កម្ពុជាមានផលិតផលសម្គាល់ភូមិសាស្រ្តកើនឡើងដល់១២ ប្រភេទហើយ

ដោយៈ ចំណាន

ភ្នំពេញៈ ក្នុងរយៈពេល៤ខែ ក្នុងឆ្នាំ២០២៦នេះ ក្រសួងពាណិជ្ជកម្មបានចុះបញ្ជីម៉ាកសម្គាល់ភូមិសាស្ត្រចំនួន ៤ បន្ថែមដល់តំណាងសមាគមទាំង ៤ រួមមាន៖ ១) សូត្រមាសភ្នំ ស្រុក ២) ក្តាមថ្មកោះកុង ៣) ស្វាយឧត្តរមានជ័យ ៤) ស្វាយចន្ទី កំពង់ធំ និងម៉ាកសមូហភាពឃ្មុំព្រៃព្រះវិហារផងដែរ។

ព័ត៌មាននេះត្រូវបានលើកឡើង ដោយលោកជំទាវចម និម្មលរដ្ឋមន្រ្តីក្រសួងពាណិជ្ជកម្ម ក្នុងវេទិកាមួយនៅរាជធានីភ្នំពេញ។

លោកជំទាវបន្តថា ការណ៍នេះ ធ្វើឱ្យម៉ាកសម្គាល់ភូមិសាស្ត្រទំនិញកម្ពុជា (Geographical Indications (GI) មានការកើនឡើងដល់ចំនួន១២ ដែលក្នុងនោះមាន៖ ១) ម្រេចកំពត ២) ស្ករត្នោតកំពង់ស្ពឺ ៣) ឃ្មុំព្រៃមណ្ឌលគិរី ៤) ក្រូចថ្លុងកោះទ្រុង ៥) ទឹកត្រីកំពតកែប ៦) អំបិលកំពតកែប ៧) បង្កងតាកែវ ៨) ប្រហុកសៀមរាប ៩) ស្វាយចន្ទីកំពង់ធំ ១០) ស្វាយឧត្តរមានជ័យ ១១) ក្តាមថ្មកោះកុង និង ១២) សូត្រមាសភ្នំស្រុក។

លោកជំទាវរដ្ឋមន្រ្តី គូសបញ្ជាក់ថា តាមរយៈការចុះបញ្ជីម៉ាកសម្គាល់ភូមិសាស្ត្រនេះ គឺជាជំហានសំខាន់មួយ ក្នុងការជំរុញនិងលើកកម្ពស់អត្តសញ្ញាណ និងកេរ្តិ៍ឈ្មោះផលិតផលរបស់កម្ពុជា នៅលើទីផ្សារអន្តរជាតិ ហើយជាជំហានបន្ទាប់ ដើម្បីបន្តពិនិត្យលទ្ធភាពក្នុងការស្នើសុំចុះបញ្ជីការពារជាលក្ខណៈអន្តរជាតិ ក្រោមក្របខណ្ឌច្បាប់ទីក្រុងហ្សឺណែវស្តីពី កិច្ចព្រមព្រៀងទីក្រុងលីស្បោនផងដែរ៕

ក្រសួងរៀបចំដែនដីកំពុងចាប់ផ្តើមពង្រាងច្បាប់ភូមិបាលថ្មីដើម្បីឆ្លើយតបនឹងបរិបទថ្មី

ដោយៈ ចំណាន

ភ្នំពេញៈ ក្រសួងរៀបចំដែនដី នគរូបនីយកម្ម និងសំណង់ បានផ្តើមនូវសេចក្ដីព្រាងច្បាប់ភូមិបាលថ្មី ក្រោមអធិបតីភាពលោកឧបនាយករដ្ឋមន្រ្តីសាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់។

កិច្ចប្រជុំពិភាក្សាលើសេចក្តីព្រាងច្បាប់ថ្មីនេះធ្វើឡើង ដើម្បីឆ្លើយតបនឹងតម្រូវការដែលរួមមាន ទី១. ផ្នែកទម្រង់៖ វិសោធនកម្មដោយច្បាប់ស្តីពីការអនុវត្តក្រមរដ្ឋប្បវេណី និងការវិវត្តន៍នៃការប្រើពាក្យវោហាសព្ទ។

ទី២. ផ្នែកខ្លឹមសារ៖ រដ្ឋបាលសុរិយោដី ការពង្រឹងការគ្រប់គ្រងនិងប្រើប្រាស់ដីរដ្ឋ ឱ្យកាន់តែមានប្រសិទ្ធភាព និងឱ្យអស់សក្តានុពល ការដំឡើងបទប្បញ្ញត្តិស្តីពី ការចុះបញ្ជីមកជាបញ្ញត្តិកម្រិតច្បាប់ ការកំណត់សញ្ញាណមួយចំនួន ឱ្យបានច្បាស់លាស់ និងការកំណត់នៃការប្តឹងតវ៉ា។

នេះគឺជាការវិវត្តន៍លើកទី៣ របស់ច្បាប់ភូមិបាលនៅកម្ពុជា ដែលពីមុនមកមានការគ្រប់គ្រងដោយប្រកាស នៅសម័យរដ្ឋកម្ពុជា បន្ទាប់មក ច្បាប់ភូមិបាលឆ្នាំ២០០១ និងមកឥឡូវនេះសេចក្តីព្រាងច្បាប់ភូមិបាល (ថ្មី) ដើម្បីឆ្លើយតប ទៅនឹងការវិវត្តន៍របស់នយោបាយ សង្គម សេដ្ឋកិច្ច និងវប្បធម៌ របស់កម្ពុជា៕

“The Return of Bokator and Shaolin Martial Arts to Meet Before Angkor”Morning of April 30, 2026

By , MoT

Phnom Penh. H.E. HUOT Hak, Minister of Tourism, received a courtesy call and held a working discussion with a delegation of 16 monks from the Shaolin Temple, who have arrived in the Kingdom of Cambodia to prepare for their performance at the “Cambodia–China Martial Arts Performance”, scheduled to take place at 7:00 a.m. on April 30, 2026, at the northern area of Bayon Temple, Siem Reap Province.

The event will feature a remarkable joint performance showcasing Cambodia’s traditional martial arts—Bokator, Yuthakun Khom, and Kun Khmer boxing—alongside Chinese martial arts, including Shaolin Kung Fu and Tai Chi. It is expected to attract over 1,000 national and international spectators, who will be able to attend and enjoy the performances free of charge.

It should be noted that the Ministry of Tourism of the Kingdom of Cambodia, in collaboration with the People’s Government of Henan Province and the Siem Reap Provincial Administration, has co-organized the “Cambodia–China Martial Arts Performance” in celebration of the “Cambodia–China Tourism Year.” The event will feature Tai Chi and Kung Fu performances together with Bokator and Yuthakun Khom, held on the morning of April 30, 2026, at the northern area of Bayon Temple—an iconic historical site of great splendor and beauty in the Kingdom of Cambodia.

The event aims to promote shared tourism destinations and cultural heritage, with the objective of attracting more Chinese and international tourists to visit, explore, and experience Cambodia, particularly its rich tourism potential, culture, civilization, and long-standing traditions of the Cambodian people.

ក្រុមមន្រ្តីពិភាក្សាពីការតភ្ជាប់ផ្លូវភាគខាងលិច និងខាងកើតនៃគំរោងស្ពានព្រែកប្រា ចក្រអង្រែក្រោម

ដោយៈ ម៉ាណា

ភ្នំពេញៈ ក្រុមមន្រ្តីអន្តរក្រសួងបានបើកកិច្ចប្រជុំ ដើម្បីពិនិត្យពិភាក្សាការងារសាងសង់ គម្រោងផ្លូវតភ្ជាប់ផ្នែកខាងកើត និងខាងលិច មកភ្ជាប់ជាមួយគម្រោង សាងសង់ស្ពានឆ្លងកាត់ទន្លេបាសាក់(ចាក់អង្រែក្រោម-ព្រែកប្រា)។

លោកសួង ហេង រដ្ឋលេខាធិការ ក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំពិនិត្យ ពិភាក្សាការងារសាងសង់ ផ្លូវតភ្ជាប់ផ្នែកខាងកើត និងខាងលិច ភ្ជាប់មកគម្រោងសាងសង់ស្ពានឆ្លងកាត់ទន្លេបាសាក់(ចាក់អង្រែក្រោម- ព្រែកប្រា)នេះ និងមានការអញ្ជើញចូលរួមពីមន្រ្តីពាក់ព័ន្ធ តំណាងក្រុមហ៊ុន បុរីប៉េងហួត តំណាងក្រុមហ៊ុន Ing Holding និងក្រុមហ៊ុនសំណង់សៀងហៃ និងភាគីពាក់ព័ន្ធជាច្រើនរូប។

កិច្ចប្រជុំរៀបចំឡើងក្នុងគោលបំណង ពិនិត្យពិភាក្សាករណីមហាវិថីឈុន គង់ ដែលនៅសេសសល់ភ្ជាប់ មករង្វង់មូលផ្នែកខាងលិច និងផ្លូវបុរីប៉េងហួត ភ្ជាប់មករង្វង់មូលផ្នែកខាងកើត នៃគម្រោងសាងសង់ស្ពានឆ្លងកាត់ទន្លេបាសាក់(ចាក់អង្រែក្រោម -ព្រែកប្រា)។

ជាមួយគ្នានេះ ឯកឧត្តមរដ្ឋលេខាធិការ បានណែនាំដល់ភាគីពាក់ព័ន្ធទាំងអស់ពន្លឿន លើគម្រោងផ្លូវតភ្ជាប់ផ្នែកខាងកើត នៃគម្រោងសាងសង់ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ធ្វើយ៉ាងណាឱ្យស្របតាមបទដ្ឋានបចេ្ចកទេស សំដៅធ្វើយ៉ាងកាត់បន្ថយផលប៉ះពាល់ឱ្យនៅកម្រិតអប្បបរមា ដោយសហការជាមួយអាជ្ញាធរមូលដ្ឋាន និងប្រជាពលរដ្ឋ ព្រមទាំងស្ថាប័នពាក់ព័ន្ធ ត្រូវផ្ដល់ព័ត៌មានគ្នាទៅវិញទៅមក ឱ្យបានគ្រប់ជ្រុងជ្រោយ ដើម្បីធានាឱ្យការអនុវត្តគម្រោងទាន់ពេលវេលាតាមការគ្រោងទុក៕

“និស្ស័យក្បាច់គុនល្បុក្កតោ-សៅលីង វិលវិញជួបគ្នានៅមុខអង្គរ”ជាថ្មីដើម្បីផ្សព្វផ្សាយសក្តានុពលទេសចរណ៍កម្ពុជា

ដោយៈ ម៉ាលីនណា

ភ្នំពេញៈ រដ្ឋមន្រ្តីក្រសួងទេសចរណ៍ លោកហួត ហាក់ បានទទួលជួបពិភាក្សាការងារ ជាមួយប្រតិភូវត្តសៅលីងចំនួន១៦អង្គ ដែលបាននិមន្តមកដល់ទឹកដីអច្ឆរិយកម្ពុជា ដើម្បីត្រៀមចូលរួមសម្តែងក្នុង “មហោស្រពក្បាច់គុនចម្រុះ កម្ពុជា-ចិន”។

ពិធីនេះ នឹងប្រព្រឹត្តទៅចាប់ពីម៉ោង៧:០០នាទីព្រឹក ថ្ងៃទី៣០ ខែមេសា ឆ្នាំ២០២៦ នាបរិវេណខាងជើងប្រាសាទបាយ័ន ខេត្តសៀមរាប។

ព្រឹត្តិការណ៍នេះនឹងនាំមកនូវ ការសម្តែងរួមគ្នាដ៏អស្ចារ្យរវាងក្បាច់គុនបុរាណខ្មែរ៖ គុនល្បុក្កតោ យុទ្ធគុនខម និងប្រដាល់គុនខ្មែរ ជាមួយ ក្បាច់គុនចិន៖ កុងហ្វូសៅលីង (Shaolin Kung Fu)និងថាយជី (Tai Chi) ដោយរំពឹងថានឹងមានភ្ញៀវជាតិ-អន្តរជាតិ ចូលរួមទស្សនាដោយផ្ទាល់ និងដោយសេរី ប្រមាណជាង១,០០០នាក់។

ក្រសួងទេសចរណ៍នៃព្រះរាជាណាចក្រកម្ពុជា និងរដ្ឋបាលប្រជាជនខេត្តហឺណាន និងរដ្ឋបាលខេត្តសៀមរាប បានសហការរៀបចំព្រឹត្តិការណ៍ “មហោស្រពក្បាច់គុនចម្រុះ កម្ពុជា-ចិន” អបអរសាទរ “ឆ្នាំទេសចរណ៍កម្ពុជា-ចិន” ជាមួយការសម្ដែងក្បាច់គុនថាយជី និងកុងហ្វូ រួមជាមួយគុនល្បុក្កតោ យុទ្ធគុនខម នាព្រឹកថ្ងៃទី៣០ ខែមេសា ឆ្នាំ២០២៦ នៅបរិវេណខាងជើងប្រាសាទបាយ័ន ដែលជាទីឋានប្រវត្តិសាស្រ្តដ៏រុងរឿង និងស្រស់ស្អាតរបស់ព្រះរាជាណាចក្រកម្ពុជា ក្នុងគោលបំណងផ្សព្វផ្សាយ គោលដៅទេសចរណ៍ និងវប្បធម៌រួមគ្នា ដើម្បីទាក់ទាញអ្នកទេសចរចិន និងអន្តរជាតិមកទស្សនាស្វែងយល់ និងទទួលនួវបទពិសោធន៍ ពីប្រទេសកម្ពុជាកាន់តែច្រើន ជាពិសេសអំពីសក្តានុពលទេសចរណ៍ វប្បធម៌ អរិយធម៌ និងទំនៀមទម្លាប់ប្រជាជនកម្ពុជា ដែលមានអាយុកាលយូរលង់ណាស់មកហើយ៕

JICAចុះហត្ថលេខាលើដោះស្រាយបញ្ហាទីក្រុងឆ្លាតវៃក្នុងខេត្តសៀមរាបជំហាន២

ដោយៈ ចំណាន

សៀមរាបៈ ក្រុមមន្រ្តី និងអ្នកជំនាញជប៉ុនបានបើកកិច្ចប្រជុំគណៈកម្មការសម្របសម្រួលរួម(JCC) លើកទី២ នៃគម្រោងអនុវត្តវិធីសាស្រ្តទីក្រុងឆ្លាតវៃ ដើម្បីដោះស្រាយបញ្ហាទីក្រុងសៀមរាបជំហាន២ និងពិធីចុះហត្ថលេខាលើកំណត់ត្រា នៃកិច្ចប្រជុំ (Meeting Record) រវាងរដ្ឋបាលខេត្តសៀមរាប និងទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន(JICA)។

កិច្ចប្រជុំនេះដឹកនាំដោយលោក ប្រាក់ សោភ័ណ អភិបាល នៃគណៈអភិបាលខេត្តសៀមរាប និងទីភ្នាក់ងារសហប្រតិបត្តិការអន្តរជាតិ នៃប្រទេសជប៉ុន(JICA) ដឹកនាំដោយលោក កាណាហ្កាវ៉ាក់ ម៉ាកូតុ នាយកជាន់ខ្ពស់ ក្រុមទី៣ នៃក្រុមអភិវឌ្ឍន៍ទីក្រុងនិងតំបន់ នៃនាយកដ្ឋានគ្រប់គ្រងហេដ្ឋារចនាសម្ព័ន្ធ នៃទីស្នាក់ការកណ្តាលចៃកា ដោយមានការចូលរួមពី ឯកឧត្តម លោកជំទាវ លោក លោកស្រី តំណាងក្រសួងមហាផ្ទៃ ក្រសួងប្រៃសណីយ៍ និងទូរគមនាគមន៍ និងមន្ទីរ អង្គភាពពាក់ព័ន្ធជាច្រើនរូបផងដែរ។

លោក កាណាហ្កាវ៉ាក់ ម៉ាកូតុ លើកឡើងថាគម្រោងអនុវត្តវិធីសាស្ត្រទីក្រុងឆ្លាតដើម្បីដោះស្រាយបញ្ហាទីក្រុង ក្នុងខេត្តសៀមរាប ដំណាក់កាលទី១ បានអនុវត្តគម្រោងសាកល្បងចំនួន៨ ដែលគម្រោងមួយចំនួនកំពុងបន្តអនុវត្ត ចំណែកជំហានទី២ គឺការអនុវត្តវិធីសាស្រ្តផ្អែកលើតំបន់ (Area-Based Approach) ដែលហៅថា “យុទ្ធសាស្ត្រកំណើនទីក្រុងឆ្លាតវៃរំដួល” (Romduol Smart Growth Strategy)។

ការរៀបចំនេះ ដោយផ្តោតលើតំបន់ចំនួនពីរ គឺតំបន់ផ្លូវ Pub Street និងតំបន់មាត់ស្ទឹង ដើម្បីអនុវត្តគម្រោងសាកល្បង ដោយក្នុងតំបន់នីមួយៗ នឹងមានអនុវត្តសកម្មភាពចាំបាច់នានា ដើម្បីធ្វើឱ្យតំបន់ទាំងពីរនេះមានភាពទាក់ទាញ និងជាទីរីករាយសម្រាប់ការដើរកម្សាន្តនៃភ្ញៀវទេសចរ និងប្រជាពលរដ្ឋ។

សកម្មភាពភាពដែលត្រូវអនុវត្តន៍ ក្នុងតំបន់ទាំងពីរមានដូចជា៖ ការត្រួតពិនិត្យការចរាចរណ៍ ការផ្សព្វផ្សាយតាមបណ្ដាញសង្គម វិធីសាស្ត្រធ្វើឱ្យតំបន់ដងស្ទឹងមានភាពបៃតង កម្មវិធីជំរុញការដើរកម្សាន្តក្នុងក្រុង ផ្ទាំងបង្ហាញឌីជីថល កម្មវិធីគ្រប់គ្រងអ្នកលក់ដូរតាមទីសាធារណៈ ការឆ្លើយតបអគ្គិភ័យបឋម និងការគ្រប់គ្រងចរាចរណ៍ឆ្លាតវៃ។

លោកប្រាក់ សោភ័ណ អភិបាលខេត្ត តាមរយៈការអនុវត្តគម្រោងកិច្ចសហប្រតិបត្តិការបច្ចេកទេស នៃការជួយរៀបចំក្រុងសៀមរាប ជាទីក្រុងឆ្លាតវៃទាំងក្នុងដំណាក់កាលទី១ និងដំណាក់កាលទី២ ពីសំណាក់ប្រទេសជប៉ុន តាមរយៈJICAនេះ មិនត្រឹមតែរឹតចំណងមិត្តភាពកម្ពុជា-ជប៉ុន ឱ្យកាន់តែរឹងមាំប៉ុណ្ណោះទេ ប៉ុន្តែវានឹងជួយលើកកម្ពស់សេដ្ឋកិច្ច និងវិស័យទេសចរណ៍ឱ្យសក្តិសមជា “ទីក្រុងឆ្លាតវៃអាស៊ាន” ក៏ដូចជា ចូលរួមលើកកម្ពស់នូវសេដ្ឋកិច្ច របស់ខេត្តសៀមរាប តាមរយៈការជំរុញលើកកម្ពស់ វិស័យទេសចរណ៍ របស់ខេត្តសៀមរាបផងដែរ។

លោកបង្ហាញការគាំទ្រយ៉ាងខ្លាំង និងសង្ឃឹមថា គម្រោងជំហានទី២នេះ នឹងកាត់បន្ថយអត្រាអ្នកស្លាប់ របួស និងការខូចខាតទ្រព្យសម្បត្តិ ដែលបណ្តាលមកពីគ្រោះថ្នាក់ចរាចរណ៍ ក្នុងក្រុងសៀមរាប ជាក់ជាមិនខាន។ ជាមួយគ្នានេះ អាចប្រែក្លាយរដ្ឋបាលខេត្តសៀមរាប ជារដ្ឋបាល ដែលជាទីតាំងចែករំលែកនូវបទពិសោធន៍ល្អៗ និងជោគជ័យក្នុងការអនុវត្តគម្រោង ទីក្រុងឆ្លាតវៃទៅកាន់បណ្តាខេត្ត រាជធានី របស់កម្ពុជា ក៏ដូចជាទៅកាន់បណ្តាប្រទេសមួយចំនួន នៅក្នុងតំបន់អាស៊ាន៕

ក្រសួងទេសចរណ៍និងមជ្ឈមណ្ឌលអាស៊ាន-ចិនអះអាងពីឆន្ទៈសហការរួមគ្នាជំរុញកំណើនភ្ញៀវទេសចរចិនមកកម្ពុជា

ដោយៈ ចំណាន

ភ្នំពេញៈ រដ្ឋមន្រ្តីក្រសួងទេសចរណ៍ លោកហួត ហាក់ រដ្ឋមន្ត្រីក្រសួងទេសចរណ៍ បានអនុញ្ញាតជូនឯកឧត្តម Shi Zhongjun អគ្គលេខាធិការនៃមជ្ឈមណ្ឌលអាស៊ាន-ចិន និងសហការី ចូលជួបសម្តែងការគួរសម និងពិភាក្សាការងារ។

ជំនួបនេះ ផ្តោតលើវឌ្ឍនភាពកិច្ចសហប្រតិបត្តិការ រវាងក្រសួងទេសចរណ៍កម្ពុជា និងមជ្ឈមណ្ឌលអាស៊ាន-ចិន (ACC) ក្នុងឱកាសដំណើរបេសកកម្មការងារ នៅព្រះរាជាណាចក្រកម្ពុជា នៅសណ្ឋាគាររ៉េស៊ីដង់ សុខា ភ្នំពេញ។

ក្នុងជំនួបប្រកបដោយផ្លែផ្កានេះ ភាគីទាំងពីរ មានទស្សនៈរួមគ្នាថា វិស័យទេសចរណ៍ជាវិស័យគន្លឹះ ដែលជួយសម្រេចឱ្យបាននូវការកសាងសហគមន៍ជោគវាសនារួមគ្នារវាង កម្ពុជា-ចិន គ្រប់រដូវកាលក្នុងយុគសម័យថ្មី ប្រកបដោយគុណភាពខ្ពស់ កម្រិតខ្ពស់ និងស្តង់ដាខ្ពស់។

ភាគីទាំងពីរ ក៏បានឯកភាពសហការ ឱ្យបានជាក់ស្តែង និងស៊ីជម្រៅបន្ថែមទៀត ដើម្បីទាក់ទាញកំណើនភ្ញៀវទេសចរចិន ការផ្លាស់ប្តូរប្រជាជនកម្ពុជា-ចិនទៅវិញទៅមកឱ្យកាន់តែច្រើនឡើង និងសកម្មក្នុងឆ្នាំ២០២៦ ថ្មី និងស្របតាមកិច្ចខិតខំប្រឹងប្រែង និងសហការគ្នាយ៉ាងជិតស្និទ្ធរវាងក្រសួងទេសចរណ៍ ស្ថានទូតចិនប្រចាំកម្ពុជា វិស័យឯកជន និងក្រសួង ស្ថាប័នពាក់ព័ន្ធ ព្រមទាំងគោលការណ៍អនុញ្ញាតដ៏ខ្ពង់ខ្ពស់ពីសម្តេចមហាបវរធិបតី នាយករដ្ឋមន្ត្រី ដែលបានសម្រេចផ្តល់ការលើកលែងទិដ្ឋាការដល់ប្រជាជនចិន ដែលធ្វើដំណើរមកកាន់ប្រទេសកម្ពុជា ដោយអាចស្នាក់នៅកម្ពុជាបានចំនួន១៤ថ្ងៃ ក្នុងដំណាក់កាលសាកល្បងដំបូង ដែលមានរយៈពេល៤ខែ គិតចាប់ពីថ្ងៃទី១៥ ខែមិថុនា ដល់ថ្ងៃទី១៥ ខែតុលា ឆ្នាំ២០២៦ (ពោលនៅក្នុងអំឡុងពេលនៃរដូវកាលបៃតងនៅកម្ពុជា)៕

ហេតុអ្វីតំបន់ជុំវិញអាកាសយានដ្ឋានអន្តរជាតិតេជោកំពុងទាក់ទាញការវិនិយោគវិស័យអចលនទ្រព្យច្រើនជាងគេ

ដោយៈ គង់ សូរិយា

ភ្នំពេញៈ តំបន់ជុំវិញអាកាសយានដ្ឋានអន្តរជាតិតេជោថ្មី កំពុងកាន់តែមានសារៈសំខាន់ និងអាចមើលឃើញកាន់តែច្បាស់ សម្រាប់វិនិយោគិន ជាពិសេសចាប់តាំងពីអាកាសយានដ្ឋាន បានបើកដំណើរការនៅចុងឆ្នាំ ២០២៥។

ត្រូវបានគ្រោងទុកជាផ្នែកមួយនៃ “ទីក្រុងអាកាសយានដ្ឋាន”ឬAirport City និងច្រករបៀងភស្តុភារកម្មធំជាង។ ជាធម្មតាវានាំមកនូវផ្លូវថ្នល់ សេវាកម្ម ឃ្លាំង សណ្ឋាគារ និងតម្រូវការលំនៅដ្ឋានតាមពេលវេលា។

សម្រាប់ការវិនិយោគិន ចម្លើយគឺ កត្តាសក្តានុពលល្អ ប៉ុន្តែត្រូវជ្រើសរើសដោយប្រុងប្រយ័ត្ន។

ប៉ុន្តែសំណួរនៅទីនេះ តើហេតុអ្វីបានជាវាអាចជាតំបន់ដ៏រឹងមាំមួយ? ចម្លើយមានដូចជា ទី១ តំណភ្ជាប់ដឹកជញ្ជូនថ្មីទៅកាន់ភាគខាងត្បូងនៃទីក្រុងភ្នំពេញ និងផ្លូវជាតិលេខ២ ធ្វើអោយប្រសើរឡើងនូវភាពងាយស្រួលចូលប្រើប្រាស់។

ទី២ ការអភិវឌ្ឍដែលជំរុញ ដោយអាកាសយានដ្ឋានជារឿយៗបង្កើនតម្លៃដីធ្លីក្នុងរយៈពេលជាច្រើនឆ្នាំ ទី៣ អាជីវកម្មដែលភ្ជាប់ទៅនឹងភស្តុភារកម្ម បដិសណ្ឋារកិច្ច និងសេវាកម្មពាណិជ្ជកម្មអាចពង្រីកនៅក្បែរនោះ ទី៤ ការវិនិយោគរយៈពេលវែងរបស់រដ្ឋាភិបាល និងឯកជនបង្ហាញពីកំណើនប្រកបដោយចីរភាព មិនមែនគ្រាន់តែជាការផ្សព្វផ្សាយរយៈពេលខ្លីនោះទេ។

ទោះជាយ៉ាងណា អ្នកវិនិយោគក៏គិតដល់ហានិភ័យផងដែរ ដោយសារ តំបន់ខ្លះអាចមានតម្លៃខ្ពស់រួចទៅហើយ ព្រោះតែការរំពឹងទុកដោយសុទិដ្ឋិនិយមពេក ទី២ កំណើនអាចចំណាយពេលច្រើនឆ្នាំ មិនមែនច្រើនខែទេ។

ទី៣ ប្រសិនបើអ្នកទិញដី ដោយគ្មានភាពច្បាស់លាស់ផ្នែកច្បាប់ ឬហេដ្ឋារចនាសម្ព័ន្ធនៅក្បែរនោះ ផលចំណេញអាចយឺតជាង។ ទី៤ គម្រោងលំនៅដ្ឋានដែលនៅឆ្ងាយពីផ្លូវធំពេក អាចនឹងជួបការលំបាកជាមុនសិន។

ដូច្នេះប្រសិនបើអ្នកវិនិយោគនៅទីនោះ សូមផ្តោតលើតំបន់ដែលស្ថិតនៅជាប់ផ្លូវធំ ប្លង់រឹងច្បាស់លាស់ នៅជិតហេដ្ឋារចនាសម្ព័ន្ធដែលបានគ្រោងទុក និងសក្តានុពលសម្រាប់ប្រើប្រាស់ពាណិជ្ជកម្ម។

សហស្ថាបនិកគេហទំព័រPropertyarea លោកយិន លាងគង់ដែលបានឈរជើងក្នុងវិស័យនេះរយៈពេល១០ឆ្នាំ បានមានប្រសាសន៍័ឲ្យដឹងថា ពិតហើយតំបន់ជុំវិញព្រលានយន្តហោះ តែងតែជាចំណុចទាក់ទាញខ្លាំង សម្រាប់អ្នកអភិវឌ្ឍន៍ ដោយសារលំហូរតភ្ជាប់ការធ្វើដំណើរ សក្តានុពលនៃអំណាចទីផ្សារ និងកំណើនប្រជាសាស្រ្ត។

លោកបន្តថា “ជាមួយនឹងការអភិវឌ្ឍហេដ្ឋារចនាសម្ព័ន្ធ កាន់តែប្រសើរ ភាពទាក់ទាញនៃអាកាសយានដ្ឋានថ្មី កំណើននៃការមកដល់របស់ភ្ញៀវអន្តរជាតិ និងសក្តានុពលប្រជាជនវ័យក្មេង តំបន់ជុំវិញអាកាសយានដ្ឋាននៅតែមានភាពរសរវើក”។

សាលាបារាំងចុងបូព៌ា សហការជាមួយរដ្ឋបាលរាជធានីភ្នំពេញ កន្លងមក បានសិក្សាពីលំហីរចរាចរណ៍ ការគិតគូរពីហេដ្ឋារចនាសម្ព័ន្ធ ដើម្បីសម្រួលលំហូរចរារណ៍ ព្រមទាំងចក្ខុវិស័យប្រែក្លាយតំបន់ភាគខាងត្បូងជាតំបន់បៃតង ជាមេដែកឆក់មួយ ដែលនឹងប្រែក្លាយទីក្រុងកាន់តែរីកធំ និងទាក់ទាញកំណើនប្រជាពលរដ្ឋ មករស់នៅកាន់តែច្រើន៕

ទីក្រុង Shenzhen អាចជាទីក្រុងដំបូងគេរបស់ប្រទេសចិន ដែលងើបចេញពីវិបត្តិអចលនទ្រព្យ

ដោយ: សហសេវិក
អន្តរជាតិ: ស្តុកលំនៅឋាននៅក្នុងទីក្រុងសុិនជុិន បានធ្លាក់ចុះដល់កម្រិតទាបបំផុតក្នុងរយៈពេល៧ឆ្នាំ ដែលធ្វើឱ្យមជ្ឈមណ្ឌលបច្ចេកវិទ្យានៅភាគខាងត្បូងប្រទេសចិននេះនាំមុខទីក្រុងលំដាប់ទី១ ផ្សេងទៀត ក្នុងការកាត់បន្ថយស្តុកលំនៅឋាន ដែលបណ្តាលមកពីការផ្គត់ផ្គង់លើសតម្រូវការ។

ការធ្លាក់ចុះនៃស្តុកលំនៅឋានធ្វើឱ្យបណ្តាអ្នកវិនិយោគមើលឃើញថា មានសារៈសំខាន់សម្រាប់ការងើបឡើងវិញនៃទីផ្សារអចលនទ្រព្យនៅក្នុងទីក្រុងសុិនជុិន។

យ៉ាងណាមិញ បើទោះបីជាស្តុកលំនៅឋានបានធ្លាក់ចុះនៅក្នុងទីក្រុងធំៗយ៉ាងណាក្តី ក្រុមអ្នកវិភាគអះអាងថា ការងើបឡើងវិញមិនទាន់មានភាពស្មើគ្នាទេ ហើយការងើបឡើងវិញពេញលេញនៅតាមទីក្រុងនានា និងប្រភេទអចលនទ្រព្យខុសៗគ្នានឹងត្រូវការពេលវេលាបន្ថែមទៀត។

យោងតាមរបាយការណ៍របស់ធនាគារ HSBC បានឱ្យដឹងថា ក្នុងរយៈពេល១២ខែត្រឹមខែមីនា ឆ្នាំ២០២៦ ស្តុកលំនៅឋាននៅទីក្រុងចំនួន១៩ របស់ប្រទេសចិនបានធ្លាក់ចុះជាង១០ភាគរយ។

ក្នុងនោះ ទីក្រុង Shenzhen បានធ្លាក់ចុះច្រើនជាងគេក្នុងចំណោមទីក្រុងលំដាប់១ ផ្សេងទៀត ដោយបានធ្លាក់ចុះ១៧ភាគរយធៀបនឹងឆ្នាំមុន ហើយរយៈពេល inventory turnover បានធ្លាក់ចុះមកនៅត្រឹម៩,៥ខែ។

នេះមានន័យថា ទីក្រុងសុិនជិននឹងត្រូវការពេលវេលាត្រឹមតែ ៩.៥ ខែដើម្បីលក់ផ្ទះទាំងអស់ដែលមាននៅលើទីផ្សារ ប្រសិនបើមិនមានការផ្គត់ផ្គង់លំនៅឋានថ្មី ក្នុងកំឡុងពេលនេះ។

បណ្តាវិនិយោគិនយល់ឃើញថា ការកាត់បន្ថយស្តុកលំនៅឋានលើសតម្រូវការនៅក្នុងប្រទេសចិន ជាគន្លឹះក្នុងការជំរុញឱ្យមានការងើបឡើងវិញយូរអង្វែង។ នៅពេលដែលសូចនាករ inventory turnover ធ្លាក់ចុះដល់១៤ខែ ឬតិចជាងនេះ ជាធម្មតា តម្លៃលំនៅឋាននឹងចាប់ផ្តើមមានស្ថេរភាព។

យោងតាមលោកស្រី Michelle Kwok អ្នកជំនាញនៅធនាគារ HSBC បានឱ្យដឹងថា ស្ថិរភាពនៃតម្លៃលំនៅឋានទំនងជាលេចឡើងមុនគេនៅក្នុងផ្នែកលំនៅឋានប្រណីតនៅក្នុងទីក្រុងធំៗ ហើយឆ្នាំ២០២៦ នឹងក្លាយជាចំណុចរបត់មួយ៕ប្រភព: SCMP៕

បញ្ហាក្នុងវិស័យអចលនទ្រព្យត្រូវបានលើកយកមកជជែករវាងរដ្ឋ និងវិស័យឯកជន

ដោយៈ ចំណាន

ភ្នំពេញៈ ក្រុមមន្រ្តីជាន់ខ្ពស់ក្រសួងរៀបចំដែនដី និងវិស័យឯកជន បានកិច្ចប្រជុំពិនិត្យរួមគ្នាអំពីវឌ្ឍនភាពការងារ ត្រឹមឆមាសទី១ ឆ្នាំ២០២៦ ក្រុមការងារ “ឌ””ផ្នែកសំណង់ និងអចលនទ្រព្យ”។

កិច្ចប្រជុំនេះ សហដឹកនាំដោយ លោកផារ៉ា មង្គល រដ្ឋលេខាធិការនៃក្រសួងរៀបចំដែនដី នគរូបនីយកម្ម និងសំណង់ និងឧកញ៉ាបណ្ឌិត តាន់ មុន្នីវណ្ណ សហប្រធានក្រុមការងារ “ឌ” តំណាងផ្នែកឯកជននិងមន្រ្តីពាក់ព័ន្ធ។

កិច្ចប្រជុំនេះមានគោលបំណង ដើម្បីពិនិត្យរួមគ្នាអំពីវឌ្ឍនភាពការងារ ត្រឹមឆមាសទី១ ឆ្នាំ២០២៦ និងរបាយការណ៍សង្ខេបអំពីសំណូមពររបស់វិស័យឯកជន ដែលបានស្នើមកក្រសួង តាមរយៈសភាពាណិជ្ជកម្មកម្ពុជា និងយន្តការវេទិការាជរដ្ឋាភិបាល-ផ្នែកឯកជន នៃក្រុមការងារ “ឌ” “ផ្នែកសំណង់ និងអចលនទ្រព្យ”នាពេលកន្លងមក។

ជាលទ្ធផលកិច្ចប្រជុំបានធ្វើការពិនិត្យ ពិភាក្សាលើរបាយការណ៍រួមមាន ទី១. វឌ្ឍនភាពការងារ ត្រឹមឆមាសទី១ ឆ្នាំ២០២៦ ទី២.វិធានការនានារបស់រាជរដ្ឋាភិបាល និងក្រសួងរៀបចំដែនដី នគរូបនីយកម្ម និងសំណង់ ដើម្បីលើកទឹកចិត្តដល់វិស័យឯកជន។

ទី៣ ការអនុវត្តវិធានការកែទម្រង់ មុតស្រួចជាកញ្ចប់ដាក់ចេញដោយវេទិការាជរដ្ឋាភិបាល-ផ្នែកឯកជន លើកទី១៩ (19th G-PSF)៕

1...878889...3,340 Page 88 of 3,340