ខេត្តកោះកុងរៀបចំកែសម្រួលព្រំប្រទល់រដ្ឋបាលក្នុងមូលដ្ឋានរបស់ខ្លូន

ដោយៈ គង់ សូរិយា

ភ្នំពេញៈ អាជ្ញាធរខេត្តកោះកុង បានប្រជុំពិគ្រោះយោបល់អំពីការកែសម្រួលព្រំប្រទល់គ្រប់គ្រងរដ្ឋបាល ឃុំ សង្កាត់ ក្រុង ស្រុក មួយចំនួនក្នុងភូមិសាស្រ្តខេត្ត។

លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង កាលពីថ្ងៃទី៥ ខែកញ្ញា ឆ្នាំ២០២៣ បានដឹកនាំកិច្ចប្រជុំ ពិគ្រោះយោបល់អំពីការកែសម្រួល ព្រំប្រទល់គ្រប់គ្រងរដ្ឋបាលឃុំ សង្កាត់ ក្រុង ស្រុក មួយចំនួនក្នុងភូមិសាស្រ្តខេត្តកោះកុង។

លោកស្រីអភិបាលខេត្ត ដែលបានដឹកនាំអង្គប្រជុំ បានជម្រាបឱ្យដឹងថា ក្រោមការដឹកនាំដ៏ប៉ិនប្រសព្វ និងឈ្លាសវៃ របស់ប្រមុខថ្នាក់ដឹកនាំ បានធ្វើឱ្យប្រទេសកម្ពុជា មានការរីកចម្រើនគ្រប់វិស័យគួរជាទីមោទកៈ ។

ជារួម និងដោយឡែកសម្រាប់ខេត្តកោះកុង ក៏ទទួលបាននូវសមិទ្ធផល នៃការរីកចម្រើន និងការអភិវឌ្ឍ ទាំងសេដ្ឋកិច្ច និងសង្គម។ តួយ៉ាងដូចជា វិស័យនគរូបនីយកម្ម និងដីធ្លី ដោយមានកំណើនប្រជាពលរដ្ឋនៅមូលដ្ឋាន ការពង្រីកផ្ទៃដីដាំដុះ បង្កើនផលិតភាពកសិកម្ម ដើម្បីឆ្លើយតបតម្រូវការប្រើប្រាស់ និងដើម្បីធានានូវសិទ្ធិស្របច្បាប់លើដីធ្លីផងដែរនោះ រាជរដ្ឋាភិបាល បានធ្វើអនុបយោគដីឯកជនរបស់រដ្ឋ ដោយបានកាត់ឆ្វៀលដីតំបន់ការពារធម្មជាតិ និងដីសម្បទានសេដ្ឋកិច្ចមួយចំនួន សម្រាប់ធ្វើប្រទានកម្មកម្មសិទ្ធិជូនប្រជាពលរដ្ឋជាបន្តបន្ទាប់។

លោកជំទាវមិថុនា ភូថងបានបន្តថា ទន្ទឹមនឹងនោះ កំឡុងពេលអនុវត្ត ការចុះបញ្ជីដីមានលក្ខណៈជាប្រព័ន្ធ នៅតាមមូលដ្ឋានឃុំ សង្កាត់ ក្រុង ស្រុក មួយចំនួន នៃខេត្ត ក៏ជួបប្រទះនូវបញ្ហាប្រឈមអំពីព្រំប្រទល់គ្រប់គ្រងរដ្ឋបាល ដែលមិនច្បាស់លាស់ ដែលបណ្តាលឱ្យដំណើរការនៃការចុះបញ្ជីដីពោល គឺការផ្តល់ជូននូវកម្មសិទ្ធិស្របច្បាប់ជូនប្រជាពលរដ្ឋ ត្រូវបានរាំងស្ទះ ដោយអន្លើៗនៅតាមទីតាំងភូមិសាស្រ្តណាមួយ។

បន្ទាប់ពីបានប្រមូលធាតុចូល ទាំងបញ្ហាប្រឈម និងដំណោះស្រាយជានីតិវិធី ជាលទ្ធផល លោកជំទាវអភិបាលខេត្ត បានផ្តល់អនុសាសន៍ណែនាំសម្រាប់ការអនុវត្តបន្ត ដោយតម្រូវឱ្យ ទី១ រដ្ឋបាលខេត្ត ពិនិត្យលទ្ធភាពបង្កើតក្រុមការងារ ចំពោះកិច្ចសិក្សាចងក្រងទិន្នន័យព្រំប្រទល់គ្រប់គ្រងរដ្ឋបាលឃុំ សង្កាត់ ក្រុង ស្រុក ដែលមិនច្បាស់លាស់ ទូទាំងខេត្ត។ ទី២.រដ្ឋបាលក្រុង ស្រុក ត្រូវដឹកនាំការងារសិក្សា ចងក្រងទិន្នន័យព្រំប្រទល់គ្រប់គ្រងរដ្ឋបាល ឃុំ សង្កាត់ ក្រុង ស្រុក ក្នុងមូលដ្ឋានរបស់ខ្លួននីមួយៗ។

ទី៣.កំណត់កាលបរិច្ឆេទ និងអាទិភាពក្នុងការអនុវត្តរបស់ក្រុមការងារចំពោះកិច្ចខាងលើ។លោកជំទាវអភិបាលខេត្ត ក៏បានណែនាំឲ្យមន្ទីរ អង្គភាព អាជ្ញាធរមូលដ្ឋាន និងអ្នកពាក់ព័ន្ធ ត្រូវបន្តពង្រឹងប្រសិទ្ធភាពការងាររបស់ខ្លួនក្នុងការបម្រើសេវាជូនប្រជាពលរដ្ឋ៕

សារពត៌មានរដ្ឋចិន និងសារពត៌មានធំៗផ្សេងទៀតលើកឡើងខុសគ្នាដូចម្តេចពីស្ថានភាពសេដ្ឋកិច្ចរបស់ចិន?

ដោយ: គង់ លាងហួរ

ប៉េកាំង: មន្ត្រីចិនមួយរូបលើកឡើងថា សេដ្ឋកិច្ចចិននឹងរក្សាបានស្ថិរភាព និងនិន្នាការវិជ្ជមានរបស់ខ្លួន នៅក្នុងឆមាសទី២ នៃឆ្នាំនេះ បន្ទាប់ពីមានការស្ទុះងើបឡើងវិញ ប្រកបដោយនិរន្តរភាពក្នុងអំឡុងខែមករា ដល់ខែមិថុនា។

ថ្លែងក្នុងអំឡុងសន្និសីទសារព័ត៌មានមួយ លោក Yuan Da មកពីគណៈកម្មាធិការអភិវឌ្ឍន៍ និងកំណែទម្រង់ជាតិ (NDRC) បានលើកឡើងពីការផ្លាស់ប្តូរជាវិជ្ជមាន នៅក្នុងសូចនាករសេដ្ឋកិច្ចផ្សេងៗសម្រាប់ខែកក្កដា ដូចជាកំណើនដ៏លឿនជាងមុន លើការផលិតថាមពល ការរំពឹងទុករបស់ទីផ្សារប្រសើរឡើង និងការកើនឡើងនៃសន្ទស្សន៍គ្រប់គ្រងការទិញផលិតកម្ម(manufacturing purchasing managers’ index)។

ប្រទេសចិនបានចាត់វិធានការសំខាន់ៗ ដើម្បីពង្រីក និងពង្រឹងគោលនយោបាយអំណោយផល សម្រាប់សហគ្រាសនានា ក្នុងឆ្នាំនេះ។ វិធានការទាំងនោះ រួមមានចាប់តាំងពីការបន្ធូរបន្ថយពន្ធសម្រាប់ក្រុមហ៊ុនតូចៗ រហូតដល់ការលើកលែងពន្ធទិញ សម្រាប់រថយន្តថាមពលថ្មី ដូច្នេះវាអាចបង្កើតបរិយាកាស គោលនយោបាយដែលមានស្ថិរភាព និងបង្កើនទំនុកចិត្តលើអាជីវកម្ម។

នេះបើយោងតាមការចុះផ្សាយ ដោយសារពត៌មានរដ្ឋចិន Xinhua កាលពីពេលថ្មីៗកន្លងមកនេះ។

វិធានការថ្មីមួយចំនួន ក៏ត្រូវបានដាក់ចេញផងដែរ រួមមានដូចជា ជំនួយហិរញ្ញប្បទាន សម្រាប់ក្រុមហ៊ុនបច្ចេកវិទ្យា ការលើកទឹកចិត្តសម្រាប់ការប្រើប្រាស់រថយន្ត និងឧបករណ៍អេឡិចត្រូនិក ព្រមទាំងវិធានការជំរុញសេដ្ឋកិច្ចឯកជន។

លោក Yuan បានអះអាងថា ដើម្បីឆ្លើយតបទៅនឹងការផ្លាស់ប្តូរខាងផ្នែកសេដ្ឋកិច្ចថ្មី នៅក្នុងត្រីមាសទីពីរ វិធានការមួយចំនួនផ្សេងទៀត កំពុងត្រូវបានដាក់ឱ្យចូលជាធរមាន ឱ្យបានទាន់ពេលវេលា ដើម្បីផ្តល់នូវការគាំទ្រគោលនយោបាយដ៏រឹងមាំ សម្រាប់ពង្រឹងការងើបឡើងវិញនៃសេដ្ឋកិច្ច។

ជាពិសេស កិច្ចខិតខំប្រឹងប្រែង នឹងត្រូវបានធ្វើឡើង ដើម្បីជំរុញការទិញរថយន្ត និងការវិនិយោគឯកជន ក៏ដូចជាការខិតខំបំពេញតម្រូវការលំនៅដ្ឋានរបស់អ្នកស្រុកផងដែរ។ ចំណែក ក្រុមហ៊ុនខ្នាតតូចៗ នឹងទទួលបានការគាំទ្រផ្នែកសារពើពន្ធ និងហិរញ្ញវត្ថុកាន់តែច្រើន ហើយការធ្វើឱ្យប្រសើរឡើង ខាងផ្នែកឧស្សាហកម្មនឹងត្រូវបានពន្លឿន។

លើសពីនេះ និស្សិតដែលបានបញ្ចប់ការសិក្សា នៅមហាវិទ្យាល័យថ្មីៗ និងក្រុមអ្នកស្វែងរកការងារសំខាន់ៗ នឹងត្រូវបានផ្តល់ជំនួយបន្ថែមទៀត ហើយបណ្តាញសន្តិសុខសង្គមនឹងត្រូវបានពង្រឹង។

លោក Yuan បានបន្ថែមទៀតថាហានិភ័យ បូករួមទាំងបញ្ហានានាក្នុងវិស័យអចលនទ្រព្យ បំណុលរដ្ឋបាលក្នុងតំបន់ និងវិស័យហិរញ្ញវត្ថុ នឹងត្រូវបានគ្រប់គ្រងប្រកបដោយប្រសិទ្ធភាព។

ទោះជាយ៉ាងនេះក្តី យោងតាមការចុះផ្សាយសារពត៌មាន CNN ដែលមានមូលដ្ឋាននៅសហរដ្ឋអាមេរិក កាលពីដំណាច់ខែឧសភាកន្លងទៅបានឱ្យដឹងថា ការស្ទុះងើបឡើងវិញ នៃសេដ្ឋកិច្ចរបស់ប្រទេសចិន បានបាត់បង់ថាមពល ខណៈផលិតកម្មរោងចក្រដាំក្បាលចុះ។

ម្យ៉ាងវិញទៀត កាលពីពេលថ្មីៗនេះ សារពត៌មានអង់គ្លេស Reuters បានរាយការណ៍ថា ប្រទេសចិនបានធ្លាក់ចូល ទៅក្នុងវិបត្តិបរិត្តផរណា សន្ទស្សន៍តម្លៃទំនិញប្រើប្រាស់ (CPI) បានធ្លាក់ចុះ០,៣% នៅក្នុងខែកក្កដាធៀបនឹងឆ្នាំមុន។

ទន្ទឹមគ្នានេះ សារពត៌មាន CNA ក៏ធ្លាប់បានចុះផ្សាយផងដែរថា ការដាំក្បាលនៃទីផ្សារអចលនទ្រព្យ រួមទាំងការថយចុះនៃតម្រូវការទាំងក្នុង និងក្រៅប្រទេស បានជះផលប៉ះពាល់ខ្លាំង ទៅលើសេដ្ឋកិច្ចចិន។

សារព័ត៌មានធំៗជាច្រើន នៅលើពិភពលោក កាន់តែពិបាកក្នុងការផ្ទៀងផ្ទាត់ពីស្ថានភាពពិត ដោយសារពួកគេមាននិន្នាការនយោបាយនៅក្នុងបទវិភាគ និងសំណេររបស់ខ្លួន។ នេះបើតាមការអះអាងរបស់លោកយិន លាងគង់សហស្ថាបនិក និងអគ្គនាយកគេហទំព័រPropertyarea.asia ដែលបានតាមដានស្ថានភាព និងការវិវត្តក្នុងវិស័យសារគមនាគមន៍ អស់រយៈពេលជាង២០ឆ្នាំកន្លងមកនេះ៕

សម្តេចហ៊ុន ម៉ាណែតកំពុងបង្ហាញភាពលេចធ្លោក្នុងកិច្ចប្រជុំកំពូលអាស៊ាន និងនាំនូវឱកាសជាច្រើនសម្រាប់កម្ពុជា

ដោយៈ គង់ ហ្វីអូណា

ឥណ្ឌូនេស៊ីៈ សម្តេចមហាបវរធិបតីហ៊ុន ម៉ាណែត នាយករដ្ឋមន្រ្តីនៃកម្ពុជា បានជួបពិភាក្សាទ្វេរភាគី និងពហុភាគីជាច្រើន នៅក្នុងអំឡុងពេលសម្តេច បាននិងកំពុងអញ្ជើញចូលរួម កិច្ចប្រជុំកំពូលអាស៊ាន នៅប្រទេសឥណ្ឌូនេស៊ី។

តាមរយៈការចូលរូមកិច្ចប្រជុំនេះ សម្តេចហ៊ុន ម៉ាណែតបានក្លាយជាតួអង្គនយោបាយលេចធ្លោ និងវ័យក្មេងជាងគេ ក្នុងចំណោមមេដឹកនាំកំពូលអាស៊ាន។

ក្នុងឱកាសអញ្ជើញចូលរួមកិច្ចប្រជុំ កំពូលថ្នាក់តំបន់នេះ សម្តេច បានជួបពិភាក្សាការងារជាមួយលោកលី សៀនលុង នាយករដ្ឋមន្រ្តីសិង្ហបុរីកាលពីថ្ងៃទី៥ ខែកញ្ញា ឆ្នាំ២០២៣នេះ បានពិភាក្សាទៅលើការបន្តពង្រឹង កិច្ចសហប្រតិបត្តិការដែលមានស្រាប់ និងពង្រីកកិច្ចសហប្រតិបត្តិការលើវិស័យ ដែលមានសក្ដានុពលនានា។ក្នុងជំនួបនៅរដ្ឋធានីហ្សាការតា នៃសាធារណរដ្ឋឥណ្ឌូណេស៊ីថ្ងៃនេះ ថ្នាក់ដឹកនាំទាំងពីរសម្រេចបន្តពង្រឹង និងពង្រីកកិច្ចសហប្រតិបត្តិការលើវិស័យ ដូចជា ពាណិជ្ជកម្ម វិនិយោគ ទេសចរណ៍ អប់រំ សន្តិសុខថាមពល សុខាភិបាល ឌីជីថល កសិកម្ម និង ការពារជាតិ ។ ប្រមុខរដ្ឋាភិបាលទាំងពីរ ក៏បានពិភាក្សាលើលទ្ធភាពក្នុងការនាំអង្ករ និងផលិតផលកសិកម្មដទៃទៀតពីកម្ពុជា ចូលមកកាន់ទីផ្សារសិង្ហបុរី ក៏ដូចជា គម្រោងនៃការសាងសង់ខ្សែ បញ្ជូនថាមពលក្រោមសមុទ្រ ពីប្រទេសឡាវ ឆ្ពោះទៅប្រទេសសិង្ហបុរីផងដែរ ។

សម្តេចមហាបវរធិបតីហ៊ុន ម៉ាណែតបានសម្តែងនូវបំណងរបស់កម្ពុជា ក្នុងការរៀនសូត្រ ពីបទពិសោធន៍របស់សិង្ហបុរី ពាក់ព័ន្ធទៅនឹងវិស័យការពារជាតិ ជាពិសេសពាក់ព័ន្ធទៅនឹង ការអនុវត្តកាតព្វកិច្ចយោធារបស់ប្រជាពលរដ្ឋ។

ជាមួយគ្នានេះ ក្នុងជំនួបពិភាក្សាការងារទ្វេរភាគី ជាមួយលោកចូកូ វីដូដូ ប្រធានាធិបតីឥណ្ឌូនេស៊ី សម្តេចហ៊ុន ម៉ាណែតបានជម្រុញទំហំពាណិជ្ជកម្មទ្វេរភាគីផងដែរ ពិសេសការនាំចេញអង្ករពីកម្ពុជា ដែលជាលទ្ឋផល ភាគីឥណ្ឌូនេស៊ី បានយល់ព្រមទិញអង្ករពីកម្ពុជា ក្នុងបរិមាណប្រមាណ២៥ម៉ឺនតោនក្នុងមួយឆ្នាំ។

លោកចូកូ វីដូដូ បានមានប្រសាសន៍ថា “ខ្ញុំពេញចិត្តចំពោះការឆ្លើយតបជាវិជ្ជមានពីកម្ពុជា ពាក់ព័ន្ធនឹងការនាំចូលអង្ករ២៥០, ០០០ តោនពីប្រទេសជិតខាងរបស់យើង”។

លើសពីនេះ កាលពីល្ងាចថ្ងៃទី៥ ខែកញ្ញា ឆ្នាំ ២២៣ ក្នុងឱកាសអញ្ជើញចូលរួម ក្នុងកិច្ចប្រជុំកំពូលអាស៊ានលើកទី៤៣ សម្ដេចមហាបវរធិបតីហ៊ុន ម៉ាណែតបានជួបជាមួយ នឹងលោកFerdinand Romualdez Marcos Jr.) ប្រធានាធិបតីហ្វីលីពីន និងបានអញ្ជើញធ្វើជាសាក្សី ក្នុងពិធីចុះហត្ថលេខាលើអនុស្សរណៈ នៃការយោគយល់គ្នាសម្រាប់ភាពជាដៃគូ ក្នុងការអភិវឌ្ឍកសិកម្ម និងសហគ្រាស មីក្រូ-ធុនតូច និងមធ្យមកម្ពុជា-ហ្វីលីពីន។

ការចុះអនុស្សរណ:យោគយល់នេះ ត្រូវបានធ្វើឡើងរវាងអ្នក ឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមបឹក្សាពិគ្រោះយោបល់ធុរកិច្ចអាស៊ាន សម្រាប់កម្ពុជាជាមួយលោក JOSE MA. ACONCEPCION III ប្រធានក្រុមប្រឹក្សាពិគ្រោះយោបល់ធុរកិច្ច អាស៊ាន សម្រាប់ហ្វីលីន ដោយផ្តោតជាសំខាន់លើ ការលើកកម្ពស់វិស័យកសិកម្ម និងការជំរុញកាលានុវត្តភាពកសិពាណិជ្ជកម្ម ប្រកបដោយចីរភាព។

អ្វីកាន់តែមានសារៈសំខាន់ សម្តេចហ៊ុន ម៉ាណែតបានជួបពិភាក្សាត្រីភាគី ជាមួយមេដឹកនាំឡាវ និងវៀតណាមផងដែរ។

ជំនួបនៅថ្ងៃដដែល ជាមួយមេដឹកនាំដទៃទៀតនេះ បានធ្វើឡើងបន្ទាប់ពីមេដឹកនាំប្រទេសទាំងបី បានអញ្ជើញចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំពាក់ព័ន្ធ នៅទីក្រុងហ្សាកាតា ប្រទេសឥណ្ឌូនេស៊ី។

មេដឹកនាំនៃប្រទេសជិតខាងទាំង៣ បានជម្រាបជូនគ្នាទៅវិញទៅមក អំពីការអភិវឌ្ឍសេដ្ឋកិច្ច សង្គមរបស់ប្រទេសរៀងៗខ្លួន និងបានផ្លាស់ប្តូរទស្សនៈលើ វិស័យសហប្រតិបត្តិការរួម បញ្ហាតំបន់ និងអន្តរជាតិដែលជាក្ដីកង្វល់រួម។

ចំណែក ក្នុងជំនួបជាមួយនាយករដ្ឋមន្រ្តីម៉ាឡេស៊ី សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានស្នើសុំកិច្ចគាំទ្រពីនាយករដ្ឋមន្រ្តីរូបនេះ សម្រាប់គម្រោងនៃការសាងសង់ខ្សែ បញ្ជូនថាមពលក្រោមសមុទ្រទៅកាន់សិង្ហបុរី។

សំណើភាគីកម្ពុជា បានធ្វើឡើងក្នុងជំនួបរវាងសម្តេចធិបតី ហ៊ុន ម៉ាណែត ជាមួយ លោកDato’ Seri Anwar_bin Ibrahim នាយករដ្ឋមន្ត្រីម៉ាឡេស៊ី នៅរដ្ឋធានីហ្សាកាតា។

នាយករដ្ឋមន្រ្តីម៉ាឡេស៊ី បានសម្តែងនូវការអបអរសាទរចំពោះ សម្តេចមហាបវរធិបតី ដែលត្រូវបានជ្រើសតាំងជានាយករដ្ឋមន្ត្រី នៃរាជរដ្ឋាភិបាលកម្ពុជា នីតិកាលទី៧នៃរដ្ឋសភា ហើយភាគីម៉ាឡេស៊ី មានជំនឿថា ទំនាក់ទំនង និងកិច្ចសហប្រតិបត្តិការរវាង ប្រទេសទាំងពីរ នឹងបន្តនិរន្តរភាពយ៉ាងល្អ និងរីកលូតលាស់បន្ថែមទៀត ក្រោមដឹកនាំរបស់ សម្ដេចមហាបវរធិបតី៕

Asian shares slide as China optimism fades; RBA keeps rates steady

SINGAPORE : Asian stocks fell on Tuesday as weak service sector data rekindled worries over China’s sputtering post-pandemic economy, while the Reserve Bank of Australia kept interest rates unchanged, as expected, for a third month in a row.

MSCI’s broadest index of Asia-Pacific shares outside Japan was 0.65 per cent lower at 511.63, moving away from 515.37, the highest level since Aug. 11 it touched on Monday.

Futures indicated that the dour mood was likely to spread to Europe, with the Eurostoxx 50 futures down 0.21 per cent, German DAX futures down 0.20 per cent and FTSE futures 0.29 per cent lower.

“To be fair, China’s measures so far are a mere relaxation of over-regulation that can merely stop or slow down further damage, and not particularly stimulus actions that can reverse the damage,” Chanana said. Source: Reuters

សេដ្ឋកិច្ចរបស់ប្រទេសកូរ៉េខាងត្បូងកើនឡើងក្នុងល្បឿនលឿនជាងមុន នៅក្នុងត្រីមាសទី២

ដោយ: គង់ លាងហួរ
សេអ៊ូល: យោងតាមទិន្នន័យរបស់ធនាគារកណ្តាលកូរ៉េខាងត្បូង(BOK)បានបង្ហាញនៅថ្ងៃអង្គារនេះថា សេដ្ឋកិច្ចរបស់ប្រទេសនេះបានកើនឡើង ក្នុងល្បឿនលឿនជាងមុនបន្តិចនៅក្នុងត្រីមាសទី២ ទោះបីជាការនាំចេញដាំក្បាលចុះយ៉ាងណាក្តី។

ផលិតផលក្នុងស្រុកសរុបពិតប្រាកដរបស់ប្រទេសកូរ៉េខាងត្បូង (GDP) ដែលជារង្វាស់សំខាន់នៃកំណើនសេដ្ឋកិច្ច បានកើនឡើង០,៦ភាគរយនៅត្រីមាសទី២ ក្នុងអំឡុងខែមេសាដល់ខែមិថុនា ពោលគឺត្រូវគ្នានឹងការព្យាករណ៍ពីមុន។កំណើនសេដ្ឋកិច្ចកូរ៉េខាងត្បូងនៅក្នុងត្រីមាសទីពីរគឺមានអត្រាខ្ពស់ជាង បើប្រៀបធៀបនឹងកំណើនត្រឹមតែ០,៣ភាគរយនៅក្នុងត្រីមាសទីមួយ។

សេដ្ឋកិច្ចធំបំផុតលំដាប់ទី៤របស់តំបន់អាស៊ីមួយនេះ បានស្ថិតនៅលើផ្លូវនៃការងើបឡើងវិញ ចាប់តាំងពីវាបានធ្លាក់ចុះ០,៣ភាគរយនៅក្នុងត្រីមាសទី៤ កាលពីឆ្នាំមុន។ផ្អែកលើមូលដ្ឋានប្រចាំឆ្នាំ សេដ្ឋកិច្ចរបស់ប្រទេសកូរ៉េខាងត្បូងបានកើនឡើង០,៩ភាគរយនៅក្នុងត្រីមាសទី២ ពោលគឺដូចគ្នាទៅនឹងអត្រាកើនឡើងប្រចាំឆ្នាំក្នុងត្រីមាសទីមួយដែរ។

ធនាគារកណ្តាលកូរ៉េបានអះអាងថា កំណើនសេដ្ឋកិច្ចនៅត្រីមាសទីពីរបានកើតឡើង ស្របពេលដែលការនាំចូលបានធ្លាក់ចុះក្នុងអត្រាមួយលឿនជាងការនាំចេញ។ការនាំចេញរបស់ប្រទេសកូរ៉េខាងត្បូងបានធ្លាក់ចុះ០,៩ភាគរយនៅក្នុងអំឡុងខែមេសាដល់ខែមិថុនា ខណៈដែលការនាំចូលបានធ្លាក់ចុះ៣,៧ភាគរយ។

ការនាំចេញបានធ្លាក់ចុះអស់រយៈពេល១១ខែជាប់ៗគ្នា គិតត្រឹមខែសីហា ដោយសារតម្រូវការជាចម្បងសម្រាប់ឧបករណ៍បន្ទះឈីប semiconductors ដាំក្បាលចុះ ប៉ុន្តែប្រទេសនេះបានរាយការណ៍ពីអតិរេកពាណិជ្ជកម្មសម្រាប់រយៈពេល៣ខែជាប់ៗគ្នា។

ការចំណាយឯកជនបានធ្លាក់ចុះ០,១ភាគរយនៅក្នុងត្រីមាសទីពីរ ធៀបនឹងការកើនឡើង០,៦ភាគរយនៅក្នុងត្រីមាសមុន ខណៈការចំណាយរបស់រដ្ឋាភិបាលក៏បានធ្លាក់ចុះ២,១ភាគរយនៅក្នុងត្រីមាសទី២ផងដែរ៕

Laos-Vietnam Railway Set to Open for Service in 2028

The planned Laos-Vietnam Railway, running from Thakhek district in Khammouane province to the Lao-Vietnamese border, is expected to be completed and open for service in 2028.

The Petroleum Trading Lao Public Company (PTL), in cooperation with Yooshin Engineering Corporation and Korea National Railway, will conduct a detailed design study of the railway before construction begins.

A cooperation agreement on the project was signed in Vientiane last week by the President of Petroleum Trading Lao Public (PTL) Company, Mr. Chanthone Sitthixay, the President of Yooshin Engineering Corporation, Mr. Chon Kyung-soon, and the Executive Director of Korea National Railway, Mr. Park Jin-Hyun.

The signing ceremony was attended by the President of the Executive Board of Strategy and Planning at PTL Holding Company Limited, Mr. Alounkeo Kittikhoun, senior government officials from the ministries of Planning and Investment, Natural Resources and Environment, and Public Works and Transport, as well as other relevant government bodies and company representatives.

The Laos-Vietnam Railway will be built over a distance of 250 kilometers and will cost USD 2 billion to construct, Mr. Chanthone said.

“Our company has been granted the right to be the developer. We have made every effort to fulfill our obligations under the project and have already achieved key milestones such as the completion and approval of the economic and technical feasibility study and the environmental impact study.” “The signing of the concession agreement and the detailed design study will pave the way for the construction phase in the future,” he added.

“Yooshin Engineering Corporation and Korea National Railway of the Republic of Korea have proven their high level of competency and great experience internationally about their outstanding expertise in engineering, design, construction, technology, and the management of railway projects globally and with great efficiency for over 60 years.” Source: Laotian Times

ផ្លូវដែកតភ្ជាប់ប្រទេសឡាវ និងវៀតណាមគ្រោងនឹងចាប់បើកដំណើរការនៅឆ្នាំ២០២៨

ដោយ: គង់ លាងហួរ
អន្តរជាតិ: គម្រោងផ្លូវដែកឡាវ-វៀតណាម ដែលធ្វើដំណើរពីស្រុកថាក់កុក ក្នុងខេត្តខាំមួន ទៅកាន់ព្រំដែនឡាវ-វៀតណាម ត្រូវបានគេរំពឹងថានឹងសាងសង់បញ្ចប់រួចរាល់ និងបើកដាក់ឱ្យដំណើរការនៅឆ្នាំ២០២៨។

ក្រុមហ៊ុន Petroleum Trading Lao Public Company (PTL) សហការជាមួយសាជីវកម្មវិស្វកម្ម Yooshin និង Korea National Railway គ្រោងធ្វើការសិក្សាលើការរចនាលម្អិតនៃផ្លូវរថភ្លើងមុនពេលចាប់ផ្តើមការសាងសង់។

កិច្ចព្រមព្រៀងសហប្រតិបត្តិការលើគម្រោងនេះត្រូវបានចុះហត្ថលេខានៅទីក្រុងវៀងចន្ទន៍កាលពីសប្តាហ៍មុនដោយ លោក Chanthone Sitthixay ប្រធានក្រុមហ៊ុន Petroleum Trading Lao Public (PTL) លោក Chon Kyung-soon ប្រធានសាជីវកម្មវិស្វកម្ម Yooshin និងលោក Park Jin-Hyun នាយកប្រតិបត្តិនៃផ្លូវដែកជាតិកូរ៉េខាងត្បូង។ លោក Chanthone Sitthixay បានមានប្រសាសន៍ថា ផ្លូវដែកឡាវ-វៀតណាម នឹងត្រូវសាងសង់ក្នុងចម្ងាយ២៥០គីឡូម៉ែត្រ ហើយនឹងត្រូវចំណាយថវិកាសាងសង់២០០០លានដុល្លារអាមេរិក។

លោកបន្តថា“ក្រុមហ៊ុនរបស់យើងបានទទួលសិទ្ធិជាអ្នកអភិវឌ្ឍន៍។ជាមួយគ្នានេះ យើងបានខិតខំប្រឹងប្រែងដើម្បីបំពេញកាតព្វកិច្ចរបស់យើងក្រោមគម្រោង ហើយសម្រេចបាននូវចំណុចសំខាន់ៗដូចជាការបញ្ចប់ និងការអនុម័តនៃការសិក្សាលទ្ធភាពសេដ្ឋកិច្ច និងបច្ចេកទេស ព្រមទាំងការសិក្សាផលប៉ះពាល់បរិស្ថានផងដែរ”។នៅពេលសាងសង់បញ្ចប់ និងបើកដាក់ឱ្យដំណើរការ ផ្លូវដែកឡាវ-វៀតណាម នឹងរួមចំណែកដល់ការអភិវឌ្ឍន៍ប្រព័ន្ធហេដ្ឋារចនាសម្ព័ន្ធដឹកជញ្ជូនទំនើប និងមានស្តង់ដារ។

លើសពីនេះ វានឹងជួយកាត់បន្ថយថ្លៃចំណាយលើការដឹកជញ្ជូន ដើម្បីបង្កើនការអភិវឌ្ឍផ្នែកសេដ្ឋកិច្ចសង្គមរបស់ប្រទេសឡាវ ហើយវានឹងក្លាយជាប្រភពចំណូលដែលអាចទុកចិត្តបានសម្រាប់ថវិការបស់រដ្ឋាភិបាលក្នុងរយៈពេលវែង។

ផ្លូវដែកនេះនឹងពង្រឹងការតភ្ជាប់របស់ប្រទេសឡាវជាមជ្ឈមណ្ឌលដឹកជញ្ជូន និងពាណិជ្ជកម្មក្នុងតំបន់អាស៊ាន និងលើសពីនេះ ដែលកត្តាទាំងអស់នេះនឹងនាំមកនូវផលប្រយោជន៍យ៉ាងច្រើនដល់ប្រជាជនឡាវ។

គោលបំណងរួមនៃគម្រោងផ្លូវដែកឡាវ-វៀតណាមនេះ គឺដើម្បីគាំទ្រដល់ចក្ខុវិស័យរបស់រដ្ឋាភិបាលឡាវ និងយុទ្ធសាស្ត្រអភិវឌ្ឍន៍ជាតិ ក្នុងការប្រែក្លាយពីប្រទេស ដែលគ្មានកំពង់ផែសមុទ្រ ទៅប្រទេសដែលមានផ្លូវគមនាគមន៍ដឹកជញ្ជូនតភ្ជាប់ទៅកាន់ពិភពលោក៕

ក្រុមអ្នកធុរកិច្ចនិងអ្នកជំនាញសេដ្ឋកិច្ចជម្រុញឲ្យមានការកែលំអរបរិយាកាសវិនិយោគនៅកម្ពុជា

ដោយៈគង់ សូរិយា

ភ្នំពេញៈ ក្រុមវិនិយោគិនក្នុងស្រុក និងអ្នកជំនាញសេដ្ឋកិច្ច បានជំរុញឱ្យរដ្ឋាភិបាល កែលម្អបរិយាកាសវិនិយោគបន្ថែមទៀត ដើម្បីឱ្យកម្ពុជា ក្លាយជាប្រទេសដែលទាក់ទាញការវិនិយោគ ផ្ទាល់ពីបរទេសដ៏លេចធ្លោមួយ នៅក្នុងតំបន់អាស៊ាន។

លោកបណ្ឌិតលោក តាន់ មុនីវណ្ណ អនុប្រធានសភាពាណិជ្ជកម្មកម្ពុជា ដែលបច្ចុប្បន្នកំពុងមានវត្តមាន នៅក្នុងកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធ នៅសាធារណរដ្ឋឥណ្ឌូនេស៊ី បានប្រាប់ឱ្យដឹងនៅថ្ងៃទី៤ ខែកញ្ញា ឆ្នាំ ២០២៣ ថា រាជរដ្ឋាភិបាលថ្មីនេះ ដោយអនុវត្តយុទ្ធសាស្ត្របញ្ចកោណ ដែលបានដាក់ចេញនូវការកែទម្រង់យ៉ាងច្រើន ដើម្បីទាក់ទាញការវិនិយោគ មានទាំងការអនុវត្តបច្ចេកវិទ្យាឌីជីថល ការរៀបចំឱ្យមានច្បាប់វិនិយោគជាដើម។

លោកបញ្ជាក់ថា “តាមពិតទៅយើងធ្វើបានល្អច្រើនហើយ ទាំងហេដ្ឋារចនាសម្ព័ន្ធការរៀបចំច្បាប់ បទដ្ឋានគតិយុត្ត ការផ្លាស់ប្តូរមកប្រើប្រាស់បច្ចេកវិទ្យាឌីជីថល និងការកំណែទម្រង់នានា ដែលសំដៅទាក់ទាញការវិនិយោគពីក្រៅប្រទេស”។ លោកបន្ថែមថា “តែអ្វីដែលយើងនៅខ្វះ គឺធនធានមនុស្ស ដែលមានជំនាញពិតប្រាកដ ដែលនេះជាចំណុចសំខាន់មួយដែរ ដែលអាចធ្វើឱ្យបរទេស គេសម្រេចចិត្តមករកស៊ីនៅស្រុកយើង”។ លោកបណ្ឌិតតាន់ មុនីវណ្ណបានបន្ថែមថា ចំពោះការវិនិយោគផ្ទាល់ពីបរទេស (FDI) របស់សកលលោកនៅក្នុងអាស៊ាននេះ ត្រូវបានលើកឡើង ដោយនាយករដ្ឋមន្ត្រីឥណ្ឌូនេស៊ី ដោយគាត់បានបញ្ជាក់ថា អាស៊ាន គឺជាទិសដៅទាក់ទាញបំផុត សម្រាប់វិនិយោគិនបរទេស។

លោកបានបន្ថែមទៀតថា អាស៊ានបានធ្វើការងារច្រើនហើយ ដើម្បីជំរុញការវិនិយោគផ្ទាល់ពី បរទេសមកកាន់តំបន់ ដូចជា ការផ្លាស់ប្តូរឌីជីថល ការបណ្តុះបណ្តាលជំនាញផ្សេងៗជាដើម។ ម្យ៉ាងវិញទៀតប្រទេសក្នុងតំបន់អាស៊ាន គួរមានការចែករំលែកពីវិធីសាស្ត្រល្អជាពិសេសប្រទេស ដែលមានកំណើនFDI ខ្ពស់ គួរជួយបណ្តុះបណ្តាលប្រទេសជាសមាជិកផ្សេងទៀត ដើម្បីធ្វើឱ្យអាស៊ានកាន់តែខ្លាំង។

យោងតាមរបាយការណ៍ពរបស់ធនាគារជាតិ នៃកម្ពុជាបានបង្ហាញថា គិតត្រឹមត្រីមាសទី១ ឆ្នាំ២០២៣ វិនិយោគផ្ទាល់បរទេសនៅកម្ពុជា មាន ១៨៥,៧ ទ្រីលានរៀល (៤៥,៨ ប៊ីលានដុល្លារអាមេរិក) កើនឡើង ៩ ភាគរយធៀបនឹង រយៈពេលដូចគ្នាកាលពីឆ្នាំមុន ដែលមានប្រភពទុនចម្បង មកពីប្រទេសចិន កូរ៉េខាងត្បូង សិង្ហបុរី ជប៉ុន វៀតណាម ម៉ាឡេស៊ី ថៃ និងចក្រភពអង់គ្លេស។ លំហូរវិនិយោគនេះ គ្របដណ្តប់លើ វិស័យធំៗ ដូចជា វិស័យហិរញ្ញវត្ថុ កម្មន្តសាល អចលនទ្រព្យ សណ្ឋាគារ និងរមណីយដ្ឋាន កសិកម្ម វារីអគ្គិសនី និងសំណង់។

វិស័យហិរញ្ញវត្ថុ ទទួលបានការវិនិយោគពីបរទេស ក្នុងទំហំទឹកប្រាក់ច្រើនជាងគេ ក្នុងនោះក្រុមហ៊ុនដែលចូលមកវិនិយោគច្រើនជាងគេមានមកពី កូរ៉េ ជប៉ុន សិង្ហបុរី ម៉ាឡេស៊ី និងថៃ ជាដើម។

លោកអ៊ិន ចាន់នី ប្រធាននាយកប្រតិបត្តិធនាគារ អេស៊ីលីដា បានលើកឡើងដែរថា មានកត្តាសំខាន់ៗជាច្រើន ដែលនៅតែជំរុញឱ្យវិនិយោគិនបរទេស ចាប់អារម្មណ៍លើការវិនិយោគ លើវិស័យហិរញ្ញវត្ថុនៅកម្ពុជា។លោកបានឱ្យដឹងថា កត្តាទាំងនោះមានដូចជា ការយកចិត្តទុកដាក់របស់ធនាគារជាតិ ក្នុងនាមជានិយតករ ក្នុងវិស័យនេះ ការអនុវត្តដោយផ្អែកលើច្បាប់ និងបទប្បញ្ញត្តិអន្តរជាតិ តម្រូវការដើមទុនអប្បបរមាសម្រាប់ធនាគារ នៅមានកម្រិតទាបនៅឡើយ និងកត្តាផ្សេងៗជាច្រើនទៀត។

លោកបញ្ជាក់ថា “ការចែករំលែកព័ត៌មានស្តីពី ការអភិវឌ្ឍច្បាប់ និងបទប្បញ្ញត្តិស្តីពីធនាគារ និងហិរញ្ញវត្ថុ និងព័ត៌មានអំពីបរិយាកាសដែលពួកគេកំពុងធ្វើការ រួមទាំងព័ត៌មាននៅលើទីផ្សារ និងហានិភ័យដែលពាក់ព័ន្ធ ពិតជាមានសារៈសំខាន់”។លោកបន្តថា “វិនិយោគិនបរទេស មិនចាំបាច់ព្រួយបារម្ភ លើការផ្លាស់ប្តូរទៅជារូបិយប័ណ្ណក្នុងស្រុកទេ ព្រោះពួកគេអាចមានប្រតិបត្តិការ អាជីវកម្មរបស់ពួកគេជាដុល្លារអាមេរិកបាន ដែលនេះវាបង្កលក្ខណៈងាយស្រួលច្រើន ដល់អ្នកវិនិយោគ”។

ថ្លែងក្នុងវេទិកាធុរកិច្ចកម្ពុជា លោក ជា វុទ្ធី អគ្គលេខាធិការរងក្រុមប្រឹក្សាវិនិយោគកម្ពុជា ធ្លាប់បានលើកឡើងថា ទោះបីជាមានវិបត្តិកូវីដ១៩ ដែលកំពុងបន្តកើតមាន និងភាពតានតឹងផ្នែកភូមិសាស្ត្រនយោបាយក៏ដោយ លំហូរវិនិយោគផ្ទាល់ពីបរទេស មកកាន់ប្រទេសកម្ពុជានៅតែមានស្ថិរភាព ដោយទាក់ទាញបានចំនួន៣,៦ ពាន់លានដុល្លារកាលពីឆ្នាំមុន។ លោកបញ្ជាក់ថា “កម្ពុជាបានឈរនៅលំដាប់កំពូល ក្នុងបញ្ជីអ្នកវិនិយោគ ក្នុងប្រទេសកាលពីឆ្នាំមុន ដោយមានចំនួន៥៣,៥៤ភាគរយ តាមពីក្រោយដោយប្រទេសចិន មានចំនួន៤២,០១ភាគរយ ប្រទេសថៃចំនួន ១,០៩ ភាគរយ និងប្រទេសជប៉ុនចំនួន ០,៩៨ ភាគរយ។លោក វុទ្ធី បន្តថា តំបន់សេដ្ឋកិច្ចពិសេស មានភាពសំខាន់សម្រាប់ FDI។ SEZs បានទាក់ទាញកម្រិតសំខាន់ នៃការវិនិយោគបរទេសចូលមកក្នុងប្រទេសកម្ពុជា។

ចំណែកអ្នកជំនាញសេដ្ឋកិច្ច នៃរាជបណ្ឌិត្យសភាកម្ពុជាលោក បណ្ឌិតហុង វណ្ណៈ បានមានប្រសាសន៍ថា ដើម្បីជំរុញកំណើននៃការវិនិយោគផ្ទាល់ពីបរទេសបន្ថែមទៀត ទាំងរដ្ឋាភិបាលនិងវិស័យឯកជនត្រូវមានការពិភាក្សាគ្នាឱ្យបានលម្អិត ដើម្បីរៀបចំបរិយាកាសវិនិយោគថ្មីមួយ ដែលធ្វើឱ្យវិនិយោគិនបរទេស មានទំនុកចិត្តនិងផ្តល់ភាពចំណេញខ្ពស់នៅពេលគេសម្រេចបោះទុន។

លោកបន្តថា “ការរៀបចំគោលនយោបាយ ច្បាប់ ជារឿងសំខាន់ហើយដែលការរៀបចំហេដ្ឋារចនាសម្ព័ន្ធគាំទ្រ រឹតតែសំខាន់ថែមទៀតឯតម្លៃអគ្គិសនី អាចជាកត្តាគួបផ្សំដ៏សំខាន់ ក្នុងការទាក់ទាញវិនិយោគិនក្រៅប្រទេស”។ លោកបន្ថែមថា “ព្រោះអគ្គិសនី គឺជាធាតុផ្សំដ៏សំខាន់ សម្រាប់គ្រប់វិស័យទាំងអស់ ក្រៅពីការចំណាយលើវត្ថុធាតុដើម កម្លាំងពលកម្ម និងបច្ចេកវិទ្យាឌីជីថល”៕

China’s influence on global economy likely to be dampened

China’s full-swing reopening has long been viewed as a potential boost for the global manufacturing industry. However, changes in the country’s economic structure, coupled with the real estate crisis, are expected to result in a diminished impact on the global economy compared to previous years, as noted by the Bank of Korea (BOK) on Friday.

Concerns are rising that China’s waning growth could hinder progress in the global manufacturing industry, including in Korea.

“A significant spillover effect on the global economy was expected followed by China’s reopening, due to the country’s surge in infrastructure investment and alleviation of supply chain disruptions,” a report from the BOK’s research department stated.

“However, China’s once-dominant role in the global manufacturing industry has waned, with demand for durable goods being low and that for service consumption rising.”

Uncertainties surrounding China’s economic direction amid its recent real estate crisis are causing both individuals and firms to become risk-averse, resulting in a slowdown in external demand.

The changes are also driven by major economies restructuring their supply chains post-pandemic, with an emphasis on advanced industries to maintain dominance in their technological and production capabilities. Consequently, China’s trade volume with technologically advanced countries is declining, as the nation grapples with restricted access to advanced technologies stemming from its conflicts with the U.S. Source: Korea Times

ម្ចាស់គំរោងឆ្នេរសមុទ្រកោងកាងនឹងបើកអាហារដ្ឋានក្នុងគំរោងដើម្បីស្វាគមន៍អតិថិជន និងភ្ញៀវទេសចរណ៍

ដោយៈ គង់ សូរិយា

កែបៈ អ្នកអភិវឌ្ឍន៍គំរោងឆ្នេរសមុទ្រកោងកាង បាននិងកំពុងរៀបចំសម្ភោធអាហារដ្ឋាន នៅក្នុងគំរោងនេះ ដែលមានទីតាំងស្ថិតនៅក្នុងសង្កាត់អូរក្រសារ ក្រុងកែប ខេត្តកែប។

លោកCooler Tanអគ្គនាយកក្រុមហ៊ុនYoungsia Real Estate ដែលបាននិងកំពុងអភិវឌ្ឍន៍ គំរោងឆ្នេរសមុទ្រកោងកាង បានមានប្រសាសន៍ឲ្យដឹងនាព្រឹកថ្ងៃទី៥ កញ្ញានេះថា រហូតមកទល់ពេលនេះ ការសាងសង់ហេដ្ឋារចនាសម្ព័ន្ឋនានា សម្រេចបានជាង៧០ភាគរយហើយ ស្របពេលអ្នកទិញដីលំហែរក្នុងគំរោងនេះ បានចាប់ផ្តើមសាងសង់ផ្ទះបណ្តើរៗ ស្របពេលនិងភ្ញៀវទេសចរណ៍ បានចូលទស្សនាកំសាន្តកាន់តែច្រើនផងដែរ។ លោកបន្តថា ដោយមើលឃើញពីតម្រូវការចាំបាច់ សម្រាប់អ្នកសាងសង់ផ្ទះលំហែរ និងភ្ញៀវចូលទស្សនាគំរោងនេះ ក្រុមហ៊ុនបានសម្រេចរៀបចំអាហារដ្ឋាន ប្រកបដោយស្តង់ដា អនាម័យ សម្រាប់បំពេញតម្រូវការរបស់ភ្ញៀវទេសចរណ៍ ក៏ដូចជាអ្នកមានផ្ទះលំហែរនៅក្នុងគំរោងនេះ។

គំរោងឆ្នេរសមុទ្រកោងកាងបាន និងកំពុងបញ្ចប់ការសាងសង់ហេដ្ឋារចនាសម្ព័ន្ឋជាច្រើន ដូចជា ស្ពានឈើប្រវែងជាង២០០០ម៉ែត្រ សាងសង់អមជាមួយដើមកោងកាង និងប្របជាមួយឆ្នេរសមុទ្រដ៏ស្រស់ស្អាត សាងសង់សួនច្បារចំនួន៤សម្រាប់លំហែរ ជីកដៃសមុទ្រ ដែលអាចឲ្យអ្នកមានទូក ឬអូប័រអាចបើកទៅកំសាន្តនៅសមុទ្រធំបាន រៀបចំក្លោងទ្វារដ៏ស្រស់ស្អាត និងដាំដើមឈើរាប់រយដើម សម្រាប់លំអរគំរោងនេះ។

លោកCooler Tanបានអភិវឌ្ឍន៍ដីលំហែរ ប្រកបដោយភាពជោគជ័យយ៉ាងខ្លាំង ដោយសារលោកមានប្រភពទុនគ្រប់គ្រាន់ លោកមានផែនការអភិវឌ្ឍន៍ច្បាស់លាស់ និងធ្វើតាមផែនការមេត្រឹមត្រូវ ពិសេសបំពេញក្តីស្រម័យរបស់អតិថិជន ដែលចង់បានដីលំហែរពិតប្រាកដ។ ជាក់ស្តែងក្នុងអំឡុងវិបត្តិអចលនទ្រព្យ លោកបានចំណាយទុនប្រមាណ៥លានដុល្លារ បើកលក់គំរោងបូកគោលែន៦បន្តទៀត ខណៈអ្នកអភិវឌ្ឍន៍ភាគច្រើន បាននិងកំពុងជាប់គាំងគំរោង ឬលុបចោលគំរោងរបស់ពួកគេ។
គំរោងបូកគោលែន៦ ជាគំរោងពោរពេញដោយភាពច្នៃប្រឌិតជាមួយនឹងទេសភាពភ្នំខាងមុខ និងខាងក្រោយ១៦០ដឺក្រេ ដែលអតិថិជន ឬអ្នកចង់បានដីលំហែរ អាចសម្រេចបានតាមក្តីស្រម៉ៃរបស់ពួកគេ និងទទួលបានដី ដែលស័ក្តិសមនឹងដីលំហែរពិតប្រាកដ៕

1...803804805...3,254 Page 804 of 3,254