Japan cuts view on economy for first time in 10 months

TOKYO : Japan’s government on Wednesday slashed its view on the economy for November in its first such downgrade in 10 months, as weak demand weighed on capital spending and
consumer expenditure.

Authorities also cut their view on capital expenditure for the first time since December 2021, saying the pace of recovery was “pausing”.

The new assessment by the Cabinet Office came after data last week showed the economy shrank in July-September for the first time in three quarters as demand waned. “The economy is recovering moderately, although some areas showed stalemate recently,” said the report issued by the Cabinet Office on Wednesday. It was the first time the government has cut its view on the overall economy since January.

“While business conditions and firms’ earnings continue to improve, the strength of the corporate sector is not necessarily translating into wages and investment,” an official at the Cabinet Office said. “Domestic demand such as corporate investment and consumer spending lack strength,” he said.

Although the government retained its assessment that consumer expenditure was “picking up” in November, inflation squeezed consumer goods spending, while spending on services such as eating out maintained an uptrend.

Close attention needs to be paid to rising prices, the Middle East situation as well as financial market fluctuations, the report said.
($1 = 149.6200 yen) Source: Reuters

ក្រុមហ៊ុនវាយតម្លៃដ៏ល្បីល្បាញ Moody’s បន្ទាបចក្ខុវិស័យចំណាត់ថ្នាក់ឥណទានអាមេរិក ទៅជាសញ្ញាអវិជ្ជមាន

ដោយ: គង់ លាងហួរ
អន្តរជាតិ: សហរដ្ឋអាមេរិក ប្រឈមមុខនឹងការបាត់បង់ចំណាត់ថ្នាក់ឥណទានកំពូលរបស់ខ្លួន ខណៈដែលក្រុមហ៊ុន Moody’s Investors Service បានបន្ទាបចក្ខុវិស័យ ចំណាត់ថ្នាក់ឥណទានអាមេរិកទៅជា សញ្ញាអវិជ្ជមាន។

ការបន្ទាបចំណាត់ថ្នាក់នេះធ្វើឡើង ដោយសារតែឱនភាពថវិកាអាមេរិកកាន់តែរីកធំ និងភាពមិនចុះសម្រុងគ្នា ផ្នែកនយោបាយរវាងបក្សសាធារណៈរដ្ឋ និងបក្សប្រជាធិបតេយ្យ នៅសហរដ្ឋអាមេរិក។ នេះបើយោងតាមការចុះផ្សាយដោយសារព័ត៌មាន Bloomberg។

ក្រុមហ៊ុនវាយតម្លៃចំណាត់ថ្នាក់ឥណទាន Moody’s បានបន្ទាបចក្ខុវិស័យ ចំណាត់ថ្នាក់ឥណទានរបស់អាមេរិក ពីស្ថិរភាពទៅជាសញ្ញាអវិជ្ជមាន។ ប៉ុន្តែក្រុមហ៊ុន Moody’s នៅតែរក្សាចំណាត់ថ្នាក់ Aaa ដែលជាចំណាត់ថ្នាក់ឥណទានកម្រិត វិនិយោគខ្ពស់បំផុតរបស់ខ្លួនដដែលសម្រាប់សហរដ្ឋអាមេរិក។ក្រុមហ៊ុន Moody’s បានអះអាងថា ស្របពេលដែលអត្រាការប្រាក់ហក់ឡើងកាន់តែខ្ពស់ ដោយគ្មានវិធានការកាត់បន្ថយការចំណា យ ឬបង្កើនប្រាក់ចំណូល នោះឱនភាពសារពើពន្ធអាមេរិក នឹងនៅតែមានទំហំធំ ដែលធ្វើឱ្យលទ្ធភាពខ្ចីបំណុលធ្លាក់ចុះយ៉ាងគំហុក។

លោក William Foster មន្ត្រីផ្នែកឥណទានជាន់ខ្ពស់មួយរូបប្រចាំនៅក្រុមហ៊ុន Moody’s បានថ្លែងប្រាប់ទីភ្នាក់ងារព័ត៌មាន Bloomberg ក្នុងបទសម្ភាសមួយថា “អត្រាការប្រាក់បានផ្លាស់ប្តូរ ខ្លាំង និងកាន់តែហក់ឡើងខ្ពស់”។លោកបានបន្ថែមថា “នេះគឺជាបរិយាកាសថ្មី សម្រាប់អត្រាការប្រាក់។ ការរំពឹងទុករបស់យើងគឺថា នឹងមានអត្រាខ្ពស់ជាងនេះ និងឱនភាពប្រហែល៦% នៃផលិតផលក្នុងស្រុកសរុប សម្រាប់រយៈពេលជាច្រើនឆ្នាំខាងមុខ ដែលមានន័យថា លទ្ធភាពខ្ចីប្រាក់នឹងបន្តដាក់សម្ពាធមកលើសហរដ្ឋអាមេរិក”។

ក្រុមហ៊ុន Moody’s គឺជាក្រុមហ៊ុនវាយតម្លៃចំណាត់ថ្នាក់ឥណទានធំតែ១គត់ ក្នុងចំណោមក្រុមហ៊ុនធំៗចំនួន៣ ដែលនៅតែរក្សាចំណាត់ថ្នាក់ឥណទានខ្ពស់បំផុត សម្រាប់សហរដ្ឋអាមេរិក ខណៈក្រុមហ៊ុន Fitch Ratings បានទម្លាក់ចំណាត់ថ្នាក់រដ្ឋាភិបាលអាមេរិកនៅក្នុងខែសីហា បន្ទាប់ពីសភាអាមេរិក មានការខ្វែងគំនិតគ្នាខ្លាំងជុំវិញកិច្ចព្រមព្រៀងដំឡើងពិដានបំណុល។

ជាមួយគ្នានេះ ក្រុមហ៊ុន S&P Global Ratings បានដកហូតសហរដ្ឋអាមេរិក ចេញពីបញ្ជីចំណាត់ថ្នាក់កំពូលរបស់ខ្លួន កាលពីឆ្នាំ២០១១ ក្នុងគ្រា ដែលមានវិបត្តិកម្រិតបំណុលនៅឆ្នាំនោះ។ នេះបើយោងតាមការចុះផ្សាយឱ្យដឹង ពីទីភ្នាក់ងារសារព័ត៌មាន Bloomberg៕

អ្នកជំនាញៈទីផ្សារដីធ្លីនៅតំបន់ជាយរាជធានីចាប់ផ្តើម កំរើកឡើងវិញហើយ

ដោយៈ ស៊ីវ ម៉េង

ភ្នំពេញៈ អ្នកជំនាញផ្នែកដីធ្លីបានលើកឡើងថា ការទិញលក់ដីធ្លី នៅតំបន់ជាយរាជធានីភ្នំពេញ បានិងកំពុងមានសកម្មភាពទិញលក់បណ្តើរៗហើយ។

អគ្គនាយកក្រុមហ៊ុនLucky Realty លោកឌិត ចណ្ណា បានមានប្រសាសន៍ឲ្យដឹងនាព្រឹកថ្ងៃទី២៤ វិច្ឆិកានេះថា បច្ចុប្បន្ននេះមានទាំងអ្នកវិនិយោគខ្មែរ និងបរទេស ពិសេសជនជាតិចិនបានចាប់ផ្តើមស្វែងរកទិញដី នៅតំបន់ជាយក្រុងបណ្តើរៗហើយ ដែលសកម្មភាពនេះវាបង្ហាញពីសញ្ញាល្អសម្រាប់សេដ្ឋកិច្ច និងវិស័យអចលនទ្រព្យនៅឆ្នាំ២០២៤។ លោកបន្តថា “សកម្មភាពទិញដូរនេះ បានបង្ហាញពីសញ្ញាងើបមកវិញនៃទីផ្សារដីធ្លី ដែលពីដើមឆ្នាំកន្លងមក ទីផ្សារហាក់មានសភាពស្ងប់ស្ងាត់ច្រើន”។

លោកឌិត ចណ្ណាបានបញ្ជាក់ថា ធៀបនឹងអំឡុងត្រីមាសដើមឆ្នាំ គឺនៅក្នុងត្រីមាសទី៤នេះ មានអ្នកវិនិយោគបរទេស ចាប់អារម្មណ៍ច្រើនទាំងអ្នកវិនិយោគ ក្នុងតំបន់អាស៊ាន និងចិន ដោយពួកគេបានផ្តោតលើដីមានទំហំធំៗ។

កាលពីពេលថ្មីៗនេះ ស្ថាបនិកគេហទំព័រPropertyarea.asia ក៏មានការលេចលឺ និងការពឹងពាក់ពីមិត្តភ័ក្តិក្នុងអាជីពនេះ ដើម្បីស្វែងរកដីធំៗជាច្រើនកន្លែង សម្រាប់ជនជាតិចិនផងដែរ។

លោកស្រីតាំង ហួរអគ្គនាយិកាក្រុមហ៊ុនAmatak Property Service បានមានប្រសាសន៍ឲ្យដឹងផងដែរថា ពិតជាមានសកម្មភាពទិញដូរកើនឡើងវិញនៅចុងឆ្នាំនេះ ប៉ុន្តែអ្នកទិញភាគច្រើនបានស្វែងរកតម្លៃដីក្រោមតម្លៃទីផ្សារ ស្របពេលវិស័យនេះ មានការងើបឡើងវិញយឺតៗនៅឡើយ៕

Cambodia retains growth forecast at 5.6 pct this year: PM

Cambodia maintained its economic growth prediction at 5.6 percent in 2023 and raised it to 6.6 percent in 2024, the country’s Prime Minister Hun Manet said here on Thursday.

The Southeast Asian nation’s economy is mainly driven by garment, footwear and travel goods exports, tourism, agriculture and real estate and construction.

“With its high growth and economic diversification, Cambodia has set the ambitious goals of becoming an upper middle-income country by 2030, and an advanced economy by 2050,” he said in his opening speech at the 2023 Cambodia Outlook Conference.
Hun Manet said the kingdom is projected to graduate from a least developed country status by 2027.

Meanwhile, he said Cambodia has been expanding its export markets to different countries in the region, particularly to the ASEAN+3 (China, Japan and South Korea) countries, gradually reducing its almost total reliance on the markets of the United States and Europe.

The World Bank said in its semi-annual outlook for Cambodia on Wednesday that the country’s growth remained robust despite external and domestic headwinds.

The lender said the kingdom’s real GDP growth is expected to achieve 5.4 percent in 2023 and pick up to 5.8 percent in 2024, on anticipated increases in infrastructure investment and benefits from regional free trade agreements.

Cambodia is currently a member of the China-ASEAN Free Trade Area agreement and the Regional Comprehensive Economic Partnership (RCEP) agreement. Besides, the kingdom also has bilateral free trade agreements with China, South Korea and the United Arab Emirates.

“Looking ahead, economic growth could further be affected by weakening global demand or renewed oil and food price shocks,” the World Bank said. “Domestically, rising household debt and domestic credit in the real estate sector remain risks.” Source: Xinhua

ការងារសំណង់ ក្នុងវិស័យអចលនទ្រព្យថៃរំពឹងស្ទុះងើបឡើងវិញនៅឆ្នាំ២០២៤ខាងមុខ

ដោយ: គង់ លាងហួរ
អន្តរជាតិ: យោងតាម ក្រុមហ៊ុន ម៉ៅការ Prebuilt Plc បានឱ្យដឹងថា ការងារសំណង់ក្នុងវិស័យឯកជនត្រូវបានគេរំពឹងថា នឹងស្ទុះងើបឡើងវិញនៅឆ្នាំ២០២៤ ដោយសារឥទ្ធិពលនៃជំងឺរាតត្បាតមកលើវិស័យអចលនទ្រព្យ ជាពិសេសផ្នែកខុនដូ ត្រូវបានគេព្យាករណ៍ថានឹងបញ្ចប់នៅឆ្នាំនេះ។

លោក Wirot Charoentra នាយកប្រតិបត្តិក្រុមហ៊ុន ម៉ៅការ Prebuilt Plc បានមានប្រសាសន៍ឱ្យដឹងថា ការងារសំណង់ថ្មី ជាពិសេសការងារដែលទាក់ទងនឹងគម្រោងខុនដូ ដែលជាធម្មតាមានចំនួនច្រើន បានធ្លាក់ចុះចាប់តាំងពីជំងឺរាតត្បាតកូវីដ-១៩។លោកបានបន្តថា “ការងារសាងសង់នៅចន្លោះឆ្នាំ២០២១ ដល់ឆ្នាំ២០២២ បានបន្តពីឆ្នាំ២០១៩ និងឆ្នាំមុនៗ ហើយគម្រោងទាំងនោះត្រូវបានបញ្ចប់ និងផ្ទេររួចរាល់ក្នុងឆ្នាំ២០២២”។លោកបញ្ជាក់ថា“ជំងឺរាតត្បាតមិនប៉ះពាល់ដល់ដំណើរការរបស់យើងកាលពីឆ្នាំមុននោះទេ ប៉ុន្តែវាបានជះផលប៉ះពាល់នៅឆ្នាំ២០២៣នេះ ដោយសារគម្រោងសាងសង់ខុនដូថ្មីបានធ្លាក់ចុះក្នុងចន្លោះពីឆ្នាំ២០២១ដល់ឆ្នាំ២០២២”។

ក្នុងរយៈពេល៩ខែដំបូងនៃឆ្នាំនេះ ក្រុមហ៊ុន Prebuilt បានកត់ត្រាប្រាក់ចំណូលសរុបចំនួន៣,៧ពាន់លានបាត ដោយធ្លាក់ចុះ១៦,៦% ធៀបនឹង៤,៤ពាន់លានបាត ក្នុងរយៈពេល៩ខែដំបូងដូចគ្នាកាលពីឆ្នាំមុន។ លោក Wirot បានអះអាងថា “ការងារសំណង់នៅក្នុងវិស័យអចលនទ្រព្យអាចនឹងកើនឡើងនៅឆ្នាំ២០២៤ ខណៈវិស័យនេះបានដាំក្បាលចុះដល់បាតនៅឆ្នាំ២០២៣នេះរួចទៅហើយ”៕

សមាគមបច្ចេកវិទ្យាឧស្សាហកម្មកូរ៉េ (KOITA) កំពុងស្វែងរកដៃគូដើម្បីមកបណ្តាក់ទុនវិនិយោគនៅកម្ពុជានាពេលដ៏ខ្លីខាងមុខ

(ទីស្តីការក្រុមប្រឹក្សាអភិវឌ្ឍន៍កម្ពុជា)៖ កាលពីព្រឹកថ្ងៃទី២៤ ខែវិច្ឆិកា ឆ្នាំ២០២៣ ឯកឧត្តម សួន សុផល អគ្គលេខាធិការរងគណៈកម្មាធិការវិនិយោគកម្ពុជា (គ.វ.ក.) បានទទួលជួបពិភាក្សាការងារជាមួយគណៈប្រតិភូ KOITA ដែលដឹកនាំដោយ លោក SHIM MYOUNG SIK ប្រធានក្រុមស្រាវជ្រាវទីផ្សារបរទេសពាក់ព័ន្ធនឹងបច្ចេកវិទ្យាថ្មីល្អឥតខ្ចោះនៃសមាគមបច្ចេកវិទ្យាឧស្សាហកម្មកូរ៉េ។ ជំនួបខាងលើបានរៀបចំ និងប្រព្រឹត្តទៅក្នុងគោលបំណងលើកកម្ពស់ការសិក្សាស្វែងយល់អំពីរបបវិនិយោគ, កាលានុវត្តភាពធុរកិច្ច, និងបរិស្ថានវិនិយោគកម្ពុជាក្នុងដំណាក់កាលរស់នៅតាមគន្លងប្រក្រតីភាពថ្មីក្រោយការរីករាលដាលនៃជំងឺកូវីដ-១៩។

ក្នុងឱកាសដ៏ថ្លៃថ្លានេះ ឯកឧត្តមបានជម្រាបជូនគណៈប្រតិភូអំពីចក្ខុវិស័យរបស់ថ្នាក់ដឹកនាំក្រុមប្រឹក្សាអភិវឌ្ឍន៍កម្ពុជាក្នុងការចូលរួមលើកកម្ពស់ និងផ្តល់កិច្ចសម្រួលដល់ការវិនិយោគបរទេស និងក្នុងស្រុក ដើម្បីសម្រេចបាននូវវិស័យឯកជនដែលមានស្ថិរភាព និងភាពរឹងមាំក្នុងដំណើរការអភិវឌ្ឍន៍របស់ព្រះរាជាណាចក្រកម្ពុជា។ ក្នុងន័យនេះ ក្រុមប្រឹក្សាអភិវឌ្ឍន៍កម្ពុជាបានដាក់ចេញនូវយន្តការជាច្រើន ហើយក្នុងនោះរួមមានការធ្វើបច្ចុប្បន្នភាពថ្មីនៃរបបវិនិយោគដែលបាន និងកំពុងចូលរួមជាអនេកក្នុងការបង្កើតបរិយាកាសធុរកិច្ចឈ្នះ-ឈ្នះ និងបរិស្ថានវិនិយោគកក់ក្តៅជូនវិនិយោគិន សំដៅធានាបាននូវភាពជោគជ័យ និងការរីកលូតលាស់នៃគម្រោងវិនិយោគរបស់វិស័យឯកជននៅលើទឹកដីកម្ពុជា។ ជាការឆ្លើយតប សមភាគីបានសម្តែងនូវការចាប់អារម្មណ៍យ៉ាងក្រៃលែងក្នុងការមកសិក្សាសមិទ្ធិលទ្ធភាព ព្រមទាំងស្វែងរកដៃគូដើម្បីមកបណ្តាក់ទុនវិនិយោគនៅកម្ពុជានាពេលដ៏ខ្លីខាងមុខ។

គួរបញ្ជាក់ជូនផងដែរ គណៈប្រតិភូដែលបានអញ្ជើញចូលរួមនាឱកាសនេះមានសមាសភាពមកពីវិស័យយានយន្ត, អេឡិចត្រូនិក, ឌីជីថល, អគ្គិសនី, ថាមពលបៃតង, បច្ចេកវិទ្យាព័ត៌មាន និងសារគមនាគមន៍។

ផ្លូវជាតិលេខ៤៨ ប្រវែង ១៤៨ គីឡូម៉ែត្រ (ស្រែអំបិល-កោះកុង) សាងសង់បាន៣៨%ហើយ នឹងគ្រោងបញ្ចប់ការសាងសង់នៅចុងខែមេសាឆ្នាំ២០២៥

កោះកុង៖ នារសៀលថ្ងៃព្រហស្បតិ៍ ទី២៣ ខែវិច្ឆិកា ឆ្នាំ២០២៣ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំគណ:ប្រតិភូក្រសួង ចុះពិនិត្យបច្ចេកទេស និងវឌ្ឍនភាពការងារ គម្រោងសាងសង់ និងលើកកម្រិតគុណភាពផ្លូវជាតិលេខ៤៨ ដោយមានការចូលរួមពីថ្នាក់ដឹកនាំ អង្គភាពពាក់ព័ន្ធ ព្រមទាំងក្រុមការងារបច្ចេកទេស របស់ក្រុមហ៊ុនសាងសង់កូរ៉េ ILSUNG & HANIL Joint Venture ក្រុមហ៊ុនទីប្រឹក្សាបច្ចេកទេស KCI & KECC Joint Venture និងមន្ត្រីបច្ចេកទេសពាក់ព័ន្ធជាច្រើនរូប។

គិតត្រឹមថ្ងៃទី២៣ ខែវិច្ឆិកា គម្រោងសាងសង់ និងលើកកម្រិតគុណភាពផ្លូវជាតិលេខ៤៨ សម្រេចការសាងសង់បាន ៣៨,២៦% ហើយ ដោយគ្រោងថានឹងបញ្ចប់ឱ្យរួចរាល់ នៅចុងខែមេសា ឆ្នាំ២០២៥ ខាងមុខ។ ក្នុងដំណើរបេសកកម្មនេះ គណៈប្រតិភូបានចុះត្រួតពិនិត្យបច្ចេកទេសក្នុងការសាងសង់ នៅតាមទីតាំងមួយចំនួន ដើម្បីធានាថាក្រុមហ៊ុនអនុវត្តត្រឹមត្រូវតាមបទដ្ឋានដែលបានកំណត់ មិនមានភាពចន្លោះប្រហោង សំដៅធ្វើឱ្យខ្សែផ្លូវនេះមានគុណភាព អាចប្រើប្រាស់បានយូរអង្វែង។ ជាមួយគ្នានេះ គណៈប្រតិភូក៏បានចុះពិនិត្យទីតាំងផលិតបេតុងកៅស៊ូ AC សម្រាប់ស្រោចក្រាលផ្លូវផងដែរ៕

សូមជម្រាបថា គម្រោង សាងសង់ផ្លូវជាតិ លេខ៤៨ បានប្រារព្ធពិធីបើកការដ្ឋាន កាលពីថ្ងៃទី០៣ ខែមករា ឆ្នាំ២០២២។ ខ្សែផ្លូវប្រវែង ១៤៨ គីឡូម៉ែត្រនេះចាប់ផ្តើម នៅត្រង់ចំណុច បំបែក ផ្លូវជាតិលេខ៤ ចំណុចបង្គោលគីឡូម៉ែត្រលេខ ១៤១+៧៥០ (ចំការហ្លួង) រហូតដល់ក្រុងខេមរភូមិន្ទ នៃខេត្តកោះកុង ជាប្រភេទផ្លូវបេតុងកៅស៊ូ(AC) កម្រាស់ ៧ស.ម និងជាប្រភេទបេតុងសរសៃដែក ត្រង់ផ្លូវប្រសព្វ ដែលមានកម្រាស់ ២៥ស.ម ដោយអនុវត្តក្រោមទំហំទឹកប្រាក់ប្រមាណជាង ៧៨លានដុល្លារអាមេរិក។

ផ្លូវជាតិដែល គ្រោងចំណាយទឹកប្រាក់ ៧៨លានដុល្លារនេះរួមមាន៖ ផ្លូវ២គន្លង មានប្រវែង ១២២,៩គីឡូម៉ែត្រ ទទឹងផ្លូវ ១១ម៉ែត្រ និង ផ្លូវ៤គន្លង មានប្រវែង២៥,១គីឡូម៉ែត្រ ទទឹងចាប់ពី ១៨,៥ម៉ែត្រ ដល់ ២១,៥ម៉ែត្រ៕

គម្រោងសំណង់អគារខ្ពស់បំផុត នៅលើពិភពលោក Dubai Creek Tower តម្លៃ១០០០លានដុល្លារ គ្រោងចាប់ផ្តើមសាងសង់ឡើងវិញនៅឆ្នាំ២០២៤

ដោយ: គង់ លាងហួរ
អន្តរជាតិ: សំណង់អគារខ្ពស់បំផុតនៅលើពិភពលោក នាពេលបច្ចុប្បន្ន នេះមាន ឈ្មោះថា Burj Khalifa កម្ពស់៨២៨ម៉ែត្រ ស្ថិតនៅប្រទេសអារ៉ាប់រួម(UAE) និងបានគ្រប់គ្រងតំណែងកំពូលមួយនេះតាំងពីឆ្នាំ២០១០ មក ម្ល៉េះ។ ប៉ុន្តែកាលពីឆ្នាំ២០១៦កន្លងទៅអគារថ្មីមួយទៀតបានបើកសម្ពោធបុកគ្រឹះដំណើរការសាងសង់ដែល នឹងវ៉ាដាច់កំពស់របស់អគារ Burj Khalifia។

អគារខ្ពស់កប់ពពកថ្មីរបស់ពិភពលោកមួយនេះមានឈ្មោះថា Dubai Creek Tower ដែលមានទីតាំងស្ថិត នៅ ទីក្រុងឌូបៃ ប្រទេសអារ៉ាប់រួមដូចគ្នា។ អគារនេះត្រូវបានរចនាឡើងដោយស្ថាបត្យករអេស្ប៉ាញដ៏ល្បីឈ្មោះម្នាក់គឺ លោក Santiago Calatrava។លោក Santiago Calatrava បានរចនាជាន់មើលទេសភាព៣៦០ដឺក្រេ និងសួនច្បារបន្តោកដ៏អស្ចារ្យមួយនៃជាន់រចនាបថ Baylon ខាងក្នុងអាគារ ជាមួយនឹងទិដ្ឋភាពពីលើតំបន់ជម្រកសត្វព្រៃ Ras Al Khor។

គម្រោងសំណង់អគារ Dubai Creek Tower ស្ថិតក្នុងបរិវេណប្រមាណជិត៦គីឡូម៉ែត្រការ៉េ និងសាងសង់ដោយ ក្រុមហ៊ុន Emaar Properties។ យោងតាមសារពត៌មាន CNN បានចុះផ្សាយថាគ្រឹះអគារមានជម្រៅជាង៧១ ម៉ែត្រ នឹងប្រើស៊ីម៉ង់អស់ប្រមាណ១,៥៩ លានហ្វីតគូប។

រចនាបថរបស់អគារ ដែលជាគម្រោងវិនិយោគរួមគ្នារវាងក្រុមហ៊ុន Emaar Properties និងក្រុមហ៊ុន Dubai Holdings ត្រូវបានបំផុសគំនិតចេញពីផ្កាLily និងផ្កា Minaret ដោយមានខ្សែកាបទាញទប់ប្រវែងសរុប១០៩គីឡូម៉ែត្រ។ទោះជាយ៉ាងនេះក្តី ក្រុមហ៊ុនអភិវឌ្ឍន៍ Emaar Properties មិនបានបង្ហាញជាផ្លូវការនូវកម្ពស់ច្បាស់លាស់នៃអគារ Dubai Creek Tower នោះទេ ប៉ុន្តែអគារថ្មីនេះត្រូវបានគេរំពឹងថា នឹងមានកំពស់អប្បបរមាចំនួន១.៣០០ម៉ែត្រ ដែល នឹង វ៉ា ដាច់កំពស់របស់អគារ Burj Khalifia។

អគារនេះនឹងប្រែក្លាយជាចំណុចបង្គោលរបស់សង្កាត់ Dubai Creek Harbor ខណៈដែលកម្ពស់អគារពិតប្រាកដនៅតែមិនទាន់ត្រូវបានបង្ហាញឱ្យដឹង ដោយគេធ្វើការប៉ាន់ស្មានថា អគារ Dubai Creek Tower នេះនឹងមានកំពស់លើសពី១.៣០០ម៉ែត្រ ដែលអាចឡើងដល់១.៤០០ម៉ែត្រ និងមាន២១០ជាន់។ការសាងសង់បានចាប់ផ្តើមឡើងនៅខែតុលា ឆ្នាំ២០១៦ ដែលដើមឡើយគ្រោងនឹងបញ្ចប់នៅឆ្នាំ២០២១ ប៉ុន្តែការសាងសង់ត្រូវបានពន្យារពេល ដោយសារផលប៉ះពាល់នៃជំងឺរាតត្បាតជំងឺកូវីដ-១៩។គិតត្រឹមឆ្នាំ២០២៣នេះ ការសាងសង់ត្រូវបានគេរំពឹងថា នឹងចាប់ផ្តើមដំណើរការឡើងវិញនៅឆ្នាំ២០២៤ខាងមុខ ក្រោមទុនវិនិយោគប្រមាណ១ពាន់លានដុល្លារអាមេរិក៕

ឆ្នាំ២០២៤ កម្ពុជា-ចិន មានជំនឿថាវិនិយោគិនចិន ឬទេសចរចិន នឹងមកវិនិយោគ និងទស្សនានៅកម្ពុជាកាន់តែច្រើនឡើងថែមទៀត

ភ្នំពេញ : ក្នុងជំនួបពិភាក្សាការងារ នៅថ្ងៃទី២៣ វិច្ឆិកានេះ សម្តេច សាយ ឈុំ ប្រធានព្រឹទ្ធសភាកម្ពុជា និងលោកស្រី សិន យេយេ អនុប្រធានសភាប្រឹក្សានយោបាយប្រជាជនចិន មានជំនឿថា អ្នកវិនិយោគ ឬអ្នកទេសចរចិន នឹងមកវិនិយោគ និងទស្សនានៅកម្ពុជា កាន់តែច្រើនឡើងថែមទៀត។

ក្នុងឱកាសដ៏ប្រពៃថ្លៃថ្លានោះ ភាគីទាំងពីរ បានយល់ស្របគ្នា និងបានចាត់ទុកប្រទេសទាំងពីរ ជាបងប្អូនល្អ មិត្តភក្តិល្អ ដៃគូល្អ និងជាអ្នកជិតខាងល្អ និងមានសហប្រតិបតិ្តការល្អលើគ្រប់វិស័យ។ ទន្ទឹមគ្នានោះ សម្តេចប្រធានព្រឹទ្ធសភា ក៏បានបញ្ជាក់ដែរថា ប្រទេសកម្ពុជាបន្តគោរពយ៉ាងខ្ជាប់ខ្ជួននូវ «គោលនយោបាយចិនតែមួយ»។ភាគីទាំងពីរ បានវាយតម្លៃខ្ពស់ចំពោះចំណងមិត្តភាព សាមគ្គីភាព និងកិច្ចសហប្រតិបត្តិការ «ភាពជាដៃគូយុទ្ធសាស្រ្តគ្រប់ជ្រុងជ្រោយ» កាន់តែទូលំទូលាយ និងស៊ីជម្រៅរវាងប្រទេសទាំងពីរ ដែលទទួលបានលទ្ធផលជាក់ស្តែង ជាពិសេសឈានដល់ការអនុវត្តក្របខ័ណ្ឌកិច្ចសហប្រតិបតិ្តការសហគមន៍ជោគវាសនារួម កម្ពុជា-ចិន ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់ និងកិច្ចសហប្រតិបត្តិការត្បូងពេជ្រ លើវិស័យអាទិភាពទាំង៦ ដែលថ្នាក់ដឹកនាំនៃប្រទេសទាំងពីរបានឯកភាពគ្នា។ ភាគីទាំងពីរ បានអបអរសាទរចំពោះការកំណត់យកឆ្នាំ២០២៤ ជាឆ្នាំនៃការផ្លាស់ប្តូរប្រជាជន និងប្រជាជន «កម្ពុជា-ចិន» ត្រូវបានប្រកាសរួមគ្នាដោយថ្នាក់ដឹកនាំនៃប្រទេសទាំងពីរ និងមានជំនឿថា «អ្នកវិនិយោគទុនចិន និងអ្នកទេសចរចិននឹងមកវិនិយោគ និងទស្សនានៅកម្ពុជាកាន់តែច្រើនឡើងថែមទៀត»។

សម្តេច ប្រធានព្រឹទ្ធសភា បានថ្លែងអំណរគុណដ៏ជ្រាលជ្រៅបំផុតចំពោះជំនួយដ៏ថ្លៃថ្លារបស់រដ្ឋាភិបាល និងប្រជាជនចិន ក្នុងការជួយគាំទ្រដល់ការអភិវឌ្ឍសង្គម-សេដ្ឋកិច្ចរបស់កម្ពុជាយ៉ាងឆាប់រហ័ស។ ជាមួយគ្នានោះ លោកស្រី សិន យេយេ បានថ្លែងនូវការកោតសសើរចំពោះការអភិវឌ្ឍយ៉ាងឆាប់រហ័សរបស់កម្ពុជា ក្រោមព្រះរាជដឹកនាំរបស់ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងក្រោមការដឹកនាំរបស់រាជរដ្ឋាភិបាល។ លោកស្រី បានគូសបញ្ជាក់ថា ក្រោមកិច្ចសហប្រតិបតិ្តការសហគមន៍ជោគវាសនារួម កម្ពុជា-ចិន ប្រទេសចិនត្រៀមខ្លួនក្នុងការជំរុញកិច្ចសហប្រតិបតិ្តការជាមួយប្រទេសកម្ពុជា ដើម្បីពង្រឹងទំនុកចិត្តនយោបាយ និងការអភិវឌ្ឍជាក់ស្តែង៕

១០ខែដើមឆ្នាំ២០២៣ តំបន់សេដ្ឋកិច្ចពិសេសក្រុងព្រះសីហនុ សម្រេចបានការនាំចេញ និងនាំចូលជាង២,៧ពាន់លានដុល្លារ

តែម សុខុម

ព្រះសីហនុ: ដោយមានទីតាំងស្ថិតនៅភាគនិរតីនៃប្រទេសកម្ពុជា តំបន់សេដ្ឋកិច្ចពិសេសក្រុងព្រះសីហនុ (SSEZ) ដែលជាការបណ្ដាក់ទុនរួមគ្នារវាងក្រុមហ៊ុនកម្ពុជា និងក្រុមហ៊ុនចិន មិនត្រឹមតែជួយសម្រួលដល់ជីវភាពរស់នៅរបស់ប្រជាជនក្នុងមូលដ្ឋានប៉ុណ្ណោះទេ ថែមទាំងបានរួមចំណែកយ៉ាងធំធេងដល់កំណើនសេដ្ឋកិច្ចរបស់កម្ពុជា ទៀតផង។

បច្ចុប្បន្នតំបន់សេដ្ឋកិច្ចពិសេសក្រុងព្រះសីហនុ (SSEZ) លាតសន្ធឹងលើផ្ទៃដី១១គីឡូម៉ែត្រការ៉េ ដែលជាគម្រោងដ៏ធំសម្បើមមួយក្រោមគំនិតផ្ដួចផ្ដើម “ខ្សែក្រវាត់ និងផ្លូវ” (BRI) របស់មហាយក្សចិន មានរោងចក្រចំនួន១៧៥មកពីប្រទេសចិន អឺរ៉ុប សហរដ្ឋអាមេរិក តំបន់អាស៊ីអាគ្នេយ៍ និងតំបន់ផ្សេងៗទៀត ដោយបង្កើតការងារបានប្រមាណ៣០.០០០កន្លែង។ នេះបើយោងតាមទីភ្នាក់ងារព័ត៌មាន Xinhua ចុះផ្សាយនៅថ្ងៃព្រហស្បតិ៍ ទី២៣ ខែវិច្ឆិកា នេះ។

ដោយមានទីតាំងស្ថិតនៅចម្ងាយប្រមាណ២០គីឡូម៉ែត្រនាភាគឦសាននៃកំពង់ផែក្រុងព្រះសីហនុ ដែលជាកំពង់ផែសមុទ្រទឹកជ្រៅអន្តរជាតិ តំបន់សេដ្ឋកិច្ចពិសេសក្រុងព្រះសីហនុ (SSEZ) គឺជាតំបន់ឧស្សាហកម្មធំបំផុតប្រចាំកម្ពុជា បើគិតពីទំហំ និងអត្រាជួលរបស់រោងចក្រសហគ្រាស។

លោក Chen Jiangang ប្រធានតំបន់សេដ្ឋកិច្ចពិសេសក្រុងព្រះសីហនុ (SSEZ) បានគូសបញ្ជាក់ថា ទំហំនៃការនាំចូល និងការនាំចេញឆ្លងកាត់តំបន់សេដ្ឋកិច្ចពិសេសមួយនេះបានកើនឡើងដល់២,៧ពាន់លានដុល្លារអាមេរិក ក្នុងរយៈពេល១០ខែដើមឆ្នាំ២០២៣ ដោយកើនឡើង៣៣%។

ដោយបង្កើតឡើងក្នុងឆ្នាំ២០០៨ តំបន់សេដ្ឋកិច្ចពិសេសក្រុងព្រះសីហនុ (SSEZ) ត្រូវបានរំពឹងថានឹងអាចទទួលរោងចក្រសហគ្រាសដល់ទៅ៣០០ក្នុងរយៈពេលប៉ុន្មានឆ្នាំខាងមុខ ដែលនឹងបង្កើតការងារបានដល់១០០.០០០កន្លែង៕ Xinhua ៕

1...710711712...3,250 Page 711 of 3,250