មហាសេដ្ឋីថៃជំរុញឱ្យអ្នកធុរកិច្ច និងវិនិយោគិនចិនបណ្តាក់ទុន នៅក្នុងច្រករបៀងសេដ្ឋកិច្ចភាគខាងកើត

ដោយ: គង់ លាងហួរ

អន្តរជាតិ: ប្រធានក្រុមហ៊ុន Charoen Pokphand Group លោក Dhanin Chearavanont បានលើកឡើងថា អ្នកជំនួញ និងអ្នកវិនិយោគមកពីប្រទេសចិន មិនគួរខកខានឱកាសក្នុងការវិនិយោគនៅក្នុងច្រករបៀងសេដ្ឋកិច្ចភាគខាងកើត នៃប្រទេសថៃ។

តំបន់នេះ ត្រូវបានរដ្ឋាភិបាលកំណត់ថា នឹងក្លាយជាមជ្ឈមណ្ឌលឧស្សាហកម្ម បច្ចេកវិទ្យាជាន់ខ្ពស់របស់ប្រទេសថៃ។ លោក Dhanin បានធ្វើការអំពាវនាវបែបនេះ ក្នុងអំឡុងសុន្ទរកថា នៅឯអនុសញ្ញាសហគ្រិនចិនពិភពលោក លើកទី១៦ ដែលរៀបចំឡើង ចិននៅមជ្ឈមណ្ឌលសន្និបាតជាតិ Queen Sirikit ដែលលោកធ្វើជាប្រធានកិត្តិយស កាលពីថ្ងៃអាទិត្យម្សិលមិញនេះ។យោងតាមកាសែត Bangkok Post បានឱ្យដឹងថា ព្រឹត្តិការណ៍នេះ នឹងបញ្ចប់កាលពីថ្ងៃចន្ទ ដោយមានការចូលរួមពីសហគ្រិនជាង៣.០០០នាក់ ដែលមានដើមកំណើតចិនមកពីជាង៥០ប្រទេស។

លោក Dhanin បានមានប្រសាសន៍ថា ដោយសារសង្គ្រាមពាណិជ្ជកម្មរវាងចិន និងសហរដ្ឋអាមេរិកកាន់តែខ្លាំងក្លា ប្រទេសទាំងអស់ ត្រូវតែបង្វែរការយកចិត្តទុកដាក់ ឆ្ពោះទៅរកការកែលម្អវិស័យបច្ចេកវិទ្យា និងសេវាកម្មរបស់ពួកគេ។

លោកបានមានប្រសាសន៍បន្តថា “ជនជាតិជប៉ុនបានចំណាយប្រាក់ចូលក្នុងប្រទេសនេះ ដើម្បីកសាងសមត្ថភាពរបស់ប្រទេសថៃទៅជាមជ្ឈមណ្ឌលផលិតកម្ម”។ លោកបានបន្ថែមថា “ប្រទេសចិន ដែលជាប្រភពវិនិយោគផ្ទាល់ ពីបរទេសធំជាងគេទីពីរ របស់ពិភពលោក អាចដើរតួនាទីក្នុងទិសដៅអនាគតរបស់ប្រទេសថៃ”។

លោកបានបញ្ជាក់ថា ច្រករបៀង EEC ត្រូវបានផ្តួចផ្តើមឡើងដោយរដ្ឋាភិបាល ក្នុងកិច្ចខិតខំប្រឹងប្រែង ដើម្បីកែលម្អប្រព័ន្ធអេកូឡូស៊ីឧស្សាហកម្មរបស់ប្រទេសថៃ តាមរយៈការទាក់ទាញបច្ចេកវិទ្យា និងនវានុវត្តន៍ កម្រិតខ្ពស់បន្ថែមទៀតទៅកាន់តំបន់នេះ។លោកបញ្ជាក់ថា “ដូច្នេះខ្ញុំសូមប្រើឱកាសនេះ ដើម្បីអញ្ជើញសហគ្រិនចិន ធ្វើដំណើរទៅប្រទេសថៃ ដើម្បីវិនិយោគក្នុងគម្រោង EEC”។ លោកDhanin ផ្ទាល់យល់ឃើញថា ថាមពលនុយក្លេអ៊ែរជាជម្រើសដ៏មានប្រសិទ្ធភាព សម្រាប់ការផលិតអគ្គិសនី ក្នុងប្រទេសថៃ។

លោកបានអះអាងថា បណ្តាប្រទេសជាច្រើន រួមទាំងប្រទេសចិនផងដែរ មិនប្រឆាំងនឹងថាមពលនុយក្លេអ៊ែរ ដែលមានតម្លៃវិនិយោគទាបនោះទេ។ លោកបានបន្ថែមថា រោងចក្រវារីអគ្គិសនី និងទួរប៊ីនខ្យល់ នឹងក្លាយជាប្រភពថាមពលស្អាត ដ៏សំខាន់នាពេលអនាគត៕

Hanoi among biggest improvers in global ranking of most liveable cities

Vietnam’s capital joined Wellington and Auckland in New Zealand, Perth in Australia, and Bucharest in Romania as the top five cities making most improvements to their overall livability rankings, according to EIU, the research and analysis division of the Economist Group.

EIU ranked 173 tourist cities around the world based on five criteria: political stability, health care, culture and environment, education, and infrastructure.

Hanoi, currently home to 8 million people, scored 63 out of 100, in the EIU Global Livability Index report. Hanoi’s score jumped by 3.3 points compared to four years ago.

The removal of Covid-related restrictions has overall boded well for global livability in 2023, said Upasana Dutt, head of the Livability Index.
Known as the political center of Vietnam, Hanoi has long been famed for its low violent crime rates, making it an ideal destination for inbound tourists.

Hanoi is also home to a string of cultural destinations such as UNESCO heritage site the Thang Long Imperial Citadel, the Temple of Literature – Vietnam’s first university, and the Old Quarter.

For the second year running,
Austrian capital Vienna took the title of the world’s most liveable city, followed by Copenhagen.
Sydney and Melbourne claimed third and fourth, respectively.

Source: VNExpress

រដ្ឋាភិបាលវៀតណាមស្នើភាគីចិនផ្តល់កូតាបន្ថែមសម្រាប់ទំនិញរបស់ខ្លួនឆ្លងកាត់ទៅប្រទេសទី៣តាមរយៈផ្លូវរថភ្លើង

ដោយ: គង់ លាងហួរ

ប៉េកាំង: លោកនាយករដ្ឋមន្ត្រី Phạm minh chính បានស្នើឱ្យប្រទេសចិនជំរុញវឌ្ឍនភាព នៃការបើកទីផ្សារសម្រាប់ផលិតផលកសិកម្មរបស់វៀតណាម និងបង្កើតឱកាសសម្រាប់វៀតណាម ក្នុងការបើកការិយាល័យបន្ថែមទៀត ដើម្បីជំរុញពាណិជ្ជកម្មក្នុងប្រទេសចិន។

សំណើខាងលើនេះ បានធ្វើឡើងនៅក្នុងឱកាសជំនួបជាមួយប្រធានាធិបតីចិន លោកស៊ី ជីនពីង នៅឯសាលប្រជាជនក្នុងទីក្រុងប៉េកាំង កាលពីថ្ងៃអង្គារកន្លងទៅ។

លោក Phạm minh Chinh ក៏បានស្នើឱ្យប្រទេសចិនផ្តល់កូតាបន្ថែមទៀត សម្រាប់ទំនិញវៀតណាម ក្នុងការដឹកជញ្ជូនទៅកាន់ប្រទេសទី៣ តាមរយៈផ្លូវដែករបស់ប្រទេសចិន ក៏ដូចជាការសម្លឹងមើលទៅលើលទ្ធភាព នៃកិច្ចសហប្រតិបត្តិការ សម្រាប់ផ្លូវដែកល្បឿនលឿនស្តង់ដារ ដែលតភ្ជាប់ប្រទេសទាំងពីរផងដែរ។លោក Chinh ក៏បានកោតសរសើរចំពោះធុរកិច្ចចិន ដែលបានពង្រីកការវិនិយោគ ប្រកបដោយគុណភាពខ្ពស់ ទៅកាន់វៀតណាម ដោយលោកមានបំណង ចង់ឱ្យមានការផ្លាស់ប្តូរ រវាងប្រទេសទាំងពីរបន្ថែមទៀត និងរួមចំណែកដល់មូលដ្ឋានគ្រឹះសង្គមរឹងមាំ សម្រាប់ទំនាក់ទំនងទ្វេរភាគី។

លើសពីនេះ លោក Chinh បានសង្កត់ធ្ងន់ថា ទំនាក់ទំនងស្ថិរភាព និងយូរអង្វែងជាមួយប្រទេសចិន តែងតែជាជម្រើសយុទ្ធសាស្ត្រនៃអាទិភាពចម្បង សម្រាប់ទំនាក់ទំនងខាងក្រៅរបស់វៀតណាម។

ជាការឆ្លើយតប លោកស៊ី ជីនពីង បានលើកឡើងថា ប្រទេសចិនតែងតែចាត់ទុកវៀតណាមជាអាទិភាព នៅពេលនិយាយអំពីគោលនយោបាយការទូតរបស់ខ្លួន ហើយលោកស៊ី ក៏បានបញ្ជាក់បំណងពង្រឹងទំនាក់ទំនង រវាងប្រទេសទាំងពីរ និងភាគីទាំងពីរផងដែរ។

លោកស៊ី ជីនពីង បានមានប្រសាសន៍ថា ប្រទេសចិនបានត្រៀមខ្លួនជាស្រេច ដើម្បីរក្សាការផ្លាស់ប្តូរជាយុទ្ធសាស្រ្ត ជាមួយវៀតណាម នាំចូលទំនិញពីប្រទេសវៀតណាម និងជំរុញការតភ្ជាប់ហេដ្ឋារចនាសម្ព័ន្ធផ្លូវដែក ផ្លូវថ្នល់ និងព្រំដែន។

លោកស៊ី ជីនពីង បានថ្លែងកោតសរសើរចំពោះប្រទេសវៀតណាម ដែលបានចូលរួមក្នុងគំនិតផ្តួចផ្តើម ជាសកលរបស់ប្រទេសចិន ជំរុញសន្តិភាព កិច្ចសហប្រតិបត្តិការ ការអភិវឌ្ឍក្នុងតំបន់ និងពិភពលោក។ ទន្ទឹមគ្នានេះ មេដឹកនាំនៃប្រទេសទាំងពីរ ក៏បានឯកភាពគ្នាក្នុងការគ្រប់គ្រង និងដោះស្រាយការខ្វែងគំនិតគ្នាយ៉ាងសមរម្យ ក៏ដូចជាការរក្សាសន្តិភាព និងស្ថិរភាពនៅច្រកសមុទ្រផងដែរ៕

រដ្ឋាភិបាលថៃដាក់ចេញច្បាប់អនុញ្ញាតឱ្យកន្លែងស្នាក់នៅតូចៗ អាចដាក់ពាក្យសុំអាជ្ញាប័ណ្ណសណ្ឋាគារ

ដោយ: គង់ លាងហួរ

អន្តរជាតិ: សមាគមសណ្ឋាគារថៃ (THA) បានឯកភាពបទប្បញ្ញ ត្តិថ្មីរបស់ក្រសួងមហាផ្ទៃ ដែលនឹងអនុញ្ញាតឱ្យកន្លែងស្នាក់នៅតូចៗដំណើរការមុនឆ្នាំ២០១៦ អាចចុះឈ្មោះជាសណ្ឋាគារបាន ដោយ រដ្ឋាភិបាល នឹងអាចទទួលបានប្រាក់ចំណូលពន្ធបន្ថែមទៀត។

លោក Udom Srimahachota អនុប្រធានរបស់សមាគម THA បានលើកឡើងថា ការបន្ថែមសណ្ឋាគារ ដែលបានចុះបញ្ជីថ្មីនឹងជំរុញការប្រកួតប្រជែង ដោយយុត្តិធម៌សម្រាប់សណ្ឋាគារ លំដាប់ផ្កាយ២ ដល់ផ្កាយ៣ ដែលស្ថិតនៅលំដាប់ដូចគ្នា ជាមួយនឹងកន្លែងស្នាក់នៅតូចៗ ជាពិសេសទាក់ទងនឹងការបង់ពន្ធ។កាលពីថ្ងៃទី២០ ខែមិថុនា ក្រសួងមហាផ្ទៃបានប្រកាសថា បទប្បញ្ញត្តិដែលអនុញ្ញាត ឱ្យអគារប្រភេទផ្សេងទៀត ដែលមិនសមស្របតាមនិយមន័យនៃ “សណ្ឋាគារ” ដែលស្របទៅតាមច្បាប់ស្តីពីសណ្ឋាគារ ប៉ុន្តែបានបើកដំណើរការមុនថ្ងៃទី ១៩ ខែសីហា ឆ្នាំ២០១៦ អាចចុះឈ្មោះបានសម្រាប់អាជ្ញាប័ណ្ណសណ្ឋាគារ។

នៅក្រោមបទប្បញ្ញត្តិនេះ គេមិនតម្រូវឱ្យកែតម្រូវធាតុផ្សំ នៃរចនាសម្ព័ន្ធ ដូចជា កន្លែងទំនេរចាំបាច់ និងជណ្តើរនោះទេ ប៉ុន្តែអគាររបស់ពួកគេត្រូវតែមានគ្រឹះរឹងមាំ និងវិធានការសុវត្ថិភាពអគ្គីភ័យនៅនឹងកន្លែង។

ចំណែកឯ តម្រូវការបន្ថែមគឺជាភស្តុតាង នៃការបង់ពន្ធលើអចលនទ្រព្យ និងដីធ្លី និងការផ្សាយពាណិជ្ជកម្ម តាមគេហទំព័រ ដើម្បីធានាថា កន្លែងស្នាក់នៅរបស់ពួកគេ បានដំណើរការតាំងពីមុនថ្ងៃទី១៩ ខែសីហា ឆ្នាំ២០១៦។

មុនពេលបទប្បញ្ញត្តិចុងក្រោយនេះ ត្រូវបានដាក់ឱ្យប្រើប្រាស់ ក្រសួងមហាផ្ទៃ ធ្លាប់បានបន្ធូរបន្ថយយ៉ាងខ្ជាប់ខ្ជួន នូវច្បាប់នានាដើម្បីអនុញ្ញាតឱ្យប្រតិបត្តិករខ្នាតតូច ចុះឈ្មោះជាសណ្ឋាគារបាន។

ទោះបីជាយ៉ាងណាក្តី ដោយសារតែមានឧបសគ្គទាក់ទងនឹងរចនាសម្ព័ន្ធអគារដែលមានស្រាប់ ដែលមិនអាចផ្លាស់ប្តូរ ឬកែសម្រួលបាន កន្លែងស្នាក់នៅតូចៗភាគច្រើន មិនអាចចុះឈ្មោះនៅក្រោមច្បាប់សណ្ឋាគារបាននោះទេ។

លោក Udom បានអះអាងថា ការចោទជាសំណួរទាក់ទងនឹងការប្រព្រឹត្តអយុត្តិធម៌ អាចកើតមានឡើង ពីសំណាក់ប្រតិបត្តិករមួយចំនួន ដែលបានបោះទុនវិនិយោគ ក្នុងការកែតម្រូវអចលនទ្រព្យរបស់ពួកគេឱ្យស្របតាមច្បាប់ពីមុន ដូចជា ការកាត់បន្ថយចំនួនបន្ទប់ ដើម្បីពង្រីកទំហំSpace បន្ថែមទៀត៕

អង្គការសហប្រជាជាតិប្រកាសគាំទ្រដល់ក្រុមហ៊ុនបោះផ្សាយ សញ្ញាបណ្ណបៃតងនៅកម្ពុជា

17.PR , Promotion Feb (W. 1280px x H.671px)

ដោយៈ ហ្វីអូណា

ភ្នំពេញៈ កាលពីខែមីនា ឆ្នាំ២០២៣ និយ័តករមូលបត្រកម្ពុជា (ន.ម.ក.) គណៈកម្មការសេដ្ឋកិច្ច និងសង្គមរបស់អង្គការសហប្រជាជាតិប្រចាំតំបន់អាស៊ីប៉ាស៊ីហ្វិក (ESCAP) និងវិទ្យាស្ថានអភិវឌ្ឍន៍បៃតងសាកលប្រចាំប្រទេសកម្ពុជា (GGGI) សហការជាមួយសាជីវកម្មធានាឥណទានវិនិយោគ (CGIF) និងក្រុមហ៊ុនGuarantCo ដែលជាផ្នែកមួយ នៃក្រុមអភិវឌ្ឍន៍ហេដ្ឋារចនាសម្ព័ន្ធឯកជន បានដាក់ឱ្យដំណើរការ គម្រោងជំរុញការបោះផ្សាយ សញ្ញាបណ្ណនិរន្តរភាពនៅកម្ពុជា។

ESCAP និងដៃគូសហការ មានសេចក្តីសោមនស្សរីករាយ ក្នុងការប្រកាសថា ក្រុមហ៊ុនបោះផ្សាយសញ្ញាបណ្ណឯកជនចំនួន៣ ត្រូវបានជ្រើសរើស ហើយនឹងត្រូវបានផ្តល់ការគាំទ្រ ក្នុងការបោះផ្សាយសញ្ញាបណ្ណបៃតង និងនិរន្តរភាពក្នុងឆ្នាំ២០២៣។

ក្រុមហ៊ុនដែលត្រូវបានជ្រើសរើសទាំងនោះរួមមានដូចជា
ទី១ គ្រឹះស្ថានមីក្រូហិរញ្ញវត្ថុ អម្រឹត ជាគ្រឹះស្ថាន មីក្រូហិរញ្ញវត្ថុទទួល ប្រាក់បញ្ញើរនៅកម្ពុជា គ្រោងនឹងបោះផ្សាយសញ្ញាបណ្ណនិរន្តរភាព ក្នុងទំហំទឹកប្រាក់៥០លាន ដុល្លារអាមេរិក។
២. ក្រុមហ៊ុនហ្គោលដេន ទ្រី ជាក្រុមហ៊ុនអចលនទ្រព្យ ដែលនឹងត្រូវទទួលបានការគាំទ្រ ក្នុងការបោះផ្សាយសញ្ញាបណ្ណបៃតង ជាលើកទីពីរ ក្នុងទំហំទឹកប្រាក់ ២៥លានដុល្លារអាមេរិក សម្រាប់ការអភិវឌ្ឍសំណង់បៃតង។
៣. ក្រុមហ៊ុន រ៉ូយ៉ាល់គ្រុប តំបន់សេដ្ឋកិច្ចពិសេសភ្នំពេញ (Royal Group Phnom Penh SEZ) ជាក្រុមហ៊ុនចុះបញ្ជីលក់មូលបត្រ ជាសាធារណៈដែលគ្រប់គ្រង តំបន់ សេដ្ឋកិច្ចពិសេសភ្នំពេញ នឹងទទួលបានការគាំទ្រ ក្នុងការបោះផ្សាយសញ្ញាបណ្ណនិរន្តរភាព ក្នុងទំហំទឹកប្រាក់២០លានដុល្លារ។

ដោយសារតែក្រុមហ៊ុនបោះផ្សាយ សញ្ញាបណ្ណក្នុងទីផ្សារកំពុងអភិវឌ្ឍន៍ ជាទូទៅប្រឈមមុខនឹងឧបសគ្គយ៉ាងច្រើន ក្នុងការបោះផ្សាយសញ្ញាបណ្ណ Thematic (សញ្ញាបណ្ណបៃតង សង្គម និងនិរន្តរភាព) ដោយសារតែកត្តាការយល់ដឹង និងសមត្ថភាពនៅមានកម្រិតរបស់ក្រុមហ៊ុន ក៏ដូចជាការចំណាយ នៃការបោះផ្សាយកាន់តែខ្ពស់។

CGIF, ESCAP, GGGI និង GuarantCo នឹងរួមគ្នាផ្តល់ជំនួយបច្ចេកទេស និងការគាំទ្រដល់ក្រុមហ៊ុន ត្រៀមបោះផ្សាយនាពេលអនាគត ដូចជា ការគាំទ្រក្នុងការអភិវឌ្ឍក្របខណ្ឌសញ្ញាបណ្ណ ការបំពេញតាមឧត្តមានុវត្តន៍ ការសម្របសម្រួលការរាយការណ៍ក្រោយបោះផ្សាយ និងផ្តល់ជម្រើសសហហិរញ្ញប្បទាន ដើម្បីកាត់បន្ថយថ្លៃដើមនៃការបោះផ្សាយសញ្ញាបណ្ណ និងការគាំទ្រលើការវិនិយោគ។

សរុបមក កម្មវិធីនេះផ្តល់ឱ្យក្រុមហ៊ុនបោះផ្សាយ ដែលត្រូវបានជ្រើសរើសនូវជំនួយផ្នែកបច្ចេកទេស និងហិរញ្ញវត្ថុ ដែលត្រូវការការគាំទ្រ ដល់ការបោះផ្សាយសញ្ញាបណ្ណបៃតង និងនិរន្តរភាព ដើម្បីចុះបញ្ជីនៅផ្សារមូលបត្រកម្ពុជា និងផ្សារភាគហ៊ុនផ្សេងទៀត ដែលសមស្រប។

លើសពីនេះទៅទៀត ក្រុមហ៊ុនដែលត្រូវបានជ្រើសរើសទាំង ៣ ខាងលើ នឹងទទួលបាននូវការគាំទ្រ សម្រាប់ការត្រៀមបោះផ្សាយ ដើម្បីអាចឈានដល់ការបោះផ្សាយ និងចុះបញ្ជីលក់សញ្ញាបណ្ណ។

លោកស្រី Armida Salsiah Alisjahbana អគ្គលេខាធិការរងអង្គការសហប្រជាជាតិ និងជាលេខាធិការប្រតិបត្តិនៃ ESCAP បានថ្លែងថា “ការដាក់ឱ្យដំណើរការ នូវកម្មវិធីជំរុញការបោះផ្សាយសញ្ញាបណ្ណនិរន្តរភាពនៅកម្ពុជា គឺជាសមិទ្ធផលសំខាន់មួយ នៅក្នុងកិច្ចខិតខំប្រឹងប្រែងរួមរបស់យើង ក្នុងការលើកកម្ពស់ហិរញ្ញវត្ថុបៃតង និងនិរន្តរភាពនៅក្នុងតំបន់អាស៊ីប៉ាស៊ីហ្វិក”។ លោកស្រីបន្តថា “តាមរយៈការដោះស្រាយនូវបញ្ហាប្រឈម ដែលក្រុមហ៊ុនបោះផ្សាយសញ្ញាបណ្ណជួបប្រទះនៅក្នុងទីផ្សារកំពុងអភិវឌ្ឍន៍ និងការពង្រឹងនូវចំណេះដឹង និងសមត្ថភាពរបស់ក្រុមហ៊ុន យើងមានគោលបំណង ដើម្បីពង្រីកសក្តានុពលសញ្ញាបណ្ណ Thematic ដើម្បីរួមចំណែកដល់ការផ្លាស់ប្តូរទៅកាន់អនាគតប្រកបដោយនិរន្តរភាព និងភាពធន់ជាងមុន”។

រាជរដ្ឋាភិបាលកម្ពុជា បានចាត់ទុកការបន្ស៊ាំ និងការកាត់បន្ថយ ការប្រែប្រួលអាកាសធាតុជា អាទិភាពចំបងមួយ ក្នុងយុទ្ធសាស្ត្រ អភិវឌ្ឍន៍ជាតិរបស់ខ្លួន។ ដើម្បីអាចសម្រេចបាននូវគោលដៅនេះ គឺត្រូវការនូវមូលនិធិដ៏ច្រើន។

នៅក្នុងការចូលរួមចំណែករបស់ជាតិ ដើម្បីអនុវត្ដអនុសញ្ញាក្របខណ្ឌសហប្រជាជាតិស្ដីពី ការប្រែប្រួលអាកាសធាតុ (NDC) ចុងក្រោយបង្អស់របស់ប្រទេសកម្ពុជា រាជរដ្ឋាភិបាលកម្ពុជាបានប្រកាសថា ផែនការកាត់បន្ថយការបន្ស៊ាំ និងការប្រែប្រួលអាកាសធាតុរបស់ខ្លួន នឹងត្រូវការថវិកាសរុបប្រមាណ៧,៨ ប៊ីលានដុល្លារអាមេរិក។

សញ្ញាបណ្ណ Thematic មានសក្តានុពល ក្នុងការបំពេញនូវគម្លាតហិរញ្ញប្បទាននេះ ដោយការកៀរគរការវិនិយោគ សម្រាប់វិស័យសាធារណៈ និងឯកជនសម្រាប់គំនិតផ្តួចផ្តើមបៃតង និងនិរន្តរភាព។

លោក បណ្ឌិត Frank Rijsberman អគ្គនាយក GGGI បានលើកឡើងថា “កម្មវិធីជំរុញការបោះ-ផ្សាយសញ្ញាបណ្ណ និរន្តរភាពនៅកម្ពុជាជាព្រឹត្តិការណ៍ដ៏សំខាន់មួយ”។

លោកបន្ថែមថា យើងមានសេចក្តីរំភើបរីករាយ ក្នុងការផ្តល់ការគាំទ្រផ្នែកបច្ចេកទេស និងហិរញ្ញវត្ថុដល់ក្រុមហ៊ុនបោះផ្សាយសញ្ញាបណ្ណ ដែលត្រូវបានជ្រើសរើសទាំងបីគឺ គ្រឹះស្ថានមីក្រូហិរញ្ញវត្ថុ អម្រឹត ម.ក ហ្គោលដេន ទ្រី និង PPSP ដែលនេះ ជាការបង្ហាញពីភាពជាអ្នកដឹកនាំរបស់កម្ពុជា លើការរីកលូតលាស់ទីផ្សារសញ្ញាបណ្ណ Thematic។ ទំហំសញ្ញាបណ្ណនិរន្តរភាព របស់ក្រុមហ៊ុនបោះផ្សាយសក្តានុពលទាំងបី សរុបប្រមាណ៩៥លានដុល្លារអាមេរិក ដែលស្មើនឹងជិត ៥០% នៃសញ្ញាបណ្ណធម្មតា ដែលបានចុះបញ្ជីក្នុងប្រទេសកម្ពុជាបច្ចុប្បន្ន។GGGI នៅតែប្តេជ្ញាចិត្តគាំទ្រ ដល់ក្រុមហ៊ុនបោះផ្សាយក្នុងវិស័យឯកជន ក្នុងការកំណត់គម្រោងបៃតង ការអភិវឌ្ឍក្របខណ្ឌសញ្ញាបណ្ណប្រកបដោយនិរន្តរភាព និងការផ្តល់ឱកាសនូវការពង្រឹងឥណទានដើម្បីជំរុញហិរញ្ញប្បទាន ប្រកបដោយនិរន្តរភាពនៅកម្ពុជា”។

លោកស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃន .ម.ក. បានលើកឡើងថា “ន.ម.ក. ជាមួយនឹងដៃគូអភិវឌ្ឍន៍ ESCAP និង GGGI មានសេចក្តីសោមនស្សរីករាយ ក្នុងការប្រកាសពីការជ្រើសរើស ក្រុមហ៊ុនបោះផ្សាយសញ្ញាបណ្ណ សម្រាប់វិស័យឯកជន ដើម្បីទទួលបាននូវការគាំទ្រ ក្រោមក្រប-ខណ្ឌការជំរុញការបោះផ្សាយសញ្ញាបណ្ណនិរន្តរភាពនៅកម្ពុជា។

លោកបញ្ជាក់ថា “នេះគឺជាជំហានដ៏សំខាន់មួយ ឆ្ពោះទៅរកការរីកចម្រើននៃទីផ្សារមូលធនរបស់កម្ពុជា និងការសម្រេចបាននូវគោលដៅរបស់យើង ក្នុងការលើកទឹកចិត្ត ឱ្យមានការប្រើប្រាស់នូវសញ្ញាបណ្ណបៃតង និរន្តរភាព និងផ្សារភ្ជាប់និរន្តរភាព ដើម្បីជួយដល់កំណើនវិស័យឯកជន និងការអភិវឌ្ឍប្រកបដោយចីរភាពនៅកម្ពុជា”។ពួកយើងនឹងផ្តល់ការគាំទ្រ ការចុះបញ្ជីសញ្ញាបណ្ណបៃតង និងនិរន្តរភាពថ្មីទាំងបី នៅក្នុងប្រទេសកម្ពុជានៅចុងឆ្នាំ២០២៣៕

វិស័យកម្មន្តសាលកម្ពុជាកាន់តែខ្លាំង ធ្វើឲ្យកម្ពុជារកចំណូលបាន ជាង១០០០លានដុល្លារ

ដោយៈ គង់ ម៉ាលីនណា

ភ្នំពេញៈ ទឹកប្រាក់ជាង១,២៥ពាន់លានដុល្លារ ត្រូវបានកម្ពុជាប្រមូលបានពីការនាំចេញម៉ាស៊ីន ឧបករណ៍អគ្គិសនី និងបំណែករបស់វា នារយៈពេល៥ ខែដើមឆ្នាំ ២០២៣ កើនជិត១០០ភាគរយបើធៀបនឹងរយៈពេលដូចគ្នាឆ្នាំមុន។

ខណៈក្នុងខែឧសភា ឆ្នាំ២០២៣ ការនាំចេញកើនលើស១០០ ភាគរយ។ នេះបើតាមស្ថិតិពាណិជ្ជកម្មនាំចេញនៃអគ្គនាយកដ្ឋានគយ និងរដ្ឋាករកម្ពុជា។

យោងតាមស្ថិតិទំនិញពាណិជ្ជកម្មនាំចេញ នៃអគ្គនាយកដ្ឋានគយ និងរដ្ឋាករកម្ពុជាបានឲ្យដឹងថា ចន្លោះពីខែមករា ដល់ខែឧសភា ឆ្នាំ ២០២៣ ការនាំចេញទំនិញស្ថិតក្នុងជំពូក (HS ២ខ្ពង់) លេខកូដ ៨៥ ដែលរួមមានម៉ាស៊ីន ឧបករណ៍អគ្គិសនី និងបំណែករបស់វា មានទឹកប្រាក់សរុប ១២៥៣,៤៦លានដុល្លារ កើន៩៦ភាគរយធៀបរយៈពេលដូចគ្នាឆ្នាំ ២០២២ ដែលមាន ៦៣៩,៦ លានដុល្លារ។ ទឹកប្រាក់នេះស្មើ១៣,៦ភាគរយ នៃការនាំចេញសរុបរបស់កម្ពុជា ដែលមានចំនួនទឹកប្រាក់ជាង៩១៨៣លានដុល្លារ។

ដោយឡែកសម្រាប់ខែឧសភា ឆ្នាំ ២០២៣ ការនាំចេញផលិតផលខាងលើ មានចំនួន២៧៤,៤១លានដុល្លារ កើនឡើង១០២,៤ ភាគរយ បើធៀបនឹងខែឧសភា ឆ្នាំ២០២២ ដែលមាន១៣៥,៥៦ លានដុល្លារ។

អនុប្រធានសភាពាណិជ្ជកម្មកម្ពុជា លោកឧកញ៉ាលឹម ហេង បានមានប្រសាសន៍ថា កម្ពុជាបានក្លាយជាទីតាំង ផលិតគ្រឿងម៉ាស៊ីន ឧបករណ៍អគ្គិសនី និងគ្រឿងបង្គុំ សម្រាប់ផ្គត់ផ្គង់ទីផ្សារពិភពលោក។ កំណើនទឹកប្រាក់នាំចេញ ផលិតផលទាំងនេះបង្ហាញថាកម្ពុជាពេលនេះ មិនពឹងផ្អែកខ្លាំងលើការនាំចេញផលិតផល ក្នុងវិស័យវាយនភណ្ឌទៀតទេ។លោកបន្តថា សម្រាប់មូលហេតុ ដែលរោងចក្រផលិតផលិតផលទាំងអស់នេះ មាននៅកម្ពុជាកាន់តែច្រើន គឺដោយសារកម្ពុជាមានច្បាប់វិនិយោគទាក់ទាញ សម្បូរកម្លាំងពលកម្មជំនាញ និងមានតម្លៃសមរម្យ មានទីផ្សារទទួលទិញច្រើន និងជាពិសេសកម្ពុជាមានប្រព័ន្ធអនុគ្រោះពន្ធនាំចូល ទំនិញទៅកាន់ប្រទេសជាច្រើន៕

ក្រុមប្រឹក្សាអភិវឌ្ឍន៍កម្ពុជា កាលពីសប្តាហ៍មុន ទើបអនុម័តឱ្យក្រុមហ៊ុន៣សាងសង់ រោងចក្រផលិតឧបករណ៍អគ្គិសនី និងបំណែករបស់វា ដោយរួមមាន ក្រុមហ៊ុន Rongdasheng Industrial Co., Ltd, ក្រុមហ៊ុន TG-Brother Electronic Lighting Co., Ltd. និងក្រុមហ៊ុន Boxu Crafts Co., Ltd.។ គម្រោងទាំង ៣ មានទុនវិនិយោគសរុប១២,៥លានដុល្លារ៕

Small hotel policy gets THA approval New rule to regulate more small hotels

The Thai Hotels Association (THA) approves of the Ministry of Interior’s new regulations that will allow smaller accommodation operated prior to 2016 to be regulated as hotels, as the government would be able to receive more income from tax collection.

However, the association still opposes the plan to exempt larger forms of accommodation from registering under the Hotel Act.

Udom Srimahachota, vice-president of THA’s western chapter, said adding the new registered hotels would boost fair competition for 2- to 3-star hotels which are on the same tier as the smaller accommodation, particularly in terms of tax payment.

On June 20, the Interior Ministry announced that the ministerial regulations which allowed other types of buildings that did not fit under the definition of “hotel” in accordance with the Hotel Act, but had opened before Aug 19, 2016, would be able to register for hotel licences.

Under this regulation, they are not required to adjust structural components, such as mandatory empty spaces, the size of corridors and staircases, but their buildings must have strong foundations and fire safety measures in place.

Further requirements are evidence of property and land tax payments and website advertisements to guarantee that their accommodation has been in operation since before Aug 19, 2016.

Before this latest regulation was enacted, the Interior Ministry consistently relaxed the rules to let small operators register as hotels.

However, due to constraints pertaining to existing building structures which could not be changed or adapted, many of them were unable to register under the Hotel Act.

Mr Udom said a question regarding unfair treatment might arise from some operators who had already invested in adjusting their properties to fit the previous rule, such as reducing the number of rooms to free up more space.

Source: Bangkok Post

ដំណឹងល្អ: ក្រុមហ៊ុនម៉េងលី ជេ.គួច អេឌ្យូខេសិន បានចាប់ផ្តើមបោះផ្សាយលក់មូលបត្រកម្មសិទ្ធជាផ្លូវការហើយ

ពិធីចុះបញ្ជីលក់មូលបត្រកម្មសិទ្ធិជាផ្លូវការរបស់ក្រុមហ៊ុន ម៉េងលី ជេ. គួច អេឌ្យូខេសិន ម.ក
នាព្រឹកថ្ងៃពុធ ១១ កើត ខែបឋមាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៨ ខែមិថុនា ឆ្នាំ២០២៣

ផ្សារមូលបត្រកម្ពុជា និង ក្រុមហ៊ុន ម៉េងលី ជេ.គួច អេឌ្យូខេសិន ម.ក សហការគ្នាប្រារព្ធ “ពិធីចុះបញ្ជីលក់មូលបត្រកម្មសិទ្ធជាផ្លូវការរបស់ ក្រុមហ៊ុន ម៉េងលី ជេ.គួច អេឌ្យូខេសិន ម.ក” ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋមន្ត្រីប្រតិភូអមនាយករដ្ឋមន្ត្រី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលនៃ ផមក នៅអាគារផ្សារមូលបត្រកម្ពុជា។

•មូលធនីយកម្មចំនួន ១០,០០០,០០០ លានដុល្លារអាមេរិក, ធានាភាគលាភ៦.០% ក្នុង១ឆ្នាំ សម្រាប់រយៈពេល២ឆ្នាំដំបូង, ភាគហ៊ុន IP O ចំនួន ១៩,៦០៦,៦០០ ភាគហ៊ុនស្មើនឹង ៥,៨៨%នៃភាគហ៊ុនក្រុមហ៊ុនសរុបហើយតម្លៃ IP Oគឺ ២,០៨០រៀល ឬ ០,៥១ដុល្លារ។
•ចំនួនមូលបត្រកម្មសិទ្ធិដែលត្រូវបានធ្វើបរិវិសកម្មមានចំនួនសរុប ៩.៩៦៦,១២៧ ដោយមានវិនិយោគិនចូលរួមសរុបចំនួន ២.២៩៧ នាក់។
•កាលបរិច្ឆេទចុះបញ្ជីលើផ្សារមូលបត្រកម្ពុជារបស់ក្រុមហ៊ុន ម៉េងលី ជេ. គួច អេឌ្យូខេសិន ម. ក៖ ថ្ងៃទី២៨ ខែមិថុនា ឆ្នាំ២០២៣
•បច្ចុប្បន្ន ក្រុមហ៊ុន ម៉េងលី ជេ. គូច អេឌ្យូខេសិន មានសាខាសរុបចំនួន ១៦ ក្នុងរាជធានី ខេត្តក្រុង និងបណ្តាខេត្ត ក្នុងនោះមានសិស្សជាង ២០,០០០នាក់, បុគ្គលិក ២,២៥២នាក់ និង មានអតីតសិស្សជាង ៥០,០០០នាក់ កំពុងសិក្សា និងធ្វើការនៅជុំវិញពិភពលោក។
•ក្រុមហ៊ុនក៏គ្រោងបើកដំណើរការសាខាថ្មី សម្រាប់ ឆ្នាំសិក្សា២០២៣-២០២៤ សាខាជា ច្រើនបន្ថែម ទៀតក្នុងនោះ រួមមាន៖ សាខា សែនសុខ, សាខាច្បារអំពៅ, សាខា កំពង់ចាម និងសាខាបាត់ដំបង។

ផ្ទះនៅទីក្រុងសៀងហៃប្រមាណ២០ម៉ឺនខ្នងបានដាក់លក់បញ្ចុះតម្លៃ ខណៈទីផ្សារអចលនទ្រព្យចិនកំពុងដាំក្បាលចុះ

ដោយ: គង់ លាងហួរ

អន្តរជាតិ: បណ្តាម្ចាស់ផ្ទះនានា នៅក្នុងទីក្រុងសៀងហៃ កំពុងផ្តល់ការបញ្ចុះតម្លៃរហូតដល់១០ភាគរយ ដើម្បីទាក់ទាញអ្នកទិញ ស្របពេលទីផ្សារអចលនទ្រព្យចុះទន់ខ្សោយ និងការបន្ទាបការព្យាករសម្រាប់កំណើនសេដ្ឋកិច្ច។

ការរីកដុះដាលនៃការលក់ផ្ទះ នៅទីក្រុងសៀងហៃហួសប្រមាណ ដែលអាចធ្វើឱ្យតម្លៃផ្ទះធ្លាក់ចុះបន្ថែមទៀត គឺជាសញ្ញាចុងក្រោយបង្អស់ដែលបង្ហាញថា ទីផ្សារអចលនទ្រព្យរបស់ប្រទេសចិន កំពុងជាប់គាំង នៅក្នុងអ្វីដែលអ្នកជំនាញមួយចំនួន ហៅថា“Death spiral”។

លោក Song Yulin អ្នកគ្រប់គ្រងជាន់ខ្ពស់ នៅភ្នាក់ងារអចលនទ្រព្យ Lianjia បានលើកឡើងថា “ម្ចាស់ផ្ទះកាន់តែច្រើនបានសម្រេចចិត្តដកប្រាក់ចេញ ពីព្រោះពួកគេកំពុងភ្នាល់ថា តម្លៃផ្ទះនឹងបន្តធ្លាក់ចុះ ដោយម្ចាស់ផ្ទះមួយចំនួនបានរៀបចំផែនការ ធ្វើចំណាកស្រុកទៅបរទេស ហើយពួកគេសប្បាយចិត្តនឹងតម្លៃបច្ចុប្បន្ន ទោះបីជាត្រូវលក់បញ្ចុះតម្លៃយ៉ាងណាក្តី”។

យោងតាមទិន្នន័យរបស់ក្រុមហ៊ុន Centaline Property បានឱ្យដឹងថា ផ្ទះល្វែងដែលត្រូវបានកាន់កាប់ជាមុន(pre-owned flats)ប្រហែល២០០.០០០ខ្នង នៅទីក្រុងសៀងហៃ ត្រូវបានដាក់លក់នៅចុងខែមេសា កើនឡើងពីប្រហែល១០០.០០០ខ្នង នៅពាក់កណ្តាលខែមីនា។

យោងតាមលោក Tan Taipeng អ្នកគ្រប់គ្រងមួយរូបរបស់ទីភ្នាក់ងារអចលនទ្រព្យ 5I5J បានអះអាងថា ការកើនឡើងយ៉ាងខ្លាំងនៃចំនួនផ្ទះ ដែលមានស្រាប់នេះ បានប្រែក្លាយទីផ្សារបន្ទាប់បន្សំទៅជាទីផ្សាររបស់អ្នកទិញ។

លោកបានបន្តថា “វាមិនធម្មតាទេ ដែលអ្នកទិញស្នើឱ្យអ្នកលក់បញ្ចុះតម្លៃពី ១០ទៅ១៥ភាគរយ ព្រោះឥឡូវនេះ ពួកគេមានជម្រើសច្រើន ហើយនេះគឺជាទិដ្ឋភាពដ៏កម្រមួយ នៅក្នុងទីផ្សារផ្ទះរបស់ទីក្រុងសៀងហៃ ដែលការផ្គត់ផ្គង់ផ្ទះប្រើប្រាស់រួចនៅមានកម្រិត”។

លោកបញ្ជាក់ទៀតថា ទោះជាយ៉ាងណាក្តី អ្នកលក់ភាគច្រើននៅតែទទួលបានផលចំណេញ ពីការវិនិយោគដប់ដង ឬច្រើនជាងនេះ ទោះបីជាពួកគេបញ្ចុះតម្លៃផ្ទះអស់១០ភាគរយយ៉ាងណាក្តី”។

យោងតាមក្រុមហ៊ុន Centaline បានឱ្យដឹងថា ផ្ទះដែលត្រូវបានកាន់កាប់ជាមុន សរុបចំនួន២៤.០០០យូនីត បានផ្លាស់ប្តូរម្ចាស់នៅក្នុងខែមីនា តាមពីក្រោយដោយ១៧.៧០០យូនីត នៅក្នុងខែមេសាកន្លងទៅ។ ចំណែក ប្រតិបត្តិការនៅក្នុងខែឧសភា បានធ្លាក់ចុះ១៣,៣ភាគរយទៀត មកនៅត្រឹមតែ១៥.៣០០យូនីតប៉ុណ្ណោះ៕

សម្តេចតេជោៈកម្ពុជាខាតបង់ប្រាក់ជាង៨០ដុល្លារក្នុងទំនិញ មួយកុងទីន័រ

ដោយៈ គង់ ម៉ាលីនណា

ភ្នំពេញៈ សម្ដេចនាយករដ្ឋមន្ដ្រី ហ៊ុន សែននាយករដ្ឋមន្រ្តីនៃកម្ពុជាបានលើកឡើងថា កម្ពុជាខាតបង់ប្រាក់ដឹកជញ្ជូន ក្នុងទឹកប្រាក់ជាង៨០ដុល្លារក្នុង១កុងតឺន័រ ដោយសារកត្ដាជម្រៅទឹករាក់ នៅកំពង់ផែក្រុងព្រះសីហនុ។

ការថ្លែងយ៉ាងដូច្នេះរបស់សម្ដេចតេជោ បានធ្វើឡើងក្នុងជួបសំណេះសំណាលជាមួយកម្មករ និយោជិត នៅក្រុងច្បារមន និងស្រុកសំរោងទង ខេត្តកំពង់ស្ពឺ នាព្រឹកថ្ងៃទី ២៧ ខែមិថុនា ឆ្នាំ២០២៣។

សម្ដេចនាយករដ្ឋមន្ដ្រី មានប្រសាសន៍ថា “សព្វថ្ងៃយើងខាតបង់ទៅលើថ្លៃដឹកជញ្ជូននេះ ត្រង់ថាកប៉ាល់ធំៗដែលចូលមកកំពង់ផែខេត្តព្រះសីហនុនេះ គឺអាធំមែនទែនចូលមកអត់ទាន់បាន ដោយសារជម្រៅទឹកយើងរាក់”។ សម្តេចបន្តថា “អីចឹងបានជាយើងត្រូវផ្ទេរនៅសាំងហ្កាពួ នៅឯវៀតណាម ឬប្រទេសដទៃផ្សេងទៀត។ អ៊ីចឹងត្រូវធ្វើឲ្យយើងខាតការដឹកជញ្ជូន៨០ដុល្លារក្នុង១កុងតឺន័រ”។សម្ដេចតេជោបានបន្ដថា ដើម្បីពង្រឹងសមត្ថភាព ក្នុងការដឹកជញ្ជូនតាមផ្លូវទឹក ប្រើសិនបើកម្ពុជាបានប្រើឥណទានជប៉ុន ជួយក្នុងការស្ដារជម្រៅទឹកកាន់តែជ្រៅ ដូច្នេះការចូលរបស់កប៉ាល់ធុនធំ ឬធុនធ្ងន់ មិនចាំប៉ាច់ចូលផែនៅប្រទេសវៀតណាម ឬប្រទេសដទៃទៀតនោះទេ។

សម្ដេចថានោះហើយ គឺជាការខិតខំរបស់រាជរដ្ឋាភិបាលកម្ពុជាដើម្បីទាក់ទាញបន្ថែម សម្រាប់ការវិនិយោគក្នុងប្រទេស និងបង្កើតការងារក្នុងមួយឆ្នាំ៣០ម៉ឺនកន្លែង ស្របតាមកំណើនប្រជាជនរៀងរាល់ឆ្នាំ៕

1...882883884...3,256 Page 883 of 3,256