ដោយៈ ម៉ាណា
ភ្នំពេញៈ រដ្ឋលេខាធិការក្រសួងប្រៃសណីយ៍ និងទូរគមនាគមន៍ លោកសូ វិសុទ្ធី បានអញ្ជើញជាអធិបតីក្នុងពិធីបិទ កម្មវិធីបណ្តុះបណ្តាលទេពកោសល្យបច្ចេកវិទ្យាICT របស់ក្រុមហ៊ុន Huawei Cambodia។
ពិធីនេះមានការអញ្ជើញចូលរួមពីថ្នាក់ដឹកនាំក្រសួង តំណាងក្រសួងស្ថាប័ន តំណាងស្ថានទូតចិនប្រចាំកម្ពុជា និងសាស្រ្តាចារ្យ ព្រមទាំងសិស្សជ័យលាភី សរុបប្រមាណ១២០នាក់។
កម្មវិធីបណ្តុះបណ្តាលទេពកោសល្យ បច្ចេកវិទ្យាICT របស់ក្រុមហ៊ុន Huawei Cambodia គឺជាផ្នែកមួយដ៏សំខាន់ក្នុងការជំរុញការកសាងមូលធនមនុស្សឌីជីថលឆ្នើមរបស់កម្ពុជា ជាពិសេសទេពកោសល្យឌីជីថល និងបានផ្ដល់ឱកាសដល់និស្សិត ដែលបានចូលរួមពង្រឹងជំនាញវិជ្ជាជីវៈ និងការចូលប្រកួតប្រជែងបច្ចេកវិទ្យា កម្រិតតំបន់និងសកលលោកផងដែរ។
ជាមួយគ្នានេះ លោករដ្ឋលេខាធិការ បានសម្តែងនូវការកោតសរសើរ និងវាយតម្លៃខ្ពស់ក្រុមហ៊ុន Huawei Cambodia និងដៃគូរអភិវឌ្ឍទាំងអស់ ដែលបានចូលរួមចំណែក ក្នុងការបណ្តុះបណ្តាលមូលធនមនុស្សឌីជីថល ដើម្បីចូលរួមធ្វើបរិវត្តកម្មឌីជីថលនៅកម្ពុជា៕
