ភាគីខាងកម្ពុជាចាំទទួលបេសកជនចិននៅព្រលានយន្តហោះ។ រូបថត៖ សហការី
ដោយៈ រ៉ាណេត
ភ្នំពេញៈ រដ្ឋាភិបាលចិនបានបញ្ចូលបេសកជនចិនប្រមាណ២០០០នាក់ មកដល់ទឹកដីកម្ពុជា ក្នុងដំណើរទស្សនៈកិច្ចដើម្បីអបអរសាទរឆ្នាំនៃវប្បធម៌ និងទេសចរណ៍ កម្ពុជា-ចិន ២០១៩ ក៏ដូចជាធ្វើការសិក្សាស្វែងយល់បន្ថែមពីឱកាសវិនិយោគ ក្នុងនាមជាដៃគូលើវិស័យទេសចរណ៍។
នៅក្នុងដំណើរទស្សនៈកិច្ច ដើម្បីអបអរសាទរឆ្នាំនៃវប្បធម៌ និងទេសចរណ៍កម្ពុជា-ចិន ២០១៩ រដ្ឋាភិបាលសាធារណរដ្ឋ ប្រជាមានិតចិន បានបញ្ជូនគណៈប្រតិភូក្រសួងវប្បធម៌ និងទេសចរណ៍ ដែលជាបេសកជនចិនប្រមាណ២.០០០នាក់ ឱ្យធ្វើដំណើរមកទស្សនកិច្ចនៅកម្ពុជាចាប់ពីថ្ងៃទី២ ដល់៨ខែមិថុនា ឆ្នាំ២០១៩។ នេះបើយោងតាមការចេញផ្សាយរបស់ក្រសួងទេចរណ៍។
-->
អនុរដ្ឋមន្ត្រីក្រសួងវប្បធម៌ និងទេសចរណ៍ នៃសាធារណរដ្ឋ ប្រជាមានិតចិន លោក ចាង ស៊ុ រួមជាមួយនឹងបេសកជនជាច្រើន ក្នុងចំណោម២.០០០នាក់នោះបានធ្វើដំណើរមកដល់អាកាសយានដ្ឋានអន្តរជាតិខេត្តសៀមរាប និងរាជធានីភ្នំពេញជាបណ្តើរៗហើយ កាលពីយប់ថ្ងៃទី០៤ខែមិថុនា ឆ្នាំ២០១៩។
តាមគម្រោងនៃកម្មវិធី នៅរសៀលថ្ងៃទី០៥ ខែមិថុនានេះដែរ ភាគីកម្ពុជា-ចិន នឹងមានវេទិកាជជែក «Business Matching Between Tour Operators of Cambodia and China» ឬហៅថា វេទិកាផ្គូរផ្គងដៃគូធុរកិច្ចទេសចរណ៍ រវាងក្រុមហ៊ុនការីទេសចរណ៍ចិន (អ្នកទិញ) ចំនួន៥០ក្រុមហ៊ុន ជាមួយក្រុមហ៊ុនការីទេសចរណ៍កម្ពុជា (អ្នកលក់) ចំនួន៥០ក្រុមហ៊ុនផងដែរ។
គណៈប្រតិភូបេសកជនចិនទាំង ២.០០០នាក់ ដែលបានមកទស្សនាកម្ពុជា ដើម្បីឈ្វេងយល់អំពីឱកាសវិនិយោគក្នុងវិស័យទេសចរណ៍ និងជួយផ្សព្វផ្សាយអំពីសក្តានុពលទេសចរណ៍ កម្ពុជាដល់ប្រជាជនចិន ក៏ដូចជាទាក់ទាញ ទេសចរចិនមកកម្ពុជាឱ្យកាន់តែច្រើនថែមទៀត។
«ឆ្នាំនៃវប្បធម៌ និងទេសចរណ៍កម្ពុជា-ចិន ២០១៩» នេះត្រូវបានផ្តួចផ្តើមឡើង ដោយក្រសួងវប្បធម៌ និងទេសចរណ៍ចិន សហការជាមួយក្រសួងទេសចរណ៍ និងក្រសួង វប្បធម៌ និងវិចិត្រសិល្បៈកម្ពុជា ដើម្បីពង្រឹង និងពង្រីកកិច្ចកិច្ចសហប្រតិបត្តិការរួមគ្នា លើផ្នែកទេសចរណ៍ និងវប្បធម៌ រវាងប្រទេសទាំងពីរបន្ថែមទៀត មានដូចជា ការជំរុញការផ្សព្វផ្សាយ ទេសចរណ៍រួមគ្នាការផ្លាស់ប្ដូរទស្សនកិច្ចសិក្សា ការបណ្ដុះបណ្ដាលធនធានមនុស្ស ការសម្ដែងសិល្បៈរួមគ្នាជាដើម៕
