបានស្ថិតក្រោមកម្រិត៥០ពិន្ទុអស់រយៈពេល១៣ខែជាប់ៗគ្នាមកហើយ ដែលសូចនាករនេះបង្ហាញថា ការផលិតកំពុងបន្តធ្លាក់ចុះ។

ក្រុមសេដ្ឋវិទូមួយចំនួនជឿជាក់ថា កូដកម្មរបស់សហជីព United Auto Workers ដែលបានបិទបញ្ចប់ទៅវិញកាលពីចុងខែតុលា បានបន្តជះឥទ្ធិពលអវិជ្ជមានមកលើសន្ទស្សន៍ PMI ៕

ការសាងសង់ស្ពានមិត្តភាពឡាវ-ថៃទី៥ ក្រោមកម្ចី៣៩លានដុល្លារ គ្រោងនឹងបញ្ចប់នៅចុងឆ្នាំ២០២៤ខាងមុខ

ដោយ: គង់ លាងហួរ
អន្តរជាតិ: បច្ចុប្បន្ន ការសាងសង់គម្រោងស្ពានមិត្តភាពឡាវ-ថៃទី៥ កំពុងដំណើរការ ដោយរំពឹងថា នឹងអាចបញ្ចប់ការសាងសង់នៅចុងឆ្នាំ២០២៤។ នេះបើយោងតាមលោក Vatthana Phandanouvong អនុប្រធាននៃគម្រោងនេះ។

កាលពីថ្ងៃ ទី២៩ ខែវិច្ឆិកាកន្លងទៅ លោក Vatthana Phandanouvong បានរាយការណ៍ថាគម្រោងនេះសម្រេច បានការសាងសង់៨១ភាគរយ ហើយ ដែលក្នុងនោះ រួមបញ្ចូលទាំង៦៩ភាគរយនៃស្ពាន និង៩៣ភាគរយនៃគ្រឿងបរិក្ខារពាក់ព័ន្ធ។ដោយគូសបញ្ជាក់អំពីសារៈសំខាន់ជាយុទ្ធសាស្ត្ររបស់គម្រោងនេះ លោក Kikeo Khaikhamphithoune ឧបនាយករដ្ឋមន្ត្រីឡាវ បានលើកឡើងពីតួនាទីរបស់គម្រោងក្នុងការពង្រឹងទំនាក់ទំនងមិត្តភាព និងកិច្ចសហប្រតិបត្តិការយូរអង្វែងរវាងឡាវ និងថៃ។

គម្រោងនេះបានចាប់ផ្តើមដំណើរការសាងសង់នៅខែសីហា ឆ្នាំ២០១៩ ដែលផ្តល់មូលនិធិដោយប្រាក់កម្ចីជាង១,៣៨ពាន់លានបាត (ប្រហែល៣៩លានដុល្លារអាមេរិក) ពីទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចរបស់ប្រទេសជិតខាង (NEDA) ដែលមានមូលដ្ឋានក្នុងប្រទេសថៃ។ ស្ពាននេះមានប្រវែងសរុប១.៣៥០ម៉ែត្រឆ្លងកាត់ទន្លេមេគង្គ ដោយតភ្ជាប់ពីស្រុក Paksan ក្នុងខេត្ត Bolikhamxay ប្រទេសឡាវ ទៅកាន់ខេត្ត Bung Kan ភាគឦសាននៃប្រទេសថៃ។ នៅក្នុងស្រុកPaksan ទីតាំងរបស់ស្ពាននេះ ស្ថិតក្នុងភូមិ Kuy Oudom ដែលមានចម្ងាយប្រមាណ ១០គីឡូម៉ែត្រ ពីខាងជើងមណ្ឌលរដ្ឋបាលស្រុក៕

ក្រុមហ៊ុន SRI ដែលប្រកាន់យកគុណតម្លៃចំនួន៣ សហការជាមួយក្រុមហ៊ុនធំៗ ដើម្បីរួមចំណែកដល់ការកសាងអនាគត និងការអភិវឌ្ឍថ្មី នៅខេត្តសៀមរាប

ដោយ: គង់ លាងហួរ
ភ្នំពេញ: ក្រុមហ៊ុន Strategic Realty Investment (SRI) បាននិងកំពុងបោះជំហានឆ្ពោះទៅមុខយ៉ាងស្វាហាប់ជាមួយនឹងការអភិវឌ្ឍន៍គម្រោងខ្នាតយក្ស Banteay Srei Eco City នៅស្រុកបន្ទាយស្រី ខេត្តសៀមរាប។

តើក្រុមហ៊ុន Strategic Realty Investment (SRI) ម្ចាស់គម្រោងអភិវឌ្ឍន៍ Banteay Srei Eco City ជាអ្វី និងត្រូវបានបង្កើតឡើងចាប់តាំងពីពេលណា?

Strategic Realty Development Co., Ltd គឺជាក្រុមហ៊ុនវ័យក្មេងទើបបង្កើតថ្មីកាលពីឆ្នាំ២០២២ ដែលផ្តោតលើការច្នៃប្រឌិត និរន្តរភាព ពិសេស ក៏ដូចជាការអភិវឌ្ឍន៍យុទ្ធសាស្ត្រ និងឱកាសវិនិយោគ ដោយប្រកាន់យកគុណតម្លៃចំនួន៣ ដូចជា និរន្តរភាព ការគោរព និងភាពស្មោះត្រង់។ ដោយសារតែមានជំនាញជាសកលនៅក្នុងទីផ្សារ ជាមួយមហិច្ឆតាននិងកំណើនប្រកបដោយចីរភាព និងការច្នៃប្រឌិតដ៏ខ្ពស់ ក្រុមហ៊ុន Strategic Realty Investment Co., Ltd កំពុងផ្តោតលើកំណើនការអភិវឌ្ឍន៍យុទ្ធសាស្ត្រ និងការរួមចំណែកដល់ការអភិវឌ្ឍន៍ប្រកបដោយភាពច្នៃប្រឌិតនៅកម្ពុជា។ក្រុមហ៊ុន Strategic Realty Investment (SRI) កំពុងខិតខំប្រឹងប្រែងដើម្បីបង្កើតលក្ខណៈពិសេសដ៏អស្ចារ្យនៅក្នុងគម្រោង Banteay Srei Eco City ដោយក្រុមហ៊ុនបន្តដើរឆ្ពោះទៅមុខមួយជំហានម្តងៗ និងកំពុងអនុវត្តមុខងារថ្មីៗដ៏អស្ចារ្យចំពោះគម្រោងដ៏ប្រណីតមួយនេះ។

ក្រុមហ៊ុន Strategic Realty Investment Co., Ltd ត្រូវបានបង្កើតឡើងក្នុងខែកុម្ភៈ ឆ្នាំ២០២២ ហើយសព្វថ្ងៃនេះ វាគឺជាក្រុមហ៊ុនមួយក្នុងចំណោមក្រុមហ៊ុនអភិវឌ្ឍន៍អចលនទ្រព្យដែលប្រកបដោយភាពច្នៃប្រឌិតដ៏ខ្ពស់បំផុតមួយនៅកម្ពុជា។ លើសពីនេះ ការផ្តល់ជូនស្តង់ដារខ្ពស់បំផុតនៃការរចនា និងសំណង់ និរន្តរភាព ការផ្តល់ត្រឡប់ទៅសហគមន៍ និងធម្មជាតិ បូករួមទាំងការបង្កើតការងារ និងឱកាសវិនិយោគដ៏គួរឱ្យភ្ញាក់ផ្អើល គឺជាកម្លាំងចលកររបស់ក្រុមហ៊ុនSRI។កាលពីខែមីនាកន្លងទៅ ក្រុមហ៊ុន SRI បានចុះអនុស្សារណៈនៃការយោគយល់គ្នា (MOU) ជាមួយក្រុមហ៊ុន K-Architecture Solution Co., Ltd ដែលមានមូលដ្ឋាននៅទីក្រុងភ្នំពេញ។ ក្រុមហ៊ុន K-Architecture Solution Co., Ltd គឺជាអ្នកជំនាញក្នុងការរចនាលំនៅដ្ឋាន និងពាណិជ្ជកម្ម និងគម្រោងសាងសង់នៅទូទាំងប្រទេសកម្ពុជា។ តួយ៉ាងក្រុមហ៊ុនទាំង២បានប្តេជ្ញាថា ពួកគេនឹងធ្វើការយ៉ាងជិតស្និទ្ធជាមួយគ្នា ក្នុងការបង្កើតគម្រោងខ្នាតយក្ស Banteay Srei Eco City ដែលលាតសន្ធឹងលើផ្ទៃដីប្រមាណ៣០០ហិកតា នៅខេត្តសៀមរាប។

ចំណែក កាលពីថ្ងៃទី១ ខែមីនា ឆ្នាំ២០២៣នេះ ធនាគារឈីហ្វ (ខេមបូឌា) ពាណិជ្ជភីអិលស៊ី តំណាងដោយលោកបណ្ឌិត សឿង ម៉ូរ៉ារិទ្ធ នាយកប្រតិបត្តិនៃធនាគារ និងក្រុមហ៊ុន Strategic Realty Investment Co., Ltd តំណាងដោយលោកស្រីចាន់ ធារី ម្ចាស់អាជីវកម្ម ព្រមទាំងលោកម៉េត មករា និងលោកម៉េត តុលា ជាដៃគូយុទ្ធសាស្រ្តបានចុះហត្ថលេខាលើអនុស្សារណៈយោគយល់គ្នា ជាដៃគូយុទ្ធសាស្ត្រស្ដីពី កម្មវិធីកម្ចីប្រាក់ខ្នាតតូចបែបឌីជីថល “Chief Easy”។Chief Easy គឺជាកម្មវិធីកម្ចីប្រាក់ខ្នាតតូចបែបឌីជីថល (កម្មវិធីកម្ចីខ្នាតតូចតាមទូរស័ព្ទដៃ) របស់ធនាគារ ឈីហ្វ។ អតិថិជនអាចធ្វើការស្នើសុំប្រាក់កម្ចីបានគ្រប់ទីកន្លែង និងគ្រប់ពេលវេលា ដោយពុំមានទ្រព្យធានា។យោងតាមអនុស្សារណៈយោគយល់គ្នានេះ បុគ្គលិករបស់ក្រុមហ៊ុន ស្ទ្រេធីជីក រៀលធី អ៊ិនវេសមិន ឯ.ក នឹងទទួលបានការផ្តល់នូវលក្ខខណ្ឌពិសេស ក្នុងការស្នើឥណទានតាមរយៈChief Easy របស់ធនាគារ ឈីហ្វ។

តាមរយៈនេះ ក្រុមហ៊ុន SRI បានប្រកាសស្វាគមន៍ និងបើកឱកាសដល់វិនិយោគិនជាតិ និងអន្តរជាតិ ព្រមទាំងសាធារណៈជនទូទៅ អាចចាប់យកឱកាសវិនិយោគឈ្នះ-ឈ្នះនៅក្នុងគម្រោងBanteay Srei Eco City ដើម្បីរួមចំណែកដល់កំណើនហិរញ្ញវត្ថុ កំណើនសេដ្ឋកិច្ច និងអនាគតប្រកបដោយភាពច្នៃប្រឌិត និងនិរន្តរភាពនៅកម្ពុជា។

តើគម្រោង Banteay Srei Eco City មានលក្ខណៈពិសេស និងអស្ចារ្យបែបណាខ្លះ?

គម្រោង Banteay Srei Eco City គឺជាគម្រោងចម្រុះខ្នាតយក្ស ដែលមានទីតាំងស្ថិតនៅក្នុងស្រុកបន្ទាយស្រីនៃខេត្តសៀមរាប ដោយលាតសន្ធឹងនៅលើផ្ទៃដីប្រមាណ៣០០ហិកតា។ ក្រុមហ៊ុន SRI កំពុងសាងសង់ផ្ទះវីឡា សួនច្បារ ទីលានកីឡា ផ្ទះលំហែរកាយ និងកន្លែងញុំាអាហារ ជាមួយនឹងគំនិតបង្កើតថ្មី ប្រកបដោយភាពច្នៃប្រឌិតខ្ពស់ ដែលមានលក្ខណៈខុសប្លែកពីខេត្តដទៃ នៅក្នុងគម្រោងមួយនេះ។លើសពីនេះ គម្រោង Banteay Srei Eco City នឹងនាំមកជូននូវសាកលវិទ្យាល័យលំដាប់ពិភពលោក អន្តេវាសិកដ្ឋាន ភោជនីយដ្ឋានប្រណីត ផ្ទះអាជីវកម្ម វីឡាខ្មែរ សួនកុមារ ផ្សារទំនើប ស្តាតបាល់ទាត់ទំនើប មជ្ឈមណ្ឌលអាពាហ៍ពិពាហ៍ និងមជ្ឈមណ្ឌលសន្និបាត សកម្ម ភាពជិះទូកកម្សាន្ត កោះឋានសួគ៌ ផ្លូវ៣០ម៉ែត្រ និងកម្មវត្ថុជាច្រើនផ្សេងទៀត៕

(COP28) COP28 sets up climate damage fund to support vulnerable countries

The UN climate change conference on Thursday operationalized a fund to support the world’s particularly vulnerable countries in their efforts to cope with the loss and damage caused by climate change.

This decisive action on the Loss and Damage Fund marks a breakthrough on the first day of the 28th session of the Conference of the Parties (COP28) to the UN Framework Convention on Climate Change held in Dubai, the United Arab Emirates (UAE).

Several countries, led by the UAE, made their financial commitments to the fund, with the UAE contributing 100 million U.S. dollars, Germany, 100 million dollars, Britain, 40 million pounds (about 50.6 million dollars) and 20 million pounds for other arrangements, Japan, 10 million dollars, and the United States, 17.5 million dollars.

In a statement published on the COP28 website, COP28 President Sultan Ahmed Al Jaber said the Fund will support “billions of people, lives, and livelihoods particularly vulnerable to the adverse effects of climate change.”

It added that the parties will now turn their focus on the strongest possible response to the Global Stocktake, the world’s report card on progress toward the goals of the Paris Agreement.

The Loss and Damage Fund, established at COP27 in Egypt in 2022, has been a long-standing demand of developing nations coping with the cost of the devastation caused by ever-increasing extreme weather events such as droughts, floods, and rising sea levels. Source: Xinhua

ទីផ្សារជួលការិល័យនៅទីក្រុងបាងកកនឹងបន្តធ្លាក់ចុះក្នុងរយៈពេលប៉ុន្មានឆ្នាំខាងមុខ ខណៈការផ្គង់ផ្គង់ថ្មីហក់ឡើងខ្ពស់

ដោយ: គង់ លាងហួរ
អន្តរជាតិ: អត្រាជួល ឬកាន់កាប់ការិយាល័យនៅក្នុងទីក្រុងបាងកក ត្រូវបានគេរំពឹងថា នឹងបន្តធ្លាក់ចុះក្នុងរយៈពេលប៉ុន្មានឆ្នាំខាងមុខនេះ ដោយសារតែការផ្គត់ផ្គង់ការិយាល័យថ្មីដ៏ធំសម្បើមទំហំជាង១,៦លានម៉ែត្រការ៉េកំពុងត្រូវបានអភិវឌ្ឍ។

លោក Panya Jenkitvathanalert នាយកប្រតិបត្តិផ្នែកយុទ្ធសាស្ត្រការិយាល័យ និងដំណោះស្រាយនៅក្រុមហ៊ុនអចលនទ្រព្យ Knight Frank Thailand បានអះអាងថា អត្រាកាន់កាប់ ឬជួលការិយាល័យនៅទីក្រុងបាងកកបានធ្លាក់ចុះជាបន្តបន្ទាប់ចាប់តាំងពីត្រីមាសទី១ ឆ្នាំ២០១៨មកម្ល៉េះ។

លោកបានបន្តថា “ដោយផ្អែកលើការរំពឹងទុកនៃការផ្គត់ផ្គង់ការិយាល័យទំហំ១,៦២លានម៉ែត្រការ៉េបន្ថែម ដែលគ្រោងបញ្ចប់ការសាងសង់នៅចន្លោះឆ្នាំ២០២៤ និងឆ្នាំ២០២៨ អត្រាកាន់កាប់ការិយាល័យនៅទីក្រុងបាងកកត្រូវបានព្យាករណ៍ថា នឹងជួបប្រទះនឹងការធ្លាក់ចុះជាបន្តបន្ទាប់ក្នុងរយៈពេលប៉ុន្មានឆ្នាំនេះ”។

ការផ្គត់ផ្គង់ការិយាល័យថ្មីភាគច្រើនត្រូវបានគ្រោងទុកសម្រាប់ឆ្នាំក្រោយ ដែលមានទំហំសរុបប្រហែល៦៥មុឺនម៉ែត្រការ៉េ ដោយជាងពាក់កណ្តាល ឬប្រហែល៣៩មុឺនម៉ែត្រការ៉េ នឹងមានទីតាំងស្ថិតនៅក្នុងសង្កាត់ពាណិជ្ជកម្មកណ្តាល (CBD)។

ការផ្គត់ផ្គង់ការិយាល័យ ដែលមានទំហំប្រហែល៣៨៥.០០០ម៉ែត្រការ៉េ នីមួយៗនឹងបញ្ចប់ការសាងសង់នៅឆ្នាំ២០២៥ និងឆ្នាំ២០២៦ ហើយការផ្គត់ផ្គង់ ដែលនៅសេសសល់នឹងបញ្ចប់នៅឆ្នាំ២០២៧ និថឆ្នាំ២០២៨។

នៅក្នុងត្រីមាសទី៣ ឆ្នាំ២០២៣នេះ អត្រាកាន់កាប់សរុបនៃការិយាល័យក្នុងទីក្រុងបាងកក នៅគ្រប់កម្រិតថ្នាក់ទាំងអស់បានធ្លាក់ចុះមកត្រឹម៧៨% បើធៀបនឹង៧៩% នៅក្នុងត្រីមាសទីពីរ និង៨១% នៅក្នុងត្រីមាសទី៣ ឆ្នាំ២០២២។

បើគិតតាមកម្រិតថ្នាក់ គេសង្កេតឃើញថា ការិយាល័យ ដែលមានអត្រាកាន់កាប់ខ្ពស់បំផុត គឺការិយាល័យថ្នាក់A ដែលមាន៨២% បន្ទាប់មកគឺ ការិយាល័យថ្នាក់ C មាន៧៨% និងថ្នាក់ B មាន៧៧% ពោលគឺបានធ្លាក់ចុះ បើធៀបនឹងតួលេខក្នុងរយៈពេលដូចគ្នាកាលពីឆ្នាំមុន ដែលមានអត្រាកាន់កាប់៨៧% ៧៩% និង៨០% រៀងៗគ្នា៕

តើការទិញ ឬជួលអាផាតមុិននៅក្នុងប្រទេសសិង្ហបុរី វៀតណាម និងឥណ្ឌូនេសុី មានតម្លៃខុសគ្នាបែបណា?

ដោយ: គង់ លាងហួរ
អន្តរជាតិ: នៅក្នុងតំបន់អាស៊ាន វិស័យអចលនទ្រព្យមានការរីកចម្រើនខ្លាំងគួរឱ្យកត់សម្គាល់ មុនពេលផ្ទុះវិបត្តិជំងឺកូវីដ-១៩ ដែលវិបត្តិនេះបាននាំឱ្យតម្រូវការ និងការលក់ធ្លាក់ចុះ ប៉ុន្តែតម្លៃអចលនទ្រព្យក្នុងប្រទេសមួយចំនួននៅតែមានកម្រិតខ្ពស់ដដែល។

ខាងក្រោមនេះគឺជាតម្លៃអាផាតមុិននៅក្នុងប្រទេសចំនួន៣ ដែលជាសមាជិករបស់សមាគមប្រជាជាតិអាសុីអាគ្នេយ៍ ឬហៅកាត់ថា អាស៊ាន៖

ទី១: ប្រទេសសិង្ហបុរី
ប្រទេសសិង្ហបុរីគឺជាគោលដៅដ៏អស្ចារ្យសម្រាប់ជនបរទេស ដែលផ្តល់ជូននូវការលាយបញ្ចូលគ្នានៃវប្បធម៌ ឱកាសការងារដ៏អស្ចារ្យ បរិក្ខារលំដាប់ពិភពលោក រួមជាមួយនឹងស្តង់ដារនៃការរស់នៅដ៏ខ្ពស់ ប៉ុន្តែជីវិតរស់នៅប្រទេសសិង្ហបុរីត្រូវចំណាយប្រាក់ច្រើនបំផុត។

តួយ៉ាង ការជួលអាផាតមុិននៅចំកណ្តាលទីក្រុងសិង្ហបុរីមានតម្លៃថ្លៃណាស់ ដោយថ្លៃចំណាយប្រចាំខែជាមធ្យមលើការជួលអាផាតមុិន ដែលមានបន្ទប់គេងចំនួន១ ត្រូវចំណាយប្រាក់ប្រមាណ២.៧០០ដុល្លារអាមេរិក។

រីឯ ថ្លៃចំណាយប្រចាំខែជាមធ្យមលើការជួលអាផាតមុិននៅចំកណ្តាលទីក្រុង ដែលមានបន្ទប់គេងចំនួន៣ ត្រូវចំណាយប្រាក់ប្រមាណ៥.៤០០ដុល្លារអាមេរិក។

ចំណែក ថ្លៃចំណាយជាមធ្យមប្រចាំខែលើការប្រើប្រាស់អុីនធឺណេតមានចំនួនប្រហែល៣៦ដុល្លារអាមេរិក ខណៈការប្រើប្រាស់ហ្គាស អគ្គិសនី និងទឹក សម្រាប់អាផាតមុិនទំហំ៨៥ម៉ែត្រការ៉េ ត្រូវចំណាយប្រាក់ជាមធ្យមប្រចាំខែ ចំនួន១៤៧ដុល្លារ។

ទី២: ប្រទេសវៀតណាម
ក្រសួងសំណង់វៀតណាមបានចាត់ថ្នាក់អាផាតមុិន ដែលមានតម្លៃចាប់ពី២៥ ទៅ៣៥លានដុង (ប្រហែល១.០៣០ ទៅ១.៤៤០ដុល្លារអាមេរិក)ក្នុងមួយម៉ែត្រការ៉េ ឬតិចជាងនេះ ថា ជាតម្លៃមួយដ៏សមរម្យ។

ប៉ុន្តែ នៅត្រីមាសទី៣ ឆ្នាំ២០២៣នេះ អាផាតមុិន ដែលមានទំហំចន្លោះពី៥០ទៅ៦០ម៉ែត្រការ៉េនៅទីក្រុងហាណូយមានតម្លៃជាមធ្យមចាប់ពី២,៥ ដល់៣ពាន់លានដុង ឬ៥១លានដុងក្នុងមួយម៉ែត្រការ៉េ ដែលនេះជាតម្លៃថ្លៃបំផុត។

ចំណែក នៅទីក្រុងហូជីមិញ អាផាតមុិន ដែលមានទំហំចន្លោះពី៥០ទៅ៦០ម៉ែត្រការ៉េ មានតម្លៃជាមធ្យមចាប់ពី៣ ទៅដល់៣,៦ពាន់លានដុង ឬ៦០លានដុងក្នុងមួយម៉ែត្រការ៉េ នៅត្រីមាសទី៣។

ទី៣: ប្រទេសឥណ្ឌូនេសុី
ជនបរទេសដែលរស់នៅក្នុងទីក្រុងហ្សាកាតា ប្រទេសឥណ្ឌូនេសុី មានទំនោរជ្រើសរើសអាផាតមុិន ដោយសារមានទីតាំងនៅជិតការិយាល័យ និងមជ្ឈមណ្ឌលកម្សាន្តក្នុងទីក្រុងហ្សាកាតា។

ការជួលអាផាតមុិននៅតំបន់កណ្តាលទីក្រុងហ្សាការតា ដែលមានបន្ទប់គេងចំនួន១ ត្រូវចំណាយប្រាក់ប្រហែល៧លានរូពៀរ IDR(ប្រហែល៤៥៣ដុល្លារអាមេរិក) នៅក្នុងមួយខែ។

ចំណែកឯ ការជួលអាផាតមុិននៅតំបន់កណ្តាលទីក្រុងហ្សាការតា ដែលមានបន្ទប់គេងចំនួន៣ ត្រូវចំណាយប្រាក់ប្រហែល១៩លានរូពៀរ IDR(ប្រហែល១.២៣០ដុល្លារអាមេរិក) នៅក្នុងមួយខែ៕

ជប៉ុនគ្រោងបង្កើតច្បាប់អនុញ្ញាតឱ្យក្រុមហ៊ុនធុរកិច្ចទើបបង្កើតថ្មី អាចខ្ចីប្រាក់ដោយមិនចាំបាច់ដាក់ទ្រព្យធានា

ដោយ: គង់ លាងហួរ
តូក្យូ: រដ្ឋាភិបាលជប៉ុនគ្រោងបង្កើតច្បាប់ថ្មីដែលនឹងអនុញ្ញាតឱ្យក្រុមហ៊ុនដែលកំពុងរីកចម្រើន ក៏ដូចជាក្រុមហ៊ុនខ្នាតតូច និងមធ្យម ទទួលបានប្រាក់កម្ចីដោយផ្អែកលើសក្តានុពលនៃកំណើនរបស់ពួកគេ និងកត្តាដទៃផ្សេងៗទៀត ពោលគឺមិនចាំបាច់ដាក់ទ្រព្យធានា។

គោលបំណងគឺដើម្បីជំរុញអាជីវកម្ម ដោយអនុញ្ញាតឱ្យក្រុមហ៊ុនធុរកិច្ចទើបបង្កើតថ្មី Startup ដែលគ្មានអចលនទ្រព្យ ឬទ្រព្យសម្បត្តិរូបីផ្សេងទៀតអាចប្រមូលមូលនិធិដោយប្រើសមត្ថភាពបច្ចេកវិទ្យារបស់ពួកគេ ឬមូលដ្ឋានអតិថិជនជាវត្ថុបញ្ចាំ។

យោងតាមប្រភពពីរដ្ឋាភិបាលជប៉ុនបានឱ្យដឹងថា ច្បាប់នេះត្រូវបានដាក់បញ្ចូលក្នុងកញ្ចប់ជំរុញសេដ្ឋកិច្ចថ្មី ដែលសម្រេចបញ្ចប់ការអនុម័តនៅចុងខែតុលា។

វាជារឿងធម្មតាទេដែលក្រុមហ៊ុននានាប្រើប្រាស់អចលនទ្រព្យដូចជាដី និងអគារជាវត្ថុបញ្ចាំ ដើម្បីទទួលបានប្រាក់កម្ចី។ ច្បាប់ហិរញ្ញវត្ថុ ក្នុងការផ្តល់ប្រាក់កម្ចីដល់អ្នកដែលមានវត្ថុបញ្ចាំគ្រប់គ្រាន់ បានបង្កឱ្យមានការលំបាកសម្រាប់ក្រុមហ៊ុនដែលកំពុងរីកចម្រើន ដែលមានទ្រព្យសម្បត្តិរូបីតិចតួច ក្នុងការទទួលបានប្រាក់កម្ចីទោះបីជាពួកគេមានទស្សនវិស័យអាជីវកម្មដ៏ជោគជ័យយ៉ាងណាក្តី។

ប៉ុន្តែ នៅក្រោមច្បាប់ថ្មីនេះ ប្រព័ន្ធមួយនឹងត្រូវបានបង្កើតឡើង ដែលអនុញ្ញាតឱ្យអាជីវកម្មអាចទទួលបានប្រាក់កម្ចីដោយផ្អែកលើការវាយតម្លៃសរុបនៃទ្រព្យសម្បត្តិរូបី និងអរូបីរបស់ពួកគេ។ ទ្រព្យសកម្មអរូបីត្រូវបានគេរំពឹងថានឹងរួមបញ្ចូលចំណេះដឹង សមត្ថភាពបច្ចេកវិទ្យា មូលដ្ឋានអតិថិជន និងទិន្នន័យប្រតិបត្តិការពិសេសតែមួយគត់របស់ក្រុមហ៊ុន។

បន្ថែមពីលើនេះ សហគ្រាសខ្នាតតូច និងមធ្យម ដូចជាផ្ទះសំណាក់បែបប្រពៃណីជប៉ុន និងភោជនីយដ្ឋាន ដែលបានបង្កើតឡើងជាយូរមកហើយនឹងអាចទទួលបានប្រាក់កម្ចីកាន់តែងាយស្រួលជាងមុន៕

ក្រុមហ៊ុនអាកាសចរណ៍កូរ៉េខាងត្បូង Korean Air កំពុងពិចារណាបើកជើងហោះហើរមកកាន់ខេត្តព្រះសីហនុ

ដោយ: គង់ លាងហួរ
អន្តរជាតិ: លោក Ho Yeon Chang ឬChris Chang អ្នកគ្រប់គ្រងក្រុមហ៊ុន Korean Air ប្រចាំនៅកម្ពុជា បានមានប្រសាសន៍ឱ្យដឹងថា ក្រុមហ៊ុនអាកាសចរណ៍កូរ៉េខាងត្បូង Korean Air កំពុងពិចារណាដាក់ឱ្យដំណើរការសេវាកម្មហោះហើរទៅកាន់ខេត្តព្រះសីហនុ។

លោក Chris Chang បានលើកឡើងថា “ប្រទេសកម្ពុជាគឺជាទីផ្សារដ៏មានសក្តានុពលមួយសម្រាប់ក្រុមហ៊ុនអាកាសចរណ៍ Korean Air ទាក់ទងនឹងអាជីវកម្ម និងទេសចរណ៍ ជាពិសេសនៅក្នុងខេត្តព្រះសីហនុ ដែលមានឱកាសវិនិយោគសក្តានុពលជាច្រើន ក៏ដូចជាអាស្រ័យលើការកើនឡើងនៃចំនួនភ្ញៀវទេសចរ ដែលធ្វើដំណើរទៅកាន់តំបន់ឆ្នេរនាពេលអនាគត”។លោកបន្តថា ក្រុមហ៊ុន Korean Air ក៏កំពុងពិចារណាយ៉ាងយកចិត្តទុកដាក់ក្នុងការបង្កើតទីស្នាក់ការកណ្តាលរបស់ខ្លួននៅខេត្តព្រះសីហនុ ក្នុងគោលបំណងផ្តល់ជើងហោះហើរពីអាកាសយានដ្ឋានអន្តរជាតិ Seoul Incheon ទៅកាន់អាកាសយានដ្ឋានអន្តរជាតិខេត្តព្រះសីហនុ និងតភ្ជាប់ភ្ញៀវទេសចរកូរ៉េទៅកាន់ឆ្នេរសមុទ្រល្អបំផុត និងកោះធម្មជាតិក្នុងប្រទេសកម្ពុជា។

លោក Chris បានបន្តទៀតថា នៅខែមករាខាងមុខ លោកក៏គ្រោងនឹងអញ្ជើញទៅខេត្តសៀមរាបដោយផ្ទាល់ផងដែរ ហើយលោកនឹងជួបជាមួយក្រុមការងាររបស់អាកាសយានដ្ឋានអន្តរជាតិសៀមរាបអង្គរ (SAI) ដើម្បីសិក្សាករណីលើតម្រូវការអ្នកដំណើរ ស្តង់ដារសណ្ឋាគារ និងសមត្ថភាពស្នាក់នៅ ព្រមទាំងទីតាំង និងស្ថានភាពដែលខេត្តនេះអាចផ្តល់ជូនដល់ភ្ញៀវទេសចរកូរ៉េ។

លោកបន្ថែមថា ចាប់តាំងពីឆ្នាំ២០២២ ក្រុមហ៊ុនអាកាសចរណ៍ Korean Air បាននិងកំពុងពិចារណាបើកសេវាកម្មហោះហើរឡើងវិញទៅកាន់ខេត្តសៀមរាប ក្នុងគោលបំណងសម្រួលដល់ភ្ញៀវទេសចរពីទីក្រុងសេអ៊ូល ដោយផ្ទាល់ទៅកាន់ប្រាសាទអង្គរវត្ត ដែលជាតំបន់បេតិកភណ្ឌពិភពលោក ប៉ុន្តែ ពេលវេលា នឹង អាស្រ័យ លើ ការ គាំទ្រ ពី ភ្នាក់ងារ ទេសចរណ៍ ដើម្បី ផ្សព្វផ្សាយ និង ទាក់ទាញ ភ្ញៀវ ទេសចរ ឱ្យ ចូល មក ក្នុង ខេត្តនេះ។

កម្ពុជា គឺជាទីផ្សារដ៏សំខាន់មួយសម្រាប់ក្រុមហ៊ុនអាកាសចរណ៍ Korean Air ហើយក្រុមហ៊ុននេះមិនត្រឹមតែបម្រើដល់អ្នកដំណើរ ដែលចង់ធ្វើដំណើររវាងប្រទេសកម្ពុជា និងកូរ៉េប៉ុណ្ណោះទេ ប៉ុន្តែក្រុមហ៊ុនថែមទាំងបម្រើដល់អ្នកដំណើរ ដែលចង់ហោះហើរហួសទៅប្រទេសនានាដូចជាអាមេរិកខាងជើង និងប្រទេសជប៉ុនផងដែរ៕

1...700701702...3,250 Page 701 of 3,250