ដោយ: គង់ លាងហួរ
អន្តរជាតិ: បណ្តាក្រុមហ៊ុនសណ្ឋាគារថៃនឹងបន្តផែនការពង្រីកខ្លួនឆ្ពោះទៅមុខ ខណៈពួកគេមិនមានការភ្ញាក់ផ្អើល ឬព្រួយបារម្ភចំពោះការដាំក្បាលចុះក្នុងវិស័យអចលនទ្រព្យចិននោះទេ។ នេះបើយោងតាមក្រុមហ៊ុនបដិសណ្ឋារកិច្ច Dusit International ។

លោកស្រី Suphajee Suthumpun នាយកប្រតិបត្តិក្រុមហ៊ុន Dusit group បានលើកឡើងថា ក្រុមហ៊ុននៅតែផ្តោតលើការអភិវឌ្ឍសណ្ឋាគារជាជាងអចលនទ្រព្យ ពោលគឺមិនដូចក្រុមហ៊ុន Evergrande និង Country Garden ដែលបច្ចុប្បន្នកំពុងប្រឈមមុខនឹងវិបត្តិហិរញ្ញវត្ថុនោះទេ។

លោកស្រី Suphajee បានមានប្រសាសន៍ថា វិស័យអចលនទ្រព្យមិនអាចប៉ះពាល់ដល់ការវិនិយោគរបស់ក្រុមហ៊ុន Dusit នៅក្នុងសណ្ឋាគារថ្មីចំនួន២នៅក្នុងប្រទេសចិនក្នុងឆ្នាំនេះនោះទេ។

ទោះជាយ៉ាងណាក្តី ក្រុមហ៊ុននឹងបន្តតាមដានស្ថានភាពនេះ ទាក់ទងនឹងផលប៉ះពាល់ដែលអាចកើតមានទៅលើការចំណាយលើវិស័យទេសចរណ៍ជាទូទៅ ដោយសារការដាំក្បាលចុះនៃវិស័យអចលនទ្រព្យនឹងជះផលវិបាកលើការប្រើប្រាស់នៅក្នុងប្រទេសចិន។

នាពេលបច្ចុប្បន្ននេះ ក្រុមហ៊ុននៅតែមានអត្រាស្នាក់នៅ(occupancy rate) ដែលមានសុខភាពល្អក្នុងរង្វង់ប្រហែល៦០% ទៅ៧០% នៅប្រទេសចិន ពោលគឺប្រហាក់ប្រហែលគ្នាទៅនឹងកម្រិតមុនជំងឺរាតត្បាត ដោយសារមានការយកចិត្តទុកដាក់របស់ទីក្រុងប៉េកាំងលើវិស័យទេសចរណ៍ក្នុងស្រុក។រួមជាមួយនឹងសណ្ឋាគារចំនួនពីរ ដែលក្រុមហ៊ុន Dusit បានបោះទុនវិនិយោគក្នុងឆ្នាំនេះ ក្រុមហ៊ុននឹងមានសណ្ឋាគារចំនួន១៣ទីតាំងនៅក្នុងប្រទេសចិនក្នុងឆ្នាំ២០២៣នេះ។

ខណៈលោក Srettha Thavisin មកពីគណបក្សភឿថៃ ត្រូវបានអនុម័តឱ្យក្លាយជានាយករដ្ឋមន្ត្រីថ្មីរបស់ប្រទេសថៃក្នុងសប្តាហ៍នេះ លោកស្រី Suphajee បានបញ្ជាក់ថា ការបង្កើនប្រាក់ឈ្នួលអប្បបរមាប្រចាំថ្ងៃដល់៦០០បាតគឺជាគោលនយោបាយដ៏ល្អមួយ។ទោះជាយ៉ាងណាក្តី សណ្ឋាគារសង្ឃឹមថារដ្ឋាភិបាលថ្មីនឹងដំឡើងប្រាក់ឈ្នួលអប្បបរមាប្រចាំថ្ងៃជាបណ្តើរៗ ឬផ្តល់ការគាំទ្រដល់ប្រតិបត្តិករតាមរយៈទម្រង់នៃការលើកទឹកចិត្តផ្សេងទៀត៕

តែម សុខុម

ហូជីមិញ: គម្រោងស្ថានីយអ្នកដំណើរថ្មីនៅអាកាសយានដ្ឋានតាន់សឺនញើក (Tan Son Nhat) ក្នុងក្រុងហូជីមិញ និងអាកាសយានដ្ឋានឡុងថាញ់ (Long Thanh) ក្នុងខេត្តដុងណៃ (Dong Nai) ជាមួយការចំណាយសរុបជាង១,៨៩ពាន់លានដុល្លារអាមេរិក នឹងចាប់ផ្តើមការសាងសង់នៅថ្ងៃទី៣១ ខែសីហា។

ក្រុមហ៊ុនសាជីវកម្មអាកាសយានដ្ឋានវៀតណាម (Airports Corporation of Vietnam) បាននិយាយកាលពីថ្ងៃពុធ ទី២៣ ខែសីហា ថា ស្ថានីយអ្នកដំណើរកម្ពស់៥នៃអាកាសយានដ្ឋាន Long Thanh គ្រោងចំណាយ១,៤៦ពាន់លានដុល្លារអាមេរិក និងលាតសន្ធឹងលើផ្ទៃដី១៥០ហិកតា។

តាមការរំពឹងទុក ស្ថានីយអាកាសយានដ្ឋានអ្នកដំណើរនៃអាកាសយានដ្ឋាន Long Thanh នឹងបញ្ចប់ការសាងសង់ជាស្ថាពរ និងបើកដំណើរការនៅឆ្នាំ២០២៦។ ស្ថានីយនេះត្រូវបានចរនាឡើងដោយមានរាងផ្កាឈូក លម្អដោយទឹកធ្លាក់សិប្បនិម្មិត និងសួនច្បារ។

ការពង្រីកាអាកាសយានដ្ឋាន Long Thanh នេះគឺដើម្បីបង្កើនសមត្ថភាពដឹកជញ្ជូនអ្នកដំណើរឱ្យបានចំនួន១០០លាននាក់ និងទំនិញចំនួន៥លានតោនក្នុងមួយឆ្នាំៗ ដោយវ៉ាឈ្នះអាកាសយានដ្ឋាន Tan Son Nhat ក្លាយជាអាកាសយានដ្ឋានធំបំផុតរបស់ប្រទេសវៀតណាម។

ទន្ទឹមនេះ ស្ថានីយអ្នកដំណើរនៃអាកាសយានដ្ឋាន Tan Son Nhat នឹងដំណើរការសាងសង់នៅថ្ងៃសៅរ៍ ទី២៦ ខែសីហា ចុងសប្ដាហ៍នេះ។ គម្រោងស្ថានីយនេះគ្រោងចំណាយអស់៤៥៨លានដុល្លារអាមេរិក ដោយការសាងសង់នឹងប្រើពេលជាង២០ខែ មុននឹងឈានដល់ការដាក់ឱ្យដំណើរការនៅក្នុងត្រីមាសទី២ ឆ្នាំ២០២៥៕ VN Express៕

យោងតាមសេចក្តីប្រកាសរបស់ក្រុមប្រឹក្សាអភិវឌ្ឍន៍កម្ពុជាកាលពីថ្ងៃទី២៥ខែសីហាឆ្នាំ២០២៣

តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុនដូចខាងក្រោម៖
១-“CONCH KT CEMENT (PHNOM PENH) COMPANY LIMITED” គម្រោងបង្កើតរោងចក្រផលិតស៊ីម៉ង់តិ៍ ដែលមានទីតាំងវិនិយោគស្ថិតនៅភូមិមនោរម្យ ឃុំហោមសំណង់ ស្រុកឱរ៉ាល់ ខេត្តកំពង់ស្ពឺ ក្នុងទុនវិនិយោគប្រមាណ ២៥៨លានដុល្លារអាម៉េរិក និងអាចបង្កើតការងារបានចំនួន ៤៦៨កន្លែង។

ដោយៈ ម៉ាលីនណា

        អន្តរជាតិៈ វាជាដំណឹងដ៏គួរឲ្យក្រៀមក្រំមួយ បន្ទាប់ពីធនាគារអភិវឌ្ឍន៍អាស៊ីបានបញ្ចេញរបាយការណ៍មួយ ដោយបង្ហាញថា មនុ​ស្សជិត៧០លាននាក់ បានធ្លាក់ខ្លួនក្នុងភាពក្រីក្រខ្លាំង ដោយសារជំងឺរាតត្បាតកូវីដ១៩ និងការកើនឡើងថ្លៃរស់នៅ។

វិបត្តិនេះ បានកើតមានឡើង នៅក្នុងបណ្តាប្រទេសអាស៊ីកំពុងអភិវឌ្ឍន៍កាលពីឆ្នាំមុន ដោយធ្វើឱ្យប៉ះពាល់ ដល់កិច្ចខិតខំប្រឹងប្រែងដើម្បីលុបបំបាត់ភាពក្រីក្រ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃព្រហស្បតិ៍​ ទី២៤ ខែសីហា ឆ្នាំ២០២៣។

ធនាគារអភិវឌ្ឍន៍អាស៊ី (ADB) បាននិយាយនៅក្នុងរបាយការ​​ថ្មីមួយ ដែលចេញផ្សាយនៅថ្ងៃព្រហស្បតិ៍នេះថា ប្រជាជនប្រមាណ ១៥៥.២លាននាក់ នៅក្នុងប្រទេសអាស៊ីកំពុងអភិវឌ្ឍន៍ ឬស្មើនឹង ៣.៩ ភាគរយ នៃចំនួនប្រជាជនសរុបក្នុងតំបន់ បានរស់នៅក្នុងភាពក្រីក្រខ្លាំងកាលពីឆ្នាំ២០២២ ដោយបានកើនឡើងចំនួន៦៧.៨លាននាក់។

ប្រទេសអាស៊ីកំពុងអភិវឌ្ឍន៍មានចំនួន៤៦ ប្រទេសនៅក្នុងតំបន់អាស៊ីប៉ាស៊ីហ្វិក ដោយមិនរាប់បញ្ចូលប្រទេសជប៉ុន អូស្ត្រាលី និងនូវែលសេឡង់ទេ។

លោក Albert Parker ប្រធានសេដ្ឋវិទូរបស់ ADB បាននិយាយថា តំបន់អាស៊ីប៉ាស៊ីហ្វិក កំពុងងើបឡើងវិញពីជំងឺរាតត្បាតកូវីដ-១៩ ប៉ុន្តែការកើនឡើងថ្លៃ រស់នៅធ្វើឱ្យខូចដល់វឌ្ឍនភាព ក្នុងការលុបបំបាត់ភាពក្រីក្រ។

ភាពក្រីក្រខ្លាំងត្រូវបានកំណត់ថា ជាការរស់នៅដែលមានប្រាក់ចំណូលតិចជាង២.១៥ដុល្លារអាមេរិកក្នុងមួយថ្ងៃ ដោយផ្អែកលើទិន្នន័យឆ្នាំ២០១៧។

ការកើនឡើងថ្លៃរស់នៅ បានប៉ះពាល់ដល់មនុស្សគ្រប់រូប ប៉ុន្តែអ្នកក្ររងគ្រោះខ្លាំងជាងគេ ដោយសារពួកគេត្រូវចំណាយលើអាហារ និងប្រេងឥន្ធនៈកាន់តែច្រើន ដែលធ្វើឱ្យវាកាន់តែពិបាក សម្រាប់ពួកគេ ក្នុងការសន្សំ និងចំណាយសម្រាប់សម្ភារៈសំខាន់ៗ ដូចជា ការថែរទាំសុខភាព និងការអប់រំជាដើម៕

ដោយៈ តែម សុខុម

ហុងកុង: បណ្ដាវិនិយោគិនទូទាំងពិភពលោក ដែលបានរត់ចេញពីប្រទេសចិន បានបញ្ជូនសារដ៏សាមញ្ញមួយ ទៅកាន់ថ្នាក់ដឹកនាំនៃប្រទេសចិនថា ពួកគេគួរទុកការប្រុងប្រយ័ត្នមួយឡែកសិន ហើយចាប់​ផ្តើមចំណាយឱ្យធំ ដើម្បីស្ដារសេដ្ឋកិច្ចចិនឡើងវិញ។

បណ្ដាវិនិយោគិនដែលធ្លាប់តែមានក្ដីសង្ឃឹម បានខកចិត្តយ៉ាងខ្លាំង ហើយកំពុងបាត់បង់ភាពអត់ធ្មត់ ចំពោះវិធានការមិនស៊ីសង្វាក់គ្នា យឺតយ៉ាវ និងតិចតួចពេកពីសំណាក់រដ្ឋាភិបាលចិន នៅក្នុងការស្តារសេដ្ឋកិច្ច ដែលកំពុងដាំក្បាលចុះរបស់ខ្លួនឡើងវិញ និងការដោះស្រាយវិបត្តិអចលនទ្រព្យ ដែលធ្លាក់ចុះកាន់តែជ្រៅ។ នេះបើយោងតាមសារព័ត៌មាន CNA ចុះផ្សាយកាលពីថ្ងៃព្រស្បតិ៍ ទី២៤ ខែសីហា។

ការបញ្ចុះអត្រាការប្រាក់តិចតួច និងការសន្យាមិនច្បាស់លាស់ថា នឹងជួយគាំទ្រដល់បណ្ដាក្រុមហ៊ុន អភិវឌ្ឍន៍អចលនទ្រព្យដែលកំពុងជាប់ផុងក្នុងបំណុល បានបរាជ័យក្នុងការស្ដារទំនុកចិត្តឡើងវិញ ហើយបណ្ដានាយកគ្រប់គ្រងមូលនិធិនានា ចង់ឃើញរដ្ឋាភិបាលចិន ចាក់បញ្ចូលលុយច្រើនបន្ថែមទៀត ចូលទៅក្នុងសេដ្ឋកិច្ច មុនពេលពួកគេពិចារណាត្រលប់មូលប្រទេសចិនវិញ។

សន្ទស្សន៍ផ្សារហ៊ុនចិនCSI300 បានធ្លាក់ចុះ៩%នៅក្នុងការជួញដូរ១៣វគ្គកន្លងមកនេះ ខណៈវិនិយោគិនបរទេសបានសម្រុកលក់ចេញភាគហ៊ុន រហូតដល់ទៅ១០,៧៣ពាន់លានដុល្លារអាមេរិក ដែលជាចំនួនច្រើនបំផុត ចាប់តាំងពីឆ្នាំ២០១៥មក។

លោកស្រី ស៊ីម៉ា ស្សា (Seema Shah) ប្រធានអ្នកយុទ្ធសាស្រ្តសកលនៃក្រុមហ៊ុនគ្រប់គ្រងទ្រព្យសកម្មអន្តរជាតិ Principal Global Investors ដែលមានមូលដ្ឋាននៅទីក្រុងឡុងដ៍ ប្រទេសអង់គ្លេស បានលើកឡើងអំពីរដ្ឋាភិបាលចិនថា “ផ្លូវតែមួយគត់ គឺត្រូវបង្កើនការជំរុញសារពើពន្ធ (ដោយកាត់បន្ថយការយកពន្ធ ឬ បង្កើនការចំណាយដើម្បីស្ដារសេដ្ឋកិច្ចឡើងវិញ) ហើយដោយសារតែខ្វះទំនុកចិត្ត ការបញ្ចុះអត្រាការប្រាក់ គឺមិនគ្រប់គ្រាន់ សម្រាប់ជំរុញតម្រូវការឥណទាននោះឡើយ”។

ចំណែកលោក ឈិន ចាវ (Chen Zhao) ប្រធានអ្នកយុទ្ធសាស្រ្តសកល នៃក្រុមហ៊ុនស្រាវជ្រាវការវិនិយោគអន្តរជាតិ Alpine Macro ដែលមានមូលដ្ឋាន នៅប្រទេសកាណាដាបានលើកឡើងថា រដ្ឋាភិបាលក្រុងប៉េកាំង ហាក់ដូចពិការទៅហើយ ហើយស្ថានភាពនេះបានបង្កការព្រួយបារម្ភ ក្នុងចំណោមវិនិយោគិន ដែលបានសង្ឃឹមទុកជាច្រើនខែមកហើយថា រដ្ឋាភិបាលចិន នឹងចាត់វិធានការគ្រប់គ្រាន់ប្រកប​ដោយប្រសិទ្ធភាព នៅក្នុងការប្រឈមដោះស្រាយវិបត្តិសេដ្ឋកិច្ច៕ Reuters៕

Strategic Realty Investment Co., Ltd.

In the last 4 years, many things changed in the ever-expanding and evolving real estate industry. The so-called recession is felt in all corners of the industry. Investors and developers are looking at the market with tension and slowing down their projects and investments with a main focus on Phnom Penh.
Dr. Alexander Evengroen, partner and Project Development Director of Strategic Realty Investment Co., Ltd is sharing the concerns but simultaneously states that there are still plenty of opportunities in the industry if willing to deviate from the ordinary or offer a totally new or unique concept to the market. We also see that much research is done with a focus on the capital city, Phnom Penh.
Many other provinces are still offering opportunities and light at the end of the tunnel.
Alexander states that in this recession period, the potential opportunities are still out there but need to be re-assessed, re-created, and re-developed to guarantee the highest chances of success.
He urges developers and investors as well as the general real estate industry should innovate, adjust, study the market demands in the whole of Cambodia and dare to deviate from earlier plans as the market is changing rapidly.Strategic Realty Investment Co., Ltd is looking at the market from all angles to optimize the market demands. They combine different industries such as Real Estate, SME, Agriculture, and technology to open doors for investors, developers, and the general public for smart, trustworthy investment opportunities.
Banteay Srei Eco City is a 300+ hectare project that is exactly doing this. It offers everything in a unique location. Alexander mentions that next to the stunning location they offer the total package to the market such as Villas, shophouses, 30-meter roads, SMEs, banks, schools, a  university, restaurants, a wedding/convention center, a soccer stadium, sports facilities, supermarkets, hospital, agriculture areas, shopping mall, Eco-gardens, Khmer traditional homes, holiday homes, food courts, water sport areas and so much more.

Strategic Realty Investment Co., Ltd is partnering up with high-market partners to ensure smooth and smart steps forward on this mega project. They are open to more partners and cooperations Alexander mentioned.
In 2023 we see a growth in sustainable and eco-friendly development, as environmental concerns gain traction globally. The real estate industry expects this trend to accelerate, with more developers, investors and homebuyers prioritizing energy-efficient and environmentally friendly properties as what Strategic Realty Investment Co., Ltd is doing with their Banteay Srei Eco City project.
As one of Southeast Asia’s fastest-growing economies, Cambodia holds promising prospects for real estate investment. Its progressive property laws, high rental yields, and robust economic growth make it a strategic option for both domestic and international investors.
Alexander Evengroen stated he is looking forward to welcoming investors, developers as well and the general public at their Banteay Srei Eco City project.
He says that the market is constantly changing. Not only the ups but also the downs have to be looked at with high-quality feasibility studies and market investigations, but this also creates huge opportunities that have to be explored. “Standing still is moving backward,” he said.

ដោយ: គង់ លាងហួរ

បាងកក: កាលពីថ្ងៃពុធ ប្រធានសភាពាណិជ្ជកម្មថៃបានជំរុញឱ្យរដ្ឋាភិបាលថ្មីធ្វើការជាបន្ទាន់ ដើម្បីជំរុញសេដ្ឋកិច្ច និងទេសចរណ៍ឱ្យស្ទុះងើបឡើងវិញ ជាមួយនឹងការដាក់ចេញវិធានការជំរុញ និងតាមរយៈការពន្លឿនការបញ្ចេញកញ្ចប់ថវិកា។

លោក Sanan Angubolkul ប្រធានសភាបានមានប្រសាសន៍ថា វិស័យឯកជនស្នើឱ្យរដ្ឋាភិបាលថ្មីរបស់លោក ស្រេតថា ថាវីស៊ីន  ផ្តល់អាទិភាពដល់សកម្មភាពចំនួន៣ ក្នុងអំឡុងពេល១០០ថ្ងៃដំបូងនៃការចូលកាន់តំណែងរបស់ខ្លួន ដូចជា ទី១: ផ្តល់កញ្ចប់ជំរុញទឹកចិត្ត ដើម្បីកាត់បន្ថយថ្លៃចំណាយ នៃការរស់នៅរបស់ប្រជាពលរដ្ឋ និងថ្លៃចំណាយផលិតកម្មសម្រាប់វិស័យឯកជន តាមរយៈការបញ្ចុះថ្លៃប្រេង និងថ្លៃអគ្គិសនី។

លោក Sanan បានបញ្ជាក់ថា តម្លៃប្រេងខ្ពស់ និងវិក្កយបត្រថាមពល កំពុងប៉ះពាល់ដល់លទ្ធភាព ប្រកួតប្រជែងរបស់ក្រុមហ៊ុននាំចេញថៃ។

ទី២: វិស័យទេសចរណ៍ គឺជាក្បាលម៉ាស៊ីនដ៏សំខាន់មួយ នៃកំណើនសេដ្ឋកិច្ចថៃ ក្នុងអំឡុងត្រីមាសចុងក្រោយ ដែលជារដូវកាលមានភ្ញៀវទេសចរហូរចូលច្រើនសម្រាប់ប្រទេសថៃ។

ដូច្នេះរដ្ឋាភិបាលថ្មី ត្រូវតែសម្របសម្រួលជាបន្ទាន់ ក្នុងការចេញទិដ្ឋាការសម្រាប់ភ្ញៀវទេសចរចិន ធ្វើឱ្យវាកាន់តែមានភាពងាយស្រួល និងត្រូវជំរុញឱ្យមានជើងហោះហើរបន្ថែមទៀត ដើម្បីទប់ទល់នឹងការកើនឡើងនៃតម្រូវការភ្ញៀវទេសចរបរទេស។

ទី៣: រដ្ឋាភិបាលថ្មីត្រូវតែពន្លឿនការបញ្ចេញថវិកា។
លោក Sanan បានលើកឡើងថា រដ្ឋាភិបាលថ្មីក៏គួរតែពន្លឿនការអនុម័តច្បាប់ថវិកា សម្រាប់សារពើពន្ធឆ្នាំ២០២៤ ដើម្បីធានាបាននូវការផ្លាស់ប្តូរដោយរលូន និងបង្កើនទំនុកចិត្តដល់អ្នកវិនិយោគបរទេស។

លោក Sanan បានបញ្ជាក់ថា នៅពេលដែលវិនិយោគិនបរទេ​សមានទំនុកចិត្តឡើងវិញ ទៅលើរដ្ឋាភិបាលថ្មី ការវិនិយោគបរទេសជាច្រើននឹងហូរត្រឡប់មកវិញ ដែលនាំទៅរកការបង្កើតការងារបានកាន់តែច្រើន និងជំរុញតួលេខសេដ្ឋកិច្ចសំខាន់ៗរបស់ប្រទេសជាតិ។

លោក Sanan បានបន្ថែមថា សភាពាណិជ្ជកម្មមានទំនុកចិត្តថា ប្រសិនបើរដ្ឋាភិបាលថ្មី ដែលដឹកនាំដោយលោក ស្រេតថា ថាវីស៊ីន ទទួលយកសំណើទាំង៣នេះ ហើយផ្តោតលើការជំរុញសេដ្ឋកិច្ច នោះកំណើនសេដ្ឋកិច្ចថៃ នឹងអាចសម្រេចបានគោលដៅដើម ក្នុងរង្វង់៣%ជាក់ជាមិនខាន ៕

ដោយៈ គង់ និស្ស័យ

        ភ្នំពេញៈ រដ្ឋមន្រ្ដីក្រសួងព័ត៌មាន លោកនេត្រ ភ័ត្រាបានបញ្ជាក់ថា ការងារអាទិភាពដែលត្រូវធ្វើ ក្នុងនាមជារដ្ឋមន្រ្ដីក្រសួងព័ត៌មាន គឺផ្ដោតសំខាន់ លើការធ្វើទំនើបកម្មស្ថាប័ន និងរដ្ឋបាលទំនើប ដើម្បីធ្វើឱ្យក្រសួងព័ត៌មាន ក្លាយទៅជាស្ថាប័នទំនាក់ទំនងសាធារណៈ របស់រាជរដ្ឋាភិបាលកម្ពុជា និងផ្សព្វផ្សាយការពិតរបស់កម្ពុជា ទៅកាន់មជ្ឈដ្ឋានជាតិ និងអន្ដរជាតិ។

ការគូសបញ្ជាក់របស់លោករដ្ឋមន្រ្ដីក្រសួងព័ត៌មាន បែបនេះបានធ្វើឡើងក្នុងឱកាសចុះជួបសំណេះសំណាល និងសួរសុខទុក្ខថ្នាក់ដឹកនាំ មន្រ្ដីរាជការតាមអគ្គនាយកដ្ឋាន ចំណុះក្រសួងព័ត៌មាន នារសៀលថ្ងៃទី២៤ ខែសីហា ឆ្នាំ២០២៣។

លោកនេត្រ ភក្ត្រា បានគូសបញ្ជាក់ថា “ការងារអាទិភាពដែលខ្ញុំនឹងត្រូវធ្វើ ក្នុងនាមជារដ្ឋមន្រ្ដីក្រសួងព័ត៌មាន ផ្ដោតជាសំខាន់ គឺផ្ដោតលើការធ្វើទំនើបកម្មស្ថាប័ន និងរដ្ឋបាលទំនើប ដើម្បីធ្វើឱ្យក្រសួងព័ត៌មាននេះ ក្លាយទៅជាស្ថាប័នទំនាក់ទំនង សាធារណៈរបស់រាជរដ្ឋាភិបាលកម្ពុជា ដែលប្រកបដោយបុរេសកម្ម សកម្ម ប្រកបដោយគុណភាព និងប្រសិទ្ធភាព សំដៅធ្វើយ៉ាងម៉េច គឺផ្សព្វផ្សាយពីការពិតរបស់កម្ពុជា យើងទៅកាន់មជ្ឈដ្ឋានជាតិ និងអន្ដរជាតិ”។

លោករដ្ឋមន្រ្ដីបានបន្តថា ការផ្សព្វផ្សាយពីការពិតរបស់កម្ពុជាទៅកាន់មជ្ឈដ្ឋានជាតិ និងអន្ដរជាតិ គឺដើម្បីឱ្យគេបានដឹងអំពីដំណើរវិវត្ដន៍របស់ប្រទេសកម្ពុជា ក្រោមដំបូលនៃសុខសន្ដិភាព និងធ្វើយ៉ាងម៉េចឱ្យវិស័យសារព័ត៌មានរបស់យើងនេះ កាន់តែមានភាពរីកចម្រើនថែមទៀត ហើយធ្វើឱ្យប្រជាជនកម្ពុជា ទទួលបាននូវព័ត៌មានពិតអំពីកម្ពុជា និងសង្គមរបស់ខ្លួន។

លោកនេត្រ ភក្ត្រា បានបន្ថែមថា នេះគឺជាថ្ងៃដំបូងដែលលោកបានមកបង្ហាញខ្លួនឱ្យមន្រ្ដីរាជការ បុគ្គលិកទាំងអស់ របស់ក្រសួងព័ត៌មានបានស្គាល់មុខ រដ្ឋមន្រ្ដីក្រសួងព័ត៌មាន ក្នុងអាណត្ដិទី៧នេះ និងជំរុញបន្ដកិច្ចការងារដែលមាន ដើម្បីធ្វើយ៉ាងណាឱ្យវិស័យព័ត៌មា​នកាន់តែមានភាពល្អប្រសើរថែមទៀត៕