ដោយៈ តែម សុខុម
ហ្សាការតា: ក្រុមហ៊ុនបណ្ដាញទំនាក់ទំនងសង្គមX របស់លោក Elon Musk ដែលទើបតែប្ដូរឈ្មោះពីTwitter បានជួបរឿងដ៏គួរឱ្យភ្ញាក់ផ្អើលនៅឥណ្ឌូនេស៊ី បន្ទាប់ពីគេហទំព័រ X.com របស់ក្រុមហ៊ុននេះត្រូវបានបិទ ឬ ប្លុកក្រោមការទប់ស្កាត់ របស់ប្រទេសនេះលើរឿងកូនជ្រូក និងល្បែងអនឡាញ។
ក្រសួងទំនាក់ទំនង និងព័ត៌មានឥណ្ឌូនេស៊ីបាននិយាយថា គេហទំព័រនេះ ត្រូវបានរឹតបន្តឹងដោយសារដែន ឬ Domain នៃគេហទំព័រនេះ ធ្លាប់ត្រូវបានប្រើប្រាស់ដោយគេហទំព័រនានា ដែលមិនគោរពច្បាប់ដ៏តឹងរ៉ឹង របស់ប្រទេសឥណ្ឌូនេស៊ី ប្រឆាំងមាតិកា “អវិជ្ជមាន” ដូចជារឿងកូនជ្រូក និងល្បែងស៊ីសងជាដើម។ នេះបើយោងតាមសារព័ត៌មាន Aljazeera ចុះផ្សាយកាលពីថ្ងៃពុធ ទី២៦ កក្កដា។
លោក Usman Kansong អគ្គនាយកព័ត៌មាន និងទំនាក់ទំនងសាធារណៈនៃក្រសួងនេះនិយាយថា រដ្ឋាភិបាលឥណ្ឌូនេស៊ី បានទាក់ទងទៅក្រុមហ៊ុន បណ្ដាញទំនាក់ទំនងសង្គមX របស់លោក Elon Musk ដើម្បីបញ្ជាក់អំពីចរិតលក្ខណៈនៃគេហទំព័រនេះ។
