ឧកញ៉ា​សៀ រិ​ទ្ឋី៖ លំហូរ FDI នៅ​ឆ្នាំ២០១៨ មិន​ប្រែប្រួល​ទេ

0

ដោយ៖ គង់ សូរិយា

ភ្នំពេញ៖ ស្របពេល​ប្រជាជន​បារម្ភ​ពី​ការបោះឆ្នោត​ឆ្នាំ២០១៨ក្តី ប៉ុន្តែ​អ្នកវិនិយោគ​ដែលមាន​កេ​រ្ត៍​ឈ្មោះ​ល្អ និង​ទទួលបាន​ជោគជ័យ​ក្នុង​វិស័យ​អចលនទ្រព្យ​បាន​លើកឡើងថា លំហូរ​ទុនវិនិយោគ​ដោយផ្ទាល់​នៅ​ឆ្នាំ២០១៨ មិន​រង​ផលប៉ះពាល់​នោះទេ។

លោក​ឧកញ៉ា សៀ រិ​ទ្ឋី ប្រធាន​ក្រុមប្រឹក្សាភិបាល​នៃ​ក្រុមហ៊ុន World Bridge Group បាន​ថ្លែង​ឲ្យ​ដឹង​កាលពី​ព្រឹក​ថ្ងៃទី២៨ វិច្ឆិកា​កន្លងមក​ថា បើ​និយាយ​ពី​ឆ្នាំ២០១៨ យើង​ត្រូវ​និយាយ​ពី​លំហូរ​ទុនវិនិយោគ​ផ្ទាល់​នាពេលនេះ គឺ​វា​ចុងឆ្នាំ​រួចទៅហើយ។ ដូច្នេះ​លំហូរ​ទុនវិនិយោគ​ដោយផ្ទាល់​ពី​បរទេស មិន​រង​ផលប៉ះពាល់​ទេ ទោះជា​មានការ​បោះឆ្នោត​ក្តី ព្រោះ​អ្នកវិនិយោគ​នានា​បានដឹង​ល​ទ្ឋ​ផល​ឆ្នោត​រួចទៅហើយ។

លោក​បន្តថា “សម្រាប់​ការគិត​របស់ខ្ញុំ ឆ្នាំ២០១៨ មិនមាន​ផលប៉ះពាល់​ទេព្រោះ​បើ​ខ្ញុំ​ជា​អ្នកវិនិយោគ ខ្ញុំ​ចង់​មក​វិនិយោគ​នៅ​ប្រទេស​ណាមួយ ខ្ញុំ​បាន​សិក្សា​ផែនការ​រួចទៅហើយ។ បើ​ខ្ញុំ​ចង់​វិនិយោគ​ស្រុក​ខ្មែរ ខ្ញុំ​បានរៀបចំ​គំរោង និង​កញ្ចប់​ថវិកា​រួចទៅហើយ ហេតុនេះ​បើ​ខ្ញុំ​មិន​មក​វិនិយោគ​ខ្ញុំ​ជា​អ្នក​ខាត។

លោក​ឧកញ៉ា សៀ រិ​ទ្ឋី បាន​បន្តទៀតថា ពួកគេ​អាច​យល់បាន​ហើយ ការបោះឆ្នោត​ទៅមុខ​ហើយ មិនមាន​អ្វី​គួរ​ឲ្យ​បារម្ភ​ទេ។ បើ​និយាយ​ពី​ការបញ្ជាទិញ​ទំនិញ​ពី​ស្រុក​ខ្មែរ សម្រាប់​ឆ្នាំក្រោយ គឺមាន​ការបញ្ជាទិញ​រួចទៅហើយ។ ហេតុនេះ​លោក​គិតថា ឆ្នាំ២០១៨មិនមាន​អ្វី​ប៉ះពាល់​ទេ។លោក​បន្តថា និន្នាការ​នៃ​ការវិនិយោគ​ក្នុង​វិស័យ​អចលនទ្រព្យ វា​មាន​កំនើន ទ្រឹង និង​ធ្លាក់ចុះ​ជាវ​ដ្ត​ធម្មតា​នៅក្នុង​ពិភពលោក។

លោក​បន្តថា “ខ្ញុំ​តែងតែ​ប្រាប់ថា ក្នុង​រយៈពេល៥ទៅ៨ឆ្នាំ គឺជា​ពេល​នៃ​ការសាងសង់។គឺ​បើ​យើង​មើល​ឆ្នាំ២០០៨ គំរោង​មួយចំនួន​បាន​ពន្យា​ពេល និង​គំរោង​មួយចំនួន​បាន​បញ្ចេញ​ទៅកាន់​ទីផ្សារ ហើយក៏​មានការ​សាងសង់​ឡើងវិញ។ នេះ​ជាវ​ដ្ត​នៃ​វិស័យ​អចលនទ្រព្យ។លោក​បន្តថា “នេះ​ជា​និន្នាការ​ធម្មតា​ក្នុង​វិស័យនេះ គ្រាន់តែ​អ្នក​អភិវឌ្ឍន៍​ត្រូវ​បំ​លែងខ្លួន​ចេញពី​ខុន​ដូ​ទៅធ្វើ​បុរី ហើយពី​បុរី​ទៅ​ខុន​ដូ អាស្រ័យ​លើ​តម្រូវការ​របស់​ទីផ្សារ”៕

LEAVE A REPLY

Please enter your comment!
Please enter your name here