ដោយ: គង់ លាងហួរ
ហ្សាការតា: លោក Tony Fernandes នាយកប្រតិបត្តិក្រុមហ៊ុនមេ Capital A Berhad លើកឡើងថា ក្រុមហ៊ុនរបស់លោកគ្រោងបង្កើនចំនួនយន្តហោះ នៅក្នុងប្រទេសឥណ្ឌូនេស៊ីទ្វេរដង ក្នុងរយៈពេល៣ឆ្នាំខាងមុខ ដើម្បីចាប់យកឱកាសទីផ្សារទេសចរណ៍ ដែ លកំពុងរីកចម្រើនមួយនេះ។

ក្រុមហ៊ុន AirAsia Indonesia ដែលជាបុត្រសម្ព័ន្ធមួយរបស់ក្រុមហ៊ុនមេ Capital A បច្ចុប្បន្ន មានយន្តហោះប្រហែល២៨គ្រឿងនៅក្នុងប្រទេសឥណ្ឌូនេស៊ី។

លោក Fernandes បានបញ្ជាក់ប្រាប់អ្នកយកព័ត៌មាននៅក្រៅវេទិកាធុរកិច្ចអាស៊ាន នៅទីក្រុងហ្សាកាតាថា លោកគ្រោងនឹងបង្កើនចំនួនយន្តហោះ រហូតដល់៧៥គ្រឿងនៅឆ្នាំ២០២៦ ដោយនាំយកនូវយន្តហោះ ដែលមានតួធំទូលាយបន្ថែមទៀត។

លោក Fernandes បានបន្តថា គោលដៅធំចម្បងរបស់ក្រុមហ៊ុនយើង បន្ទាប់ពីជំងឺរាតត្បាត គឺពង្រីក និងបង្កើនចំនួនយន្តហោះ សម្រាប់ធ្វើប្រតិបត្តិការឱ្យបានឆាប់រហ័ស ខណៈពេលដែលការធ្វើដំណើរបានត្រឡប់ទៅរកកម្រិតធម្មតាឡើងវិញ។

លោក Fernandes បានមានប្រសាសន៍ថា “ខ្ញុំពិតជារំភើបណាស់ ដោយយើងចង់ធ្វើការតភ្ជាប់ ដោយផ្ទាល់ឱ្យបានច្រើន ហើយយើងចង់បើកផ្លូវហោះហើរ ដែលយើងមិនបានបើកដំណើរការ ពីមុនមក”។

កាលពីឆ្នាំ២០២២កន្លងទៅ ក្រុមហ៊ុនអាកាសចរណ៍ AirAsia Group Bhd របស់ប្រទេសម៉ាឡេស៊ីបានប្តូរឈ្មោះ ទៅជាក្រុមហ៊ុនមេ Capital A Berhad ដើម្បីឆ្លុះបញ្ចាំងអំពីផលប័ត្រអាជីវកម្មរបស់ខ្លួន ដែលកំពុងតែហក់ឡើង លើសពីក្រុមហ៊ុនអាកាសចរណ៍តម្លៃទាប៕

ដោយៈ តែម សុខុម

តូក្យូៈ ការចំណាយក្នុងគ្រួសារនៅប្រទេសជប៉ុន បានធ្លាក់ចុះខ្លាំងបំផុតមិនធ្លាប់មាន ក្នុងរយៈពេលជិត២ឆ្នាំកន្លះមកនេះដោយសារតែទំនិញឡើងថ្លៃ។ នេះបើយោងតាមសារព័ត៌មាន CNA ចុះផ្សាយនៅថ្ងៃអង្គារ ទី៥ ខែកញ្ញា នេះ។

សេដ្ឋកិច្ចរបស់ប្រទេសជប៉ុន សម្រេចបានកំណើនលឿនជាងការរំពឹងទុក ក្នុងត្រីមាសទី២ ដោយសារការបញ្ចប់នូវរឹតបន្តឹងកូវីដ-១៩ និងការងើបឡើងវិញនៃវិស័យទេសចរណ៍ ក្នុងប្រទេសនេះ ហើ​យក្រុមអ្នកវិភាគរំពឹងថា តម្រូវការប្រើប្រាស់ឯកជន នឹងជួយគាំទ្រកំណើនទាំងមូល ស្របពេលតម្រូវការក្នុងពិភពលោកធ្លាក់ចុះ។

ទិន្នន័យផ្លូវការបានបង្ហាញ នៅថ្ងៃអង្គារ ទី៥ ខែកញ្ញា កន្លងមកថា ការចំណាយក្នុងគ្រួសារនៅប្រទេសជប៉ុន បានធ្លាក់ចុះ៥,០%ក្នុងខែកក្កដា បើធៀបនឹងឆ្នាំមុន។ នេះបង្ហាញពីការធ្លាក់ចុះ៥ខែជាប់ៗគ្នា ហើយការធ្លាក់ចុះនេះ គឺខ្ពស់ខ្លាំងបើធៀបនឹងការព្យាករ២,៥%។

មន្ត្រីមួយរូបនៅក្រសួងកិច្ចការផ្ទៃក្នុង និងទូរគមនាគមន៍បានលើកឡើងថា ការចំណាយលើការទទួលទានអាហារ នៅខាងក្រៅ ការធ្វើដំណើរ សេវាវប្បធម៌ និងកម្សាន្តបានកើនឡើងស្របគ្នា នឹងការកើនឡើង នៃចំនួនមនុស្សដែលចេញទៅក្រៅ ប៉ុន្តែមានការថយចុះក្នុងវិស័យជាច្រើន ដូចជា ចំណីអាហារ និងលំនៅឋានជាដើម។

មន្ត្រីរូបនេះនិយាយថា “ការឡើងថ្លៃបានបង្កផលប៉ះពាល់មួយចំនួន” ហើយលោកបានគូសបញ្ជាក់ថា ការធ្លាក់ចុះ៥,០%នេះរួមបញ្ចូលទំនិញ ដែលប្រែប្រួលខ្លាំងដូចជាការទិញផ្ទះ និងរថយន្តផងដែរ៕ Reuters៕

ដោយ: គង់ លាងហួរ

អន្តរជាតិ: តំបន់អាស៊ានសម្រេចបាន ភាពរីកចម្រើនយ៉ាងល្អប្រសើរ ក្នុងការពង្រឹងកិច្ចព្រមព្រៀងពាណិជ្ជកម្មសេរី ជាមួយប្រទេសកូរ៉េខាងត្បូង ហុងកុង ចិន និងជប៉ុន ក្នុងអំឡុងនៃកិច្ចប្រជុំរបស់ក្រុមមន្ត្រីហិរញ្ញវត្ថុ និងពាណិជ្ជកម្មជាន់ខ្ពស់នៅទីក្រុង Subaraya ប្រទេសឥណ្ឌូនេស៊ី។

លោក Duangarthit Nidhi-u-tai អគ្គនាយករងនៃនាយកដ្ឋានចរចាពាណិជ្ជកម្មថៃ បានមានប្រសាសន៍ថា ការកែលម្អកាន់ប្រសើរឡើងនេះ នឹងជួយលុបបំបាត់របាំងពាណិជ្ជកម្ម ឆ្លងកាត់ព្រំដែន ជាពិសេសសម្រាប់ផលិតផលកសិកម្ម និងឧស្សាហកម្ម។

លោកបានបន្តថា ទន្ទឹមគ្នានោះ ការធ្វើឱ្យប្រសើរឡើងនូវកិច្ចព្រមព្រៀងទាំងនេះ ត្រូវបានគេរំពឹងថា នឹងជួយលើកកំពស់ដល់ការច្នៃប្រឌិត របស់ភាគីពាក់ព័ន្ធទាំងអស់ និងនិរន្តរភាពកំណើនសេដ្ឋកិច្ចនៃតំបន់ទាំងមូល និងដៃគូរបស់ខ្លួនផងដែរ។

កិច្ចប្រជុំនេះបានរៀបចំធ្វើឡើងកាលពីថ្ងៃទី ១៤-១៥ ខែកក្កដា។  ក្រុមចរចារតំបន់អាស៊ាន បានពិភាក្សាជាមួយតំណាងរបស់ប្រទេសនីមួយៗ ដែលនាំឱ្យមានការកែលម្អផ្សេងៗ ចំពោះកិច្ចព្រមព្រៀង FTA នីមួយៗ។

លោក Duangarthit បានបញ្ជាក់ថា កិច្ចព្រមព្រៀងពាណិជ្ជកម្មសេរីអាស៊ានលើកទី៣៩ (AKFTA) សម្រេចបានការធ្វើឱ្យប្រសើរឡើង នូវតារាងកាត់បន្ថយពន្ធចាប់ពីឆ្នាំ២០១៧ ដល់ឆ្នាំ២០២២។ ហើយ រដ្ឋជាសមាជិកអាស៊ានចំនួន៩ បានយល់ព្រមរួចមកហើយចំពោះពិធីសារនេះ ដែលនឹងជួយសម្រួល និងពន្លឿនពាណិជ្ជកម្មអាស៊ាន-កូរ៉េប្រកបដោយតម្លាភាព។

ជាមួយគ្នានេះ អាស៊ាន និងចិនបានពិភាក្សាគ្នាអំពីបញ្ហាមួយចំនួន ទាក់ទងនឹងកិច្ចព្រមព្រៀងពាណិជ្ជកម្ម សេរីអាស៊ាន-ចិន (ACFTA) លើកទី៤៤ ជាពិសេសលើវិស័យកសិកម្ម និងការនាំចេញឧស្សាហកម្ម។

ចំណែកឯ កិច្ចពិភាក្សាលើក្របខណ្ឌ កិច្ចព្រមព្រៀងពាណិជ្ជកម្មសេរីអាស៊ាន-ជប៉ុន  លេខ 2/28 បានពន្លឿនការសន្និដ្ឋានគំនិតផ្តួចផ្តើមស្តីពី “ការរចនាអនាគត និងផែនការសកម្មភាព សម្រាប់ការច្នៃប្រឌិត និងនិរន្តរភាពនៃកិច្ចសហប្រតិបត្តិការ សេដ្ឋកិច្ចអាស៊ាន-ជប៉ុន ឆ្នាំ២០២៣ដល់ឆ្នាំ២០៣៣”។

លើសពីនេះ ការចរចាទ្វេរភាគីលើកិច្ចព្រមព្រៀង ពាណិជ្ជកម្មសេរីអាស៊ាន-ហុងកុង (AHKFTA) លើកទី១១ បាននាំឱ្យមានការបញ្ចប់ច្បាប់ Product Specific Rules (PSRs) ដែលជាលក្ខណៈវិនិច្ឆ័យទៅលើប្រភពដើមផលិតផល៕

        ដោយៈ ហ្វីអូណា

ភ្នំពេញៈ សភាពាណិជ្ជកម្មកម្ពុជា និងអគ្គកុងស៊ុលកិត្តិយសនៃកម្ពុជា ប្រចាំទីក្រុងឡុងប៊ិចនៃសហរដ្ឋអាមេរិក នឹងសហការគ្នារៀបចំពិព័ណ៍ពាណិជ្ជកម្ម នៅខែវិច្ឆិកា ឆ្នាំ២០២៣ខាងមុខនេះ នៅទីក្រុងឡុងប៊ិចនៃសហរដ្ឋអាមេរិក។

ការបន្តសហការរៀបចំពិព័ណ៌នេះ ត្រូវបានធ្វើឡើងនៅក្នុងសិក្ខាសាលាស្ដីពី “នីតិវិធី និងបែបបទនៃការនាំចេញផលិផល ចំណីអាហារ និងទំនិញ ទៅកាន់ទីផ្សារសហរដ្ឋអាមេរិក” ដែលភាគីទាំងពីរបានសហការរៀបចំឡើងកាលថ្ងៃទី៣០ ខែសីហា ឆ្នាំ២០២៣។

អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បាមានប្រសាសន៍ឲ្យដឹងថា សិក្ខាសាលានេះមានគោលបំណង ពង្រឹង និងពង្រីកធុរកិច្ចរបស់ធុរជន នៃប្រទេសទាំងពីរ និងដើម្បីផ្សព្វផ្សាយអំពីនីតិវិធី និងលក្ខខណ្ឌតម្រូវនានា ដែលអាចនាំចេញទៅសហរដ្ឋអាម៉េរិក ខណៈនារយៈពេលចុងក្រោយនេះ ការធ្វើពាណិជ្ជកម្មរវាងប្រទេសទាំងពីរ នៅតែបន្តរីកចម្រើនគួរឱ្យកត់សម្គាល់។ ជាពិសេសភាគីទាំងពីរ នឹងរៀបចំពិព័ណ៌ពាណិជ្ជកម្ម នៅទីក្រុងឡុងប៊ិច នៅខែវិច្ឆិកាខាងមុខនេះ។

អ្នកឧកញ៉ាបន្តថា “សភាពាណិជ្ជកម្ម នឹងដឹកនាំគណៈប្រតិភូក្នុងការនាំទំនិញពីកម្ពុជាទៅតាំងពីព័ណ៌ មិនត្រឹមតែប៉ុណ្ណោះទេ សភាពាណិជ្ជកម្ម ក៏នឹងភ្ជាប់ការនាំចេញផលិតផលផ្សេងៗ ក្រោយបញ្ចប់ការតាំងពិព័ណ៌នេះ”។ អ្នកឧកញ៉ាបានបន្តថា “ទន្ទឹមនឹងនេះ សិក្ខាសាលានេះ នឹងផ្តល់ផលប្រយោជន៍យ៉ាងសំខាន់ ដល់កម្ពុជាលើការធ្វើពាណិជ្ជកម្ម និងបង្កើនការនាំចេញទំនិញ និងផលិតផលនានាទៅកាន់ទីផ្សារអាមេរិក”។

បើតាមរបាយការណ៍បានបញ្ជាក់ថា សហរដ្ឋអាមេរិកនៅតែជាទីផ្សារដ៏ធំបំផុតសម្រាប់កម្ពុជា ដោយបាននាំចូលទំនិញប្រមាណ ៤.២៣ពាន់លានដុល្លារក្នុងឆមាសទី១ ឆ្នាំ២០២៣ ធ្លាក់ចុះ៨.៩% បើធៀបនឹងឆ្នាំមុន នាំមុខវៀតណាម ដែលនាំចូលទំនិញពីកម្ពុជាមានទំហំទឹកប្រាក់១.៤២ ពាន់លានដុល្លារ កើនឡើង២១.៧%៕

        ដោយៈ ម៉ានុត

        ភ្នំពេញៈ កំឡុងពេលវិស័យអចលទ្រព្យ នៅប្រទេសកម្ពុជាកំពុងតែជួបបញ្ហា ដោយសារវិបត្តិសេដ្ឋកិច្ច បច្ចុប្បន្នដំណើរការនៃចរន្តទិញ-លក់ដី នៅកម្ពុជាកំពុងតែងើបឡើងជាបណ្តើរៗហើយ។

លោក ណុប ម៉ានុត ប្រធានទីផ្សារគម្រោងដីរីហ្សត ឋានសួគ៏លំហែ បានមានប្រសាសន៍ឲ្យដឹងនាព្រឹកថ្ងៃទី៦ កញ្ញានេះថា តម្រូវការទិញលក់ដីនៅតែមានទីផ្សារជានិច្ច ទោះបីសេដ្ឋកិច្ចមានផលប៉ះព៉ាល់ខ្លាំងក៏ដោយ។

លោក ណុប ម៉ានុត បានបន្តថា ក្នុងរយះពេល៦ខែចុងក្រោយនេះ ​ការទិញ លក់នៅតែមានសន្ទុះខ្លាំង ទោះបីជាគម្រោងលក់ដីនៅកម្ពុជា មួយចំនួនកំពុងតែជាប់គាំង ដោយសារកត្តាសេដ្ឋកិច្ច កត្តាអ្នកអភិវឌ្ឈន៍ផ្ទាល់ គឺពាក់ព័ន្ធជាមួយភាពមិនស្របច្បាប់ របស់គម្រោងមួយចំនួន គម្រោងស្អុយ ធ្វើអោយអតិថិជនអស់់ជំនឿជឿជាក់ និងបាត់បង់ទំនុចិត្ត។

លោកបន្តថា គម្រោងដីរីហ្សតឋានសួគ៌លំហែ កំពុងទទួលបានការគាំទ្រ និងទំនុកចិត្តខ្លាំង ពីសំណាក់អតិថិជន ក្នុងការទិញលក់ពេលបច្ចុប្បន្នទាំងនៅក្នុងប្រទេស និងក្រៅប្រទេស ដោយសារតែគម្រោងមានភាពស្រប់ច្បាប់ មានការអភិវឌ្ឈន៏ពិតប្រាកដ និយាយពិត ធ្វើពិត អភិវឌ្ឈន៍ លើសពីការរំពឹងទុកជូនអតិថិជន អតិថិជនទិញដោយទំនុចចិត្តខ្ពស់ គ្មានហានិភ័យដូចគម្រោងផ្សេងៗ ហេតុនេះហើយធ្វើអោយគម្រោងរបស់លោកទទួលបានការគាំទ្រ មកដល់ពេលបច្ចប្បន្ននេះ។

អគ្គនាយក្រុមហ៊ុន YOUNSIA REAL ESTATE CAMBODIA CO,. LTD លោក Cooler Tan និងជាម្ចាស់គម្រោងដីរីហ្សត ឋានសួគ៏លំហែ លោកបានមានប្រសាសថា^ចរន្តនៃការទិញលក់អចលទ្រព្យ គឺមានស្ថានភាពល្អប្រសើឡើងវិញ ជាបណ្តើរៗហើយ និងកាន់តែល្អប្រសើរជាងនេះទៅទៀត អោយតែអ្នកអភិវឌ្ឈន៏គម្រោងក្នុងស្រុក មានផែនការច្បាស់លាស់ និយាយពិត ធ្វើពិត ផ្តល់ទំនុកចិត្តដល់អតិថិជន។

លោកបានបន្តទៀតថា នៅពេលដ៏ខ្លីខាងមុខទៀត តម្រូវការទីផ្សារទិញលក់អចលទ្រព្យ នឹងមានតម្រូវការខ្ពស់ជាងពេលបច្ចុប្បន្នទៀត ដោយសាររដ្ឋាភិបាលនៅកម្ពុជា មានគោលការច្បាស់លាស់ មានវិធានការត្រឹមត្រូវ មានគោលដៅ និងចក្ខុវិស័យវែងឆ្ងាយសម្រាប់អ្នកវិនិយោគក្នុងស្រុក និង ក្រៅស្រុក បើកចំហរសេដ្ឋកិច្ចកម្ពុជាអោយកាន់តែទូលាយ ក្រោមការដឹកនាំដ៏ឆ្លាសវៃរបស់រដ្ឋាភិបាលអាណ្តាត្តិថ្មីនេះ។

លោកCooler Tanបានបន្តទៀតថា លោកជឿជាក់យ៉ាងមុតមាំថាទីផ្សារអចលទ្រព្យនៅកម្ពុជា នឹងងើបឡើងឡើងវិញឆាប់ៗនៅពេលដ៏ខ្លីខាងមុខនេះ ហើយលោកប្តេជ្ញាថា នឹងព្យាយាមប្រឹងប្រែងអភិវឌ្ឈន៏គម្រោងរបស់លោកទាំងអស់ អោយកាន់តែល្អបន្ថែមទៀតបន្តអភិវឌ្ឈន៍ជូនដល់អតិថិជន ដែលបានគាំទ្រមិនអោយខកបំណង ហើយលោកជឿជាក់ថាអតិថិជនរបស់លោក នឹងទទួលបានផលចំណេញលើសពីការំពឹងទុកនៅពេលថ្ងៃអនាគត៕
រៀបរៀងដោយ
លោក ណុប ម៉ានុត
ប្រធានទីផ្សារគម្រោង ឋានសួគ៏លំហែ
098 999 872

ដោយ: គង់ លាងហួរ

អន្តរជាតិ: ក្រុមហ៊ុនQatar Airways បានសម្រេចបើកជើងហោះហើរពីទីក្រុងដូហា ប្រទេសកាតា មកកាន់រាជធានីភ្នំពេញឡើងវិញ ដោយចាប់ផ្តើមពីថ្ងៃទី២៩ ខែតុលាឆាប់ៗខាងមុខនេះ បន្ទាប់ពីបានផ្អាកការហោះហើរត្រង់ រវាងប្រទេសទាំងពីរ កាលពីខែមេសា ឆ្នាំ២០២០។

នេះបើយោងតាមសារពត៌មានឡាវ Laotian Times ចុះផ្សាយនៅថ្ងៃអង្គារ ទី៥ ខែសីហា ឆ្នាំ២០២៣នេះ។

ជាមួយគ្នានោះ ឧស្សាហកម្មអាកាសចរណ៍ ដែលកំពុងអភិវឌ្ឍរបស់កម្ពុជា គឺជាសញ្ញាល្អមួយ ដែលបង្ហាញថាសេដ្ឋកិច្ចក្នុងតំបន់កំពុងចាប់ផ្តើមស្ទុះងើបឡើងវិញ តាមរយៈវិស័យទេសចរណ៍អន្តរជាតិ។

ស្រដៀងគ្នានេះដែរ ខណៈកម្ពុជាខិតកាន់តែ ជិតដល់ការបញ្ចប់កិច្ចចចារលើព្រមព្រៀងពាណិជ្ជកម្ម សេរីទ្វេរភាគីជាមួយឥណ្ឌា ដែលជាប្រទេសមានប្រជាជនជាង១៤០០លាននាក់។ ដូច្នេះ ការបើកដាក់ឱ្យប្រើប្រាស់ផ្លូវហោះហើរត្រង់ រវាងប្រទេសឥណ្ឌា និងកម្ពុជាក៏អាចចាប់ផ្តើមនៅដើមឆ្នាំក្រោយនេះផងដែរ។

ម្យ៉ាងទៀត កាលពីពេលថ្មីៗនេះ រដ្ឋលេខាធិការដ្ឋានអាកាសចរស៊ីវិលកម្ពុជា (SSCA) បានស្នើសុំក្រុមហ៊ុនអាកាសចរណ៍ជប៉ុន All Nippon Airways (ANA) ពិចារណាលើការចាប់ផ្ដើមជើងហោះហើរត្រង់រវាងប្រទេសទាំងពីរឡើងវិញ។

លោក វណ្ណ ចន្ធី ប្រធាន​នាយកដ្ឋាន​ដឹក​ជញ្ជូន​ផ្លូវ​អាកាស​នៃ​រដ្ឋ​លេខាធិការ​អាកាសចរ​ស៊ីវិល​កម្ពុជា បាន​មាន​ប្រសាសន៍​ថា “វិស័យ​ដឹក​ជញ្ជូន​របស់​ប្រទេស​កម្ពុជា ​កំពុង​ស្ទុះ​ងើប​ឡើង​វិញ​ជា​បណ្តើរៗ ដូច្នេះ​វា​ជា​ពេល​វេលា​ដ៏​ល្អ ​ក្នុង​ការ​ស្នើ​បើកការ​ហោះ​ហើរ​ឡើង​វិញជាមួយក្រុមហ៊ុន ANA”។

លោកបានបន្ថែមថា “យើង​ក៏​ចង់​ដឹង​ដែរ​ថា​ តើ​មានកត្តា​អ្វី​ខ្លះ​ដែល​រារាំង ​ការ​សម្រេច​ចិត្ត​របស់​ក្រុមហ៊ុន​ ANA ក្នុង​ការ​មិន​បើកជើង​ហោះ​ហើរមកកាន់កម្ពុជាឡើងវិញនៅពេលនេះ”។

យ៉ាង​ណា​មិញ ខណៈ​កំពុង​រង់ចាំ​សេចក្តីបញ្ជាក់​ចុង​ក្រោយ​ លើ​ជើង​ហោះ​ហើរ​ត្រង់​រវាងកម្ពុជា-ជប៉ុន ឧស្សាហកម្ម​អាកាសចរណ៍​របស់​កម្ពុជា ក៏កំពុង​ត្រៀម​ខ្លួន​សម្រាប់​ទទួល លំហូរ​ភ្ញៀវ​ទេសចរ​មក​ពី​បណ្តាប្រទេស​ផ្សេង​ទៀត ​នៅលើពិភពលោកផងដែរ៕

ដោយៈ គង់ សូរិយា

        កណ្តាលៈ បុរីKS Residenceបានបញ្ចប់ការសាងសង់ ជាមួយ​ហេដ្ឋារចនាសម្ព័ន្ឋយ៉ាងប្រសើរ ពិសេសមានសន្តិសុខ២៤ម៉ោង ដើម្បីផ្តល់ភាពងាយស្រួលដល់អ្នករស់នៅផងដែរ។

បុរីនេះ មានទីតាំងក្នុងស្រុកកៀនស្វាយ ខេត្តកណ្តាល(ម្តុំផ្សារគគីរ) ជាតំបន់ដែលមានមនុស្សរស់នៅច្រើន។

លោកឧកញ៉ាបណ្ឌិតគីម ហ៊ាងអ្នកអភិវឌ្ឍន៍បុរីKS Residenceបានសរសេរ លើបណ្តាញទំនាក់ទំនងសង្គមរបស់ខ្លួនថា ផ្ទះនៅបុរី ខេអេស រ៉េសុីដេន (Borey KS Residence) បានសាងសង់ចប់ ១០០% មានប្លង់រឹង LMAP មិនជំពាក់ធនាគារ ទិញភ្លាម បង់លុយភ្លាម អាចចូលស្នាក់នៅភ្លាម។

បុរីKS បានសាងសង់ផ្ទះនិមួយៗ មានរបងដែលងាយស្រួលក្នុងការរស់នៅ និងចតយានយន្ត ជាមួយផ្លូវទំហំធំងាយស្រួលធ្វើចរាចរ​ណ៍ផងដែរ។

តាមការឲ្យដឹងពីលោកឧកញ៉ាបណ្ឌិតគីម ហ៊ាងបានបង្ហើបថា លក្ខខ័ណ្ឌ​បង់ប្រាក់សម្រាប់ការទិញបុរីនេះ មានភាពងាយស្រួលដោយក្រុមហ៊ុនមានធនាគារជាដៃគូជាច្រើន សម្រាប់ផ្តល់ឥណទានដល់អ្នកទិញផ្ទះនៅក្នុងបុរីនេះ៕

        ដោយៈ គង់ សូរិយា

        ភ្នំពេញៈ ដោយមានសំណូមពរពីអ្នកនិយមស្តាប់ព័ត៌មាន គេហទំព័រPropertyarea.asia សម្រេចបង្កើនការចេញផ្សាយព័ត៌មានចម្រុះថ្មីមួយទៀត នៅរៀងរាល់ម៉ោង៧,២០នាទីព្រឹក ចាប់ពីថ្ងៃច័ន្ទ ដល់ថ្ងៃសុក្ររៀងរាល់សប្តាហ៍។

សហស្ថាបនិក និងជាអគ្គនាយកគេហទំព័រPropertyarea.asiaលោកយិន លាងគង់បានមានប្រសាសន៍ឲ្យដឹង នាព្រឹកថ្ងៃទី៦ កញ្ញានេះថា ការសម្រេចចេញផ្សាយវីដេអូបន្ថែមនេះ ធ្វើឡើងក្នុងគោលដៅចំបងៗចំនួន៣ ទី១ ដោយសារនិន្នាការ និងរសនិយមរបស់អ្នកចូលចិត្តស្តាប់ព័ត៌មានជាសម្លេង ទី២ ប្រជាពលរដ្ឋកាន់តែសកម្មឡើង ក្នុងកិច្ចការប្រចាំថ្ងៃ ហេតុនេះពួកគេអាចបើកស្តាប់នៅក្នុងផ្ទះ ឬរថយន្តបាន ទី៣ ជាការឆ្លើយតបសំណូមពររបស់ប្រជាពលរដ្ឋ ដែលតែងតែគាំទ្រដល់គេហទំព័រនេះ។

លោកបន្តថា “យើងបាននិងកំពុងផ្តោត លើគុណភាពព័ត៌មាន និងសម្រិតសម្រាំង ដើម្បីធ្វើយ៉ាងណាឲ្យស្ថាប័ននេះ អាចបន្តឈរលើទីផ្សារ និងឈានមុខគេ ក្នុងការផ្សព្វផ្សាយព័ត៌មានអចលនទ្រព្យ និងសេដ្ឋកិច្ច”។ លោកបន្តថា “យើងនៅតែប្រកាន់ជំហររបស់យើង គឺមិនចេញផ្សាយព័ត៌មានណា ដែលមានលក្ខណៈបំភ្លើស បំផ្លោងឬព័ត៌​មាន ដែលមានលក្ខណៈបំពុលសង្គមនោះឡើយ”។

លោកយិន លាងគង់បានបន្តថា ការរីកចម្រើនរបស់ក្រុមហ៊ុនមួយ ទាមទារនូវកត្តាជាច្រើន ប៉ុន្តែនៅក្នុងស្ថាប័នព៌តមានវិញទាមទារនូវព័ត៌មានលឿន រហ័ស សុក្រិតភាព និងភាពអាចទុកចិត្តបាន។​នេះហើយជាទិសស្លោក និងការអនុវត្តស្តង់ដាការងារ ដែលយើងប្រកាន់យក៕