កូរ៉េជួយសិក្សាលើការអភិវឌ្ឍហេដ្ឋារចនាសម្ព័ន្ឋច្រកទ្វារអន្តរជាតិកម្ពុជា វៀតណាមក្នុងខេត្តក្រចេះ

ដោយៈគង់ សូរិយា

ភ្នំពេញៈ លទ្ធផលនៃការសិក្សាសមិទ្ធិលទ្ធភាពដំបូង លើការអភិវឌ្ឍហេដ្ឋារចនាសម្ព័ន្ធច្រកព្រំដែនអន្តរជាតិ “ត្រពាំងស្រែ ខេត្តក្រចេះ ក្រោមគម្រោងស្ដីពីការបង្កើតផែនការគ្រប់ជ្រុងជ្រោយ នៃច្រកទ្វារព្រំដែនអន្តរជាតិត្រពាំងស្រែ (ព្រំដែនកម្ពុជា-វៀតណាម) ត្រូវបានភាគីកូរ៉េលើកយកមកធ្វើបទបង្ហាញជូនភាគីកម្ពុជា។

សិក្ខាសាលានេះ ដឹកនាំដោយលោកវ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូន និងលោក Yoo Han-Jun ទីប្រឹក្សាជាន់ខ្ពស់សមាគមសាងសង់អន្តរជាតិកូរ៉េ (ICAK) និងជាតំណាងក្រសួងដែនដី ហេដ្ឋារចនាសម្ព័ន្ធ និងដឹកជញ្ជូន នៃសាធារណរដ្ឋកូរ៉េ (MOLIT)។

សិក្ខាសាលានេះរៀបចំឡើងក្នុងគោលបំណង ដើម្បីពិនិត្យមើលលទ្ធផល នៃការសិក្សាសមិទ្ធិលទ្ធភាពដំបូង របស់អ្នកជំនាញកូរ៉េទាក់ទងនឹងការអភិវឌ្ឍ ហេដ្ឋារចនាសម្ព័ន្ធច្រកព្រំដែនអន្តរជាតិត្រពាំងស្រែ រួមមានការសិក្សាលើ៖ (១) ប្រព័ន្ធភស្តុភារកម្ម (២) ស្ថាបត្យកម្មរចនាបថអគារ (៣) រំហូរចរាចរណ៍ទំនិញ និងមនុស្ស (៤) ការគិតគូរពីបរិស្ថាន (៥) ការវិភាគសេដ្ឋកិច្ច និង(៦) ការវិភាគហិរញ្ញវត្ថុ ដើម្បីប្រមូលធាតុចូលបន្ថែម សំដៅធ្វើឱ្យប្រសើរឡើងនូវគម្រោងស្ដីពីការបង្កើតផែនការគ្រប់ជ្រុងជ្រោយ នៃច្រកទ្វារព្រំដែនអន្តរជាតិត្រពាំងស្រែ ដែលស្ថិតក្នុងភូមិសាស្ត្រ ស្រុកស្នួល ខេត្តក្រចេះ (ព្រំដែនកម្ពុជា-វៀតណាម)។

ថ្លែងទៅកាន់អង្គពិធីនាឱកាសនោះ លោកវ៉ាស៊ីម សូរិយាបានថ្លែងអំណរគុណយ៉ាងជ្រាលជ្រៅ ចំពោះការគាំទ្ររបស់ក្រសួងដែនដី ហេដ្ឋារចនាសម្ព័ន្ធ និងដឹកជញ្ជូន នៃសាធារណរដ្ឋកូរ៉េ (MOLIT) និងសមាគម ICAK និងកោតសរសើរចំពោះការខិតខំប្រឹងប្រែងរបស់អ្នកជំនាញការកូរ៉េ ដែលបានចុះមកសិក្សាផ្ទាល់ពីសក្តានុពល នៃច្រកទ្វារព្រំដែនត្រពាំងស្រែ និងបានស្នើឡើងនូវផែនការអភិវឌ្ឍន៍នានា ដើម្បីបង្កើនសមត្ថភាពប្រតិបត្តិការនៅច្រកទ្វារមួយនេះ សំដៅចូលរួមចំណែកធ្វើឱ្យប្រសើរឡើងប្រព័ន្ធភស្តុភារកម្មនៅកម្ពុជា៕

Shanghai unveils measures to support private investment

China’s financial hub Shanghai has introduced measures, including tax incentives and lower funding costs, to bolster private investment.

In the first four months of 2023, private investment in Shanghai grew 19.8 percent year on year, making a recovery from the lower base in the same period last year over COVID-19, Gu Jun, head of the Shanghai municipal development and reform commission, told a press briefing on Tuesday.

Measures include breaking down invisible barriers to guarantee unified market access for private enterprises and encouraging them to participate in major projects in the 14th Five-Year Plan period (2021-2025).

Authorities will offer tax incentives for micro, small, and medium-sized enterprises and scientific and technological innovation. Lower land costs would be ensured.

They will also help expand funding channels for private enterprises and guide financial institutions to support these projects with lower funding costs.

Private capital will be encouraged to invest in scientific and technological innovation projects and the integrated circuits, biomedicine, and artificial intelligence industries.

Private capital will also be encouraged to invest in digital infrastructures, including computing power and new and renewable energy.

Authorities also moved to stabilize private investment in the property sector and encourage private capital to invest in rural revitalization and social services, including

health care and education.

“In the next step, we will solidly implement these measures to ensure private investment volume and quality and give better play to private investment in promoting high-quality economic development,” Gu said.

Source: Xinhua

៥ខែដើមឆ្នាំ២០២៣ វៀតណាម បោះទុនវិនិយោគក្រៅប្រទេសជាង៣០០លានដុល្លារ ក្នុងនោះ១៣,៣%នៅកម្ពុជា

ដោយ៖ សុខុម

ហាណូយ: ប្រទេសវៀតណាម ក្នុងរយៈពេល៥ខែដើមឆ្នាំ២០២៣ បានបោះទុនវិនិយោគនៅក្រៅប្រទេសជិត៣១៦,៤លានដុល្លារអាមេរិក ដែលស្មើនឹង៩៣,៥%ធៀបនឹងតួលេខក្នុងរយៈពេលដូចគ្នាកាលពីឆ្នាំមុន ដោយក្នុងនោះកម្ពុជា ទទួលបានចំណែក១៣,៣%។

យោងតាមទីភ្នាក់ងារវិនិយោគក្រៅប្រទេសក្រោមចំណុះក្រសួងផែនការ និងវិនិយោគវៀតណាម បង្ហាញថា ក្នុងនោះទុនវិនិយោគ១៤២,៧លានដុល្លារ ត្រូវបានចាក់ចូលទៅលើគម្រោងថ្មីៗចំនួន៤៧ ដែលស្មើនឹង៤៨,៦%នៃតួលេខក្នុងរយៈពេលដូចគ្នាក្នុងឆ្នាំ២០២២ ចំណែកឯ១៧៣,៧លានដុល្លារ ទៀតត្រូវបានចាក់បញ្ចូលបន្ថែមទៅលើគម្រោងដែលកំពុងដំណើរការចំនួន១៦ ដោយកើនឡើងជិត៤ដងធៀបនឹងរយៈពេលដូចគ្នាក្នុងឆ្នាំ២០២២។

វិនិយោគិនវៀតណាម នៅក្រៅប្រទេសបានបណ្តាក់ទុនក្នុងវិស័យចំនួន១៣ ជាពិសេសផ្នែកលក់រាយ និងលក់ដុំ ព័ត៌មាន និងទំនាក់ទំនង ហិរញ្ញវត្ថុ ធនាគារ និងកសិកម្ម រុក្ខាប្រមាញ់ និងនេសាទ។

អំឡុងពីខែមករា ដល់ខែឧសភា ការវិនិយោគរបស់វៀតណាម ត្រូវបានចាក់បញ្ចូលទៅក្នុងប្រទេស និងដែនដីចំនួន២០ ដោយក្នុងនោះប្រទេសកាណាដា ទទួលបានចំណែកច្រើនជាងគេជាមួយនឹងទុនវិនិយោគជាង១៥០,២លានដុល្លារ បន្ទាប់មកគឺប្រទេសសិង្ហបុរី ឡាវ និងគុយបា។

ទីភ្នាក់ងារដដែលនិយាយថា គិតត្រឹមថ្ងៃទី២០ ខែឧសភា វៀតណាម បានដំណើរការគម្រោងដែលមានសុពលភាពនៅក្រៅប្រទេសចំនួន១.៦៤៨គម្រោង ជាមួយនឹងទុនវិនិយោគរួមបញ្ចួលគ្នាជិត២២,១ពាន់លានដុល្លារ ដោយរួមទាំង១៤១គម្រោងក្រោមទុនវិនិយោគ១១,៦៧ពាន់លានដុល្លារ ដែលត្រូវបានវិនិយោគដោយសហគ្រាសរដ្ឋដែលស្មើនឹង៥២,៨%នៃការវិនិយោគសរុបរបស់ប្រទេសវៀតណាម ផងដែរ។

យោងតាមទិន្នន័យបង្ហាញថា រហូតមកទល់ពេលនេះ ទិសដៅឈានមុខគេសម្រាប់វិនិយោគិនវៀតណាម រួមមានប្រទេសឡាវ (២៤,៤%) កម្ពុជា (១៣,៣%) និងប្រទេសវេណេស៊ុយអេឡា (៨,៣%)៕ VNS៕

សាច់ប្រាក់ដែលក្រសួងរតនាគារអាមេរិក មាននៅពេលនេះធ្លាក់ចុះខ្លាំងឈានដល់កម្រិតទាបដ៏គ្រោះថ្នាក់

ដោយ៖ សុខុម

ញូវយ៉ក: កម្រិតសាច់ប្រាក់ដែលក្រសួងរតនាគារអាមេរិក មាននៅពេលនេះកំពុងធ្លាក់ចុះខ្លាំងឈានទៅរកកម្រិតទាបដ៏គ្រោះថ្នាក់ ខណៈរដ្ឋាភិបាលក្រុងវ៉ាស៊ីនតោន រង់ចាំរហូតដល់នាទីចុងក្រោយដើម្បីដំឡើងពិដានបំណុល។

ទិន្នន័យចុងក្រោយរបស់រដ្ឋាភិបាលសហព័ន្ធបង្ហាញថា គិតត្រឹមថ្ងៃទី២៥ ខែឧសភា ក្រសួងរតនាគារអាមេរិក មានសាច់ប្រាក់ត្រឹមតែ៣៨,៨ពាន់លានដុល្លារ ប៉ុណ្ណោះ ដោយធ្លាក់ចុះពីចំនួនជាង២០០ពាន់លានដុល្លារ កាលពីដើមខែឧសភា និងជិតឈានដល់កម្រិតអប្បបរមា៣០ពាន់លានដុល្លារ។

ផ្អែកតាមសន្ទស្សន៍កំពូលមហាសេដ្ឋីពាន់លានដុល្លារ Bloomberg Billionaires Index បង្ហាញថា ស្ថិតក្នុងបរិបទនេះ កំពូលមហាសេដ្ឋីពាន់លានដុល្លារចំនួន៣១រូប គឺម្នាក់ៗសុទ្ធតែមានទ្រព្យសម្បត្តិច្រើនជាង បើធៀបនឹងសាច់ប្រាក់៣៨,៨ពាន់លានដុល្លារ របស់រដ្ឋាភិបាលសហព័ន្ធអាមេរិក។

ខ្លះក្នុងចំណោមកំពូលមហាសេដ្ឋីពាន់លានដុល្លារទាំងនោះ តួយ៉ាងដូចលោក Bernard Arnault ជាដើមមានទ្រព្យសម្បត្តិច្រើនជាងសាច់ប្រាក់របស់ក្រសួងរតនាគារអាមេរិក ពេលនេះទៅទៀត។ លោក Bernard Arnault ប្រធានក្រុមហ៊ុនផលិតទំនិញប្រណីត LVMH មានទ្រព្យសម្បត្តិសរុបរហូតដល់ទៅប្រមាណ១៩៣ ពាន់លានដុល្លារ។

ទន្ទឹមនេះ មហាសេដ្ឋីនៃក្រុមហ៊ុនផលិតរថយន្តអគ្គិសនី Tesla លោក Elon Musk មានទ្រព្យសម្បត្តិរហូតដល់ទៅ១៨៥ពាន់លានដុល្លារ ហើយស្ថាបនិកក្រុមហ៊ុន Amazon លោក Jeff Bezos មានទ្រព្យសម្បត្តិរហូតដល់ទៅ១៤៤ពាន់លានដុល្លារ។

ក្នុងចំណោមកំពូលមហាសេដ្ឋីពាន់លានដុល្លារ ទាំង៣១រូបខាងលើក៏មានលោក Michael Dell វិនិយោគិនជើងចាស់លោក Warren Buffett និងសហស្ថាបនិក Facebook លោក Mark Zuckerberg ព្រមទាំងកំពូលមហាសេដ្ឋីពាន់លានដុល្លារបារាំង ដែលមិនសូវចេញមុខមាត់ Francois Pinault និងលោក Alain Wertheimer ប្រធានក្រុមហ៊ុន Chanel ផងដែរ។

លោកប្រធានាធិបតីអាមេរិក លោក ចូ បៃឌិន និងប្រធានសភាអាមេរិក លោក Kevin McCarthy កាលពីថ្ងៃអង្គារ ទី៣០ ខែឧសភា បានឈានដល់កិច្ចព្រមព្រៀងទ្វេភាគីដើម្បីដំឡើងពិដានបំណុលដែលបច្ចុប្បន្នមានចំនួន៣១,៤ទ្រីលានដុល្លារ ដោយរង់ចាំសភាបោះឆ្នោតអនុម័ត។

រដ្ឋមន្ត្រីក្រសួងរតនាគារអាមេរិក លោកស្រី Janet Yellen ព្រមានថា ប្រសិនបើសភាអាមេរិក មិនអាចដំឡើងពិដានបំណុលត្រឹមថ្ងៃទី៥ ខែមិថុនា ដ៏ខ្លីខាងមុខនេះទេ រដ្ឋាភិបាលអាមេរិក នឹងគ្មានថវិកាគ្រប់គ្រាន់ដើម្បីទូទាត់រាល់កាតព្វកិច្ចចំណាយរបស់សហរដ្ឋអាមេរិក ឱ្យបានពេញលេញ និងទាន់ពេលវេលានោះឡើយ៕ CNN៕

រដ្ឋសភាកម្ពុជា ផ្តល់សច្ចាប័នលើកិច្ចព្រមព្រៀងពាណិជ្ជកម្មលើសេវាកម្មអាស៊ាន

ដោយ: គង់ លាងហួរ

ភ្នំពេញ: រដ្ឋសភាកម្ពុជានៅថ្ងៃអង្គារនេះបានផ្តល់សច្ចាប័នលើកិច្ចព្រមព្រៀងពាណិជ្ជកម្មសេវាកម្មអាស៊ាន (ATISA) ដើម្បីជំរុញពាណិជ្ជកម្ម និងការវិនិយោគលើវិស័យសេវាកម្ម។

សមាជិកសភាចំនួន៩៨រូប ដែលចូលរួមបានអនុម័តជាឯកច្ឆ័ន្ទលើកិច្ចព្រមព្រៀងនេះ ដែលត្រូវបានចុះហត្ថលេខាដោយក្រុមរដ្ឋមន្ត្រីសេដ្ឋកិច្ចអាស៊ាននៅទីក្រុងហ្សាកាតា ប្រទេសឥណ្ឌូនេស៊ីក្នុងខែតុលា ឆ្នាំ២០២០។

រដ្ឋមន្ត្រីក្រសួងពាណិជ្ជកម្មកម្ពុជា លោក ប៉ាន សូរស័ក្តិ បានមានប្រសាសន៍ថា ATISA មានគោលបំណងពង្រឹងទំនាក់ទំនងសេដ្ឋកិច្ច និងផ្តល់ឱកាសកាន់តែច្រើនសម្រាប់ការអភិវឌ្ឍសេដ្ឋកិច្ចនៅក្នុងសហគមន៍សេដ្ឋកិច្ចអាស៊ាន។

លោកបានថ្លែងប្រាប់សភាថា “វានឹងកាត់បន្ថយឧបសគ្គចំពោះពាណិជ្ជកម្ម និងការវិនិយោគក្នុងសេវាកម្ម និងបង្កើតបរិយាកាសអាជីវកម្មដែលអាចព្យាករណ៍បាន។ ម្យ៉ាងវិញទៀត វានឹងបង្រួមគម្លាតនៃការអភិវឌ្ឍន៍ក្នុងចំណោមរដ្ឋសមាជិកអាស៊ាន ដើម្បីសម្រេចបាននូវការអភិវឌ្ឍន៍សេដ្ឋកិច្ចសង្គមប្រកបដោយសមធម៌ តុល្យភាព និងនិរន្តរភាពបន្ថែមទៀត”។

លោកស្រី និន សាផុន ប្រធានគណៈកម្មការសាធារណៈការ ដឹកជញ្ជូន ទូរគមនាគម ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដីនគរូបនីយកម្ម និងសំណង់ នៃរដ្ឋសភា បានមានប្រសាសន៍ថា ATISA នឹងជំរុញឱ្យមានការរួមបញ្ចូលសហគ្រាសធុនតូច និងមធ្យមក្នុងសកម្មភាពពាណិជ្ជកម្ម និងវិនិយោគ លើកកម្ពស់បទប្បញ្ញត្តិ និងការអភិវឌ្ឍន៍ធនធានមនុស្សផងដែរ។

លោកស្រីបានបន្តទៀតថា “វានឹងធ្វើឱ្យការរួមបញ្ចូលវិស័យសេវាកម្មកាន់តែមានភាពស៊ីជម្រៅ និងបង្កើតបរិយាកាសសេរី ស្ថិរភាព និងអាចព្យាករណ៍បានកាន់តែច្រើនសម្រាប់អ្នកផ្គត់ផ្គង់សេវាកម្មនៅក្នុងតំបន់”។

ពាណិជ្ជកម្មលើសេវាកម្មរួមមាន សេវាហិរញ្ញវត្ថុ សេវាទូរគមនាគមន៍ និងសេវាកម្មបន្ថែមលើការដឹកជញ្ជូនតាមផ្លូវអាកាស ក្នុងចំណោមសេវាកម្មផ្សេងៗទៀត៕

លំហូរវិនិយោគផ្ទាល់ពីបរទេសចូលប្រទេសវៀតណាមធ្លាក់ចុះជាង៧ភាគរយ ក្នុងខែមករាដល់ខែឧសភា

ដោយ: គង់ លាងហួរ

ហាណូយ: យោងតាមការិយាល័យស្ថិតិទូទៅ (GSO) បានឱ្យដឹងថា លំហូរវិនិយោគផ្ទាល់ពីបរទេស ដែលបានចុះបញ្ជីសរុបរបស់វៀតណាម គិតត្រឹមថ្ងៃទី២០ ខែឧសភា រួមទាំងការសន្យាថ្មី មូលនិធិវិនិយោគបន្ថែមដល់គម្រោង ដែលមានស្រាប់ និងការទិញភាគហ៊ុនបានធ្លាក់ចុះ៧,៣ភាគរយដល់១០,៨៦ពាន់លានដុល្លារអាមេរិក។

អាជ្ញាធរស្ថិតិបានលើកឡើងថា ប្រទេសវៀតណាមបានផ្តល់អាជ្ញាប័ណ្ណចំនួន៥,២៦ពាន់លានដុល្លារនៅក្នុងគម្រោងថ្មីចំនួន៩៦២ ក្នុងអំឡុងខែមករាដល់ខែឧសភា កើនឡើង២៧,៨ភាគរយធៀបនឹងឆ្នាំមុន។

លំហូរទុនវិនិយោគជិត២,២៨ពាន់លានដុល្លារបានទៅលើគម្រោងដែលមានស្រាប់ចំនួន៤៨៥ ធ្លាក់ចុះ៥៩,៤%ធៀបនឹងឆ្នាំមុន ដែលបង្ហាញពីនិន្នាការធ្លាក់ចុះកាន់តែយឺត ខណៈមូលនិធិវិនិយោគបន្ថែមបានធ្លាក់ចុះ៧០,៣%នៅក្នុងត្រីមាសទីមួយនៃឆ្នាំនេះ។

ទិន្នន័យបានបង្ហាញថា ជនបរទេសក៏បានបណ្តាក់ទុនចំនួន៣,៣២ពាន់លានដុល្លារផងដែរ នៅក្នុងអំឡុងខែមករាដល់ខែឧសភា ពោលគឺកើនឡើង៦៧,២ភាគរយពីមួយឆ្នាំទៅមួយឆ្នាំ តាមរយៈការទិញភាគហ៊ុនរបស់ក្រុមហ៊ុនក្នុងស្រុកវៀតណាម។

ប្រទេសសិង្ហបុរីគឺជាប្រភពកំពូលនៃលំហូរវិនិយោគផ្ទាល់ពីបរទេសក្នុងទំហំទឹកប្រាក់ជាង១,៧ពាន់លានដុល្លារ ខណៈប្រទេសចិនឈរនៅលំដាប់លេខរៀងទីពីរ។

លំហូរវិនិយោគផ្ទាល់ពីបរទេសជាកត្តាជំរុញដ៏សំខាន់នៃកំណើនសេដ្ឋកិច្ចរបស់វៀតណាម។ ការិយាល័យស្ថិតិទូទៅ (GSO) បានកត់សម្គាល់ទៀតថា ក្រុមហ៊ុនដែលមានការវិនិយោគបរទេសគ្របដណ្តប់ជាង៧៤ភាគរយនៃការនាំចេញសរុបរបស់ប្រទេសវៀតណាមកាលពីឆ្នាំ២០២២៕

លោក ស៊ី ជីនភីង ប្ដេជ្ញាពន្លឿនកិច្ចប្រឹងប្រែងកសាងមហាយក្សចិន ឱ្យក្លាយជាប្រទេសឈានមុខគេខាងវិស័យអប់រំ

ដោយ៖ សុខុម

ប៉េកាំង: ប្រធានាធិបតីចិន លោក ស៊ី ជីនភីង បានគូសបញ្ជាក់កាលពីថ្ងៃច័ន្ទ ទី២៩ ដើមសប្ដាហ៍នេះថា រដ្ឋាភិបាលក្រុងប៉េកាំង កំពុងតែពន្លឿនកិច្ចខិតខំប្រឹងប្រែងដើម្បីកសាងមហាយក្សចិន ឱ្យក្លាយជាប្រទេសឈានមុខគេខាងវិស័យអប់រំ។

ចូលរួមជាអធិបតីក្នុងកិច្ចប្រជុំសិក្សាស្រាវជ្រាវនៃការិយាល័យនយោបាយ នៃគណៈកម្មាធិការមជ្ឈិមបក្សកុម្មុយនីស្តចិន លោក ស៊ី ជីនភីង បានថ្លែងថា គោលបំណងគឺដើម្បីកសាងប្រទេសសង្គមនិយមទំនើបដ៏អស្ចារ្យមួយលើគ្រប់ទិដ្ឋភាព ដែលជាការគាំទ្រដ៏សំខាន់សម្រាប់ការពឹងផ្អែកលើខ្លួនឯងកាន់តែប្រសើរ និងភាពខ្លាំងផ្នែកវិទ្យាសាស្ត្រ និងបច្ចេកវិទ្យា ព្រមទាំងជាមធ្យោបាយដ៏មានប្រសិទ្ធភាពមួយក្នុងការលើកកម្ពស់វិបុលភាពរួមសម្រាប់ពលរដ្ឋចិន គ្រប់រូប។

លោក ស៊ី ជីនភីង បានអំពាវនាវឱ្យពន្លឿនការធ្វើទំនើបកម្មវិស័យអប់រំដើម្បីផ្តល់ការគាំទ្រដ៏រឹងមាំសម្រាប់ការជំរុញការស្តារប្រជាជាតិចិន ឡើងវិញលើគ្រប់វិស័យ។

លោកគូសបញ្ជាក់ថា ប្រទេសចិន បានបង្កើតប្រព័ន្ធអប់រំដ៏ធំបំផុតក្នុងពិភពលោក និងបានជាប់ឈ្មោះក្នុងចំណោមប្រទេសមធ្យមកម្រិតកំពូលទាក់ទិននឹងការធ្វើទំនើបកម្មវិស័យអប់រំ ហើយថា ប្រទេសចិន បានជាប់ចំណាត់ថ្នាក់លេខ២៣ ក្នុងសន្ទស្សន៍អប់រំពិភពលោក ដោយកើនឡើងពីចំណាត់ថ្នាក់លេខ២៦ ក្នុងឆ្នាំ២០១២។

លោកបានបន្ថែមទៀតថា នេះសរបង្ហាញឱ្យឃើញយ៉ាងច្បាស់ថា មាគ៌ានៃការអប់រំសង្គមនិយមតាមបែបផែនរបស់ប្រទេសចិន គឺត្រឹមត្រូវឥតខ្ចោះ។

លោក ស៊ី ជីនភីង គូសបញ្ជាក់ថា ដើម្បីកសាងភាពខ្លាំងរបស់ប្រទេសចិន ខាងវិស័យអប់រំ វាជាការចាំបាច់ណាស់ដែលត្រូវប្រកាន់ខ្ជាប់នូវភាពឈានមុខគេជាទូទៅរបស់បក្សលើវិស័យអប់រំ និងទទួលស្គាល់ថា ការស្តាររបស់ប្រទេសជាតិចិន ឡើងវិញឱ្យកាន់តែប្រសើរជាបេសកកម្មដ៏មានសារៈសំខាន់៕ Xinhua៕

រដ្ឋបាលក្រុងបាងកកជំរុញឱ្យរដ្ឋាភិបាលថ្មីពិនិត្យលើការកំណត់ យកពន្ធដីធ្លី និងអគារឡើងវិញ

ដោយ: គង់ លាងហួរ

អន្តរជាតិ: អភិបាលក្រុងបាងកក លោក Chadchart Sittipunt កំពុងអំពាវនាវឱ្យរដ្ឋាភិបាលចូលថ្មី ពិនិត្យឡើងវិញនូវច្បាប់ពន្ធលើដី និងអគារថ្មី ខណៈដែលប្រាក់ចំណូលរបស់ទីក្រុងបាងកក បានធ្លាក់ចុះយ៉ាងខ្លាំង ចាប់តាំងពីអត្រាយកពន្ធថ្មី ត្រូវបានអនុវត្តកាលពីដើមឆ្នាំនេះ។

មុនពេលអនុវត្តអត្រាថ្មីនេះ រដ្ឋបាលក្រុងបាងកក (BMA) បានកំណត់យកអត្រាពន្ធលើដី និងអគារនៅត្រឹម១២,៥% នៃប្រាក់ចំណូ លដែលបង្កើតដោយដីមួយឡូត៍។ ទោះជាយ៉ាងនេះក្តី នៅក្រោមច្បា ប់ថ្មី ពន្ធត្រូវបានគណនា ដោយផ្អែកតែលើតម្លៃនៃដីឡូត៍ប៉ុណ្ណោះ។

ជាលទ្ធផល លោក Chadchart បានលើកឡើងថា ប្រាក់ចំណូ លរបស់ BMA បានធ្លាក់ចុះយ៉ាងខ្លាំង។ ជាឧទាហរណ៍ BMA ធ្លាប់ប្រមូលថវិកាបានប្រហែល៣០០លានបាត ពីម្ចាស់ដីនៅស្រុក Phaya Thai ប៉ុន្តែចាប់តាំងពីអត្រាថ្មីចូលជាធរមាន កាលពីដើមឆ្នាំនេះ ចំនួនទឹកប្រាក់នេះ បានធ្លាក់ចុះមកនៅប្រហែល២០០លានបាត។

លោកបន្តថា ដូចគ្នានេះដែរ ម្ចាស់ហាងទំនិញមួយនៅស្រុកផាយ៉ាថៃ ឥឡូវនេះបង់ពន្ធត្រឹមតែ១,០៨លានបាតប៉ុណ្ណោះ ធ្លាក់ចុះពី១០,៧លានបាត ហើយម្ចាស់អគារការិយាល័យម្នាក់ ក្នុងស្រុកផាយ៉ាថៃឥឡូវនេះបង់ពន្ធដី ត្រឹមតែ៣លានបាត ខុសផ្ទុយពី១១,៤៩លានបាត ព្រោះពន្ធត្រូវបានគណនាតែលើតម្លៃដី មិនមែនចំណូលពីការជួលទេ។

លោកបានបន្តដកស្រង់ ឧទាហរណ៍របស់ម្ចាស់ដីម្នាក់ទៀត ដែលធ្លាប់បង់ពន្ធដី និងអគារប្រហែល៤,៣៥លានបាត ប៉ុន្តែត្រូវបានគិតត្រឹមតែ៧៦.៨០០បាតក្នុងឆ្នាំនេះ ដោយសារការផ្លាស់ប្តូររបៀបគណនាថ្លៃឈ្នួល។

លោកអភិបាលក៏បានកត់សម្គាល់ផងដែរថា ការប្រមូលពន្ធនៅតំបន់ឧស្សាហកម្ម ក្នុងទីក្រុងបានធ្លាក់ចុះជាលទ្ធផល ខណៈម្ចាស់ផ្ទះដែលរស់នៅក្នុងតំបន់លំនៅដ្ឋាន នៅតំបន់ជាយក្រុងត្រូវប្រឈមនឹងអត្រាខ្ពស់ជាងនេះ។

លោក Chadchart បានមានប្រសាសន៍ទៀតថា “អ្នកដែលមានដីឡូត៍ជាមួយផ្ទះត្រូវបង់ពន្ធបន្ថែម បើទោះបីជាពួកគេមិនទទួលបានប្រាក់ចំណូលពីដីឡូតិ៍ របស់ពួកគេក្នុងឆ្នាំនេះយ៉ាងណាក្តី”។

លោក Chadchart បានជំរុញឱ្យរដ្ឋាភិបាលថៃថ្មី ដែលនឹងចូលមក គ្រប់គ្រងផ្តួចផ្តើមការពិនិត្យឡើងវិញ នៃរចនាសម្ព័ន្ធពន្ធដោយលោកអះអាងថា វានឹងជួយកាត់បន្ថយវិសមភាព៕

កម្ពុជា-សិង្ហបុរី ចុះកិច្ចព្រមព្រៀង បង្កើតស្ថានីយថែទាំ និងជួសជុលយន្តហោះ នៅអាកាសយានដ្ឋានអន្តរជាតិតេជោ

ភ្នំពេញ)៖ ក្រុមហ៊ុន Cambodia Airport Investment Co., Ltd. (CAIC) និងក្រុមហ៊ុនចុះបញ្ជីនៅទីផ្សារភាគហ៊ុនសិង្ហបុរី SIA Engineering Company Limited (SIAEC) នៅថ្ងៃទី៣០ ខែឧសភា ឆ្នាំ២០២៣ បានប្រកាសពីការចុះហត្ថលេខា លើកិច្ចព្រមព្រៀងសហការ ដើម្បីបណ្តាក់ទុនរួមគ្នាលើ line maintenance (ស្ថានីយថែទាំ និងជួសជុលយន្តហោះ) នៅកម្ពុជា។

ការចុះហត្ថលេខា លើកិច្ចព្រមព្រៀងសហការ ដើម្បីបណ្តាក់ទុនរួមគ្នានេះ ធ្វើឡើងក្រោមវត្តមានលោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល, អ្នកឧកញ៉ាបណ្ឌិត ពុង ឃាវសែ អគ្គនាយកក្រុមហ៊ុន Cambodia Airport Investment Co., Ltd. និងលោក Ng Chin Hwee (ង៉ិន ជិនហ៊ី) អគ្គនាយកក្រុមហ៊ុន SIA Engineering។

អ្នកឧកញ៉ាបណ្ឌិត ពុង ឃាវសែ បានថ្លែងថា «យើងមានភាពរីករាយជាខ្លាំង ក្នុងការសហការជាមួយក្រុមហ៊ុន SIAEC។ យើងមានជំនឿយ៉ាងមុតមាំថា ការនូវជំនាញបចេ្ចកទេស និងការបំពេញការងារ អនុលោម តាមគោលការណ៍របស់ SIAEC នឹងផ្តល់សារៈសំខាន់ដល់ភាពជោគជ័យយូរអង្វែង នៃក្រុមហ៊ុនបណ្តាក់ទុនរួមគ្នានេះ ជាលទ្ធផលនឹងផ្តល់ឱកាសការងារសំខាន់ៗ ដល់ទីផ្សារពលកម្មយើងកាន់តែច្រើន»។

អ្នកឧកញ៉ាបណ្ឌិត ពុង ឃាវសែ បានបន្ដទៀតថា «យើងមានក្តីរំភើបឥតឧបមា ហើយជឿជាក់ថា កិច្ចសហការជាដៃគូរយុទ្ធសាស្ត្រនេះ នឹងហុចផ្លែផ្កាលើសពីការរំពឹងទុក»។

លោក Ng Chin Hwee បានថ្លែងថា ក្រុមហ៊ុនបណ្តាក់ទុនរួមគ្នានេះ ជាការសហការជាមួយក្រុមហ៊ុន CAIC នឹងផ្តល់ការគាំទ្រដ៏ស៊ីជំរៅ ផ្នែក Line Maintenance ជាមួយការជឿជាក់ខ្ពស់ និងសេវាកម្មវិស្វកម្ម ប្រកបដោយគុណភាព ទៅដល់ប្រតិបត្តិការអាកាសចរណ៍ នៅអាកាសយានដ្ឋានអន្តរជាតិតេជោ។

លោកបានបន្ថែមទៀតថា វាក៏បានជួយពង្រឹងតួនាទីរបស់ SIAEC ជាប្រតិបត្តិករផ្តល់សេវា Line Maintenance ឈានមុខគេជាមួយគុណភាព និងប្រសិទ្ធភាពសេវាកម្មថែទាំ និងជួសជុលខ្ពស់ ដល់អតិថិជននៅបរទេសទាំងអស់។

លោកឧកញ៉ា ឆារស៍ វ៉ាន់ អគ្គនាយករងក្រុមហ៊ុន Cambodia Airport Investment បានពន្យល់ផងដែរថា ការបង្កើតសេវាកម្មថែទាំ និងជួសជុលយន្តហោះនេះ គឺចាប់ផ្តើមពីធនស្រាល ទៅធនធ្ងន់ ដោយដៃគូសិង្ហបុរី នឹងនាំមកនូវបច្ចេកវិទ្យា បទពិសោធន៍ និងធនធាន មកចែករំលែកនៅកម្ពុជា។

លោកឧកញ៉ា ឆារស៍ វ៉ាន់ បានបន្ថែមទៀតថា គម្រោងបង្កើតស្ថានីយ៍ថែទាំ និងជួសជុលយន្តហោះ អាចនឹងចាប់ផ្តើមដំណាលគ្នា និងការចាប់ផ្តើមដំណើរការ អាកាសយានដ្ឋានអន្តរជាតិតេជោ នៅដើមឆ្នាំ២០២៥។

បើតាមសេចក្ដីប្រកាសព័ត៌មាន, ផ្អែកលើកិច្ចព្រមព្រៀង ក្រុមហ៊ុន SIAEC នឹងកាន់កាប់៥១% នៃក្រុមហ៊ុនបណ្តាក់ទុននេះ ហើយក្រុមហ៊ុន CAIC នឹងកាន់កាប់៤៩%។ ក្រុមហ៊ុនបណ្តាក់ទុនរួមគ្នានេះ នឹងបង្កើតឲ្យមានសេវាកម្ម line maintenance នៅក្នុងអាកាសយានដ្ឋានអន្តរជាតិភ្នំពេញថ្មី ដែលត្រូវបានកំណត់ឈ្មោះថា អាកាសយានដ្ឋានអន្តរជាតិតេជោ។

អាកាសយានដ្ឋានអន្តរជាតិតេជោ (ដំណាក់កាលទី១) គឺជាអាកាសយានដ្ឋានអន្តរជាតិថ្មី ដែលបានសាងសង់នៅភាគខាងត្បូងទីក្រុង ចម្ងាយប្រមាណ១៩គីឡូម៉ែត្រ ពីរាជធានីភ្នំពេញ ជាមួយគម្រោងសាងសង់ សរុប១.៥ពាន់លានដុល្លារអាមេរិក។

ការសាងសង់ និងការអភិវឌ្ឍន៍ គម្រោងអាកាសយានដ្ឋានអន្តរជាតិតេជោ ចែកចេញជា៣ដំណាក់កាល ដែលអាចទទួលអ្នកដំណើរបានដល់៥០លាននាក់ ដោយមានផ្លូវរត់សម្រាប់យន្តហោះបី និងអគារស្ថានីយ៍ផ្សេងៗ គ្រប់ដណ្តប់លើផ្ទៃដីសរុប ២៦០០ហិកតា។

ក្រុមហ៊ុនបណ្តាក់ទុននេះ នឹងចាប់ដំណើរការនៅខែមីនា ឆ្នាំ២០២៥ ស្របពេល និងការចាប់ផ្តើមដំណើរការរបស់អាកាសយានដ្ឋានអន្តរជាតិតេជោផងដែរ។ ក្រុមហ៊ុនបណ្តាក់ទុនរួមគ្នានេះ នឹងបំពេញបន្ថែមទៅលើបណ្តាញស្ថានីយ៍ Line Maintenance អន្តរជាតិ (LMI) ដែលមានស្រាប់របស់ SIAEC។

ផ្អែកលើសមត្ថភាពវិស្វកម្ម និងបទពិសោធន៍ប្រតិបត្តការពីគ្រប់បណ្តាញ LMI របស់ SIAEC ក្រុមហ៊ុនបណ្តាក់ទុនរួមគ្នានេះ រំពឹងថា នឹងក្លាយទៅជាស្ថានីយ៍ថែទាំ និងជួសជុល (MRO) យន្តហោះប្រចាំថ្នាក់តំបន់ ក្នុងអាកាសយានដ្ឋានអន្តរជាតិតេជោ។

សូមបញ្ជាក់ថា គិតត្រឹមថ្ងៃទី៣១ ខែមីនា ឆ្នាំ២០២៣ អាកាសយានដ្ឋានអន្ដរជាតិតេជោ សម្រេចការសាងសង់ បានជាង៤៦%។ នេះបើតាមការបញ្ជាក់ឲ្យដឹងពី លោក ស៊ិន ចាន់សិរីវុត្ថា អនុរដ្ឋលេខាធិការ និងជាអ្នកនាំពាក្យអាកាសចរស៊ីវិល៕

Asian stocks mostly higher as US debt deal revives confidence

SYDNEY: Asian stocks were mostly higher on Tuesday as investors cheered the prospect that the world’s largest economy will avert a major debt default, improving sentiment across most asset classes.

MSCI’s broadest index of Asia-Pacific shares outside Japan rose 0.4 percent early Tuesday after U.S. stocks were closed on Monday for the Memorial Day holiday. The index is down 1.3 percent so far this month.

Australian shares were up 0.03 percent while the Nikkei stock index slipped 0.28 percent, cooling a bit after the Japanese benchmark hit a 33-year high on optimism over the U.S. debt deal and a weaker yen, which helps the country’s exporters.

Hong Kong’s Hang Seng Index climbed 0.31 percent while China’s CSI300 Index dipped 0.06 percent.

In Asian trade, longer-dated U.S. Treasuries rallied on Tuesday as bond traders welcomed the deal to suspend Washington’s borrowing limit.

“There’s still a huge disconnect between bond markets and equities. The bond market is implying there is an extreme 70 percent probability of a U.S. recession in the next year. These signals stand in stark contrast to the resilient equity market.”

Source: Reuters

1...916917918...3,256 Page 917 of 3,256