ដោយៈ ម៉ាណា
ភ្នំពេញៈ មន្រ្តីជាន់ខ្ពស់ក្រសួងសាធារណការ និងដឹកជញ្ជូនបានបើកកិច្ចជំនួបពិភាក្សា ការងារជាមួយក្រុមជំនាញការ Worldbank ស្តីពីការតភ្ជាប់ការដឹកជញ្ជូនកម្ពុជា-ឡាវ។
កិច្ចប្រជុំនេះដឹកនាំដោយលោកជំទាវ សន សុភាវត្តី អគ្គនាយក នៃអគ្គនាយកដ្ឋានភស្តុភារកម្ម បានអញ្ជើញដឹកនាំកិច្ចជំនួបពិភាក្សាការងារជាមួយក្រុមជំនាញការក្រសួង និងមានការចូលរួមពីប្រធាននាយកដ្ឋាន ក្រុមការងារបច្ចេកទេសWorldbank និងមន្ត្រីជំនាញផងដែរ។
គោលបំណងនៃកិច្ចជំនួបពិភាក្សានេះគឺ ដើម្បីផ្លាស់ប្តូរយោបល់បច្ចេកទេស និងកំណត់អាទិភាពសំខាន់ៗ សម្រាប់ការពង្រឹងការតភ្ជាប់ការដឹកជញ្ជូន និងភស្តុភារកម្មរវាងកម្ពុជា និងឡាវ៕
