ដោយ វុត្ថា
ភ្នំពេញ៖ បន្ទាប់ពីដេកលក់យ៉ាងយូរ មហាយក្សចិនក្នុងរយៈពេលពីរទសវត្សរ៍ចុងក្រោយនេះ ដើម្បីស្តារនិងអភិវឌ្ឍន៍ប្រទេសរហូតក្លាយជាយក្សដ្ឋកិច្ចថ្មីមួយ នៅលើពិភពលោក ហើយប្រទេសនេះបានបង្អួតឧត្តមភាពជាបន្តបន្ទាប់ តាមរយៈការសាងសង់អាគារកប់ពពកជាច្រើន ដើម្បីបង្ហាញពីការរីកចម្រើន និងកិត្យានុភាពរបស់ខ្លួន។
ថ្ងៃនេះគេហទំព័រ Propertyarea.asia សូមនាំលោកអ្នកទៅទស្សនាអាគារកប់ពពកដ៏អស្ចារ្យមួយទៀត នោះគឺអគារមជ្ឈមណ្ឌលហិរញ្ញវត្ថុពិភពលោក សៀងហៃ ឬ Shanghai World Financial Center (SWFC)។
វាជាអគារខ្ពស់កបពកអស្ចារ្យមួយដែលស្ថិតនៅក្នុងតំបន់ Pudong នៃទីក្រុងសៀងហៃរបស់ប្រទេសចិន។ អគារនេះ ត្រូវបានរចនាប្លង់ដោយលោក Kohn Pedersen Fox និងអភិវឌ្ឍន៍ដោយក្រុមហ៊ុន Mori Building Company ដោយហការជាមួយវិស្វករក្រុមហ៊ុន Leslie E. Robertson Associates, China State Construction Engineering Corp និង ក្រុហ៊ុន Shanghai Construction Group ជាអ្នកចុះកិច្ចសន្យាសាងសង់ដ៏សំខាន់។
អគារខ្ពស់កបពពកនេះត្រូវបានគេប្រើប្រាស់រួម ដូចជា ការិយាល័យ សណ្ឋាគារ សាលសន្និសីទ កន្លែងកំសាន្ត និងផ្សារទំនើបជាដើម។ នៅក្នុងអគារនេះ មានសណ្ឋាគារមួយឈ្មោះ Park Hyatt Shanghai ដែលមានបន្ទប់ចំនួន១៧៤ ដែលស្ថិតនៅជាន់ទី ៧៩ និង៩៣ និងត្រូវបានគេចាត់ទុកថា ជាសណ្ឋាគារដែលខ្ពស់ជាងគេក្នុងពិភពលោកលំដាប់ទី៣ ក្នុងពិភពលោក បន្ទាប់ពីសណ្ឋាគារ Ritz-Carlton ក្នុងទីក្រុងហុងកុង ដែលស្ថិតក្នុងកម្រិតកជាន់ទី១០២ ទៅ១០៨ នៅក្នុងមជ្ឈមណ្ឌលពាណិជ្ជកម្មអន្តរជាតិ (International Commerce Center)។
អគារនេះដែលមានកម្ពស់ប្រមាណ៤៩២ម៉ែត្រ និង១០១ជាន់នេះ ត្រូវបានគេបោះទុនសាងសង់ចំនួន១២០០លានដុល្លារ ហើយបានសាងសង់បញ្ចប់នៅខែកញ្ញា ឆ្នាំ ២០០៧ បានធ្វើអោយអគារនេះ មានកម្ពស់កប់ពពកលំដាប់ទី៩ ក្នុងពិភពលោក និងខ្ពស់លំដាប់ទី៤ក្នុងប្រទេសចិន។ អគារដ៏អស្ចារ្យនេះ ត្រូវបានបើកអោយដំណើរការជាសាធារណៈនៅខែសីហា ឆ្នាំ2008។
មជ្ឈមណ្ឌលពាណិជ្ជកម្មកម្រិតពិភពលោកនេះ ត្រូវបានគេកោតសសើរយ៉ាងខ្លាំងចំពោះស្ថាបត្យករ ដែលបានគូប្លង់ និងចាត់ទុកថា ជាអគារខ្ពស់កប់ពកល្អបំផុតប្រចាំឆ្នាំ ២០០៨ បន្ទាប់សាងសង់រួច។
ក្នុងឆ្នាំ២០១៣អគារនេះត្រូវបានគេប្តូរឈ្មោះទៅ ជា Shanghai Tower ដែលជាស្ថាបត្យសំណង់ខ្ពស់បំផុតក្នុងប្រទេសចិនប្រចាំឆ្នាំ ២០១៧ កន្លងទៅនេះ៕
