សហរដ្ឋអាមេរិកអំពាវនាវឱ្យមានការវិនិយោគ និងភ្ញៀវទេសចរបន្ថែមពីប្រទេសជប៉ុន

0

ដោយ: គង់ លាងហួរ
អន្តរជាតិ: អភិបាលរដ្ឋរបស់សហរដ្ឋអាមេរិកមួយចំនួនកំពុងអំពាវនាវឱ្យមានការវិនិយោគសាជីវកម្ម និងទេសចរណ៍បន្ថែមទៀតពីប្រទេសជប៉ុន ដែលជាអ្នកវិនិយោគផ្ទាល់កំពូលនៅសហរដ្ឋអាមេរិក ដោយសង្ឃឹមថាវានឹងជួយដល់សេដ្ឋកិច្ចក្នុងស្រុកបន្ទាប់ពីជំងឺរាតត្បាតកូវីដ-១៩។

លោកស្រី Laura Kelly អភិបាលរដ្ឋ Kansas បានថ្លែងនៅក្នុងព្រឹត្តិការណ៍មួយនៅជាយក្រុង Washington កាលពីដើមខែឧសភាថា “យើងមានការរំពឹងទុកដ៏អស្ចារ្យសម្រាប់បណ្តាក្រុមហ៊ុនជប៉ុន”។ 

លោកស្រី Laura Kelly បានប្រាប់សារពត៌មាន Kyodo News ក្នុងអំឡុងពេលកិច្ចប្រជុំកំពូលវិនិយោគ SelectUSA ថា “ជាឧទាហរណ៍ ក្រុមហ៊ុន Panasonic កំពុងធ្វើការវិនិយោគដ៏ធំបំផុតនៅក្នុងប្រវត្តិសាស្រ្តរបស់រដ្ឋKansas ហើយយើងចង់បន្តនិន្នាការនេះ”។

ក្រសួងពាណិជ្ជកម្មសហរដ្ឋអាមេរិកបានរៀបចំព្រឹត្តិការណ៍នេះ ខណៈដែលប្រទេសភាគច្រើនបានរួចផុតពីវិធានការព្រំដែន ដែលធ្វើឱ្យមានភាពកាន់តែងាយស្រួលសម្រាប់ប្រជាជន រួមទាំងអ្នកទេសចរក្នុងការធ្វើដំណើរពីប្រទេសជប៉ុន និងប្រទេសដទៃទៀត។

នៅក្នុងព្រឹត្តិការណ៍អាជីវកម្មដែលត្រូវបានរៀបចំឡើងដោយរដ្ឋាភិបាលជប៉ុន អភិបាលរដ្ឋ Michigan លោក Gretchen Whitmer បានជំរុញដល់អ្នកចូលរួមជនជាតិជប៉ុនរាប់រយនាក់ឱ្យបង្កើនការវិនិយោគរបស់ពួកគេនៅសហរដ្ឋអាមេរិក។

ប្រទេសជប៉ុននៅតែជាប្រភពកំពូលនៃលំហូរវិនិយោគផ្ទាល់សរុបនៅក្នុងសហរដ្ឋអាមេរិកគិតត្រឹមឆ្នាំ២០២១ ដែលមានទឹកប្រាក់វិនិយោគចំនួន៧២១ពាន់លានដុល្លារ ឬស្មើទៅនឹង១៤% នៃចំនួនសរុប៕

LEAVE A REPLY

Please enter your comment!
Please enter your name here