ដោយៈ គង់ សូរិយា
កំពង់ស្ពឺៈ មានទីតាំងនៅកៀករាជធានីភ្នំពេញ មានប្រជាជនច្រើន និងមានហេដ្ឋារចនាសម្ព័ន្ឋល្អប្រសើរ តភ្ជាប់ទៅកាន់បណ្តាខេត្តជាប់មាត់សមុទ្រេ កំពង់ស្ពឺកំពុងលេចឡើងជាខេត្ត មានការអភិវឌ្ឍលឿនមួយក្នុងចំណោមរាជធានី ខេត្តដទៃទៀត។
ខេត្តកំពង់ស្ពឺក្នុងប្រទេសកម្ពុជា មានវិស័យសក្តានុពលជាច្រើនសម្រាប់ការវិនិយោគ និងការអភិវឌ្ឍន៍។
ដោយសារលក្ខខ័ណ្ឌអាកាសធាតុល្អប្រសើរនៅកម្ពុជា ដំណាំស្រូវ នៅតែជាដំណាំលេចធ្លោមួយ ក្នុងកំពង់ស្ពឺ ដែលមានដីកសិកម្មដ៏ធំសម្បើម ស័ក្តិសមសម្រាប់ដំណាំស្រូវ ដំឡូងមី និងដំណាំផ្សេងៗទៀត។
ខេត្តមួយនេះ ក៏ជាប់ឈ្មោះជាខេត្តមានដើមត្នោត ច្រើនជាងគេផងដែរ ខេត្តនេះអាចផលិតកម្មស្ករត្នោត៖ ជាខេត្តល្បីល្បាញដោយសារស្ករត្នោតមានគុណភាពខ្ពស់ ដែលមានស្ថានភាពសម្គាល់ភូមិសាស្ត្រ (GI)។
ក្រៅពីដំណាំខាងលើ ខេត្តនេះមានដំណាំដែលទាញបានលុយច្រើនផងដែរ ដូចជា ចម្ការកៅស៊ូ និងស្វាយចន្ទី៖ ដីអំណោយផល និងអាកាសធាតុជួយដល់ការដាំដុះកៅស៊ូ និងស្វាយចន្ទី។
កម្ពុជាមានសហគ្រាសធុនតូច និងមធ្យមប្រមាណ៧០ម៉ឺនកន្លែង ដែលអំណោយផល ដល់ការកែច្នៃស្ករត្នោត អង្ករ និងដំឡូងមី៖ ការវិនិយោគលើផលិតកម្មបន្ថែម តម្លៃអាចបង្កើនការនាំចេញ។
ការយល់ដឹងពីអាហារសុខភាព និងជីវភាពប្រជាពលរដ្ឋប្រសើរឡើង ផ្នែកកសិកម្មសរីរាង្គក៏មានដំណើរការល្អផងដែរ ព្រោះកំណើនតម្រូវការផលិតផលសរីរាង្គ បានផ្តល់នូវឱកាសទីផ្សារក្នុងស្រុក និងនាំចេញ។
ការចិញ្ចឹមគោ ក្របី និងបសុបក្សីជាតម្រូវការរបស់ប្រជាពលរដ្ឋគ្រប់រូប ខណៈទីផ្សារមានតម្រូវការសាច់ និងផលិតផលទឹកដោះគោខ្លាំង នៅក្នុងប្រទេសកម្ពុជា និងប្រទេសជិតខាង។
ផលិតកម្មចំណីសត្វ៖ ឧស្សាហកម្មបសុសត្វ ក៏កំពុងកើនឡើងត្រូវការការផលិតចំណីក្នុងស្រុកបន្ថែមទៀត។
ទោះបីមិនមានសមុទ្រ ប៉ុន្តែខេត្តនជសម្បូរជួរភ្នំ និងមានរមណីយដ្ឋាន និងឧទ្យានជាតិជាច្រើន ដូចជា ឧទ្យានជាតិគីរីរម្យ ដែលផ្តល់ឱកាស សម្រាប់ផ្ទះសំណាក់បែបអេកូ ទេសចរណ៍ផ្សងព្រេង និងកន្លែងកម្សាន្តធម្មជាតិ។
លើសពីនេះ ទេសចរណ៍កសិ-ទេសចរណ៍ កសិដ្ឋាន និងចំការអាចត្រូវបានអភិវឌ្ឍន៍ សម្រាប់វិស័យអប់រំ និងទេសចរណ៍ផ្អែកលើបទពិសោធន៍។
ក្រៅពីខេត្តកណ្តាល កំពង់ស្ពឺទំនងជាខេត្តដែលមានរោងចក្រកាត់ដេរ និងវាយនភណ្ឌច្រើនជាងគេ។ ខេត្តមានតំបន់ឧស្សាហកម្មដែលទាក់ទាញរោងចក្រកាត់ដេរ និងស្បែកជើងច្រើន។
ខេត្តនេះក៏ទាក់ទាញរោងចក្រ សហគ្រាសផលិតគ្រឿងបន្លាស់រថយន្ត គ្រឿងអេឡិចត្រូនិច និងការផលិតទំនិញប្រើប្រាស់ អាចទទួលបានអត្ថប្រយោជន៍ពីតម្លៃពលកម្មទាប និងនៅជិតទីក្រុងភ្នំពេញ។
ដោយសារកម្ពុជាមានការរីកចម្រើនយ៉ាងឆាប់រហ័ស បានធ្វើឲ្យតម្រូវការថាមពលពន្លឺព្រះអាទិត្យ និងជីវម៉ាសកើនឡើងប្រចាំឆ្នាំ។ ការកើនឡើង នៃតម្រូវការថាមពលកកើតឡើងវិញ ធ្វើឱ្យកំពង់ស្ពឺជាទីតាំងដ៏ល្អ សម្រាប់កសិដ្ឋានថាមពលពន្លឺព្រះអាទិត្យ និងគម្រោងជីវម៉ាស។
ក្រៅពីវិស័យ ដែលមានសក្តានុពលខាងលើ ខេត្តនេះក៏ទាក់ទាញអ្នកវិនិយោគជាតិ អន្តរជាតិ ចូលរួមអភិវឌ្ឍន៍គម្រោងលំនៅដ្ឋាន និងពាណិជ្ជកម្ម។
ការកើនឡើងចំនួនប្រជាជន និងសកម្មភាពឧស្សាហកម្ម បានបង្កើនតម្រូវការសម្រាប់លំនៅឋាន និងកន្លែងពាណិជ្ជកម្ម។
ជាមួយគ្នានេះ ការសាងសង់ខ្លាំងសម្រាប់លក់ និងជួលWarehousing & Logistics ក៏មានតម្រូវការ និងកំណើនខ្ពស់ ដោយសារកំពង់ស្ពឺ មានទីតាំងនៅជិតទីក្រុងភ្នំពេញ ធ្វើឱ្យវាក្លាយជាទីតាំងដ៏ល្អ សម្រាប់មជ្ឈមណ្ឌលដឹកជញ្ជូន និងឃ្លាំង៕
