ដោយៈ គង់ សូរិយា

        ភ្នំពេញៈ មហាសេដ្ឋីកម្ពុជា អ្នកឧកញ៉ាគិត ម៉េងប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាភិបាលនៃក្រុមហ៊ុនRoyal Groupបានបង្ហើបពីជំនាញសំខាន់ៗចំនួន១៣ ដែលគួរសិក្សា​និងអនុវត្តន៍ ដើម្បីជីវិតឈានឡើង។

ជំនាញទាំងនោះរួមមាន ទី១ ជំនាញអាន យល់ដឹង និង ចាំបានរហ័ស ទី២ ជំនាញបង្ហាញពីគំនិត និង អារម្មណ៍របស់អ្នក ទី៣ ជំនាញយល់ចិត្ត អារម្មណ៍ ឬ បញ្ហារបស់អ្នកដទៃ ទី៤ ជំនាញធ្វើការសម្រេចចិត្តផ្អែកលើការពិត ដោយមិនផ្អែកលើអារម្មណ៍ ទី៥ ជំនាញរក្សាភាពជាប់លាប់ មិនផ្លាស់ប្តូរ ទី៦ ជំនាញប្រើពាក្យពេចន៍បញ្ចុះបញ្ចូលឲ្យធ្វើតាម ទី៧ ជំនាញក្នុងការសុំជំនួយនៅពេលចាំបាច់ ។

ទី៨ ជំនាញក្នុងការបំបែកភារកិច្ច ទៅជាសកម្មភាពផ្សេងៗដែលអាចគ្រប់គ្រងបាន ទី៩ ជំនាញនិយាយដោយមានទំនុកចិត្តខ្ពស់នៅចំពោះមុខហ្វូងមនុស្សច្រើន ទី១០ ជំនាញរក្សាស្មារតីតស៊ូមោះមុត ទោះប្រឈមមុខនឹងបរាជ័យក៏ដោយ ទី១១ ជំនាញវិនិយោគដោយប្រើប្រាជ្ញា ទី១២. ជំនាញគ្រប់គ្រងការគិតរបស់អ្នក  និងទី១៣ ជំនាញលើការចរចាប្រកបដោយប្រសិទ្ធភាព៕

        ដោយៈ គង់ លាងហួរ

 ភ្នំពេញៈ អ្នកវិនិយោគបរទេសមួយរូបបានបង្ហាញពីភាពស្អាតស្អំ និងបន្តគំរោងវិនិយោគរបស់ខ្លួននៅកម្ពុជា ដើម្បីកម្ពុជាសម្រេចគោលដៅក្លាយជាប្រទេសមានប្រាក់ចំណូលខ្ពស់ នៅឆ្នាំ២០៥០ខាងមុខ។ គេហទំព័រ Propertyarea.asia ដែលបានទទួលព័ត៌មាននេះពីថ្នាក់ដឹកនាំជាន់ខ្ពស់ក្រសួងព៌តមាន សូមបកប្រែលិខិតបំភ្លឺក្រៅផ្លូវការរបស់មេធាវីតំណាងឲ្យអ្នកធុរកិច្ចអន្តរជាតិដូចតទៅ។នាងខ្ញុំមេធាវី ឃុន ខេនខេម៉ា អត្តលេខ ៩០០ សមាជិកមេធាវី នៃគណៈមេធាវី នៃព្រះរាជាណាចក្រកម្ពុជា និងជាអ្នកតំណាងដោយអាណត្តិឱ្យលោក អនាគត ដេនីស ហ្គីហ្គីល (AHNAKOT DENIS GIGIL) បច្ចុប្បន្នមានសញ្ញាតិ ប៉ាពូអាសុីនូវែលហ្គីណេ មានឈ្មោះដើម DENIS COKOVIC សញ្ញាតិដើមកូសូវ៉ូ ជាពាណិជ្ជករអន្តរជាតិ និងជាអគ្គនាយកក្រុមហ៊ុន BILDERBERG INVESTMENT CO., LTD។

នាងខ្ញុំសូមធ្វើលិខិតបំភ្លឺជាសាធារណៈ ចំពោះករណីពាក្យចចា​មអារ៉ាម និងការផ្សព្វផ្សាយព័ត៌មាន ដែលខ្វះមូលដ្ឋានគតិយុត្តិ ក្នុងអត្ថន័យចោទប្រកាន់ខុស ពីការពិតនៅលើសារព័ត៌មាន និងបណ្តាញផ្សព្វផ្សាយសង្គមផ្សេងៗ នាពេលកន្លងទៅ ដែលបានធ្វើឱ្យប៉ះពាល់ដល់កិត្តិយស និងសេចក្ដីថ្លៃថ្នូររបស់កូនក្ដីនាងខ្ញុំនៅកម្ពុជា ដូចជា កន្លងទៅនេះមានសារពត៌មាន និងតាមរយៈបណ្តាញផ្សព្វផ្សាយសង្គមមួយចំនួន បានចែករំលែកនូវព័ត៌មាន ដែលមិនមានមូលដ្ឋានច្បាស់លាស់ ដោយមានអត្ថន័យចោទប្រកាន់ មកលើកូនក្ដីរបស់នាងខ្ញុំថាជា “អ្នកជំនួញបោកប្រាស់ ជាឧក្រិដ្ឋជន ពាក់ព័ន្ធនឹងករណីបទល្មើសព្រហ្មទណ្ឌចេញសែកអត់លុយ ដែលពិតជា បានធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយស និងសេចក្តីថ្លៃថ្នូររបស់ក្រុមគ្រួសារ ជាពិសេ​សបានបង្កនូវភាពរាំងស្ទះ និងផលរំខានជាបន្តបន្ទាប់ ដល់ដំណើរការគម្រោងវិនិយោគទាំងអស់របស់កូនក្ដីនាងខ្ញុំ រួមទាំងគម្រោងវិនិយោគ សំខាន់ៗមួយចំនួននៅកម្ពុជាផងដែរ”។

កូនក្ដីនាងខ្ញុំពិតជាមានការឈឺចាប់យ៉ាងខ្លាំង ចំពោះការផ្សព្វ​ផ្សាយបំផ្លើស បំភ្លៃ ក្នុងន័យចោទប្រកាន់ ខ្វះមូលដ្ឋានច្បាប់បែបនេះ ហើយកូនក្ដីនាងខ្ញុំ សូមធ្វើការបដិសេធទាំងស្រុង ចំពោះការផ្សព្វផ្សា​យទាំងអស់នាពេលកន្លងមក។

បើទោះបីជាកូនក្ដីនាងខ្ញុំ មានដើមទុនវិនិយោគគ្រប់គ្រាន់ និងសមត្ថភាពរៀបចំ គម្រោងបណ្តាក់ទុនវិនិយោគ នៅបណ្តាប្រទេសអឺរ៉ុប ព្រមទាំងសហរដ្ឋអាមេរិក បារាំង កាណាដា អូស្ត្រាលី ប៉ាពួញូហ្គីណេ និងប្រទេសមួយចំនួន នៅអាស៊ីអាគ្នេយ៍ ប៉ុន្តែដោយសារទឹកចិត្តស្រឡាញ់ទឹកដី និងប្រជាជនកម្ពុជា ទើបកូនក្ដីរបស់នាងខ្ញុំនៅតែបន្តខិតខំ អត់ធ្មត់ ព្យាយាមដោះស្រាយបញ្ហា ឬវិបត្តិតាមផ្លូវច្បាប់រហូតទទួលបានយុត្តិធម៌ និងភាពស្អាតស្អំស្របតាមច្បាប់ ដូចមានការបញ្ជាក់ក្នុងព្រឹត្តិបត្រថ្កោលទោសលេខ៣ តាមលេខ ៦៣៤៨៧ថទ៣៤០/២៣ ចុះថ្ងៃទី៣១ ខែតុលា ឆ្នាំ២០២៣ (Bulletin of Criminal Record No. 3. #63487CR340/23 Dated October 31, 2023)។

ក្នុងនាមជាពាណិជ្ជករអន្តរជាតិ ក៏ដូចជាវិនិយោគិនបរទេសមួយរូបនៅកម្ពុជា កូនក្ដីនាងខ្ញុំបានបំពេញនូវ រាល់បែបបទ និងលក្ខខណ្ឌត្រឹមត្រូវ ក្នុងការចុះបញ្ជី ក្រុមហ៊ុន BILDERBERG INVESTMENT CO., LTD ដើម្បីធ្វើការបណ្តាក់ទុនវិនិយោគនៅកម្ពុជា ស្របតាមច្បាប់ពាណិជ្ជកម្មនៃព្រះរាជា ណាចក្រកម្ពុជា ដូចមានវិញ្ញាបនបត្រចុះបញ្ជីពាណិជ្ជកម្មលេខ 1000078921 ចុះថ្ងៃទី១២ ខែកក្កដា ឆ្នាំ២០២១ ដែលបច្ចុប្បន្ននេះ កំពុងដំណើរការអាជីវកម្មរបស់ខ្លួន ជាពិសេសការរៀបចំគម្រោងវិនិយោគមួយចំនួននៅកម្ពុជា។

ក្រៅពីការងារជាអ្នកវិនិយោគបរទេសនៅកម្ពុជា កូនក្ដីនាងខ្ញុំ លោក អនាគត ដេនីស ហ្គីហ្គឺល (AHNAKOT DENIS GIGIL.) ដែលមានឈ្មោះដើម DENIS COKOVIC ក៏ត្រូវបានតែងតាំងជាស្នងការពាណិជ្ជកម្មកិត្តិយស នៃប្រទេសប៉ាពួញូហ្គីណេប្រចាំកម្ពុជាផងដែរ ហើយនេះក៏ជាហេតុផលមួយ ដែលបានជំរុញទឹកចិត្តដល់កូនក្ដីនាងខ្ញុំ ត្រូវតែបន្តខិតខំសម្រេចគោលដៅ ជំនួញរបស់ខ្លួននៅលើទឹកដីកម្ពុជាដ៏មានសក្តានុពល និងបរិយាកាសអំណោយ ផលល្អក្នុងការវិនិយោគ ដើម្បីចូលរួមចំណែកលើកស្ទួយសេដ្ឋកិច្ចសង្គម ក្រោមការដឹកនាំដ៏ខ្ពង់ខ្ពស់របស់មគ្គទេសន៍ ដឹកនាំប្រទេសដ៏ឆ្នើមនៃប្រទេសនេះ។

កូនក្ដីនាងខ្ញុំ សូមធានាអះអាងដល់សាធារណជនជាតិ-អន្តរជាតិ និងក្រសួងស្ថាប័ននានា នៅក្នុងប្រទេសកម្ពុជា ប្រកបដោយទំនួលខុសត្រូវ ចំពោះមុខច្បាប់នៃព្រះរាជាណាចក្រកម្ពុជាថា “រូបគាត់ផ្ទាល់ អនាគត ដេនីស ហ្គីហ្គីល (AHNAKOT DENIS GIGIL) គឺជាពាណិជ្ជករអន្តរជាតិសុចរិត មិនធ្លាប់មានប្រព្រឹត្តិអំពើខុសច្បាប់ ឬជា ឧក្រិដ្ឋជន ដូចមានព័ត៌មានផ្សព្វផ្សាយ លើសារព័ត៌មានកន្លងមកនោះទេ ហើយកូនក្ដីនាងខ្ញុំក៏មិនធ្លាប់ទទួល ថ្កោលទោសពីស្ថាប័នតុលា​ការនៃព្រះរាជាណាចក្រកម្ពុជាផងដែរ”។

តាមរយៈសេចក្តីបំភ្លឺនេះ រួមជាមួយនឹងភស្តុតាងដូចដែលកូនក្ដីនាងខ្ញុំបានបង្ហាញ និងមានការបញ្ជាក់ពី ស្ថាប័នមានសមត្ថកិច្ចផងនោះ នាងខ្ញុំសង្ឃឹមយ៉ាងមុតមាំថា សាធារណជនជាតិ-អន្តរជាតិ នឹងបានទទួលជ្រាបអំពីការពិត ដែលប្រាសចាកពីពាក្យចចាមអារ៉ាម និងការផ្សព្វផ្សាយព័ត៌មានខ្វះមូលដ្ឋានគតិយុត្តិ ក្នុងអត្ថន័យចោទ ប្រកាន់ខុសពីការពិតនៅលើសារព័ត៌មាន និងបណ្តាញផ្សព្វផ្សាយសង្គមផ្សេងៗនាពេលកន្លងទៅ ដោយបានធ្វើឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់កូនក្ដីនាងខ្ញុំនៅកម្ពុជា។

អាស្រ័យដូចបានជម្រាបជូនខាងលើ សូមសាធារណជន ក៏ដូចជាអ្នកសារព័ត៌មានទាំងអស់ មេត្តាជ្រាបជាព័ត៌មាន និងឈប់មានការភាន់ច្រឡំ មកលើកូនក្ដីរបស់នាងខ្ញុំតទៅទៀត ដើម្បីផ្តល់កិត្តិយស និងសេចក្ដីថ្លៃថ្នូរ ក្នុងនាមជាមនុស្សជាតិដូចគ្នា ហើយក៏ដើម្បីផ្តល់ទំនុកចិត្ត ក៏ដូចជាការលើកទឹកចិត្ត ដែលនឹងបើកឱកាសឱ្យកូនក្ដីរបស់នាងខ្ញុំ បន្តការងារវិនិយោគរបស់ខ្លួន ស្របតាមច្បាប់ស្តីពីការវិនិយោគនៃព្រះរាជាណាចក្រកម្ពុជា ក្នុងការរួមចំណែកជាមួយរាជរដ្ឋាភិបាល សំដៅឆ្ពោះទៅកាន់ចក្ខុវិស័យកម្ពុជាឆ្នាំ២០៣០ និងឆ្នាំ២០៥០៕

តែម សុខុម

ស៊ីដនី: ក្រុមហ៊ុនលក់រាយរកស៊ីចម្រុះខ្នាតយក្សរបស់ជប៉ុន Seven & i Holdings បានទម្លាយឱ្យដឹងកាលពីថ្ងៃព្រហស្បតិ៍ ទី៣០ ខែវិច្ឆិកា ថា ខ្លួនបានព្រមព្រៀងទិញយកខ្សែសង្វាក់ហាងម៉ាត 7-Eleven ប្រចាំប្រទេសអូស្ត្រាលី ក្នុងតម្លៃ១,១៤ពាន់លានដុល្លារអាមេរិក។

កិច្ចព្រមព្រៀងទិញលក់តម្លៃរាប់ពាន់លានដុល្លារអាមេរិក នេះធ្វើឱ្យក្រុមហ៊ុន Seven & i Holdings មានឱកាសកាន់កាប់ម៉ាកយីហោ 7-Eleven ដ៏ល្បីល្បាញកាន់តែច្រើន។ក្រុមហ៊ុនខ្សែសង្វាក់ហាងម៉ាតប្រចាំប្រទេសអូស្ត្រាលី ដែលកាន់កាប់ដោយគ្រួសារ Withers and Barlow ខាងលើនេះបានចាប់ផ្ដើមដំណើរការនីតិវិធីដើម្បីលក់អាជីវកម្មដែលមានហាងម៉ាតសរុបចំនួន៧៥១កន្លែងកាលពីដើមឆ្នាំនេះ។

ក្រុមហ៊ុនលក់រាយជប៉ុន Seven & i បានចេញសេចក្ដីថ្លែងការណ៍ថា ប្រាកដណាស់ថា កិច្ចព្រមព្រៀងនេះនឹងធ្វើឱ្យខ្លួនក្លាយជាអ្នកឈានមុខគេក្នុងទីផ្សារហាងម៉ាតប្រចាំប្រទេសអូស្ត្រាលី ដែលមានសក្ដានុពលកំណើនខ្ពស់។

ក្រុមហ៊ុននេះបន្ថែមទៀតថា ខ្លួនបានមើលឃើញឱកាសសម្រេចបានកំណើនបន្ថែមទៀតតាមរយៈការបើកហាងថ្មីៗយ៉ាងសកម្មនៅក្នុងរដ្ឋភាគច្រើននៃប្រទេសអូស្ត្រាលី៕ Reuters៕

ដោយ: គង់ លាងហួរ

អន្តរជាតិ: យោងតាមទិន្នន័យពីក្រុមហ៊ុនស្រាវជ្រាវទីផ្សារ Counterpoint Research បានឱ្យដឹងថា ទីផ្សារស្មាតហ្វូនរបស់ពិ ភពលោកបានធ្លាក់ចុះ៨% ដល់កម្រិតទាបបំផុតនៅត្រីមាសទី៣ ដោ យសារតម្រូវការម៉ាកយីហោសំខាន់ៗ ដូចជា Apple និង Samsung បានធ្លាក់ចុះ។

យោងតាមទិន្នន័យ ដែលបានចែករំលែកផ្តាច់មុខជាមួយសារ ពត៌មាន Reuters បានបង្ហាញថា ចំណែកនៃម៉ាកយីហោកំពូលទាំង ៥ ដែលរួមមានក្រុមហ៊ុនចិន Xiaomi, Oppo និង Vivo បានធ្លាក់ ចុះ ដល់កម្រិតទាបបំផុតក្នុងរយៈពេល៣ឆ្នាំ។របាយការណ៍​នេះលើកឡើងនូវក្តីបារម្ភ​ថា​ ការ​ធ្លាក់​ចុះ​ជា​បន្ត​បន្ទាប់របស់​ទីផ្សារ​ អាច​ជះផលប៉ះពាល់ខ្លាំង ដល់ប្រាក់​ចំណូល​នា​ពេល​ខាង​មុខ​របស់ក្រុមហ៊ុន​ធំៗ ដូច​ជា Apple ដែល​ការ​នាំ​ចេញ​របស់​ក្រុមហ៊ុនយក្សមួយនេះ បាន​ធ្លាក់​ចុះ៨ភាគរយ​ក្នុង​ត្រីមាស​ទី៣។

ក្នុងចំណោមក្រុមហ៊ុន ដែលទទួលបានចំណែកទីផ្សារខ្ពស់ ក្នុង ត្រីមាសទី៣ គឺជាក្រុមហ៊ុនចិនHuawei ដែលជាគូប្រជែងរបស់ Apple ទោះបីជាមានការដាក់ទណ្ឌកម្ម យ៉ាងតឹងរ៉ឹងរបស់សហរដ្ឋអា មេរិក ប្រឆាំងនឹងក្រុមហ៊ុនចិនមួយនេះយ៉ាងណាក្តី។ ក្រុមហ៊ុន Huawei បានធ្វើឱ្យឧស្សាហកម្មស្មាតហ្វូនមាន ការភ្ញាក់ផ្អើលកាល ពីដើមឆ្នាំនេះ ជាមួយនឹងការបញ្ចេញស្មាតហ្វូនម៉ាក Mate 60 Pro របស់ខ្លួន ដែលប្រើប្រាស់បន្ទះឈីប ដែលផលិតក្នុងស្រុកកម្រិតខ្ពស់ ។

ទោះជាយ៉ាងនេះក្តី ក្រុមហ៊ុនCounterpoint បានលើកឡើង ពីទូរសព្ទស្មាតហ្វូន iPhone 15 ដែលដាក់លក់ក្នុងខែកញ្ញាថា ជា កត្តាដែលអាចជួយ ធ្វើឱ្យមានកំណើនឡើងវិញ នៅក្នុងទីផ្សារប្រទេ សអភិវឌ្ឍន៍ ដូចជា សហរដ្ឋអាមេរិក អឺរ៉ុប និងកូរ៉េខាងត្បូង៕

ដោយ: គង់ លាងហួរ
អន្តរជាតិ: ក្រសួងសេដ្ឋកិច្ច និងសង្គមឌីជីថលរបស់ប្រទេសថៃ កាលពីថ្ងៃច័ន្ទដើមសប្តាហ៍នេះ បានប្រកាសលើកទឹកចិត្តដល់ការអភិវឌ្ឍន៍ទីក្រុងឆ្លាតវៃ ដោយផ្តល់ការបញ្ចុះពន្ធសាជីវកម្មចំនួន៥០% សម្រាប់រយៈពេល៣ឆ្នាំ។

លោក Prasert Chantharauangthong រដ្ឋមន្ត្រីក្រសួងសេដ្ឋកិច្ច និងសង្គមឌីជីថល បានប្រកាសពីចំណាត់ការនេះក្នុងសិក្ខាសាលាមួយក្រោមចំណងជើងថា “Thailand Smart City 2024” ដែលរៀបចំឡើងនៅសណ្ឋាគារ Grand Hyatt Erawan ក្នុងទីក្រុងបាងកក។លោក Prasert បានថ្លែងថា រដ្ឋាភិបាលដែលដឹកនាំដោយគណបក្សភឿថៃបានផ្តោតលើការអភិវឌ្ឍមជ្ឈមណ្ឌលខេត្តទៅជាទីក្រុងឆ្លាតវៃក្នុងវិស័យចំនួន៧គឺ ការដឹកជញ្ជូន ថាមពល សេដ្ឋកិច្ច ពលរដ្ឋ ការរស់នៅ សេវាសាធារណៈ និងបរិស្ថាន។បណ្តាខេត្តនីមួយៗនឹងមានជំនាញក្នុងវិស័យចំនួន១ ឬច្រើនជាងនេះ ដើម្បីសម្រេចបាននូវអព្យាក្រឹតភាពកាបូន និងទទួលបានងារជាទីក្រុងឆ្លាតវៃ។ ចំណែកក្រុមហ៊ុនដែលបណ្តាក់ទុនវិនិយោគ ក្នុងទីក្រុងឆ្លាតវៃ នឹងមានសិទ្ធិទទួលបានការបន្ធូរបន្ថយ ការបង់ពន្ធសាជីវកម្មចំនួន៥០% សម្រាប់រយៈពេល៣ឆ្នាំ។ ទន្ទឹមនឹងនេះ ពន្ធនឹងត្រូវបានលើកលែងចំពោះទំនិញ ឬសេវាកម្មដែលបានទិញនៅក្នុងទីក្រុងឆ្លាតវៃ តាមរយៈការផ្លាស់ប្តូរឌីជីថល

លោក Prasert បានគូសបញ្ជាក់ថា ការអភិវឌ្ឍទីក្រុងឆ្លាតក៏នឹងទាមទារការចូលរួមពីសហគមន៍មូលដ្ឋានផងដែរ។ លោកបានបន្ថែមថា លើសពីនេះ ក្រសួងនឹងផ្សព្វផ្សាយ Internet of Things និងបច្ចេកវិទ្យា Big Data ដើម្បីគ្រប់គ្រងបរិស្ថាន កាត់បន្ថយការបំពុល និងឆ្លើយតបទៅនឹងគ្រោះមហន្តរាយធម្មជាតិ៕

តែម សុខុម

ហាណូយ: រដ្ឋសភាវៀតណាម នៅថ្ងៃពុធ ទី២៩ ខែវិច្ឆិកា នេះបានបោះឆ្នោតដោយសំឡេងគាំទ្រច្រើនលើសលប់ដើម្បីដាក់ឱ្យអនុវត្តរបបពន្ធអប្បបរមាសកលលើបណ្ដាក្រុមហ៊ុនបរទេសចាប់ពីថ្ងៃទី០១ ខែមករា ឆ្នាំ២០២៤ តទៅ។

ពន្ធ១៥%លើប្រាក់ចំណូលក្រុមហ៊ុនត្រូវបានព្រមព្រៀងដោយក្រុមប្រទេសអ្នកមាន G7 នៅខែមិថុនា ឆ្នាំ២០២១ ដើម្បីកាត់បន្ថយការប្រកួតប្រជែងផ្នែកពន្ធរវាងប្រទេសនានា និងដើម្បីទប់ស្កាត់កុំឱ្យពហុជាតិសាសន៍គេចពន្ធ។ពន្ធនេះនឹងត្រូវអនុវត្តលើក្រុមហ៊ុនណាដែលមានប្រាក់ចំណូលប្រចាំឆ្នាំយ៉ាងតិច៨០០លានដុល្លារអាមេរិក ក្នុងរយៈពេលយ៉ាងតិច២ឆ្នាំនៃរយៈពេល៤ឆ្នាំចុងក្រោយនេះ។

រដ្ឋាភិបាលវៀតណាម បានប៉ាន់ប្រមាណថា ក្រុមហ៊ុនបរទេសចំនួន១២២នៅប្រទេសវៀតណាម នឹងត្រូវបង់ពន្ធនេះដែលសរុបជាទឹកប្រាក់ប្រមាណ៦០៣,៣១លានដុល្លារអាមេរិក នៅឆ្នាំក្រោយ។

ចក្រភពអង់គ្លេស ជប៉ុន កូរ៉េខាងត្បូង និងសហភាពអឺរ៉ុប ក៏គ្រោងដាក់ឱ្យអនុវត្តពន្ធនេះដែរនៅឆ្នាំក្រោយ៕ VN Express ៕

តែម សុខុម

ប៉េកាំង: ធនាគារកណ្ដាលចិន (PBOC) បានអះអាងថា ទីក្រុងចិន ចំនួន៩៥បានបញ្ចុះអត្រាការប្រាក់អប្បបរមាលើកម្ចីទិញផ្ទះបុគ្គលសម្រាប់អ្នកទិញផ្ទះដំបូង។

ការបញ្ចុះអត្រាការប្រាក់លើកម្ចីទិញផ្ទះនេះធ្វើឡើង ខណៈទីក្រុងចិន ចំនួន២៤ផ្សេងទៀតបានលុបចោលអត្រាការប្រាក់អប្បបរមានេះកាលពីដំណាច់ខែកញ្ញា ស្របពេលរដ្ឋាភិបាលចិន ខិតខំប្រឹងប្រែងជួយបញ្ចុះអត្រាការប្រាក់សម្រាប់អ្នកទិញផ្ទះ និងទីផ្សារអចលនទ្រព្យដែលកំពុងដាំក្បាលចុះ។ នេះបើយោងតាមទីភ្នាក់ងារព័ត៌មាន Xinhua ចុះផ្សាយកាលពីថ្ងៃពុធ ទី២៩ ខែវិច្ឆិកា។

នៅក្នុងរបាយការណ៍គោលនយោបាយរូបិយវត្ថុត្រីមាសទី៣ របស់ខ្លួន ធនាគារកណ្ដាលចិន បានបញ្ជាក់ថា ខ្លួនបានជំរុញឱ្យទីក្រុងបន្ថែមទៀតបញ្ចុះ ឬលុបចោលអត្រាការប្រាក់អប្បបរមាលើកម្ចីទិញផ្ទះសម្រាប់អ្នកទិញផ្ទះដំបូងចាប់តាំងពីដើមឆ្នាំ២០២៣។

គិតត្រឹមដំណាច់ខែកញ្ញា ការកែប្រែអត្រាការប្រាក់នេះបានជះផលប៉ះពាល់លើកម្ចីដែលមានស្រាប់សម្រាប់អ្នកទិញផ្ទះដំបូងសរុបប្រមាណ៣,១ទ្រីលានដុល្លារអាមេរិក ដោយអត្រាការប្រាក់ជាមធ្យមត្រូវបានបញ្ចុះ៧៣ពិន្ទុមកនៅត្រឹម៤,២៧% បន្ទាប់ពីការកែប្រែនេះ។

របាយការណ៍ដដែលបញ្ជាក់ថា ការបញ្ចុះអត្រាការប្រាក់អប្បបរមានេះជួយសន្សំសំចៃការបង់ការប្រាក់បានរហូតដល់២៤ពាន់លានដុល្លារអាមេរិក ហើយអ្នកដែលទទួលបានផលពីការបញ្ចុះការប្រាក់នេះមានចំនួន១៥០លាននាក់៕ Xinhua៕

        ដោយៈគង់ សូរិយា

ព្រះសីហនុៈ រដ្ឋបាលខេត្តព្រះសីហនុ និងក្រុមការងារអន្តរក្រសួ​ងបាននិងកំពុងបោះជំហ៊ានទៅមុខ មួយជំហ៊ានទៀតដើម្បីរៀបចំការដោះស្រាយអាគារជាប់គាំងនៅទីក្រុងនេះ។

អភិបាលរងខេត្តព្រះសីហនុ លោកឡុង ឌីម៉ង់ ដែលទទួលបន្ទុកដោះស្រាយបញ្ហានេះ សម្រាប់ក្របខ័ណ្ឌរដ្ឋបាល ខេត្តព្រះសីហនុបានមានប្រសាសន៍ឲ្យដឹងកាលពីចុងសប្តាហ៍មុនថា រហូតមកទល់ពេលនេះ យើងបានកំណត់អត្តសញ្ញាណ អាគារជាប់គាំងរួចហើយ ប៉ុន្តែពេលនេះ យើងកំពុងធ្វើការនៅក្នុងដំណាក់កាលថ្មីមួយទៀត គឺកំណត់តំបន់ សម្រាប់ការប្រើប្រាស់អាគារទាំងនោះ ក្នុងរូបភាពបែបណា។លោកបន្តថា “ការងារនេះពិតជាមានភាពស្មុគ្រស្មាញ ដែលការងារនេះ បាននិងកំពុងជជែកគ្នារវាងម្ចាស់អាគារ និងក្រុមការងារអន្តរក្រសួង”។

រាជរដ្ឋាភិបាលកម្ពុជាបានដាក់ចេញ គោលនយោបាយលើកទឹកចិត្តជាច្រើន ដល់ម្ចាស់អាគារជាប់គាំងនៅក្រុងព្រះសីហនុ តាមរយៈយន្តការលើកទឹកចិត្តរួចពន្ឋ ក្នុងការនាំចូលសម្ភារៈសំណង់ ការអនុ​គ្រោះលើការរៀបចំចុះបញ្ជីរអាគារ និងការការពាក់ព័ន្ឋមួយចំនួនទៀតតាមស្ថានភាពទំហំអាគារ និងទំហំទុនវិនិយោគជាក់ស្តែង។

លោកបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងារដោះស្រាយគម្រោងវិនិយោគជាប់គាំង នៅក្រុងព្រះសីហនុបានមានប្រសាសន៍ក្នុងពិធីបើកសិក្ខាសាលាផ្សព្វផ្សាយ “វិធានការដោះស្រាយគម្រោង វិនិយោគជាប់តាំងក្នុងខេត្តព្រះសីហនុ”កាលពីពេលថ្មីៗនេះថា រដ្ឋាភិបាលបានដាក់ចេញវិធានការជាកញ្ចប់ ដើម្បីដោះស្រាយគម្រោងវិនិយោគជាប់គាំង ក្នុងខេត្តព្រះសីហនុក្នុងខែ មីនា ឆ្នាំ២០២៣ ហើយសិក្ខាសាលាថ្ងៃនេះ នឹងធ្វើការផ្សព្វផ្សាយឱ្យបានទូលំទូលាយ នូវវិធានការរាជរដ្ឋាភិបាល ក្នុងចំណោម តួអង្គសំខាន់ៗ និងអ្នកពាក់ព័ន្ធនានា ទាំងរដ្ឋ និងឯកជន ដើម្បីជំរុញការអនុវត្ត និងជំរុញសកម្មភាព និង សន្ទុះសេដ្ឋកិច្ចក្នុងខេត្ត ទាំងក្នុងរយៈពេលខ្លី មធ្យម និងរយៈពេលវែង។

លោកបណ្ឌិតសភាចារ្យ ហ៊ាន សាហ៊ីប បានមានប្រសាសន៍ថា ក្រសួងសេដ្ឋកិច្ច និងហិរញ្ញវត្ថុ ក្រោមការណែនាំដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី អូន ព័ន្ធមុនីរ័ត្ន បានដឹកនាំការសិក្សាលើការរៀបចំវិធានការ ដោយមានការចូលរួមពីក្រសួ​ងស្ថាប័នពាក់ព័ន្ធ។តាមរយៈនេះរាជរដ្ឋាភិបាល បានដាក់ចេញវិធានការជាកញ្ចប់ ដើម្បីដោះស្រាយគម្រោងវិនិយោគជាប់គាំង ដោយផ្អែកតាមគោលការណ៍២ ទី១ ឱ្យអគារដែលសាងសង់មិនទាន់ចប់ អាចសាងសង់ចប់ និងទី២ ឱ្យអគារដែលបានសាងសង់ចប់ អាចមានសកម្មភាពវិនិយោ​គ ឬធុរកិច្ច។

ជាមួយនេះ លោកបណ្ឌិតសភាចារ្យ ហ៊ាន សាហ៊ីប បានបញ្ជាក់បន្ថែមថា រាជរដ្ឋាភិបាល ក្នុងនីតិកាលទី៧នៃរដ្ឋសភា ក្រោមមគ្គុទ្ទេសក៏ដ៏ខ្ពង់ខ្ពស់ របស់សម្ដេចមហាបវរធិបតីហ៊ុន ម៉ាណែត នាយ​ករដ្ឋមន្ត្រីនៃកម្ពុជា បានដាក់ចេញនូវ “យុទ្ធសាស្ត្របញ្ចកោណដំណា​ក់​កាលទី១” ដែលតាមនេះ រាជរដ្ឋាភិបាល ផ្តោតអាទិភាព លើការពន្លឿនការអភិវឌ្ឍខេត្តព្រះសីហនុ ឱ្យក្លាយទៅជាតំបន់សេដ្ឋកិច្ចពិសេ​សគំរូពហុបំណង ដែលជាប៉ូលសេដ្ឋកិច្ចដ៏សំខាន់ សម្រាប់វិស័យទេ​សចរណ៍ មជ្ឈមណ្ឌលសេវាហិរញ្ញវត្ថុ តំបន់ ឧស្សាហកម្ម ជាដើម ដោយកំណត់យន្តការអនុវត្ត ឱ្យបានច្បាស់​លា​ស់ និងគ្រប់ជ្រុងជ្រោយ៕