ដោយ: គង់ លាងហួរ
អន្តរជាតិ: នៅដើមសប្តាហ៍នេះ រដ្ឋបាលទីក្រុងសៀងហៃរបស់ប្រទេសចិនបានប្រកាសដាក់ចេញវិធានការជាបន្តបន្ទាប់ដើម្បីជំរុញវិស័យអចលនទ្រព្យ រួមមានការលុបចោលការរឹតបន្តឹងការទិញផ្ទះនៅតំបន់ជាយក្រុងផងដែរ។
វិធានការខាងលើបានចូលជាធរមាននៅថ្ងៃអង្គារ ទី២៦ ខែសីហា ឆ្នាំ២០២៥។នេះបើយោងតាមសារាចរណ៍ ចេញផ្សាយដោយគណៈកម្មាធិការអភិវឌ្ឍន៍ទីក្រុង-ជនបទ និងលំនៅដ្ឋានរបស់រដ្ឋបាលទីក្រុងសៀងហៃ។
នៅក្រោមវិធានការថ្មីនេះ រដ្ឋបាលក្រុងសៀងហៃនឹងមិនកំណត់ចំនួនផ្ទះ ដែលប្រជាជនអាចទិញនៅខាងក្រៅផ្លូវក្រវ៉ាត់ក្រុងនោះទេ។ ជាមួយគ្នានោះ បណ្តាអ្នកទិញផ្ទះនឹងទទួលបានការគាំទ្រកាន់តែខ្លាំងពីមូលនិធិ(Housing provident fund)។
មូលនិធិផ្តល់លំនៅដ្ឋាន(Housing provident fund) ជាកម្មវិធីសន្សំ ដែលគ្រប់គ្រងដោយរដ្ឋាភិបាលចិន។និយោជក និងនិយោជិតត្រូវបង់ប្រាក់ចូលមូលនិធិនេះជារៀងរាល់ខែ។ និយោជិតអាចប្រើប្រាក់ប្រាក់សន្សំនេះ និងអាចទទួលបាប្រាក់កម្ចីមានអត្រាការប្រាក់ទាបដើម្បីទិញ សាងសង់ ឬជួសជុលផ្ទះ។
អ្នកទិញផ្ទះលើកដំបូងនឹងមានសិទ្ធិទទួលបានកម្ចីពីមូលនិធិខាងលើ ក្នុងកម្រិតអតិបរមាចំនួន១,៨៤លានយ័ន(ប្រហែល២៥៨.៦០០ដុល្លារអាមេរិក)។ ចំណែក គ្រួសារដែលមានកូនច្រើន នឹងមានសិទ្ធិទទួលបានកម្ចីក្នុងកម្រិតអតិបរមាចំនួន២,១៦លានយ័ន៕ប្រភព: Xinhua៕
