ដោយ: គង់ លាងហួរ
ក្រុងឡុងដ៍: ផលិតកម្មឧស្សាហកម្មនៅប្រទេសអាល្លឺម៉ង់ ដែលជាប្រទេសមានសេដ្ឋកិច្ចធំជាងគេបំផុតរបស់អឺរ៉ុបបានធ្លាក់ចុះ១,៥% នៅក្នុងខែមិថុនាធៀបនឹងខែឧសភា ដោយសារវិស័យរថយន្តធ្លាក់ចុះអស់៣,៥%។

ការធ្លាក់ចុះនៃទិន្នផលឧស្សាហកម្មរបស់អាល្លឺម៉ង់ មានភាពចោតខ្លាំងជាងការព្យាកររបស់អ្នកសេដ្ឋកិច្ច និងបង្កើនហានិភ័យដែលថា ការផលិតធន់ធ្ងន់នឹងធ្លាក់ចុះម្តងទៀតនៅឆ្នាំនេះ ដែលអាចធ្វើឱ្យអាល្លឺម៉ង់ធ្លាក់ចូលទៅក្នុងវិបត្តិសេដ្ឋកិច្ចវិញ។

យោងតាមការិយាល័យស្ថិតិរបស់ប្រទេសអាល្លឺម៉ង់បានបង្ហាញថា ទិន្នផលរបស់វិស័យសំណង់ដែលបានធ្លាក់ចុះ២,៨% ក៏បានជះឥទ្ធិពលអវិជ្ជមានទៅលើផលិតកម្មឧស្សាហកម្មទាំងមូលផងដែរ។

ជាក់ស្តែង ប្រទេសអាល្លឺម៉ង់ទើបតែបានងើបចេញពីវិបត្តិសេដ្ឋកិច្ចក្នុងអំឡុងខែមេសាដល់ខែមិថុនាប៉ុណ្ណោះ ដោយសារផលិតផលក្នុងស្រុកសរុប (GDP) បានស្ថិតនៅទ្រឹងបើធៀបនឹងត្រីមាសទី១ ប៉ុន្តែទិន្នន័យបណ្តោះអាសន្នចុងក្រោយបង្អស់បង្ហាញថា ភាពប្រសើរឡើងបន្តិចបន្តួចនៃជោគវាសនារបស់សេដ្ឋកិច្ចអាល្លឺម៉ង់ប្រហែលជាមិនស្ថិតស្ថេរនោះទេ។

លោក Franziska Palmas សេដ្ឋវិទូជាន់ខ្ពស់អឺរ៉ុបប្រចាំនៅក្រុមហ៊ុន Capital Economics បានសរសេរក្នុងកំណត់ត្រាមួយថា “យើងរំពឹងថា ការធ្លាក់ចុះនៃទិន្នផលឧស្សាហកម្មគឺជាកត្តាមួយ ដែលអាចបណ្តាលឱ្យមានការធ្លាក់ចុះជាថ្មីនៃផលិតផលក្នុងស្រុកសរុបរបស់ប្រទេសអាល្លឺម៉ង់នៅក្នុងឆមាសទីពីរនៃឆ្នាំនេះ”។ឧស្សាហកម្មរថយន្ត ដែលគ្របដណ្តប់ប្រហែល៥% នៃសេដ្ឋកិច្ចអាល្លឺម៉ង់កំពុងពិបាកកម្រើកឡើងវិញពីការវាយប្រហារដោយសារវិបត្តិជំងឺរាតត្បាតកូវីដ និងការជាប់គាំងនៃខ្សែសង្វាក់ផ្គត់ផ្គង់៕

តែម សុខុម
បាងកក: ប្រទេសថៃ កំពុងតែឈឺក្បាលពិបាកដោះស្រាយ ខណៈបំណុលគ្រួសារដែលខូច (Bad Household Debt) សម្រាប់ត្រីមាសទី២ ដើមឆ្នាំនេះបានកើនឡើងលើសពី១ទ្រីលានបាត ឬ ២៨,៥ពាន់លានដុល្លារអាមេរិក។

ធនាគារកណ្តាលថៃ (BOT) បានពង្រីកការគ្របដណ្តប់នៃទិន្នន័យបំណុលគ្រួសារនេះដើម្បីរួមបញ្ចូលប្រាក់កម្ចីពីមូលនិធិកម្ចីសម្រាប់និស្សិត (Student Loan Fund) ប្រមាណ១៣,៧៥ពាន់លានដុល្លារអាមេរិក និងកម្ចីសហករណ៍៧,៥៥ពាន់លានដុល្លារអាមេរិក ផងដែរ។ នេះបើយោងតាមកាសែត The Nation ចុះផ្សាយកាលពីថ្ងៃពុធ ទី៩ សីហា។

បំណុលកម្ចីទិញផ្ទះទូទាំងប្រទេសថៃ នៅពេលនេះក៏ត្រូវបានបញ្ចូលទៅក្នុងបំណុលគ្រួសារផងដែរ ហើយជាលទ្ធផលធ្វើឱ្យបំណុលគ្រួសារចុងក្រោយបំផុតនៅក្នុងប្រទេសថៃ ឡើងដល់១៧,៦២ទ្រីលានបាត ឬ ៥០១,៤ពាន់លានដុល្លារអាមេរិក។ទោះជាយ៉ាងណា ដោយស្ថិតនៅក្រោមទិន្នន័យថ្មីរបស់ធនាគារកណ្ដាលថៃ (BOT) មានតែ៧០%នៃបំណុលគ្រួសារថៃ ប៉ុណ្ណោះដែលត្រូវបានគ្របដណ្តប់ ខណៈ៣០%ទៀតគ្មានការពិនិត្យតាមដាន។ ដូច្នេះការគ្របដណ្តប់ទិន្នន័យដែលមានលក្ខណៈល្អប្រសើរ គឺមានសារៈសំខាន់សម្រាប់ការដោះស្រាយបំណុលដ៏ទូលំទូលាយ។

យោងតាមលោក ស៊ូរ៉ាពុល អូប៉ាសាទៀន (Surapol Opasatien) នាយកប្រតិបត្តិនៃការិយាល័យឥណទានជាតិ (National Credit Bureau) បានឱ្យដឹងថា បំណុលគ្រួសារសរុបនាពេលបច្ចុប្បន្នមានចំនួន១៧,៦២ទ្រីលានបាត ឬ ៥០១,៤ពាន់លានដុល្លារអាមេរិក ដែលស្មើប្រមាណ៩០,៦%នៃផលទុនជាតិសរុប (GDP)។

ក្នុងចំណោមបំណុលខូច២៨,៥ពាន់លានដុល្លារអាមេរិក មាន៥,៧ពាន់លានដុល្លារអាមេរិក ជាកម្ចីទិញរថយន្ត ៥,១២ពាន់លានដុល្លារអាមេរិក ជាកម្ចីទិញផ្ទះ ៧,១២ពាន់លានដុល្លារអាមេរិក ជាកម្ចីផ្ទាល់ខ្លួន ជាមួយនឹងបំណុលកសិកម្មមានចន្លោះពី១៧ពាន់លានដុល្លារអាមេរិក ទៅ២២,៨ពាន់លានដុល្លារអាមេរិក៕ The Nation៕

ដោយ: គង់ លាងហួរ
ហុងកុង: ការជួលផ្ទះនៅទីក្រុងហុងកុងបានកើនឡើងដល់កម្រិតខ្ពស់រយៈពេល១៨ខែ ក្នុងខែកក្កដា ខណៈសិស្ស និស្សិត និងអ្នកជំនាញបានវិលត្រឡប់មកកាន់ទីក្រុងនេះវិញ ហើយអត្រាការប្រាក់ខ្ពស់បានបន្តរារាំងអ្នកជួលមិនឱ្យក្លាយជាអ្នកទិញ។

នេះបើយោងតាមសារពត៌មាន South China Morning Post ចុះផ្សាយនៅថ្ងៃសុក្រ ទី១១ ខែសីហា ឆ្នាំ២០២៣។យោងតាមសន្ទស្សន៍នៃការជួល Centa-City ដែលចងក្រងដោយក្រុមហ៊ុន Centaline Property បានឱ្យដឹងថា សន្ទស្សន៍នៃការជួលបានកើនឡើង១,១៥ភាគរយក្នុងខែកក្កដាដល់១១៤,០២ពិន្ទុ បើធៀបនឹងខែមិថុនា។ សន្ទស្សន៍នេះបានកើនឡើង៥,៤៥%ក្នុងរយៈពេល៦ខែចាប់ពីខែមករា។

លោក Yeung Ming-yee នាយករងជាន់ខ្ពស់នៃក្រុមហ៊ុន Centaline Property Research បានបញ្ជាក់នៅក្នុងរបាយការណ៍មួយថា “អតិថិជនបានផ្លាស់ប្តូរពីការទិញមកជាការជួលវិញ ហើយលំហូរចូលនៃនិស្សិត និងអ្នកជំនាញបានបង្កើនតម្រូវការអចលនទ្រព្យសម្រាប់ជួល”។

លោកបានបន្តថា“ទីផ្សារលំនៅដ្ឋានឯកជនបានឈានចូលដល់រដូវកាលកំពូលនៃការជួល ហើយចំនួនករណីជួលបានកើនឡើង ដែលនាំឲ្យមានការកើនឡើងជាលំដាប់នៃការជួល ពោលគឺទីផ្សារជួលនៅតែបន្តមានភាពសកម្ម”។ក្រុមហ៊ុន Centaline រំពឹងថា សន្ទស្សន៍នៃការជួលអាចកើនឡើង១,៧៤ភាគរយទៀតរហូតដល់១១៦ពិន្ទុ នៅក្នុងត្រីមាសទី៣ ដែលជាកម្រិតមិនធ្លាប់បានឃើញមានចាប់តាំងពីខែតុលា ឆ្នាំ២០២១។ការជួលផ្ទះនៅក្នុងទីក្រុងហុងកុងបានកើនឡើង ចាប់តាំងពីដើមឆ្នាំនេះមកម្ល៉េះ ដោយសារការហូរចូលនៃអ្នកជំនាញ និងនិស្សិតបញ្ចប់ការសិក្សានៅប្រទេសចិនដីគោក៕

តែម សុខុម

ញូវយ៉ក: ក្រសួងរតនាគារអាមេរិក នឹងស្នើឱ្យបង្កើតច្បាប់មួយដែលនឹងបញ្ចប់សកម្មភាពទិញផ្ទះប្រណីតដោយអនាមិកដើម្បីបិទចន្លោះប្រហោង ដែលក្រសួងនេះនិយាយថាអនុញ្ញាតឱ្យក្រុមមហាសេដ្ឋីពុករលួយ ភេរវករ និងឧក្រិដ្ឋជនផ្សេងៗទៀតលាក់បាំងលុយដែលពួកគេរកបានដោយមិនសុចរិត។

ច្បាប់ដែលគេទន្ទឹងរង់ចាំជាយូរមកហើយនេះ ត្រូវបានរំពឹងថានឹងតម្រូវឱ្យក្រុមអ្នកជំនាញផ្នែកអចលនទ្រព្យដូចជាក្រុមហ៊ុនធានារ៉ាប់រងលើកម្មសិទ្ធិអចលនទ្រព្យជាដើម រាយការណ៍អំពីអត្តសញ្ញាណរបស់ម្ចាស់ក្រុមហ៊ុនដែលទិញអចលនទ្រព្យដោយទូទាត់ជាសាច់ប្រាក់ ទៅកាន់បណ្តាញអនុវត្តន៍ច្បាប់ប្រឆាំងបទល្មើសហិរញ្ញវត្ថុ (FinCEN) នៃក្រសួងរតនាគារអាមេរិក។ នេះបើយោងតាមទីភ្នាក់ងារព័ត៌មាន Reuters ចុះផ្សាយកាលពីថ្ងៃសុក្រ ទី១១ សីហា។

ប្រភពច្បាស់ការបានទម្លាយឱ្យដឹងថា បណ្តាញអនុវត្តន៍ច្បាប់ប្រឆាំងបទល្មើសហិរញ្ញវត្ថុ (FinCEN) គ្រោងនឹងស្នើច្បាប់នេះនៅខែសីហា នេះបើយោងតាមរបៀបវារៈបទប្បញ្ញត្តិរបស់ខ្លួន។ក្រុមអ្នកតស៊ូមតិប្រឆាំងអំពើពុករលួយ និងក្រុមសមាជិកសភាអាមេរិក បាននិងកំពុងជំរុញឱ្យមានច្បាប់ នេះដែលនឹងជំនួសប្រព័ន្ធរាយការណ៍បច្ចុប្បន្ន។

លោកស្រី ជេណេត យេឡេន (Janet Yellen) រដ្ឋមន្ត្រីក្រសួងរតនាគារអាមេរិក បានលើកឡើងកាលពីខែមីនា ថា ឧក្រិដ្ឋជនបានលាក់កំបាំងប្រាក់ដែលពួកគេរកបានដោយមិនសុចរិត និងអាថ៌កំបាំងជាច្រើនទសវត្សរ៍មកតាមរយៈការវិនិយោគលើអចលនវត្ថុ ហើយថា លុយកខ្វក់ចំនួន២,៣ពាន់លានដុល្លារ ត្រូវបានគេលាងតាមរយៈការវិនិយោគលើអចលនទ្រព្យនៅសហរដ្ឋអាមេរិក ចន្លោះឆ្នាំ២០១៥ ដល់ឆ្នាំ២០២០៕ Reuters៕

ដោយ: គង់ លាងហួរ
អន្តរជាតិ: សារពត៌មាន Bloomberg បានរាយការណ៍ថា លោកស្រី Yang Huiyan ប្រធានក្រុមហ៊ុនអចលនទ្រព្យខ្នាតយក្ស Country Garden បានខាតបង់ទ្រព្យសម្បត្តិអស់ច្រើនជាងមហាសេដ្ឋីនានានៅលើពិភពលោកនៅក្នុងរយៈពេល២ឆ្នាំចុងក្រោយនេះ។

ទ្រព្យសម្បត្តិសុទ្ធរបស់លោកស្រី Yang បានដាំក្បាលចុះ៨៤% ចាប់តាំងពីខែមិថុនា ឆ្នាំ២០២១ ឬស្មើនឹងទំហំទឹកប្រាក់ចំនួន២៨,៦ពាន់លានដុល្លារអាមេរិក។ នេះបើយោងតាមសន្ទស្សន៍មហាសេដ្ឋី Bloomberg ។

ទ្រព្យសម្បត្តិសុទ្ធរបស់លោកស្រី Yang បច្ចុប្បន្នស្ថិតក្នុងរង្វង់៥,៥ពាន់លានដុល្លារអាមេរិក។ លើសពីនេះ កាលពីថ្ងៃអង្គារដើមសប្តាហ៍កន្លងទៅ ប្រធានក្រុមហ៊ុនអចលនទ្រព្យរូបនេះបានខាតបង់លុយអស់រហូតដល់ទៅ៤៩០លានដុល្លារ។ នៅពេលនេះ លោកស្រី Yang បានធ្លាក់មកឈរនៅលំដាប់លេខរៀងទី៤៧៥ ក្នុងតារាងចំណាត់ថ្នាក់មហាសេដ្ឋីដែលចងក្រងដោយកាសែត Bloomberg។

Country Garden ដែលធ្លាប់តែជាក្រុមហ៊ុនអភិវឌ្ឍដ៏ធំបំផុតរបស់ប្រទេសចិន បានខកខានការទូទាត់អត្រាការប្រាក់លើមូលបត្របំណុលចំនួន២ជាប្រាក់ដុល្លារអាមេរិក ដែលធ្វើឲ្យអ្នកវិនិយោគមានការព្រួយបារម្ភ ខណៈវិស័យអចលនទ្រព្យចិនកំពុងស្ថិតក្នុងស្ថានភាពមិនល្អប្រសើរនៅឡើយ។

ទាក់ទិននឹងបញ្ហានេះ សារពត៌មាន CNN នៅមិនទាន់អាចទាក់ទងទៅកាន់ក្រុមហ៊ុន Country Garden ដើម្បីសុំការធ្វើអត្ថាធិប្បាយបាននៅឡើយទេ៕

ដោយ: គង់ លាងហួរ
រីយ៉ាដ: យោងតាមរបាយការណ៍ថ្មីមួយបានបង្ហាញថា វិស័យលំនៅដ្ឋាននៅទីក្រុងឌូបៃកំពុងស្ថិតនៅលើផ្លូវឆ្ពោះទៅបំបែកកំណត់ត្រាឆ្នាំដ៏មមាញឹកបំផុតនៅឡើយ ខណៈចំនួនប្រតិបត្តិការទិញលក់អចលនទ្រព្យបានហក់ឡើងដល់កម្រិតខ្ពស់បំផុតមិនធ្លាប់មាន។

យោងតាមរបាយការណ៍ចេញផ្សាយដោយក្រុមហ៊ុនផ្តល់សេវាអចលនទ្រព្យសកលលោក Savills បានបង្ហាញថាប្រតិបត្តិការអចលនទ្រព្យនៅក្រុងឌូបៃបានហក់ឡើង៤៤ភាគរយនៅក្នុងឆមាសទី១ រហូតដល់៥៧.៧០០យូនីត បើធៀបទៅនឹងឆ្នាំមុន។

របាយការណ៍ដដែលបានបង្ហាញ ឱ្យដឹងទៀតថា ក្នុងចំណោមប្រតិបត្តិការចំនួន៥៧.៧០០យូនីតនេះ ក្នុងនោះមាន អាផាតមុិន ចំនួន៤៦.១០០យូនីត និង វីឡាចំនួន១១.៦០០យូនីត ដែលបានលក់ចេញក្នុងឆមាសទី១។

លោក Swapnil Pillai នាយករងនៃការស្រាវជ្រាវតំបន់មជ្ឈិមបូព៌ាប្រចាំក្រុមហ៊ុន Savills បានលើកឡើងថា “បើគិតតាមប្រវត្តិសាស្ត្រ ខែរដូវក្តៅនៅប្រទេស UAE ត្រូវបានគេដឹងថាមានភាពយឺតយ៉ាវ ខណៈអ្នកស្រុកជាច្រើនធ្វើដំណើរក្នុងកំឡុងពេលសម្រាកសិក្សា”។

លោកបានបន្ថែមថា “ទោះជាយ៉ាងណាក្តី និន្នាការនេះហាក់ដូចជាកំពុងផ្លាស់ប្តូរក្នុងពេលថ្មីៗនេះ ដោយសារអចលនទ្រព្យនៅទីក្រុងឌូបៃនៅតែបន្តទទួលបានការពេញចិត្តក្នុងចំណោមអ្នកស្រុក និងទស្សនិកជនអន្តរជាតិ ដែលស្វែងរកស្ថិរភាព ស្របពេលបរិយាកាសសេដ្ឋកិច្ចមិនច្បាស់លាស់”៕

Laos is likely to receive a loan worth THB 1.8 billion (around USD 51 million) from Thailand to develop the Khamsavath Station in Vientiane Capital, located near the border of the two countries, to boost cross-border trade and tourism.

Thailand’s Neighbouring Countries Economic Development Cooperation Agency (NEDA) President, Mr. Peerames Vudthitornetiraks, said on Monday that Neda is currently planning to ask for approval from the Cabinet to lend THB 1.8 billion to Laos, which will be used to commercially develop the area of Khamsavath Station.

Khamsavath Station is part of the Laos-Thai railway project connecting the Thai province of Nong Khai to the Vientiane Capital. The first phase of construction, which links the two stations of Nong Khai and Thanaleng, has already been completed and is awaiting inspection by both countries, the Nation Thailand reported.

“This railway project is in line with Laos’ National Railway Development Strategy, and it will boost cross-border trade and tourism between Thailand, Laos, and the southern provinces of China,” said Mr. Peerames.

Mr. Peerames added that Laos requested help from Thailand in training railway operators at a recent meeting between representatives from both nations. Since Laos requires all train operators to be Lao nationals, the Lao Railway Authority plans to send 5-10 operators to Thailand to train with the State Railway of Thailand.Source: Laotian Times

ដោយ: គង់ លាងហួរ
វៀងចន្ទន៍: ប្រទេសឡាវគ្រោងខ្ចីប្រាក់ចំនួន១,៨ពាន់លានបាត (ប្រហែល៥១លានដុល្លារ) ពីប្រទេសថៃ ដើម្បីអភិវឌ្ឍស្ថានីយ៍ Khamsavath នៅទីក្រុងវៀងចន្ទន៍ ដែលមានទីតាំងនៅជិតព្រំដែននៃប្រទេសទាំង២។

លោក Peerames Vudthitornetiraks ប្រធានទីភ្នាក់ងារសហប្រតិបត្តិការអភិវឌ្ឍសេដ្ឋកិច្ចប្រទេសជិតខាង (NEDA) របស់ប្រទេសថៃ បានលើកឡើងថា បច្ចុប្បន្នយើងគ្រោងនឹងស្នើសុំការអនុម័តពីគណៈរដ្ឋមន្ត្រីដើម្បីផ្តល់ប្រាក់កម្ចីចំនួន១,៨ពាន់លានបាតដល់ប្រទេសឡាវ សម្រាប់អភិវឌ្ឍតំបន់ស្ថានីយKhamsavath។

ស្ថានីយ Khamsavath គឺជាផ្នែកមួយនៃគម្រោង ផ្លូវរថភ្លើងឡាវ-ថៃ ដែលតភ្ជាប់ខេត្ត Nong Khai របស់ប្រទេសថៃទៅកាន់រដ្ឋធានីវៀងចន្ទន៍។លោក Peerames បានមានប្រសាសន៍ថា “គម្រោងផ្លូវដែកនេះគឺស្របតាមយុទ្ធសាស្ត្រអភិវឌ្ឍផ្លូវដែកជាតិរបស់ប្រទេសឡាវ ហើយវានឹងជួយជំរុញពាណិជ្ជកម្មឆ្លងព្រំដែន និងទេសចរណ៍រវាងប្រទេសថៃ ឡាវ និងខេត្តភាគខាងត្បូងនៃប្រទេសចិន”។

លោក Peerames បានបន្ថែមថា ប្រទេសឡាវបានស្នើសុំជំនួយពីប្រទេសថៃក្នុងការបណ្តុះបណ្តាលប្រតិបត្តិករផ្លូវដែកនៅក្នុងកិច្ចប្រជុំនាពេលថ្មីៗនេះរវាងតំណាងមកពីប្រទេសទាំងពីរ។

ប្រសិនបើប្រាក់កម្ចីនេះត្រូវបានអនុម័ត នោះនឹងនាំឱ្យការផ្តល់ជំនួយហិរញ្ញវត្ថសរុបពីសំណាក់ប្រទេសថៃដល់ប្រទេសឡាវកើនដល់ទៅ១៥,៣២ពាន់លានបាត ដែលស្មើនឹង៧០% នៃថវិកាទាំងមូលដែលទីភ្នាក់ងារ Neda បានស្នើសុំដើម្បីជួយដល់បណ្តាប្រទេសជិតខាង៕

ដោយៈ គង់ សូរិយា
ខេត្តកែបៈ ក្បាលដីសរុប៤.៥៦៤ក្បាលដី ដែលបានចុះបញ្ជីជាលក្ខណៈប្រព័ន្ធ ត្រូវបានបិទផ្សាយជាសាធារណៈ នូវឯកសារនៃការវិនិច្ឆ័យការចុះបញ្ជីដីធ្លីជាប្រព័ន្ធ ស្ថិតក្នុងភូមិអំពេង ឃុំអង្កោល ស្រុកដំណាក់ចង្អើរ ខេត្តកែប។

ក្នុងនោះភូមិចំការបី ជាភូមិចុងក្រោយ និងបញ្ជប់ការវាស់វែងនៅខែកញ្ញាឆ្នាំ២០២៣នេះ។ពិធីនេះ បានធ្វើឡើងនៅរសៀលថ្ងៃទី១០ ខែសីហា ឆ្នាំ២០២៣ ក្រោមការចូលរួម ពីសំណាក់ លោក សោម ពិសិដ្ឋ អភិបាលខេត្តកែប នៅវត្តពោធិ៍សត្ថារាម ហៅវត្តអំពេង។

លោកសុទ្ធ ពុទ្ធិម៉ានីន ប្រធានមន្ទីររៀបចំដែនដី នគររូបនីយកម្ម សំណង់ និងសុរិយោដី ខេត្តកែប មានរបាយការណ៍ថា ការបិទផ្សាយជាសាធារណៈនូវឯកសារនៃការវិនិច្ឆ័យ លើការចុះបញ្ជីដីធ្លីជាលក្ខណៈប្រព័ន្ធនេះមានរយៈពេល១៥ថ្ងៃ គិតចាប់ពីថ្ងៃទី១០ ខែសីហា ឆ្នាំ ២០២៣ រាប់ទាំងថ្ងៃឈប់សម្រាក ដើម្បីឱ្យប្រជាពលរដ្ឋ មកត្រួតពិនិត្យ និងផ្ទៀងផ្ទាត់ក្បាលដីរបស់ខ្លួនឱ្យបានត្រឹមត្រូវ ប្រសិនបើមិនទាន់ត្រឹមត្រូវអាចប្តឹង ជំទាស់ដើម្បីសើររើពិនិត្យមើលឡើងវិញ ដូចជាឈ្មោះ ព្រំប្រទល់ក្បាលដី ថ្ងៃ ខែ ឆ្នាំកំណើត ប្រភេទទ្រព្យជាដើម។

លោក សោម ពិសិដ្ឋអភិបាលនៃគណៈអភិបាលខេត្តកែបបានមានប្រសាសន៍ថា ការបិទផ្សាយជាសាធារណៈនូវឯកសារ នៃការវិនិច្ឆ័យ មានលក្ខណៈប្រព័ន្ធនៅក្នុងភូមិអំពេង នាពេលនេះគឺជាផ្នែកមួយក្នុងចំណោមកិច្ចការជាច្រើន របស់រាជរដ្ឋាភិបាលដែលបង្ហាញពីការយកចិត្តទុកដាក់ ចំពោះប្រជាពលរដ្ឋ ក្នុងជីវភាពរស់នៅនិងបង្កើនសុវត្ថិភាពលើការកាន់កាប់ប្រើប្រាស់ដីធ្លី និងសិទ្ធិសេរីភាពក្នុងការអភិវឌ្ឍន៍សេដ្ឋកិច្ចគ្រួសារ ផ្អែកលើប័ណ្ណកម្មសិទ្ធិដែលទទួលបាន។

លោកបន្តថា “ការបិទផ្សាយជាសាធារណៈ នូវឯកសារនៃការវិនិច្ឆ័យ ក្នុងការចុះបញ្ជីដីធ្លីដែលមានលក្ខណៈជាប្រព័ន្ធ គឺពិតជាមានសារៈសំខាន់ណាស់ ក្នុងដំណើរនៃការចេញប័ណ្ណកម្មសិទ្ធិដីធ្លីជូនប្រជាពលរដ្ឋឱ្យបានត្រឹមត្រូវ ដើម្បីមានសិទ្ធិ លើការកាន់កាប់ និងប្រើប្រាស់ដីធ្លីស្របច្បាប់ និងកាត់បន្ថយទំនាស់ដីធ្លីជាដើម”។

លោកបានសំណូមពរដល់អជ្ញាធរគ្រប់ជាន់ថ្នាក់ និងស្ថាប័នពាក់ព័ន្ធ រួមទាំងប្រជាពលរដ្ឋទាំងអស់ ដែលជាអ្នកកាន់កាប់ដីធ្លីនៅក្នុងភូមិអំពេងនេះ ត្រូវបង្កលក្ខណៈផ្ដល់ភាពងាយស្រួល និងចូលរួមសហការឱ្យបានរលូន ជាមួយក្រុមការងារចុះបញ្ជីដីធ្លី ដើម្បីឱ្យការអនុវត្តតាមនិតិវិធី នៃការចុះបញ្ជីដីធ្លីប្រព្រឹត្តទៅដោយរលូន ដើម្បីទទួលបានប័ណ្ណកម្មសិទ្ធិដីធ្លី ដែលជាឯកសាររដ្ឋបាល បញ្ជាក់ពីសិទ្ធិជាម្ចាស់ លើក្បាលដីនីមួយៗ៕