Singapore most expensive Asia-Pacific city to own or rent private home, says study

SINGAPORE: The median price of a private home in Singapore was US$1.2 million (S$1.6 million) in 2022, the highest among cities in the Asia Pacific, according to a report published on Tuesday (May 30).

In the latest Home Attainability Index by the Urban Land Institute (ULI) Asia Pacific Centre for Housing, Singapore also ranked as the region’s most expensive place to rent a private home.

The ULI Asia Pacific Centre for Housing bills itself as a think tank that aims to advance best practices in residential development and address housing issues relevant to the region.

In terms of affordability, the median private home price in Singapore was 13.7 times the median household income; the figure for median public Housing Board flats stood at 4.7. On the latter measure, Singapore ranks as the second-most affordable city in the Asia Pacific, after Brisbane, with a ratio of 4.5.

The report gives a snapshot of the extent to which housing is attainable in 45 cities in nine countries in the Asia Pacific: Australia, China, India, Indonesia, Japan, the Philippines, Singapore, South Korea, and Vietnam.

In the past year, Singapore’s median private-sector home price increased more than 8 percent, while Hong Kong’s median home price fell 8.7 percent, the report said.

It cited a few factors that led to the price increases in Singapore, including a large influx of immigrants and a growing trend of young professionals moving out of family homes for more space and freedom.

There was also a reduced new supply of housing in the past few years due to a COVID-induced disruption to the supply chain of building materials and labor.

The Singapore government has tried to address the issue of rising prices with a series of property cooling measures. The latest set, introduced in April, included measures such as the doubling of buyer’s tax for foreigners to 60 percent.

Source: CNA

ការស្តារផ្លូវខេត្តសំខាន់ៗចំនួនពីរសម្រេចបានជាង៣០ភាគរយ

ដោយៈគង់ សូរិយា

ភ្នំពេញៈ ត្រឹមចុងខែឧសភានេះ ផ្លូវជាតិលេខ៣១ សម្រេចបានជាង ២៣% ខណៈដែល ផ្លូវជាតិលេខ៣៣ សម្រេចបានជាង៣១% ហើយលទ្ធផលបង្ហាញឱ្យឃើញថា គម្រោងទាំងពីរអាចនឹងបញ្ចប់មុនពេលកំណត់។

ព៌តមាននេះត្រូវបានបង្ហាញឲ្យដឹង ក្នុងដំណើរចុះទស្សនកិច្ចរបស់លោកស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំគណៈប្រតិភូក្រសួងចុះពិនិត្យវឌ្ឍនភាពការងារ គម្រោងស្ដារ និងលើកកម្រិតគុណភាព ផ្លូវជាតិលេខ៣១ និង៣៣ នៅក្នុងខេត្តកំពត និងកែប និងចុះពិនិត្យដំណើរការផលិត នៃរោងចក្រផលិតបេតុងកៅស៊ូ AC (Asphalt Concrete)នាព្រឹកថ្ងៃទី៣០ ឧសភានេះ។

ក្នុងដំណើរបេសកកម្មនេះ មានការចូលរួមផងដែរពីសំណាក់ តំណាងក្រុមហ៊ុនសាជីវកម្មស្ពាន និងថ្នល់ចិន (CRBC) តំណាងក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន និងមន្ត្រីបច្ចេកទេសគម្រោងជាច្រើនរូបផងដែរ។

គិតត្រឹមថ្ងៃទី២៦ ឧសភា ២០២៣ គម្រោងស្ដារ និងលើកកម្រិតគុណភាព ផ្លូវជាតិលេខ៣១ សម្រេចបាន ២៣,១២% ក្នុងនោះដែរ (១)ការងារកៀរសម្អាត ពង្រីកទទឹងតួផ្លូវ (Clearing) សម្រេចបាន ៤៤,៩៧គ.ម (២)ការងារកិនបង្ហាប់ស្រទាប់ Sub Grade សម្រេចបាន ៤០,២៩គ.ម និង (៣) ការងារក្រាលស្រទាប់គ្រឹះរង (Sub-Base) សម្រេចបាន ១៥,៤៣គ.ម។

ចំពោះគម្រោងស្ដារ និងលើកកម្រិតគុណភាព ផ្លូវជាតិលេខ៣៣ គិតត្រឹមថ្ងៃទី២៥ ឧសភា ២០២៣ សម្រេចបាន៣១,៧៣% ក្នុងនោះដែរ (១)ការងារកៀរសម្អាត ពង្រីកទទឹងតួផ្លូវ (Clearing) សម្រេចបាន៥២,៥៧គ.ម (២)ការងារកិនបង្ហាប់ស្រទាប់Sub Grade សម្រេចបាន៤៦,៥៤គ.ម និង (៣) ការងារក្រាលស្រទាប់គ្រឹះរង (Sub-Base) សម្រេចបាន ៣១,៤៤គ.ម។

តាមរយៈតួលេខខាងលើបង្ហាញឱ្យឃើញថា គម្រោងទាំងពីរកំពុងតែអនុវត្តលឿនជាងផែនការ ដែលបានគ្រោងទុក នេះគឺជាសញ្ញាណវិជ្ជមានមួយ ដែលអាចនាំឱ្យគម្រោងនឹងបញ្ចប់មុនពេលកំណត់ក្នុងកិច្ចព្រមព្រៀង។

បើទោះជាយ៉ាងនេះក៏ដោយ ថ្នាក់ដឹកនាំនៅតែបន្តការណែនាំដល់ មន្ត្រីជំនាញបច្ចេកទេស ក្រុមហ៊ុនសាងសង់ និងក្រុមហ៊ុនទីប្រឹក្សាបច្ចេកទេស ត្រូវបន្តបង្កើនការយកចិត្តទុកដាក់ឱ្យបានខ្ពស់បំផុត លើការអនុវត្តការងារឱ្យបានត្រឹមត្រូវ តាមលក្ខណៈបទដ្ឋានបច្ចេកទេស ពិសេសត្រូវគិតគូរឱ្យបានហ្មត់ចត់ ពីសុវត្ថិភាពនៅតាមការដ្ឋាន និងការស្រោចទឹកកាត់បន្ថយដីហុយ ដើម្បីជៀសវាងការរំខានដល់បងប្អូនប្រជាពលរដ្ឋ។

ឆ្លៀតក្នុងឱកាសនេះដែរ ដោយហេតុថាគម្រោងនេះកំពុងស្ថិតក្នុងការសាងសង់នៅឡើយ ក្រសួងសូមស្នើការយោគយល់ និងអធ្យាស្រ័យខ្ពស់ពីបងប្អូនប្រជាពលរដ្ឋ ដែលទទួលរងការរំខាន និងផលប៉ះពាល់ផ្សេងៗពីគម្រោងការដ្ឋាន។

ដោយឡែក ចំពោះរោងចក្រផលិតបេតុងកៅស៊ូ AC ថ្នាក់ដឹកនាំ ក៏ដូចជាមន្ត្រីជំនាញ បាននិងកំពុងយកចិត្តទុកដាក់ក្នុងការ ពង្រឹងលទ្ធភាព និងសមត្ថភាពក្នុងការផលិត ដើម្បីអាចបំពេញតម្រូវការប្រើប្រាស់នាពេលអនាគត។ ផលិតផលដែលកើតចេញពីរោងចក្រនេះ គឺជាប្រភេទកៅស៊ូត្រជាក់ ដែលអាចប្រើប្រាស់សម្រាប់ប៉ះជង្ហុកសំបុកមាន់ នៅក្នុងរដូវវស្សា។

ផ្លូវជាតិលេខ៣១ មានប្រវែងសរុបប្រមាណ ៥៣,៥៣គីឡូម៉ែត្រ គិតចាប់ពីថ្នល់បែកគុស (ចំណុចប្រសព្វផ្លូវជាតិលេខ៣) រហូតទៅដល់ទីរួមស្រុកកំពង់ត្រាច (ចំណុចតភ្ជាប់ផ្លូវជាតិលេខ៣៣) រីឯ ផ្លូវជាតិលេខ៣៣ មានប្រវែងសរុបប្រមាណ ៥២,៥៧គីឡូម៉ែត្រ ចាប់ពីក្រុងកំពត បន្តរហូតដល់ច្រកលក (ព្រំដែនកម្ពុជា-វៀតណាម) រួមទាំងផ្លូវតភ្ជាប់ ក្នុងក្រុងកំពត (ផ្លូវក្រុងលេខ ៧០៩)។

ផ្លូវជាតិទាំងពីរខ្សែនេះ កំពុងអនុវត្ដការសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ានអាន ប្រើរយៈពេលសាងសង់ចំនួន៤០ខែ ដែលគ្រោងនឹងបញ្ចប់នៅក្នុងឆ្នាំ២០២៦។ ចំពោះផ្លូវជាតិលេខ៣១ គ្រោងចំណាយថវិកាប្រមាណជាង ៦០លានដុល្លារអាមេរិក និងផ្លូវជាតិលេខ៣៣ គ្រោងចំណាយប្រមាណជាង ៦១លានដុល្លារអាមេរិក ដែលជាឥណទានសម្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ និងពន្ធអាករផ្សេងៗ៕

ក្រុមហ៊ុនRoyal Railways រាយការណ៍ពីកំណើនប្រាក់ ចំណូលតិចតួច

ដោយៈ គង់ សូរិយា

ភ្នំពេញៈ ក្រុមហ៊ុនRoyal Railways(RRC) ដែលចុះបញ្ជីសញ្ញាបណ្ណសាជីវកម្ម នៅលើផ្សារមូលបត្រកម្ពុជា (CSX) និងជាក្រុមហ៊ុនបុត្រសម្ព័ន្ធ របស់ក្រុមហ៊ុនពហុផលិតផលក្នុងស្រុក Royal Group បានរាយការណ៍ ប្រាក់ចំណូលកើនឡើងតិចតួច នៅក្នុងត្រីមាសទី១ ឆ្នាំនេះ ដោយសារសម្ពាធសេដ្ឋកិច្ចជារួម ដែលបណ្តាលមកពីការអូសបន្លាយពេលវេលានៃសង្គ្រាមអ៊ុយក្រែន។

យោងតាមឯកសាររបស់ក្រុមហ៊ុន RRC ដែលផ្ញើទៅ CSX ក្នុងត្រីមាសទី១ ឆ្នាំ២០២៣ ក្រុមហ៊ុន រ៉ូយ៉ាល់ រ៉េលវេ មានចំណូលសរុបចំនួន ១២,៧៣៦ ពាន់លានរៀល កើនឡើងចំនួន១៥លានរៀល ស្មើនឹង០,១២ភាគរយ ធៀបនឹងត្រីមាសទី១ ឆ្នាំ២០២២ និងប្រាក់ចំណេញសុទ្ធ ក្នុងការិយបរិច្ឆេទ៣ខែ ដែលបានបញ្ចប់ក្នុងត្រីមាសទី១ ឆ្នាំ២០២៣ សរុបចំនួន ២,៥៥៣ ពាន់លានរៀល កើនឡើងចំនួន ៤,១០៨ពាន់លានរៀល ស្មើនឹង២៦៤,១២ភាគរយ ធៀបនឹងត្រីមាសទី១ ឆ្នាំ២០២២។

អ្នកឧកញ៉ាគិត ម៉េង ប្រធានក្រុមហ៊ុន RRC បានឱ្យដឹងនៅក្នុងរបាយការណ៍ថា ការដាក់ឱ្យប្រើប្រាស់យុទ្ធសាស្ត្រ ក្នុងការរស់នៅជាមួយជំងឺកូវីដ១៩ របស់ប្រទេសកម្ពុជា កាលពីចុងឆ្នាំ២០២១ បន្ទាប់ពីជោគជ័យ នៃការចាក់វ៉ាក់សាំងប្រឆាំងនឹងជំងឺកូវីដ១៩ យ៉ាងឆាប់រហ័ស និងចំនួនច្រើននោះ សេដ្ឋកិច្ចរបស់កម្ពុជាកំពុងស្ទុះងើបឡើងវិញយ៉ាងល្អប្រសើរ ក្នុងអំឡុងពេលដែលរាយការណ៍នេះ។

អ្នកឧកញ៉ាបានបញ្ជាក់ថា “ធនាគារពិភពលោក ព្យាករកំណើនសេដ្ឋកិច្ចចំនួន៤,៨ភាគរយ ក្នុងឆ្នាំ ២០២២ ដោយសារការស្ទុះងើបឡើងវិញនៃវិស័យទេសចរណ៍ និងភាពធន់នៃឧស្សាហកម្មកាត់ដេរ សេវាកម្មដឹកជញ្ជូន និងការនាំចេញស្បែកជើង”។ អ្នកឧកញ៉ាបានបនន្តថា “ការមកដល់របស់ភ្ញៀវអន្តរជាតិសរុប បានកើនឡើងជាលំដាប់។ ទំនុកចិត្តលើអាជីវកម្ម និងអ្នកប្រើប្រាស់បានកើនឡើង ហើយការវិនិយោគទាំងក្នុង និងក្រៅប្រទេសបានកើនឡើង។ កំណើនសេដ្ឋកិច្ចត្រូវបានព្យាករថានឹងកើនឡើងដល់ ៥,២ ភាគរយនៅឆ្នាំ២០២៣”។

ទោះជាយ៉ាងណាក៏ដោយ ក៏សេដ្ឋកិច្ចរបស់ប្រទេសកម្ពុជា មានភាពងាយទទួលរងគ្រោះជាពិសេស ដោយសារតែការកើនឡើងអតិផរណា កំណើនសេដ្ឋកិច្ចពិភពលោកកាន់តែយឺត ការធ្លាក់ចុះនៃការផ្គត់ផ្គង់ថាមពល និងអត្រាការប្រាក់កាន់តែខ្ពស់។

អ្នកឧកញ៉ាគិត ម៉េងបានលើកឡើងថា ចំពេលបរិយាកាសធុរកិច្ចដ៏លំបាកក្រុមហ៊ុន RRC បានដើរតួនាទីយ៉ាងសំខាន់ ក្នុងការរួមចំណែកដល់ការអភិវឌ្ឍសេដ្ឋកិច្ច ប្រកបដោយនិរន្តរភាព តាមរយៈការបន្តការចូលរួមជាមួយអតិថិជនថ្មី សម្រាប់សេវាកម្មដឹកជញ្ជូនទំនិញដោយមានតម្លៃសមរម្យបំផុត ដើម្បីសមស្របជាមួយនឹងការផ្លាស់ប្តូរបរិយាកាសសេដ្ឋកិច្ច។

អ្នកឧកញ៉ាបន្តថា នៅក្នុងត្រីមាសនេះក្រុមហ៊ុនRRC បានផ្សព្វផ្សាយយ៉ាងសកម្ម នូវសេវារថភ្លើងដឹកអ្នកដំណើរ ដែលបានបង្កើតជុំវិញគំនិត នៃការចំណាយពេលវេលាថ្ងៃបុណ្យជាតិ ដោយធ្វើដំណើរតាមរថភ្លើង ដែលគួរឱ្យចងចាំបំផុតទៅកាន់ភាគខាងជើង និងខាងត្បូងនៃប្រទេសកម្ពុជា។

អ្នកឧកញ៉ាគិត ម៉េងបានលើកឡើងថា ប្រាក់ចំណូលសរុបមានចំនួន ១២,៧៣៦ ពាន់លានរៀល កើនឡើង០,១២ ភាគរយ ធៀបនឹងត្រីមាសដូចគ្នាក្នុងឆ្នាំ ២០២២ ដោយសារតែការកើនឡើង នៃវិស័យដឹកជញ្ជូនតាមផ្លូវដែក ទៅកាន់ខ្សែភាគខាងជើង និងចំណូលដឹកជញ្ជូនអ្នកដំណើរកើនឡើង នៅត្រីមាសទី១ឆ្នាំនេះ។

អ្នកឧកញ៉ាបានបន្តថា ជាផ្នែកមួយនៃការលើកទឹកចិត្តក្នុងការចុះបញ្ជី ក្រុមហ៊ុនមួយនេះ បានដាក់លិខិតមួយទៅ SERC កាលពីថ្ងៃទី១៦ ខែធ្នូ ឆ្នាំ២០២២ដោយស្នើ សុំលើកលែងបំណុលពន្ធទាំងអស់ ពីអគ្គនាយកដ្ឋានពន្ធដារ (GDT) ។

នៅថ្ងៃទី ៨ខែកុម្ភៈ ឆ្នាំ២០២៣ ក្រុមហ៊ុនបានទទួលការជូនដំណឹងពី SERC ថាសំណើត្រូវបានដាក់ជូន GDT។ នៅថ្ងៃទី២៩ ខែមីនា ឆ្នាំ២០២៣សំណើលើកលែងពន្ធ ត្រូវបានផ្តល់ឱ្យក្រុមហ៊ុនដោយGDT ដែលមានចំនួនជាង១,៨លានដុល្លារ។ នេះជាព្រឹត្តិការណ៍សំខាន់មួយទៀតរហូតមកដល់ពេលនេះ។

កាលពីថ្ងៃទី២៨ ខែមេសា ក្រុមហ៊ុនRRC បានចុះកិច្ចព្រមព្រៀងជាមួយក្រុមហ៊ុនចំនួន៣ ផ្សេងទៀតដើម្បីអភិវឌ្ឍដីដែលមិនទាន់បានប្រើប្រាស់ នៅតាមបណ្តោយផ្លូវរថភ្លើងប្រវែង ៣០០ គីឡូម៉ែត្រ ដោយផ្តោតលើថាមពលកកើតឡើងវិញ (RE) និងកសិកម្ម ដែលពាក់ព័ន្ធ នឹងការសិក្សាលទ្ធភាព សម្រាប់ការអភិវឌ្ឍដីដែលលាតសន្ធឹង ពីក្រុងប៉ោយប៉ែត ដល់ខេត្តព្រះសីហនុ៕

មជ្ឈមណ្ឌលពាណិជ្ជកម្មលំដាប់អន្តរជាតិថ្មីមួយកំពុងត្រៀមរះ លើមហាវិថីនរោត្តម

ដោយៈ គង់ ជេស៊ីកា

ភ្នំពេញៈ ក្រុមហ៊ុនTP Moral Group បានចាប់ផ្តើមសាងសង់ជាផ្លូវការលើគម្រោងសំខាន់មួយ គឺអគារNorodom Business Tower ដែលជាមជ្ឈមណ្ឌលពាណិជ្ជកម្មចម្រុះ។

ការអភិវឌ្ឍន៍ដ៏គួរឱ្យរំភើបនេះ រួមមាន អគារការិយាល័យពាណិជ្ជកម្មទំនើប និងសណ្ឋាគារលំដាប់ផ្កាយ៥ ឈ្មោះ Pan Pacific Phnom Penh ដំបូងគេដែលមិនធ្លាប់មាន។

ការអភិវឌ្ឍន៍ដែលគ្របដណ្តប់ លើផ្ទៃដីទំហំ2,000 ម៉ែត្រការ៉េ ស្ថិតនៅចំកណ្តាល នៃសង្កាត់ពាណិជ្ជកម្មកណ្តាល (CBD) នៃរាជធានីភ្នំពេញ ហើយបានត្រៀមខ្លួនក្លាយជាទីសំគាល់ដ៏សំខាន់មួយ។

អគារ Norodom Business Tower មានកម្ពស់28ជាន់ ស្ថិតនៅតាមបណ្តោយមហាវិថីព្រះនរោត្តម ដ៏មានកិត្យានុភាព ដែលជាទីតាំងសំខាន់មួយនៅក្នុងពិភព នៃមជ្ឈមណ្ឌលពាណិជ្ជកម្មរបស់កម្ពុជា។ ទីតាំងយុទ្ធសាស្ត្រប៉មនេះ គឺនៅជិតមជ្ឈមណ្ឌលសេដ្ឋកិច្ច នយោបាយ និងការទូត ដែលផ្តល់ភាពងាយស្រួល និងភាពងាយស្រួលដែលមិនអាចប្រៀបផ្ទឹមបាន។

អគារនេះ នឹងមានកន្លែងចតរថយន្តក្រោមដីចំនួន៤ជាន់ ការិយាល័យសេវាកម្ម Grade A ចំនួន១០ជាន់ ជាមួយនឹងធាតុផ្សំនៃការរចនាបែបទំនើប និងធម្មជាតិ និង១៦ជាន់ដែលឧទ្ទិសដល់សណ្ឋាគារលំដាប់ផ្កាយ 5 Pan Pacific ដ៏ប្រណិត(Singapore Brand)។

សណ្ឋាគារនេះ នឹងផ្តល់នូវកន្លែងស្នាក់នៅបែបទំនើប ជម្រើសនៃការទទួលទានអាហារដ៏ប្រណិត កន្លែងកម្សាន្ត និងរបារនៅលើដំបូល និងអាងហែលទឹក ដែលផ្តល់នូវទិដ្ឋភាពដ៏អស្ចារ្យនៃទីក្រុង និងមាត់ទន្លេ។

លោក ឃុន ធី ប្រធានក្រុម TPMG បានគូសបញ្ជាក់ថា គម្រោងនេះនឹងសម្គាល់ជំពូកថ្មីមួយ នៅក្នុងប្រវត្តិសាស្រ្តរបស់ក្រុមហ៊ុន ព្រោះថាវានឹងផ្តល់ឱ្យក្រុមនូវឱកាសថ្មីៗ ភាពជាដៃគូនាពេលអនាគត និងក្នុងពេលជាមួយគ្នា ក្នុងការអភិវឌ្ឍផលប័ត្រអចលនទ្រព្យ សម្រាប់ផលប្រយោជន៍ជាតិ រយៈពេលវែងក្រោមភាពឆ្លាតវៃ ក្រោមការដឹកនាំ និងចក្ខុវិស័យរយៈពេលវែង របស់សម្តេចតេជោ ហ៊ុន សែន នាយករដ្ឋមន្ត្រី។

TP Moral Group បានចាប់ដៃគូជាមួយក្រុមហ៊ុន Pan Pacific និងដៃគូអន្តរជាតិសំខាន់ៗមួយចំនួន រួមទាំងអ្នកម៉ៅការសំខាន់ MCC ក្រុមហ៊ុន Aedas (រចនាស្ថាបត្យកម្ម), Meinhardt (ទីប្រឹក្សាបច្ចេកទេសលើរចនាសម្ព័ន្ធ និង MEP), Bkasia (QS Consultant), Atelier (ទីប្រឹក្សាគ្រប់គ្រងគម្រោង), EcoID ( រចនាផ្ទៃខាងក្នុង) និង Arup (អ្នកប្រឹក្សាផ្នែកសូរស័ព្ទ)៕

លោកថោង ខុនត្រូវបានតែងតាំងជាសមាជិកកិត្តិយស (Membre d’Honneur) ក្លឹបឆ្នេរសមុទ្រដែលស្អាតបំផុតលើសាកលលោក

ដោយៈ ហ្វីអូណា

ភ្នំពេញៈ អបអរសាទរ លោកថោង ខុន រដ្ឋមន្រ្តីក្រសួងទេសចរណ៍ ត្រូវបានជ្រើសតាំងជាសមាជិកកិត្តិយស (Membre d’Honneur) ក្លឹបឆ្នេរសមុទ្រ ដែលស្អាតបំផុតលើសាកលលោក នាឱកាសកិច្ចប្រជុំក្រុមប្រឹក្សាភិបាលក្លឹប នៅ់ទីក្រុងឆ្នេរសមុទ្រ Horta ប្រទេសព័រទុយហ្កាល់។

កាលពីថ្ងៃទី២៧-២៩ ខែឧសភា ឆ្នាំ២០២៣ លោកបណ្ឌិត ជុក ជំនោរ អគ្គលេខាធិការក្លឹបឆ្នេរសមុទ្រ ដែលស្អាតបំផុតលើសាកលលោក បានចូលរួមកិច្ចប្រជុំក្រុមប្រឹក្សាភិបាលក្លឹប ដែលបានប្រព្រឹត្តទៅនៅ់ទីក្រុងឆ្នេរសមុទ្រ Horta លើកោះ Faial នៃប្រជុំកោះ Azores ប្រទេសព័រទុយហ្កាល់។

កិច្ចប្រជុំដ៏មានសារៈសំខាន់នេះ ធ្វើឡើងក្រោមអធិបតីភាពលោក Louis Thebault ប្រធានក្លឹប និងលោក Carlos Ferrera អភិបាលក្រុង Horta និងមានការចូលរួមពីសមាជិកក្រុមប្រឹក្សាភិបាលក្លឹប ដែលជាអគ្គលេខាធិការ អគ្គនាយក អនុប្រធានក្លឹបទទួលបន្ទុកទ្វីបទាំង៤ និងអគ្គហិរញ្ញឹកក្លឹប។

អង្គប្រជុំបានពិនិត្យ និងពិភាក្សាទៅលើរបៀបវារៈជាច្រើន ដោយផ្តោតលើវឌ្ឍនភាពការងារ ការកែសម្រួលលក្ខន្តិកៈ និងបទបញ្ជាផ្ទៃក្នុងក្លឹប ការពិភាក្សាលើបេក្ខភាពឆ្នេរសមាជិកថ្មី ការពង្រឹងការផ្សព្វផ្សាយតួនាទីក្លឹបលើឆាកអន្តរជាតិ និងការត្រៀមលក្ខណៈរៀបចំមហាសន្និបាតក្លឹបលើកទី១៧ នៅឆ្នេរសមុទ្រ Yeosu ប្រទេសកូរ៉េខាងត្បូង រួមជាមួយបញ្ហាចំពោះមុខមួយចំនួនទៀត។

ក្នុងកិច្ចប្រជុំនេះផងដែរ អង្គប្រជុំបានឯកភាពជាឯកច្ន័ន្ទក្នុងការជ្រើសតាំងឥស្សរជនចំនួន៣រូប ដែលមានស្នាដៃឆ្នើម ជាសមាជិកកិត្តិយសរបស់ក្លឹប (Membre d’Honneur) ដែលរួមមាន លោកបណ្ឌិត ថោង ខុន រដ្ឋមន្រ្តីក្រសួងទេសចរណ៍ មកពីឆ្នេរសមុទ្រកម្ពុជា

– លោក Abdoulaye SENE ទីប្រឹក្សាប្រធានាធិបតីសេនេហ្កាល់ មកពីឆ្នេរសមុទ្រ Sine Saloum ប្រទេសសេនេហ្កាល់។

– លោក Yves Borius អតីតនាយកហិរញ្ញវត្ថុអង្កការ OCDE មកពីឆ្នេរសមុទ្រ Morbihan ប្រទេសបារាំង។

បច្ចុប្បន្ន ក្លឹបមានសមាជិកកិត្តិយសតែ២រូបប៉ុណ្ណោះ គឺលោកស្រី Michelle Pauly មកពីឆ្នេរសមុទ្រ Somme ប្រទេសបារាំង និងលោក Zorica Kravuk ជនជាតិក្រូអាស៊ី។ ក្នុងន័យនេះ ឯកឧត្តមបណ្ឌិតរដ្ឋមន្រ្តី គឺជាឥស្សរជនជនជាតិអាស៊ីដំបូង និងតែម្នាក់គត់ ដែលត្រូវបានក្រុមប្រឹក្សាភិបាលក្លឹប សម្រេចជ្រើសតាំងជាបេក្ខភាពសមាជិកកិត្តិយសរបស់ក្លឹប ដែលជាការទទួលស្គាល់ថ្មីបន្ថែមទៀត នូវតួនាទីរបស់កម្ពុជាលើឆាកអន្តរជាតិ ហើយក៏ជាមោទនភាពដ៏ធំមួយសម្រាប់កម្ពុជាផងដែរ។

ទន្ទឹមនឹងនេះ ជោគជ័យនៃការរៀបចំព្រឹត្តិការណ៍កីឡា SEA GAME នៅកម្ពុជា ក៏ត្រូវបានក្រុមប្រឹក្សាភិបាលក្លឹប លើកមកធ្វើការកត់សម្គាល់ និងសរសើរអំពីភាពមហស្ចារ្យនៃការរៀបចំ ពិសេសតាមរយៈវត្តមានដោយផ្ទាល់របស់ លោក Bruno Bodard ក្នុងពិធីបើកព្រឹត្តិការណ៍ និងការទស្សនាកម្មវិធីប្រកួតមួយចំនួន ហើយដែលសារព័ត៌មានជុំវិញពិភពលោក សុទ្ធតែបានចុះផ្សាយ និងទទួលស្គាល់អំពីជោគជ័យនៃការរៀបចំព្រឹត្តិការណ៍នេះ។

ឆ្នេរសមុទ្រកម្ពុជា បានក្លាយជាសមាជិកក្លឹបឆ្នេរសមុទ្រ ដែលស្អាតបំផុតលើសាកលលោក កាលពីឆ្នាំ២០១១។ បន្ទាប់ពីពេលនោះមក កម្ពុជាបានដើរតួនាទីយ៉ាងសកម្មភាព ក្នុងស្ថាប័នអន្តរជាតិមួយនេះ ដោយបានកាន់តំណែង ជាអនុប្រធានក្លឹបទទួលបន្ទុកតំបន់អាស៊ីប៉ាស៊ីហ្វិក ២អាណត្តិជាប់គ្នា គឺ២០១៣-២០១៥ និង២០១៦-២០១៨ ជាអគ្គនាយករងក្លឹបសម្រាប់អាណត្តិ ២០១៩-២០២២ និងកំពុងកាន់តំណែង ជាអគ្គលេខាធិការក្លឹបសម្រាប់អាណត្តិ ២០២៣-២០២៥ ដែលមាន លោកបណ្ឌិតជុក ជំនោរ ជាតំណាង៕

សិង្ហបុរីក្លាយជាទីក្រុងដ៏ថ្លៃបំផុត នៅតំបន់អាសុីប៉ាសុីហ្វិកសម្រាប់ទិញ ឬជួលផ្ទះឯកជន

ដោយ: គង់ លាងហួរ

សិង្ហបុរី: យោងតាមរបាយការណ៍ដែលបានចេញផ្សាយនៅថ្ងៃអង្គារនេះបានឱ្យដឹងថា តម្លៃជាមធ្យមនៃផ្ទះឯកជនមួយនៅក្នុងប្រទេសសិង្ហបុរីគឺ១,២លានដុល្លារអាមេរិក (១,៦លានដុល្លារសិង្ហបុរី) ក្នុងឆ្នាំ ២០២២ ដែលជាតម្លៃខ្ពស់បំផុតក្នុងចំណោមបណ្តាទីក្រុងនានាក្នុងតំបន់អាស៊ីប៉ាស៊ីហ្វិក។

នៅក្នុងសន្ទស្សន៍នៃលទ្ធភាពទទួលបានផ្ទះចុងក្រោយបំផុតដោយវិទ្យាស្ថាន Urban Land Institute (ULI) Asia Pacific Center for Housing សិង្ហបុរីក៏បានជាប់ចំណាត់ថ្នាក់ជាកន្លែងដែលថ្លៃបំផុតក្នុងតំបន់សម្រាប់ជួលផ្ទះឯកជនផងដែរ។

នៅក្នុងលក្ខខណ្ឌនៃតម្លៃសមរម្យ តម្លៃផ្ទះឯកជនជាមធ្យមនៅក្នុងប្រទេសសិង្ហបុរីគឺស្មើ១៣,៧ដងនៃប្រាក់ចំណូលគ្រួសារជាមធ្យម។ នៅលើរង្វាស់ប្រៀបធៀបចុងក្រោយ សិង្ហបុរីជាប់ចំណាត់ថ្នាក់ជាទីក្រុងដែលមានតម្លៃសមរម្យបំផុតទីពីរនៅតំបន់អាស៊ីប៉ាស៊ីហ្វិក បន្ទាប់ពីទីក្រុង Brisbane ក្នុងប្រទេសអូស្ត្រាលី។

របាយការណ៍នេះផ្តល់ពត៌មានអំពីលំនៅដ្ឋានដែលអាចទទួលបាននៅក្នុងទីក្រុងចំនួន៤៥ ក្នុងប្រទេសចំនួន៩នៅតំបន់អាស៊ីប៉ាស៊ីហ្វិករួមមាន ប្រទេសអូស្ត្រាលី ចិន ឥណ្ឌា ឥណ្ឌូនេស៊ី ជប៉ុន ហ្វីលីពីន សិង្ហបុរី កូរ៉េខាងត្បូង និងវៀតណាម។

របាយការណ៍បានបន្តថា ក្នុងឆ្នាំ២០២២កន្លងទៅ តម្លៃផ្ទះឯកជនជាមធ្យមរបស់សិង្ហបុរីបានកើនឡើងជាង ៨ ភាគរយ ខណៈតម្លៃផ្ទះជាមធ្យមរបស់ទីក្រុងហុងកុងបានធ្លាក់ចុះ ៨,៧ ភាគរយ។

របាយការណ៍បានលើកឡើងពីកត្តាមួយចំនួន ដែលជំរុញឱ្យមានការកើនឡើងតម្លៃនៅក្នុងប្រទេសសិង្ហបុរី ដូចជា លំហូរចូលដ៏ធំនៃជនអន្តោប្រវេសន៍ និងនិន្នាការកំពុងកើនឡើងនៃអ្នកជំនាញវ័យក្មេងដែលផ្លាស់ចេញពីផ្ទះគ្រួសារ ដើម្បីស្វែងរកសេរីភាពកាន់តែច្រើន។

លើសពីនេះ វាក៏បណ្តាលមកពីការកាត់បន្ថយការផ្គត់ផ្គង់លំនៅដ្ឋានថ្មីផងដែរនៅក្នុងរយៈពេលប៉ុន្មានឆ្នាំចុងក្រោយនេះ ដោយសារតែការរំខានដែលបង្កឡើងដោយជំងឺកូវីដ-១៩ ដល់ខ្សែសង្វាក់ផ្គត់ផ្គង់សម្ភារសំណង់ និងកម្លាំងពលកម្ម។

រដ្ឋាភិបាលសិង្ហបុរីបានព្យាយាមដោះស្រាយបញ្ហានៃការកើនឡើងតម្លៃផ្ទះជាមួយនឹងវិធានការអចលនទ្រព្យជាបន្តបន្ទាប់។ សំណុំចុងក្រោយបំផុតដែលបានដាក់ចេញនៅក្នុងខែមេសា រួមមានវិធានការដូចជា ការបង្កើនពន្ធទ្វេរដងរហូតដល់៦០ភាគរយលើអតិថិជនបរទេស៕

តើបរធនបាលកិច្ចអចលនទ្រព្យនឹងជួយទាក់ទាញការវិនិយោគបន្ថែមសម្រាប់កម្ពុជា?

ដោយៈ សហការី

ភ្នំពេញៈ កម្ពុជានឹងដាក់ឱ្យដំណើរការ បរធនអចលនទ្រព្យវិនិយោគ (REIT) នៅពេលណាមួយក្នុងឆ្នាំនេះ ដែលជាការវិវត្តថ្មីមួយដើម្បីជំរុញ និងលើកកម្ពស់ការអភិវឌ្ឍវិស័យអចលនទ្រព្យ និងសំណង់ ដែលកំពុងទាក់ទាញការវិនិយោគ បានយ៉ាងច្រើនក្នុងរយៈពេលប៉ុន្មានឆ្នាំចុងក្រោយនេះ។

អគ្គនាយកនិយ័តករមូលបត្រកម្ពុជា (SERC) លោកស៊ូ សុជាតិបានមានប្រសាសន៍ថា REIT នឹងត្រូវបានបង្កើតឡើងដោយក្រុមហ៊ុនគ្រប់គ្រងមូលនិធិ ដែលទទួលបានអាជ្ញាប័ណ្ណពីSERC។ បច្ចុប្បន្នស្ថាប័ននេះ បានផ្តល់អាជ្ញាប័ណ្ណដល់ក្រុមហ៊ុនមួយចំនួនរួចហើយ។

លោកបញ្ជាក់ថា “បរធនអចលនទ្រព្យវិនិយោគ នឹងត្រូវដាក់ឱ្យដំណើរការនៅឆ្នាំនេះ ដោយវានឹងបម្រើជាផលិតផលហិរញ្ញវត្ថុថ្មីមួយដែលក្រុមហ៊ុន គ្រប់គ្រងមូលនិធិបង្កើតឡើង ដើម្បីប្រមូលមូលនិធិអភិវឌ្ឍនៅក្នុងវិស័យអចលន ទ្រព្យសម្រាប់បង្កើតប្រាក់ចំណេញដល់វិនិយោគិន”។

លោកថ្លែងថា យើងជឿថាវានឹងត្រូវដាក់ឱ្យដំណើរការ ក្នុងឆ្នាំនេះ តាមរយៈក្រុមហ៊ុនគ្រប់គ្រងមូលនិធិ ដែលទទួលបានអាជ្ញាប័ណ្ណពីយើង។ REIT ជាផលិតផលដែលត្រូវបានបង្កើតឡើងសម្រាប់ការអភិវឌ្ឍវិស័យនេះ តាមរយៈការប្រមូលមូលនិធិពីវិនិយោគិន។ យើងនឹងសហការជាមួយក្រុមហ៊ុន គ្រប់គ្រងមូលនិធិជុំវិញការបង្កើតនេះដើម្បីធ្វើឱ្យឧស្សាហកម្មនេះដំណើរការដោយរលូន។

ជាមួយគ្នានេះ លោក ច្រឹក សុខនីម អគ្គនាយកក្រុមហ៊ុន Century 21 Mekong បានសាទរថា គំនិតផ្តួចផ្តើមនេះនឹងជំរុញឧស្សាហកម្មនេះ ដោយអនុញ្ញាតឱ្យក្រុមហ៊ុនគ្រប់គ្រងមូលនិធិអាចប្រមូលមូលនិធិពីសាធារណជន ដើម្បីធ្វើឱ្យឧស្សាហកម្មកាន់តែរីកចម្រើន។

លោកបញ្ជាក់ថា “យើងគិតថា ការដាក់ឱ្យដំណើរការបរធនអចលនទ្រព្យ នឹងក្លាយជាវិធានការមួយដ៏ល្អ សម្រាប់អ្នកនៅក្នុងឧស្សាហកម្មអចលនទ្រព្យ ឱ្យមានសមត្ថភាពកាន់តែច្រើនក្នុងការប្រមូលមូលនិធិពីសាធារណជន”។ លោកបន្តថា “RIT ដែលត្រូវបានត្រួតពិនិត្យដោយ SERC នឹងបង្កើតទំនុកចិត្តក្នុងចំណោមវិនិយោគិនសាធារណៈ និងអ្នកនៅក្នុងឧស្សាហកម្ម ដែលជាប់ទាក់ទងផ្សេងទៀតដែលចង់វិនិយោគក្នុងវិស័យនេះនៅកម្ពុជា”។

ក្រសួងរៀបចំដែនដី នគរូបនីយកម្ម និងសំណង់ បានអនុម័តគម្រោងវិនិយោគសំណង់សរុបចំនួន៤២៧៥ កាលពីឆ្នាំ ២០២២ ធ្លាក់ចុះ២៨ គម្រោង ឬ០,៦៥ ភាគរយធៀបនឹងឆ្នាំ ២០២១ ក្រោមដើមទុនសរុប២៩៦៨ពាន់លានដុល្លារ ធ្លាក់ចុះ៤៦,៨ ភាគរយ។ នេះបើតាមក្រសួងសេដ្ឋកិច្ច និងហិរញ្ញវត្ថុ។

ទិន្នន័យបានបង្ហាញទៀតថា វិស័យលំនៅឋានតំណាងឱ្យ៣ ៧៦៨ នៃគម្រោង កើនឡើងពី៣៧២០ ធៀបនឹងរយៈពេលដូចគ្នាឆ្នាំ ២០២១ ឬ៨៨,១៤ ភាគរយនៃចំនួនសរុប ដែលកើនឡើងពី ៨៦,៤៥ ភាគរយក្នុងឆ្នាំ២០២១៕

សម្តេចតេជោនឹងអញ្ជើញសម្ភោធដាក់ឲ្យប្រើប្រាស់ស្ពានយោងដោយខ្សែកាបឆ្លងកាត់ទន្លេរសាប

ដោយៈ ហ្វីអូណា

ភ្នំពេញៈ រដ្ឋបាលរាជធានីភ្នំពេញ បានរៀបចំការបញ្ចៀសចរាចរយានយន្តគ្រប់ប្រភេទជាបណ្ដោះអាសន្ន ក្នុងពិធីសម្ពោធដាក់ឱ្យប្រើប្រាស់ស្ពានបេតុងខ្សែកាប ឆ្លងទន្លេសាប និងស្ពានអាកាសឫស្សីកែវស្ថិតក្នុងខណ្ឌឫស្សីកែវ និងខណ្ឌជ្រោយចង្វារ។

រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ ក្នុងរាជធានីភ្នំពេញ ឱ្យបានជ្រាបថា រដ្ឋបាលរាជធានីភ្នំពេញនឹងរៀបចំពិធីសម្ពោធ ដាក់ឱ្យប្រើប្រាស់ស្ពានបេតុងខ្សែកាប ឆ្លងទន្លេសាប និងស្ពានអាកាសឫស្សីកែវ ចាប់ពីថ្ងៃទី៣០ រហូតដល់ថ្ងៃទី៣១ ខែឧសភា ឆ្នាំ២០២៣ ក្រោមអធិបតីភាព ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

ដើម្បីឱ្យកម្មវិធីខាងលើប្រព្រឹត្តទៅដោយរលូន រក្សាបាននូវសន្តិសុខ ស៊ីវត្ថិភាព សណ្ដាប់ធ្នាប់ និងរបៀប រៀបរយសាធារណៈ ព្រមទាំងបញ្ចៀសបាននូវការកកស្ទះចរាចរ រដ្ឋបាលរាជធានីភ្នំពេញនឹងធ្វើការផ្អាកចរាចរ ជាបណ្ដោះអាសន្នយានយន្តគ្រប់ប្រភេទ ដែលធ្វើដំណើរឆ្លងកាត់ស្ពានបេតុងខ្សែកាប ឆ្លងទន្លេសាប និងជុំវិញ ទីតាំងប្រារព្ធពិធីចាប់ពីវេលាម៉ោង ១៤:០០នាទី ថ្ងៃទី៣០ ខែឧសភា ឆ្នាំ២០២៣ តទៅ។

អាស្រ័យហេតុនេះ សូមបងប្អូនប្រជាពលរដ្ឋដែលត្រូវធ្វើដំណើរឆ្លងកាត់តាមផ្លូវខាងលើមេត្តាជ្រាប យោគយល់អធ្យាស្រ័យ និងបញ្ចៀសការធ្វើដំណើរឆ្លងកាត់ ទីតាំងប្រារព្ធពិធីតាមកាលបំរិច្ឆេទខាងលើដោយ អនុគ្រោះ។ ផុតរយៈពេលហាមឃាត់បណ្តោះអាសន្ននេះ រដ្ឋបាលរាជធានីភ្នំពេញ នឹងបើកឱ្យចរាចរជាធម្មតាវិញ។

ទទួលបានសេចក្តីជូនដំណឹងនេះ ស្ទូងការដ្ឋាននគរបាលរាជធានីភ្នំពេញ បញ្ហាការដ្ឋានកងរាជអាវុធ ហត្ថរាជធានីភ្នំពេញ រដ្ឋបាលខណ្ឌជ្រោយចង្វារ រដ្ឋបាលខណ្ឌឫស្សីកែវ មន្ទីរសាធារណការ និងដឹកជញ្ជូនរាជធានី ភ្នំពេញ និងអាជ្ញាធរពាក់ព័ន្ធគ្រប់លំដាប់ថ្នាក់ ត្រូវធ្វើការផ្សព្វផ្សាយឱ្យបានទូលំទូលាយ និងចាត់តាំងអនុវត្តឱ្យមានប្រសិទ្ធភាពខ្ពស់៕

ខេត្តព្រះសីហនុបន្តបង្កើនការវិនិយោគលើហេដ្ឋារចនាសម្ព័ន្ឋ

ដោយៈ គង់ សូរិយា

ព្រះសីហនុៈ អាជ្ញាធរខេត្តព្រះសីហនុ បានបើកការដ្ឋានជួសជុលផ្លូវបេតុងចំនួន០១ខ្សែ ប្រវែង៣៦៥ម៉ែត្រ និងប្រកាសជួសជុលផ្លូវបេតុងចំនួន២៩ខ្សែ ប្រវែង១៤,១៣២ម៉ែត្រ ស្ពានចំនួន១ទីតាំង លូកាត់ទទឹងផ្លូវចំនួន៦ទីតាំង និងលូប្រអប់ចំនួន២កន្លែង នៅស្រុកព្រៃនប់ ខេត្តព្រះសីហនុ។

អភិបាលខេត្តព្រះសីហនុ លោកគួច ចំរើនបានមានប្រសាសន៍ក្នុងពិធីបើកការដ្ឋានសាងសង់ និងជួសជុលហេដ្ឋារចនាសម្ព័ន្ឋទាំងនោះកាលពីថ្ងៃទី២៩ ឧសភាថា ក្រសួងមហាផ្ទៃបានធ្វើការប្រឡងប្រណាំងពានរង្វាន់ការបំរើសេវាសង្គម សម្រាប់បណ្តាឃុំ សង្កាត់នៅទូទាំងប្រទេស ដោយឡែកនៅខេត្តព្រះសីហនុ ឆ្នាំ២០២៣ រដ្ឋបាលខេត្តបានជម្រុញឱ្យមានការប្រឡងប្រណាំងការបំរើសេវាល្អ ដើម្បីឱ្យថ្នាក់មូលដ្ឋានមានការប្រឡងប្រណាំង ផ្តល់រង្វាន់លើកទឹកចិត្តលើការងារបំរើសេវាល្អ ជូនបងប្អូនប្រជាពលរដ្ឋ ហើយចាប់ពីឆ្នាំ២០២២ និងបន្តមកឆ្នាំ២០២៣ ក្នុងការបំរើសេវាល្អ និងទទួលយកសំណូមពរពីប្រជាពលរដ្ឋ ក្នុងគោលដៅបំរើសេវាសាធារណ នៅមូលដ្ឋានកាន់តែល្អប្រសើរបន្ថែមទៀត៕

NEAនឹងនាំយកឱកាសការងារដល់យុវជននៅចំនួន១៥,០០០នាក់នៅខេត្តចំនួន៤

ដោយៈ គង់ ហ្វីអូណា

ភ្នំពេញៈ ទីភ្នាក់ងារជាតិមុខរបរ និងការងារ (NEA) នឹងនាំយកឱកាសការងារសរុបប្រមាណ១.៥ ម៉ឺនកន្លែង ពីក្រុមហ៊ុនជាច្រើនដល់យុវជននៅតាមបណ្តាខេត្តសំខាន់ៗចំនួន៤។

ឱកាសការងារក្នុងវិស័យសំខាន់ៗ មានដូចជា សេវាកម្ម ឧស្សាហកម្ម និងកសិកម្ម ជូនដល់យុវជន សិស្ស/និស្សិត និងអ្នកស្វែងរកការងារ នៅក្នុងវេទិកាទស្សនកិច្ចការងារស្តីពី “ឱកាស ការងារ និងការត្រៀមខ្លួនចូលទីផ្សារការងារ”ក្នុងខេត្តគោលដៅចំនួន៤ដូចជា៖

•ខេត្តបាត់ដំបង ៖ ថ្ងៃទី៣១ ខែឧសភា ឆ្នាំ២០២៣ នៅសាលមហោស្រពស្ទឹងសង្កែ។

•ខេត្តសៀមរាប ៖ ថ្ងៃទី០២ ខែមិថុនា ឆ្នាំ២០២៣ នៅសាកលវិទ្យាល័យបៀលប្រាយ។

•ខេត្តកំពង់ធំ ៖ ថ្ងៃទី០៤ ខែមិថុនា ឆ្នាំ២០២៣ នៅសាកលវិទ្យាល័យឯកទេស នៃកម្ពុជា ។

•ខេត្តកំពង់ចាម ៖ ថ្ងៃទី០៦ ខែមិថុនា ឆ្នាំ២០២៣ នៅអគារសហភាពសហព័ន្ធ យុវជនកម្ពុជា។

វេទិកាទស្សនកិច្ចការងារនេះ មានគោលបំណងនាំយកឱកាសការងារ កម្មសិក្សាការងាររាប់ម៉ឺនកន្លែង និងព័ត៌មានវគ្គបណ្តុះបណ្តាលជំនាញជូនដល់អ្នកស្វែងរកការងារ យុវជន សិស្ស-និស្សិត និងសាធារណជន ព្រមទាំងផ្តល់ឱកាសជូននិយោជក ដែលកំពុងមានតម្រូវការជ្រើសរើសកម្លាំងពលកម្ម បានជួបដើម្បីធ្វើការសម្ភាសន៍ជាមួយអ្នកស្វែងរកការងារ។

ស្របពេលជាមួយគ្នា វេទិកានេះក៏មានការចែករំលែកចំណេះដឹង និងបទពិសោធន៍ពីសំណាក់វាគ្មិនជំនាញ ជូនដល់អ្នកស្វែងរកការងារ យុវជន និងសិស្ស-និស្សិត អំពីការត្រៀមលក្ខណៈសម្បត្តិចូលទីផ្សារការងារ សម្រាប់ការបង្កើនឱកាសទទួលបាន ការងារធ្វើកាន់តែប្រសើរ។

ការរៀបចំវេទិកានេះ គឺជាយន្តការនៃការផ្តល់សេវាការងារសាធារណៈរបស់រាជរដ្ឋាភិបាលកម្ពុជា តាមរយៈNEA នៃក្រសួងការងារ និងបណ្តុះបណ្តាលវិជ្ជាជីវៈ ក្នុងការជួយស្វែងការងារធ្វើជូនដល់ប្រជាពលរដ្ឋ ហើយត្រូវបានរៀបចំឡើងជាប្រចាំដោយ NEA ដើម្បីជួយផ្គូរផ្គង និងផ្គត់ផ្គង់កម្លាំងពលកម្មទៅដល់ក្រុមហ៊ុន សហគ្រាស ដែលកំពុងត្រូវការបុគ្គលិកនិងកម្មករនិយោជិត។

វេទិកាទស្សនកិច្ចការងារនេះ ត្រូវបានសហការរៀបចំដោយទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជា និងកម្មវិធីអភិវឌ្ឍន៍ជំនាញនៃអង្គការ Swisscontact៕

1...917918919...3,256 Page 918 of 3,256