ទីផ្សារដីធ្លីនៅក្នុងប្រទេសចិន កាន់តែស្ងប់ស្ងាត់ដោយធ្លាក់ចុះ១៩ខែជាប់ៗគ្នា

តែម សុខុម

ប៉េកាំងៈ ប្រាក់ចំណូលពីការលក់ដីធ្លីរបស់រដ្ឋាភិបាលប្រទេសចិន បានធ្លាក់ចុះ១៩ខែជាប់ៗគ្នាក្នុងខែកក្កដា ដោយបន្ថែមសម្ពាធកាន់តែធ្ងន់ទៅលើទីក្រុងចិន មួយចំនួនដែលកំពុងជាប់ផុងក្នុងបំណុល។ នេះបើយោងតាមទិន្នន័យពីក្រសួងហិរញ្ញវត្ថុចិន បានបង្ហាញកាលពីថ្ងៃច័ន្ទ ទី២១ ខែសីហា។

ទិន្នន័យដដែលបង្ហាញថា ការលក់ដីធ្លីក្នុងខែកក្កដា បានធ្លាក់ចុះ១០,១%ពីឆ្នាំមុន បន្ទាប់ពីបានធ្លាក់ចុះ២៤,៣%ក្នុងខែមិថុនា។ សម្រាប់រយៈពេលពីខែមករា ដល់ខែកក្កដា ប្រាក់ចំណូលពីការលក់ដីធ្លីបានធ្លាក់ចុះ១៩,១%មកនៅត្រឹម៣១៣,១ពាន់លានដុល្លារអាមេរិក។

ហិរញ្ញវត្ថុរបស់រដ្ឋអំណាចមូលដ្ឋានជាច្រើនបានធ្លាក់ចុះកាន់តែខ្លាំងឡើង ស្របពេលវិស័យអចលនទ្រព្យចិន កំពុងដាំល្បាលចុះកាន់តែខ្លាំងដែលបានបណ្តាលឱ្យបណ្ដាក្រុមហ៊ុនអភិវឌ្ឍន៍ចិន ធំៗខកខានការទូទាត់បំណុលរបស់ខ្លួនជាបន្តបន្ទាប់។

លោកស្រី Jennifer Wong អនុប្រធានក្រុមហ៊ុនវាយតម្លៃហានិភ័យអន្តរជាតិ Moody’s និងជាមន្ត្រីឥណទានជាន់ខ្ពស់បាននិយាយកាលពីខែសីហា ថា “ការប្រែប្រួលនៃវិស័យអចលនទ្រព្យរបស់ប្រទេសចិន ដែលរួមចំណែកដល់សេដ្ឋកិច្ចជាតិតិចជាងមុន នឹងធ្វើឱ្យការលក់ដីធ្លីធ្លាក់ចុះជាលំដាប់ ដោយធ្វើឱ្យបាត់បង់ប្រាក់ចំណូលសារពើពន្ធរបស់រដ្ឋអំណាចមូលដ្ឋាន”។

លោកស្រីបានបន្ថែមថា “ក្នុងពេលជាមួយគ្នានេះ រដ្ឋអំណាចមូលដ្ឋានកំពុងប្រឈមនឹងបន្ទុកបំណុលកាន់តែធំជាងមុនរួចទៅហើយ។ លើសពីនេះយន្តការផ្ដល់ហិរញ្ញប្បទានដោយរដ្ឋអំណាចមូលដ្ឋានមួយចំនួនមានបន្ទុកហិរញ្ញប្បទានកាន់តែខ្ពស់ ដែលបង្កើនហានិភ័យធ្វើឱ្យពួកគេខកខានទូទាត់បំណុលរបស់ពួកគេ ជាពិសេសនៅក្នុងតំបន់ដែលកាន់តែក្សត់ធនធាន”៕ Reuters៕

តើលោក ថាក់ស៊ីន ពិតជាក្លាហានហ៊ានជាន់ទឹកដីថៃ នៅថ្ងៃនេះមែនឬ?

តែម សុខុម

បាងកក: អតីតនាយករដ្ឋមន្ត្រីថៃ ដែលរត់ភៀសខ្លួន លោក ថាក់ស៊ីន ស៊ីណាវ៉ាត្រា បានបញ្ជាក់កាលពីថ្ងៃសៅរ៍ សប្ដាហ៍មុនថា លោកនឹងធ្វើមាតុភូមនិវត្តន៍មកកាន់ប្រទេសថៃ វិញនៅព្រឹកថ្ងៃអង្គារ ទី២២ ខែសីហា នេះ ហើយនឹងគ្មានការពន្យារពេលទៀតឡើយ។ នេះបើយោងតាមកាសែតថៃ The Nation ចុះផ្សាយក្នុងថ្ងៃនេះ។

កូនស្រីរបស់លោក ថាក់ស៊ីន ឈ្មោះ ភែថងថាន (Paetongtarn) បានសរសេរបង្ហោះលើបណ្ដាញទំនាក់ទំនងសង្គម Instagram គាត់នឹងទៅទទួលប៉ារបស់គាត់នៅអាកាសយានដ្ឋានដនមឿង ក្នុងទីក្រុងបាងកក វេលាម៉ោង៩:០០ព្រឹកថ្ងៃអង្គារ ទី២២ ខែសីហា នេះ។

ទន្ទឹមនេះដែរ លោកស្រី យីងឡាក់ ស៊ីណាវ៉ាត្រា ដែលជាប្អូនស្រីបង្កើតរបស់លោក ថាក់ស៊ីន បានសរសេរបង្ហោះលើបណ្ដាញទំនាក់ទំនងសង្គមហ្វេសប៊ុក នៅមុននេះបន្តិចថា ថ្ងៃដែលគាត់រង់ចាំជួបជុំជាមួយលោក ថាក់ស៊ីន និងក្រុមគ្រួសារបានមកដល់ហើយ។

លោក ថាក់ស៊ីន អតីតនាយករដ្ឋមន្ត្រីថៃ ដែលបាននិរទេសខ្លួនឯងនៅក្រៅប្រទេសតាំងពីខែសីហា ឆ្នាំ២០០៨ បានប្រាប់សារព័ត៌មាន BBC Thai ថា លោកនឹង “ពិតប្រាកដជា” ធ្វើមាតុភូមិនិវត្តន៍មកកាន់ប្រទេសថៃ នៅថ្ងៃអង្គារ ទី២២ ខែសីហា នេះដោយគ្មានការពន្យារពេលទៀតឡើយ។

លោកបញ្ជាក់ថា លោកនឹងចេញដំណើរពីទីក្រុងឌូបៃ នៃប្រទេសអារ៉ាប់រួមអេមីរ៉ាត ឆ្ពោះមកកាន់ប្រទេសសិង្ហបុរី មុនពេលចុះចតនៅទីក្រុងបាងកក ប្រទេសថៃ នៅវេលាម៉ោង៩:០០ព្រឹកថ្ងៃអង្គារ ទី២២ ខែសីហា នេះ។

ការធ្វើមាតុភូមិនិវត្តន៍របស់លោក ថាក់ស៊ីន គឺស្របគ្នានឹងថ្ងៃដែលសភាថៃ នឹងធ្វើការបោះឆ្នោតជ្រើសរើសនាយករដ្ឋមន្ត្រីបន្ទាប់។

ទោះជាយ៉ាងណា លោកបានបដិសេធថា ព្រឹត្តិការណ៍ទាំងពីរនេះគ្មានអ្វីទាក់ទងគ្នាឡើយ ដោយអះអាងថា ការធ្វើមាតុភូមិនិវត្តន៍របស់លោកត្រូវបានគ្រោងទុក មុនពេលប្រធានសភាថៃ លោក វ៉ាន មូហាម៉ាត់ នួ ម៉ាថា (Wan Muhamad Noor Matha) កំណត់ពេលសម័យប្រជុំបោះឆ្នោតកាលពីសប្តាហ៍មុន៕ The Nation៕

ក្រុមហ៊ុនអាកាសចរណ៍សហរដ្ឋអាមេរិកធំៗចំនួន២ គ្រោងបើកដំណើរការជើងហោះហើរបន្ថែមទៅកាន់ប្រទេសចិន

ដោយ: គង់ លាងហួរ

អន្តរជាតិ: ក្រុមហ៊ុនអាកាសចរណ៍ Delta Air Lines និង American Airlines Group គ្រោងបើកដំណើរការជើងហោះហើរបន្ថែមទៀតទៅកាន់ប្រទេសចិនក្នុងពេលឆាប់ៗនេះ ខណៈតម្រូវការធ្វើដំណើរនៅតំបន់អាស៊ីប៉ាស៊ីហ្វិកកើនឡើងខ្លាំង។

ក្រុមហ៊ុនអាកាសចរណ៍ American Airlines បានប្រាប់សារពត៌មាន Reuters ថា សេវាកម្មហោះហើរប្រចាំថ្ងៃពីទីក្រុង Dallas-Fort Worth ទៅកាន់អាកាសយានដ្ឋានអន្តរជាតិ Shanghai Pudong នឹងចាប់ផ្តើមពីខែមករាខាងមុខ។

ក្រុមហ៊ុននេះបានបញ្ជាក់ថា កាលវិភាគដែលត្រូវបានចេញផ្សាយនឹងត្រូវបានធ្វើបច្ចុប្បន្នភាពនៅចុងសប្តាហ៍នេះ ដើម្បីឆ្លុះបញ្ចាំងពីការផ្លាស់ប្តូរ។ បច្ចុប្បន្ននេះ ជនជាតិអាមេរិកធ្វើប្រតិបត្តិការជើងហោះហើរពីទីក្រុង Dallas ទៅកាន់ក្រុងសៀងហៃ ចំនួន៤ដងក្នុងមួយសប្តាហ៍។

ចំណែក ក្រុមហ៊ុនអាកាសចរណ៍ Delta Air Lines បានអះអាងថា ខ្លួននឹងបើកជើងហោះហើរប្រចាំសប្តាហ៍ចំនួន១០ជើង ទៅកាន់អាកាសយានដ្ឋានអន្តរជាតិ Shanghai-Pudong ពីមជ្ឈមណ្ឌល Seattle (SEA) និង Detroit (DTW) ។

ក្រុមហ៊ុន Delta Air Lines បានឱ្យដឹងនៅក្នុងសេចក្តីថ្លែងការណ៍មួយថា “ចាប់ពីថ្ងៃទី២៩ ខែតុលា ក្រុមហ៊ុននេះនឹងបើកដំណើរការជើងហោះហើរប្រចាំថ្ងៃពីមជ្ឈមណ្ឌល SEA និងបើកសេវាកម្មហោះហើរចំនួន៣ដងក្នុងមួយសប្តាហ៍ពីមជ្ឈមណ្ឌល DTW”។

Delta Air Lines បានបន្ថែមទៀតថា អតិថិជន ដែលហោះហើរជាមួយក្រុមហ៊ុននេះនឹងអាចភ្ជាប់ទៅកាន់ទីក្រុងផ្សេងទៀតនៅក្នុងប្រទេសចិន តាមរយៈភាពជាដៃគូរបស់ខ្លួនជាមួយក្រុមហ៊ុនអាកាសចរណ៍ China Eastern Airlines៕

អ្នកអភិវឌ្ឍអចលនទ្រព្យ ជំរុញឱ្យរដ្ឋាភិបាលថៃថ្មី ផ្តល់អត្រាការប្រាក់ពិសេស និងកាត់បន្ថយពន្ធដល់អ្នកទិញផ្ទះលើកដំបូង

ដោយ: គង់ លាងហួរ
បាងកក: អ្នកអភិវឌ្ឍថៃគ្រោងជំរុញឱ្យរដ្ឋាភិបាលថ្មីផ្តល់អត្រាការប្រាក់ពិសេសសម្រាប់អ្នកទិញផ្ទះលើកដំបូង និងផ្តល់ការកាត់បន្ថយពន្ធ ដើម្បីបង្កើនអំណាចនៃការទិញអចលនទ្រព្យ ខណៈចំនួនយូនីតផ្ទះ និងអត្រាការប្រាក់បន្តកើនឡើង។

លោក Saenphin Sukhee នាយកប្រតិបត្តិនៃក្រុមហ៊ុនអភិវឌ្ឍន៍លំនៅដ្ឋាន Frasers Property Home (Thailand) បានលើកឡើងថា តម្លៃលំនៅដ្ឋានបានហក់ឡើង ជាការឆ្លើយតបទៅនឹងការកើនឡើងនៃថ្លៃចំណាយ ដូចជាការឡើងថ្លៃដីចន្លោះពី៣០ ទៅ៥០% ក៏ដូចជាការកើនឡើងនៃតម្លៃសំណង់ផងដែរ។

លោកបានបន្តថា “តម្លៃសំណង់ខ្ពស់នាពេលបច្ចុប្បន្ននេះ គឺមិនទាន់បានរាប់បញ្ចូលទាំងការសន្យាដំឡើងប្រាក់ ឈ្នួលអប្បបរមាដោយគណបក្សនយោបាយដែលអាចកើនដល់៤៥០ ទៅ៦០០បាត ក្នុងមួយថ្ងៃនោះទេ”។ លោកបញ្ជាក់ថានេះជាបញ្ហាប្រឈម ព្រោះវានឹងប៉ះពាល់ដល់ថ្លៃចំណាយលើការអភិវឌ្ឍលំនៅដ្ឋាន។

លោក Saenphin បានមានប្រសាសន៍ទៀតថា “កំណើនប្រាក់ចំណូលរបស់អ្នកទិញផ្ទះមិនអាចតាមទាន់នឹងការកើនឡើងនៃថ្លៃដើមទៅលើការអភិវឌ្ឍនោះទេ ហើយជាលទ្ធផលឱកាសសម្រាប់បុគ្គលដែលមានប្រាក់ចំណូលទាបក្នុងការទិញផ្ទះមានតិចជាងមុន”។

លោកបានអះអាងថា ដើម្បីជួយសម្រាលបន្ទុកនៃការបង់រំលោះផ្ទះសម្រាប់អ្នកទិញស្របពេលសេដ្ឋកិច្ចងើបឡើងវិញយឺត រដ្ឋាភិបាលថ្មីគួរតែផ្តល់អត្រាការប្រាក់ពិសេសសម្រាប់រយៈពេលមួយ ឬពីរឆ្នាំដំបូងសម្រាប់អ្នកទិញ
លើកដំបូង។

លោក Saenphin បានបន្ថែមថា “ធនាគារកណ្តាលថៃគួរតែលើកទឹកចិត្តឱ្យធនាគារពាណិជ្ជមានភាពបត់បែនបន្ថែមទៀតក្នុងការផ្តល់ប្រាក់កម្ចីទិញផ្ទះ ហើយការកាត់បន្ថយពន្ធគឺជាការលើកទឹកចិត្តមួយផ្សេងទៀតដែលអាចជួយជំរុញតម្រូវការទិញផ្ទះផងដែរ”។

យោងតាមមជ្ឈមណ្ឌលព័ត៌មានអចលនទ្រព្យ (REIC) បានឱ្យដឹងថា សន្ទស្សន៍តម្លៃផ្ទះកំពស់ទាបថ្មី ដែលមានដាក់លក់នៅតំបន់Greater Bangkok ក្នុងត្រីមាសទី២ បានកើនឡើង១,១% ដល់១២៩,៧ពិន្ទុ ធៀបនឹង១២៨,៣ពិន្ទុ ក្នុងត្រីមាសទី១។

លោក Vichai Viratkapan អគ្គនាយកស្តីទីរបស់មជ្ឈមណ្ឌល REIC មានប្រសាសន៍ថា “ការកើនឡើងនៃតម្លៃផ្ទះកំពស់ទាបភាគច្រើន ស្ថិតក្នុងគម្រោង ដែលបានចាប់ផ្តើមបើកដំណើរការនៅឆ្នាំ២០២១-២០២២ ដោយសារកំណើននៃតម្លៃសម្ភារៈសំណង់ ដីធ្លី និងប្រាក់ឈ្នួល”៕

ឡាវ បញ្ចប់ការសាងសង់មហាវិទ្យាល័យផ្លូវដែកដើម្បីត្រៀមស្វាគមន៍និស្សិតជំនាន់ទី១ ក្នុងឆ្នាំ២០២៣

តែម សុខុម

វៀងចន្ទន៍: ប្រទេសឡាវ បានបញ្ចប់ការសាងសង់មហាវិទ្យាល័យបច្ចេកទេសវិជ្ជាជីវៈផ្លូវដែក (Railway Vocational Technical College) ក្នុងទីក្រុងវៀងចន្ទន៍ ជាស្ថាពរហើយ ហើយពេលនេះបានត្រៀមខ្លួនជាស្រេចដើម្បីស្វាគមន៍និស្សិតជំនាន់ទី១ របស់ខ្លួនជាង៣០០នាក់សម្រាប់ឆ្នាំសិក្សា២០២៣-២០២៤។

គណៈគ្រប់គ្រងមហាវិទ្យាល័យនេះបានឱ្យដឹងថា ការចុះឈ្មោះប្រឡងចូលសិក្សាកំពុងបន្តរហូតដល់ថ្ងៃទី១៤ ខែកញ្ញា ដោយការប្រឡងនឹងប្រព្រឹត្តទៅនៅថ្ងៃទី១៥ ខែកញ្ញា នៅមហាវិទ្យាល័យដែលមានទីតាំងនៅភូមិផុនខាំ (Phonkham) សង្កាត់សាយថានី (Xaythany) រដ្ឋធានីវៀងចន្ទន៍។ នេះបើយោងតាមសារព័ត៌មាន Laotian Times ចុះផ្សាយកាលពីថ្ងៃច័ន្ទ ទី២១ ខែសីហា។

វិញ្ញាសាប្រឡងចូលមហាវិទ្យាល័យនេះរួមមានគណិតវិទ្យា រូបវិទ្យា ភាសាឡាវ អក្សរសាស្ត្រ និងចំណេះដឹងទូទៅ ហើយនឹងត្រូវបានត្រួតពិនិត្យយ៉ាងម៉ឺងម៉ាត់ដើម្បីទប់ស្កាត់ការលួចចម្លង។

លោក ប៊ុនយ៉ាលីត ខាន់ថាចាក់ (Bounyalith Khanthachak) ព្រឹទ្ធបុរសមហាវិទ្យាល័យនេះនិយាយថា “យើងត្រៀមខ្លួនរួចរាល់១០០% ដើម្បីស្វាគមន៍និស្សិតចំនួន៣៦០នាក់នៅក្នុងឆ្នាំសិក្សាដំបូង២០២៣-២០២៤”។

មហាវិទ្យាល័យខាងលើនេះនឹងផ្តល់វគ្គសិក្សាចំនួន៦ទាក់ទងនឹងការផ្លូវដែក រួមទាំងការបើកបររថភ្លើង សេវាស្ថានីយ និងការជួសជុលអគ្គិសនីផងដែរ។ និស្សិតដែលបញ្ចប់ការសិក្សាកម្មវិធីទាំងនេះនឹងមានឱកាសធ្វើការជាមួយក្រុមហ៊ុនផ្លូវដែកល្បឿនលឿនឡាវ-ចិន៕ Laotian Times៕

Asia braces for disappointment on China rate cuts

SYDNEY : Asian markets held their breath on Monday as investors waited to see how serious Beijing was about policy easing via widely expected rate cuts, having so far sorely disappointed with its stimulus steps.

China is expected to cut lending benchmarks by between 10 and 15 basis points on Monday, with many analysts predicting a big reduction to the mortgage reference rate to revive credit demand and shore up the ailing property sector.

The central bank on Sunday said Beijing would coordinate financial support to resolve local government debt problems, and there have been reports it was encouraging commercials banks to lend more.

S&P 500 futures were 0.1 per cent firmer, while Nasdaq futures added 0.2 per cent. Earnings from AI-darling Nvidia on Wednesday will be a major test of valuations.
Analysts are concerned the market has got too long, especially of tech, leaving it vulnerable to a deeper pullback.

BofA’s latest survey of fund managers found sentiment was the least bearish since February 2022, while cash levels were at nearly a two-year low, and 3 out of 4 surveyed expect a soft landing or no landing for the
global economy.

Analysts at Goldman Sachs, meanwhile, argue there is still scope for investors to add to equity positions.

“The re-opening of the buy-back blackout window will provide a boost to equity demand in coming weeks although a flurry of expected equity issuance this fall may provide a partial offset,” they wrote in a note.

Stock valuations have been pressured in part by a sharp rise in bond yields, with the U.S. 10-year hitting 10-month highs last week at 4.328 per cent.

Early Monday, yields were holding at 4.253 per cent and a break above 4.338 per cent would take them to levels not seen since 2007.

Markets assume Federal Reserve Chair Jerome Powell will note the jump in yields at the Jackson Hole conference this week, and the recent run of strong economic data. The Atlanta Fed’s GDP Now tracker is running at a heady 5.8 per cent for this quarter. Source: Reuter

លោក ចូ បៃដិន គ្រោងចុះហត្ថលេខាលើកិច្ចព្រមព្រៀងភាពជាដៃគូយុទ្ធសាស្ត្រជាមួយវៀតណាម

ដោយ: គង់ លាងហួរ

អន្តរជាតិ: ប្រធានាធិបតីអាមេរិក លោក ចូ បៃដិន នឹងចុះហត្ថលេខាលើកិច្ចព្រមព្រៀង ភាពជាដៃគូយុទ្ធសាស្ត្រជាមួយប្រទេសវៀតណាម ក្នុងអំឡុងពេលទស្សនកិច្ចផ្លូវរដ្ឋរបស់លោក ទៅកាន់ប្រទេសនេះ នៅពាក់កណ្តាលខែកញ្ញាខាងមុខ។

នេះបើយោងតាមសារពត៌មាន Politico បានរាយការណ៍កាលពីថ្ងៃសុក្រសប្តាហ៍មុន ដោយដកស្រង់សម្តីមនុស្ស៣នាក់ ដែលមានចំណេះដឹងអំពីការរៀបចំផែនការនៃកិច្ចព្រមព្រៀងនេះ។

Politico បានអះអាងថា កិច្ចព្រមព្រៀងនេះ នឹងអនុញ្ញាតឱ្យមានកិច្ចសហប្រតិបត្តិការទ្វេរភាគីថ្មី ដែលនឹងជំរុញកិច្ចខិតខំប្រឹងប្រែងរបស់វៀតណាម ក្នុងការអភិវឌ្ឍវិស័យបច្ចេកវិទ្យា ជាន់ខ្ពស់របស់ខ្លួន ក្នុងវិស័យជាច្រើន ដូចជាការផលិតបន្ទះ semiconductor និងបញ្ញាសិប្បនិម្មិត។

យោងតាមប្រភពដែលដឹងពីគម្រោងនេះ បានប្រាប់សារពត៌មាន Reuter កាលពីថ្ងៃសុក្រថា លោក Biden បាននិងកំពុងថ្លឹងថ្លែងដំណើរទស្សនកិច្ច នៅខែកញ្ញារបស់លោក ទៅកាន់ប្រទេសវៀតណាម។

លោក ចូ បៃដិន បានមានប្រសាសន៍ កាលពីដើមខែសីហានេះថា លោកនឹងធ្វើដំណើរទស្សនកិច្ច ទៅកាន់ប្រទេសវៀតណាមក្នុងពេលដ៏ខ្លីខាងមុខ ដោយសារតែប្រទេសនេះ ចង់លើកកម្ពស់ទំនាក់ទំនងរបស់ខ្លួន ជាមួយសហរដ្ឋអាមេរិក និងចង់ក្លាយជាដៃគូដ៏សំខាន់មួយរបស់យើង។

យ៉ាងណាមិញ សេតវិមានមិនបានបញ្ជាក់ពីផែនការ នៃដំណើរទស្សនកិច្ចនោះទេ។ នៅក្នុងកិច្ចប្រជុំមួយកាលពីខែមេសា នាយករដ្ឋមន្ត្រីវៀតណាមលោក Pham Minh Chinh និងរដ្ឋមន្ត្រីការបរទេសអាមេរិក លោក Antony Blinken បានសម្តែងនូវបំណង ចង់ធ្វើឱ្យទំនាក់ទំនងរវាងប្រទេសទាំង២កាន់តែស៊ីជម្រៅ ខណៈទីក្រុងវ៉ាស៊ីនតោនព្យាយាមពង្រឹងទំនាក់ទំនង ជាមួយដៃគូក្នុងតំបន់អាស៊ី ដើម្បីទប់ទល់នឹងប្រទេសចិន។

នៅក្រោយប្រសាសន៍របស់លោកចូ បៃដិន ក្រុមមន្រ្តីអាមេរិកមិនបានលម្អិត ពីការពង្រឹងទំនាក់ទំនងអាមេរិក -វៀតណាមនោះទេ ប៉ុន្តែអ្នកជំនាញជឿថា វាអាចរាប់បញ្ចូលការបង្កើន សហប្រតិបត្តិការយោធា និងការលក់សព្វាវុធអាមេរិកទៅឲ្យវៀតណាម៕

សេដ្ឋកិច្ចរបស់ប្រទេសថៃកំពុងដើរនៅលើផ្លូវឆ្ពោះទៅស្ទុះ ងើបឡើងវិញ

ដោយ: គង់ លាងហួរ

បាងកក: ធនាគារកណ្តាលថៃបានអះអាងថា សេដ្ឋកិច្ចរបស់ប្រទេសនេះ នៅតែស្ថិតនៅលើផ្លូវមួយ ក្នុងការស្ទុះងើបឡើងវិញ ខណៈដែលវិស័យទេសចរណ៍បានងើបឡើងវិញ ពោលគឺស្របទៅតាមការមកដល់កាន់តែច្រើន នៃចំនួនភ្ញៀវទេសចរបរទេស។

ធនាគារកណ្តាលថៃ (BoT) បានបញ្ជាក់នៅក្នុងសេចក្តីថ្លែងការណ៍មួយថា សកម្មភាពសេដ្ឋកិច្ចត្រូវបានគេមើលឃើញថា មានភាពប្រសើរឡើងវិញបន្តិចម្តងៗ ដោយវិស័យទេសចរណ៍នៅតែជាកត្តាជំរុញដ៏សំខាន់។

ធនាគារកណ្តាលថៃបានបន្តទៀតថា ប្រទេសថៃបានកត់ត្រាអតិរេកគណនីចរន្ត ក្នុងទឹកប្រាក់ចំនួន១,៤ពាន់លានដុល្លារ ក្នុងខែមិថុនា បន្ទាប់ពីជួបប្រទះឱនភាព ចំនួន២,៨ពាន់លានដុល្លារក្នុងខែឧសភា។ចំណែកឯការនាំចេញ ដែលធ្លាប់ជាកត្តាជំរុញដ៏សំខាន់មួយ នៃកំណើនសេដ្ឋកិច្ចរបស់ប្រទេសនេះ បានធ្លាក់ចុះ៥,៩%នៅក្នុងខែមិថុនា ដែលនេះជាល្បឿនដូចគ្នាបើធៀបនឹងខែឧសភា។

យោងតាម ធនាគារ BoT បានឱ្យដឹងទៀតថា ការប្រើប្រាស់ឯកជនបានធ្លាក់ចុះ០,៣% នៅក្នុងខែមិថុនាធៀបនឹងខែឧសភា ខណៈដែលការវិនិយោគឯកជន បានធ្លាក់ចុះ១,៨% នៅក្នុងខែមិថុនា។ធនាគារកណ្តាលថៃ បានបន្ថែមថា នៅក្នុងត្រីមាសទីពីរនៃឆ្នាំនេះ សេដ្ឋកិច្ចធំជាងគេទី២ របស់តំបន់អាស៊ីអាគ្នេយ៍ គឺប្រទេសថៃបានបង្ហាញពីភាពប្រសើរឡើងវិញ ក្នុងកម្រិតមធ្យមបើធៀបនឹងត្រីមាសមុន ដោយសារចំនួនភ្ញៀវទេសចរបរទេស និងសេវាកម្មបានកើនឡើង៕

ម៉ាឡេស៊ី ថៃ វៀតណាម និងកម្ពុជាប្រឈមពន្ធទណ្ឌកម្មលើផលិតផលសូឡារបស់អាមេរិក

ដោយៈ តែម សុខុម

វ៉ាស៊ីនតោន: សហរដ្ឋអាមេរិក កំពុងត្រៀមដាក់ពន្ធទណ្ឌកម្មធ្ងន់ធ្ងរ លើបណ្ដាក្រុមហ៊ុនផលិតបន្ទះសូឡា ដែលសម្រេចផលិតផលរបស់ពួកគេ នៅក្នុងបណ្តាប្រទេសអាស៊ាន រួមមាន ទាំងកម្ពុជាផងដែលគេចវេះការបង់ពន្ធ លើទំនិញផលិតដោយប្រទេសចិន។

ពន្ធទណ្ឌកម្មនេះ គំរាមកំហែងជំរុញឱ្យថ្លៃដើម នៃថាមពលកកើតឡើងវិញហក់ឡើងថ្លៃខ្ពស់ និងធ្វើឱ្យការអភិវឌ្ឍថាមពលស្អាតនៅសហរដ្ឋអាមេរិកមានសន្ទុះយឺត ប្រសិនបើក្រុមហ៊ុនអភិវឌ្ឍន៍ថាមពលសូឡាទាំងនោះ មិនអាចស្វែងរកប្រភពផ្គត់ផ្គង់ផ្សេងទៀតបានទេនោះ។ នេះបើយោងតាមកាសែត Bangkok Post ចុះផ្សាយចុះផ្សាយកាលពីសប្ដាហ៍មុន។

ផលិតផលបន្ទះសូឡាមួយចំនួន ដែលនាំចេញពីតំបន់អាស៊ាន ពេលនេះ អាចប្រឈមនឹងការបង់ពន្ធខ្ពស់ រហូតដល់ទៅ២៥៤%ចាប់ពីខែមិថុនា ឆ្នាំ២០២៤ តទៅ បន្ទាប់ពីក្រសួងពាណិជ្ជកម្មអាមេរិក បានរកឃើញថា បណ្ដាក្រុមហ៊ុនដែលកំពុងដំណើរការ នៅក្នុងប្រទេសថៃ ម៉ាឡេស៊ី វៀតណាម និងកម្ពុជា បាននិងកំពុងគេចពន្ធអស់រយៈពេលជាយូរមកហើយ។

សហរដ្ឋអាមេរិក បានដាក់ចេញរបបពន្ធប្រឆាំង នឹងការលក់បង្ខូចថ្លៃ (Anti-Dumping Duties) រយៈពេលមួយទសវត្សរ៍មកហើយលើផលិតផលបន្ទះសូឡា ដែលផលិតដោយប្រទេសចិន បន្ទាប់ពីការស៊ើបអង្កេតមួយ របស់ក្រសួងពាណិជ្ជកម្មអាមេរិក បានរកឃើញថា បណ្ដាក្រុមហ៊ុនចិន ទទួលបានការឧបត្ថម្ភធនពីរដ្ឋាភិបាលចិន ដោយមិនត្រឹមត្រូវ ដើម្បីជួយរក្សាតម្លៃផលិតផលរបស់ពួកគេ ឱ្យនៅថោកធៀបនឹងផលិតផលដទៃ។សេចក្ដីសម្រេចដែលត្រូវបានប្រកាសនៅថ្ងៃសុក្រ សប្ដាហ៍មុននេះ បានចង្អុលបង្ហាញក្រុមហ៊ុនចំនួន៥ ដែលជាក្រុមហ៊ុនចិន ឬដែលមានទំនាក់ទំនងជាមួយប្រទេសចិន ថាបានគេចពន្ធគយ។

ក្រុមហ៊ុនទាំងនោះរួមមានក្រុមហ៊ុន Canadian Solar Inc នៅប្រទេសថៃ ក្រុមហ៊ុន BYD (HK) Co Ltd និងក្រុមហ៊ុន New East Solar (Cambodia) Co Ltd នៅកម្ពុជា និងនៅវៀតណាម ក្រុមហ៊ុន Trina Solar Science & Technology និងក្រុមហ៊ុន Vina Solar Technology Co ដែលជាបុត្រសម្ព័ន្ធនៃក្រុមហ៊ុនចិន Longi Green Energy Technology Co។

ឧស្សាហកម្មថាមពលសូឡារបស់សហរដ្ឋអាមេរិក ពឹងផ្អែកយ៉ាងខ្លាំង លើការនាំចូលពីអាស៊ីអាគ្នេយ៍ ដោយបណ្ដាប្រទេសដែលរងផលប៉ះពាល់ពីសេចក្ដីសម្រេចនេះ ផ្គត់ផ្គង់ប្រមាណ៧៥%នៃផលិតផលបន្ទះសូឡា ដែលប្រើប្រាស់នៅក្នុងសហរដ្ឋអាមេរិក។

ក្រោមសេចក្ដីសម្រេចនេះ ក្រុមហ៊ុនផលិតបន្ទះសូឡាទាំងអស់ផ្សេងទៀត នៅក្នុងប្រទេសទាំង៤ខាងលើ រួមមាន ម៉ាឡេស៊ី ថៃ វៀតណាម និងកម្ពុជា នឹងត្រូវទទួលបន្ទុកបង់ពន្ធថ្មី លុះត្រាតែពួកគេអាចបញ្ជាក់បានថា ការនាំចេញរបស់ពួកគេមិនបានគេចពន្ធគយ៕ Bangkok Post៕

Biden to sign strategic partnership deal with Vietnam

United States President Joe Biden will sign a strategic partnership agreement with Vietnam during a state visit to the Southeast Asian country in mid-September, Politico reported on Friday, citing three people with knowledge of the deal’s planning.

The agreement will allow for new bilateral collaboration that will boost Vietnam’s efforts to develop its high technology sector in areas including semiconductor production and artificial intelligence, Politico said.

A source familiar with the plans told Reuters on Friday that Biden was weighing a
September trip to Vietnam.

Biden said earlier this month that he would be traveling to Vietnam “shortly” because the country wanted to elevate its relationship with the United States and become a major partner.The White House has not confirmed plans for the trip.

At a meeting in April, Vietnamese Prime Minister Pham Minh Chinh and US Secretary of State Antony Blinken expressed a desire to deepen ties as Washington seeks to solidify relations with partners in Asia to counter an increasingly assertive China.

Officials have not said what the closer relationship might entail, but experts say it could include increased military cooperation and US weapon supplies.Source: Reuters

1...820821822...3,255 Page 821 of 3,255