ដោយ៖ វុត្ថា
ភ្នំពេញ៖ វិបត្តិនៃការនាំចូលជ្រូកពីប្រទេសវៀតណាម យកមកលក់ក្នុងប្រទេសកម្ពុជាដោយខុសច្បាប់ នៅតែជាចំណោទដែលគ្មានដំណោះស្រាយច្បាស់លាស់នៅឡើយ និងបានធ្វើអោយសមាគមអ្នកចិញ្ចឹមសត្វកម្ពុជា និងអ្នកចឹញ្ចឹមជ្រូក ក្នុងស្រុកលើកឡើងម្តងហើយម្តងទៀត ដើម្បីមានដំណោះស្រាយសមស្របសម្រាប់ពួកគាត់។
អនុប្រធានសមាគមអ្នកចិញ្ចឹមសត្វកម្ពុជា លោក ជេត ភារម្យ បានថ្លែងនៅក្នុងសន្នីសីតសារព័ត៌មានស្តីពី ការនាំជ្រូកចូលដោយអនាធិប្បតេយ្យពីប្រទេសជិតខាង និងផលប៉ះពាល់ដល់អ្នកចិញ្ចឹមជ្រូក ដោយសារតម្លៃជ្រូករស់ធ្លាក់ចុះនា ព្រឹកថ្ងៃទី៤ ធ្នូនេះថា សម្រាប់ឆ្នាំ ២០១៧ អ្នករករស៊ីចឹញ្ចឹមជ្រូកក្នុងប្រទេសកម្ពុជាកំពុងជួបវិបត្តិយ៉ាងធ្ងន់ ដោយសារតែមានការនាំជ្រូកចូលខុសច្បាប់ តាមច្រក របៀងមួយចំនួននៅតាមបន្ទាប់ព្រុំដែនកម្ពុជាវៀតណាម។
លោកបន្តថា កាលពីឆ្នាំ ២០១៥-២០១៦ កន្លងទៅនេះ ប្រជាកសិករបានលក់ជ្រូករបស់ខ្លួនក្នុងតម្លៃខ្ពស់ពី៨ ម៉ឺន ទៅ ៩ ពាន់រៀលក្នុងមួយគីឡូ ដោយសារតែមានការចឹញ្ចឹមបានល្អ ដូច្នេះពួកគេបានបង្កើនការចិញ្ចឹមដោយបានខ្ចីលុយពីធនាគារ ស្រាប់តែមកដល់ដើមឆ្នាំនេះ មានការនាំជ្រូកប្រមាណជា ១ពាន់ ទៅ១៨០០ក្បាលដោយខុសច្បាប់ ពីប្រទេសវៀតណាហើយបានធ្វើអោយតម្លៃជ្រូករបស់កសិករក្នុងស្រុក មានការធ្លាក់ចុះហើយលក់មិនចេញ។ កសិករប្រមាណ ៥០ភារយនៅទូទាំងប្រទេស ក៏បានបោះការចឹញ្ចឹមជ្រូក ដោយសារជំពាក់ធនាគារ។
សមាជិកក្រុមប្រឹក្សាភិបាលសមាគម លោក ប៊ុន ហៀងបានលើកឡើថា សមាគមន៍ និងអ្នកចិញ្ចឹមជ្រូកមិនអាចទប់ស្កាត់រដ្ឋាភិបាល ឲ្យបញ្ឈប់ការនាំចូលជ្រូកមកកម្ពុជាទេ ព្រោះវាជាទីផ្សារសេរី ប៉ុន្តែអ្វីដែលសំខាន់ស្នើរសុំដល់អជ្ញារពាក់ព័ន្ធ ជាពិសេអជ្ញាធរនៅតាមបន្ទាត់ព្រំដែន ត្រូវមានការទប់ស្កាត់ និងត្រួតពិនិត្យឲ្យបានត្រឹមត្រូវមុននឹងចូលដល់ប្រទេសកម្ពុជា ជាពិសេសទប់ស្កាត់ការលក់ដំលៃទាបជាងក្នុងស្រុក បើមិនចឹងទេកសិករនឹងត្រូវបិតកសិដ្ឋានរបស់ខ្លួន។
លោកស្រី មន ណារី កសិករមកពីស្រុកកៀនស្វាយបានលើកឡើងថា មកដល់ពេលនេះ លោកស្រីបានខាតជ្រូកមួយក្បាលជាង១០ម៉ឺនរៀល ហើយលោកស្រីជំពាក់លុយធនាគា។ លោកស្រីជំរុញឲ្យអាជ្ញាធរទប់ស្កាត់ ការនាំជ្រូកចូលដោយខុសច្បាប់ ដើម្បីអោយលោកស្រីមានលទ្ធភាពចឹញ្ចឹមសត្វឡើងវិញ ដើម្បីផ្តត់ផ្គត់គ្រួរសារអោយមានជីវភាពធូធារ ស្របតាមគោលការរបស់ប្រមុខរាជរដ្ឋាភិបាលក្នុងការលើកកម្កើតជីវភាពពលរដ្ឋ។
កាលពីថ្ងៃទី២៥ ខែមេសា ឆ្នាំ ២០១៧ កន្លងទៅនេះ ក្រសួងកសិកម្ម រុក្ខាប្រមាញ និងនេសាទបានចេញសារាចរណែនាំមួយស្តីពីការនាំចូល និងលើកកម្ពស់គុណភាពសត្វ ព្រមទាំងរក្សាតម្លៃជ្រូកក្នុងស្រុកនោះ បានជម្រុញអោយមានការទប់ស្កាក់ ការនាំចូលសត្វដែលខ្វះស្តង់ដារ និងត្រួតពិនិត្យអោយបានត្រឹមត្រូវមុននឹងអនុញ្ញាតិអោយលក់នៅក្នុងទីផ្សារកម្ពុជា៕
