តម្លៃហាងឆេងមាសបានបន្តងើបឡើងថ្លៃនៅល្ងាចថ្ងៃសុក្រនេះ

ដោយ: គង់ លាងហួរ
អន្តរជាតិ: បើប្រៀបធៀបនឹងតម្លៃក្នុងពេលបិទការជួញដូរកាលពីថ្ងៃព្រហស្បតិ៍ម្សិលមិញ គេសង្កេតឃើញថា តម្លៃហាងឆេងមាសបានបន្តងើបឡើងថ្លៃនៅល្ងាចថ្ងៃសុក្រនេះ ខណៈរបាយការណ៍បានបង្ហាញថា សូចនាករអតិផរណារបស់សហរដ្ឋអាមេរិកបានធ្លាក់ចុះកាលពីខែឧសភាកន្លងទៅ។

តួយ៉ាង តម្លៃមាស Spot Gold បានងើបឡើង០,៨៥%ដល់២៣២២,៨៦ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,៨៨ភាគរយដល់២៣៣៨,៤០ដុល្លារ ក្នុងមួយអោន គិតត្រឹមម៉ោង៥:១១នាទីល្ងាច។

គិតត្រឹមពេលបិទការជួញដូរកាលពីថ្ងៃព្រហស្បតិ៍ម្សិលមិញ តម្លៃមាស Spot Gold បានស្ថិតនៅត្រឹម២៣០៣,១៩ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold future បានស្ថិតនៅត្រឹម២.៣១៨ដុល្លារ ក្នុងមួយអោន៕