ដោយ៖ វុត្ថា
ភ្នំពេញ៖ ប្រទេសកូរ៉េខាងត្បូងបានសន្យា នាំចេញស្វាយពីកម្ពុជាជាលើកតំបូងនៅឆ្នាំ២០១៨ខាងមុខនេះ ប្រសិនជាគ្មានអ្វីប្រែប្រួលទេនោះ។
ក្នុងជំនួបជាមួយសម្តេចសេនាភក្តីសាយ ឈុំ ប្រធានព្រឹទ្ធសភានៅថ្ងៃទី ៣០ ខែវិច្ឆិកានេះ លោកKim Weon Jin ឯកអគ្គរដ្ឋទូតសាធារណៈរដ្ឋកូរ៉េដែលបានបញ្ចប់អាណត្តិកាទូតនៅកម្ពុជាបានថ្លែងថា រដ្ឋាភិបាលនៃប្រទេសកូរ៉សន្យាថានាំស្វាយពីកម្ពុជាជាលើកដំបូងទៅកាន់ប្រទេសកូរ៉េ។ រដ្ឋាភិបាលនៃប្រទេសកូរ៉ខាងត្បូង នៅតែបន្តជួយដល់កលកម្ពុជា និងបានបង្កើតសាលាបណ្តុះបណ្តាលកសិកម្ម ដល់ប្រជាពលរដ្ឋអោយមានជំនាញដាំដុះ ជាពិសេសមានជំនាញលើការផលិតស្វាយឲ្យបានល្អ ដើម្បីនាំចេញទៅប្រកូរ៉េនៅឆ្នាំ ២០១៨ ខាងមុខ។
លោកបានបន្តថា “រដ្ឋាភិបាលនៃប្រទេសកូរ៉េខាងត្បូង បានសន្យាយ៉ាងមុតមាំថាក្រោយពីបណ្តុះបណ្តាល និងដាក់មាស៊ីនត្រួតពិនិត្យលើគុណភាពផលិតផលរួច នៅឆ្នាំក្រោយនេះនេះនឹងនាំស្វាយអោយបានជាច្រើនតោន ពីកម្ពុជាជាលើកដំបូងទៅកាន់ប្រទេសមួយក្រោយពីបរាជ័យកាលពីលើកមុន។
លោកឯកអគ្គរដ្ឋទូតថ្លែងបន្តថា ការធ្វើដូច្នេះ ដោយសារតែរដ្ឋាភិបាលកូរ៉េមានទំនាក់ទំនងល្អ ជាមួយកម្ពុជាលើគ្រប់វិស័យ ហើយបានជួយដល់សេដ្ឋកិច្ចរបស់ប្រទេសកម្ពុជាឲ្យមានការរីកចម្រើន ។ បន្ថែមពីនេះ ប្រទេសកូរ៉េចង់ឲ្យប្រជាកសិករកម្ពុជា មានប្រាប់ចំណូលសមរម្យក្នុងវិស័យកសិកម្ម ជាពិសេសដំណាំស្វាយ។
ឯកអគ្គរដ្ឋទូតចប់អាណត្តិរូបនេះបានសន្យា នឹងជម្រាបដល់រដ្ឋាភិបាលរបស់ខ្លួន ឲ្យបង្កើនការវិនិយោគបន្ថែមទៀត និងបង្កើនទេសចរណ៍ឲ្យបានច្រើនមកទស្សនា នៅកម្ពុជាអោយបានកាន់តែច្រើនទ្វេដង។
សម្តេចវិបុលសេនាភក្តីសាយ ឈុំបានថ្លែងលើកឡើងពីទប្រវត្តិនៃទំនាក់ទំនងរវាងប្រទេសទាំងពីរ និងបានថ្លែងអំណោយគុណដល់រដ្ឋាភិបាលកូរ៉េដែលបានចូលរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ច សង្គមរបស់កម្ពុជា៕
