ដោយ វុត្ថា
ភ្នំពេញៈ ការវិនិយោគបរទេសពីបរទេសចូលទៅកាន់់ប្រទេសម៉ាឡេស៊ី នៅក្នុងត្រីមាសទី១ បានកើនឡើង៧៣,៤%នៅក្នុងសន្ទស្សន៍ប្រចាំឆ្នាំ កើនឡើងដល់២៩,ពាន់លានរីងហ្គីត ស្មើនឹងប្រមាណ៧ពាន់លានដុល្លារ។
អាជ្ញាធរអភិវឌ្ឍន៍វិនិយោគម៉ាឡេស៊ី (MIDA) បានឱ្យដឹងក្នុងសេចក្តីថ្លែងការណ៍មួយកាលពីពេលថ្មីៗនេះថា ការវិនិយោគសរុបដែលបានអនុម័ត បានកើនឡើង៣,១ភាគរយ ធៀបនឹងរយៈពេលដូចគ្នាកាលពីឆ្នាំមុន ពោលមានចំនួន៥៣,៩ពាន់លានរីងហ្គីតនៅត្រីមាសទី១ ជាមួយនឹងការវិនិយោគក្នុងស្រុក បានអនុម័តចំនួន២៤,៦ពាន់លានរីងហ្គីតដែលស្មើនឹង៤៥,៦ភាគរយ នៃការវិនិយោគសរុប។
-->
របាយការណ៍របស់MIDAបានបន្តថា កំណើនវិនិយោគទុន មានភាពវិជ្ជមានក្នុងត្រីមាសទី១នេះ នឹងជំរុញអោយមានភាពដ៏រឹងមាំនៃវិស័យផលិតកម្ម ដែលបានកើនឡើងដល់១២៦,៨ ភាគរយ ស្មើនឹង១១ពាន់លានរីងហ្គីត បើប្រៀបធៀបទៅនឹងត្រីមាសទី១ឆ្នាំ ២០១៨។
ការវិនិយោគបរទេសនៅក្នុងគម្រោងផលិតកម្ម ដែលបានអនុម័តបានកើនឡើង ១២៧ ភាគរយពីមួយឆ្នាំទៅមួយឆ្នាំពោលមានថវិកាចំនួន ២០,២ ពាន់លានរីងហ្គីតដែលភាគច្រើន ត្រូវបានគាំទ្រដោយប្រទេសសហរដ្ឋអាមេរិក ចិន សិង្ហបុរី ជប៉ុននិងចក្រភពអង់គ្លេស។
ការវិនិយោគផ្នែកផលិតកម្មរបស់ប្រទេសចិន មានចំនួន៤,៤ពាន់លានរីងហ្គីដស្មើនឹង១,0៦ ពាន់លានដុល្លារ ដែលរួមបញ្ចូលទាំងការវិនិយោគ ពីក្រុមហ៊ុនអេឡិចត្រូនិកអន្តរជាតិ XSD ផ្នែកផលិតក្រដាស ហើយត្រូវបានគេព្យាករណ៍ថា នឹងជំរុញការអភិវឌ្ឍន៍នៃការផលិតក្រដាស ដែលពាក់ព័ន្ធទាំងអស់នៅក្នុងតំបន់ជាមួយ នឹងការស្នើឱ្យមានការវិនិយោគទឺកប្រាក់ប្រមាណ២.៣ ពាន់លានរីងហ្គីតស្មើ៥៥០លានដុល្លារ។
MIDA បានឱ្យដឹងថា ក្រុមហ៊ុននេះ មានគម្រោងសហការជាមួយសាកលវិទ្យាល័យបច្ចេកទេសក្នុងស្រុកមួយ ដើម្បីបង្កើនជំនាញផលិតក្រដាសនៅក្នុងប្រទេសម៉ាឡេស៊ី។
ទន្ទឹមនឹងនេះដែរ វិស័យសេវាកម្មបានទាក់ទាញ នៃការវិនិយោគដ៏ធំដែលប្ររដ្ឋាភិបាលម៉ាឡេស៊ី បានអនុម័តមានចំនួន ១.៤៤៥ គម្រោងដែលមានតម្លៃ ២៦,១ ពាន់លានរីងហ្គីតស្មើនឹង ៦,២៧ ពាន់លានដុល្លារ ។ ជាមួយគ្នានេះ នៅក្នុងត្រីមាសទី១ផងដែរវិស័យចម្បងផ្សេងៗទៀត ក៏ត្រូវបានអនុម័តផងដែរដែលមានទឹកប្រាក់ចំនួន២,៤ ពាន់លានរីងហ្គីតស្មើ ៥៧៦ លានដុល្លារដល់គម្រោងវិនិយោគសរុប។
យោងតាមសេចក្តីថ្លែងការណ៍បានឱ្យដឹងថា ការវិនិយោគសរុបដែលបានអនុម័តក្នុងខែមករា ដល់ខែមីនាមានចំនួន១.៦៧៨គម្រោង ហើយត្រូវបានគេរំពឹងថានឹងបង្កើតឱកាសការងារចំនួន៤១.២00 សម្រាប់ជូនប្រជាជនម៉ាឡេស៊ី៕
