ដោយស៊ីវ ម៉េង
ភ្នំពេញ: ជាថ្នាក់ដឹកនាំមួយរូបដែលមានបទពិសោធន៍យូរឆ្នាំ និងជាអ្នកយុទ្ឋសាស្រ្តផ្នែកទីផ្សារលោកគុយ វ៉ាតដែលជាប្រធាជាប្រធានក្រុមហ៊ុន Century 21 Cambodiaបានបង្ហាញពីគន្លឹះ ដើម្បីក្លាយជាក្រុមហ៊ុនភ្នាក់ងារអចលនទ្រព្យឲ្យទទួលបានជោគជ័យ។
លោកគុយ វ៉ាតដែលក៏ជាអគ្គនាយកក្រុមហ៊ុនVTRUST GROUPបានមានប្រសាសន៍ឲ្យដឹងកាលពីល្ងាចថ្ងៃទី១២ ធ្នូកន្លងមកថា ជាថ្នាក់ដឹកនាំក្រុមហ៊ុន ពិតជាតួនាទីសំខាន់ណាស់ អ្វីកាន់តែសំខាន់នោះគឺពួកគាត់មានឳកាសចូលរួម ពិសេសសិក្សាស្វែងយល់ពីបទពិសោធន៍នៅបរទេស។
លោកបន្តថា ការសហការគ្នាចែករំលែកគ្នា នឹងទទួលបានជោគជ័យ ព្រោះនៅមានការងារច្រើនណាស់ ដែលយើងធ្វើមិនអស់ និងមានផលប្រយោជន៍ជាច្រើនទៀត ដែលយើងមិនទាន់ទាញយកអស់សក្តានុពល។
លោកបន្តថា “ការសិក្សាមានសារៈសំខាន់ណាស់ ព្រោះដើម្បីទទួលបានបទពិសោ ធន៍ផង និងចំណេះដឹងថ្មីៗផង ហើយអ្នកជោគជ័យតែងតែសិក្សាជាប់ជាប្រចាំ”។
លោកគុយ វ៉ាតបានបន្តថា មានអ្នកលើកឡើងថាការយកFranchiseពីក្រៅប្រទេស នាំឲ្យទីផ្សារមានបញ្ហាច្រើន និងប្រឈមមុខនឹងការប្រកួតប្រជែងខ្ពស់ ប៉ុន្តែការពិតមិនដូច្នេះទេ អ្វីសំខាន់គឺការរួមគ្នា និងចេះចែករំលែកគ្នា ទើបយើងទទួលបានជោគជ័យ។
លោកបន្តថា “ចាប់តាំងពីនាំ Franchiseក្រុមហ៊ុនCentury21 មកកម្ពុជារយៈពេល៤ឆ្នាំមកនេះ យើងបានរៀបចំផែនការ គន្លឹះ បច្ចេកទេស និងយុទ្ឋសាស្រ្តជាច្រើន ដើម្បីសម្រេចបានជោគជ័យ”។
លោកបន្តថាលោកគុយ វ៉ាតបានបន្តទៀតថា ពេលមកដល់ដំបូង និងពេលពួកគេទិញFranchiseដំបូង ពួកគេប្រឈមមុខនឹងបញ្ហាច្រើន ប៉ុន្តែបន្ទាប់ពីពួកគេបានចេញទៅក្រៅប្រទេសច្រើន បច្ចុប្បន្នសមាជិកក្រុមគ្រួសារCentury21 បានដឹងពីខ្យល់ ឬនិន្នាការទីផ្សារកំពុងបក់ទៅណា និងកំពុងទទួលបានជោគជ័យ។
លោកបន្តថា “ហេតុនេះនៅពេលពួកគេសហការគ្នា ចែករំលែកគ្នា និងប្តេជ្ញាចិត្តរួមគ្នា នឹងធ្វើឲ្យពួកគេទទួលបានជោគជ័យ”៕
