លោកឧកញ៉ាបណ្ឌិតគីម ហ៊ាងបង្ហាញពីតម្លៃម៉ូតផ្ទះជាច្រើនរបស់បុរីវិមានសំណាង

ភ្នំពេញៈ ជាអ្នកអភិវឌ្ឍន៍ដែលមានផែនការយុទ្ធសាស្រ្ត និងចក្ខុវិស័យច្បាស់លាស់ លោកឧកញ៉ាបណ្ឌិតគីម ហ៊ាងបានបង្ហាញពីគុណតម្លៃនៃបុរីវិមាន សំណាង។

ជាគំរោងអភិវឌ្ឍន៍លើផ្ទៃដីទំហំ២៥ហិកតា ស្ថិតនៅភាគខាងជើង ក្រសួងរៀបចំដែនដី នគរូបនីយកម្ម និងសំណង់ បុរីវិមានសំណាងបានបន្តឈរជើងយ៉ាងរឹងមាំ ជាមួយគុណតម្លៃចំនួន៣ ទី១ សាងសង់ដោយផ្តោតលើឥដ្ឋ២០ ដែលផ្តល់ផាសុខភាពក្នុងការរស់នៅ ទី២ ផ្សារភ្ជាប់រចនាបទបែបសហសម័យ ដែលមិនសាំភ្នែក និងផ្តល់បរិយាកាសល្អ។

ទី៣ ផ្តោតលើបរិស្ថាន និងភាពបៃតងជាមួយនឹងព្រែកធម្មជាតិហួរកាត់១គីឡូម៉ែត្រ ទី៤ ជាលំនៅដ្ឋាន ដែលផ្តល់នូវបែបផែនSmart Home ដែលផ្តល់ការសន្សំសំចៃអគ្គិសនី និងពន្លឺគ្រប់គ្រាន់ក្នុងលំនៅដ្ឋាន។

លោកឧកញ៉ាបណ្ឌិតគីម ហ៊ាងបានមានប្រ៤សាសន៍បង្ហាញពីម៉ូតផ្ទះជាច្រើន ក្នុងបុរីនេះ ដូចជា ទី១. វីឡាព្រីន Prince Villa របស់បុរី វិមានសំណាង តម្លៃប្រហែល$450,000 តាមទីតាំង និងទំហំដី មានម្ចាស់ផ្ទះមកទទូល ដើម្បីស្នាក់នៅកាន់តែច្រើន។ ទី២. វីឡាឃ្វីន Queen Villa របស់បុរី វិមានសំណាង តម្លៃប្រហែល $720,000 តាមទីតាំង និងទំហំដី មានម្ចាស់ផ្ទះមកទទូល ដើម្បីស្នាក់នៅកាន់តែច្រើន។

ទី៣. វីឡាឃីង King Villa របស់បុរី វិមានសំណាង តម្លៃប្រហែល$1,230,000 សុទ្ធតែបែរមុខទៅមាត់ព្រែកធម្មជាតិ មានម្ចាស់ផ្ទះមកទទូល ដើម្បីស្នាក់នៅហើយ។ ទី៤. នៅបុរី វិមានសំណាង លើផ្ទៃដី ២៥ហត មានសាងសង់ និងលក់តែវីឡាព្រីន វីឡាឃ្វីន និងវីឡាឃីង ដោយមិនមានវីឡាភ្លោះ វីឡាកូនកាត់ ឬផ្ទះតូចៗទេ។

ទី៥. ១០០% នៃអ្នកទិញផ្ទះក្នុងបុរី វិមានសំណាង គឺដើម្បីស្នាក់នៅជាលក្ខណះគ្រួសារ ដោយក្រុមហ៊ុនរំពឹងថា ក្រោយពេលមានម្ចាស់ផ្ទះមកស្នាក់នៅកាន់តែច្រើន នឹងធ្វើអោយតម្លៃផ្ទះក្នុងបុរី វិមានសំណាង (Borey Vimean Samnang) មានតម្លៃចាប់ពីកន្លះលានដុល្លារអាមេរិកឡើងទៅ។

ស្ថាបនិកបុរី វិមានសំណាង ឧកញ៉ាបណ្ឌិត គីម ហ៊ាង
Cell: 012 96 2000 (Telegram, WhatsApp & WeChat)
Email: [email protected]៕

ទីក្រុងហាណូយគ្រោងនឹងដាក់លក់ដីឡូត៍ក្នុងតម្លៃចាប់ពី ៤០ លានដុល្លារអាមេរិកនៅក្នុងខែកក្កដាខាងមុខ

ដោយ: សហសេវិក
អន្តរជាតិ: ទីក្រុងហាណូយគ្រោងដាក់លក់ដីឡូត៍ទំហំ២ហិកតានៅតំបន់ភាគខាងលិចរដ្ឋធានីនៅខែកក្កដា និងបានកំណត់តម្លៃចាប់ពី១,០៦ ទ្រីលានដុង (៤០ លានដុល្លារអាមេរិក) ឬ ៥២,៩ លានដុងក្នុងមួយម៉ែត្រការ៉េ។

ដីឡូត៍នេះស្ថិតនៅក្នុងសង្កាត់ An Khanh ចម្ងាយ២២គីឡូម៉ែត្រពីកណ្តាលទីក្រុងហាណូយ ។ នេះបើយោងតាមក្រុមហ៊ុន Lac Viet Auction Partnership ដែលជាអ្នករៀបចំការដេញថ្លៃ។ ការអភិវឌ្ឍលំនៅឋានពាណិជ្ជកម្មនឹងត្រូវបានអនុញ្ញាតនៅលើដីឡូត៍នេះ។

ការដេញថ្លៃត្រូវបានគេរំពឹងថា នឹងមានយ៉ាងតិច៥ជុំ ហើយទំហំអប្បបរមានៃការដេញថ្លៃនឹងមានចំនួន១០ពាន់លានដុង។ អ្នកដេញថ្លៃត្រូវដាក់ប្រាក់កក់ចំនួន២០ភាគរយនៃតម្លៃចាប់ផ្តើម។

សង្កាត់ An Khanh មានប្រជាជនរស់នៅចំនួន១០២.០០០នាក់។ ដោយសារសង្កាត់នេះមានទីតាំងនៅជិតមហាវិថី Thang Long តំបន់នេះបានទាក់ទាញការអភិវឌ្ឍគម្រោងលំនៅឋានធំៗជាច្រើន។

កាលពីឆ្នាំមុន ទីក្រុងហាណូយទទួលបានប្រាក់ចំណូលចំនួន ១០៧,៩ ទ្រីលានដុងពីប្រតិបត្តិការលក់ដីធ្លី លើសពីគោលដៅចំនួន ១២៥ភាគរយ និងខ្ពស់ជាងតួលេខឆ្នាំ២០២៤ ចំនួន២,៦ដង។ ទំហំទឹកប្រាក់នេះគ្របដណ្តប់ចំនួន១៥ភាគរយនៃប្រាក់ចំណូលសរុបរបស់ទីក្រុងហាណូយ។

ចាប់ពីឆ្នាំនេះរហូតដល់ឆ្នាំ ២០៣០ ទីក្រុងហាណូយបានកំណត់គោលដៅប្រាក់ចំណូលសរុបចំនួន ៣,៧ ទ្រីលានដុង ដែលចំនួន២១,៦ភាគរយនៃប្រាក់ចំណូលសរុបនោះបានមកពីដីធ្លី៕ប្រភព: Vnexpress ៕

អ្នកជំនាញៈ ការទិញដីជាយក្រុងផ្តល់ផលចំណេញខ្ពស់ ធៀបនឹងការទិញនៅកណ្តាលរាជធានី

ដោយៈ ចំណាន

ភ្នំពេញៈ អ្នកជំនាញបានលើកឡើងថា ការទិញដីជាយក្រុងដែលមានតម្លៃទាប មានឱកាសចំណេញខ្ពស់ និងច្រើនដង បើធៀបជាមួយការទិញដីនៅកណ្តាលរាជធានី ដែលមានតម្លៃខ្ពស់រួចទៅហើយ។

អ្នកឧកញ៉ាសំ សុខនឿនប្រធានក្រុមប្រឹក្សាភិបាលសម្ព័ន្ធក្រុមហ៊ុន SAM SN Group បានមានប្រសាសន៍ឲ្យដឹង កាលពីចុងសប្តាហ៍មុនថា ដីជាយក្រុង ដែលមានចម្ងាយចន្លោះ៣០គីឡូម៉ែត្រ ពីកណ្តាលរាជធានី ជាដីមានឱកាសចំណេញខ្ពស់ នៅពេលសេដ្ឋកិច្ចកើនឡើងកាន់តែប្រសើរ និងមានឱកាសចំណេញច្រើនដង។

អ្នកឧកញ៉ាបញ្ជាក់ថា “ការទិញដីនៅកណ្តាលរាជធានី មិនសូវមានផលចំណេញខ្ពស់ទេ ដោយសារដីឡើងថ្លៃខ្ពស់រួចទៅហើយ តែដីជាយក្រុងរយៈពេល៥ ទៅ១០ឆ្នាំខាងមុខ នឹងមានឱកាសចំណេញច្រើនដង”។

អ្នកឧកញ៉ាសំ សុខនឿនបានពន្យល់ថា ការសម្រេចចិត្តវិនិយោគដីនាឱកាសនេះ មានអត្រាចំណេញ និងជាឱកាស ដោយសារមានដីលក់ច្រើន ដែលធ្វើឲ្យអ្នកវិនិយោគអាចជ្រើសរើសបានច្រើន និងទិញបានតម្លៃល្អ ទាបជាងទីផ្សារ។

អ្នកឧកញ៉ាបន្តថា គោលបំណងដែលលោកទិញដីច្រើននៅជាយក្រុង មានដូចជា ទី១ រង់ចាំឱកាសចំណេញនាពេលអនាគត ទី២ សម្រាប់អភិវឌ្ឍន៍បុរីនាពេលខាងមុខ ព្រោះអ្នកអភិវឌ្ឈន៍ធំៗតែងតែទិញដីនៅជាយក្រុងដែលមានតម្លៃទាប សម្រាប់អភិវឌ្ឍន៍គំរោងរបស់ពួកគេនាពេលអនាគត និងទី៣ សម្រាប់សាងសង់រោងចក្រ តំបន់ឧស្សាហកម្មជាដើម ព្រោះនៅពេលមានអ្នកវិនិយោគបរទេសចូលមក ពួកគេត្រូវការដី យើងមានដីសម្រាប់លក់ ឬសាងសង់រោងចក្រសំរាប់សហការជាមួយពួកគេ។

អ្នកឧកញ៉ាសំ សុខនឿនបានបន្តទៀតថា ពិតហើយស្ថានភាព បច្ចុប្បន្នទីផ្សារដីធ្លី មានសភាពស្ងប់ស្ងាត់ច្រើន ដែលនេះជានិន្នាការទូទៅក្នុងទីផ្សារដីធ្លី តែងតែមានឡើងចុះជារឿងធម្មតា។

អ្នកឧកញ៉ាបញ្ជាក់ថា “នៅពេលមនុស្សជាច្រើនបារម្ភ វាជាឱកាសសម្រាប់ការទិញដីយកផលចំណេញ និងបង្កើតឱកាសសម្រាប់អនាគត”៕

UMTA តាំងចិត្តសហការជាមួយវិស័យឯកជនផ្នែកទេសចរណ៍កម្ពុជា

ដោយៈ ម៉ាណា

មីយ៉ាន់ម៉ាៈ សមាគមទីភ្នាក់ងារទេសចរណ៍ នៃសហភាពមីយ៉ាន់ម៉ា (UMTA) តាំងចិត្តជំរុញកិច្ចសហប្រតិបត្តិការទេសចរណ៍ ជាមួយវិស័យឯកជនផ្នែកទេសចរណ៍កម្ពុជា ដើម្បីបង្កើនលំហូរភ្ញៀវទេសចរទៅវិញទៅមក បន្ទាប់ពីការចុះអនុស្សរណៈនៃការយោគយល់គ្នាស្តីពីកិច្ចសហប្រតិបត្តិការទេសចរណ៍កម្ពុជា និងមីយ៉ាន់ម៉ា។

ព័ត៌មាននេះត្រូវបានលើកឡើង ក្នុងឱកាសលោកហួត ហាក់ រដ្ឋមន្ត្រីក្រសួងទេសចរណ៍ បានដឹកនាំគណៈប្រតិភូជាន់ខ្ពស់ក្រសួងទេសចរណ៍ និងក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា (CTB) ជួបពិភាក្សាការងារ និងផ្លាស់ប្តូរយោបល់កម្រិតខ្ពស់ និងស៊ីជម្រៅជាមួយលោក U Kyaw Bohne Naing ប្រធានសមាគមទីភ្នាក់ងារទេសចរណ៍ នៃសហភាពមីយ៉ាន់ម៉ា (UMTA) និងថ្នាក់ដឹកនាំជាន់ខ្ពស់របស់សមាគម ព្រមទាំងតំណាងក្រុមហ៊ុនទេសចរណ៍ឈានមុខជាច្រើន របស់ប្រទេសមីយ៉ាន់ម៉ា លើការពង្រឹង និងពង្រីកកិច្ចសហប្រតិបត្តិការ ទេសចរណ៍រវាងកម្ពុជា និងមីយ៉ាន់ម៉ា ឱ្យកាន់តែជាក់ស្តែង និងប្រកបដោយផ្លែផ្កា បន្ទាប់ពីការចុះអនុស្សរណៈនៃការយោគយល់គ្នាស្តីពី កិច្ចសហប្រតិបត្តិការទេសចរណ៍រវាងកម្ពុជា និងមីយ៉ាន់ម៉ា។

ក្នុងជំនួបនៃកិច្ចពិភាក្សានេះ លោក U Kyaw Bohne Naing ប្រធានសមាគមទីភ្នាក់ងារទេសចរណ៍ នៃសហភាពមីយ៉ាន់ម៉ា បានស្វាគមន៍យ៉ាងកក់ក្តៅ ចំពោះដំណើរទស្សនកិច្ចការងារ របស់លោក រដ្ឋមន្ត្រី និងគណៈប្រតិភូជាន់ខ្ពស់កម្ពុជា ព្រមទាំងបានបង្ហាញការចាប់អារម្មណ៍លើសក្តានុពល វិស័យទេសចរណ៍របស់កម្ពុជា ជាពិសេសគោលដៅទេសចរណ៍វប្បធម៌ ប្រវត្តិសាស្ត្រ និងធម្មជាតិដ៏ល្បីល្បាញ ដូចជារមណីយដ្ឋានអង្គរ តំបន់ឆ្នេរសមុទ្រ និងគោលដៅទេសចរណ៍បែបសាសនា ដែលអាចទាក់ទាញភ្ញៀវទេសចរមីយ៉ាន់ម៉ា មកទស្សនាកម្ពុជាកាន់តែច្រើននាពេលខាងមុខ។

ជាមួយគ្នានេះ លោកក៏បានគូសបញ្ជាក់ពីតួនាទី របស់សមាគមក្នុងការជំរុញការអភិវឌ្ឍ វិស័យទេសចរណ៍របស់មីយ៉ាន់ម៉ា និងបានបង្ហាញការប្តេជ្ញាចិត្ត ក្នុងការពង្រឹងកិច្ចសហការ ជាមួយក្រសួងទេសចរណ៍កម្ពុជា ដើម្បីពង្រឹងការផ្លាស់ប្តូរភ្ញៀវទេសចរ ការផ្សព្វផ្សាយរួមគ្នា និងការតភ្ជាប់រវាងប្រតិបត្តិករទេសចរណ៍ នៃប្រទេសទាំងពីរ។

តាមរយៈជំនួបប្រកបដោយផ្លែផ្កានេះ ភាគីទាំងពីរ បានឯកភាពជំរុញការរៀបចំកម្មវិធី ផ្សព្វផ្សាយទេសចរណ៍រួមគ្នា កម្មវិធីទស្សនកិច្ចសិក្សា (FAM Trip) វេទិកាធុរកិច្ចទេសចរណ៍ (B2B Forum) និងការអភិវឌ្ឍកញ្ចប់ទស្សនកិច្ចថ្មីៗ ដើម្បីបង្កើនលំហូរភ្ញៀវទេសចរទៅវិញទៅមក និងពង្រឹងកិច្ចសហប្រតិបត្តិការ រវាងវិស័យឯកជននៃប្រទេសទាំងពីរ។ លើសពីនេះ ភាគីទាំងពីរ ក៏នឹងពិភាក្សាអំពីការលើកទឹកចិត្តដល់សហគ្រាសទេសចរណ៍ ប្រតិបត្តិករសណ្ឋាគារ ភ្នាក់ងារទេសចរណ៍ និងវិនិយោគិនរបស់មីយ៉ាន់ម៉ា ឱ្យស្វែងរកឱកាសវិនិយោគ និងពង្រីកកិច្ចសហប្រតិបត្តិការអាជីវកម្ម លើវិស័យទេសចរណ៍នៅកម្ពុជា សំដៅរួមចំណែកដល់ការអភិវឌ្ឍ វិស័យទេសចរណ៍ ប្រកបដោយចីរភាព និងផ្តល់ផលប្រយោជន៍ទៅវិញ ទៅមករវាងប្រទេសទាំងពីរ។

ក្នុងជំនួបប្រកបដោយផ្លែផ្កានេះ លោករដ្ឋមន្ត្រី ក៏បានស្នើឱ្យ UMTA ជួយជំរុញ និងផ្សព្វផ្សាយពីសក្តានុពលទេសចរណ៍កម្ពុជា ទៅកាន់ប្រជាពលរដ្ឋ និងប្រតិបត្តិករទេសចរណ៍មីយ៉ាន់ម៉ា តាមរយៈបណ្តាញសមាជិករបស់សមាគម ព្រមទាំងជំរុញការរៀបចំកម្មវិធីទស្សនកិច្ចសិក្សា សម្រាប់ក្រុមហ៊ុនទេសចរណ៍ អ្នកសារព័ត៌មាន អ្នកផលិតមាតិកា និងអ្នកមានឥទ្ធិពលលើបណ្តាញ សង្គមពីមីយ៉ាន់ម៉ា មកទស្សនាកម្ពុជា ដើម្បីផ្សព្វផ្សាយសក្តានុពលទេសចរណ៍កម្ពុជា ទៅកាន់ទីផ្សារមីយ៉ាន់ម៉ាឱ្យកាន់តែទូលំទូលាយ ព្រមទាំងគាំទ្រការតភ្ជាប់ជើងហោះហើរ រវាងគោលដៅទេសចរណ៍សំខាន់ៗ ដូចជា តំបន់អង្គរ និងតំបន់បាកាន ដើម្បីទាក់ទាញភ្ញៀវទេសចរពីទីផ្សារតំបន់ និងអន្តរជាតិ។

សមាគមទីភ្នាក់ងារទេសចរណ៍ នៃសហភាពមីយ៉ាន់ម៉ា (UMTA) ត្រូវបានបង្កើតឡើងនៅឆ្នាំ២០០២ និងជាស្ថាប័នតំណាងដ៏សំខាន់បំផុតមួយ នៃវិស័យទេសចរណ៍ឯកជននៅមីយ៉ាន់ម៉ា ដែលមានសមាជិកប្រមាណ១,០០០ អង្គភាព។

សមាគមនេះបានដើរតួនាទីយ៉ាងសកម្ម ក្នុងការផ្សព្វផ្សាយគោលដៅទេសចរណ៍សំខាន់ៗ របស់មីយ៉ាន់ម៉ា ដូចជា យ៉ាងហ្គូន បាកាន មណ្ឌាល័យ និងបឹងអ៊ីនឡេ ហើយត្រូវបានទទួលស្គាល់ថា ជាដៃគូដ៏សំខាន់ក្នុងការអភិវឌ្ឍវិស័យទេសចរណ៍របស់មីយ៉ាន់ម៉ា។

នៅក្នុងឆ្នាំ២០២៥ កម្ពុជាទទួលបានភ្ញៀវទេសចរអន្តរជាតិប្រមាណ៥,៦លាននាក់ ក្នុងនោះមានភ្ញៀវទេសចរមីយ៉ាន់ម៉ា ប្រមាណ ៣៧.០០០នាក់។ ដោយឡែក ក្នុងរយៈពេល៤ខែនៃឆ្នាំ២០២៦ កម្ពុជាទទួលបានភ្ញៀវទេសចរអន្តរជាតិ ជាង១,៣លាននាក់ ក្នុងនោះមានភ្ញៀវទេសចរមីយ៉ាន់ម៉ាជាង១០,០០០នាក់៕

ផែនការពង្រីករាជធានីក្នុងកាំរង្វង់៣០គីឡូម៉ែត្រក្រឡាផ្លាស់ប្តូរហើយ

ដោយៈ ស៊ីវ ម៉េង

ភ្នំពេញៈ រដ្ឋាភិបាលកម្ពុជាកាលពីអាណត្តិទី៦ ដែលមានលោកឧបនាយករដ្ឋមន្រ្តីជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានបានប្រកាសផែនការពង្រីកផ្ទៃរាជធានីភ្នំពេញ ក្នុងកាំរងង្វង់៣០គីឡូម៉ែត្រក្រឡា នៅត្រឹមឆ្នាំ២០៣៥ខាងមុខ។

ប្រសិនជាផែនការនេះធ្វើតាមការគ្រោងទុក ប្រជាពលរដ្ឋរស់នៅជាយរាជធានីភ្នំពេញ នឹងកាន់តែរីកធំ ហើយទឹកដីជាច្រើនស្ថិតក្នុង ខេត្តកណ្តាល នឹងត្រូវកាត់បញ្ចូលមកក្នុងរដ្ឋបាលរាជធានីភ្នំពេញ។

ប្រជាពលរដ្ឋជាច្រើនរស់នៅក្នុងខេត្តកណ្តាល កាលពីពេលនោះបានបង្ហាញអារម្មណ៍រីករាយ ដោយសារកត្តាជាច្រើនរូមមាន ទី១ ការពង្រីករាជធានីនឹងផ្សារភ្ជាប់ ការកើនឡើងតម្លៃដីធ្លីជាស្វ័យប្រវត្តិ ទី២ ហេដ្ឋារចនាសម្ព័ន្ឋសំខាន់ៗ នឹងទៅដល់មាត់ទ្វារផ្ទះរបស់ពួកគេ ទី៣ ការរីកចម្រើនសេដ្ឋកិច្ចមូលដ្ឋាន នឹងមានភាពល្អប្រសើរឡើង និងទី៤ ពួកគេក្លាយជាប្រជាពលរដ្ឋ រស់នៅក្នុងទីក្រុងមួយ ដែលកាន់តែធ្វើឲ្យគុណភាពជីវិត របស់ពួកគេប្រសើរឡើង និងរស់នៅប្រកបដោយភាពស៊ីវិល័យ។

អ្នកជំនាញបានមើលឃើញរួចហើយថា តម្លៃដីធ្លីបានហក់ឡើងខ្ពស់ នៅពេលរដ្ឋាភិបាលប្រកាសពីផែនការ ប្រើប្រាស់ប្លង់គោលដីធ្លី សម្រាប់ឆ្នាំ២០៣៥ខាងមុខ ដែលផែនការនេះនឹងកាត់បញ្ចូល ភាគខាងជើងនៃខេត្តកណ្តាល ស្ទើរតែទាំងអស់ចូលមកក្នុងផែនរដ្ឋបាលរាជធានី។

ទោះជាយ៉ាងណា លោកប៉ូ អ៊ាវគង់ នាយកប្រតិបត្តិក្រុមហ៊ុនអចលនទ្រព្យ Advance មិនសូវមានសុទិដ្ឋិនិយមពីល្បឿន នៃការរីកចម្រើននោះទេ ដោយលោកបានមានប្រសាសន៍ថា ការពង្រីកក្រុងភ្នំពេញ វាអាចលឿនរហ័ស អាស្រ័យលើកំណើនប្រជាជនលឿន ឬយឺតដូចគ្នា។

លោកបន្តថា “បើសិនជាកំណើនលឿន លទ្ធភាពនៃការពង្រីកក៏កាន់តែលឿនដែរ តែបើសិនជាកំណើនប្រជាជន នៅរាជធានីភ្នំពេញកើនយឺត ក៏លទ្ធភាពនៃការពង្រីករាជធានីក៏យឺតដូចគ្នាដែរ”។ លោកបន្ថែមថា“បើពុំមានផែនការច្បាស់លាស់ទេ ការបង្កើតក្រុងមានឈ្មោះ តែនៅក្នុងក្រុងភ្នំពេញ តែការរស់នៅវិញគឺមិនខុសពីនៅខេត្តទេ”។

ទោះជាយ៉ាងណាឍ គិតមកដល់ចុងអាណត្តិទី៦នៃរាជរដ្ឋាភិបាលដឹកនាំដោយសម្តេចតេជោ ជានាយករដ្ឋមន្រ្តីនៃកម្ពុជា សម្តេចបានប្រកាសកសាងទីក្រុងថ្មីចំនួន៣ ទី១ ទីក្រុងអរិយក្សត្រ ក្នុងខេត្តកណ្តាល ទីក្រុងសំពៅពូន ក្នុងស្រុកកោះធំ ខេត្តកណ្តាល ទីក្រុងឧត្តុងម៉ែជ័យ ស្ថិតក្នុងខេត្តកណ្តាល។

សម្តេចបញ្ជាក់នាពេលនោះថា “ទីក្រុងអរិយក្សត្រ នឹងមិនកាត់ចូលរាជធានីភ្នំពេញទេ ដោយទុកឲ្យរដ្ឋបាលខេត្តកណ្តាល ជាអ្នកគ្រប់ គ្រង និងជម្រុញការប្រមូលពន្ធ”។

ជាមួយគ្នានេះ លោកឧកញ៉ាកាង សុធី អគ្គនាយកក្រុមហ៊ុនអចលនទ្រព្យLand Station ក៏បានលើកឡើងផងដែរថា ការពង្រីករាជធានីភ្នំពេញ អាចធ្វើទៅបានគឺមានតែការកាត់យកដី ខេត្តនៅជាប់រាជធានីភ្នំពេញ មកស្ថិតនៅក្រោមការគ្រប់គ្រង របស់រដ្ឋបាលរាជធានីភ្នំពេញប៉ុណ្ណោះ។

លោកបន្តថា “នៅពេលរដ្ឋាភិបាល ពង្រីកទីក្រុងភ្នំពេញ ជាបន្តបន្ទាប់ នឹងធ្វើឱ្យសក្ដានុពលដីធ្លី នៅតំបន់ជាប់រាជធានីភ្នំពេញ ស្ទុះងើបមួយកម្រិតទៀតផងដែរ”។

ទោះជាយ៉ាងណាអ្នកជំនាញដទៃទៀត បានមើលឃើញផងដែរថា ការពង្រីករាជធានីជារឿងល្អប្រសើរមួយ ប៉ុន្តែរដ្ឋាភិបាលនឹងរងសម្ពាធខ្លាំងផងដែរ ដែលត្រូវវិភាជន៍ថវិកាជាតិ សាងសង់ ហេដ្ឋារចនាសម្ព័ន្ឋនានាទាំងទឹកស្អាត អគ្គិសនី និងបណ្តាញផ្លូវថ្នល់ ពិសេសបើសិនជាមិនបានរៀបចំផែនទី ប្រើប្រាស់ដីបានលំអិតទេ ការអភិវឌ្ឍន៍រាជធានី នឹងមិនទទួលបានសោភ័ណភាព និងររបៀបរៀបរយ សមស្របនឹងនិន្នាការអភិវឌ្ឍន៍ ទីក្រុងប្រកបដោយភាពស៊ីវិល័យនោះទេ។

អគ្គនាយកគេហទំព័រPropertyarea.asiaជាសារព័ត៌មានឈានមុខគេលើវិស័យអចលនទ្រព្យ លោកយិន លាងគង់ ដែលបានតាមដានដំណើរវិវត្តន៍ នៃនគរូបនីយកម្មជាប្រចាំ បានបញ្ជាក់ឲ្យដឹងកាលពីថ្ងៃទី១៦ មិថុនាថា ផែនការប្រកបដោមហិច្ឆតា របស់រាជរដ្ឋាភិបាលអាណត្តិទី៦ ពិតជាស័ក្តិសមសម្រាប់ស្ថានភាព និងបរិបទសេដ្ឋកិច្ចដ៏រីកចម្រើននាសម័យកាលនោះ ប៉ុន្តែប្រសិនជាត្រូវពង្រីករាជធានីនេះដល់កាំរង្វង់៣០គីឡូម៉ែត្រក្រឡា នឹងមិនមានទីក្រុងអរិយក្សត្រ និងទីក្រុងតាខ្មៅនោះឡើយ រួមទាំងបូកបញ្ចូលទីក្រុងឧត្តុងម៉ែជ័យផងដែរ។

លោកបញ្ជាក់ថា “ហេតុនេះ ផែនការពង្រីករាជធានីតាមផែនការខាងលើ ខ្ញុំគិតថានឹងមិនអាចកើតមាននោះទេ ដរាបណាស្ថានភាពសេដ្ឋកិច្ចសកល និងសេដ្ឋកិច្ចកម្ពុជាស្ថិតក្នុងកំណើនយឺតបែបនេះ”។ លោកបន្តថា “ការពង្រីកទីក្រុង ជារឿងមួយល្អ ព្រោះវានឹងជម្រុញកំណើនសេដ្ឋកិច្ច ការធ្វើពិពិធកម្មការអភិវឌ្ឍ និងកាត់បន្ថយការកកស្ទះចរាចរណ៍ក្នុងទីក្រុង ប៉ុន្តែការពង្រីកលឿន តែគ្មានផែនការច្បាស់លាស់នឹងមិនជួយជម្រុញកិត្យានុភាព និងមុតមាត់ទីក្រុងទេ”។

លោកយិន លាងគង់បានបន្តថា ទោះជាយ៉ាងណា ផែនការឆ្នាំ២០៣៥របស់រដ្ឋាភិបាល អាណត្តិទី៦ ក៏អាចបន្តក្នុងអាណត្តិសម្តេច ធិបតីបានផងដែរ ប្រសិនជាការសិក្សារកឃើញថា ទីក្រុងតាខ្មៅគួរផ្លាស់ប្តូរ និងអ្វីៗកើតបានសមស្របនឹងបរិបទសេដ្ឋកិច្ច សង្គម និងកំណើនប្រជាសាស្រ្ត៕

ដំណឹងល្អ! ខេត្តកំពង់ធំនឹងមានតំបន់សេដ្ឋកិច្ចពិសេសជាលើកដំបូងរបស់ខ្លួន

ដោយៈ ចំណាន

កំពង់ធំៈ ជាដំណឹងគួរឲ្យរីករាយមួយ ដែលគម្រោងនៃការបង្កើតតំបន់សេដ្ឋកិច្ចពិសេសកំពង់ធំ(KTSEZ) កំពុងបង្ហាញពីការបោះជំហានទៅមុខកាន់តែលឿន បន្ទាប់ពីក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក បានចុះហត្ថលេខាលើកិច្ចព្រមព្រៀង បណ្តាក់ទុនរួមគ្នាជាមួយនឹងរដ្ឋបាលខេត្តកំពង់ធំ។

ពិធីចុះហត្ថលេខា ដើម្បីបង្កើតតំបន់សេដ្ឋកិច្ចពិសេសកំពង់ធំ ត្រូវបានធ្វើឡើងរវាងលោក Hiroshi UEMATSU តំណាងក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក (Royal Group Phnom Penh SEZ Plc.) ជាមួយនឹងលោក នួន ផារ័ត្ន អភិបាលខេត្តកំពង់ធំ នៅក្នុងទីក្រុងអូសាកា ប្រទេសជប៉ុន កាលពីថ្ងៃទី១២ ខែមិថុនា ឆ្នាំ២០២៦។

គម្រោងនេះមានគោលបំណង អភិវឌ្ឍន៍តំបន់កសិ-ឧស្សាហកម្មកែច្នៃ តាមគំរូ “ពីកសិដ្ឋានដល់រោងចក្រ”(Farm-to-Factory Agro-Processing Zone) ដែលនឹងលើកកម្ពស់ឧស្សាហកម្មជំនួសឱ្យការនាំចូល និងឧស្សាហកម្មដែលផ្តោតលើការនាំចេញ ដោយបង្កើតខ្សែចង្វាក់ផ្គត់ផ្គង់កសិ-ឧស្សាហកម្មដែលមានតម្លៃបន្ថែម។

គំនិតផ្តួចផ្តើមនេះត្រូវបានរំពឹងថា នឹងពង្រឹងឧស្សាហូបនីយកម្មជនបទ បង្កើតឱកាសការងារ និងបង្កើនប្រាក់ចំណូលរបស់កសិករ តាមរយៈការអភិវឌ្ឍឧស្សាហកម្ម កែច្នៃកសិផល។

យោងតាមសេចក្តីប្រកាសព័ត៌មានរបស់ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក ការអភិវឌ្ឍតំបន់សេដ្ឋកិច្ចពិសេសកំពង់ធំគឺដើរស្របតាមចក្ខុវិស័យ របស់ប្រមុខរាជរដ្ឋាភិបាលកម្ពុជា ក្នុងការជំរុញទំនើបកម្មវិស័យកសិកម្ម ការធ្វើពិពិធកម្មវិស័យឧស្សាហកម្ម និងការអភិវឌ្ឍតំបន់ប្រកបដោយតុល្យភាព។

សេចក្តីប្រកាសព័ត៌មានបញ្ជាក់ថា គម្រោងនេះនឹងគាំទ្រដល់កិច្ចខិតខំប្រឹងប្រែងរបស់ជាតិ ក្នុងការពង្រឹងវិស័យកសិ- ឧស្សាហកម្មរបស់កម្ពុជា បង្កើតឱកាសការងារនៅតំបន់ជនបទ ព្រមទាំងបង្កើនសមត្ថភាពប្រកួតប្រជែង របស់ផលិតផលកសិកម្មកម្ពុជាទាំងនៅក្នុងទីផ្សារក្នុងស្រុក និងទីផ្សារអន្តរជាតិ។

ប្រធានក្រុមប្រឹក្សាភិបាលនៃក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក លោក គិត ម៉េង បាននិយាយថា គម្រោងនេះគឺជាការបោះជំហាន ចូលទៅក្នុងវិស័យថ្មីមួយ សម្រាប់ក្រុមហ៊ុនរបស់យើង ហើយវាឆ្លុះបញ្ចាំងពីការប្តេជ្ញាចិត្ត ក្នុងការចូលរួមចំណែកដល់ការអភិវឌ្ឍតំបន់ជនបទ ដោយប្រើប្រាស់ជំនាញ និងបទពិសោធដែលយើងបានកសាង អស់រយៈពេលជាងពីរទសវត្សរ៍កន្លងមក។

អ្នកឧកញ៉ាបញ្ជាក់ថា “តាមរយៈតំបន់សេដ្ឋកិច្ចពិសេសកំពង់ធំ យើងមានគោលបំណងបង្កើត ឱកាសការងារប្រកបដោយចីរភាព ផ្តល់ប្រភពចំណូលមានស្ថិរភាព ដល់សហគមន៍ជនបទ និងគាំទ្រដល់ការអភិវឌ្ឍវិស័យកសិ-ឧស្សាហកម្មរបស់កម្ពុជា”។

ដោយផ្អែកលើបទពិសោធន៍ ជាងពីរទសវត្សរ៍ក្នុងការអភិវឌ្ឍតំបន់សេដ្ឋកិច្ចពិសេស ក្រុមហ៊ុន រ៉ូយ៉ាល់ គ្រុប ភ្នំពេញ អេសអ៊ីហ្សិត ម.ក មានគោលបំណងអភិវឌ្ឍន៍ តំបន់សេដ្ឋកិច្ចពិសេសកំពង់ធំ ឱ្យក្លាយជាតំបន់កសិ-ឧស្សាហកម្មកែច្នៃតាមគំរូ “ពីកសិដ្ឋានដល់រោងចក្រ” ឈានមុខគេ ដែលរួមចំណែកពង្រឹង ខ្សែចង្វាក់តម្លៃកសិកម្ម ទាក់ទាញការវិនិយោគប្រកបដោយ គុណភាព និងបង្កើតឱកាសសេដ្ឋកិច្ចប្រកបដោយចីរភាពសម្រាប់ប្រជាកសិករ និងសហគមន៍ជនបទនៅកម្ពុជា។

អភិបាលខេត្តកំពង់ធំ លោក នួន ផារ័ត្ន បាននិយាយថា តាមរយៈគម្រោងនេះ កម្ពុជារំពឹងថានឹងអាចកៀរគរ អ្នកវិនិយោគជប៉ុនមកវិនិយោគបន្ថែមទៀតនៅក្នុងខេត្តកំពង់ធំ។

លោកលើកឡើងថា យើងបានប្រឹងប្រែងអស់ជិត២ឆ្នាំ ទើបអាចឈានមកដល់ចំណុចនេះ ដែលជាចំណុចចាប់ផ្តើមនៃដំណើរវែងឆ្ងាយថ្មីមួយទៀត សម្រាប់ការលើកកម្ពស់ជីវភាពរស់នៅរបស់ប្រជាជន និងសេដ្ឋកិច្ចរបស់ខេត្ត”៕

The Green Season is not merely a rainy season it is a season of lush beauty, rich biodiversity, and unique tourism

By MoT

Phnpm Penh, The Green Season is not merely a rainy season it is a season of lush beauty, rich biodiversity, and unique tourism experiences that Cambodia wishes to share with the world.”

Following his participation in the 14th Phnom Penh International Half Marathon, H.E. HUOT Hak, Minister of Tourism, met with and provided guidance to the KiloTRAVEL team and the Cambodia International Models team before their departure to Siem Reap Province to undertake a mission promoting Cambodia’s tourism potential during the Green Season 2026 campaign.

The mission, taking place from 14–19 June 2026, will focus on showcasing key tourism destinations in Siem Reap and surrounding areas through the creation and dissemination of innovative digital content. The initiative aims to highlight Cambodia’s natural beauty, cultural heritage, civilization, and diverse tourism experiences during the Green Season.

គយគន់ទិដ្ឋភាពពីលើមេឃបង្ហាញសម្រស់នៃខេត្តបាត់ដំបង

ដោយៈ សហសេវិក

បាត់ដំបងៈ សម្លឹងមើពីខាងលើអាកាស អ្នកអាចកោតសរសើរភាពស្រស់ស្អាត នៃទីក្រុងបាត់ដំបងយ៉ាងច្បាស់។

ប្លង់មេទីក្រុងដែលមានផែនការល្អ បណ្តាញផ្លូវថ្នល់ដ៏ធំទូលាយ និងទេសភាពដ៏ស្រស់ស្អាត ដែលបង្ហាញពីការអភិវឌ្ឍ និងសក្តានុពលនៃខេត្តដ៏រីកចម្រើននេះ។

សម្រាប់អ្នកវិនិយោគ ម្ចាស់អាជីវកម្ម និងអ្នកធ្វើដំណើរដែលកំពុងស្វែងរកការសន្សំសំចៃពេលវេលា ការហោះហើរឧទ្ធម្ភាគចក្រផ្តល់នូវឱកាសពិសេសមួយ ដើម្បីមើលទីតាំងសំខាន់ៗ គម្រោងអភិវឌ្ឍន៍ និងហេដ្ឋារចនាសម្ព័ន្ធសំខាន់ៗ ពីលើអាកាសក្នុងរយៈពេលខ្លី ជំនួសឱ្យការចំណាយពេលច្រើនម៉ោងធ្វើដំណើរតាមផ្លូវគោក។

មើលទីតាំងវិនិយោគពីលើអាកាស។ សន្សំសំចៃពេលវេលាធ្វើដំណើរដ៏មានតម្លៃ។ ទទួលបានទស្សនៈថ្មី លើការអភិវឌ្ឍរបស់ប្រទេសកម្ពុជា។

ទីក្រុងបាត់ដំបង មានប្រជាជនរស់នៅប្រមាណ១៨០,០០០នាក់ ជាទីក្រុងដែលបណ្តុំដោយភាពទាក់ទាញ ជាមួយដងស្ទឹងសង្កែហូរកាត់ និងមានសំណង់សន្សល់ទុក ពីសម័យអាណានិគមយ៉ាងច្រើន។

ជាទីក្រុងនៃខេត្តធំមួយ មានប្រជាជនរស់នៅជាង១លាននាក់ ខេត្តបាត់ដំបង ត្រូវបានគេចាត់ទុកជាជម្រុកស្រូវរបស់កម្ពុជា ប៉ុន្តែលើសពីស្រូវ ខេត្តនេះមានសក្តានុពលជាច្រើន លើវិស័យទេសចរណ៍ធម្មជាតិ វប្បធ៌ម ប្រវត្តិសាស្រ្ត និងកសិឧស្សាហកម្មជាច្រើនទៀត៕

តើរាជធានីភ្នំពេញមានចំណុចខ្លាំងអ្វីខ្លះក្នុងទាក់ទាញវិនិយោគិនក្នុងស្រុក និងបរទេស

ដោយៈ ចំណាន

ភ្នំពេញៈ ជាមួយសក្តានុពលនៃការរីកចម្រើនប្រជាសាស្រ្ត នគរូបនីយកម្ម និងសេដ្ឋកិច្ចជាមួយអាគារខ្ពស់ៗកើនឡើងច្រើន ទីក្រុងនេះបាននិងកំពុងទាក់ទាញចំណាប់អារម្មណ៍ជាច្រើន ពីអ្នកវិនិយោគក្នុងស្រុក និងអន្តរជាតិ។

១. ទីតាំងយុទ្ធសាស្ត្រ

ភ្នំពេញស្ថិតនៅចំកណ្តាលនៃសេដ្ឋកិច្ច និងបណ្តាញដឹកជញ្ជូនរបស់កម្ពុជា។ វាភ្ជាប់តំបន់ឧស្សាហកម្មសំខាន់ៗ កំពង់ផែ អាកាសយានដ្ឋាន និងទីផ្សារជិតខាងនៅក្នុងប្រទេសថៃ វៀតណាម និងឡាវ។

២. ប្រជាជនវ័យក្មេង និងកំពុងកើនឡើង

កម្ពុជាមានប្រជាជនវ័យក្មេង ដែលបង្កើតតម្រូវការសម្រាប់ការអភិវឌ្ឍ លំនៅដ្ឋាន មជ្ឈមណ្ឌលលក់រាយ ការអប់រំ ការថែទាំសុខភាព
សេវាកម្មឌីជីថល មូលដ្ឋានសក្តានុពលនេះ ផ្តល់នូវឱកាសកំណើនរយៈពេលវែងសម្រាប់វិនិយោគិន។

៣. ការពង្រីកហេដ្ឋារចនាសម្ព័ន្ធ

គម្រោងធំៗកំពុងធ្វើឱ្យប្រសើរឡើងនូវការតភ្ជាប់ រួមមានដូចជា អាកាសយានដ្ឋានអន្តរជាតិតេជោ ផ្លូវក្រវ៉ាត់ក្រុងទី២ ទី៣ និងផ្លូវល្បឿនលឿនថ្មី ការអភិវឌ្ឍភស្តុភារ និងឧស្សាហកម្ម។ គម្រោងទាំងនេះអាចបង្កើនតម្លៃដីធ្លី និងសកម្មភាពអាជីវកម្ម។

៤. ឱកាសអចលនទ្រព្យ

ទោះបីជាមានបញ្ហាប្រឈម នៅក្នុងផ្នែកអចលនទ្រព្យមួយចំនួនក៏ដោយ វិនិយោគិននៅតែមើលឃើញឱកាស នៅក្នុងលំនៅដ្ឋានដែលមានតម្លៃសមរម្យ ឃ្លាំងភស្តុភារ សួនឧស្សាហកម្ម ការិយាល័យថ្នាក់ Aនិងការរអភិវឌ្ឍចម្រុះ។

អ្នកវិភាគជាច្រើនជឿថា ទីផ្សារកំពុងផ្លាស់ប្តូរពីកំណើនប៉ាន់ស្មានទៅជាការអភិវឌ្ឍដែលជំរុញដោយតម្រូវការកាន់តែច្រើន។

៥. ការធ្វើពិពិធកម្មខ្សែសង្វាក់ផ្គត់ផ្គង់ និងផលិតកម្ម

ក្រុមហ៊ុនសកលកំពុងសម្លឹងមើលហួស ពីប្រទេសចិនសម្រាប់ការផលិត ក្នុងស្ថានភាពបែបនេះ ប្រទេសកម្ពុជាទទួលបានអត្ថប្រយោជន៍ពីថ្លៃពលកម្មប្រកួតប្រជែង កិច្ចព្រមព្រៀងពាណិជ្ជកម្ម។ តំបន់ឧស្សាហកម្មដែលកំពុងរីកចម្រើននៅជុំវិញទីក្រុងភ្នំពេញ។

៦. ទីផ្សារអ្នកប្រើប្រាស់កើនឡើង

នៅពេលដែលប្រាក់ចំណូលកើនឡើង នឹងធ្វើឲ្យមានតម្រូវការនិងអំណាចនៃការទិញកើនឡើង សម្រាប់មូលដ្ឋានសេដ្ឋកិច្ចមួយចំនួនដូចជា ផ្សារទំនើប ភោជនីយដ្ឋាន សណ្ឋាគារ ការកម្សាន្ត សេវាកម្មហិរញ្ញវត្ថុ។

ទោះជាយ៉ាងណា រាជធានីនេះ ក៏មានបញ្ហាប្រឈមដែលវិនិយោគិនក៏ពិចារណាផងដែរ ដូចជា ការផ្គត់ផ្គង់អចលនទ្រព្យលើសនៅក្នុងផ្នែកមួយចំនួន ជាពិសេសខុនដូ។ ភាពមិនប្រាកដប្រជានៃសេដ្ឋកិច្ចពិភពលោក។ តម្រូវការសម្រាប់ការកែលម្អជំនាញ និងផលិតភាពជាបន្តបន្ទាប់។ ការប្រកួតប្រជែងពីទីក្រុងក្នុងតំបន់ ដូចជា ទីក្រុងហូជីមិញ បាងកក និងហ្សាកាតា។

ទស្សនវិស័យ

អ្នកវិភាគអន្តរជាតិភាគច្រើនមើលឃើញថា ទីក្រុងភ្នំពេញជារាជធានីព្រំដែន ដែលកំពុងអភិវឌ្ឍជាជាងមជ្ឈមណ្ឌលហិរញ្ញវត្ថុចាស់ទុំ។ ការទាក់ទាញដ៏ធំបំផុតរបស់វា គឺការរួមបញ្ចូលគ្នានៃថ្លៃដើមទាប ការវិនិយោគលើហេដ្ឋារចនាសម្ព័ន្ធ នគរូបនីយកម្ម និងសក្តានុពលកំណើនសេដ្ឋកិច្ចរយៈពេលវែង។

ប្រសិនបើប្រទេសកម្ពុជា បន្តកែលម្អហេដ្ឋារចនាសម្ព័ន្ធ និងលក្ខខណ្ឌអាជីវកម្ម រាជធានីភ្នំពេញ អាចក្លាយជាគោលដៅវិនិយោគដ៏សំខាន់បំផុតមួយ នៅក្នុងតំបន់អាស៊ីអាគ្នេយ៍ដីគោក ក្នុងរយៈពេលមួយទសវត្សរ៍ខាងមុខ៕

Developers and Experts to Discuss Real Estate Market and Media Connections on July 4

By Kong Sorya
Phnom Penh – Real estate developers and experts in economic journalism will come together on July 4 to share insights on Cambodia’s real estate market and the relationship between businesses and the media.

The one-day training and sharing event will be held at The Factory Phnom Penh on National Road 2 in Phnom Penh.

According to Yin Leangkong, President of the Cambodian Economic Journalists Association (CEMEA) and co-founder of Propertyarea.asia, the event is being organized because Cambodia’s real estate sector has slowed down, creating challenges for both business owners and journalists.

He said that local and international speakers will provide market analysis, share their experiences, and discuss future opportunities and trends.

Key Speakers Include:

Dr. Ben Li
– Chairman and Co-Founder of Urban Village and Factory Phnom Penh
– Honorary Chairman of Cambodia CamChin Commerce Association (CCCA)
– CFO of Goldfame Group

Dr. Teng Rithy, CEO of Victoria Park and Heritage Park.
Mr. Cheng Vutty, CEO of INVA Real Estate and Speak News.

Mr. Yin Leangkong, who will discuss information gathering, market analysis, and investment decision-making in real estate.

Mr. In Mean, AI and technology expert.
Mr. Kai Kimsong, former Editor-in-Chief of The Phnom Penh Post and current Editor-in-Chief of Amazadia.
Mr. An Chanthla, Editor-in-Chief of CEN.

The speakers will share knowledge on: Cambodia’s real estate market outlook. Economic and business news analysis. Investment decision-making.

The use of AI and technology. Economic journalism and media development. Mr. Yin Leangkong said the program will help participants better understand Cambodia’s economic and real estate sectors through expert analysis and practical knowledge, especially during a period of economic uncertainty.

The event is open to the public. Interested participants can contact the organizing team using the phone number or Telegram information provided on the event poster.

1...888990...3,373 Page 89 of 3,373