សេដ្ឋវិទូ និងអ្នកអភិវឌ្ឍន៍លើកឡើងនូវដំណោះស្រាយចំនួនបី និងកាលានុវត្តន៍ភាពក្នុងវិស័យអចលនទ្រព្យ

ដោយៈ ជេស៊ីកា

ភ្នំពេញៈ អ្នកជំនាញ និងស្រាវជ្រាវផ្នែកសេដ្ឋកិច្ចលោកបណ្ឌិតគី សេរីវឌ្ឍន៍ បានបង្ហើបនូវយុទ្ឋសាស្រ្តសំខាន់ៗចំនួន៣ ដើម្បីអាចដោះស្រាយបញ្ហាជាប់គាំងក្នុងវិស័យអចលនទ្រព្យ។

លោកបានមានប្រសាសន៍ឲ្យដឹង តាមបណ្តាញតេឡេក្រាមកាលពីសប្តាហ៍មុនថា ការងើបឡើងរបស់វិស័យនេះ អាចត្រូវចំណាយពេលរហូតដល់ចុងឆ្នាំ ទើបទីផ្សារនេះអាចងើបឡើងវិញ ក្នុងកម្រិតយឺតៗឡើងវិញ។លោកបន្តថា ដើម្បីដោះស្រាយបញ្ហានេះ រដ្ឋាភិបាលត្រូវដោះស្រាយបញ្ហាប្រឈមចំនួន៣ជាមុនសិន ដូចជា ដោះស្រាយបញ្ហាទីផ្សារផ្ទះល្វែង និងដីឡូត៍គ្មានអាជ្ញាប័ណ្ណច្បាស់លាស់ និងកំណត់នូវយន្តការនគរូបនីយកម្ម ឬការកំណត់Zooningឲ្យបានត្រឹមត្រូវថា តំបន់ណាជាតំបន់លំនៅដ្ឋាន តំបន់ណាជាតំបន់ឧស្សាហកម្ម តំបន់ណាជាតំបន់ពាណិជ្ជកម្ម ឬតំបន់បរិស្ថាន ទើបធ្វើឲ្យវិស័យនេះអាចរីកលូតលាត់បាន។

លោកបណ្ឌិតគី សេរីវឌ្ឍន៍បានបន្តថា វិស័យនេះអាចងើបឡើងវិញមិនលឿនទេ តែវាអាចងើបបន្តិចម្តងៗនៅចុងឆ្នាំនេះ ដោយសារតម្លៃបានកើនដល់កម្រិតកំពូលរួចទៅហើយ នៅចុងឆ្នាំ២០១៩ ហើយការសាងសង់ផ្ទះលក់ និងការពុះឡូត៍បានកើនឡើង លើសពីតម្រូវការរួចទៅហើយ។ ជាមួយគ្នានេះ លោកឧកញ៉ាបណ្ឌិតគីម ហ៊ាងប្រធានKW Cambodia និងជាអ្នកអភិវឌ្ឍន៍បុរីវិមានសំណាងបានមានប្រសាសន៍ឲ្យដឹងផងដែរថា ឆ្នាំ២០២៤ មានសញ្ញាវិជ្ជមានច្រើនសម្រាប់វិស័យសំណង់ និងអចលនទ្រព្យ ដោយសារការបញ្ចុះអត្រាការប្រាក់នៅអាមេរិក ដែលធ្វើឲ្យធនាគារនៅកម្ពុជា អាចបញ្ចុះអត្រាការប្រាក់ក្នុងរង្វង់២ភាគរយផងដែរ។ លោកបន្តថា “វិស័យសំខាន់ៗដែលជាសរសរស្តម្ភសដ្ឋកិច្ច ដូចជាវិស័យទេសចរណ៍ វិស័យវាយណភ័ណ្ឌកាត់ដេរ និងស្បែកជើង និងវិស័យកសិកម្មនឹងមានកំណើនល្អប្រសើរ”។ លោកបន្តថា “តាមព័តមានដែលខ្ញុំទទួលបាន ពីអ្នកក្នុងវិស័យឧស្សាហកម្ម គឺរោងចក្រ សហ គ្រាសនានា បានទទួលការបញ្ជាទិញឡើ់ងវិញ បណ្តើរៗកាន់តែច្រើនហើយ”។

លោកឧកញ៉ាបណ្ឌិតបានបន្តថា នៅពេលស្ថានភាពសេដ្ឋកិច្ច និងកំលាំងចលករធំៗ ដែលជួយជម្រុញកំណើនសេដ្ឋកិច្ចងើបឡើង នឹងធ្វើឲ្យប្រជាពលរដ្ឋមានប្រាក់ចំណូល ដែលជាលទ្ឋផលវិស័យអចលនទ្រព្យ និងសំណង់នឹងងើបឡើងព្រមគ្នាផងដែរ”៕

ខេត្តពោធិសាត់ទទួលបានរោងចក្រទឹកស្អាតថ្មីមួយជាជំនួយ របស់មិត្តជប៉ុន

ដោយៈ គង់ ម៉ាលីនណា

ពោធិសាត់ៈ សមិទ្ធផលថ្មីសន្លាងមួយ ក្នុងទឹកដីខេត្តពោធិ៍សាត់ ត្រូវបានដាក់សម្ពោធ ឱ្យប្រើប្រាស់ជាផ្លូវការកាលពីសប្តាហ៍មុន គឺរោងចក្រផលិតទឹកស្អាតកម្ពុជា-ជប៉ុន ក្រុងពោធិ៍សាត់។

ការបើកដំណើរការរោងចក្រផលិតទឹកស្អាតនេះ ដើម្បីដោះស្រាយកំណើននៃតម្រូវការទឹកស្អាត និងលើកកម្ពស់ហេដ្ឋារចនាសម្ព័ន្ធទឹកស្អាតនៅក្នុងខេត្តពោធិ៍សាត់ ក្រោមគម្រោងជំនួយឥតសំណងរបស់រដ្ឋាភិបាលជប៉ុន តាមរយៈទីភ្នាក់ងារ JICA។

រោងចក្រនេះ មានសមត្ថភាពផលិតបានចំនួន៦៦០០ម៉ែត្រគូប/ថ្ងៃ និងអាចជំរុញសមត្ថភាពផលិត ទឹកស្អាតរបស់រដ្ឋាករទឹពោធិ៍សាត់ដល់១៣,៨៦០ម៉ែត្រគូប/ថ្ងៃ។ ការណ៍នេះ នឹងបន្តពង្រឹងការចែកចាយទឹកស្អាត ប្រកបដោយគុណភាព សុវត្ថិភាព និរន្តរភាព និងតម្លៃសមរម្យ ដល់ប្រជាពលរដ្ឋជាង១៥,០០០គ្រួសារ នៅក្នុងក្រុងពោធិ៍សាត់ និងផ្នែកខ្លះនៃស្រុកបាកាន និងស្រុកកណ្តៀង។

លោកហែម វណ្ឌឌី រដ្ឋមន្រ្តីក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍បានមានប្រសាសន៍ថា ទឹកស្អាត គឹជាប្រភពនៃសុខុមាលភាព និងសេចក្តីត្រូវការជាចាំបាច់ របស់ប្រជាពលរដ្ឋ ដើម្បីជាផ្នែកមួយទ្រទ្រង់ដល់សុខភាព និងប្រព័ន្ធភាពស៊ាំ ហើយរាជរដ្ឋាភិបាល នីតិកាលទី៧ បានបន្តយកចិត្តទុកដាក់ខ្ពស់លើវិស័យទឹក ពិសេសទឹកស្អាត ជូនដល់ប្រជាពលរដ្ឋកម្ពុជា ប្រើប្រាស់បានគ្រប់គ្រាន់តាមតម្រូវការ។

` លោកបន្តថា ទឹក គឺជាអាទិភាពគន្លឹះទី៣ នៃយុទ្ធសាស្ត្របញ្ចកោណ-ដំណាក់កាលទី១ ក្នុងចំណោមអាទិភាពគន្លឹះទាំង៥ មាន “មនុស្ស ផ្លូវ ទឹក ភ្លើង និងបច្ចេកវិទ្យា” ដោយនៅក្នុងបញ្ចកោណទី២ មានកិច្ចការអាទិភាពចំនួន៥ ហើយការលើកកម្ពស់ការតភ្ជាប់ និងបង្កើនប្រសិទ្ធភាពវិស័យទឹកស្អាត គឺជាកិច្ចការអាទិភាពទី២ នៃបញ្ចកោណទី២ របស់រាជរដ្ឋាភិបាល នីតិកាលទី៧ ដែលមានគោលដៅផ្តោតលើការបន្តកសាង ពង្រឹងមូលដ្ឋានគ្រឹះ និងបុរេលក្ខខណ្ឌគន្លឹះៗ សម្រាប់បង្កើនផលិតភាព តាមរយៈការបង្កើនប្រសិទ្ធភាព ហេដ្ឋារចនាសម្ព័ន្ធគាំទ្រ និងការកសាងហេដ្ឋារចនាសម្ព័ន្ធថ្មីៗ៕

Japan Airlines estimates loss of about $105 million from collision

TOKYO :Japan Airlines (JAL) estimated on Thursday that the collision of its flight JL516 with a Japan Coast Guard aircraft on Tuesday would result in an operating loss of about 15 billion yen ($104.81 million).

The loss of the aircraft will be covered by insurance, the company said, adding it was assessing the impact on its earnings forecast for the financial year ending March 31.

Insurance industry sources have said U.S. insurer AIG was the lead insurer on a $130 million “all-risks” policy for the two-year-old JAL Airbus A350 widebody jet that was destroyed by a fire after the collision at Tokyo’s Haneda airport.

It was the first-ever hull loss globally for the A350 model, according to Aviation Safety Network. The type, made largely from carbon composite, entered commercial service in 2015.

Shares of JAL rose 0.5 per cent, showing a muted reaction to the crash as trading resumed after the New Year’s holiday. They initially fell as much as 2.4 per cent before recovering from that drop.

All 379 people aboard the JAL airliner managed to evacuate the burning plane after the collision. Five of six crew on the Coast Guard aircraft were killed in the crash.

Japanese authorities said on Wednesday the passenger jet had been given permission to land, but the smaller plane had not been cleared for take-off, based on control tower transcripts.

Authorities have only just begun their investigations and there remains uncertainty over the circumstances surrounding the crash, including how the two aircraft ended up on the same runway.

Separately, nearly 200 passengers were stranded overnight at New Chitose airport near the northern Japanese city of Sapporo, from which flight JL516 had departed, as flights arrived late due to delays, a spokesperson for airport operator Hokkaido Airports said on Thursday. Source: Reuters

អ្នកជំនាញសេដ្ឋកិច្ចនិងអ្នកធុរកិច្ចមានសុទិដ្ឋិនិយមពីការរីកចម្រើន វិស័យឧស្សាហកម្មឆ្នាំ២០២៤

ដោយៈ គង់ សូរិយា

ភ្នំពេញៈ អ្នកវិភាគសេដ្ឋកិច្ច និងអ្នកធុរកិច្ចបានអះអាងថា វិស័យឧស្សាហកម្មកម្ពុជានៅក្នុងឆ្នាំ២០២៤ នេះនឹងបន្តបោះជំហានទៅមុខកាន់តែលឿន ខណៈកម្ពុជាបានទទួលគម្រោងវិនិយោគថ្មីៗជាច្រើន ។

យោងតាមឯកសារថវិកាសង្ខេប ឆ្នាំ២០២៤ នៃក្រសួងសេដ្ឋកិច្ច និងហិរញ្ញវត្ថុឱ្យដឹងថា សេដ្ឋកិច្ចកម្ពុជាក្នុងឆ្នាំ ២០២៤ ត្រូវបានព្យាករនឹងងើបឡើងវិញ ហើយរំពឹងនឹងសម្រេចបានកំណើនក្នុងរង្វង់ ៦,៦ ដែលនឹងធ្វើឱ្យផលិតផលក្នុងស្រុកសរុប (ផសស) ថ្លៃបច្ចុប្បន្នស្ថិតក្នុងរង្វង់១៤,២៩៥៧ ប៊ីលានរៀល សមមូលនឹង៣៥,១៦៨លានដុល្លារអាមេរិក។

ស្របពេលផលទុនជាតិសរុបក្នុងស្រុក សម្រាប់មនុស្សម្នាក់ត្រូវបានរំពឹងនឹងកើនដល់២០៧១ ដុល្លារអាមេរិក បើធៀបនឹង១ ៩១៧ ដុល្លារអាមេរិកក្នុងឆ្នាំ ២០២៣។ តាមការព្យាករ កំណើនសេដ្ឋកិច្ចកម្ពុជាក្នុងឆ្នាំ ២០២៤ ត្រូវបានទ្រទ្រង់សំខាន់ជាងគេ ដោយវិស័យឧស្សាហកម្ម នឹងមានកំណើន ៨,៥ ភាគរយ វិស័យសេវាកម្ម ៦,៩ ភាគរយ និងវិស័យកសិកម្ម១,១ ភាគរយ។

ឯកសារដដែលបានបញ្ជាក់ថា វិស័យឧស្សាហកម្មត្រូវបានព្យាករថា នឹងបន្តនិន្នាការកើនឡើងក្នុងរង្វង់៨,៥ភាគរយ ក្នុងឆ្នាំ ២០២៤ គឺប្រមាណ៥,០ភាគរយក្នុងឆ្នាំ ២០២៣ ដោយសារការរំពឹងទុកការងើបឡើងវិញនៃអនុវិស័យកាត់ដេរ ស្របពេលដែលអនុវិស័យកម្មន្តសាលមិនមែនកាត់ដេរ នៅបន្តរក្សាបានកំណើនរឹងមាំ ខណៈអនុវិស័យសំណង់នៅបន្តមានកំណើនទាប។ឯកសារនេះបានបង្ហាញឱ្យដឹងទៀតថា អនុវិស័យកាត់ដេរត្រូវបានរំពឹងថា នឹងមាននិន្នាការងើបឡើងវិញ ដោយសារការងើបឡើងវិញនៃតម្រូវការសកល ពិសេសបណ្តាប្រទេសជាដៃគូពាណិជ្ជកម្មរបស់កម្ពុជា រួមមាន អាមេរិក និងសហភាពអឺរ៉ុបជាដើម។ ការដាក់ចេញ “យុទ្ធសាស្ត្រអភិវឌ្ឍន៍វិស័យកាត់ដេរ ផលិតស្បែកជើង និងកាបូបកម្ពុជា ឆ្នាំ ២០២២-២០២៧” ក៏ត្រូវបានរំពឹងថា នឹងជួយជំរុញបរិយាកាសវិនិយោគ និងការប្រកួតប្រជែងបន្ថែម ក្នុងអនុវិស័យនេះផងដែរ។

យ៉ាងណាមិញ ភាពមិនប្រាកដប្រជាខ្ពស់ នៃស្ថានភាពសេដ្ឋកិច្ចសកល ដែលនាំឱ្យមានភាពរង្គោះរង្គើដល់តម្រូវការខាងក្រៅ ជាពិសេសទីផ្សារសំខាន់ៗរបស់កម្ពុជា រួមមាន អាមេរិក និងសហភាពអឺរ៉ុប អាចបង្កជាបច្ច័យអវិជ្ជមានដល់អនុវិស័យនេះផងដែរ។

សម្រាប់អនុវិស័យកម្មន្តសាលមិនមែនកាត់ដេរ នឹងនៅបន្តរក្សាបានភាពល្អ ដែលមួយផ្នែកនឹងបន្តជំរុញ ដោយការរក្សាបានតុល្យភាពនៃផលិតកម្ម ដែលបម្រើឱ្យតម្រូវការក្នុងស្រុក និងមួយផ្នែកទៀត គាំទ្រដោយការរំពឹងទុក កំណើនល្អប្រសើរនៃផលិតកម្ម បម្រើឱ្យការនាំចេញ។

និន្នាការល្អនៃតម្រូវការខាងក្រៅ និងកិច្ចព្រមព្រៀងពាណិជ្ជកម្មសេរី នឹងបន្តជំរុញកំណើននៃអនុវិស័យនេះ លើផ្នែកផលិតកម្មបម្រើការនាំចេញ ជាពិសេសទៅលើ ផលិតផលសំខាន់ៗមួយចំនួនរួមមានបន្ទះសូឡា, សម្បកកង់, និងស្បែកសត្វមានរោមជាដើម។

ការកើនឡើងនៃគម្រោងវិនិយោគ និងការពង្រីកការវិនិយោគនៅកម្ពុជា ត្រូវបានលោកបណ្ឌិតហុង វណ្ណៈអ្នកស្រាវជ្រាវសេដ្ឋកិច្ចនៃរាជវបណ្ឌិតសភាកម្ពុជាបានមានប្រសាសន៍ថា ការស្នើសុំ និងការអនុម័តគម្រោងវិនិយោគថ្មីៗជាបន្តបន្ទាប់ ពីសំណាក់អាជ្ញាធរនារយៈពេល ៣-៤ ឆ្នាំចុងក្រោយនេះ បានផ្តល់ក្តីសង្ឃឹមយ៉ាងរឹងមាំចំពោះភាពរីកចម្រើនរបស់កម្ពុជា។លោកបន្តថា មូលហេតុដែលកម្ពុជាអាចទាក់ទាញការវិនិយោគថ្មីៗ និងការពង្រីកអាជីវកម្ម គឺដោយសារមានកត្តាសំខាន់ៗមួយចំនួនដូចជា ភាពអំណោយផលនៃទីតាំងភូមិសាស្ត្រ ច្បាប់វិនិយោគអំណោយផល និងជាពិសេសកម្ពុជាទទួលបានប្រព័ន្ធអនុគ្រោះពន្ធ នាំទំនិញទៅទីផ្សារធំៗ ដូចជា អាមេរិក កាណាដា និងអឺរ៉ុប។

លោកថ្លែងថា “ប្រាកដណាស់បើគ្មានប្រធានស័ក្តិ ណាមួយកើតឡើង គឺកំណើនសេដ្ឋកិច្ចកម្ពុជាឆ្នាំ២០២៤ នេះនឹងបោះជំហានទៅមុខយ៉ាងរលូន ដោយឈរនៅលើមូលដ្ឋាន នៃការរីកចម្រើនដ៏ឆាប់រហ័សនៃវិស័យឧស្សាហកម្ម និងការនាំចេញទំនិញកាន់តែច្រើនទៅទីផ្សារអន្តរជាតិ”។ លោកបន្តថា សម្រាប់វិស័យផ្សេងៗទៀតដូចជា ទេសចរណ៍ និងកសិកម្ម ក៏នឹងមានភាពល្អប្រសើរដែរធៀបនឹងឆ្នាំ ២០២៣។

ជាមួយគ្នានេះ អនុប្រធានសភាពាណិជ្ជកម្មកម្ពុជា អ្នកឧកញ៉ា លឹម ហេង បានប្រាប់ថា ក្នុងឆ្នាំ ២០២៤ នេះវិស័យឧស្សាហកម្មនឹងនៅតែបន្តរីកចម្រើនទៅមុខបន្ថែមទៀត ពិសេសការនាំចេញផលិតផលក្នុងវិស័យវាយនភណ្ឌ ឧស្សាហកម្មកែច្នៃ ដែលកម្ពុជាបន្តទទួលបានភាពចំណេញ ពីការអនុវត្តកិច្ចព្រមព្រៀងពាណិជ្ជកម្មទ្វេរភាគីជាមួយប្រទេសចិន កូរ៉េខាងត្បូង និងកិច្ចព្រមព្រៀងRCEP ជាដើម។

លោកបន្តថា “ជាមួយគ្នានេះកម្ពុជា ក៏បានទទួលប្រព័ន្ធអនុគ្រោះពន្ធនាំចូលទៅទីផ្សារប្រទេសធំៗមួយចំនួនទៀតផងដែរ”។លោកបន្ថែមថា “កត្តាភូមិសាស្ត្រនយោបាយ ច្បាប់វិនិយោគ កម្លាំងពលកម្ម និងប្រព័ន្ធអនុគ្រោះពន្ធ នឹងជួយឱ្យកម្ពុជាទាក់ទាញអ្នកវិនិយោគកាន់តែច្រើន ឱ្យចូលមកបណ្តាក់ទុនផ្ទាល់ ដើម្បីផលិតបំពេញតម្រូវការក្នុងស្រុក និងនាំទៅទីផ្សារអន្តរជាតិ”។តំបន់សេដ្ឋកិច្ចពិសេសនឹងជួយ ទាក់ទាញការវិនិយោគលើវិស័យឧស្សាហកម្ម និងរោងចក្រកាន់តែច្រើន ប្រធានសមាគមអចលនទ្រព្យសកល លោក សំ សុខនឿន ដែលកំពុងសិក្សាលទ្ធភាពចាប់ដៃគូជាមួយវិនិយោគិនជប៉ុន លើគម្រោងបង្កើតតំបន់សេដ្ឋកិច្ចពិសេស កម្ពុជា-ជប៉ុន បានលើកឡើងថា តំបន់សេដ្ឋកិច្ចពិសេសកំពុងជួយឱ្យកម្ពុជាទាក់ទាញក្រុមហ៊ុនអន្តរជាតិធំៗ ឱ្យមកបើករោងចក្រដើម្បីផលិតនាំចេញទៅទីផ្សារអន្តរជាតិ។

លោកបន្តថា “បច្ចុប្បន្នមានវិនិយោគិន ចម្រុះជាតិសាសន៍ជាច្រើនកំពុងបណ្តាក់ទុនលើវិស័យជាច្រើននៅកម្ពុជា”។លោកបានបង្ហើបថា “បច្ចុប្បន្នខ្ញុំកំពុងសិក្សាស៊ីជម្រៅ ជាមួយនឹងវិនិយោគិនជប៉ុនដើម្បីស្វែងរកក្រុមហ៊ុន ដែលមានលទ្ធភាពនៅក្នុងការកៀរគរក្រុមហ៊ុនជប៉ុនដទៃទៀត ឱ្យចូលមកបើករោងចក្រនៅក្នុងតំបន់សេដ្ឋកិច្ចពិសេសកម្ពុជា-ជប៉ុន”។

យោងតាមឯកសារក្រសួងសេដ្ឋកិច្ច ក្រៅពីវិស័យឧស្សាហកម្ម នៅក្នុងឆ្នាំ២០២៤ នេះវិស័យសេវាកម្ម ត្រូវបានរំពឹងនឹងកើន៦,៩ ភាគរយ និងវិស័យកសិកម្មនឹងកើន១,១ភាគរយ៕

Goldman, Morgan Stanley expect China’s housing slump to persist

The slump in China’s housing construction will continue in 2024, dragging down economic growth and suggesting that government efforts to stabilise the sector haven’t been enough to reverse the downturn.

That’s the consensus from 10 investment banks and securities brokerages, including Goldman Sachs Group Inc, Morgan Stanley and UBS Group AG.

If they’re right, that leaves China on track to post three straight years of contractions in property construction, a record streak. The country’s main measure of real estate investment fell 8% on year in the first 11 months of 2023. For all of last year, the measure dropped 8.4%.

The outlook signals the downturn in the property market is far from over, despite the government’s rollout of measures mostly aimed at stoking demand for homes. The prolonged slump means the sector’s role as a driver of demand for goods and services has shrunk. Real estate-related demand accounts for about 20% of gross domestic product (GDP) now, down from 24% in 2018, Bloomberg Economics estimates.

Goldman economists led by Hui Shan have one of the most bearish forecasts, expecting a “double digit” contraction in real estate fixed-asset investment next year. The ongoing property slump will reduce real GDP growth by one percentage point, they added.

Other forecasts are less gloomy. Morgan Stanley sees the gauge dropping 7%, while UBS expects a 5% decline. Chinese economists are bearish, too, with China Merchants Bank International expecting real estate investment to fall 7%.

The key reason for pessimism is a sharp decline in newly started real estate projects in 2023, according to Ming Ming of Citic Securities Co Ltd and other economists. That suggests the area of completed projects has room to fall.

Another reason is the decline in real estate sales, which leaves developers with less incentive to start construction. Both Goldman and UBS see real estate sales dropping 5% next year.

The property downturn has wider reaching effects. Given the large size of the sector, falling construction activity is a major cause of weak domestic demand, which in turn is one of the main reasons China has seen deflation this year. Source: Bloomberg

តើរដ្ឋាភិបាលថ្មីបាននិងកំពុងធ្វើអ្វីខ្លះដើម្បីសម្រេចក្លាយជាប្រទេសមានចំណូលខ្ពស់នៅត្រឹមឆ្នាំ២០៥០?

ដោយៈ គង់ សូរិយា

ភ្នំពេញៈ រាជរដ្ឋាភិបាលបានកំណត់មហិច្ឆតា ក្នុងការប្រែក្លាយកម្ពុជា ទៅជាប្រទេសមានប្រាក់ចំណូលមធ្យមកម្រិតខ្ពស់ នៅឆ្នាំ ២០៣០ និងចំណូលខ្ពស់នៅត្រឹមឆ្នាំ២០៥០។ កម្ពុជាត្រូវចំណុចអាទិភាពសំខាន់ៗមួយចំនួន ដែលទាមទារឱ្យភាគីពាក់ព័ន្ធត្រូវរួមគ្នា ដើម្បីសម្រេចបានចក្ខុវិស័យនេះ។

ជាក់ស្តែងកាលពីថ្ងៃទី ២៤ ខែសីហា ឆ្នាំ ២០២៣ សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា បានដាក់ចេញយុទ្ធសាស្ត្របញ្ចកោណដំណាក់កាលទី១ រយៈពេល៥ឆ្នាំ សំដៅប្រែក្លាយកម្ពុជាទៅជាប្រទេសមានចំណូល មធ្យមកម្រិតខ្ពស់ត្រឹមឆ្នាំ២០៣០ និងជាប្រទេសចំណូលខ្ពស់ត្រឹមឆ្នាំ២០៥០។

យុទ្ធសាស្ត្រនេះសម្រាប់រដ្ឋាភិបាលថ្មី នីតិកាលទី៧ គឺផ្តោតលើវិស័យសំខាន់ៗ៥ រួមមាន ការអភិវឌ្ឍធនធានមនុស្ស ការធ្វើពិពិធកម្មសេដ្ឋកិច្ច និងលើកកម្ពស់សមត្ថភាពប្រកួតប្រជែង ការអភិវឌ្ឍវិស័យឯកជន និងឱកាសការងារ ការលើកកម្ពស់ភាពធន់ និរន្តរភាព និងការអភិវឌ្ឍប្រកបដោយបរិយាបន្ន និងការពង្រឹងសេដ្ឋកិច្ចឌីជីថល និងសង្គម។
សម្តេចធិបតីហ៊ុន ម៉ាណែត បានថ្លែងនៅក្នុងពិធីដាក់ឱ្យដំណើរការយុទ្ធសាស្ត្រនេះថា “ក្នុងរយៈពេល២៥ ឆ្នាំកន្លងមកនេះ កម្ពុជាបានផ្តោតលើការកសាងប្រទេសជាតិឡើងវិញ ក្នុងសម័យក្រោយសង្គ្រាម”។សម្តេចបន្តថា “រយៈពេល២៥ឆ្នាំខាងមុខ នឹងក្លាយជាវដ្តថ្មីមួយ ដើម្បីកសាងប្រទេសដ៏រឹងមាំ ឆ្ពោះទៅរកប្រទេសដែលមានប្រាក់ចំណូលខ្ពស់ត្រឹមឆ្នាំ២០៥០”។ យុទ្ធសាស្ត្រនេះ មាន៥ដំណាក់កាល។ ដំណាក់កាលទី១ មានអាទិភាពចំនួន៥ គឺផ្លូវថ្នល់ មនុស្ស ទឹក ភ្លើង និងបច្ចេកវិទ្យា។

សម្តេចបានឱ្យដឹងផងដែរថា ដំណាក់កាលដំបូងនឹងដំណើរការដើម្បីធានាកំណើនសេដ្ឋកិច្ចដែលធន់នឹងវិបត្តិ បង្កើតការងារ កាត់បន្ថយភាពក្រីក្រ កែលម្អអភិបាលកិច្ច និងស្ថាប័នសាធារណៈ និងធានាការអភិវឌ្ឍសេដ្ឋកិច្ចសង្គមប្រកបដោយចីរភាព។

ជាមួយគ្នានេះ លោក គី សេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា បានលើកឡើងថា មានកត្តាសំខាន់ៗមួយចំនួនដែលអនុញ្ញាតឱ្យកម្ពុជា អាចសម្រេចចក្ខុវិស័យនៃមហិច្ឆតារបស់ខ្លួន គឺមានដូចជា ការរក្សាបាននូវសន្តិភាព ការបើកចំហគោលនយោបាយចម្រុះពណ៌ និងការពង្រឹងកត្តាខាងក្នុង។ លោកពន្យល់ថា ទី១ សក្តានុពលរបស់កម្ពុជា គឺសន្តិភាព បើគ្មានសុខសន្តិភាពទេ គឺយើងមិនអាចសម្រេចនូវគោលដៅរបស់យើងក្នុងការឈានទៅរកប្រទេស ដែលមានប្រាក់ចំណូលខ្ពស់នៅឆ្នាំ ២០៥០បានទេ។

លោកបញ្ជាក់ថា “យើងត្រូវគិតថា បើប្រទេសមួយគ្មានសន្តិភាព និងកើតសង្គ្រាម តើអ្នកនឹងទាក់ទាញវិនិយោគិន និងប្រកបអាជីវកម្មដោយរបៀបណា?”។ លោកបន្តថា “ដូច្នេះកត្តាសំខាន់ដែលខ្ញុំហ៊ានវាយតម្លៃនោះ គឺការរក្សាបាននូវសន្តិភាព ដែលកន្លងមកយើងបានរក្សាសន្តិភាពទាំងនយោបាយ និងសេដ្ឋកិច្ចដែលធ្វើឱ្យយើងមានការរីកចម្រើន និងទាក់ទាញវិនិយោគិនបរទេស បានច្រើនដូចសព្វថ្ងៃនេះ”។ លោកបានបន្តថា សម្រាប់កត្តាទី២ គឺការបើកចំហគោលនយោបាយចម្រុះពណ៌ ដូច្នេះការបើកចំហគោលនយោបាយនេះ គឺរដ្ឋាភិបាលបានប្រកាសហើយថា កម្ពុជាមិនយកនរណាមួយជាបក្សសម្ព័ន្ធរបស់ខ្លួនទេ។លោកបានបន្តថា ដូច្នេះការបើកគោលនយោបាយនេះ គឺវាស្របនឹងការប្រកាន់ គោលនយោបាយពហុភាគីនិយមបច្ចុប្បន្ននេះ ដែលធ្វើឱ្យយើងបានចូលទៅក្នុងសកលភា វូបនីយកម្ម យើងមានមិត្តច្រើន យើងមានទីផ្សារច្រើន ដោយយើងបានចូលទៅក្នុងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) យើងចូលក្នុងតំបន់អាស៊ាន យើងចូលអង្គការពាណិជ្ជកម្មពិភពលោក យើងមានទំនាក់ទំនងល្អជាមួយសហរដ្ឋអាមេរិក អឺរ៉ុប ចិន រុស្ស៊ី ជប៉ុន និងកាណាដា ដូច្នេះការចូលរួមទីផ្សារទាំងអស់នេះគឺជាយុទ្ធសាស្ត្រមួយដ៏ល្អ។

កត្តាទី៣ លោកគី សេរីវឌ្ឍន៍បានលើកឡើងថា គឺកត្តាខាងក្នុងដែលចេញពីខ្លួនឯង មានន័យថា ការត្រៀមខ្លួនរបស់យើងរយៈពេល ៥ ឆ្នាំនៅក្នុងដំណាក់កាលរដ្ឋាភិបាលនីតិកាលទី ៧ នៃរដ្ឋសភានេះ គឺចាប់ផ្តើមពីការពង្រឹងវិស័យអប់រំ និងមូលធនមនុស្សរយៈពេលវែង។ សម្រាប់រយៈពេលខ្លី គឺការបណ្តុះបណ្តាលវិជ្ជាជីវៈចំនួន១,៥ លាននាក់ ដូច្នេះយើងអាចមើលការកែទម្រង់ មូលធនមនុស្សពីកុមារតូចចេញពីបច្ចុប្បន្ននេះ រហូតគាត់ចប់ការសិក្សា គឺមានរយៈពេល១២ឆ្នាំទៀត អ៊ីចឹងមានន័យថា យើងត្រូវការ៣អាណតិ្តនៃរដ្ឋាភិបាលទៀតរហូតដល់២០៤០។ ដូច្នេះទម្រាំដល់ឆ្នាំ ២០៥០ កម្លាំងធនធានមនុស្សរបស់យើងដែលរៀបចំពីពេលនេះ ទៅគឺយើងនឹងមានរយៈពេល១០ឆ្នាំ សម្រាប់បង្កើនចំណូលជាតិ។

លោកគី សេរីវឌ្ឍន៍បានបញ្ជាក់ថា កម្លាំងពលកម្មរបស់យើង ដែលកំពុងទទួលការបណ្តុះបណ្តាលវិជ្ជាជីវៈ នៅក្នុងអាណត្តិនេះ ១,៥ លាននាក់ និងអាណត្តិក្រោយអាចពង្រីកទៅ២ ទៅ៣ លាននាក់ ដូច្នេះចំនួនកម្លាំងពលកម្មជំនាញ នឹងកាន់តែមានសម្ទុះឡើង ដែលជាការទាក់ទាញវិនិយោគមួយដ៏សំខាន់ ដែលជាចលករជំរុញការផលិត។

លោកបញ្ជាក់ថា “យើងត្រូវយល់ថា បើកាលណាផលិតភាពរបស់យើងទាប និងបើទោះបីប្រាក់ឈ្នួលយើងទាបមែន ក៏វិនិយោគិនបរទេស គេនឹងមិនមកបណ្តាក់ទុននៅយើងឡើយ ដោយសារតែគេនឹងវាស់ថា គេចាយ១ដុល្លារលើពលកររបស់យើង តើយើងផលិតលុយឱ្យគេវិញបានប៉ុន្មានត្រឡប់ទៅវិញ?”។ លោកបន្ថែមថា “ដូច្នេះខ្ញុំជឿថាក្នុងឆ្នាំ ២០៥០ យើងនឹងមានកំណើនតាមរយៈភាពប្រសើរឡើងនៃការអប់រំនេះឯង”។

ចំណែកលោក Anthony Galliano អគ្គនាយកនៃក្រុមហ៊ុនសេវាកម្មហិរញ្ញវត្ថុ Cambodian Investment Management Co., Ltd បានឱ្យដឹងថា សេដ្ឋកិច្ចកម្ពុជា ច្បាស់ណាស់ជាសេដ្ឋកិច្ច ដែលមានដំណើរការល្អប្រសើរជាងគេ ដោយមានកំណើនមធ្យមក្នុងរង្វង់៧ ភាគរយក្នុងមួយឆ្នាំ មុនការរីករាលដាលជំងឺកូវីដ១៩ ដែលធ្វើឱ្យកម្ពុជាក្លាយទៅជាប្រទេស ដែលមានសេដ្ឋកិច្ចរីកចម្រើនរហ័សបំផុតនៅក្នុងតំបន់។

លោកលើកឡើងថា “ខណៈពេលវិបុលភាព និងវឌ្ឍនភាពសេដ្ឋកិច្ចមានភាពល្អប្រសើរ ដែលខ្លួនបានចាកចេញពីមូលដ្ឋានកម្រិតទាប គឺបំណងប្រាថ្នា ដើម្បីសម្រេចបានជាប្រទេស ដែលមានប្រាក់ចំណូលមធ្យមកម្រិតខ្ពស់ត្រឹមឆ្នាំ២០៣០ គឺពិតជាគោលដៅប្រកបដោយមហិច្ឆតា”។ លោកបន្តថា “កម្ពុជានឹងតម្រូវឱ្យមានការបង្កើនល្បឿនខ្លាំងបំផុតការធ្វើពិពិធកម្ម និងបរិយាបន្នក្នុងការអភិវឌ្ឍសេដ្ឋកិច្ច”។

លោកបន្ថែមថា ដើម្បីសម្រេចបាននូវឋានៈជាប្រទេសដែលមានប្រាក់ចំណូលមធ្យមកម្រិតខ្ពស់ កម្ពុជាត្រូវសម្រេចបានប្រាក់ចំណូលជាតិសរុបសម្រាប់មនុស្សម្នាក់ (GNI) ឱ្យបានចំនួន៤៤៦៦ ដុល្លារ ដែលបច្ចុប្បន្នត្រូវបានគេរំពឹងថា មានប្រហែល១៧០០ ដុល្លារក្នុងឆ្នាំ ២០២៤។

GNI បានកើនឡើង៧,៥៩ភាគរយ ចាប់ពីឆ្នាំ ២០២១ ដល់ឆ្នាំ ២០២២ ពោលគឺ៣,២៧ភាគរយ កាលពីឆ្នាំ២០២១ ធៀបនឹងឆ្នាំ ២០២០ ធ្លាក់ចុះ១,៩២ភាគរយ កាលពីឆ្នាំ២០២០ ធៀបនឹងឆ្នាំ ២០១៩ និងកើនឡើង៩,៨៦ភាគរយ កាលពីឆ្នាំ ២០១៩ ធៀបនឹងឆ្នាំ២០១៨។

ទោះបី GNI បានកើនឡើង១០ភាគរយ ក្នុង១ឆ្នាំក្នុងរយៈពេល ៧ឆ្នាំខាងមុខ ក៏GNIនឹងកើនដល់ ៣,៣ពា ន់លានដុល្លារអាមេរិកមានចំនួន២៥ភាគរយ ដែលមិនសម្រេចបានតាមទិសដៅកំណត់៤,៤ ពាន់លានដុល្លារអាមេរិក។ បើគិតក្នុងចំណោមប្រទេស១៩០ បច្ចុប្បន្នកម្ពុជានៅលេខរៀង១៥២ លើGNI ហើយមានតែប្រទេស១១៥ ប៉ុណ្ណោះ ដែលសម្រេចបានឋានៈជាប្រទេស ដែលមានប្រាក់ចំណូលមធ្យមកម្រិតខ្ពស់ឬប្រសើរជាងនេះ។

លោក Anthony Galliano បានថ្លែងថា “កម្ពុជាមានជំនាញ និងមូលដ្ឋានគ្រឹះ ដើម្បីសម្រេចបាននូវឋានៈជាប្រទេស មានចំណូលមធ្យមកម្រិតខ្ពស់ក្នុងរយៈពេល១០ឆ្នាំខាងមុខ។ ក្នុងការកំណត់នេះ តែងតែចង់កំណត់គោលដៅ ប្រកបដោយមហិច្ឆតាកាន់តែច្រើន”។លោកបញ្ជាក់ថា “ខ្ញុំមានទំនុកចិត្តថាគោលដៅនេះ នឹងអាចសម្រេចបាន ក្នុងចន្លោះឆ្នាំ ២០៣៣ ដល់ឆ្នាំ២០៣៥”។

លោកបន្តថា មូលដ្ឋានគ្រឹះដ៏រឹងមាំ ដែលដាក់ចេញដោយរដ្ឋាភិបាលមុននិងទំនុកចិត្ត និងក្តីសង្ឃឹមប្រកបដោយមហិច្ឆតាក្នុងអាណត្តិរាជរដ្ឋាភិបាលថ្មី យើងមិនគួរវាយតម្លៃយើងសម្រេច មិនបាននោះទេ ដោយសារវាជារយៈពេលនៃវិបុលភាព និងសន្តិភាពប្រកបដោយបរិយាបន្ន និងនិរន្តរភាព៕

តើនិន្នាការតម្លៃផ្ទះនៅក្នុងប្រទេសចិន ទីក្រុងហុងកុង និងប្រទេសសិង្ហបុរី មានការប្រែប្រួលបែបណា?

ដោយ: គង់ លាងហួរ
ប៉េកាំងៈ យោងតាមការស្ទង់មតិឯកជនមួយបានបង្ហាញកាលពីថ្ងៃចន្ទទី១ខែមករាថា តម្លៃផ្ទះថ្មីរបស់ប្រទេសចិន បានកើនឡើងក្នុងរយៈពេលបួនខែជាប់ៗគ្នា គិតត្រឹមខែធ្នូ ឆ្នាំ២០២៣។

តម្លៃផ្ទះនៅប្រទេសចិនបានកើនឡើងជាមធ្យម០,១ភាគរយក្នុងខែធ្នូ ធៀបនឹងខែវិច្ឆិកា បន្ទាប់ពីកើនឡើង០,០៥ភាគរយនៅក្នុងខែវិច្ឆិកា។ នេះបើយោងតាមការស្ទង់មតិដោយក្រុមហ៊ុនស្រាវជ្រាវអចលនទ្រព្យ China Index Academy ។ វិស័យអចលនទ្រព្យនៅក្នុងប្រទេសចិនបានជួបប្រទះពីវិបត្តិមួយទៅវិបត្តិមួយទៀត ក្នុងរយៈពេលប៉ុន្មានឆ្នាំថ្មីៗនេះ ដែលប៉ះទង្គិចយ៉ាងធ្ងន់ធ្ងរដល់ទំនុកចិត្តរបស់អ្នកប្រើប្រាស់ និងវិនិយោគិន។អាជ្ញាធរចិនបានប្រកាសពីវិធានការមួយចំនួន ដើម្បីព្យាយាមធ្វើឲ្យទីផ្សារលំនៅដ្ឋានស្ទុះងើបឡើងវិញ។ នៅក្នុងខែវិច្ឆិកាឆ្នាំមុន ទីក្រុងប៉េកាំង និងសៀងហៃបានបន្ធូរបន្ថយការរឹតបន្តឹងការទិញផ្ទះ ដូចជាការបន្ថយសមាមាត្រប្រាក់បញ្ញើអប្បបរមាសម្រាប់ការទិញផ្ទះទីមួយ និងទីពីរ។

ចំណែក តម្លៃផ្ទះឯកជននៅប្រទេសសិង្ហបុរីបានកើនឡើងក្នុងល្បឿនដ៏យឺតអស់រយៈពេល២ឆ្នាំជាប់ៗគ្នា គិតត្រឹមឆ្នាំ២០២៣ ដោយកើនឡើងត្រឹមតែ៦,៧ភាគរយ បើធៀបនឹងកំណើន៨,៦ភាគរយនៅឆ្នាំ២០២២ និងកំណើន១០,៦ភាគរយនៅឆ្នាំ២០២១។នៅក្នុងត្រីមាសទី៤ ឆ្នាំ២០២៣ តម្លៃផ្ទះឯកជននៅសិង្ហបុរី បានកើនឡើង២,៧ភាគរយ លឿនជាងតួលេខកំណើន០,៨ភាគរយនៅក្នុងត្រីមាសទី៣។ នេះបើយោងតាមការប៉ាន់ស្មានបឋម ដែលចេញផ្សាយដោយអាជ្ញាធរអភិវឌ្ឍន៍ទីក្រុង (URA)។

ចំណែកឯ តម្លៃផ្ទះឯកជននៅទីក្រុងហុងកុង បានធ្លាក់ចុះអស់រយៈពេល៧ខែជាប់ៗគ្នា គិតត្រឹមខែវិច្ឆិកា ឆ្នាំ២០២៣ ដោយធ្លាក់ចុះដល់កម្រិតទាបបំផុតមិនធ្លាប់មាន គិតចាប់តាំងពីខែកុម្ភៈ ឆ្នាំ២០១៧ ដែលបណ្តាលមកពីទំនុកចិត្តធ្លាក់ចុះ ស្របពេលអត្រាការប្រាក់កើនឡើងខ្ពស់ជាងមុន។

យោងតាមទិន្នន័យបានឱ្យដឹងទៀតថា តម្លៃផ្ទះនៅក្នុងមជ្ឈមណ្ឌលហិរញ្ញវត្ថុទីក្រុងហុងកុង ដែលជាទីផ្សារដ៏ថ្លៃបំផុតមួយក្នុងពិភពលោកបានធ្លាក់ចុះ២% នៅក្នុងខែវិច្ឆិកា បន្ទាប់ពីបានធ្លាក់ចុះ២,១% នៅក្នុងខែតុលា៕ប្រភព៖ Reuters និង CNA៕

Get to know Home price in China And Singapore

BEIJING: China’s new home prices rose for the fourth straight month in December, a private survey showed on Monday, buoyed by a slew of government support measures.

Prices rose 0.1 per cent on average in December from the previous month after rising 0.05 per cent in November, according to the survey by real estate research firm China Index Academy.
The property sector has stumbled from one crisis to another in recent years in a major blow to consumer and investor confidence.

Authorities have announced several measures to try to revive the housing market. In November, Beijing and Shanghai relaxed home purchase restrictions, including by lowering the minimum deposit ratio for purchases of first and second homes.

Analysts, however, think home buyers’ sentiment is too weak for the measures to have a long-term impact.

Private home prices in Singapore rose at a slower pace for the second consecutive year in 2023, increasing 6.7 per cent compared with 8.6 per cent in 2022 and 10.6 per cent in 2021.

In the final quarter of 2023, private home prices rose by 2.7 per cent, faster than the figure of 0.8 per cent in the third quarter, according to flash estimates released on Tuesday (Jan 2) by the Urban Redevelopment Authority (URA).

This was mainly driven by sales at some newly launched projects towards the end of the year. Huttons’ senior director of data analytics Lee Sze Teck noted “robust sales” of three major non-landed launches in November – Hillock Green, J’den and Watten House.

“It is an indication of the ample liquidity of local buyers as foreigners opt out after the increase in ABSD to 60 per cent in April 2023,” he added, referring to the additional buyer’s stamp duty.

“Singaporeans and permanent residents made up 98.5 per cent of purchases in 4Q 2023 while foreigners account for a mere 1.5 per cent.”

The ABSD was doubled for foreigners and increased for Singaporeans and permanent residents buying more than one property, as part of cooling measures introduced in April. It was the third round of cooling measures since December 2021.

Chief executive officer of ERA Singapore Marcus Chu said although the ABSD hike in April was a “curveball” in 2023, the residential sector may have found its footing with the gradual return of local buyers in the fourth quarter.

Ms Christine Sun, senior vice president of research and analytics at OrangeTee and Tie, noted that the faster growth in the fourth quarter was driven by price increases in the prime areas or the core central region (CCR) at 4.2 per cent, as well as the suburban areas or outside the central region (OCR) at 4.6 per cent. Source: Reuters And CNA

ក្រុមហ៊ុន Japan Airlines ប៉ាន់ប្រមាណឃើញការខាតបង់អស់ប្រហែល១០៥លានដុល្លារ ពីគ្រោះថ្នាក់ឆេះយន្តហោះ

ដោយ: គង់ លាងហួរ
អន្តរជាតិ: ក្រុមហ៊ុនអាកាសចរណ៍ Japan Airlines(JAL) បានប៉ាន់ប្រមាណថា ការបុកគ្នារវាងជើងហោះហើរ JL516 របស់ខ្លួនជាមួយនឹងយន្តហោះឆ្មាំឆ្នេរសមុទ្រជប៉ុនកាលពីថ្ងៃអង្គារ បានបណ្តាលឱ្យមានការខាតបង់ក្នុងទំហំទឹកប្រាក់ប្រហែល១៥ពាន់លានយ៉េន ពោលគឺប្រហែល១០៥លានដុល្លារ។

ក្រុមហ៊ុន Japan Airlines បានអះអាងថា ការបាត់បង់យន្តហោះនេះនឹងត្រូវបានគ្របដណ្តប់ដោយការធានារ៉ាប់រង ដោយបន្ថែមថា ក្រុមហ៊ុនកំពុងវាយតម្លៃផលប៉ះពាល់លើការព្យាករណ៍ប្រាក់ចំណូលរបស់ខ្លួនសម្រាប់ឆ្នាំហិរញ្ញវត្ថុ ដែលនឹងបញ្ចប់នៅថ្ងៃទី៣១ ខែមីនាខាងមុខ។

យោងតាមប្រភពឧស្សាហកម្មធានារ៉ាប់រងបានឱ្យដឹងថា ក្រុមហ៊ុនធានារ៉ាប់រងអាមេរិក AIG គឺជាក្រុមហ៊ុននាំមុខគេលើ“គោលនយោបាយធានារ៉ាប់រងគ្រប់ហានិភ័យទាំងអស់ តម្លៃ១៣០លានដុល្លារ” សម្រាប់យន្តហោះ JAL Airbus A350 ដែលត្រូវបានបំផ្លាញដោយអគ្គីភ័យ បន្ទាប់ពីមានការប៉ះទង្គិចនៅអាកាសយានដ្ឋាន Haneda ក្នុងទីក្រុងតូក្យូ។ភាគហ៊ុនរបស់ក្រុមហ៊ុន Japan Airlines បានងើបឡើងថ្លៃ០,៥ភាគរយ ដែលបង្ហាញពីការស្ងប់ស្ងាត់ប្រតិកម្មចំពោះគ្រោះថ្នាក់ឆេះយន្តហោះខាងលើ ខណៈការជួញដូរផ្សារហ៊ុននៅប្រទេសជប៉ុន បានបើកដំណើរការឡើងវិញ នៅថ្ងៃព្រហស្បតិ៍នេះ។ ដំបូងឡើយ ភាគហ៊ុននេះ បានធ្លាក់ថ្លៃចុះរហូតដល់ទៅ២,៤ភាគរយ មុនពេលស្ទុះងើបឡើងវិញ។

អ្នកដំណើរចំនួន៣៧៩នាក់នៅលើយន្តហោះ អាចជម្លៀសចេញពីយន្តហោះដែលកំពុងឆេះដោយមានសុវត្ថិភាព ខណៈនាវិកចំនួន៥នាក់ក្នុងចំណោម៦នាក់នៅលើយន្តហោះឆ្មាំឆ្នេរសមុទ្របានស្លាប់នៅក្នុងគ្រោះថ្នាក់មួយនេះ។

ថ្លែងនៅក្នុងសន្និសីទសារព័ត៌មាន មន្ត្រីក្រសួងដឹកជញ្ជូនរបស់ប្រទេសជប៉ុនឱ្យដឹងថា យន្តហោះដឹកអ្នកដំណើរ JAL មានបំណងចុះចតជាធម្មតា នៅពេលបុកជាមួយយន្តហោះឆ្មាំល្បាតឆ្នេរនៅលើផ្លូវយន្តហោះចុះចត។ យន្តហោះឆ្មាំល្បាតឆ្នេរ ត្រូវធ្វើដំណើរទៅកាន់ ទីក្រុងNiigata ដើម្បីផ្តល់ជំនួយទៅឱ្យជន ដែលរងគ្រោះដោយសារការរញ្ជួយដី។

យោងតាមមន្ត្រីដដែលឱ្យដឹងទៀតថា មិនមានការរាយការណ៍ណាមួយពីបញ្ហាម៉ាស៊ីន ឬបញ្ហាផ្សេងទៀតរបស់យន្តហោះដឹកអ្នកដំណើរឡើយ៕

សណ្ឋាគារនិងភោជនីយដ្ឋានប្រណីតមួយទៀតបើកដំណើរការ នៅក្រុងព្រះសីហនុ

ដោយៈ គង់ ហ្វីអូណា

ព្រះសីហនុៈ លោកគួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងពិធីសម្ពោធសណ្ឋាគារ កាស៊ីណូ ប៉ាវលី ភោជនីយដ្ឋានឆាវសាន់ និងក្រុមហ៊ុនហុងមិនសាងហាង មានទីតាំងនៅសង្កាត់លេខ៤ ក្រុងព្រះសីហនុ ខេត្តព្រះសីហនុ

លោក លីវ ហ័នស៊ីន (Liu Huanxin) អ្នកគ្រប់គ្រងសណ្ឋាគារ និងកាស៊ីណូ ប៉ាវលី មានបន្ទប់១១៥ មានបរិក្ខាររចនាបទទំនើបតាមយុគ្គសម័យថ្មី ផ្តល់ជូនការរស់នៅមានផាសុខភាពស័ក្តិសមជាមួយមនុស្សសម័យថ្មីផងដែរ និងអាចទទួលការរៀបចំកម្មវិធី នៅក្នុងសណ្ឋាគារ ក្រៅពីបរិក្ខារផ្សេងៗ ក៏បានផ្តល់ជូននូវអាហារមានរស់ជាតិ ស្របតាមតម្រូវការអតិថិជន។

លោកបន្តថា “មិនមែនជាការចាប់ផ្តើមថ្មីប៉ុណ្ណោះទេ វាគឺជានិមិត្តសញ្ញាចាប់ផ្តើមនៃក្តីបំណង និងក្តីស្រមៃរបស់យើង និងជាការបើកទំព័រប្រវត្តិសាស្ត្រថ្មី សម្រាប់ពួកយើងទាំងអស់គ្នា”។ លោកបន្តថា “យើងនឹងប្រើប្រាស់ នូវបច្ចេកវិទ្យាអេឡិចត្រូនិក ដែលទំនើបបំផុតរួមទាំងបញ្ចូលនូវវប្បធម៌ និងបញ្ចេញនូវសមិទ្ធផលបន្ថែមទៀត យើងសង្ឃឹមក្លាយជាគោលដៅ អាជីវកម្មមួយដែលក្លាហាន រក្សានូវវប្បធម៌ និងសូមអរគុណអតិថិជនដែលបានគាំទ្រ ពិសេសដៃគូរសហការដែលមិនអាចខ្វះបាន ដើម្បីប្រកួតប្រជែងទទួលបានជោគជ័យ”។

លោកគួច ចំរើន អភិបាលខេត្តព្រះសីហនុបានបញ្ជាក់ថា ការបើកឱ្យដំណើរការសណ្ឋាគារ កាស៊ីណូប៉ាវលី ភោជនីយដ្ឋានឆាវសាន់ និងក្រុមហ៊ុនហុង មិនសាងហាងនាឱកាសនេះ ជាសក្ខីភាពបង្ហាញឱ្យឃើញពីការជឿជាក់ របស់អ្នកវិនិយោគទុន មកលើរាជរដ្ឋាភិបាលកម្ពុជា ក្រោមការដឹកនាំដ៏ត្រឹមត្រូវ ប្រកបដោយគតិបណ្ឌិតដ៏ខ្ពង់ខ្ពស់បំផុតរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

លោកបន្តថា សមិទ្ឋផលនេះ បានចូលរួមចំណែកលើកកម្ពស់វិស័យទេសចរណ៍ នៅក្នុងខេត្តឱ្យកាន់តែមានភាពទាក់ទាញ និងរីកចម្រើនទៅមុខជាលំដាប់ ជាពិសេសផ្តល់ការងារជូនប្រជាពលរដ្ឋខេត្តព្រះសីហនុ ចូលរួមចំណែកជាមួយរាជរដ្ឋាភិបាលកម្ពុជា ក្នុងការលើកកម្ពស់កម្រិតជីវភាព និងកាត់បន្ថយភាពក្រីក្ររបស់ប្រជាពលរដ្ឋស្របតាមគោលនយោបាយ និងយុទ្ធសាស្រ្តបញ្ចកោណដំណាក់កាលទី១ របស់រាជរដ្ឋាភិបាលកម្ពុជា។

លោកបានអបអរសាទរប្រធានក្រុមហ៊ុនទាំងបី ដែលមានឆន្ទៈសម្រេចចិត្តវិនិយោគ នៅខេត្តព្រះសីហនុ សមិទ្ធផលថ្មីដែលក្រុមហ៊ុនសម្រេចចិត្តដាក់សម្ពោធថ្ងៃនេះ អបអរសាទរឆ្នាំ២០២៤៕